Author: webrwanda

Bikubiye mu ngamba zo kwikura mu bukene mu buryo burambye mu gihugu zitezweho guha umurongo mushya gahunda zo kurengera abaturage zisanzweho.

Ibi byatangajwe nyuma y'uko Guverinoma y'u Rwanda itangaje ko ibyiciro by'ubudehe bitazongera kugenderwaho mu mitangire ya serivisi izo ari izo zose.

Bigeze ku ngingo yo kwishyurira abaturage mu nyandiko zashyikirijwe ubuyobozi bw'inzego zitandukanye z'ibanze igaragaza ko hari ingo zafashwaga na Leta mu kwishyura mituweli zitazongera kwishyurirwa kuko zabonye ubushobozi.

Bigaragara ko hazashyirwaho komite ishinzwe gukurikirana no kugenzura abaturage uhereye ku mudugudu ukagera ku rwego rw'Intara cyangwa rw'Umujyi wa Kigali ngo hamenyekane umuntu koko ukwiye gufashwa.

Ku ruhande rw'Umujyi wa Kigali bigaragara ko abahabwaga ubufasha ku kwishyura mituweli bagomba kugabanyuka ushingiye ku kuba bamwe baramaze kwiteza imbere bakava mu byiciro barimo bifashwa.

Muri rusange abishyurirwaga mituweli banganaga na 26888 bagiye kugabanywa bakagera ku bihumbi bine gusa mu turere dutatu.

Nko muri Gasabo, abishyurirwaga bari 17105 ariko biteganyijwe ko abazishyurirwa umwaka utaha wa mituweli ari 2179, Nyarugenge bari 5291 bagirwa 1126 mu gihe Kicukiro bari 4492 hakaba hasigaye 709 gusa.

Bamwe mu baturage bavuye mu cyiciro cya mbere bagaragaza ko ari intambwe ikomeye bateye kandi ko bakomeje urugendo rw'iterambere nkuko Donatille Musengimana wo mu Murenge wa Kanyinya yabigarutseho.

Ati 'Amafaranga tubona naguzemo umucanga na sima nshyira ku nzu yanjye. Naguzemo ihene ebyiri n'inkwavu esheshatu rwose ubu niteje imbere kuko ntacyo nshaka ngo nkibure.'

Mugenzi we Uwimana Laurence na we yagaragaje ko yakoze ibishoboka byose ava mu cyiciro cya mbere yari arimo, ahamagarira n'abandi gukomeza kwishakamo ibisubizo no guharanira kwiteza imbere.

Umuyobozi w'Umurenge wa Kinyinya, Uwanyirigira Clarisse yavuze ko uku kugabanyuka kw'abafashwaga na Leta bishingiye ku ngamba zafashwe zo kwivana mu bukene.

Ati 'Izi ni ingamba zo kwikura mu bukene mu buryo burambye. Hari aho wasangaga umuturage wo mu cyiciro cya gatatu cy'ubudehe atishoboye ariko akaba atemerewe kugira inkunga yafata, ariko icyiza cyo kuba byavuyeho bizadufasha kujya tubanza tugasesengura neza umuntu ufite ikibazo, uwahabwa inkunga dukurikije ubushobozi afite.'

Yakomeje ati 'Habayeho ubufatanye bw'abaturage bakavuga bati ku myaka umunani maze mfashwa na leta ndifuza ko nava muri iki cyiciro. Iyo mibare abenshi ni abavuze ko hari aho bageze ndetse n'abagaragaje ko bafite imbaraga zo kuba bakora bakiteza imbere aho guhora bafashwa na Leta.'

Imibare y'ibyiciro bishya igaragaza ko mu mujyi wa Kigali, abarenga ibihumbi 19 babarizwa mu cyiciro cya mbere, icya kabiri kikabamo 140470, icya gatatu kikabamo 154372, icya kane kikabarizwamo 30315 mu gihe icya gatanu kibarizwamo abasaga 4014.

Iyi ndirimbo nshya ya Bosco Nshuti yageze hanze ku mugoroba w’uyu wa Gatandatu tariki 25 Werurwe 2023. Yayiririmbye afatanyije n’abaririmbyi b’abahanga cyane ari bo Lydie, Marvine na Betty basanzwe bafasha Israel Mbonyi.

Aganira na inyaRwanda, Bosco Nshuti yavuze ko “Niyo yadukunze” yayanditse agamije “kwibutsa abantu ko Imana ari urukundo ko kandi ariyo yabanje kudukunda atari twe twabanje kuyikunda”.

Yadutangarije ko ishingiye kuri Bibiliya ijana ku ijana mu butumwa bwiza buri muri 1 Yohana 4:10-16-19. Aragira ati “Naririmbye ijambo ry’Imana ntacyo mpinduyeho.”

Tariki 19/11/2022 ni bwo Bosco Nshuti yasezeranye kubana akaramata n’umukunzi we Vanessa Tumushimwe, ibisobanuye ko hashize amezi 4 gusa. 

Kuva akoze ubukwe, uyu muhanzi amaze gushyira hanze indirimbo eshatu ari zo “Hallelujah” yakoranye n’abahanzi b’ibyamamare mu muziki wa Gospel, bari bamutahiye ubukwe, nka Rene Patrick & Tracy, Josh Ishimwe, Jado Sinza, Josue Shimwa, n’abandi.

Yahise akurikizaho “Babwire” imaze amazi abiri iri hanze. Ubu, yashyize hanze indirimbo ya gatatu yis “Niyo Yadukunze” yasohokanye n’amashusho yayo yatunganyijwe na Producer Jacob. 

Kuba ashyize hanze indirimbo eshatu kuva akoze ubukwe mu minsi 125 ishize, ni ibintu bigaragaza ko ari gukora cyane bitandukanye na mbere. Hari abahanzi bakora ubukwe, bagafata akaruhuko mu muziki, ariko we siko yabikoze.

Bosco Nshuti umwe mu bahanzi b’abahanga u Rwanda rufite, yabwiye inyaRwanda ko nta mpamvu yari gutuma acogora mu muziki. Ati “Ntekerezako iyo uri mu muhamagaro wo kuvuga ubutumwa bwiza nta mpamvu yo guhagarara mu gihe Imana iguciriye inzira yo kubuvuga”.

Yahishuye ibanga yakoresheje, ati “Ibanga nta rindi ni ukuguma mu muhamagaro wo kuvuga ubutumwa bwiza”. Yunzemo ko akataje, ati “Gahunda ni ugukomeza gukora cyane ibihangano, ikindi no kwitabira ibitaramo aho Imana iduhaye uburyo bwo kuhavuga ubutumwa bwiza”.

Bosco Nshuti yamamaye cyane mu ndirimbo “Ibyo ntunze”

Ubwo Bosco Nshuti yerekanaga umukunzi we mu gitaramo yakoze mbere y’ubukwe bwe

Bosco na Vanessa barushinze mu Ugushyingo 2022

“Niyo Yadukunze” niyo ndirimbo nshya ya Bosco Nshuti

Bosco Nshuti yahishuye ko afite ibindi bihangano byinshi yiteguye gusohora

REBA INDIRIMBO NSHYA “NIYO YADUKUNZI” YA BOSCO NSHUTI

Ni mu mushinga uri muri itatu yamuritswe nyuma y’umuganda abakozi b'iki kigo bakoranye  n'abaturage bo mu mudugudu wa Juru, Akagari ka Kabeza, mu Murenge wa Kanombe, Akarere ka Kicukiro, mu Mujyi wa Kigali.

Indi mishinga yatangijwe na MTN Rwanda muri aka gace harimo uwo gufasha abakobwa babyaye inda zitateganyijwe ndetse no kubaka ubusitani bwiswe 'Ijuru rya Kabeza'.

Ubwo Umuyobozi Mukuru wa MTN Rwanda, Mapula Bodibe, yatangizaga uyu mushinga mu nama yabaye nyuma y'umuganda wakorewe mu kagari ka Kabeza, yagaragaje ko ugamije gusigasira ibidukikije.

Ati ' Ni umushinga uzakorwa mu gihugu hose, uyu munsi ugamije gukomeza gusigasira umuco wo kubungabunga ibidukikije. Tuwutangiriye hano ariko uzagera mu bice bitandukanye mu gihugu hose.'

Yakomeje avuga ko uyu mushinga bawutekereje kubera imihindagurikire y'ikirere isigaye iriho, bityo gukomeza gushyira imbaraga mu kwimakaza kubungabunga ibidukikije bakabona byafasha cyane igihugu guhehera.

Uyu mushinga uzakorwa haterwa ibiti mu bice bitandukanye.

Mu rwego rwo kwifashisha urubyiruko no gukangurira abakiri bato gukangukira kubungabunga ibidukikije, MTN Rwanda muri uyu mushinga izafatanya n'abanyeshuri bo mu bigo nka nka Green Hills Academy ndetse na na Lycée de Kigali.

MTN Rwanda muri uyu mushinga wayo wo kubungabunga ibidukikije izifashisha abiganjemo urubyiruko Wibaba Phanny umwe mu bayobozi ba MTN Rwanda nawe yari mu mugandaMapula Bodibe uyobora MTN Rwanda, yatangije umushinga wo kubungabunga ibidukikije Ahakorewe umuganda 

Iyi myambaro yiswe 'Renaissance Couture' yakorewe mu nzu y'imideli mu Bufaransa yiswe Balmain bigizwemo uruhare n'umuhanzi w'imideli Olivier Rousteing, ari nawe wagize igitekerezo cyo guhanga imyambaro agendeye ku ndirimbo zimwe ziri kuri 'Renaissance'.

Vogue yanditse ko mu gihe Olivier Rousteing yari kuba hari ibindi ahugiyemo, yaje kwisanga ari kumva indirimbo za Beyoncé ziri kuri album ye iheruka.

Iki kinyamakuru cyavuze ko uyu muhanzi w'imideli yari ari gushushanya mu mwaka ushize nyuma y'uko iyi album igiye hanze, akaza kwisanga ari kumva indirimbo z'uyu muhanzikazi ziyigize.

Ati 'Nari ndi gushushanya ndi kumva indirimbo ze ziri kuri iyi album. Rimwe na rimwe biragora kuba wayobora amarangamutima bitewe n'ibyo uri gushushanya. Nahise nibaza ubugeni buri muri iyi album uko buhura n'indirimbo ziriho ndetse n'amagambo azigize.'

Arakomeza ati 'Ntabwo ari ikintu nagombaga gukora, ariko nahise niyumvamo inganzo biturutse ku muziki yo kubikora. Ni uko byatangiye.'

Nyuma yo kuva mu biruhuko muri Kanama umwaka ushize yahise yandikira abambika Beyoncé nawe ubwe barabyishimira.

Mu mezi atanu yashize Rousteing yari ari gukorana na Beyoncé ndetse na  Senofonte usanzwe afasha uyu muhanzi ku bijyanye no guhanga n'ibyo yambara.

Kuri iyi nshuro bakaba bashyize hanze imyambaro bagendeye ku kuntu buri umwe wagiye ukorwa biturutse ku ndirimbo. Iyi myambaro yose ni amakanzu bivuze ko ari iy’abagore.

Amakanzu yagiye hanze yakozwe akomowe ku ndirimbo z'uyu muhanzikazi zirimo 'I'm That Girl', 'Cozy', 'Energy (01)', 'Break My Soul', 'Church Girl', 'Plastic Off the Sofa', 'Virgo' Groove', 'Move', 'Thique', 'All Up In Your Mind' 'Pure/Honey' na  'Summer Renaissance'.

Iyi kanzu yakomotse kuri 'I'm That Girl' nayo iri kuri iyi album ya Beyonce  Iyi yakomotse kuri 'Cozy'Iyi yavuye kuri 'Energy (01)'Iyi yavuye kuri 'Break My Soul'Iyi yo yavuye kuri 'Church Girl'Iyi yakomotse kuri 'Plastic Off the Sofa'Iyi yavuye kuri 'Virgo' Groove'Iyi kuyihanga byavuye kuri  'Move'Iyi yaturutse kuri  'Thique'Iyi yaturutse kuri  'All Up In Your Mind' Iyi yo yavuye kuri 'Pure/Honey'Iya kanzu yakomotse ku ndirimbo ya Beyonce iri kuri 'Renaissance' yise 'Summer Renaissance'   Album ya Beyonce yahimbwemo imyambaro Olivier Rousteing wagize uruhare rukomeye mu ikorwa rya “Renaissance Couture” yakomowe kuri album ya Beyonce yitwa gutyo

Ibi ubuyobozi bw'akarere bwabitangarije itangazamakuru nyuma y'ibiganiro n'abafatanyabikorwa mu rugamba rwo kugarura abana ku ishuri, aho bavuga ko bafashe ingamba zo kugarura abana 341 bataye ishuri ni mu gihe igihembwe cya kabiri gisoje bagaruye abasaga 204, abandi 137 bakaba baratorotse aka karere.

Nyirasafari Helena umubyeyi wo mu Murenge wa Kabatwa, yavuze ko gukunda amafaranga bituma abana bata ishuri, asaba leta gucyaha ababyeyi.

Ati “Hari abana bafite kuva ku myaka itanu kugera ku icumi usanga mu masoko no mu dusantere; hari abirirwa mu birombe, hari abirirwa mu cyayi, abikorera amatafari. Turasaba leta ko yahagurukira ababyeyi babo bakibutswa inshingano”.

Kanyeganza Emmanuel uyobora umushinga SACS (Supporting Adolescents Complete Secondary) avuga ko batangije uyu mushinga bagamije gufasha abana bataye ishuri by'umwihariko abakobwa.

Ati “Umushinga watangiye ugamije gusubiza abana mu ishuri abana bari bararivuyemo hitabwa cyane ku bana b'abakobwa. Turishimira ko abana bakundishijwe ishuri no kurigarukamo ku buryo twari twihaye imihigo wo kugumisha mu ishuri ibihumbi 71,900 none ubu twabashije kugumishamo 72,000.”

Kanyeganza akomeza avuga ko abana bari barataye ishuri badashaka kurisubiramo bigishijwe imyuga itandukanye ngo izabafashe kwiteza imbere kandi bazakomeza gushyira imbaraga mu gushishikariza abana gukunda ishuri.

Umuyobozi w'Akarere ka Nyabihu wungirije ushinzwe imibereho myiza, Simpenzwe Pascal, yavuze ko bashyize imbaraga mu kugarura abana bari barataye ishuri.

Ati “Abana twarabashakishije ngo bagaruke ku ishuri ariko tugira ikibazo ku batakiri mu karere kacu, gusa tugenda dukorana n'abayobozi bo mu turere barimo bakagaruka.”

Simpenzwe akomeza avuga ko mu banyeshuri 341 bari barataye ishuri igihembwe cya kabiri kirangiye ari 204 barisubijwemo.

Ati “Abana batagarutse mu gihembwe cya kabiri ni 341, igihembwe kirangiye hagarutse 204. Abasigaye bari hanze y'Akarere ndetse hari n'abanze burundu bavuga ko bashaka kwiga imyuga. Tuzabashakira aho bayiga umwaka utaha.”

Asoza avuga ko impamvu itera abana guta ishuri harimo no gushaka amafaranga kuko abenshi muri bo bari mu tuzi dutandukanye tubaha amafaranga.

Nk'uko bitangazwa n'ubuyobozi abana bataye ishuri muri aka karere biganjemo abo mu miryango itishoboye ndetse n'abandi b'abangavu batewe inda.

Abashinzwe uburezi basabwe kugira uruhare mu kugarura mu ishuri abana baritaye

Umwe mu bahanzi bari gukora iyi njyana ubutaruhuka bayihuza n'izindi ni Ishimwe Prince ukoresha amazina ya Drillex26. Uyu musore yavukiye i Gikondo mu Mujyi wa Kigali akaba Afro Beat na  Drill Music nk'uko twabivuze.

Iyo umubajije uko inganzo ye iza akubwira ko biterwa n'uko ari kwiyumva cyangwa se ibihe arimo. Ariko, bidakuyeho ko nk'undi muhanzi wese ashobora kureba ibiri kuba muri sosiyete akabona inganzo.

Mu kiganiro na inyaRwanda, yagaragaje ko atari uw'ubu kuko yatangiye umuziki mu 2017 ariko ntagende agira amahirwe yo guhirwa nawo nk'uko abyifuza ariko akavuga ko azakomeza guhatana mpaka abaye uwo ashaka kuba we.

Ati 'Buri gitondo cya buri munsi ndabyuka nkasenga ku nzozi z'ahazaza h'uwmuga wanjye w'umuziki nshaka gukora nk'inzozi zanjye. Ubwo natangiraga umuziki mu 2017 kugeza ubu nakundaga kuba ndi kumwe n'inshuti zanjye tuganira ku muziki.'

Arakomeza ati 'Kimwe mu byambangamiye ni uko uko nifuza ko bimera atari ko bigenda muri uyu muziki. Rimwe na rimwe kuzamuka ni ikibazo ikindi hari igihe njya muri studio nkumva ntabwo ndi muri 'mood' yo kuririmba. Gusa intego yanjye mu muziki ni uguhatana mpaka umuziki wanjye ugeze ku rwego mpuzamahanga.''

Avuga ko mu bahanzi akunda muri Nigeria haza imbere Rema mu gihe mu Rwanda akunda Ish Kevin cyane ko yemeza ko bakuranye mu gace kamwe.

Uyu musore aracyiga mu mashuri yisumbuye muri Saint Francis High School. Uretse umuziki akunda kurya Pizza cyangwa Burger, akaba umukinnyi wa Rugby mu ikipe y'igihugu. Avuka mu bana batandatu.

Uyu musore amaze gukora indirimbo zirimo iyo yise 'Warahemutse' na  'Linka' ziri mu njyana ya Afrobeat ndetse na  'Intimba' yahuriyemo na Kenzo Trap ndetse na 'Ukuri' aheruka gushyira hanze.

Uyu musore yiga ibijyanye n’ubukerarugendo.

Drillex26 ni umwe mu banyempano bo guhangwa amasoUyu musore aririmba injyana ziganjemo Drill Music igezweho 

REBA UKURI IMWE MU NDIRIMBO Z’UYU MUSORE

“Ntakiri mu mva” ni indirimbo nshya y’umuramyi Gloire Nkundayesu utuye muri Canada, ikaba yarakomotse mu cyanditswe cyo muri Bibiliya mu gitabo cy’Abaroma 8: 32 havuga ngo “Mbese ubwo itimanye umwana wayo ikamutanga ku bwacu twese, izabura ite kumuduhana n'ibindi byose ?”. 

Gloire avuga ko “Tukiri mu isi, iyatanze umwana wayo, ntizabura kuduha n’ibindi byose dukeneye. Yesu ntakiri mu mva, yarazutse”. Avuga ko ‘Ntakiri mu mva’ ari indirimbo ihamya neza umugambi w’Imana ku bantu, gutanga Yesu akabambwa ku musaraba, no kumuzura ni ishingiro ryo kwizera.

Mu kiganiro na inyaRwanda.com, Gloire Nkundayesu yavuze ko ‘Ntakiri mu mva’ ari indirimbo y’ibyiringiro ku bakristo. Ati “Nayihawe ubwo nasengaga nibutse intwari n’abacu batubanjirije batabarutse, ngira umunezero ubwo Umwuka yanyibutsaga ko impanda nigera, abapfuye bose bizeye azabazura muri Kristo”.

Akomeza avuga ko nk’uko Imana yazuye Yesu, ni ko n’abizera bazazurwa, hanyuma abazaba bakiriho kuri uwo munsi, hamwe n’abazuwe, “twese tumusanganire ku bicu”. Yungamo ati “Mu by’ukuri ni ryo pfundo (root) ry’ibyiringiro byanjye n’abandi bose dusangiye uru rugendo rugana mu ijuru”. 

Uyu muramyi ukunzwe mu ndirimbo “Data arakora”, “Icyubahiro” n’izindi, asobanura ko icyanditswe yisunze ubwo yandikaga iyi ndirimbo ye nshya ‘Ntakiri mu mva’, ari cyo, Abaroma 8:32, havuga ko ‘ubwo itimanye umwana wayo wapfuye ku bwacu, ntizabura no kumuduhana n’ibindi byose’. 

Aragira ati: “Tukiri mu isi, Imana izaduha ibyo kurya, izaduha imyambaro, izadukiza indwara, izaduhaza umunezero, izagendana natwe, izatwuzuza umwuka wera, impanda nivuga itujyane mu ijuru. Yaduhaye Yesu, imuduhana n’ibindi byose”.

Gloire ukunda guhimbaza Imana mu njyana ya Rock, yasoje yifuriza abakristo bose n’abandi bose bakunda umuziki wo kuramya no guhimbaza Imana, gufashwa n’iyi ndirimbo ye nshya muri ibi bihe byegereje Pasika. Ati “Yesu yarazutse, ntakiri mu mva, Amen ibihe byose”.

Ashyize hanze iyi ndirimbo ivuga ku Izuka rya Yesu Kristo mu gihe habura iminsi mbarwa Pasika ikaba. Pasika y’uyu mwaka wa 2023, izaba ku Cyumweru tariki 09 Mata. Ni umunsi abakristo b’isi yose baba bari mu byshimo bizihiza izuka rya Yesu Kristo bafata nk’Umucunguzi n’Intwari yabo.

Gloire Nkundayesu ari mu baramyi b’abahanga mu muziki nyarwanda

UMVA INDIRIMBO NSHYA “NTAKIRI MU MVA” YA GLOIRE NKUNDAYESU