Kuri uyu wa Gatandatu tariki ya 19 Werurwe 2022, mu nyubako y’imikino n’imyidagaduro ya Kigali Arena, hasojwe iserukiramuco ry’imikino njyarugamba ry’umunsi (…)
Author: webrwanda
-
Ambasaderi Karabaranga yatanze impapuro zimwemerera guhagararira u Rwanda muri Cabo Verde #Rwanda #RwOT via @kigalitoday #rwanda #RwOT
Ku wa Gatanu tariki 18 Werurwe 2022, Ambasaderi w’u Rwanda mu Bihugu bya Senegal, Guinea Bissau, Mali, Gambia na Cabo Verde, Jean Pierre Karabaranga, (…)
-
APR FC yatsinze Rutsiro FC yotsa igitutu Kiyovu Sports #rwanda #RwOT
Ikipe ya APR FC yatsinze Rutsiro FC yongera kotsa igitutu Kiyovu Sports iri ku mwanya wa mbere iyirusha amanota 2 ku rutonde rw'agateganyo rwa shampiyona.
APR FC yatsinze Rutsiro FC igitego 1-0 cyatsinzwe na Mugunga Yves ku munota wa 71 ku mupira mwiza yahawe na Ombolenga Fitina.
APR FC yagumye ku mwanya wa 2 aho irushwa amanota 2 na Kiyovu Sports ya mbere.
Uko imikino yose yagenze:
APR FC 1-0 Rutsiro
Bugesera FC 3-1 Marines
ESPOIR FC 1-0 Gasogi United
Etincelles 1-2 Gorilla FC
Musanze 1-1 AS Kigali
Gicumbi FC 1-1 Police FCUrutonde n'amanota:
1. KIYOVU Sport 50
2. APR FC 48
3. MUKURA 38
4. AS Kigali 36
5. Rayon Sports 35
6.Police 32
7. Musanze 32
8. Espoir 27
9. Marines 26
10. Gasogi 23
11. Bugesera 23
12. Gorilla FC 21 (-6)
13. Rutsiro 21 (-7)
14. Etincelles 21 (-8)
15. Etoile 20
16. Gicumbi 16 -
Ba maneko b'i Burayi n'Amerika barashaka kwinjira mu mutwe wa Putin bakamenya icyo atekereza #rwanda #RwOT
Perezida w'Uburusiya Vladimir Putin yaheze mu isi ifunze yishyizemo, nkuko byemezwa na ba maneko b'i Burayi n'Amerika. Kandi ibyo birabahangayikishije bakaba bavuga ko bashaka kwinjira mu mutwe we bakamenya icyo atekereza
Mu gihe cy'imyaka bashatse kwinjira imbere mu mutwe wa Bwana Putin, ngo basobanukirwe neza ibyo ashaka gukora.
Mu gihe bisa nkaho ingabo z'Uburusiya zashaye muri Ukraine, gucyenera kubikora gushaka kwinjira mu mitekerereze ye byarushijeho kuba ngombwa, mu gihe bagerageza gutahura icyo azakora ari ku gitutu.
Kumenya icyo atekereza bizaba ingenzi cyane mu kubuza ko aya makuba afata indi ntera akagera ku rwego rutigeze rugerwaho mbere.
Hashize igihe hari uguhwihwisa ko Perezida Putin arwaye, ariko abasesenguzi benshi bemeza ko mu by'ukuri yagiye mu kato akitandukanya n'ibitekerezo ibyo ari byo byose byamubwira ibitandukanye n'ukuntu we abona ibintu.
Kujya mu kato kwe byigaragaje mu mafoto y'inama ze, nk'igihe yahuraga na Perezida w'Ubufaransa Emmanuel Macron mu kwezi kwa kabiri. Bombi bari bicaye bitaruye (batandukanye) cyane ku mpera z'ameza maremare. Byanigaragaje mu nama Bwana Putin yagiranye n'abagize itsinda rye bwite ry'umutekano w'igihugu ku munsi wabanjirije intambara kuri Ukraine.
Gahunda ya gisirikare ya Bwana Putin yo mu ntangiriro y'intambara, yari imeze nk'iyateguwe na maneko wo mu butasi bw'Uburusiya bwo mu gihe cya kera bwa KGB, nkuko bisobanurwa na maneko umwe wo ku rwego rwo hejuru wo mu burengerazuba bw'isi (Uburayi n'Amerika).
Uwo maneko avuga ko iyo gahunda ya gisirikare yakozwe n’'agatsiko gato ko mu ibanga', kibanda cyane ku kuba uwo mugambi utamenyekana. Ariko ibyavuyemo ni akajagari (akavuyo). Abayobozi b'ingabo b'Uburusiya ntibari biteguye ndetse abasirikare bamwe bambutse umupaka batazi ibyo barimo gukora.
Ni we wenyine ufata icyemezo
Ba maneko b'i Burayi n'Amerika, ku makuru bacyesha abantu badashaka gutangaza, bari bazi byinshi kuri izo gahunda kurusha benshi mu b'imbere mu butegetsi bw'Uburusiya. Ariko ubu bugarijwe n'indi ngorane â” gusobanukirwa icyo umutegetsi w'Uburusiya azakurikizaho. Kandi ibyo ntibyoroshye kubimenya.
John Sipher, wahoze akuriye ibikorwa by'ubutasi mu Burusiya by'ikigo cy'ubutasi bwo mu mahanga cy'Amerika (CIA), arasobanura ati: 'Ingorane ku gusobanukirwa ibyo Kremlin [ibiro bya Perezida] igiye gukora ni uko Putin ari we wenyine ufata icyemezo i Moscow.
'Kandi nubwo ibyo atekereza akenshi bisobanuka binyuze mu magambo avuga ku mugaragaro, kumenya uko azabikoraho ni ingorane ikomeye yo mu rwego rw'ubutasi'.
Sir John Sawers, wahoze akuriye ikigo cy'ubutasi bwo mu mahanga cy'Ubwongereza kizwi nka MI6, yabwiye BBC ati: 'Biragoye cyane mu butegetsi burimo kurinda cyane nk'ubw'Uburusiya kubona amakuru y'ubutasi y'ingirakamaro ajyanye n'ibirimo kubera mu mutwe w'umuyobozi cyane cyane iyo benshi cyane mu bantu be bwite na bo batazi ibirimo kuba'.
Putin, ni ko ba maneko bo ku rwego rwo hejuru bavuga, ari ahantu ha wenyine yikoreye h'imitekerereze, aho amakuru macye cyane yo hanze ari yo amugeraho, by'umwihariko ayaba ashobora guhindura ibyo atekereza.
Adrian Furnham, umwarimu wa kaminuza wigisha ibijyanye n'imitekerereze n'imyitwarire ya muntu akaba n'umwe mu banditsi babiri b'igitabo kigiye gusohoka cyitwa 'The Psychology of Spies and Spying', agira ati: 'Yazize icengezamatwara rwe bwite kuko atega amatwi gusa umubare runaka w'abantu ubundi agakumira ikindi kintu icyo ari cyo cyose. Ibi bituma agira ishusho idasobanutse y'isi'. Ibyago birimo ni ibyo uyu mwarimu yise 'kugendera mu kigare' aho buri wese ashimangira uko Putin we abona ibintu. Profeseri Furnham ati: 'Niba azira [abiterwa no] kugendera mu kigare ducyeneye kumenya abari muri icyo kigare'.
Abari hafi ye Bwana Putin avugana na bo nta na rimwe bigeze baba benshi, ariko ku bijyanye no gufata icyemezo cyo gutera Ukraine, baragabanutse basigara ari abantu bacyeya cyane, nkuko byemezwa na ba maneko bo ku rwego rwo hejuru b'i Burayi no muri Amerika, bavuga ko ari abo bose 'bizera by'ukuri' bahuje imitekerereze na Bwana Putin hamwe n'ibyo akunda gutekerezaho cyane.
Gutekereza ko abamuri hafi babaye bacyeya byashimangiwe ubwo yacyahaga (yanengaga) ku mugaragaro umukuru w'ikigo cy'ubutasi bwo mu mahanga cy'Uburusiya ubwo bari mu nama mbere gato yuko Uburusiya bugaba igitero kuri Ukraine â” ibyagaragaye nko gukoza isoni uwo mutegetsi. Ijambo yavuze hashize amasaha nyuma yaho na ryo ryahishuye umugabo urakaye kandi watwawe no gutekereza cyane kuri Ukraine no ku Burayi n'Amerika.
Abamukurikiranye bavuga ko Perezida w'Uburusiya akoreshwa no gushaka kuva mu kibonwa nk'ikimwaro (isoni) Uburusiya bwagize mu myaka ya 1990, hamwe no kugira imyemerere yuko Uburayi n'Amerika bafite intego yo gukomeza gushyira hasi Uburusiya no kumukura ku butegetsi. Umuntu umwe wahuye na Bwana Putin yibuka ukuntu yatwawe cyane no kureba za videwo zerekana Col Muammar Gaddafi, wahoze ategeka Libya, arimo kwicwa mu 2011 nyuma yo kuvanwa ku butegetsi.
Ubwo umukuru wa CIA William Burns yasabwaga gusuzuma imitekerereze ya Bwana Putin, yavuze ko 'amaze imyaka myinshi ahira mu kibatsi kigizwe n'akarengane no kwiyemeza intego', anavuga ko ibitekerezo bye 'byakomeye' kandi ko 'yarushijeho kuba wenyine' yitarura ibindi bitekerezo binyuranye n'ibye.
Perezida w'Uburusiya ni umusazi? Icyo ni ikibazo abantu benshi b'i Burayi n'Amerika bibajije. Ariko inzobere nkeya ni zo zibona ko icyo kibazo hari icyo gifashije. Impuguke imwe mu mitekerereze n'imyitwarire ya muntu akaba anazobereye muri ibi yavuze ko ikosa ari ukwibwira ko kuko tudashobora gusobanukirwa icyemezo nk'icyo gutera Ukraine, duhita twishyiramo ko umuntu wagifashe ari 'umusazi'.
CIA ifite itsinda rikora 'isesengura ku buyobozi' ku bafata ibyemezo bo mu mahanga, igendeye ku mugenzo uhera ku magerageza yo gusobanukirwa imitekerereze ya Adolf Hitler. Abagize iryo tsinda biga amateka y'uwo muntu, umubano we ndetse n'ubuzima (amagara) bwe, bahereye ku makuru y'ubutasi y'ibanga.
Ahandi bakura amakuru ni ku bantu bahuye n'abo bategetsi imbona nkubone, nk'urugero abandi bategetsi bagenzi babo. Mu mwaka wa 2014, amakuru yavuze ko uwari umutegetsi w'Ubudage Angela Merkel yabwiye uwari Perezida w'Amerika Barack Obama ko Bwana Putin yari abayeho 'mu yindi si'. Hagati aho, Perezida Macron, ubwo yagiranaga inama na Bwana Putin mu kwezi gushize, byatangajwe ko yasanze Perezida w'Uburusiya 'yikanyije [akakaye] cyane, ari mu kato cyane' ugereranyije no mu bihe bagiye bahura mbere yaho.
Haba hari ikintu cyahindutse? bamwe bahwihwisa â” nta gihamya nyinshi batanga â” ko bishobora kuba biterwa n'ubuzima bwe butameze neza cyangwa biterwa n'imiti. Abandi bavuga ku mpamvu zijyanye n'imitekerereze n'imyitwarire, nko kuba yumva ko igihe cye ku butegetsi kirimo kumushirana kugira ngo abe yashyira mu bikorwa icyo abona nk'inshingano ye yo kurinda Uburusiya no kubusubiza ubuhangange bwabwo. Biraboneka ko Perezida w'Uburusiya yishyize mu kato akitandukanya n'abandi mu gihe cy'icyorezo cya Covid, kandi ibi na byo bishobora kuba hari ingaruka byagize ku mitekerereze ye.
Kenneth Dekleva, wahoze ari muganga wa leta y'Amerika ndetse wanahoze ari umudipolomate, ubu ukora mu kigo George HW Bush Foundation cyiga ku mubano w'Amerika n'Ubushinwa, agira ati: 'Bishoboka ko Putin adafite uburwayi bwo mu mutwe, cyangwa ngo abe yarahindutse, nubwo ubu agira guhubuka [guhutiraho] cyane, kandi mu myaka ya vuba ishize bikaba bishoboka ko yagiye mu kato kurushaho'.
Ari mu kato â” Perezida Putin ubwo yari ayoboye inama mu kwezi kwa kabiri mu 2022
Ariko guhangayika kuriho ubu kuraterwa no kuba amakuru yizewe akigoranye kuba yagera ku itsinda rito ry'abari hafi ya Bwana Putin. Inzego ze z'ubutasi zishobora kuba zaratsetaga ibirenge mbere y'igitero ku kuba zamubwira ikintu icyo ari cyo cyose zibona ko adashaka kumva, zikamuha amagereranya meza y'ukuntu igitero cyari kugenda n'ukuntu ingabo z'Uburusiya zizakirwa mbere y'intambara. Kandi muri iki cyumweru, maneko umwe wo ku rwego rwo hejuru wo mu burengerazuba bw'isi yavuze ko Bwana Putin ashobora kuba atabona ko ibintu birimo kugenda nabi ku ngabo ze, nkuko amakuru y'ubutasi abo mu burengerazuba bafite abigaragaza. Ibyo bituma habaho guhangayika ku kuntu yakwitwara ibintu birushijeho kuba bibi ku Burusiya.
@BBC
The post Ba maneko b'i Burayi n'Amerika barashaka kwinjira mu mutwe wa Putin bakamenya icyo atekereza appeared first on IRIBA NEWS.
-
Amahoteli yasabwe kwiminjiramo agafu kugira ngo azakire neza abashyitsi ba CHOGM – #rwanda #RwOT
Iyi nama u Rwanda ruzakira izitabirwa n'abashyitsi babarirwa muri 8000, barimo abakuru b'Ibihugu byo muri uyu muryango ndetse n'abandi bayobozi batandukanye muri Guverinoma.
Mu gihe habura amezi make ngo iyi nama ibe, RDB yasabye amahoteli nka rumwe mu rwego ruzagira uruhare rukomeye mu kwakira abantu, gukora amavugurura arimo no gusana inzu kubera ko hari izangiritse kubera iminsi myinshi yashize hoteli zidakora bitewe na COVID-19.
Umuyobozi w'ishami rishinzwe amahoteli n'ubukerarugendo muri RDB, Nsabimana Emmanuel yabwiye RBA ko hari byinshi bikwiye kwitabwaho birimo no gusana aho hoteli zikorera.
Ati 'Imyaka ibiri hoteli zimwe zidakora neza hari utubazo twagiye tuzamo ugasanga ahantu hamwe harwaye ingese ahandi ugasanga hari ukuntu umwanda wagiye uza bitewe n'icyo kibazo cyo kuba abantu wenda batari gukora neza.'
'Icya mbere twababwira ni uko utwo tuntu bagomba kudukoraho bakatuvugurura bakagenzura ko bateye amarangi ibintu byose babisannye hoteli zigahagarara neza nk'uko zari zihagaze.'
Yakomeje avuga ko ikindi hoteli zikwiye kwitaho ari uguhugura abakozi bazo. Ati 'icya kabiri ni ukujya ku bakozi, abakozi bakeneye andi mahugurwa, hari abakozi bameze nk'aho bibagiwe akazi. Urabibona kumara amezi atandatu cyangwa umwaka wicaye hari igihe ugaruka waranahungabanye mu mutwe.'
'Icya gatatu ni ugukora ku kintu kijyanye n'ingano y'ibicuruzwa bafite bakoresha buri munsi haba muri restaurant cyangwa mu tubari kugira ngo kiriya gihe kizagere umuntu yiteguye avuga ngo ibyo ngomba guhaha bimeze neza bitaratera ikibazo abakiliya ndabikura he.'
Mu cyumweru gishize Itsinda rishinzwe ibijyanye (CHOGM) ryasuye u Rwanda mu kureba aho igihugu kigeze cyitegura kwakira iyi nama.
Iyi nama u Rwanda rugiye kwakira yitezweho byinshi kuko ari imwe mu nama nini ku Isi, kuko ihuriza hamwe abakuru b'ibihugu na za guverinoma bagera kuri 54, ndetse abantu bari hagati y'ibihumbi birindwi n'ibihumbi 10 bakaba bashobora kuzayitabira.
Iyi nama kandi ifite umwihariko kuko ari ubwa mbere Inama y'Ubucuruzi ya Commonwealth (CBF) izabera muri Afurika, aho izitabirwa n'abayobozi b'ibigo by'ubucuruzi barenga 400, ari nabwo bwa mbere CHOGM isanzwe iba buri myaka ibiri, izaba yitabiriwe n'umubare munini w'abayobozi b'ibigo by'ubucuruzi.
Urwego rw'Igihugu rw'Iterambere, RDB rwasabye amahoteli kuvugurura no kongera guhugura abakozi bazo kugira ngo zizabashe kwakira neza abashyitsi bazitabira CHOGM -
U Rwanda rwongeye gushyirwa mu bihugu bifite abaturage batishimye muri Afurika #rwanda #RwOT
Umugabane w'Afurika wongeye kuza ku mwanya wa mbere mu kugira abaturage batishimye ugereranyije n'ahandi ku isi muri uyu mwaka w'2022. Raporo yasohowe n'ishami ry'umuryango w'abibumbye rishinzwe kwihutisha gahunda z'iterambere rirambye mu mpera z'iki cyumweru igaragaza ko umugabane w'Afurika ufite amanota 4.5 mu gihe umugabane w'Uburayi ari wo ufite abaturage bishimye cyane n'amanota 6.5.
Iyi raporo ikubiyemo ibyavuye mu bushakashatsi bwakorewe ku bihugu 146 byo kusi, bigabanyije mu bice bitandatu bigendeye ku turere bibarizwamo. Akarere k'Afurika akaba ari ko gaheruka utundi ku rutonde rw'uko abaturage bishimye. Kabanzirizwa n'aka Aziya y'Uburasirazuba na Oseyaniya, nako kabanjirijwe n'Uburasirazuba bwo Hagati n'Aziya yo hagati.
Muri rusange uturere tw'Uburayi n'Amerika ya Ruguru ni two tuza ku mwanya w'imbere mu kugira abaturage bishimye kurusha ahandi mu isi. Igihugu cya Finland cyongeye kuza ku mwanya wa mbere ku nshuro ya gatanu yikurikiranya mu kugira abaturage bishimye kurusha ahandi mu isi n'amanota 7.8. Ni mu gihe Afuganistani ari yo iza ku mwanya wa nyuma n'amanota 2.4.
Ishami rya LONI rishinzwe kwihutisha gahunda z'iterambere rirambye rivuga ko ukwishima kw'abantu guturuka ku mpamvu zitandukanye, ariko iz'ingenzi zikaba umutekano mu by'imari, kumva umuntu yitaweho n'abo babana, no kwiyumvamo ko yisanzuye muri we.
Mu bipimwa ngo hasuzumwe ikigero abaturage b'igihugu runaka bishimyemo, byinshi bishingira ku buzima n'imibereho y'abaturage, nk'umusaruro mbumbe w'igihugu n'icyizere cyo kurama ku baturage.
Iyi raporo ikusanya amakuru ya buri gihugu ku ngingo zitandukanye zirimo: gahunda zo kwita ku mibereho y'abaturage, uburenganzira busesuye mu gukora amahitamo ajyanye n'ubuzima, ikigero cya ruswa mu nzego yaba iza leta n'iz'abikorera, ubuntu n'ubugwaneza mu baturage.
Hashingiwe kuri ibyo byose rero, akarere ka Afurika kakaza imbere mu kugira abaturage batishimye n'amanota 4.5. Kuri uyu mugabane naho igihugu cya Zimbabwe akaba ari cyo gihugu kiza imbere mu kugira abaturage batishimye n'amanota 3.0, naho ibirwa bya Maurice bikaza ku mwanya wa mbere mu kugira abaturage bishimye muri Afurika n'amanota 6.1 bikanaza ku mwanya wa 52 ku isi.
Mu bushakashatsi nk'ubu bw'umwaka ushize wa 2021 nabwo akarere k'Afurika kari kaje ku mwanya wa nyuma n'ubundi n'amanota 4.5 . Ubu bushakashatsi bugaragaza ko Zimbabwe ikomeje guhangana n'ikibazo cy'ubukene buri hejuru cyane. Mu mwaka ushize wa 2021, abaturage miliyoni 6.1 bakaba barabaga munsi y'umurongo w'ubukene hagendewe ku bipimo mpuzamahanga.
Mu karere k'Afurika y'Uburasirazuba, igihugu cy'u Rwanda ni cyo kiza imbere mu kugira abaturage batishimye n'amanota 3.3 rukanaza mu bihugu 5 bya mbere muri Afurika aho abaturage batishimye. Ni mu gihe Uganda ari yo igaragara nk'ifite abaturage bishimye kurusha ab'ahandi muri aka karere n'amanota 4.6.
Ku bihugu by'Uburundi na Repubulika ya Demukarasi ya Kongo ho nta makuru yabonetse yerekeranye nabyo mu bushakashatsi bw'uyu mwaka. Muri rusange ubushakshatsi bugaragaza ko icyorezo cya COVID-19 kiri mu mwaka wacyo wa gatatu cyatumye ibipimo byo kwishima by'abatuye isi bigwa hasi kubera ingaruka cyagize ku nzego z'ubukungu, ubuzima n'imibanire y'abantu.
Kugeza na n'ubu hakaba hatagaragara neza igihe ibintu byazongera gusubirira uko byahoze mbere, niba bizaba binabayeho. Gusa ibihugu bikaba birimo kugenda bizahuka buhoro buhoro.
Ijwi ry'Amerika
-
Abakiri bato bahawe umukoro wo kwigira ku butwari bw’abanyeshuri b’i Nyange #rwanda #RwOT
Ibi byabereye mu Karere ka Ngororero hizihizwa ku nshuro ya 25 Ubutwari bwaranze abanyeshuri b’i Nyange, ubwo bangaga kwitandukanya nk’uko babitegetswe n’abacengezi babagabyeho igitero mu ijoro ryo ku wa 18 Werurwe 1997.
Ni umuhango waranzwe no gusobanura amateka ku bakiri bato, bazengurutswa mu Ibyumba bya mateka, Imikino y’ Ikinamico igaragaza amateka y’abacengezi bishe inzirakarengane z’abana bigaga mu Ishuri ryisumbuye ry’i Nyange 1997.
Ubwo bangaga kwitandukanya nk’uko babihatiwe n’abacengezi bababwiraga bati 'Abatutsi bajye ukwabo n’Abahutu ukwabo', abo bana bagaragaje ubutwari basubiza abacengezi bagira bati 'Twese turi Abanyarwanda'.
Ababyeyi ba bamwe muri aba bana bigaga i Nyange icyo gihe bakaba basabye ko abakiri bato bakwiriye kwigira ku Ntwari z’i Nyange bakagaragaza ubunyangamugayo no kwirinda ivangura iryo ariryo ryose ryabatera umwiryane no gusubiranamo kuko biteza intambara bigasenya n’Igihugu.
Umunyeshuri witwaga Mujawamahoro Marie Chantal, ni we wasubije abacengezi ati “Twese turi Abanyarwanda”, bagenzi be bashyigikira icyo gisubizo.
Iki gisubizo cyababaje abacengezi batangira kwica aba bana bakoresheje amasasu na gerenade Mujawamahoro, nibwo yahise apfa .
Umubyeyi we witwa Twagirumwami Thomas uvuka mu Karere ka Nyamasheke, mu Murenge wa Kagano mu Kagali ka Rwesero mu Mudugudu wa Gasharu, yari yitabiriye igikorwa cyo kwibuka Intwari z’i Nyange.
Yavuze ko Mujawamahoro Chantal yaranzwe n’ubutwari kuva avutse kugeza ubwo yicwaga n’Abacengezi mu 1997.
Ati 'Chantal, ubutwari bwe bwatangiriye mu rugo, kuko yitaga kuri barumuna be, akagira n’urukundo no gufasha abantu.'
Akomeza agira inama abana bakiri bato kugira Ubutwari bigira ku butwari bw’Abana b’i Nyange kandi bakaba n’inyangamugayo.
Minisitiri w’Urubyiruko, Rosemary Mbabazi na Guverineri w’Iburengerazuba, Habitegeko François bitabiriye umuhango wo kuzirikana Intwari z’Abanyeshuri b’i NyangeMinisitiri w’Urubyiruko n’Umuco Rosemary Mbabazi yavuze ko kuba abana b’i Nyange batewe n’abacengezi nyamara bo bakanga kwitandukanya bagasubiza ko bose ari Abanyarwanda, bigaragaza ubutwari n’umutima w’Ubunyarwanda.
Ati 'Nta gushidikanya ko aba bana, izi Ntawari twibuka none zashoboye ibyananiye benshi bari bakuru kandi banasobanukiwe, ibyananiye abakuru abana barabishoboye , ariko bisaba umutima w’ubutwali no kugira ukuri.'
Yakomeje agira ati 'Abana b’i Nyange rero bagaragje ko kurwanya ikibi bishoboka, kuba abana b’i Nyange bararwanyije ikibi bagashyigikira Ubunyarwanda ni ikimenyetso cy’uko kugira ubutwari butagira imipaka.'
Minisitiri Mbabazi yavuze kandi Intwari zibukwa none zahaye umukoro abakiri bato n’urubyiruko ko nta rwitwazo rw’imyaka bafite mu rugendo rwo kubaka ubunyarwanda bwashegeshwe na Jenoside yakorewe Abatutsi mu 1994.
Abana 47 bakaba baragizwe Intwari z’Imena ku rwego rw’Igihugu ku wa 12 Nzeri 2001, igihe Intwari z’igihugu zo ku ikubitiro rya mbere zatangazwaga.
Muri izo Ntwari z’Imena ubu abariho ni 39 nyuma y’uko ku ikubitiro batandatu baguye muri icyo gitero, umwe yitaba Imana muri Nyakanga 2001 azize ibikomere yatewe n’icyo gitero cy’abacengezi mu gihe undi yitabe Imana muri 2018 azize indwara.
Abatakiriho muri izo ntwari ni Bizimana Sylvestre wigaga mu mwaka wa gatandatubwavukiye mu Murenge wa Gahanga, Akarere ka Kicukiro mu 1975.Yaguye mu bitaro by’i Kabgayi biturutse ku bikomere by’amasasu yarashwe n’abacengezi.
- Minisitiri Mbabazi na Guverineri Habitegeko bunamiye Intwari z’i Nyange
- Abanyeshuri biga i Nyange muri iki gihe basabwe kurangwa n’ubutwari
Abayobozi batandukanye bitabiriye umuhango wo kwibuka Intwari z’i Nyange
-
Umuyobozi ukomeye muri Uganda yaguye muri Amerika #rwanda #RwOT
Uyu mugabo w’imyaka 56 yari amaze iminsi yivuriza mu mujyi wa Seattle muri Leta zunze ubumwe za Amerika.
Abayobozi batandukanye bo muri Uganda baherukaga kumusura aho arwariye, bataha bavuga ko arembye, ko akeneye amasengesho.
Jacob L’Okori Oulanyah yabaye Perezida w’Inteko ishinga amategeko ya 11 ya Uganda ku wa 24 Gicurasi 2021, atsinze Rebecca Alitwala Kadaga wari usanzwe muri uwo mwanya.
Yabaye Visi Perezida w’Inteko ishinga amategeko ya Uganda kuva mu 2011 kugeza muri Gicurasi 2021.
-
PS muri Minisiteri ya Siporo, Shema Maboko Didier yashyikirije ibendera abakinnyi bagiye guhagararira u Rwanda muri shampiyona Nyafurika yo gusiganwa ku magare #rwanda #RwOT
Kuri uyu wa gatandatu tariki ya 19 Werurwe 2022, nibwo mu karere ka Bugesera muri La Palisse Hotel habereye umuhango wo gushyikiriza ibendera abakinnyi bagiye guhagararira u Rwanda muri shampiyona yo gusiganwa ku magare, ni umuhango wayobowe n'umunyamabanga uhoraho muri Minisiteri ya siporo Shema Maboko Didier.
Muri uyu muhango warimo na Perezida w'ishyirahamwe ry'umukino wo gusiganwa ku magare mu Rwanda, FERWACY Murenzi Abadallah ndetse n'umuyobozi w'akarere ka Bugesera Mutabazi Richard basabye aba bakinnyi bazatangira imikino hagati ya tariki ya 22 na 27 Werurwe 2022 ikazakinirwa mu gihugu cya Misiri.
Mu ijambo ry'umunyamabanga uhoraho muri Minisiteri ya siporo, Shema Maboko Didier abanje gushimira abakinnyi uko bitwaye muri Tour du Rwanda22 , anaboneraho kubibutsa ko uyu mwaka biteguye neza, abasaba kurushaho guhatana, ababwira ko yizeye imidali muri iyi shampiyona y'Afurika bagiyemo.
Perezida wa FERWACY, Abdallah Murenzi yasabye abakinnyi gushaka imidali myinshi n'amanota kugira ngo u Rwanda rusubira mu myanya 3 ya mbere muri Afurika.
Ku rundi ruhande, Umutoza Sempoma Felix uyoboye aba bakinnyi berekeje mu Misiri mu gitondo cyo kuri iki cyumweru, yavuze ko biteguye neza bityo intego ikaba ari ukuzana imidali myinshi.
Urutonde rw'abakinnyi b'ikipe y'igihugu yo gusiganwa ku magare yitabiriye shampiyona y'Afurika 2022:
Abangavu : Uwera Aline
Ingimbi : Ndayisenga Bonheur
Abagore U23: Ingabire Diane ,Nzayisenga Valentine na Tuyishimire Jacqueline
Abagabo U23: Muhoza Eric , Mugisha Moise , Mugisha Samuel , Nsengimana Jean Bosco na Uhiriwe Byiza Renus .
Umuyobozi wa tekiniki ni Murenzi Emmanuel, Umutoza Sempoma Felix, Umukanishi Uwimana Jean de Dieu (Rafiki) ndetse na Masseuse Uwayezu Sandrine .
The post PS muri Minisiteri ya Siporo, Shema Maboko Didier yashyikirije ibendera abakinnyi bagiye guhagararira u Rwanda muri shampiyona Nyafurika yo gusiganwa ku magare appeared first on RUSHYASHYA.
-
Igitekerezo: Kuki abantu bahuza ubukuru n’ubwenge kandi n’abafite buke bakura? #Rwanda #RwOT via @kigalitoday #rwanda #RwOT
Abantu benshi bakunda guhuza kuba umuntu ari mukuru mu myaka no kuba afite ubushobozi bwo kugira umuntu inama nziza cyane cyane abatoya. Nyamara ibi naje (…)