Author: webrwanda

Kimwe n'ibindi binyamakuru byinshi, ku wa 25 Werurwe mu 2023 nibwo New York Times yashyize hanze inkuru igaruka ku ifungurwa rya Rusesabagina Paul wari umaze igihe afunze nyuma yo guhamywa ibyaha by'iterabwoba ariko akaza gufungurwa ku mbabazi za Perezida wa Repubulika.

Muri iyi nkuru iki kinyamakuru kigaragaza ko Rusesabagina ari 'umuntu unenga Perezida w'u Rwanda, washimuswe akagezwa mu gihugu ubundi agakatirwa igihano cy'imyaka 25 mu rubanza abamushyigikiye bahamya ko rwari ikinamico.'

Iyi nkuru ikomeza igaragaza ko mu minsi 900 Rusesabagina yamaze mu Rwanda yakorewe iyicarubozo, afungwa wenyine, yimwa ibiryo ndetse n'imiti.

Abdul Latif wanditse iyi nkuru akaba asanzwe anahagarariye New York Times muri Afurika y'Iburasirazuba, akomeza avuga ko ubwo Rusesabagina yafungurwaga hari abanyamakuru bari batumiwe na Guverinoma ku marembo ya gereza y'i Mageragere kugira ngo babone uko afungurwa ariko bikaza kurangira basanze yaraye arekuwe.

Ibyatangajwe n'iki kinyamakuru byahise byamaganwa n'abantu batandukanye barimo n'Umuvugizi wa Guverinoma y'u Rwanda, Yolande Makolo.

Makolo yagaragaje ko iyi nkuru ije ikurikira izindi iki kinyamakuru cyagiye cyandika ku kibazo cya Rusesabagina zirimo kubogama no kubeshya.

Ati 'Inkuru za New York Times ku kibazo cya Rusesabagina by'umwihariko izatangajwe n'umunyamakuru wayo muri Afurika y'Iburasirazuba, Latif zagiye zigaragaramo kubogamo no kubeshya, ndetse na nyuma y'uko Latif abashije kwigerera kuri Rusesabagina nyuma y'uko atawe muri yombi.'

Yakomeje avuga ko kimwe mu binyoma bigaragara muri iyi nkuru ari ikijyanye no gutumira abanyamakuru kuri gereza ya Mageragere.

Ati 'Icya mbere, Guverinoma y'u Rwanda ntabwo yigeze itumira abanyamakuru ngo bakurikirane uko ifungurwa rya Rusesabagina rigenda ndetse nta n'umwe wari uri kuri gereza. Njye ubwanjye nibwiriye ababinsabye ko bitari bushoboke kuza gufata amafoto. Latif Twaravuganaga ariko ntiyigeze ashaka kumenya ukuri kuri aya makuru.'

Mu ijoro ryo ku wa Gatanu ahagana ahagana Saa Yine nibwo Paul Rusesabagina yavanywe muri Gereza hubahirizwa umwanzuro w'imbabazi yahawe n'Umukuru w'Igihugu. Yahise ajyanwa mu rugo rwa Ambasaderi wa Qatar, aho agomba kumara iminsi mike mbere y'uko yerekeza i Doha aho azahurira n'umuryango we, agakomeza urugendo rujya muri Amerika aho yari asanzwe atuye.

Ikindi Makolo yagaragaje nk'igiteye inkeke ni uburyo New York Times ikomeje gukoresha imvugo zo gushimuta, kuyobya n'izindi zakunze kuyiranga mu kibazo cya Rusesabagina, mu gihe Amerika yamaze kwemera ko uyu mugabo yafashwe mu buryo bwubahirije amategeko.

Ati 'Nyuma y'uko Rusesabagina n'abo bahamirijwe ibyaha hamwe babariwe ndetse akava muri gereza, Minisiteri y'ububanyi n'amahanga (muri Amerika) yasohoye itangazo yamagana ubugizi bwa nabi bushingiye kuri politike ndetse Amerika ihagarika gukoresha imvugo yo 'guta muri yombi binyuranyije n'amategeko'.'

'Ibi ni ukwemera ko Rusesabagina yakoranye n'imitwe yitwaje intwaro, hakaba harumvikanye impamvu u Rwanda rwamutaye muri yombi ndetse inkiko zacu zikaba zari mu kuri ubwo zamuhamyaga icyaha. Biragaragara ko uku kuri n'ibi bimenyetso bidahwanye n'umurongo w'ibitangazwa na New York Times.'

Makolo agaragaza ko kuba iki kinyamakuru gikomeje gukoresha izi mvugo zo gushimuta 'biri mu mugambi wo kugoreka ukuri kandi ko Rusesabagina atigeze akorerwa iyicarubozo, ngo afungwe wenyine cyangwa ngo yimwe ibiryo, amazi n'imiti.'

Kugeza ubu u Rwanda ruhamya ko nta gitutu rwashyizweho kugira ngo rurekure Rusesabagina, ahubwo ko ibyakozwe bikurikije amategeko, ndetse bikaba byaragezweho nyuma y'ibiganiro byagizwemo uruhare na Qatar nk'umuhuza.

Amerika ivuga ko ikibazo cya Rusesabagina cyari agatotsi gakomeye mu mubano wayo n'u Rwanda. Kugira ngo afungurwe, ngo hari hashize amezi hari ibiganiro bihuza impande zitandukanye zirebwa n'ikibazo cye.

Umutwe wa FDLR umaze igihe uteye inkeke ku mutekano w'u Rwanda, aho washinzwe na bamwe mu bagize uruhare muri Jenoside yakorewe Abatutsi mu 1994.

U Rwanda na Uganda bikomeje kuzahura umubano, wagize igihe uhungabana ku buryo u Rwanda rwashinjaga umuturanyi warwo mu mu Majyaruguru guha urwaho ibikorwa by'abashaka guhirika ubutegetsi bwarwo, barimo n'uyu mutwe wa FDLR.

Muri iki cyumweru nibwo u Rwanda na Uganda byasinye amasezerano aganisha ku kuzahura umubano byuzuye, ateganya ibiganiro mu nzego za politiki, ibijyanye n'abinjira n'abasohoka n'ubufatanye mu bijyanye n'ubutabera n'ibindi.

Minisitiri w'Ububanyi n'amahanga w'u Rwanda, Dr Vincent Biruta, yagaragaje icyizere ko ibi biganiro bizarushaho kuzamura umubano w'ibihugu byombi.

Minisitiri w'Ububanyi n'amahanga wa Uganda, Jeje Odongo, yavuze ko bishimishije kuko u Rwanda na Uganda ari ibihugu byombi bihuriye mu muryango wa Afurika y'Iburasirazuba, ndetse bigomba gufatanya mu gushaka ibisubizo ku bibazo bya Afurika.

Yavuze ko ibibazo byo mu Burasirazuba bwa RDC bigira ingaruka ku Rwanda na Uganda mu buryo busa, ku buryo bigomba no gufatanya gushaka umuti.

Yakomeje ati “Ibibazo byo mu Burasirazuba bwa Congo twembi bitugiraho ingaruka. ADF ibangamiye Uganda, ifite ibirindiro mu burasirazuba bwa RDC, FDLR ibangamiye u Rwanda nayo ikorera mu Burasirazuba bwa Congo.”

“Ibiganza bibiri bikora ibirenze ikiganza kimwe, ari nayo mpamvu navuze ko tugomba gukomeza gukorera hamwe kugira ngo hamwe n'akarere, byaba binyuze muri Afurika y'Iburasirazuba n'Inama y'akarere k'ibiyaga bigari, dushobora gutanga umusanzu wacu mu gushaka ibisubizo.”

Yavuze ko ibiganiro bemeranyijeho bizafasha mu kumva ibintu kimwe, mu gushaka ibisubizo ku bibazo biri mu Burasirazuba bwa RDC.

Uretse kuba umutwe wa ADF ubangamiye Uganda, Ku wa 1 Ukwakira 2021 Urwego rw'Ubugenzacyaha rwemeje ko ku bufatanye n'izindi nzego z'umutekano, hafashwe abantu 13 mu mezi ya Kanama na Nzeri 2021, bakekwaho gukorana na ADF, mu mugambi wo gutera ibisasu ahantu hatandukanye mu Mujyi wa Kigali.

Icyo gihe hanafashwe ibintu bitandukanye byagombaga kwifashishwa mu gukora ibisasu birimo imisumari, insinga, intambi, sim card n'ibindi.

Ibyo bisasu ngo byagombaga guterwa kuri City Tower no kuri sitasiyo i Nyabugogo, “nubwo ngo imigambi y'ibanze yaje guhindurwa yari iyo kwibasira abayobozi b'Ingabo na Polisi by'u Rwanda.”

Umugambi wabo ari ukwihorera kubera ibikorwa by'ingabo z'u Rwanda guhangana n'iterabwoba mu ntara ya Cabo Delgado muri Mozambique.

Sunday Justin washinze Sunday Entertainment igiye kureberera inyungu uyu muhanzi, yabwiye inyaRwanda ko nta masezerano y’igihe runaka basinyanye ahubwo bazakorana mu gihe cyose impande zombi zizaba zicyumva ari ngombwa.

Ati “Igihe Imana izadushoboza nicyo tuzakorana. Igihe cyose njye nawe tuzaba turi kubyemeranywaho nicyo tuzakorana.”

Mu kiganiro cyatambukijwe kuri shene ya Youtube ya SUNDAY TV SHOW, uyu muhanzi yavuze ko ari umwanditsi akaba umuririmbyi n'umucuranzi wa guitar, akaba ashaka no kwiga piano. Ati 'Kuba mfite ubumuga ntabwo bigaragara nk'inzitizi.''

Arakomeza ati 'Umuziki ni isi yambereye nziza, ni isi yatumye mpinduka. Ni isi yatumye numva nikunze mu gihe nari kumva ubuzima bushaririye. Bya bindi bavuga ngo uyu munsi uraseka ejo ukarira, njye siko biri ahubwo mpora nseka.'

King Ali avuga ko umuziki ari byose, kugeza n'aho iyo yabuze icyo kurya awifashisha.

Ati 'Umuziki wambereye ibiryo, kuko iyo nabibuze ndacuranga iminsi ikicuma. Ku myaka ibiri nibwo nagize ikibazo cyo kutabona kubera iseru. Abaganga ntabwo bahise babivumbura, babimenye amaso yarangiritse.'

Akomeza avuga ko ubu bumuga bwatumye ababyeyi bagirana ibibazo nyuma yo kuvuza bikanga, kandi batarashakaga kugira umwana umeze gutyo.

Avuga ko amaze kugira ikibazo cyo kutabona yakomeje kujya akina n'abandi bana ariko akumva hari icyo abura, aricyo umuziki atangira gushaka uko yakwiga gucuranga ibicurangisho bitandukanye.

Yakomeje gukora uko ashoboye mu muziki ariko bikanga, umunsi umwe yagiye muri studio mu bisumizi ahura na Darest wo muri Juda Muzik aramuganyira undi atangira kumufasha uko ashoboye.

Akangurira abafite ubumuga kutitinya. Ati 'Menya ko buri cyose gishoboka iyo udacitse intege.'

Uyu musore avuga ko yishimye kuba yabonye abajyanama mu muziki we.

Sunday Entertainment yasinyishije King Ali, nyuma y'aho mu minsi yashize yatandukanye na Niyo Bosco nyuma y'ukwezi kumwe kurengaho iminsi 13 [iminsi 44], yari amaze asinye amasezerano y'imikoranire n'iyi sosiyete ireberera inyungu abahanzi.

Tariki 1 Mutarama 2023, ni bwo Niyo Bosco yari yemeranyije na Sunday Entertainment gushora imari mu bikorwa bye by'umuziki, kubimenyekanisha, kumukorera buri kimwe gisabwa kugira ngo impano ye ikomeze kumenyekana n'ibindi.

Yavuye muri iyi sosiyete ireberera inyungu nta ndirimbo n'imwe ahakoreye.

Sunday Entertainment isanzwe ireberera inyungu Mwiza Zawadi uririmba indirimbo zihimbaza Imana, ndetse ni nawe muhanzi wenyine wari usigayemo.

King Ali asinye muri Sunday Entertainment afite indirimbo imwe yakoreye mu Ibisumizi, yise “Mwana Wanjye”. Iyi ndirimbo ikaba yanamaze gukorerwa amashusho nyuma yo kwinjira muri iyi nzu ifasha abahanzi, ashobora kujya hanze vuba.

King Ali afite impano itangaje Uyu musore ufite ubumuga bwo kutabona, yinjiye muri Sunday Entertainment abisikana na Niyo BoscoUyu musore yagize ubumuga bwo kutabona akiri umwana muto w’imyaka ibiri Niyo Bosco aheruka kuva muri Sunday Entertainment Sunday Justin watangije Sunday Entertainment igiye gufasha King Ali

 UMVA INDIRIMBO ''MWANA WANJYE' YA MBERE YA KING ALI WASINYE MURI SUNDAY ENTERTAINMENT

  </span><span data-style=”font-family: Verdana, “sans-serif”; font-size: 14pt;”>(Official Lyrics Video) Juda Muzik” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture; web-share” allowfullscreen>

 

Kuri uyu wa Gatandatu, tariki 25 Werurwe 2023 iyi Sosiyete yifatanyije n'abaturage bo mu Karere ka Kicukiro, Umurenge wa Kanombe, Akagari ka Kabeza, Umudugudu wa Juru mu muganda usoza ukwezi kwa Werurwe.

Wari umuganda ugamije gusukura igishanga cya Juru ndetse no kuzibura imiyoboro y'amazi mu rwego rwo kwirinda imyuzure muri iki gihe cy'imvura.

Nyuma y'iki gikorwa, ku bufatanye na Karere ka Kicukiro n'Umujyi wa Kigali, MTN yatanze inkunga ya miliyoni 50 Frw zo kuzatunganya iki gishanga kikabyazamo ubusitani rusange nk'uko biri muri gahunda y'Umujyi wa Kigali.

Biteganyijwe ko hazaba ari ahantu heza ho gusohokera nk'umuryango, gukorera siporo ndetse n'ibindi bikorwa bitandukanye by'imyidagaduro.

Iyi sosiyete kandi yaremeye miliyoni eshatu abagore batishoboye n'abakobwa babyariye iwabo zo kubafasha kwikura mu bukene. Aya mafaranga akubiyemo imashini zidoda, ubukode bw'inzu bw'amezi atatu, n'ibikoreho by'ibanze bazatangiza nk'ibitenge, indodo n'ibindi.

Umuyobozi muri MTN Rwanda ushinzwe imikoranire n'izindi nzego, Alain Numa yasabye abaturage baremewe kwikura mu bukene nabo bakazafasha abandi.

Yagize ati 'Ibi ni ibikorwa dusanzwe dutegura by'umwihariko ku muganda usoza igihembwe, aho dukora mu mafaranga twungutse tukayasubiza mu baturage.

Yakomeje asaba abaturage baremewe kuzabyaza umusaruro ayo mahirwe nabo bakazafasha abandi.

Yagize ati 'Ubundi iyo bakuremeye ukora uko ushoboye kugira ngo nawe uzaremere abandi. Byaba biteye isoni kuzagaruka muri uyu murenge tuje gufasha. Imashini twabahaye bazazibyaze umusaruro ndetse bazafashe n'abandi kuko kuva kera bakoroza itungo nawe ukazoroza abandi.'

Umuyobozi w'Umujyi wa Kigali Wungirije ushinzwe Ubukungu n'Imibereho y'Abaturage, Urujeni Martine yasabye abaturage kubigira ibyabo kuko aribo bizagirira akamaro.

Yagize ati 'Turasaba abarurage kudahora bateze amaboko, nk'ubu twakoze uyu muganda ahazubakwa ibi bikorwa bitandukanye ndetse bikorwa n'abaturage kuko MTN izaza ibunganira. Turabasaba rero kuzabibungabunga kuko nibo bizagirira akamaro. '

Si ibyo gusa kuko hanamuritswe ahazubakwa Urugo Mbonezamikurire mu rwego rwo kurwanya igwigira mu bana bato. Hazaba kandi hari ibiro by'abajyanama b'ubuzima, iby'umukuru w'Umudugudu ndetse n'izindi serivisi zitandukanye.

Umuyobozi Mukuru wa MTN Rwanda, Mapula Bodibe na we yifatanyije n’abandi mu gukora umuganda

Ni umuganda wari ugamije kuzibura inzira z’amazi

MTN yahaye abagore bakennye n’abakobwa babyariye iwabo imashini zo kudoda

MTN Rwanda yateye inkunga ya miliyoni 50 Frw zo kuzubaka ubusitani bugezweho muri Kabeza

Ingabo z’Igihugu zafashije abaturage kwishimira ibyagezweho

Abaturage bo muri Kabeza bakoze umuganda ahazubakwa ubusitani bugezweho bwiswe ‘Ijuru rya Kabeza’.

Abanyeshuri ba Green Hills Academy nabo bakoze umuganda

Mbere iyi sitade yari izwi ku izina rya Casa de Ezeiza ariko guhera ubu igiye kwitirwa izina ry’umukinnyi wa Paris Saint-Germain. Izina rishya ni “Lionel Andres Messi”. Icyapa cy’iyi sitade cyashyizwe hanze ejo kuwa Gatandatu. 

Umuyobozi w’ishyirahamwe ry’umupira w’amaguru muri Argentine, Claudio Tapia yatangaje izi mpinduka ku izina ry’iyi sitade binyuze kuri Twiter, maze munsi yandikaho ko Lionel Messi ariwe mukinnyi mwiza ku Isi ndetse anashimira abayobozi bari kumwe nabo mu gihe cy’intsinzi y’ikipe y’igihugu.

Uku guhindura izina kuri iyi sitade ikitirirwa Lionel Messi bigereranywa n’undi mukinnyi ukomoka muri Argentine wambaraga n’imero 10, nawe izina rye ryitiriwe sitade ya Napoli mu Butaliyani, Iyi sitade yitwa Stadio Diego Armando Maradona. 

Aha ninaho haheruka gukinirwaho umukino wahuje u Butaliyani n’u Bwongereza mu mikino yo gushaka itike ya Euro ya 2024, yitiriwe Maradona bitewe n'uko uyu mukinnyi w’igihanganjye mu mupira w’amaguru yakiniye Napoli.

Ibi bibaye mu gihe cy’imikino y’amakipe y’ibihugu Lionel Messi amaze gutsinda igitego cye cya 800 mu buzima bwe bw’umupira w’amaguru ubwo bakinaga na Panama mu mukino wa gishuti, yateye kufura nziza ihita ijya mu izamu nta mukinnyi uyikozeho ahita yuzuza uwo mubare w’ibitego gutyo. Ibi Lionel Messi yabikorewe mu rwego rwo kumushimira bitewe n’akazi gakomeye yakoreye ikipe y’igihugu ya Argentine, akabafasha gutwara igikombe cy’Isi cyaberaga muri Qatar.

Izina rya Lionel Messi niryo ryahawe ikibuga ikipe ya Argentine ikorerwaho imyitozo

Lionel Messi yashimiwe uko yitwaye mu gikombe cy’Isi giheruka

Mu ijoro rishyira kuri iki Cyumweru tariki 26 Werurwe 2023, muri Afurika y’Epfo habereye umuhango wo gutanga ibihembo by’abanyafurika batarengeje imyaka 40 bakoze ibikorwa by’indashyikirwa mu mwaka wa 2022, aho bahemba ibyiciro bitandukanye birimo ubucurizi, ishoramari, siporo, ndetse n’ibindi byiciro. 

Mukansanga Salima, umusifuzi mpuzamahanga wo mu kibuga hagati, ni umwe mu ishusho y’u Rwanda kuri ubu by'umwihariko muri Siporo nyuma yo gusifura igikombe cya Afurika ndetse akaza no kugira agahigo kadasanzwe ko kuba umusifuzi  wa mbere w’umugore by’umwihariko muri Afurika wasifuye imikino y’igikombe cy’Isi, aho mu mwaka ushize yasifuye imikino yabereye muri Qatar. 

Nyuma y’ibi byose yagezeho, Mukansanga Salima yaje gutorwa ahize abandi mu matora yaba ku ikoranabuhanga ndetse n’amajwi agize akanama gatora.

Nyuma yo kwegukana iki gihembo kiba ngarukamwaka, Mukansanga Salima yashimiye buri umwe wese wamubaye hafi. Yagize ati “Ndishimye cyane kubwo kwegukana iki gihembo, kandi ndanyuzwe cyane kubera uburyo nakoze, ntabwo nakoze njyenyine kuko mfite abantu benshi banshyigikiye haba mu kibuga ndetse no hanze yacyo mbese ndashimira buri umwe wese ku Isi wanshyigikiye. Ndashimira Rwandair yamfashije kuza hano, none ubu ndahabaye ndi kwishimira iki gikombe.”

Mukansanga Salima nyuma yo gushyikirizwa igihembo yashimiye buri umwe wamufashije ngo agere kubyo agezeho

Mukansanga Salima yari ahanganye n’abandi basiporotifu barimo Amine Zarat washinze irerero rya Basketball ryitwa Tibu Basketball Academy riherereye muri Maroc, Mmabatho Langa usanzwe ari umuganga rusange wa rubanda muri Afurika y’Epfo, na Dr Koketjo Tsebe usanzwe ari umwarimu muri kaminuza, ndetse akaba n’umuganga mu bya siporo muri Afurika y’Epfo.

Gutora abagomba guhatana byari byatangiye tariki 24 Ukwakira birangira tariki 16 Ukuboza 2022. Amatora y’abatoranyijwe yatangiye tariki 10 Mutarama asozwa tariki 28 Gashyantare. 

Forty Under 40 Africa Award ni igihembo baha abanyafurika bari munsi y’imyaka 40 bakora business, bakanibanda mu mikurire ya business n’inganda zikubiye mu kwihangira umurimo, abafite ibyo bagezeho mu gukora cyane kandi bakabikora bakiri bato. 

Umuntu ujya muri iri rushanwa agomba kuba avuka muri kimwe mu bihugu 55 bigize umugabane wa Afurika, ikindi kandi agomba kuba atarengeje imyaka 40 cyangwa ariyo afite mu gihe cyo gutanga ibihembo.

Mukansanga Salima w’imyaka 34  umwaka wa 2022 wabaye uw’amateka ndetse n’impinduka mu mateka ye 

Tariki 8 Werurwe uyu mwaka, nabwo Mukansanga Salima yari yegukanye igihembo cya Forbes women Africa nacyo gihabwa umugore wakoze ibikorwa by’indashyikirwa 

Mukansanga Salima usanzwe ari Brand Ambassador wa MTN, ni umwe mu basifuzi b’abanyarwanda bakomeye muri Afurika ndetse no ku ruhando rw’Isi

Ibi yabivugiye mu kiganiro cyabaye kuri uyu wa Gatandatu ni mugoroba tariki 25 z'ukwezi kwa 03, 2023, cyabereye aho ikipe icumbitse mu Bugesera. Nk’umuyobozi ntabwo yari wenyine ahubwo yari kumwe n'Umunyamabanga Uhoraho muri Minisiteri ya Siporo, Niyonkuru Zephanie, Perezida w'Ishyirahamwe ry'Umupira w'Amaguru mu Rwanda Nizeyimana Olivier ndetse n’Umunyamabanga wa FERWAFA Muhire Henry.

Minisitiri wa Siporo yatangiye ashimira abasore ba Amavubi bitewe n'uko bitwaye mu mukino ubanza wabereye muri Benin, ageze ku kuba iyi mikino yo gushaka itike y’igikombe cya Afurika ije nyuma y’inama ya FIFA ndetse Perezida w’u Rwanda akaba yarahembwe.

Yagize  ati “Nyakubahwa Perezida wa Repubulika yahawemo igikombe, umwe mu baperezida bateza imbere umupira w’amaguru na siporo muri rusange mu rwego rw’Afurika. Ibi byose ni ibigaragaza ko ku ruhande rw’u Rwanda, ku ruhande rw’Afurika mushyigikwe kandi uyu mukino urashyigikiwe”.

Yongeraho ati “By'umwihariko navuga umupira w’amaguru kuko niwo turimo, byaragaragaye niba ubuyobozi bwa CAF butekereza guha Umuyobozi Mukuru w’igihugu cyacu igihembo nk’umuperezida uteza imbere siporo by'umwihariko umupira w’amaguru, ni ibintu byakagombye kuduha ishema no kubitereza mbere bikaduha imbaraga zo gutsinda cyangwa zo kujya mu gikombe cya Afurika, kuko nta kiguzi umuntu yabona cyo kujya mu ikipe y’igihugu”.

Minisitiri wa Siporo wabwiye abasore ba Amavubi ko bishoboka gusubira mu gikombe cya Afurika nyuma y’imyaka 20

Ageze ku kuba abakinnyi b’Amavubi bazakina nta bafana bahari, yavuze ko bitagomba kubabuza intego biyemeje bumva ko bari mu rugo kandi bari hafi y’abantu bose.

Minisitiri wa Siporo kandi yabwiye abakinnyi ati” Nyuma y'imyaka hafi 20, birashoboka kandi mukwiye kumva ko mugomba guhesha ishema Abanyarwanda. By'umwihariko murabikorera abari inyuma yanyu, abana babareberaho, ndetse namwe ubwanyu”.

Biteganyijwe ko uyu mukino wo kwishyura uzahuza u Rwanda na Benin wo ku munsi wa 4 mu itsinda L Amavubi aherereyemo, uzaba kuwa Gatatu tariki 29 z'uku kwezi, ukazabera kuri Kigali Pele Stadium saa cyenda z’amanywa. Umukino ubanza Amavubi yari yitwaye neza anganya na Benin igitego 1-1, kugeza ubu afite amanota 2 akaba ari aya 3 mu itsinda. 

Carlos Alós Ferrer wamaze kongererwa amasezerano azamugeza muri 2025 atoza u Rwanda

Kapiteni w’ikipe y’igihugu Amavubi, Kagere Meddie ari kugira icyo avuga 

Ikiganiro kirangiye bafashe ifoto rusange