Author: webrwanda

Uyu mushinga watangajwe nyuma y'iyindi ibiri MTN Rwanda yatangije mu mudugudu wa Juru, akagari ka Kabeza, mu Murenge wa Kanombe, Akarere ka Kicukiro, mu Mujyi wa Kigali.

Ni nyuma y'igikorwa cyabaye nyuma yo gukorana umuganda n'abatuye muri aka gace. Uyu muganda wahuriyemo abaturage muri ako gace, abakozi ba MTN Rwanda, inzego z'umutekano n'itangazamakuru.

Uyu mushinga uzakorerwa n'ubundi ahatunganywaga kuri uyu wa Gatandatu tariki 25.

Uyu waje ukurikira irimo uwo kubungabunga ibidukikije wiswe 'Green Ambassadors'' ndetse n'uwo gutera inkunga abakobwa babyariye iwabo imburagihe bahawe Miliyoni 3 Frw. Ni umushinga uhurijemo abakobwa 15 babyaye imburagihe.

Ubwo Umuyobozi Mukuru wa MTN Rwanda, Mapula Bodibe, yajyaga gutangaza iby'uyu mushinga w'ubusitani bwiswe 'Ijuru rya Kabeza', yagaragaje ko ari umushinga wari utegerezanyijwe amatsiko cyane ko bamwe bari bazi ibyawo ho gato.

Ati 'Undi mushinga ni uwo twari dutegereranyije amatsiko, hariya tuvuye gukorera haratoranyijwe kuba ubusitani rusange bityo tukaba nka MTN Rwanda mu rwego rwo gukomeza gukora umujyi, twarahisemo kuhashyira ubu busitani.'

Yakomeje avuga ko ubu hagaragajwe igishushanyo mbonera cy'uwo mushinga. Ati 'Tugaragaje igishushanyo mbonera cy'ubusitani bushya buzaba bugenewe abantu bose bashobora kuhakorera siporo, kuhasohokera, abashaka kuruhura umutwe, kwiga n'ibindi.''

Ubu busitani bwabatijwe Ijuru Rya Kabeza.

Vice Meya w'Umujyi wa Kigali Ushinzwe Ubukungu n'Imibereho Myiza, Rujeni Martine, wafashe ijambo asoza iki gikorwa, yashimye MTN Rwanda ku bw'ibi bikorwa ariko cyane cyane yitsa ku cy'ubusitani no gufasha abagore.

Ati 'MTN Rwanda yararebye isanga hano hari ubusitani yakora neza kurushaho turabashimiye.'

Yakomeje yitsa ku bahawe inkunga yo kwiteza imbere, abasaba kutazayipfusha ubusa, agaragaza ko ubu nta muntu ugikwiriye kurwanira ko bamuhindurira icyiciro kubera ubukene ahubwo Leta ifatanyije n'izindi nzego hazagenda habaho ibikorwa byo kubakira abantu ubushobozi nk'uko MTN yabikoze.

Ati 'Ibi byose biravuga ngo uruhare rwacu ni uruhe? Ubu hari gahunda yemejwe n'Abadepite umwaka ushize yo gufasha abaturage kwikura mu bukene. Iyi gahunda ivuga ko buri wese agomba kugira uruhare mu kwikura mu bukene ariko na Leta ikagira umusanzu imuha.'

Iki gikorwa cyasojwe abaturage bacinya akadiho hamwe n'inzego zitandukanye zari zihari.

MTN Rwanda yakoze ibi bikorwa, irayoboye ku isoko ry'itumanaho ngendanwa mu Rwanda.

Guhera mu 1998, MTN Rwanda yakomeje gushora imari mu kwagura no kunoza imikorere y'umuyoboro wayo.

MTN Rwanda igeza serivise zo ku rwego rwo hejuru abafatabuguzi bayo, iri imbere kandi  mu gutanga serivisi z'imari kuri telefone ngendanwa mu Rwanda hamwe na Mobile Money, MoMoPay na MoKash itanga inguzanyo ikanazigama.

Habanje kuba umuganda ngarukakwezi 

Inzego z’umutekano zirimo na DASSO zari zabukereye 

Uyu muganda wari ugamije gusukura ahagiye gushyirwa ubusitani buzatwara Miliyoni 50 Frw 

Alain Numa uri mu bayobozi ba MTN Rwanda mu muganda Abasirikare bahorana morale! No mu muganda bacishagamo bakakanyuzamo 

Abageze mu za bukuru bari baje muri iki gikorwa

Uyu yaje mu muganda isuka iramutenguha. Aha yageragezaga kongera kuyisubizamo igihato 

Uyu ni umwe mu banyeshuri bari mu mushinga watangajwe bwa mbere na MTN ugamije kubungabunga ibidukikije Ahashyirwa ubusitani hatunganywa Mapula Bodibe uyobora MTN Rwanda ari gukora umuganda 

Nyuma y’umuganda habayeho ibiganiro 

Ubwo Mapula Bodibe yamurikaga umushinga w’ubusitani bugiye gutunganywa mu gace ka Juru gaherereye mu murenge wa Kanombe Visi Meya wungirije w’Umujyi wa Kigali ushinzwe ubukungu n’imibereho myiza y’abaturage, Rujeni Martine, yashimiye MTN Rwanda 

Ibikoresho byatanzwe birimo amakaye, amakaramu, amarati, ibikapu n'ibindi hagamijwe kubafasha kwiga batekanye ndetse no kubarinda ibishuko bishobora kubashora mu ngeso mbi.

Ibi bikoresho byatanzwe ku bufatanye n'Umushinga wa IGIRE-WIYUBAKE uterwa inkunga na USAID ugashyirwa mu bikorwa n'Umuryango Nyarwanda wa YWCA mu mirenge 10 y'Akarere ka Kicukiro.

Abahawe ibi bikoresho bagaragaje ko bigiye kubatera imbaraga zo kwiga kurushaho nkuko Ikirezi Celine wiga mu mwaka wa mbere w'amashuri yisumbuye kuri GS Busanza yabivuze.

Ati 'Nkunze kujyana amakayi atuzuye ku ishuri kuko iwacu dukennye bigatuma mwarimu ansohora mu batujuje ibikoresho. Ubu ngiye kwiga ntuje'.

Murekatete Jasmine nawe yagize ati 'Ubu ndishimye kuko mbonye ibikoresho byuzuye. Ndashima umushinga Igire ndetse na Leta y'u Rwanda kuko ntazongera gucurikiranya ibyo twiga nk'uko nabikoraga kubera amakayi yanshiranye'.

Umuyobozi w'uyu mushinga, Rusanganwa Eugene, yavuze ko gutanga ibikoresho by'ishuri n'iby'isuku ari bumwe mu buryo bwo kugabanya impamvu zishobora gutuma abana bava mu ishuri cyangwa kwishora mu bikorwa bibashyira mu kaga ko kwandura virusi itera Sida.

Ati'Imiryango bavamo ntabwo ifite ubushobozi bwo kubibaha ugasanga umwana bimuteye ipfunwe rituma ashobora no kuva mu ishuri tubitezeho kwiga neza. Ababyeyi turabasaba kurushaho gukurikirana abana kugira ngo ibi bikoresho bibabere umusemburo wo kwiga batekanye bityo binabarinde ibishuko.'

Ibikoresho by'ishuri byatanzwe n'ibikoresho by'isuku bifite agaciro k'asaga miliyoni 100 Frw bigamije gufasha abana b'abakobwa no kubakundisha ishuri by'umwihariko abavuka mu miryango itishoboye bigorana kwiga.

Umuyobozi ushinzwe ishami ry'uburezi mu Karere ka Kicukiro, Munyantore Jean Claude, yavuze ko ibikoresho by'ishuri ari bimwe mu bikenerwa cyane cyane mu myigire y'umunyeshuri bityo ko iki gikorwa ari ingirakamaro.

Yakomeje agira ati 'Twasabye ababyeyi gufatanya n'ubuyobozi bw'ishuri n'ubw'akarere gukurikirana imyigire y' abana babafasha kwirinda icyatuma batakaza intego y'ibanze yo kwiga. Ibi nibyitabwaho buri ruhande rugakurikirana, bahawe n'ibikoresho intego tuzayigeraho.'

Abahawe ibikoresho by'ishuri n'iby'isuku basanzwe banahabwa inyigisho z'ubuzima bw'imyororokere no gucunga amafaranga.

Uretse ibikoresho by'ishuri byatanzwe ariko abakobwa n'abagore babyaye imburagihe basaga ibihumbi 17 bahawe n' ibikoresho by'isuku y'abakobwa (Cotex).

Aba banyeshuri bahawe ibikoresho by’ibanze by’ishuri

Buri mwana yahawe ibikoresho bihagije

Aba banyeshuri basabwe kwitwara neza bakiga bagatsinda

Abahawe ibikoresho barenga ibihumbi bine

Ni amasomo yatangiye kuwa 31 Ukwakira 2022, akaba yasojwe kuwa 24 Werurwe 2023. Abayasoje bahawe impamyabumenyi, abahize abandi bahambwa ibihembo.

Muri aya masomo bamazemo umwaka, bahawe ubumenyi bwiganjemo ubwo kuyobora ingabo, ndetse no kuyobora urugamba.

Cpt. Ronald Ngoboka Muhirima watwaye igihembo cy'umunyeshuri mwiza mu bitabiriye aya masomo, yatangaje ko kuba bazamutse mu ntera ari nako inshingano zabo zazamutse kandi yiteguye kuzubahiriza.

Ati 'Muri aya masomo twategurwaga gukora kinyamwuga, aya masomo aradufasha byinshi kuko uko umuntu agenda azamuka mu nzego za gisirikare ni nako inshingano zihinduka. Kuba nahawe igihembo ni ukubera umuhate natewe n'abarimu batwigishaga.'

Cpt. Epiphanie Uwintije yasobanuye ko mu byo yayungukiyemo harimo imyandikire ya gisirikare, kumenya uburyo bwo kuyobora izindi ngabo ndetse no kuyobora urugamba.

Ati 'By'umwihariko hari guhinduka kw'imyitwarire, ku rwego twari turiho hari uko twitwaraga, hari uko twatekerezaga. Aya masomo turangije navuga ko aduhaye ibyangombwa byose by'ingenzi by'uko umusirikare mukuru agomba kwitwara.'

Umugaba w'ingabo z'u Rwanda zirwanira ku butaka, Lt General Mubarakh Muganga yasabye abarangiye aya masomo gukoresha neza ubumenyi babonye mu gutanga umusaruro bitezweho.

Mu byumweru 20 bamaze mu ishuri rikuru rya gisirikare, aba ba ofisiye bagize umwanya wo gushyira mu bikorwa ibyo bize mu nyandiko, bahabwa amasomo yo kubongerera ubumenyi ku buryo bwo guhanahana amakuru, kuyobora ingabo ku rugamba, kunoza imikorere y'akazi kabo ko mu biro n'ayandi.

Mu barangije ayo masomo y'icyiciro cya 20, ni ba ofisiye 23 bo mu ngabo z'u Rwanda bafite ipeti rya Major, 13 bafite ipeti rya Captain, mu gihe 2 bo muri Polisi y'igihugu bafite ipeti rya Chief Inspector of Police.

Captain Ngoboka yahawe igihembo cy’umunyeshuri mwiza

Gen Muganga yabasabye kurangwa n’imyitwarire myiza

Abofisiye 38 basoje amasomo harimo babiri b’igitsina gore

Mu busanzwe Prince Kid ntakunda kugaragaza ku mbuga nkoranyambaga amarangamutima ye cyangwa se uko yiyumva bitewe n'uko adakunze gukoresha cyane imbuga nkoranyambaga, gusa amarangamutima ye ku munsi w'amavuko wa Elsa yamutamaje.

Mu masaha make ashize, Prince Kid yanyarukiye kuri konti ye ya Twitter agenera ubutumwa umukunzi we Miss Iradukunda Elsa wujuje imyaka 25 y’amavuko, amubwira ko uyu munsi we ari isabukuru y'umuringa kuri we.

Yagize ati''Isabukuru y'umuringa nziza umwiza wanjye, umugore wanjye ukomeye kandi umwunganizi mu byo ncamo byose. Utuma umunsi wose umurika kandi nishimiye akanya kose mara iruhande rwawe. Nishimiye kuzakomeza nizihizanya andi masabukuru menshi nawe. Ndagukunda buri gihe.''

Miss Elsa wishimiye cyane kuzuza imyaka 25 ku itariki ya 25 nk’uko yabigaragaje kuri Instagram, akomeje imyiteguro y'ubukwe bwe na Prince Kid. Aba bombi basezeranye imbere y’amategeko mu muhango wabereye mu Murenge wa Rusororo mu Karere ka Gasabo ku wa 2 Werurwe 2023.

Urukundo rwabo rwavuzwe cyane mu ifungwa rya Prince Kid, ubwo Miss Iradukunda Elsa yagaragazaga inyandiko zafashwe nk'impimbano zishinjura Prince Kid ku byaha yari akurikiranyweho ndetse na we akaza kubifungirwa igihe gito, ariko nyuma arekurwa abaye umwere.

Miss Elsa yatomagijwe n’umukunzi we Prince Kid basezeranye

Miss Iradukunda yongeye kugaragara ajya kwakira Prince Kid ubwo yarekurwaga avuye mu igororero rya Mageragere, ababibonye bashimangira urukundo rwabo.

Aba bombi bagiye bagaragara bari kumwe ariko ntibifuze kubigaragaza cyane ko bari mu rukundo, ndetse bakirinda kugaragara mu itangazamakuru.

Uku gusezerana kwa Prince Kid na Miss Iradukunda kuje nyuma y'igihe gito uyu musore amusabye ko azamubera umugore undi na we arabimwemerera, amwambika impeta.

Miss Elsa ari mu byishimo byo kuzuza imyaka 25

Iyi myaka ayujuje yaramaze gusezerana na Prince Kid bamaze igihe bakundana

Miss Elsa nyuma yo kubona ubutumwa bwa Prince Kid yanyuzwe nabwo aramushimira

Aba bombi ni umugore n’umugabo mu mategeko y’u Rwanda

Ubutumwa bwa Prince Kid ku mugore we Miss Elsa

RUKUNDO Claver, ushinzwe guhugura abakozi ba TECNO yafashe umwanya asobanurira abanyarwanda bari bakurikiye Televisiyo y'Igihugu ndetse na Instagram ya TECNO @tecnomobilerw ikoranabuhanga izi telefone zizanye ndetse n’icyo zizafasha abakiriya ba TECNO.

Muri uru ruhererekane rwa Spark 10, harimo ubwoko bune;

Ubwoko bwa mbere ni SPARK 10 PRO zirimo ubwoko bubiri;

Spark 10 pro ifite megapixeli 32 kuri camera y'imbere zigushoboza gufata amafoto acyeye (Clear selfie), ndetse na megapixeli 50 kuri camera y'inyuma. Ifite ububiko bw'igihe gihoraho bungana (ROM) na gigabyte 256 ndetse n'ububiko bw'igihe gito (RAM) bungana na gigabyte 8.

Ifite processor yaremewe imikino yitwa G88 ituma ukina imikino ukunda ku muvuduko uhambaye. Ndetse ikaba ifite 5000 mAh kuri battery yayo biyishoboza kubika umuriro igihe kirekire ndetse ikaba ininjiza umuriro byihuse kuko ifite icyo bita fast charge system (18W Type C) ishoboza telephone kuzura mu gihe gito. Iyi Spark 10 pro ikaba igura 194,000 Frw.

Spark 10 pro ya kabiri, ihuje byinshi na Spark 10 pro yasobanuwe haruguru, bitandukaniye gusa ku bubiko bw'igihe gihororaho (ROM) ingana na gigabyte 128 ikaba igura 168,500 Frw.

Ubwoko bwa kabiri ni spark 10C zirimo ubwoko bubiri;

Spark 10 C ifite megapixeli 8 kuri camera y'imbere ndetse na megapixeli 16 kuri camera y'inyuma, ikagira ububiko bw'igihe kirekire bungana na gigabyte 128 ndetse n'ubibiko bw'igihe gito bungana na gigabyte 8.

Ifite processor yaremewe imikino yitwa G88 ituma ukina imikino ukunda ku muvuduko uhambaye. Ndetse ikagira 5000mAh kuri battery yayo biyishoboza kubika umuriro igihe kirekire. Ikaba igura 145,000 Frw.

Telefone zo mu bwoko bwa Spark 10 zirakunzwe cyane kubera kugira amafoto acyeye cyane

Muri uyu muhango wo kumurika TECNO SPARK 10 SERIES, hatangajwe umwe mu banyarwanda kazi bakunzwe ku mbuga nkoranyambaga ndetse ufite ibigwi bikomeye, uwo ni igisonga cya kabiri cya Miss Rwanda 2022, KAYUMBA DARINA.

KAYUMBA DARINA yavuze ko yishimiye cyane guhabwa inshingano zo kwamamariza TECNO telefoni yayo nziza ikunzwe cyane cyane n'urubyiruko. Yatangarije abanyarwanda ko ku mbunga nkoranyambaga ziwe ndetse n’iza TECNO hagiye gutangizwa amarushanwa agamije kugaragaza ubwiza bwa camera y'imbere ya Spark 10 series.

Miss Kayumba Darina wabaye Igisonga cya kabiri cya Miss Rwanda 2022 yahawe inshingano zo kwamamariza TECNO

Irushanwa rizatangira tariki ya 29 Werurwe risozwe 29 Mata, kuryitabira usabwa gutangira gukurikira imbuga nkoranyamba za TECNO @tecnomobilerw, ugafata video ngufi igaragaza ibihe urimo bitandukanye maze ugakoresha #GlowAsYouare maze ugataginga TECNO (@tecnomobilerw).

Hazahembwa abantu 30 ba mbere, uwa mbere uzarusha abandi kugira video ikunzwe kurusha abandi kuri Instagram, Twitter ndetse na Facebook, azatsindira amafaranga ibihumbi magana atanu (500,000 Frw).

Abandi batatu bafite video ikunzwe kuri Instagram, Twitter cyangwa Facebook bazahabwa SPARK 10C. Izindi video 26 zizaba zakunzwe kurusha izindi (zifite likes, share na comments nyinshi), ba nyirazo bazahebwa impano zitandukanye nka TECNO Bluetooth headsets n'izindi nyinshi.

Umuyobozi ushinzwe kumenyanisha ibicuruzwa ndetse n'ibikorwa bya TECNO, Muyango, yatangaje ko bishyimiye cyane kumurika SPARK 10 kuri iri isoko ry'u Rwanda, ashimangira ko iyi telefoni ifite byinshi izafasha abakiliya ba TECNO mu buzima bwabo bwa buri munsi cyane cyane urubyiruko kuko ifite camera nziza y'imbere (selfie camera) urubyiruko rukunda.

Yanavuze iko TECNO ifitanye ubufatanye n'ikigo cy’itumanayo kizwi nka AIRTEL mu kugabanya ikiguzi cya interineti aho ubu umukiliya wese uguze imwe muri Spark 10 series kimwe n'izindi smartphones za TECNO, ahabwa interineti ya AIRTEL y'ubuntu ingana na 5GB ndetse mu gihe izo 5GB z'ubuntu zishize ukubirwa ijana ku ijana ku yindi interineti uguze, ibyo bikorwa mu gihe kingana n'amezi atatu.

Spark 10 iziye igihe kuko ifite byinshi izafasha abakiriya ba TECNO mu buzima bwabo bwa buri munsi kubera ikoranabuhanga ryayo

RUKUNDO Claver ushinzwe guhugura abakozi ba TECNO yasobanuye birambuye ikoranabuhanga rya “Spark 10 Series” 

Kayumba Darina yasogongeye ku bwiza bwa “Spark 10 Series” aranyurwa cyane ahita yiyemeza kugeza iyi nkuru nziza ku bamukurikira ku mbuga nkoranyambaga

TECNO ubwo yamurikaga ku mugaragaro uruhererekane rwa telefone nshya ziri mu bwoko bwa Spark 10 zifite ikoranabuhanga rihambaye

Mu magambo yuje imitoma myinshi n’amagambo anogeye amatwi, Prince Kid yifurije isabukuru nziza umugore we Miss Iradukunda Elsa wujuje imyaka 25.

Ni ku nshuro ya mbere Miss Iradukunda Elsa wabaye Nyampinga w’u Rwanda 2017 yijihije isabukuru ari umugore kuko hashize iminsi mike we Prince Kid basezeranye kubana akaramata.

Ishimwe Dieudonne benshi bazi nka Prince Kid abinyujije ku mbuga nkoranyambaga ze yamwifurije isabukuru nziza mu magambo asize umunyu yuje imitoma.

Ati 'Icya kabiri cya Yubile cyiza mwiza wanjye, mugore mwiza n’umufasha muri byose, umurikira buri munsi kandi mporana amashimwe y’ibihe ngirira iruhande rwawe. Sinjye uzarota nishimanye nawe izindi sabukuru nyinshi. Nzahora ngukunda!'

Miss Iradukunda Elsa yahise amusubiza ati “Urakoze cyane rukundo rwanjye! ndagukunda cyane.”

Aba bombi urukundo rwa bo rwamenyekanye cyane umwaka ushize ubwo Prince Kid yafingwaga ashinjwa ihohoterwa yakoreye abana b’abakobwa bitabiriye Miss Rwanda mu bihe bitandukanye, Miss Iradukunda Elsa wegukanye ikamba rya 2017, benshi bakunze uburyo yamurwaniye ishyaka.

Miss Iradukunda Elsa yujuje imyaka 25

Ni mu bihembo bihabwa abagore bo hirya no hino mu gihugu bakoze ibikorwa by'indashyikirwa mu bucuruzi no kuyobora ibigo. Bashimiwe umusanzu bakomeje kugira mu kubaka Sosiyete Nyarwanda.

Ibi bihembo byatanzwe ku mugoroba wo ku wa Gatanu tariki 24 Werurwe 2023, byateguwe n'Ikigo 1000 hills events gifatanyije n'ibigo n'imiryango itandukanye yita ku iterambere ry'abagore.

Kamanzi Tuhairwe usanzwe ari n'Umuyobozi Wungirije wa Radiant ndetse akaba n'Umuyobozi Mukuru wa Radiant Yacu Ltd yavuze ko ibi bihembo bibiri yahawe ari ishema ku kigo cyose, abayobozi n'abakozi bacyo muri rusange.

Igihembo yahawe ni icy'ikigo kiyobowe n'umugore ariko gikura vuba [Fast Growing Company of the Year] ndetse n'igihembo cy'umugore uri mu buyobozi bukuru bw'ibigo [Board Level and Senior Executive of the Year].

Nyuma yo guhabwa ibi bihembo, Kamanzi yabwiye IGIHE ko “Ku kigo nka Radiant Yacu Ltd ndetse na Radiant muri rusange, iki ni ikintu cyiza , biragaragaza imiyoborere myiza y'ikigo.”

Yakomeje agira ati “Muby'ukuri bigaragaza ko n'abakozi bakora neza, bitanga kuko iki gihembo ntabwo navuga ko ari icyanjye gusa, ni icyacu nka Radiant Yacu Ltd kandi byaturutse ku kuba abakozi bakora neza, bakorana umurava, ubushake. Ni ibintu byaduhesheje ishema nka Radiant Yacu Ltd na Radiant muri rusange.”

Abagore bakora muri Sosiyete ya Radiant bose ni 50% , ni ukuvuga ko bangana n'abagabo.

Kamanzi Tuhairwe ati “Ni ukuvuga ngo ibijyanye n'uburinganire ni ibintu twubahiriza cyane kandi navuga ko tubiha agaciro cyane muri Radiant.”

Avuga ko uwashinze ibi bigo byombi akaba ari nawe Muyobozi Mukuru wa Radiant, Rugenera Marc ari umuntu uharanira guteza imbere abagore ari nayo mpamvu abashyigikira mu kazi bakabasha gutanga umusaruro mwiza.

Ati “Ni umuntu mu by'ukuri ushyira imbere abagore, uburinganire muri rusange. Yaba umugore yaba umugabo, twese adufata kimwe, yumva ko twese dushoboye kuko n'ibi bihembo niwe mbikesha.”

Kamanzi avuga ko yaba umugore yaba umugabo, iyo umwitayeho mu kazi, ukamuha ibituma agakora neza, ukamuha ubwisanzure n'amahoro, arakora kandi agatanga umusaruro.

Ati “Ndashimira n'umuryango wanjye, bose baramfasha muby'ukuri kuko nanone utagize amahoro mu rugo cyangwa mu muryango nk'umugore, ibi twagezeho uyu munsi ntabwo byagerwaho.”

Ikigo cy'ubwishingizi 'Radiant Yacu' cyakomotse kuri Sosiyete y'Ubwishingizi ya Radiant yavutse mu 2013, kiza kigamije kwegera ba Banyarwanda badafite ubushobozi buremereye, ni ukuvuga nka wa wundi wavuga ati 'simfite amafaranga arenga 1000 ku kwezi ariko ndashaka kubona ubwishingizi'.

Kamanzi ayobora iki kigo kuva akaba yari asanzwe afite uburambe bw'imyaka irenga 15 akora muri uru rwego.

Afite Impamyabumenyi y'icyiciro cya Gatatu cya Kaminuza [Masters Degree] mu bijyanye n'ubucuruzi yavanye muri Kampala International University, ni mu gihe icya kabiri yagikuye muri Makerere University.

Yize kandi icyiciro cya Gatatu cya Kaminuza muri Philippines aho yakurikiranye ibijyanye n'ubwishingizi bw'ibigo biciriritse.

Kamanzi Tuhairwe kandi ni umwe mu bakomeje kugira uruhare mu ishyirwaho rya gahunda y'Igihugu y'Ubwishingizi bw'ubuhinzi.

Umuyobozi Mukuru wa Radiant Yacu Ltd, Ovia Kamanzi Tuhairwe agera ahatangiwe ibihembo

Umuyobozi Mukuru wa Radiant Yacu Ltd, Ovia Kamanzi Tuhairwe yahawe igihembo cy’umugore uri mu buyobozi bukuru bw’ibigo

Byari ibyishimo ku bayobozi ba Radiant

Kimwe cya kabiri cy’abakozi ba Radiant ni abagore

Marc Rugenera washinze Radiant n’Umuyobozi Mukuru wa Radiant Yacu Ltd, Ovia Kamanzi Tuhairwe

Amafoto: Nezerwa Salomon