Author: webrwanda

Nyuma y’umukino wo kuri uyu wa Gatandatu wahuje aya makipe amaze imyaka irenga 50 ahangana, nibwo uyu mutoza yemeje ko Kiyovu Sports uri ku mwanya wa mbere ikwiriye, kandi ibyo ikora bimwemerera gutwara igikombe.

Ku rundi ruhande, Haringingo Francis Christian utoza Kiyovu Sports we yavuze ko anyuzwe n’intsinzi yatumye baguma ku mwanya wa mbere ku rutonde rwa Shampiyona.

Ibitego bibiri byahaye SC Kiyovu amanota atatu y’uyu munsi, byatsinze na Bigirimana Abedi ku munota wa 34 ndetse na Muhoozi Fred watsinze ku munota wa 90+2′ agakomeza kwigarurira imitima y’Abayovu.

Mu kiganiro n’abanyamakuru, umutoza wa Rayon Sports nta rwitwazo rwo gutsindwa na rumwe yari afite, uretse gusa kwemeza ko yatsinzwe n’ikipe nziza kandi ikwiriye ibirenze gutsinda Rayon Sports.

George Paixão yagize ati “Imyiteguro yacu yari myiza, ariko uyu munsi twakinnye n’ikipe nziza, ndatekereza ko ari yo kipe nziza muri shampiyona, ari nayo mpamvu iri ku mwanya wa mbere.”

“Mu mukino bari beza, twagerageje byose ariko twemera ko abo twahanganye bakomeye kuturusha.  Iyo bigenze gutya tuvuga ko hakoze neza (Congratulations), natwe tukajya gukora ibindi, uko ni ukuri.”

Avuga uko umukino wagenze yagize ati “Kiyovu irakomeye n’abakinnyi bayo ni beza, twari dufite uburyo n’ibitekerezo muri uyu mukino, ariko abo twahanganye barakomeye cyane..”

“Ntekereza ko wagerageje wari umukino mwiza, twagerageje gukora ibishoboka byose ngo duhindure umukino ariko Kiyovu Sports ni nziza.”

George yakomeje ati “Kubwanjye navuga ko Kiyovu ari yo kipe nziza muri shampiyona ishobora no gutwara igikombe kuko ifite gahunda zinoze, abakinnyi beza, umutoza mwiza cyane n’imikorere myiza..”

Paixão imibare yamushiranye

Ku ruhande rwa Haringingo Francis Christian utoza Kiyovu Sports we yavuze ko wari umukino mwiza kandi ugoye kuko ari ‘Derby’ imaze igihe kandi atari ngombwa gukina ibiryoheye ijisho muri ‘Derby’ ahubwo icyangombwa ari ugutsinda.

Yavuze ko anezerewe n’itsinzi ikwiriye ati “Nanezerewe cyane kuko dutsinze dukwiriye gutsinda mu buryo bwose.”

“Twashoboraga gutsinda ibitego birenga 3,4 cyangwa 5, ariko Imana ibyo yaduhaye ni ibyo nyine, twabonye bibiri (ibitego) muri byinshi twaremeye uburyo, njyewe ndishimye cyane, kubwo gutsinda uyu mukino, tukagumana umwanya wacu wa mbere.”

SC Kiyovu yungikanya imbaraga zigana ku gikombe cya shampiyona iheruka mu myaka 28 ishize, yujuje amanota 50, aho izagumana umwanya wa mbere nyuma y’imikino y’umunsi wa 22 wa shampiyona.

SC Kiyovu iri gukubita umuhisi n’umugenzi

APR FC izakina na Rutsiro FC kuri iki cyumweru niyo iri ku mwanya wa kabiri, inakurikirana intambwe na Kiyovu Sports iyirusha amanota 5 n’umukino umwe.

Umukobwa wagaragaje umushinga ugaruka ku buzima bw’imyororokere yabaye Bahali Ruth [No 3] ahita ahabwa sheke ya miliyoni 1.800.000 Frw, uwahize abandi muri siporo ni Uwimana Marlene [No 69] akaba asanzwe akina karate aho afite umukandara ubanziriza uw’umukara.

Ikamba ry’mukobwa uzi kwifotoza Miss photogenic ryegukanye na Ndahiro Mugabekazi Queen [No 42] akaba nawe arahabwa miliyoni 2.400.000 Frw atangwa na Diamond Smile Clinic.

Umukobwa wagaragaje impano kurusha abandi yabaye Saro Amanda [No 48] yari ahanganye na Kayumba Darina na Uwimana Marlene, akaba afite impano yo kuririmba ndetse no gucuranga. Uwagaragaje impano kurusha abandi akaba yahembwe miliyoni 2.400.000 Frw atangwa na IGIHE.

Ikamba ry’umukobwa ukunzwe cyane kurusha abandi Miss Popularity ryegukanywe na Nshuti Muheto Divine [No 44], agomba guhabwa miliyoni 2.400.000 Frw atanga na FORZZA.

Miss Hertage yabaye Ruzindana Kelia, arahabwa sheke ya miliyoni 5 Frw atangwa n’uruganda rwenga inzoga rwa BRALIRWA.

Umushingwa mwiza ufite udushya Most Innovative Project wabaye Uwimana Jeannette [No 68] ufite ubumuga bwo kutavuga no kutumva uwa uwegukanye iri kamba azahabwa umushahara wa buri kwezi w’ibihumbi 500 Frw na Banki ya Kigali, ndetse akazafasha n’ibindi birimo no kumuhugura mu ndimi harimo no kuba Brand Ambassador wa BK.

Uyu mukobwa w’imyaka 18 yitabiriye Miss Rwanda yinjiriye ku itike y’Intara y’Iburengerazuba aho yanyuze mu ijonjora ryabereye mu Karere ka Rubavu ku wa 30 Mutarama 2022.

Agikandagira mu irushanwa, ubwiza bwe bwaratangariwe kugeza n’aho Miss Mutesi Jolly wari mu bagize Akanama Nkemurampaka yeruye akamubwira ko ari 'Mwiza’.

Muheto yatoranyijwe nk’uhiga abandi 19 uburanga, ubwenge n’umuco. Yabaye Nyampinga wa 12 watowe mu mateka y’iri rushanwa ku butaka bw’u Rwanda.

Irushanwa ry’ubwiza mu Rwanda ryatangiye mu 1993, icyo gihe Nyampinga yabaye Miss Uwera Dalila, ryambitswe Bahati Grace mu 2009, mu 2012 rihabwa Kayibanda Mutesi Aurore, mu 2014 ryambikwa Akiwacu Colombe, Kundwa Doriane arihabwa mu 2015, Mutesi Jolly atorwa mu 2016.

Ikamba rya 2017 ryegukanywe na Iradukunda Elsa, irya 2018 ryahawe Iradukunda Liliane, 2019 amahirwe yasekeye Nimwiza Meghan, akurirwa mu ngata na Nishimwe Naomie mu 2020 mu gihe irya 2021 rifitwe na Ingabire Grace.

Ikamba rya Nyampinga w’u Rwanda 2022 rikabya ryegukanywe na Nshuti Muheto Divineahigitse bagenzi be babiri Kayumba Darina na Keza Maolithia bageranye ku cyiciro cya nyuma.

Umuhango wo gutanga ikamba rya Nyampinga w’u Rwanda 2022 usimbura Ingabire Grâce ufite irya 2021 wabereye mu Ntare Conference Arena, tariki ya 19 Werurwe 2022.

Ryari ryitabiriwe na bamwe muri ba Nyampinga baryegukanye nka Miss Mutesi Jolly wa 2016 wari mu kanama nkemurampaka , Miss Iradukunda Elsa wa 2017, Iradukunda Liliane wa 2018, Nimwiza Meghan wa 2019 na Nishimwe Naomie wa 2020 ndetse na Ingabire Grace wa 2021 wagomba gutanga ikamba.

Abakobwa 20 nibo babonye itike yo kujya mu mwiherero ari nacyo cyiciro cya nyuma, gusa umwe ari we Uwankusi Lynda yaje kuvamo ku mpamvu ze.

Abakobwa 19 nibo bahataniye iri kamba, umwe ari we Ruzindana Kelia yahise agera mu cyiciro cya nyuma cy’abakobwa 11 bagombaga kuvamo Nyampinga w’u Rwanda kuko we yabonye amajwi menshi y’abamutoye.

Akanama nkemurampaka kari kagizwe na Miss Mutesi Jolly; Umunyamakuru ubifitemo uburambe Munyaneza James akaba akorera The New Times; Irizabimbuto Fidèle ukorera RBA nk’umunyamakuru usemurira abafite ubumuga bwo kutumva no kutavuga; Malik Shaffy, Niwemwiza Anne Marie ukorera KT Radio.

Abari bagize akanama nkemurampaka

Abakobwa bose uko ari 19 bakaba banyuze imbere y’akanama nkemurampaka maze bakiranwa ubwuzu bwinshi babereka ko babashyigikiye.

Nyuma yo kunyura imbere y’akanama nkemurampaka, bakaba baje gutangaza abakobwa 11 bakomeje mu cyiciro cya nyuma, barimo Ruzindana Kelia wagize amajwi menshi na Uwimana Jeannine ufite ubumuga bwo kutumva no kutavuga.

Abakobwa 11 bakomeje mu cyiciro cya nyuma

1. Ruzindana Kelia [No 47]

2. Umuhoza Emma Pascaline [No 53]

3. Ndahiro Mugabekazi Queen [No 42]

4. Muringa Jessica [No 37]

5. Mutabazi Isingizwe Sabine [No 38]

6. Saro Amanda [No 48]

7. Uwimana Jeannette [No 68]

8. Uwimanzi Vanessa [No 70]

9. Kayumba Darina [No 25]

10. Keza Maolithia [No 27]

11. Nshuti Muheto Divine [No 44]

Zando Band yiganjemo abize umuziki ku Nyundo, yasusurukije abitabiriye ibirori byo gutanga ikamba rya Nyampinga w’u Rwanda wa 2022, hari kandi abahanzi nka Nel Ngabo na we wanejeje abakunzi be.

Dj Ira ni mu wari watoranyijwe kuvangavanga imiziki muri uyu muhango.

Abakobwa uko ari 11, bongeye kunyura imbere y’akanama nkemurampaka, bakabazwa ibibazo, hashakwagamo 5 bakomeza mu cyiciro cya nyuma.

Ruzindana Kelia [47] yabimburiye abandi gukomeza muri batanu ba nyuma. Mutabazi Isingizwe Sabine [No 38], Nshuti Muheto Divine [No 44], Kayumba Darina [No 25] na Keza Maolithia [No 27] nibo babonetse muri 5 ba nyuma.

Abakobwa bageze muri 5 ba Nyuma

Akanama nkemurampaka kagiye kwiherera gasiga Bruce Melodie arimo acurangirwa na Symphony Band, ashimisha ibihumbi by’abantu bari mu Intare Arena.

Bruce Melodie yasusurukije abari mu Intare Arena

Nyuma yo kwiherera katiranyije 3 bagomba kuvamo umwe wegukana ikamba rya Nyampinga w’u Rwanda 2022. Kayumba Darina [No 25], Keza Maolithia [No 27]
na Nshuti Muheto Divine [No 44] nibo bageze ku cyiciro cya nyuma.

Babatu bageze ku cyiciro cya nyuma

Nshuti Muheto Divine ni we waje kwegukana ikamba rya Nyampinga w’u Rwanda 2022, uyu mukobwa yavugishije benshi barimo na Mutesi Jolly uri mu kanama nkemurampaka, akimukubita amaso ubwo bari mu ijonjora ry’ibanze, yagize ati 'uri mwiza pe!'

Nshuti Divine w’imyaka 18, ni umwe mu bakobwa batsindiye guhagararira Intara y’Uburengerazuba, yasoje amashuri yisumbuye mu Bukungu, Imibare n’Ubumenyi bw’Isi (MEG).
Afite umushinga yise 'Igiceri Program’ mu rwego rwo kwizigama cyane ku rubyiruko n’abagore muri rusange, ngo azakora ubukangurambaga mu mashuri abana batozwe kwizigamira bakiri bato.

Akaba yegukana imodoka ya Hyundai Venue igura hagati ya miliyoni 18 na 22 z’amafaranga y’u Rwanda n’ibihumbi 800 bya buri kwezi kugeza umwaka urangiye.

Igisonga cya kabiri cya Nyampinga w’u Rwanda cyabaye Kayumba Darina ni mu gihe igisonga cya mbere cyabaye Keza Maolithia

Umukobwa wegukanye ikamba rya Nyampinga w’Umuco n’Umurage (Miss Hertage) akaba yabaye Ruzindana Kelia akaba yegukanye miliyoni 5 z’amafarana y’u Rwanda.

Umushinga wahize indi, ukaba waragaragaje udushya ni uwa.. akaba azajya ahabwa ibihumbi 500 Frw buri kwezi ndetse afashwe kuba umushinga we wajya mu bikorwa.

Abandi begukanye amakamba yose buri umwe yegukanye miliyoni 2.4 Frw, abo ni;

Nyampinga warushije abandi impano (Miss Talent) yabaye Saro Amanda

Nyampinga uberwa n’amafoto (Miss Photogenic) yabaye Mugabekazi Queen Ndahiro

Nyampinga wakunzwe (Miss Popularity) yabaye Nshuti Muheto Divine

Umukobwa wagaragaje ubumenyi mu kuaragaza ubumenyi ku buzima bw’imyororokere yabaye Bahali Ruth

Umukobwa warushije abandi muri siporo (sports challenge) yabaye Uwimana Marlene

Aba bakobwa kandi uko ari 19 bageze mu mwiherero, buri umwe azahabwa 20% by’amafaranga yavuye mu majwi yabamutoye.

Miss Muheto Divine n’ibisonga bye 2

Amarira y’ibyishimo yashotse

Ba Nyampinga b’u Rwanda mu bihe bitandukanye, uhereye iburyo Nimwiza Meghan (2019), Iradukunda Elsa (2017), Ingabire Grace (2021) na Nishimwe Naomie (2020) bar baje gushyigikira barumuna babo

Abakobwa bari bahataniye ikamba rya Nyampinga w’u Rwanda banaserutse mu mbyino gakondo

Abantu bo bari bitabiriye ari benshi

Amarira y’ibyishimo yashotse