Author: webrwanda

Umukinnyi wa filime ukomeye cyane mu Rwanda, Mutoni Assia uzwi muri cyane muri filime ye yakoze y’uruhererekane ya Gatarina ari nako akinamo yitwa, yahishuye ko ubu ari mu rukundo kandi aryohewe gusa ngo umukunzi we aba hanze y’u Rwanda ku buryo hari igihe ajya amukumbura akabura uko abigenza rimwe na rimwe ararira kubera urukumbuzi.

Mu kiganiro n’ikinyamakuru ISIMBI, Assia yavuze ko gukundana n’umuntu uri kure ari ibintu bitoroshye kuko nk’iyo uzi ko n’umukumbura utari buhite umubona biba bibikurushaho.

Ati 'Gukundana n’umuntu uri kure biraryana, uzi kugukundana n’umuntu uri bumukumbure utari bumubone, utanabona uko ujya kumureba aho umushakiye, wanasara, iyo mukumbuye ndarira nkihanagura.'

Yavuze ko umukunzi we ari umunyarwanda uba hanze yarwo ariko igihe cyo gutangaza amazina ye kikaba kitaragera.

Ati 'Umukunzi wanjye ni umunyarwanda, izina si ngombwa kurivuga ariko ubu atuye hanze y’u Rwanda. Ni cyo kintu cya mbere kigora, ntuba uzi ibyo yiriwemo, ntuzi ibyo akora na we ntazi ibyo urimo, uramukumbura ukumva ikintu cyakumara urukumbuzi ni ukumva akajwi ke, hari n’igihe umuhamagara ugasanga ntabwo muhuje amasaha ntakwitabe.'

Yakomeje avuga ko kandi gukundana n’umuntu uri kure bisaba kwihangana kuko biba bigoye, ntabwo umwe aba azi ibyo mugenzi we yiriwemo, umuntu ashobora kuguha inkuru utanazi ukaba wayifata nk’ukuri kandi ari ikinyoma, bikaba bisaba kwizerana hagati y’abakundana.

Uyu mukobwa akaba yavuze ko atari ubwa mbere akundanye n’umuntu uba hanze y’u Rwanda kuko hari abandi 3 batandukanye.

Uyu mukobwa wakoze filime n’indirimbo yise 'Long Distance’ biri busohoke uyu munsi, ngo yashakaga kugaragaza imvune ziba muri urwo rukundo ndetse no kugaragaza amwe mu manyanga akorerwamo aho hari ababa bashaka kurya abantu baba hanze amafaranga yabo kandi batanabakunda.

Mutoni Assia ahamya ko gukundana n’umuntu uba kure bigorana

Kompanyi Meta Networks, nyiri Facebook, ivuga ko abakoresha uru rubuga ku munsi bagabanutse bakagera kuri miliyari 1.929 mu mezi atatu yo kugeza mu mpera y’ukwezi kwa cumi na kabiri, ugereranyije n’abantu miliyari 1.930 bo mu mezi atatu yabanje byanatumye ihomba amafaranga menshi asaga miliyari 10 z'amadolari.

Iyi kompanyi yanaburiye ko hari ukwiyongera gucye kw’ibyo yinjiza, muri iki gihe irimo guhatana na za kompanyi z’abacyeba nka TikTok na YouTube, kandi ko abamamaza na bo barimo kugabanya amafaranga yabo.

Imigabane ya Meta yagabanutseho agaciro karenga 20% mu masaha ya nyuma y'uko isoko riremuye (rifunze) i New York. Kugabanuka mu gaciro k’imigabane ya Meta, kwatumye iyi kompanyi itakaza miliyari zirenga 200 z’amadolari ya Amerika yo mu gaciro kayo ko ku isoko ry’imari n’imigabane.

Imigabane y’izindi mbuga nkoranyambaga zirimo nka Twitter, Snap na Pinterest, nayo yagabanutse cyane muri ayo masaha ya nyuma y'uko isoko riremuye.

Umukuru wa Facebook, Mark Zuckerberg yavuze ko ubucuruzi bw’iyi kompanyi bwakomwe mu nkokora mu gihe abakoresha uru rubuga – cyane cyane urubyiruko – bimukiye kuri kompanyi z’abacyeba.

Meta, ifite urubuga rwo kwamamarizaho rwa kabiri runini ku isi nyuma ya Google, na yo yavuze ko yagize ibibazo bijyanye n’impinduka ku makuru y’ubuzima bwite ku rubuga (operating system) rwa Apple.

Izo mpinduka zatumye ibigo byamamaza birushaho kugorwa no gutanga ubutumwa bwabyo bwo kwamamaza no gupima ikigero cy’abo bugeraho kuri Facebook na Instagram, kandi uyu mwaka zishobora kugira ingaruka “ibarirwa muri miliyari 10 z’amadolari ya Amerika”, nk'uko bivugwa na David Wehner, umuyobozi mukuru ushinzwe imari muri Meta.

Ibyo Meta yinjiza byose hamwe – ahanini bituruka mu bucuruzi bwo kwamamaza – byarazamutse bigera kuri miliyari 33.67 z’amadolari ya Amerika muri icyo gihe, birengaho gato uko isoko ryari ryateganyije.

Iyi kompanyi inateganya ko ibyo yinjiza bizaba hagati ya miliyari 27 na miliyari 29 z’amadolari ya Amerika mu mezi atatu ari imbere, ikigero kiri hasi ugereranyije n’icyo abasesenguzi bari biteze.

N'ubwo iyi kompanyi imaze igihe ishora imari muri videwo mu rwego rwo guhatana na TikTok – ifitwe na kompanyi y’ikoranabuhanga yo mu Bushinwa, ByteDance – yinjiza amafaranga makeya avuye muri ibyo ugereranyije n’uburyo busanzwe bwayo bw’amakuru (feeds) bwa Facebook na Instagram.

Bwana Zuckerberg yavuze ko yizeye ko ishoramari muri videwo no kwigana imikorere isanzwe gukozwe na mudasobwa (ibizwi nka ‘virtual reality’) bizatanga umusaruro, nk'uko byagenze mbere ku buryo bwo kwamamariza kuri telefone zigezweho n’uburyo bw’inkuru zo kuri Instagram (Instagram stories).

Ariko yavuze ko iyi kompanyi bitari ngombwa ko ihatana na mucyeba wayo ukomeye, mu gihe cy’impinduka zabanje zo mu mikorere.

Yagize ati: “Amatsinda [y’abakozi] arimo gushyira mu bikorwa neza kandi n’igicuruzwa kirimo gukura vuba cyane”. Yakomeje ati”Ikintu urebye cyihariye hano, ni uko TikTok yamaze kuba mucyeba munini cyane kandi ikomeje gukura ku muvuduko wihuta cyane”.

Src:www.CNN.com

Ni ikibazo kimaze igihe ariko cyagize ubukana uhereye mu mezi make ashize ndetse cyongereye impungenge mu borozi kubera amatungo yabo akomeje kwibasirwa.

Inyana z'imitavu ni zo zikunze kwicwa no kuribwa n'iyo nyamaswa itaramenyekana neza.

Umuyobozi w'Ihuriro ry'amakoperative y'aborozi b'inka mu Karere ka Nyabihu, Gad Tegeri, yabwiye IGIHE ko imibare y'inyana zimaze kumenyekana ko zishwe ugera kuri 81 aho mu Karere ka Nyabihu hari 51, Rutsiro 8 naho Ngororero zikaba ari 22.

Tegeri yavuze ko iyo nyamaswa yabanje muri Ngororero nko mu 2019 ihamara nk'amezi atandatu yimukira muri Rutsiro ihamara igihe gito na ho ihava ijya Nyabihu aho imaze nk'umwaka.

Yagize ati “Yabanje kurya inka icyenda bavuga ko ari imbwa hashira igihe itarongera kugira iyo yakura. Kuva mu kwezi kwa munani nibwo yakoze ibara ku buryo buri munsi yagombaga kurya inka.”

Yakomeje avuga ko ku bantu bazi iby'inyamaswa nk'abashumba bakuze babonye ibimenyetso byemeza ko ari impyisi hashingiwe ku buryo ifata amatungo no kuba igera nijoro igahuma.

Ibi byiyongeraho kuba yagaragaye inshuro ebyiri mu Murenge wa Muringa na Rambura muri Nyabihu aho yafashe inka bakayitesha n'aho yahuye n'umuturage agatabaza bagenzi be bakamutabara.

Guverineri w'Intara y'Iburengerazuba, Habitegeko François yabwiye IGIHE ko
hatangiye gufatwa ingamba z'uburyo iki kibazo cyakemurwa, zirimo gushyira camera mu nzuri kugira ngo iyo nyamaswa ibashe kumenyekana neza.

Yavuze ko Camera zafashe impyisi, ingunzu n'imbwa z'agasozi ariko atahamya ko muri izo hari iyica inyana kuko mu zishwe harimo n'incuke.

Guverineri Habitegeko ntiyatangaje umubare nyirizina w'inyana zishwe ariko ahamya ko ari ikibazo gihangayikishije.

Ati 'Aka kanya nta mibare mfite y'izimaze kwicwa ariko nubwo yaba imwe ni ikibazo ku baturage ni yo mpamvu inzego zose zahagurutse kugira ngo dushake igisubizo ariko tubwira n'abaturage kubaka ibiraro by'inyana ku buryo iyo nyamaswa itabona aho ica kuko iraza ikazisanga ku gasozi nijoro n'abafite inzuri basabwa gushyiraho inzitiro.'

Guverineri Habitegeko yavuze ko ba nyiri amatungo na bo bagomba kuba maso izindi nzego zikabafasha nk'uko kuri ubu RDB yamaze kuhageza imitego ifata inyamaswa zikiri nzima.

Yakomeje agira ati 'Turakangurira abaturage bafite ubumenyi mu gukoresha imitego itica kuza bakadufasha tukayitega; ho harimo n'agahimbazamusyi ku muturage uzayitega tukabasha kuyifata.'

'Ikindi dukangurira aborozi ni ugushyira amatungo yabo mu bwishingizi kugira ngo bunganire ikigega cy'ingoboka kibishyura ngo badakomeza guhomba mu gihe yaba itarafatwa.'

Habitegeko yavuze ko abafite inka zishwe n'iyo nyamaswa bazishyurwa n'Ikigega cy'Ingoboka (Special Guarantee Fund: SGF) ndetse ko kuri uyu wa Gatatu hafashwe umwanzuro wo guhamagaza iki kigega kwegera aborozi no kubigisha uko bakora raporo byihuse kuko ubusanzwe bakora raporo bibagiwe ibimenyetso by'ingenzi.

Kujya mbyukira kuri izi message nanjye bimaze kuntera ubwoba. @RDBrwanda @cakamanzi @zniyonkuru turabinginze mudufashe kuko nimwe dutezeho icyizere cyo gufata iyi nyamaswa. Uko mutanda kudutabara niko inka zishira 🙏🙏.
Iyi nayo cyayiriye ijoro ryakeye. pic.twitter.com/SvsyIMPWMi

— IBERE RYA BIGOGWE🇷🇼🇷🇼❤ (@Ngabo_Karegeya) February 2, 2022

Karegeya na bagenzi bawe barimo Tegeri Gad nizere ko Governor @HabitegekoFran1 yabagezeho hamwe na team ( @Rwandapolice @RDBrwanda ) mufate ingamba zikomeye, zirambye kdi icyo gikoko ntabwo cyaturusha imbaraga nibiba ngombwa kuraswe, nibitarangira natwe turaza tubafashe. https://t.co/za9xedlMxp

— Gatabazi Jean Marie Vianney (@gatjmv) February 2, 2022

Mwiriwe,
1/2 Iki kibazo turi gufatanya n'inzego z'ibanze ndetse n'iz'umutekano kugikemura. Turi kwifashisha inzira zinyuranye harimo n'ikoranabuhanga kugira ngo iriya nyamaswa tuyimenye.

— Rwanda Development Board (@RDBrwanda) February 2, 2022

2/2 Turashishikariza aborozi kubakira imitavu ibiraro no gukomeza gukaza amarondo kuko iriya nyamaswa bigaragara ko yibasira imitavu iri hanze yonyine. Ejo tuzongera duhure n'aborozi, akarere, n'inzego z'umutekano turebe izindi ngamba nshya.

— Rwanda Development Board (@RDBrwanda) February 2, 2022

Imwe mu nyana zishwe n'inyamaswa bivugwa ko itaramenyekana mu nzuri za Gishwati

Igishushanyo mbonera kigaragaza uko uwo mudugudu uzaba wubatse

Amakuru Kigali Today yahawe na Kagenza wo mu mushinga wita ku bidukikije muri Gicumbi (Green Gicumbi Project), arerekana ko uwo mudugudu wubakwa n’Akarere ka Gicumbi binyuze mu mushinga wa Green Gicumbi ku nkunga y’ikigega Gishinzwe gutera inkunga imishinga irengera ibidukikije (FONERWA), aho uzatwara amafaranga y’u Rwanda asaga miliyari imwe na miliyoni 648 (1,648,469,308 FRW).

Igikorwa cyo kubaka uwo mudugudu kiyobowe na Minisiteri y’Ingabo binyuze mu mutwe w’Inkeragutabara (Reserve force), ukaba urimo kubakwa na Kampani ya Engineering Consultancy and Environmental Technology Ltd.

Icyo gikorwa cyo kubaka uwo mudugudu wa Kabeza, cyatangiye tariki 25 Kamena 2021. Biteganyijwe ko ku itariki 24 Mata 2022 ibikorwa byo kubaka uwo mudugudu bizaba bigeze ku musozo ugashyikirizwa abaturage.

Ni umudugudu uzaba ugizwe n’inzu 18, imihanda, imiyoboro y’amazi, uburyo bwo gufata amazi y’imvura no kuyabyaza umusaruro, robine, ahagenewe ubworozi bw’amatungo maremare n’amagufi, ahakorerwa ubuhinzi bwo mu nzu (greenhouses) n’ibindi.

Abaturage bazatuzwa muri uwo mudugudu, ni abafite ubushobozi buke kurusha abandi, ni ukuvuga abari mu cyiciro cya mbere n’icya kabiri by’ubudehe bakazatoranywa n’inteko z’abaturage, ariko hakarebwa abari batuye mu manegeka bo mu tugari twa Gihanga, Gishambashayo na Nyamiyaga two mu Murenge wa Rubaya.

Ni igikorwa gikomeje gusurwa n’abayobozi batandukanye ku rwego rw’Igihugu, urwego rw’Intara y’Amajyaruguru n’Akarere ka Gicumbi.

Nyirarugero Dancille, Umuyobozi w’Intara y’Amajyaruguru, ubwo yasuraga uwo Mudugudu tariki 31 Mutarama 2022, agenzura uko imirimo yo kuwubaka igenda, yashimye uburyo ibikorwa byo kubaka uwo mudugudu bikomeje kugenda neza, by’umwihariko anishimira cyane uburyo abaturage bo mu mirenge ya Cyumba na Rubaya bahawe akazi muri icyo gikorwa.

Ni umudugudu uteganya kwakira imiryango 100, aho icyiciro cya mbere cy’iyubakwa ryawo kizakira imiryango igera kuri 40.

Abu Ibrahim al-Hashimi al-Qurayshi yaguye muri Syria mu ijoro ryo ku wa Gatatu rishyira ku wa Kane, tariki 3 Gashyantare 2022, aho yazize igisasu yiturikirijeho kikamuhitana n’abo mu muryango we.

Bamwe mu bantu ba mbere bageze aho Abu Ibrahim al-Hashimi al-Qurayshi yaguye, bavuze ko bahasanze imirambo y’abantu 13 nyuma y’igitero cyari cyagabwe aho hantu.

Ibikorwa by’Ingabo za Leta Zunze Ubumwe za Amerika bikaba byari bigambiriye inyubako ebyiri intasi zakekaga ko ariho Abu Ibrahim ari. Ni inyubako ziri mu mujyi wa Atmeh mu Majyaruguru y’intara ya Idlib hafi y’umupaka wa Turukiya.

Leta Zunze Ubumwe za Amerika zatangaje ibi, nyuma y’ukwezi kumwe hatangiye ibikorwa byo guhiga bukware uyu muyobozi wa Islamic State.

Amakuru yatanzwe n’abatuye hafi y’inyubako Abu Ibrahim al-Hashimi al-Qurayshi yabagamo, ni uko Ingabo zidasanzwe za Leta Zunze Ubumwe za Amerika zimugabyeho igitero zifashishije indege za gisirikare, ariko nyuma y’urusaku rw’imbunda rwamaze amasaha abiri kajugujugu zahise zigenda.

Amerika yavuze ko umuryango wabaga mu nzu yo hasi wabanje guhungishirizwa ahantu hatekanye.

Ikipe y’igihugu ya Misiri yaraye isezereye muri 1/2 cy’igikombe cy’Afurika ikipe Cameroun yakiriye irirushanwa isanga Senegal ku mukino wa nyuma.

Cameroun yagiye ibona amahirwe akomeye nk’aya Michael Ngadey-Ngadjui na Samuel Gouet ark kuyabyaza umusaruro burananirana.

Muri iyi mukino nta mahirwe menshi Misiri yigeze ibona, na Mohammed Salah wari witezwe nta kintu gihambaye yakoze.

Iminota 90 yarangiye ari 0-0 bongeraho 30 nayo irangira ntawubashije kureba mu izamu ry’undi bahita bitabaza penaliti.

Cameroun ntabwo yahiriwe na penaliti kuko uretse Clinton Njié wayiteye hanze, umunyezamu wa Misiri yakuyemo penaliti zayo 2 zatewe na James Lea Siliki na Harold Noukoudi ni mu gihe iyinjiye ari iya Vincent Aboubakar.

Penaliti eshatu za Misiri zinjijwe na Zizo, Mohamed Abdel Monem na Mohanad Mostafa Lasheen.

Ku mukino wa nyuma uzaba tariki ya 6 Gashyantare 2022, uzahuza Misiri na Senegal yasezereye Burkina Faso muri 1/2, Sadio Mane yifashe amashusho avuga ko bazatsinda Misiri ya Salah bakinana muri Liverpool 1-0.

Ni mu gihe Cameroun yakiriye irushanwa izahatanira umwanya wa 3 na Burkina Faso, ni umukino uzaba ejo ku wa Gatandatu.

Wari umukino utoroshye

Misiri yageze ku mukino wa nyuma w’igikombe cy’Afurika