Author: webrwanda

Itangazo ry’iki kigo rigira riti : ' Mu gice cya gatatu cy’ukwezi kwa Werurwe 2022 (kuva taliki ya 21 kugeza 31), mu Rwanda hateganyijwe imvura iziyongeraho gato ugereranyije niyaguye mu gice cya kabiri. Imvura iri hagati ya milimetero 20 na 140 niyo iteganyijwe mu Gihugu, ikazaba iri hejuru gato y’ikigero cy’impuzandengo y’imvura isanzwe igwa mu gihugu hose (ikigero cy’impuzandengo y’imvura isanzwe igwa muri iki gice kiri hagati ya milimetero 20 na 100).'

Rikomeza rivuga ko mu bice byinshi by’Uturere twa Rusizi, Nyamasheke na Rubavu, igice cy’i Burengerazuba bw’Uturere twa Nyaruguru, Nyamagabe na Rutsiro no mu bice by’Amajyaruguru y’Uturere twa Nyabihu, Musanze na Burera ari ho hateganyijwe imvura iruta izagwa ahandi (izaba iri hagati ya milimetero 120 na 140) naho imvura nke ugereranyije n’ahandi (iri hagati ya milimetero 20 na 40) iteganyijwe mu Majyaruguru y’Akarere ka Nyagatare.

Iminsi izagwamo imvura izaba iri hagati y’iminsi ine (4) n’iminsi umunani (8) kuva taliki ya 21 kugeza taliki ya 23 no kuva taliki ya 26 kugeza mu mpera z’ukwezi.

Imvura iteganyijwe izaba irimo inkuba n’umuyaga mwinshi ikazaterwa n’isangano ry’imiyaga rituruka mu gice cy’epfo cy’Isi ryerekeza mu gice cya ruguru, rizongerera imbaraga imvura ituruka ku miterere ya buri hantu.

Ubujyanama :

Ingaruka ziterwa n’imvura, inkuba n’umuyaga mwinshi biteganyijwe zishobora kugaragara ahantu hatandukanye mu gihugu. Meteo Rwanda iragira inama Abanyarwanda n’ibigo bireba gukomeza ingamba zo gukumira ibiza.

1.Uko imvura iteganyijwe mu gihugu :

Imvura nyinshi iri hagati ya milimetero 100 na 140 iteganyijwe mu Ntara y’Iburengerazuba niy’Amajyaruguru ukuyemo Iburasirazuba bw’Akarere ka Gicumbi, iteganyijwe kandi mu turere twa Nyaruguru, Nyamagabe, Huye no mu Burengerazuba by’Uturere twa Nyanza, Ruhango na Muhanga mu Ntara y’Amajyepfo.

Imvura iri hagati ya milimetero 60 na 100 iteganyijwe mu Mujyi wa Kigali, mu Turere twa Gisagara, Kamonyi, Bugesera, Ngoma na Rwamagana, mu Burengerazuba bw’Uturere twa Nyagatare, Gatsibo, Kayonza na Kirehe no mu bice bisigaye by’Uturere twa Nyanza, Ruhango na Muhanga.

Imvura iri hagati ya milimetero 20 na 60 iteganyijwe mu bice bisigaye by’Intara y’Iburasirazuba

2.Umuyaga uteganyijwe

Umuyaga mwinshi ufite umuvuduko uri hagati ya metero 8 na 10 ku isegonda uteganyijwe mu bice bimwe by’Uturere twa Gatsibo, Gicumbi, Kayonza, Rwamagana, Bugesera, Nyanza, Gisagara, Huye, Rusizi, Nyaruguru na Nyamasheke.

Umuyaga ushyira kuba mwinshi ufite umuvuduko uri hagati ya metero 6 na 8 ku isegonda uteganyijwe mu bice byinshi bisigaye mu gihugu.

Amajyaruguru y’Akarere ka Gakenke n’Amajyepfo y’Akarere ka Musanze hateganyijwe umuyaga uringaniye ufite umuvuduko uri hagati ya metero 4 na 6 ku isegonda.

3.Ubushyuhe bwinshi buteganyijwe

Amakarita yerekana uko ubushyuhe n’umuyaga buzaba bingana mu gihe imvura izaba ari nyinshi mu Rwanda

Mu gice cya gatatu cy’ukwezi kwa Werurwe 2022, hateganyijwe ubushyuhe bwinshi buri hagati ya dogere Selisiyusi 18 na 30 mu Rwanda.

Mu burasirazuba bw’Intara y’Amajyepfo, Umujyi wa Kigali, mu kibaya cya Bugarama no mu Ntara y’Iburasirazuba ukuyemo mu burengerazuba bw’Uturere twa Nyagatare na Gatsibo niho hateganyijwe ubushyuhe bwinshi ku gipimo kiri hagati ya dogere Selisiyusi 27 na 30 naho mu majyaruguru y’intara y’Amajyaruguru, mu Majyaruguru y’iburengerazuba mu Ntara y’Iburengerazuba no muri Parike y’Igihugu ya Nyungwe niho hateganyijwe ubushyuhe bucye buri ku gipimo kiri hagati ya dogere Selisiyusi 18 na 24.

Ubushyuhe buteganyijwe buri ku kigero cy’impuzandengo y’ubushyuhe busanzwe bw’ukwezi kwa Werurwe igice cya gatatu.

Minisiteri y’Ubuzima (MINISANTE) yatangaje ko ku Cyumweru tariki 20 Werurwe 2022 mu Rwanda habonetse abantu 10 banduye Covid-19, bakaba babonetse mu bipimo (…)

Bamwe mu bashoferi baganiriye na IGIHE, bavuga ko bishimiye ko imipaka ihuza u Rwanda na Uganda yafunguwe ariko bakagaragaza ko batari batangira kunguka nka mbere.

Bavuga ko intandaro y'igihombo bari guhura nacyo iri guterwa n'uko abagenzi bari gusabwa amafaranga ibihumbi 30 Frw byo kwipimisha Covid-19 mbere yo kugenda.

Hari bamwe muri bo bemeza ko mbere y'uko imipaka ifungwa boherezaga bus ziri hagati y'icyenda n'icumi ku munsi mu gihe ubu bari kohereza imwe kandi nayo ikagenda ituzuye.

Umusore ukora muri Kompanyi itwara abagenziya ya Volcano Express, utarashatse ko amazina ye atangzawa yagize ati 'Ubu turi mu gihombo pe n'ubwo imipaka yafunguye kuko abagenzi bibasaba kwishyura ibihumbi 30Frw byo kwipimisha ku buryo usanga batinya kugenda kuko amafaranga ahita aba menshi cyane.'

Yongeyeho ko indi mpamvu batari kunguka ari uko abacuruzi baranguraga ibintu bakabizana i Kigali babikuye i Kampala batari batangira kubizana.

Umuyobozi wa Trinity i Kigali, Rutareka Conrad yavuze ko mbere y'uko imipaka ifungwa boherezaga bus zigera ku icyenda i Kampala ariko ubu bohereza imwe kandi nayo ikagenda ituzuye.

Ati ' Nibyo ubu turi mu gihombo kuko kwipimisha Covid-19 bari kuguca ibihumbi 30Frw kuri cya gipimo kimara amasaha 72 ku buryo iyo umuntu aje gukatisha itike atabizi bamubwira akajya Camp Kigali noneho mbere yo kumupima bo bamubwira ko niyipimisha igisubizo akibona isaha yo kugenda yageze agahita ahindura gahunda.'

Yongeyeho ko kuba umushoferi na 'convoyeur' ba Bus nabo bishyura ibyo bihumbi 30Frw kuri buri umwe bituma bahomba anashimangira ko ingorane zindi bari guhura nazo zirimo iz'uko iyo bambutse umupaka bageze muri Uganda buri modoka ihita icibwa ibihumbi 47Frw mu gihe mbere ya Covid-19 hari harasinywe amasezerano hagati y'u Rwanda na Uganda y'uko ayo mafaranga avaho.

---

Ni ibikorwa byatumye uyu Murenge utangira gutera imbere abawutuye baramwenyura ndetse binongerera agaciro ubutaka bwabo ngo kuko ubusanzwe ikibanza cyiza cya metero 30 kuri 20 cyaguraga ibihumbi 300 Frw none ubu cyaratumbagiye kigera kuri miliyoni 2 Frw.

Si umugani ahubwo ni impamo kuko abatuye uyu Murenge bagejejweho umuriro w'amashanyarazi, bagezwaho umuhanda wa kaburimbo ureshya na kilometero 30 ubahuza n'imirenge ya Kiramuruzi na Muhura, banagejejweho n'umuyoboro w'amazi byose bikaba byarakwijwe mu tugari twose uko ari tune.

Abaturage bagairiye na IGIHE bavuze ko basa n'abari kurota ngo kuko batiyumvishaka ko ibi bikorwaremezo byose byagera mu Murenge wabo mu mwaka umwe.

Musabende Annaunciatta ukorera umwuga w'ubudozi muri uyu Murenge yagize ati ' Abana bacu bajyaga bakererwa ishuri kubera kujya kuvoma kuri Muhazi ariko ubu bavoma hafi bagakaraba bakajya kwiga ntakibazo, nkanjye ubu ivomesho riri ku irembo muri metero 20, ku muriro wo ubu gutunga telephone byari ikibazo kubera kubura aho tuzicaginga none ubu twese turazifite abana bacu basigaye basubira mu masomo iyo bageze mu rugo.'

Ku kijyanye n'umuhanda yavuze ko bategaga moto zikabahenda kubera imihanda mibi none ubu ngo basigaye bagendera kuri kaburimbo. Yashimiye Umukuru w'Igihugu avuga ko yumvaga ari inzozi ku kuba yatura kuri kaburimbo.

Niyitegeka Jean de Dieu usanzwe ukora akazi k'ubumotari muri uyu Murenge we yavuze ko kaburimbo yatumye ibinyabiziga byabo bitangirika ndetse ngo n'ingendo zabo zisigaye zihuta cyane.

Ati 'Inyungu ya mbere ni uko ikinyabiziga cyacu kitangirika, iya kabiri tugerera ku gihe aho tuba tujyanye abagenzi nta guca ku ruhande ngo umuhanda twasanze warajemo ibinogo n'imikuku, ubu moto zacu ntabwo zikigenda zijegera.'

Bagimana Faustin ucururiza mu isantere ya Gasange we yavuze ubusanzwe bacuruzaga bageza saa Moya z'ijoro bagakinga kubera habaga hatangiye kuza umwijima mwinshi ku buryo ngo abajura bakwibaga bakagenda ntubamenya.

Ati 'Ubu turacuruza kugeza igihe umuntu yibwirije akajya kuryama, ku muhanda wo narawishimiye cyane kuko hano habaga ivumbi ryinshi hacamo imodoka ryose rikaruhukira mu iduka ryanjye ugasanga ibyo ncuruza byose byabaye ivumbi none ubu rwose ibintu ni uburyohe.'
Umuyobozi wa PSF mu Murenge wa Gasange, Karekezi Alex wanavukiye muri uyu Murenge avuga ko ibikorwaremezo bubakiwe byahinduye imibereho y'abaturage bose cyane cyane ngo umuhanda wa kaburimbo.

Ati 'Nk'iyo umuntu yazanaga imodoka ashaka gupakira toni eshatu ntiyazishyiragamo kuko yabaga atizeye kuhaca yashyiragamo nka toni eshatu, ubu ibintu bimeze neza ngira ngo na Kigali ntiyigeze ibonera icyarimwe ibikorwaremezo bitatu, ni ibintu byiza cyane kandi natwe byatumye twagura ubucuruzi.'

Yavuze ko kubera ibi bikorwaremezo bahawe byanatumye hanaboneka uruganda rwa kawunga rwaje kongerera umusaruro abahinzi, hageze kandi imashini zisatura ibiti, izibaza, imashini zidoda n'abasudira bya kinyamwuga byose ngo bakaba babikesha ibikorwaremezo bitatu bahawe.

Umuyobozi w'Akarere ka Gatsibo, Gasana Richard, avuga ko ibikorwaremezo byegerejwe abatuye Umurenge wa Gasange byahinduye imibereho yabo.

Ati ' Nk'uriya muhanda buri Kagari kose gakoraho bivuze ko utugari tune twose dukora kuri kaburimbo, umuyoboro w'amashanyarazi buri Kagari kose kawukoraho, amazi buri Kagari kose kayabonaho, abahatuye rero bose barishimye indwara zaragabanutse kubera amazi meza.'

Meya Gasana yavuze ko kuri ubu hari rwiyemezamirimo umaze kuhagura ikibanza ngo ahubake sitasiyo ya Lisansi, akavuga ko n'ibindi bikorwa bitandukanye bizagenda bihagera gahoro gahoro.

---

Kuri iki cyumweru tariki 20 Werurwe, shampiyona y’ikiciro cya mbere mu Rwanda mu mupira w’amaguru yakomezaga APR FC ishaka amanota 3 uko yari ibizi ko mucyeba ku gikombe Kiyovu Sports yaraye itsinze.

Abakinnyi APR FC yabanje mu kibuga

Uyu munsi hakinwaga imikino 6 nyuma y'aho kuwa Gatandatu hari habaye imikino 2. APR FC yahuraga na Rutsiro FC kuri sitade ya Kigali i Nyamirambo, igice cya mbere cyarangiye amakipe yombi angaya ubusa ku busa ndetse ubona ko bari gukinira mu kibuga hagati.

Mu gice cya Kabiri, APR FC yaje kubona igitego cya mbere ku munota wa 74 cyatsinzwe na Mungunga Yves, ndetse umukino urangira APR FC ibonye amanota 3 ayemerera kugumya kurushwa na Kiyovu Sports inota rimwe.

Abakinnyi Rutsiro FC yabanje mu kibuga

Indi mikino yabaye Bugesera yabonye amanota yayo ya mbere mu mukino yari yakiriyemo Marine FC iyitsinda ibitego 3-1. Kuva imikino ya shampiyona yo kwishyura yatangira nibwo bwa mbere Bugesera FC itsinze Umukino.

Espoir FC yatsinze Gasogi United igitego 1-0, Gorilla FC itsinda Etincelles FC ibitego 2-1, Gicumbi FC inganya na Police FC igitego 1-1 naho Musanze FC inganya na As Kigali igitego 1-1.

Ubu Kiyovu Sports ni iya mbere n’amanota 50 irusha 2 APR FC. Gicumbi FC nayo yagumye ku mwanya wa 16 n’amanota. Ubu shampiyona y’ikiciro cya mbere mu Rwanda izagaruka tariki 15 Mata 2022.

Rutsiro FC yongeye kunanirwa gutsinda APR FC

Urebye ku mbuga nkoranyambaga zitandukanye, umwanzuro w’Akanama Nkemurampaka wo kwimika uyu mukobwa nyuma yo kunyurwa n’imyitwarire ye, wahawe umugisha n'abatari bacye. Ntabwo ari kenshi bikunze kuba.

Umuhango wo gutora Nyampinga w'u Rwanda, si inkuru y'ijoro rimwe, ahubwo ni iy'ibihe n'ibihe.

Ni inkuru ihoraho kandi, kuko hari ibitamenyekana, ibivugirwa ahiherereye, ibimenyekana n'ibindi. Ufite icyo azi kuri iri rushanwa n'umuturage wibereye i Bweyeye, aba afite uko abona ibintu.

Ijoro ry'uyu wa Gatandatu tariki 19 Werurwe 2022 rishyira kuri iki Cyumweru, mu birori byabereye mu Intare Conference Arena, ryasize ibyishimo bidasaza mu mutima wa Nshuti Divine Muheto, biba umuravumba urura ku bakobwa batabashije kuboneka mu 10 ba mbere.

REKA INYARWANDA IGUSUBIZE AHATANGIWE IKAMBA RYA MISS RWANDA

1. Minisitiri Gatabazi Jean Marie Vianney yari yatangaje uwo ashyigikiye

Kimwe n’undi muturage wese, Minisitiri w'Ubutegetsi bw'Igihugu, Gatabazi Jean Marie Vianney yatangaje uwo yahaga amahirwe, Muheto Nshuti Divine, birahurirana yegukana ikamba rya Miss Rwanda 2022.

Ubutumwa bwa Minisitiri Gatabazi bwasamiwe hejuru n’abakoresha urubuga rwa Twitter, bavuga ko bishobora gutuma abagize Akanama Nkemurampaka babigenderaho mu gufata umwanzuro.

Soma: Minisitiri Gatabazi yari ashyigikiye Nshuti Divine Muheto wabaye Miss Rwanda 2022

Abatishimiye amarangamutima ya Minisitiri Gatabazi yabasubije ko nta kibazo bakagombye kuba babibonamo, kuko amatora ya Miss Rwanda atari 'amatora y’inzego z’ibanze'.

Si ubwa mbere Minisitiri Gatabazi agaragaje ibitekerezo bye nk’umuturage usanzwe, akunze kubikora ashima cyangwa anenga ibyo mu mupira w’amaguru.

2. Miss Rwanda 2022 yatangajwe igicuku kiniha

Kimwe mu byo abakoresha imbuga nkoranyambaga bagaragaza ko kimaze kuba umuco, ni ukuba Nyampinga mushya w'u Rwanda amenyekana bisabye iminsi ibiri.

Iri rushanwa rikurikirwa n'abantu ingeri zinyuranye nk'imiryango y'abakobwa baba bahatanye, inshuti zabo n'abavandimwe babo, abatabazi babashyigikiye ku bw'ibitekerezo byabo n'ubwiza bwabo, abahawe ibiraka byo kubatora n'abandi.

Turavuga ibiraka, kuko ubwo ibirori byarangiraga hari abafana bahise bishyuza abari babatumye n'ubwo umukobwa wabo yatsinzwe.

Aba bose barara ijoro bategereje kumenya niba umukobwa bashyigikiye yabashije kwitwara neza. Abatabashije kugera ahabereye ibi birori, barara ijoro babikurikiye kuri Televiziyo Rwanda n'izindi mbuga ziba zashyizweho.

Ni mu gihe ababashije kugera aho byabereye, hari abataha mbere y'uko Miss Rwanda amenyekana.

Hari abavuga ko bisaba iminsi ibiri biturutse ku bikorwa birimo nko kuririmba kw'abahanzi, imyiyerekano y'abakobwa, umwanya akanama nkemurampaka gafata n'ibindi bitandukanye.

Si ingingo nshya igarutsweho n'abakoresha imbuga nkoranyambaga, bavuga ko Miss Rwanda yabaraje ijoro.

Mu ijoro ry'uyu wa Gatandatu tariki 19 Werurwe 2022, Abaturarwanda n'abandi bari biteguye kumenya Nyampinga w'u Rwanda mu birori byabereye mu Intare Conference Arena i Rusororo, mu Karere ka Gasabo mu Mujyi wa Kigali.

Ibi birori byari biteganyijwe gutangira saa moya z'ijoro hashingiwe ku isaha yari yatangajwe n'abategura Miss Rwanda, ariko byatangiye saa mbiri zirengaho iminota micye.

Kuva icyo gihe byaranzwe n'ibikorwa binyuranye, kugeza ubwo Nyampinga w'u Rwanda 2022 ari we Nshuti Divine Muheto amenyekanye saa sita z'ijoro n'iminota 57'. Bivuze ko byafashe iminsi ibiri kugira ngo amenyekane.

3. Telephone za ba Nyampinga batatu b'u Rwanda zibwe

Nshuti Divine Muheto wabaye Nyampinga mushya w'u Rwanda akimara gutorwa, yaranzwe n'amarira y'ibyishimo yicaye mu ntebe akikijwe n'ibisonga bye bibiri, ahabwa indabo, ibihembo, yambikwa ikamba na Miss Ingabire Grace yasimbuye n'ibindi.

Uyu mukobwa w'imyaka 19 y'amavuko yafashe amafoto atandukanye ari kumwe n'abo mu muryango we barimo Nyirasenge, abakunzi be n'abandi kugeza kuri ba Nyampinga bamubanjirije barimo Nimwiza Meghan wabaye Miss Rwanda 2019, Iradukunda Elsa wabaye Miss Rwanda 2017, Iradukunda Liliane wabaye Miss Rwanda 2018 na Nishimwe Naomie wabaye Miss Rwanda 2022.

Miss Meghan, Elsa na Liliane bari bicaye ahantu hamwe, bafite n'abashinzwe umutekano bitegeye urubyiniro Miss Nshuti Divine Muheto yari ahagazeho.

Ubwo bahamagarwaga gusanganira Miss Muheto babikoze, ariko bagarutse mu byicaro byabo basanga telephone zabo zibwe n'abantu batigeze bamenyekana. Bakoze uko bashoboye barashakisha, ariko ntizabonetse. Miss Elsa na Liliane bibwe telefoni zo mu bwoko bwa iPhone, naho Meghan yibwa telefoni nto.

4. Bwa mbere mu mateka Miss Rwanda yanabaye Miss Popularity

Si ubwa mbere umukobwa afata ikamba rya Miss Rwanda akarigerekaho irindi. Kuko 2018, Miss Iradukanda Liliane yacyuye irya Miss Rwanda anagerekaho iryo kuberwa n’amafoto [Miss Photogenic].

Ni nako byagenze mu 2020 kuri Miss Naomie Nishimwe. Uyu mwaka ku nshuro ya mbere, uwatwaye ikamba rya Miss Rwanda yanatwaye iry’uwamenyekanye kurusha abandi 'Miss Popularity', yegukanwe na Nshuti Muheto Divine.

5. Miss Rwanda 2022 ntiyahawe imodoka imbona nkubone

Mu Ugushyingo 2021, nibwo abategura irushanwa rya Miss Rwanda bafunguye ku mugaragaro irushanwa ryo gushakisha Nyampinga wa 11 w' u Rwanda mu mateka.

Hagaragajwe ibyo umukobwa asabwa kugira ngo yiyandikishe, n'ibihembo buri umwe yagenewe, n'ibindi bitandukanye.

Nk'ibisanzwe, Nyampinga w'u Rwanda ahabwa imodoka itangwa n'uruganda rwa Hyundai. Iy'uyu mwaka yagaragajwe mu mafoto yo kuri internet, bavuga ko ifite agaciro ka miliyoni zirenga 20 Frw, gusa ntiyigeze igaragazwa imbona nkubone. Byari bisanzwe bizwi ko iyo abakobwa bagiye mu mwiherero wa Miss Rwanda, iyi modoka ihita ishyirwa muri 'Rond-Point' y'Umujyi wa Kigali, ikamurikirwa abanyarwanda n'abandi.

Siko byagenze, kuko iyi modoka itigeze igaragazwa. Bamwe bari biteze ko ubwo iyi modoka batayibonye muri 'Rond-Point' baza kuyibonera mu Intare Conference Arena, ariko siko byagenze, kuko iyi modoka itigeze yerekanwa ubwo Nshuti Divine Muheto yambikwaga ikamba rya Miss Rwanda 2022. Byari bisanzwe bimenyerewe ko umukobwa utsinze ahita yerekwa imodoka, ndetse agafatwa amafoto ayicayemo n'ibindi.

Abategura Miss Rwanda baherutse kubwira INYARWANDA ko muri uyu mwaka, iyi modoka izerekanwa mu buryo butandukanye n'ubwo abantu bari basanzwe bamenyereye. 

Mu mashusho yashyizwe kuri konti ya Twitter ya Miss Rwanda, Umuyobozi wa Hyundai Rwanda akaba na Perezida wa Ferwafa, Mugabo Olivier yavuze ko bahaye ikaze Miss Nshuti Divine Muheto mu batunze imodoka za Hyundai, amusaba kujya gufata imodoka ye ‘mu gihe kitageze ku minsi irindwi’.

6. Akanama Nkemurampaka kahoraga mu ngendo zo guteranya amanota

Akanama Nkemurampaka kemeje Miss Rwanda 2022 kari kagizwe n'abantu batandatu, bafite ubumenyi butandukanye kuri buri ngingo, byabafashije guteranya amanota bemeza uwegukana iri kamba ry'agaciro kanini ku mukobwa.

Kari kagizwe na Mutesi Jolly wabaye Nyampinga w'u Rwanda 2016, Malik Shaffy, James Munyaneza, Irizabimbuto Fidèle, Niwemwiza Anne Marie na Matthew Mensah.

Ni ku nshuro ya kabiri Miss Mutesi Jolly na James Munyaneza bari bagarutse mu itorwa rya Nyampinga w'u Rwanda, kuko bifashishijwe mu majonjora y'ibanze.

Ntibigeze bagaragara mu gihe cyo guhitamo abakobwa 20 bagiye mu mwiherero wa Miss Rwanda 2022.

Soma: Ihere ijisho uburanga bwa Nshuti Divine Muheto wabaye Miss Rwanda 2022

Malik Shaffy Kizinde wari ukuriye akanama nkemurampaka, yavuze ko mu kwemeza Nyampinga w'u Rwanda 2022 bitaye ku bwiza, ubwenge n'umuco.

Abagize akanama bateranyije amanota inshuro esheshatu! Byasabaga ko bumva ibyo abakobwa babaga babajijwe hanyuma bagasohoka bakajya guteranya amanota. 

Bateranyije amanota mu gihe cyo kwiyerekana kw'abakobwa 19, igihe cyo gutangaza abakobwa 10, igihe cyo gutangaza umukobwa uhiga abandi mu kugaragaza impano, mu gushaka abakobwa batanu ba mbere, mu gushaka abakobwa batatu no mu kwemeza Nyampinga w'u Rwanda.

Aka kanama kateranyije amanota mu bitugu hari umuriri w'abafana bavuza vuvuzela, abandi bavuza akaruru buri umwe avuga uwo ashaka ko atambuka, ku buryo hari aho byageraga umuntu ntabashe kumva neza bitewe n'amajwi y'abafana.

7. Nyuma y'imyaka itatu, Umujyi wa Kigali wabuze ikamba rya Miss Rwanda

Imyaka yari ibaye itatu Umujyi wa Kigali wihariye ikamba rya Miss Rwanda, kuko Nimwiza Meghan wo mu 2019, Nishimwe Naomie wo mu 2020 na Ingabire Grace wo mu 2021 bose biyamamaje baserukiye Umujyi wa Kigali muri iri rushanwa.

Abakobwa batatu bavuyemo Miss Rwanda ni Nshuti Divine Muheto na Keza Maolithia [Yabaye igisonga cya kabiri] bari bahagarariye Intara y'Uburengerazuba, na Kayumba Darina wari uhagarariye Umujyi wa Kigali [Yabaye igisonga cya kabiri].

Soma: Nshuti Divine Muheto yambitswe ikamba rya Miss Rwanda 2022

Nshuti Divine Muheto yafashije Intara y'Uburengerazuba kongera gukomera muri Miss Rwanda kuko yegukanye ikamba, akayihesha ishema nyuma y'imyaka itatu.

Uyu mukobwa wa Muheto Francis uyobora Police mu Ntara y'Amajyaruguru, aherutse kubwira INYARWANDA ko yiyamamarije mu Burengerazuba kubera ko ariho umuryango we ubarizwa, kandi akaba ari Intara afiteho amakuru menshi.

8. Ikamba rya Miss Congeniality ntiryatanzwe

Hatanzwe ikamba rya Miss Rwanda 2022, irya Miss Popularity, Miss Heritage, Miss Photogenic…

Kuva mu myaka ishize, aya makamba yatangwaga hatabuzemo iry'umukobwa wabaniye neza abandi [Miss Congeniality], rihabwa umukobwa wabaniye neza bagenzi be.

Uyu mukobwa atorwa na bagenzi be, aho buri wese yandika agapapuro akavuga uwo abona babanye neza mu gihe bari bamaze mu mwiherero n'ibindi.

Ni ikamba riherekezwa n'ibihembo bitandukanye. Mu 2021, iri kamba ryegukanwe na Gaju Evelyne.

Miss Gaju Evelyn wari ufite iri kamba yageze ahabereye ibi birori yongera kuricyura, kuko hatigeze hatangazwa umukobwa wamusimbuye.

Ubwo Nkusi Lynda wari uhagarariye Intara y'Uburasirazuba yasezeraga muri Miss Rwanda habura ibyumweru bibiri, ikamba yashoboraga kwegukana ni irya Congeniality igihe bagenzi be bari kuba bemeje ko yababaniye neza. 'Nta rindi yashoboraga kwegukana'.

Soma: Yasubije Uburengerazuba ikuzo: Ibyo wamenya kuri Nshuti Divine Muheto wabaye Miss Rwanda 2022

REBA HANO IKIGANIRO TWAGIRANYE NA NSHUTI MUHETO DIVINE AKIMARA GUTORWA

“>BRUCE MELODIE YATANZE IBYISHIMO MU BITABIRIYE ITORWA RYA MISS RWANDA
 “>

NEL NGABO YARIRIMBYE NYINSHI MU NDIRIMBO ZE ZIRI KURI ALBUM YE NSHYA

  “>

Inkuru yateguwe na Janvier Iyamuremye na Steven Rurangirwa

AMAFOTO: Cyiza Emmanuel

VIDEO: Iradukunda Jean de Dieu

Iki gihugu cya Sri Lanka kiri mu bihe bitacyoroheye na gato mu ngeri zinyuranye kubera Covid-19, cyabuze ibikoresho by'ibanze birimo impapuro ndetse n'umuti (encre) wifashishwa mu kwandika no gusohora (print) ibizamini hifashishijwe imashini, kugira ngo abanyeshuri babashe gukora ibizamini. 

Si ibyo bibazo gusa kuko mu ntangiriro z'uku kwezi kwa gatatu, ibikorwa by'ingendo rusange byahagaze kubera ibura rya peteroli. Mu ntangiriro z'uyu mwaka, igiciro cy'ibiribwa cyiyongereyeho 20%. Ubu noneho abakoresha imashini zifashishwa mu 'kw'imprima' (printing) babuze umuti wo gukoresha, ibi bikaba byagize ingaruka ku banyeshuri miliyoni 3. 

Ibi bikaba biterwa ahanini n'uko Sri Lanka itakibasha kubona amadovize 'mvamahanga' yo kwifashisha ku masoko yo hanze, nk'uko Minisitiri w'Ingufu (Energy) abitangaza. Yagize ati: 'Mbere nta madolari twari dufite yo gutumiza ibiryo. Ubu nta mafaranga dufite yo kugura amadolari.'

Sri Lanka ni ikirwa cyo ku mugabane wa Aziya ubundi gitunzwe ahanini n'ibicuruzwa bitumizwa mu mahanga, kugira ngo abaturage babashe kubona ibyo bakeneye. Ibi rero byabaye ikibazo kuko ahanini amadovize yabonekaga kubera ba mukerarugendo bazaga gusura iki kirwa kubera ubwiza bwacyo, ariko ibyo byajemo igitotsi kubera ibitero by'abayisilamu kuri Pasika mu mwaka wa 2019 ndetse no kubera icyorezo cya Covid-19 cyahise gikurikiraho. 

Mu cyumweru gishize, ibihugu nka Canada n'Ubwongereza byaburiye abaturage babyo kutajya muri Sri Lanka kubera ibura ry'imiti, ibiryo ndetse lisansi (carburant).

Leta ya Sri Lanka kuri ubu, iri mu bibazo bikomeye byo gushaka uburyo yakemura ibi bibazo. Bimwe mu bisubizo by'igihe gito bari guteganya ni ugusaba kwigizayo igihe cyo kwishyura imyenda gifitiye ibihugu cyane cyane Ubushinwa, ndetse no gusaba izindi nguzanyo kugira ngo kibashe kugura ibiribwa. Gusa, Perezida wa Sri Lanka, Gotabaya Rajapaksa akomeje kurakarirwa n'abaturage. Yabatangarije ko ibi bibazo igihugu kirimo bishobora kumara igihe. 

Source: RFI