Author: webrwanda

Kivu Belt Race yongewe mu marushanwa, ategurwa n’ishyirahamwe ry’umukino w’amagare mu Rwanda FERWACY. Kuri iki Cyumweru nibwo ryakinwe bwa mbere, ariho iri siganwa rizajya riba ngarukamwaka rigateuirwa n’akarere ka Rubavu na FERWACY. Iri siganwa ryari irya kabiri ikipe ya Inovo Tec yari yitabiriye kuva yashingwa, ndetse iza kuryegukana ibifashijwemo na Niyonkuru Samuel warwanye kugera ku munota wa nyuma.

Iri siganwa ryatangiye hakina abana bari hagati y’imyaka 15 na 16. Iki cyiciro abana bagomba gusiganwa igihe kingana n’isaha, aho bazengurukaga intera ingana na Kirometero 7 na metero 100. Aba bana bari bashyiriweho itegeko ko nta mwana ugomba kwitabira yaravutse munsi ya 2007.

Mu bahungu, Byusa Pacific ukinira Les Amis Spotif niwe wabaye uwa mbere  akoresheje iminota 39 n’amasegonda 15, Niyotwizera Lambert wa Cine Elmay aba uwa kabiri naho Gisubizo Issa aba uwa gatatu.

Mu bakobwa, Niyokwizera Clementine yabaye uwa mbere, Ishimwe François aba uwa kabiri, Muramutsa Deborah aba uwa gatatu, aba bakobwa bose bakaba bakinira ikipe ya Bugesera Cycling team.

Cyusa yagaragaje ubuhanga ku igare mu bana bakiri bato 

Nyuma y’aba bakinnyi bakiri bato, hahise hakurikiraho ingimbi ndetse n’abakobwa bakuru, aho bagomba kugenda intera ya Kirometero 63. Nirere Xaverine wakinaga wenyine, yabaye uwa mbere akoresheje isaha imwe n’iminota 54. Mukashema Josiane ukinira Benediction Club aba uwa kabiri, Mwamikazi Djazila aza ku mwanya wa gatatu.

Ikipe ya Bugesera yitwaye neza mu bakobwa bakiri bato 

Mu cyiciro cy’ingimbi, Nshutiraguma Kevin wa Cine Elmay Cycling Team yegukanye umwanya wa mbere, akurikirwa na Nshimiyimana Phocas, Shyaka Janvier wakinaga wenyine aba uwa gatatu. Iri siganwa abaturage bari bamaze kwishimira, abantu hari bamaze kuba benshi aho isiganwa risorezwa, ndetse abantu bategereje abakinnyi bakuru igihe bari bugire mu muhanda.

Ku isaha ya saa saba zuzuye nibwo isiganwa nyamukuru yatangiye, aho abakinnyi bagombaga kuzenguruka inshuro 15, abakinnyi nka Mugisha Moise, Hareruya Joseph, Nsengimana Jean Bosco na Muhoza Eric bari babucyereye.

Isiganwa ryatangiranye umuvuduko wo hejuru, aho abakinnyi bagendaga Kirometero 39 ku isaha. Uwiduhaye ukinira Benediction yayoboye bagenzi be inshuro zigera kuri ebyiri za mbere ku nshuro ya gatatu, Manizabayo Eric yafashe isiganwa arariyobora. Ubwo hari hasigaye Inshuro 6 zo kuzenguruka, Mugisha Moise yafashe isiganwa, ndetse asiga bagenzi be ho umunota umwe. 

Ingufu Gin yari umuterankunga mukuru wa Kivu Belt Race kuri iyi nshuro 

Uko inshuro zo kuzengura zagendaga zigabanuka, niko igihe Mugisha Moise yari yasizemo na cyatangiye kugabanuka kugera aho yarushije amasegonda 20 Mugisha Moise na Niyonkuru Samuel ukinira Inovo Tec.

Hasigaye agace kabanziriza aka nyuma, Muhoza Eric wari wahereye kare ari gufasha Niyonkuru Eric yatangiye kumuganiriza ndetse anamusaba ko yakihuta kuko ariwe uri butsinde ndetse bakoresha imbaraga basiga Mugisha Moise wari imbere ubwo bari bageze ruguru y’ikiyaga cya Kivu.

Ku nshuro ya nyuma yo kuzenguruka, Muhoza Eric yahaye umwanya Niyonkuru Eric ndetse yegukana isiganwa akoresheje amasaha abiri n’iminota 40, Muhoza Eric aba uwa kabiri, Tuyizere Etienne aza ku mwanya wa gatatu.

Aba bakinnyi bose kandi banayoboye urutonde rw’abakinnyi batarengeje imyaka 23. Kivu Belt Race yari isiganwa rya gatatu ribaye uyu mwaka wa 2023, mu masiganwa ategurwa na FERWACY.

“>

Bahati Jusus w’imyaka 9, ni umwe mu bana bitabiriye isiganwa rya Kivu Belt Race, aho yagaragaje urukundo rw’igare ndetse no kumenya ubuhanga bubamo 

“>
Nirere Xaverine uri hagati, yasize bagenzi be mu cyiciro cy’abakobwa bakuru ndetse asigamo hafi umunota 

Niyonkuru Samuel yabaye umukinnyi wa mbere wa Inovo Tec wegukanye isiganwa kuva iyi kipe yashingwa 

Muhoza Eric yahinduye isiganwa, abakinnyi basigaje kuzenguruka inshuro esheshatu

Ni inama izaba mu minsi itatu uhereye ku wa 28 Werurwe 2023 ikazabera muri Kigali Conference and Exhibition Village ahazwi nka Camp Kigali.

Izakirwa na UR-CE binyuze muri gahunda yayo yo kubakira abarimu n'abanyeshuri bitegurira kuzakora mu burezi, gahunda UR-CE iterwamo inkunga na Mastercard Foundation binyuze muri porogaramu ya 'Leaders in Teaching Initiative Program: LIT'.

Kaminuza y'u Rwanda izayakira ku bufatanye n'Ihuriro ry'Amashuri Makuru na Kaminuza n'ibigo by'ubushakashatsi, SDSN rigamije gufasha ishyirwa mu bikorwa rya gahunda y'intego z'iterambere rirambye.

Izaba ifite insanganyamatsiko igaruka ku buryo uburezi bwashyirwamo imbaraga bikajyana n'impinduramatwara ya Kane mu by'Inganda [Fourth Industrial Revolution] aho ikoranabuhanga riri kongererwamo umuvuduko bityo n'urwo rwego rukajyana naryo.

Igamije kandi kwiga ku buryo hashyirwaho ingamba nshya zafasha mu guhangana n'ibibazo biterwa ry'ihindagurika ry'ubuzima bwa muntu cyane ko imibereho ya muntu igenda ihinduka umunsi ku wundi, bigizwemo uruhare n'ikoreshwa rya internet ku rugero rwo hejuru.

Umwarimu muri UR-CE ushinzwe porogaramu ya LIT (LIT Academic Lead) Prof Wenceslas Nzabalirwa, yavuze ko iyo nama izaba umwanya mwiza wo kwigira ku byavuye mu bushakashatsi bwakoze muri urwo rwego hagamijwe gukemura ibibazo bikibangamiye iterambere ry'uburezi.

Ati 'Inama izafasha n'abashakashatsi bakiri bashya mu mwuga, aho bazakangurirwa no kwagurira ubushashatsi bwabo ku rwego mpuzamahanga, bikazagira uruhare mu gukemura ibibazo by'abaturage bo mu bihugu bitandukanye atari mu Rwanda gusa.'

Prof Nzabalirwa yavuze ko UR-CE izungukira mu bunararibonye izakura ku barimu bo mu zindi kaminuza zaba izo mu gihugu ndetse no ku rwego mpuzamahanga , ibyatuma hanabaho indi mikoranire yisumbuye.

Ngo amafaranga azatangwa n'abasaba kwitabira iyo nama azifashishwa mu gutegura izindi nama ziga ku guteza imbere ubushakashatsi n'andi mahuriro agamije kuzamura ubunararibonye bw'abo mu rwego rw'uburezi.

Ati 'Abanyeshuri bacu basoje amasomo arimo ayo mu cyiciro gihanitse bazaboneraho amahirwe yo kugaragariza iryo huriro ry'abahanga mu burezi ibyavuye mu bushakashatsi bwabo, bizabahe n'amahirwe yo gusohora ubushakashatsi bufite ireme.'

Iyi nama izanatanga umusanzu ufatika ku bakozi ba UR-CE ku bijyanye no kumenya uko uburezi mu bindi bihugu buhagaze.

Iyi nama mpuzamahanga igiye kuba mu gihe UR-CE ifite intego yo gutegura abarimu b'umwuga ku rwego mpuzamahanga ari nayo mpamvu yashyizeho imikoranire na Mastercard Foundation ku bijyanye no kongerera ubushobozi abarimu binyuze muri LIT.

Icyicaro cya UR i Gikondo mu Mujyi wa Kigali

Iyi mpanuka yabaye mu masaha y'umugoroba yo kuri uyu munsi ahagana saa Kumi n'Igice yaguyemo umupolisi ndetse n'umumotari.

Umuvugizi wa Polisi mu Ntara y'Iburengerazuba, CIP Mucyo Rukundo, yabwiye IGIHE ko iyi mpanuka yatewe n'ikamyo yo mu bwoko bwa Fuso bikekwa ko yaburiye feri hafi y'Ibitaro bya Gisenyi.

Yagize ati 'Ni byo ni ikamyo yamanukaga hanyuma ibura feri igonga ipoto [y'amashanyarazi], irakomeza igonga coaster na daihatsu hanyuma ikubita na moto yari itwaye umupolisi.”

Uyu mumotari ndetse n'umupolisi wari ku rwego rwa IP (Inspector of Police) wakoreraga mu Karere ka Rubavu yari ahetse bahise bitaba Imana.

Usibye abaguye muri iyi mpanuka, hari abandi babiri bayikomerekeyemo ndetse bahise bajyanwa mu Bitaro bya Gisenyi kugira ngo bitabweho.

Umupolisi n'umumotari baguye mu mpanuka ikomeye y’imodoka yabereye i Rubavu

Fuso yari itwaye imyumbati ni yo bikekwa ko yacitse feri igonga imodoka zirimo coaster na moto

Iyi mpanuka yabereye hafi y’Ibitaro bya Gisenyi mu Karere ka Rubavu

Perezida wa Repubulika y'u Rwanda Paul Kagame, muri aya mashusho agaragara arimo ahanagura mu maso umwuzukuru we. Aba kandi ari kumwe n'umukobwa we Ange Kagame, n'umufasha we Jeannette Kagame.

Umwuzukuru mukuru wa Perezida Kagame bigaragara ko ari abantu baziranye, n'inshuti cyane, urebye uko aba amukora mu maso undi na we ubona ko adashaka kumurekura.

Bose bakaba bari bambaye imyenda isanzwe ubona ko bari muri gahunda z'umuryango, nyuma y'akazi gakomeye baba bafite.

Perezida Kagame na Madamu Jeannette Kagame bakaba bafitanye abana 4 barimo abahungu batatu aribo Yvan C Kagame, 2^nd Lt Ian K Kagame na Brian Kagame;

Hamwe n'umukobwa umwe ari we Ange I. Kagame Ndengeyingoma kugeza ubu ari na we wamaze gushaka, aho yashakanye na Bertrand Ndengeyingoma bamaze kubyana abana 2 b'abakobwa.

Amashusho ya Perezida Kagame n’Umufasha bari kumwe na Ange Kagame n’Umwuzukuru mukuru wabo

Aha Perezida Kagame na Madamu bari kumwe n’umwuzukuru wabo mukuruPerezida Kagame kuva yakunguka umwuzukuru wa mbere bakomeza kugenda bagaragara bari kumweIbyishimo biba ari byose mu bihe byose bagaragara bari kumweBertrand Ndengeyingoma n’umufasha we n’abana babo

Aha niho ihuriro ry'abana bakora imishinga ishingiye ku ikoranabuhanga no guhanga udushya (Young Innovators Forum), riri gushakira ibisubizo ibibazo bimwe byugarije isi byiganjemo ibiterwa n'imihindagurikire y'ikirere.

Young Innovators Forum ni ihuriro rishingiye ku mushinga wiswe 'Innovation Lead' wita ku guhugura abarimu ku bijyanye n'ikoranabuhanga ndetse n'amarushanwa, no gukoresha imibare mu gushyira mu bikorwa imishinga ikemura ibibazo sosiyete ihura na byo 'Mathematics and Robotics Challenge'.

Iyi porogaramu iri mu bihugu birenze 70 ku Isi, mu Rwanda ishyirwa mu bikorwa n'Ikigo Nyafurika gishinzwe guteza imbere Ubumenyi bushingiye ku Mibare, AIMS n'Umuryango Edified Generation Rwanda [EDG], ugira uruhare mu guteza imbere uburezi.

Umwana ahitamo umushinga ashaka agendeye ku biteganyijwe mu ntego 17 z'Iterambere Rirambye zashyizweho n'Umuryango w'Abibumbye (SDGS), akawushyira muri Porogaramu ya Let's MOD yubatswe n'Ikigo PolyUp cyo muri Kaminuza ya Stanford.

Ni porogaramu umuntu ashushanyamo uko umushinga uzagenda n'ibibazo uzakemura mu buryo bwa 3D, hanyuma wabonwa nk'uwatanga umusaruro ukaba washakirwa abaterankunga bakawushyira mu bikorwa.

Abana barenga 9000 bakorana na AIMS na EDG.

Imishinga myinshi yari yibanze ku ntego ya gatandatu na 17, aho abana basabwaga gutekereza imishinga itanga ibisubizo ku kibazo cy'ibura ry'amazi ndetse no gukoresha ingufu zitangiza ibidukikije, mu rwego rwo gukomeza kubungabunga ikirere.

Aha imishinga 5 yahize indi mu gihugu, ndetse yanahawe  ibihembo.

Mu mishinga yahembwe harimo uwa Keza Emile wo muri New Life Christian Academy, wo gufata amazi y'imvura agasukurwa hifashishijwe imiti agakoreshwa mu ngo, ibirinda ko yakoreshwa kandi ashobora kuba yanduye.

Yavuze ko kuba umushinga we waje mu ya mbere atabitekerezaga, ariko na none bikaba ari ikintu cyiza kuri we.

Ati 'Ni iby'agaciro kuri njye, ntabwo ari ikintu natekerezaga ko cyaba. Ino gahunda yamfashije kwiga ubumenyi bw'imibare. Ikindi bifasha abanyeshuri kumenya ibibazo byugarije isi, bakabishakira ibisubizo.'

Uyu munyeshuri yavuze ko igitekerezo cy'umushinga we, yagikuye aho atuye mu Karere ka Bugesera. Aha hakunze kuba ikibazo cy'amazi make. Akomeza avuga ko iki atari ikibazo cy'iwabo gusa, rero akaba yaragishakiye igisubizo.

Indi mishinga yahembwe irimo uwa Mugisha Fiston wiga mu mwaka wa gatatu w'icyiciro rusange muri Wisdom School y'i Musanze, yubatse ikigo cy'ishuri yifashishije amasomo y'imibare kuri porogaramu ya Let's MOD.

Yerekanye ko aramutse afite ubushobozi yakubaka ikigo kirimo ibikoresho n'ibikorwaremezo nkenerwa byose,  buri shuri ryagira 'ascenseur' nka bumwe mu buryo bwo kwimakaza uburezi budaheza ku bafite ubumuga.

Mugisha Caleb wo muri New Life Christian y'i Kayonza yahembewe umushinga wo kubaka umujyi ufite umwihariko, wo kuba amazi ava ku nzu zawo yajya ashyirwa mu bigega byubatswe munsi y'ubutaka, agatunganyirizwayo nyuma akaza gukoreshwa mu mirimo ya buri munsi.

Uyu mushinga we ugamije gusukura amazi hifashishijwe ibigega byo munsi y'ubutaka. Kuri we ngo muri uwo mujyi, uzajya ashaka kubaka inzu azajya ahera ku kigega cyo hasi mu butaka acyubakire, hanyuma inzu iterekwe kuri bya bigega.

Uwase Albine wo kuri E.S Rutobwe ku Kamonyi afite umushinga ugamije gusukura amazi yo mu bishanga, ndetse no gukusanya amazi menshi y'imvura agatunganywa hifashishijwe ikoranabuhanga, nyuma akazakoreshwa mu gihe cy'izuba amazi yabuze.

Kuri Let's MOD yubatse umujyi awuha umuyoboro umwe uzajya unyuzwamo amazi yose yakoreshejwe, agahura n'andi avanwa mu bishanga n'ay'imvura, agakusanyirizwa ahantu hamwe.

Nyuma imashini zikoresheje ingufu z'umuyaga n'izuba zikayajyana mu bigega by'ibyuma, biyashyushya mikorobe zose zigapfa. Ayo mazi yashyushye azajya anyura mu yindi mashini hanyuma ikayayungurura ihita iyohereza mu kindi kigega, kiyajyana muri wa mujyi nanone agakoreshwa.

Mugisha Pacifique wiga mu mwaka wa gatatu w'Icyiciro Rusange kuri Ecole de Science de Musanze, yahembewe umushinga wo kubaka Umujyi kuri Let's MOD ubungabunga amazi yo mu biyaga.

 Muri uyu mushinga harimo ibijyanye no gusukura amazi yo muri ibyo biyaga, aho ashobora gukusanyirizwa hamwe akayasukura hakoreshejwe imashini zabugenewe hanyuma akoherezwa mu mpombo ziyajyana mu mujyi, agakoreshwa n'abantu asukuye.

Ngo n'ubwo nta mushinga barashyira mu bikorwa, birateganywa cyane ko 'iyo mishinga yose ihabwa abafatanyabikorwa, uwakunda ugahera kuri cya gice umwana wawutekereje akomokamo mu gutanga umusaruro.' Nk'uko Umuyobozi wa EGR, Valens Ntirenganya yavuze.

Sam Yala uyobora AIMS, yashimiye Edified Generation Rwanda [EDG] ku bijyanye n'ubufatanye bagiranye bwo guteza imbere imishinga ishobora kugirira sosiyete akamaro, yemeza ko bazakomeza kugira ngo abana bifashishe imibare mu kuzanira ibisubizo sosiyete.

Aba banyeshuri muri iki gikorwa banasusurukijwe n’umuhanzi Senderi International Hit, mu bihangano bye bitandukanye byakunzwe.

Umuyobozi wa Edified Generation Rwanda Valens Ntirenganya, yagaragaje ko bazakomeza gukangurira ibigo gukoresha prorogaramu ya Let’s MODUmuyobozi Mukuru wa AIMS Dr Sam Yala yagaragaje imibare nka kimwe mu byakwifashishwa, mu gukemura ibibazo bitandukanye Abanyeshuri n’abayobozi ba New Life Christian Academy, bari baherekeje Keza na Kagoyire wamufashije mu mushinga wo gukemura ibibazo by’amazi akunze kubura 

Keza yashimiwe n’Umuyobozi Mukuru wa AIMS Dr Sam Yala Keza Albine ubwo yashimirwaga kubera umushinga we Mugisha Pacifique wicaye iburyo yari yaherekejwe na bagenzi be bigana Ahabereye iki gikorwa hari hateraniye abanyeshuri bari baherekejwe n’ababyeyi babo Senderi yasusurukije aba banyeshuri mu ndirimbo zirimo iyo yahimbye ijyanye n’ubureziSenderi yishimiwe cyane Senderi ni umwe mu bahanzi bakundwa n’abato n’abakuru. Hano abana bari bamwishimiye cyane Senderi yageze aho ahamagara abanyeshuri bafatanya nawe kuririmba barishima Senderi yahagurukije n’iyonka 

 

Ni ikibazo ubuyobozi bw'akarere ka Gicumbi buvuga ko cyatangiye kugaragara mu mirenge yegereye umupaka wa Gatuna.

Umwe mu baturage batuye mu murenge wa Cyumba utashatse gutangaza amazina ye, yabwiye IGIHE ko hari abajya bahabwa ifumbire cyangwa imbuto, bakihisha bakajya kubigurisha muri Uganda.

Ati 'Ni ibintu bikorwa rwihishwa cyane mu masaha y' ijoro, aho umuntu afata idomora y'amazi agashyiramo imbuto, akabyambukana kandi babinyuza mu nzira zitemewe'.

Umuyobozi w'akarere ka Gicumbi wungirije ushinzwe iterambere ry'Ubukungu, Uwera Parfaite, yavuze ko iki kibazo cyatangiye kugaragara mu mirenge yegereye umupaka.

Ati ' Yaba imbuto, yaba ifumbire nkuko mubizi itangwa kuri Nkunganire ya Leta […] Umturage akwiriye kumva uruhare rwa Leta nk' uruhare rwe. Umuturage utekereza ko yabibonye ku giciro cyo hasi, akaba yatekereza kujya kubigurisha ngo abone ku giciro cyisumbuye ni icyaha gihanwa n'amategeko, ababitekereza babihagarike'.

Yavuze ko umurenge wa Kaniga na Cyumba yegereye umupaka wa Uganda ariho hagaragaye cyane icyo kibazo.

Umuyobozi mukuru w'Ikigo gishinzwe iterambere ry'Ubuhinzi n'Ubworozi RAB, Dr Ndabamenye Telesphore ubwo aheruka gusura abahinzi mu murenge wa Cyumba, na we yihanangirije buri umwe wirengagiza amabwiriza agenga ifumbire n' imbuto biba byatanzwe muri gahunda ya Nkunganire.

Ati 'Imbuto n'ifumbire byo muri gahunda ya Nkunganire bigomba kujya mu mirima y'abaturage. Ni ugushyira imbaraga mu kubikurikirana, ntihabeho abaturage babigurisha'.

Nkunganire ni uburyo Leta yashyizeho bwo guha abaturage ifumbire n'imbito ku giciro gito, aho igice kimwe cyishyurwa na Leta naho ikindi kikishyurwa n'umuturage kugira ngo bimuhendukire.

Kuva icyo gihe byari ingorabahizi ku baturage b'ibihugu byombi kwambuka imipaka uva mu gihugu kimwe ujya mu kindi, nyamara ari ibihugu byahoranye umubano mwiza kuva kera.

U Burundi bwashinjaga u Rwanda gushyigikira abarwanya Leta y'iki gihugu, mu gihe rwo rwavugaga ko abayobozi b'iki gihugu cy'igituranyi bakorana n'Umutwe wa FDLR wiganjemo abagize uruhare muri Jenoside yakorewe Abatutsi mu 1994.

Mu 2022, ibihugu byombi byatangiye inzira y'ubwiyunge ndetse icyizere cyo kuzahuka ku mubano w'ibihugu byombi, cyiyongereye cyane muri Gashyantare 2023.

Icyo gihe Perezida Paul Kagame yari yagiriye uruzinduko i Bujumbura aho yari yitabiriye Inama y'Akarere yigaga ku bibazo by'Umutekano muri Repubulika Iharanira Demokarasi ya Congo, aboneraho kuganira na mugenzi we w'u Burundi, Evariste Ndayishimiye.

Imbuto z'ibi biganiro zatangiye kuboneka ndetse kuri ubu Abarundi n'Abanyarwanda batangiye kongera kugenderanira batikandagira.

Ku wa Kabiri, tariki 21 Werurwe 2023, ubwo mu Rwanda hatangizwaga imikino ihuza Polisi zo mu bihugu byo mu Karere ka Afurika y'Iburasirazuba izwi nka 'Eastern Africa Police Chiefs Cooperation Organization (EAPCCO)', bamwe mu bakinnyi bahagarariye amakipe ya Polisi y'u Burundi babwiye IGIHE ko bishimiye kugaruka mu Rwanda nyuma y'igihe kinini.

Umukinnyi wa Rukinzo FC ihagarariye Polisi y'u Burundi mu mupira w'amaguru, Navugo Tity, yavuze ko yishimiye kongera kugera mu Rwanda.

Yagize ati 'Ni inshuro ya kabiri nje mu Rwanda ariko twarwishimiye cyane. By'umwihariko ubasha kugenda saa Sita z'ijoro, hasa neza mu by'ukuri iki ni cyo nshimira u Rwanda cyane.'

'Abarundi twarishimye cyane kuko twari tumaze igihe tuza dufite ubwoba kubera ko ibihugu bitari bibanye neza ariko ubu tumeze neza turishimye.'

Juma Simpo we yavuze ko yishimiye gukinira ku kibuga cyiza cya Kigali Pelé Stadium.

Ati 'Ni ibintu twishimiye cyane tumeze nk'abari mu rugo. Njye nanejejwe na stade twakiniyeho ni nziza cyane.'

Ngaruko Doriane we yagize ati 'Nari nkumbuye mu Rwanda cyane hari hashize imyaka itandatu. Ni ibintu twishimiye cyane ko Abanyarwanda ari abavandimwe bacu numva dukwiye kubana neza kuko ni inyungu zacu twese.'

Rukinzo FC yatsinzwe na Police FC kuri penaliti nyuma yo kunganya ibitego 3-3 mu mikino yombi, yabereye kuri Kigali Pelé Stadium.

Imikino ihuza Polisi yo mu Karere iri kubera mu Rwanda kuva ku wa 21 Werurwe, izasozwa ku wa 27 Werurwe 2023.

Iyi mikino iri kuba ku nshuro ya kane, uyu mwaka yitabiriwe na Uganda, Sudani y'Epfo, Burundi, Ethiopie, Kenya, Sudani n'u Rwanda rwayakiriye ku nshuro ya mbere.

Iyi mikino ikinwa mu Gusiganwa ku Maguru, Iteramakofe, Kumasha, Kurasa, Basketball, Handball, Judo, Karate, Taekwondo na Netball.

EAPCCO ni umuryango ushinzwe kubahiriza amategeko, uhuza ibihugu 14 byo mu Karere washinzwe mu 1998 hagamijwe guhuza imbaraga za Polisi mu gukemura ibibazo by'umutekano bishamikiye ku byaha ndengamipaka.

Imikino ni imwe mu bishyirwamo imbaraga n'ibihugu bigize uyu muryango hagamijwe guhuza inzego zishinzwe kubahiriza amategeko mu karere mu rwego rwo gushyira mu bikorwa intego zawo.

Ishami rya Polisi Mpuzamahanga (Interpol) mu Karere rifite icyicaro i Nairobi muri Kenya, rivuga ko siporo ifatwa nk'igikoresho cy'ingenzi mu guhanahana amakuru no kurwanya ibyaha.

Mu muhango wo gutangiza imikino ihuza Abapolisi mu Karere, Abarundi babyinnye imbyino gakondo ziranga umuco wabo

Ikipe y’u Burundi ikora akarasisi mu gutangiza iyi mikino ku mugaragaro

Mu birori bifungura imikino ihuza Polisi zo mu Karere, abo mu Burundi berekanye umuco wabo binyuze mu mbyino

Abakinnyi Polisi y’u Burundi yaserukanye mu mikino ihuza izo mu Karere ka Afurika y’Iburasirazuba

Umwe mu bakinnyi b’u Burundi afata ifoto y’urwibutso