Author: webrwanda

Jacques Tuyisenge wahoze akinira amakipe atandukanye mu Rwanda no hanze yarwo, yavuze ko ubwo yendaga gutandukana na Gor Mahia yo muri Kenya yamaze icyumweru ategereje uruhushya rwa Raila Odinga atabizi.

Hari mu rwego rwo kwifuriza iruhuko ridashira Raila Odinga wigeze kuba Minisitiri w’Intebe muri Kenya witabye Imana.

Mu gitondo cyo cy’ejo hashize ku wa Gatatu nibwo amakuru yamenyekanye ko uyu mugabo utavuga rumwe n’ubutegetsi bwa Kenya yitabye Imana azize uburwayi.

Uyu mugabo wihebeye Gor Mahia ndetse amakuru akavuga ko yanayifashaga cyane mu bijyanye n’amikoro, yababaje benshi barimo naJacques Tuyisenge usigaye wibera muri Amerika aho abinyujije kuri Instagram ye yavuze byinshi kuri uyu mugabo.

Ati “muri 2019 ubwo nashakaga gutandukana na Gor Mahia namaze icyumweru kirenga ntegereje uruhushya rwo kuba nagira indi kipe nsinyira. Nyuma nabwiwe ko bari bategereje ko utanga uburenganzira nkagenda.”

“Uyu munsi reka mvuge ngo ruhukira mu mahoro mubyeyi. Kuri Gor Mahia ikipe yakundaga cyane na Kenya muri rusange ndabihanganishije muri ini bihe bitoroshye. Ruhukira mu mahoro.”

Umuherwekazi akaba umukinnyi wa filime, Alliah Cool, yasabye umunyamakuru DC Clement ko mu byo akina nabyo yareka gukina n’aho avuka, ni nyuma yo kuvugira ku modoka nshya yaguze ayinenga ko yambaye plaque y’Inkongomani.

Ejo nibwo hagiye hanze amashusho y’imodoka nshya ya Alliah Cool yo mu bwoko bwa Mercedes Benz Brabus G.

Nyuma y’uko igiye hanze, DC Clement yashyize ubutumwa ku rukuta rwe rwa Instagram asa n’ugaruka kuri iyi modoka.

Yagize ati 'Aho kurata imodoka y’Inkongomani nitwa umukire i Nyarugenge, umwana w’i Gitwe naguma kuri Kateripilari yambaye i Nyarwanda.'

'Ndakubwira ukuri ko igitutu cyo kwemeza kizahitana abantu i Nyarugenge. Ka nigire kwibagarira imyumbati hano i Gitwe akavura kaguye.'

Alliah Cool akaba yifashishije ubu butwa bwa DC Clement yahisemo kumusubiza agaragaza ko u Rwanda ari igihugu cyiza cyamureze kandi yubaha, kuba atarakuriye muri Congo atari amahitamo ye ahubwo bavukijwe uburenganzira.

Muri ubu tumwa burebure yagize ati “U Rwanda ni igihugu cyiza kandi twese dukunda. Benshi muri twe twakuriye mu Rwanda ku bw’uko tutagize amahirwe yo gukurira iwacu muri Congo kubera impamvu zo kubuzwa uburenganzira.”

“Iteka dushimira u Rwanda rwaduhaye amahirwe yo kuhakurira, kuhakorera, kuhatura no kuhatungira mu mahoro n’umutekano usesuye.”

Yakomeje agira ati “Kuba bamwe muri twe uyu munsi turi mu gihugu cyacu Congo byasabye imbaraga ubwitange n’amaraso y’abasore n’inkumi za M23 (forever grateful).”

“Niyo mpamvu kuba twagira umutungo cyangwa tukabona uburenganzira ku gihugu cyacu bitagateshejwe agaciro nagato.”

Yakomeje amwibutsa ko yagakwiye gukina n’ibindi ariko ntakine n’inkomoko y’umuntu kuko ari ikosa rikomeye.

Ati “Buriya rero wakina n’ibindi bintu byinshi ariko ntiwakina n’inkomoko y’umuntu (Ikosa rikomeye).’ Ubutaha mujye mukina indi mikino apana iy’ibihugu cyane ko inyota yo kuba aho turi uyu munsi ushobora no kuba udafite n’icyo wowe uyiziho.”

“Imodoka nubwo wayitungira mu gihugu ikorerwamo ntibyayikuraho agaciro kayo. Uyu munsi sinibazako Congo ari yo igomba gutuma ikintu gita agaciro.”

Alliah Cool ni umwe mu bakinnyi ba filime bakunzwe kandi bafite agatubutse, aho mu myaka yatambutse yanujuje inzu ye bwite y’umuturirwa.

Hari abaturage bo mu Murenge wa Rusororo, mu karere ka Gasabo, batangaza ko bamwe mu bayobozi b'inzego z'ibanze babasaba amafaranga cyangwa inzoga mbere yo kubaha serivisi za Leta, ibintu bavuga ko bibangamira imitangire ya serivisi inoze kandi bikagaragaza umuco wa ruswa ukwiye kurwanywa.

Aba baturage bavuga ko iyo umuntu ajyanye ikibazo cye ku muyobozi w'Akagari cyangwa ushinzwe imibereho myiza, hari abo usanga bavuga amagambo nk'aya ngo 'nawe se ntacyo wazanye,' cyangwa 'turabigufashamo ariko nta kintu wazanye.' Ibi bituma bamwe bacika intege, abandi bakumva Leta itabaha agaciro.

Umwe mu baturage twaganiriye (utashatse ko amazina ye atangazwa ku mpamvu z'umutekano) yagize ati: 'Hari ubwo ushaka icyangombwa cyo guhererekanya ubutaka, bakakubwira ngo uzane inzoga cyangwa amafaranga yo kugura amafunguro. Iyo ubyanze, serivisi iradindira.'

Abandi bavuga ko iyo batabashije gutanga ibyo basabwe, ibibazo byabo bititabwaho vuba, cyangwa se bagahabwa ibisubizo bituzuye. Ibi byose, ngo bituma abaturage batakaza icyizere ku nzego zibegereye.

Umuyobozi w'Akarere ka Gasabo, ubwo twamushakaga ngo agire icyo abivugaho, yavuze ko Akarere kagiye gukora iperereza ryimbitse kuri ayo makuru, kandi abagaragarwaho n'ibyo bikorwa bazahanwa hakurikijwe amategeko.

Yagize ati: 'Nta muyobozi wemerewe gusaba abaturage amafaranga cyangwa inzoga kugira ngo abakorere serivisi. Uwo bizagaragaraho azahita ahagarikwa kandi akurikiranwe n'inzego zibishinzwe.'

Abaturage basaba ko Leta ikomeza gufatira ibyemezo bikomeye ku bayobozi batubahiriza indangagaciro z'umukozi wa Leta, kugira ngo serivisi zijye zitangwa mu mucyo, mu bwubahane no mu kinyabupfura.

Benshi batunguwe no kubona amashusho y’umuhanzi Meddy ari kumwe n’umuhanga mu gutunganya indirimbo (Producer) akaba n’umuhanzi, Element Eleéeh hakekwa ko haba hari umushinga w’indirimbo bafitanye.

Aya mashusho yagiye hanze agaragaza aba bombi bari muri Studio, Meddy arimo gucuranga guitar Element amufatiye micro.

Amakuru avuga ko yafashwe ubwo Element Eleéeh yari Leta Zunze Ubumwe za Amerika ubwo yari yagiye kuririmba muri Rwanda Convention 2025.

Benshi baketse ko haba hari umushinga w’indirimbo hagati ya Meddy wiyeguriye indirimbo zo kuramya no guhimbaza Imana na Element uri mu bagezweho muri iyi minsi.

Element wafashije umuhanzi Marioo mu ndirimbo Njozi iheruka kujya hanze, ubwo ISIMBI yageragezaga kumuvugisha kuri iya mashusho ntibyakunze kuko atabonekaga kuri telefoni ye.

View this post on Instagram

A post shared by ISIMBI TV (@isimbi__tv)

Visi perezida wa Rayon Sports Ushinzwe Tekinike, Muhirwa Prosper, yamaze kwandika yitandukanya n’icyemezo cya perezida w’iyi kipe, Twagirayezu Thaddée wahagaritse umutoza Afhamia Lotfi.

Ni kenshi byavuzwe ko nubwo Afhamia Lotfi yasinyiye Rayon Sports nk’umutoza mukuru mu mwaka w’imikino wa 2025-26, Twagirayezu Thaddée nka perezida atamwemeraga.

Mu Nama y’Inteko Rusange ya Rayon Sports iheruka kuba muri Nzeri 2025, Twagirayezu Thaddée yavuze ko Muhirwa Prosper ari we wazanye umutoza Afhamia Lotfi aramwumvira nka visi perezida we (aha yagarukaga ku byemezo bimwe na bimwe byagiye bifatwa kubera Prosper ariko bikaroha ikipe).

Nyuma yo kutanyurwa n’umusaruro we w’intsinzi imwe mu mikino itanu, agatsindwamo 3 akanganya umwe, Twagirayezu Thaddée yatangiye gushaka uko yasezerera uyu mutoza.

Bivugwa ko n’ubundi muri Komite Nyobozi ya Rayon Sports, Muhirwa Prosper yakomeje kugaragaza ko Lotfi atari akwiye kwirukanwa.

Ijwi rye ryanze kumvikana maze Twagirayezu Thaddée afata umwanzuro wo guhagarika umutoza Afhamia Lotfi tariki ya 13 Ukwakira 2025.

Muhirwa Prosper akaba yamaze gushyira hanze ibaruwa yitandukanya na Twagirayezu Thaddée avuga ko ingaruka zizaba azazirengera.

Ati “Nshinginye ku mabaruwa yo ku wa 13 Ukwakira 2025 wandikiye umutoza Afhamia Lotfi nk’Umutoza Mukuru na Azzouz Lotfi nk’Umutoza Wungirije mubateguza ku gusesa amasezerano mu nshingano nk’abatoza ba Rayon Sports FC.'

'Nanditse iyi baruwa ngira ngo nitandukanye n’icyemezo wafashe cyo guhagarika abatoza navuze haruguru, kuko nsanga waragifashe ku giti cyawe, atari icyemezo cya Komite Nyobozi. Bityo n’igihe havuka ingaruka ziturutse kuri icyo cyemezo, zidakwiye kwitirirwa Umuryango wa Rayon Sports.'

Perezida wa Rayon Sports akaba yabwiye ISIMBI ko nta tegeko na rimwe bishe kuko amasezerano ye arasobanutse.

Ati “mu masezerano hari ingingo isobanutse ivuga ko buri ruhande rwose rushatse gusesa amasezerano itanga integuza y’ukwezi hanyuma ku ruhande rwacu nk’ikipe tugatanga amezi 3 y’umushahara, ni ibintu bidasaba ubwenge bwinshi.”

Amakuru aturuka ku ruhande rwa Lotfi yo avuga ko hari amakosa iyi kipe yakoze mu kutubahiriza amasezerano bagiranye bityo ko bazarega bakishyurwa amasezerano yose bagiranye.

Kutumvikana kwa Muhirwa Prosper na Twagirayezu Thaddée, nk’uko twabigarutseho ruguru uretse kuba hari ibyemezo yagiye afata bigashyira ikipe mu bibazo binavugwa ko afite ukorana na Komite y’Inama y’Ubutegetsi iyobowe na Muvunyi Paul kandi ntabwo muri iyi minsi bumvikana na Twagirayezu Thaddée.

Urujijo ni rwinshi ku myitwarire y’Ikipe y’Igihugu Amavubi yaraye itsinzwemo na Afurika y’Epfo 3-0, benshi mu mitwe haracyazengurukamo ibitego yatsinzwe.

Wari umukino usoza itsinda C mu gushaka itike y’Igikombe cy’Isi cya 2026 kizabera muri Leta Zunze Ubumwe za Amerika, Mexico na Canada.

Wari umukino u Rwanda rwakinnye rudafite ikintu na kimwe ruharanira kuko itike yari yaragiye kera, Afurika y’Epfo yo yasabwaga gutsinda gusa ikajya mu Gikombe cy’Isi.

Mbere y’umukino havuzwe u Rwanda rwashyiriweho amafaranga menshi niruramuka rutsinze Afurika y’Epfo aho perezida wa FERWAFA, Shema Fabrice we ku giti cye yari yemereye abakinnyi miliyoni 2 z’Amfaranga y’u Rwanda asanga amadorali 1500 nk’agahimbazamusyi basanzwe bemerewe. Byari bivuze ko buri mukinnyi yagombaga kubona arenga miliyoni 4 Frw batsinze uyu mukino.

Benshi bumvaga uyu mukino uri buze kuba ukomeye ariko abarebye umukino babonye ibitandukanye n’ibyo bakekaga.

Kuba Afurika y’Epfo ishaka kujya mu Gikombe cy’Isi gutsinda Amavubi adafite icyo irwanira ntabwo ari inkuru ariko uburyo yatsinzwemo nibyo nkuru.

Amavubi ni ikipe yari isanzwe ikina neza nubwo gutsinda byagiranaga ariko ntabwo abanyarwanda baherukaga kubona ikipe y’igihugu itsindwa isuzuguwe cyane.

Uyu mukino Amavubi iyo wumvise amafaranga yari yashyirweho n’uko yakinnye byari bihabanye cyane, yakinnye nabi ku rwego rwose rushoboka.

Mu bitego bitatu Ntwari Fiacre yatsinzwe bibiri muri byo (icya 1 n’icya 3) hakabaye hakozwe ibirenze kugira ngo ntibijyemo kuko nk’igitego cya mbere cya Thalente Mbatha yamuteye umupira aho yari ahagaze ariko uburyo yawukuyemo wakomeje ujya mu izamu.

Iyo urebye igitego cya gatatu cy’umutwe cyatsinzwe na Evidence Makgopa ku mupira wari uvuye muri koruneri, nabyo biragoye kwemera ko bagitsinze umunyezamu nka Ntwari Fiacre ariko na none wakibaza uko Manzi Thierry wari umufashe yamuretse agatera umutwe.

Gusa nubwo tuvuga umunyezamu ariko iyo urebye ibitego byose uko byatsinzwe abakinnyi ntacyo bamufashije nabo wabonaga batashyizemo imbaraga zose, guhagarara nabi nibyo byabaranze.

Muri rusange ikipe yose yakinnye nabi ku buryo wa mugani w’abakoresha imbuga nkoranyambaga bavuga ko haba habaye kuganira hagati ya Afurika y’Epfo n’Amavubi byaba ari ukuri wabiha ishingiro.

Umutoza Adel Amrouche yagambaniye Ntwari Fiacre

Mbere y’uyu mukino abakoresha imbuga nkoranyambaga cyane cyane abo muri Afurika y’Epfo bavugaga ko ari we byiringiro byabo kugira ngo bajye mu Gikombe cy’Isi.

Uyu munyezamu yari ku gitutu cyinshi cyane, bamwe bibaza niba yabuza Igihugu ahahiramo (akinira Kaizer Chiefs) kujya mu gikombe cy’Isi.

Ibyo byose byaje kwiyongera ku kuba uyu munyezamu yagize umukino mubi cyane bitewe n’ibitego yatsinzwe, abantu batangira kugenda babihuza huza, gufata ko yagize umukino mubi nk’ibintu bisanzwe hari abatabyemera ahubwo bakagendera ku byavuzwe mbere y’umukino.

Gusa ku rundi ruhande umutoza Adel ameze nk’uwagambaniye uyu munyezamu kuko nk’umutoza wari uzi igitutu yari afite kandi ikipe y’Igihugu nta kintu irwanira kuko yamaze kubura itike yakabaye yatekereje kabiri mbere yo kumushyira muri iri zamu.

Yakabaye yashyizemo Buhake Twizere Clement na we akamuha umwanya wo gukina aho gushyiramo Fiacre umukino ukamubera inzozi mbi. Ikindi si na we gusa yakabaye yahaye abandi bakinnyi umwanya batakoreshejwe mu rwego rwo gutegura ikipe azakoresha mu minsi iri imbere.

Umuherwe Munyakazi Sadate wayoboye Rayon Sports, yagaragaje ko yishimiye bikomeye ubutumwa umugore we yamugeneye mu gihe barimo bizihiza isabukuru y’imyaka 30 bamaze barushinze.

Uyu munsi Sadate n’Umugore we bakaba bizihiza isabukuru y’imyaka 30 bamaze bakoze ubukwe aho nabo bafite amashami yabashibutseho, babyaranye abana batanu.

Yifashishije imbuga nkoranyambaga, Sadate yagaragaje ubutumwa burimo amagambo asize umunyu, bwuje imitoma umugore we yamugeneye kuri uyu munsi.

Yagize ati “Isabukuru nziza y’ubukwe bwacu mukundwa. Warakoze cyane mbere na mbere kuba warampisemo no ku bw’urukundo rwawe rutagira icyo rushingiraho. Bibaye ngombwa ko nongera kubikora, naguhitamo amaso mfunze. Ndagusaba rero ko wazongera kumpitamo mu buzima bw’iteka. Imana Ishoborabyose iduhe indi myaka myinshi y’ibyishimo no gusaza turi kumwe.”

Yasoje ubutumwa bwe amubwira ko amukunda kuruta ikindi kintu cyose ku Isi akaba urukundo rw’ubuzima bwe ndetse ni na byose kuri we.

Uyu mugabo umwe mu bavuga rikijyana ku mbuga nkoranyambaga akaba inshuti y’urubyiruko nk’uko akunda kwiyita, ni kenshi yagiye akunda kuvuga ko iterambere afite abikesha umugore we mwiza.

Sadate Munyakazi aheruka kwemeza ko ari mu batunze agatubutse ariko akaba ataragera aho yifuze, ni we nyiri Kompanyi y’Ubwubatsi ya Karame Rwanda Ltd, yabaye umuyobozi wa Rayon Sports hagati ya 2019 na 2020.