Webrwanda Backend

Author: webrwanda

  • Diamond Platumz na Tanasha bongeye gushyushya abantu imitwe #rwanda #RwOT

    Nk’uko ikinyamakuru cyo muri Tanzania, Global Publishers nyuma y’urwango nk’urw’amazi n’umuriro, Diamond Platnumz na Tanasha baba bariyunze ubu umubano wa bo umeze neza.

    Iki kinyamakuru cyatangaje ko Tanasha Donna yavuye muri Kenya ageze muri Tanzania mu Mujyi wa Dar es Salaam yahitiye mu rugo rwa Diamond Platnumz.

    Hafashwe amashusho uyu mugore ari kumwe n’umuhungu we Naseeb Jr yabyaranye na Diamond bicaranye mu ntebe kwa Diamond.

    Nyuma y’uko amakuru agiye hanze byatangiye kuvugwa ko biyunze ndetse basubiye mu rukundo bikaba bivugwa ko baba barimo no gutegura ubukwe.

    Umuhungu wa Diamond na Tanasha akaba yari amaze iminsi muri Tanzania aho yari yaragiye gusura se ndetse bakaba baranagiranye ibihe byiza, gusa andi makuru akavuga ko Tanasha yagiye gucyura umuhungu we.

    Muri Gashyantare 2020 nyuma yo kubyarana umwana w’umuhungu Naseeb Jr, Diamond Platnumz ni bwo yatandukanye n’uwari umukunzi we ukomoka muri Kenya akaba n’umuhanzi, Tanasha Donna.

    Nyuma yo gutandukana na Tanasha yagiye yumvikana mu itangazamakuru ashinja Diamond kumuca inyuma no kutamuha agaciro, ibi byagiye bikurikirwa n’andi magambo menshi arimo kuba Diamond Platnumz ntacyo ajya amufasha.

    Diamond Platnumz amaze iminsi agirana ibihe byiza n’umuhungu we Naseeb Jr

    Tanasha yagaragaye kwa Diamond Platnumz

    Source : http://isimbi.rw/imyidagaduro/article/diamond-platumz-na-tanasha-bongeye-gushyushya-abantu-imitwe

  • Thibaut Courtois n'umukunzi we bahishuye umuntu bifuza cyane ko yazaza mu bukwe bwabo #rwanda #RwOT

    Umukinnyi w'umupira w'amaguru w'Umubiligi, Thibaut Courtois n'umunyamideli wo muri Isiraheli Mishel Gerzig bavuze ku bukwe bwabo mu kiganiro n'ikinyamakuru 'Vanity Fair'.

    Aba bashakanye basobanura ibijyanye n'ubukwe bwabo bati: “Twamaze gushyiraho itariki, ahantu hadasanzwe. Bizaba ibirori byigenga, by'urukundo kandi bishimishije,bitazaburamo umuziki. Dukunda kubyina reggaeton.”

    Mishel Gerzig yagize ati: “Twatumiye Florentino Pérez mu bukwe bwacu kandi turizera ko azaza.”

    Ku bijyanye n'umubano we na Florentino Pérez, perezida wa Real Madrid, Courtois yagize ati “Tubanye neza. Ni umuyobozi wacu. Aba ashaka ko dutsinda. Nkunda uburyo bwe,aba ari hafi cyane. Ntakunda gutsindwa umukino, ikintu ntigeze mbona mbere ku bandi. Agusaba byinshi, ariko ni perezida ukomeye. Yageze kuri byinshi. Ntabwo ari uko twohererezanya WhatsApp (aseka), ariko turaganira mbere na nyuma y'imikino.Mu ibanga, akunda kuganira na Mishel, hamwe n'imiryango y'abandi bakinnyi”.

    Thibaut Courtois avuga ko ahura bwa mbere n'umukunzi we Mishel Gerzig,hari muri resitora ya 'Ten con Ten'.Ati: “Tumaze kubonana imbonankubone, twumvise ibinyugunyugu mu nda, cyangwa uko mwabyita kose.”

    Muri iki kiganiro aba bombi bagiranaga n'umunyamakuru,Paloma Simón,Courtois yavuze ko yishimira kuba yarakiniye Atlético de Madrid na Chelsea,ariko Real Madrid akinira kuva 2018 ariyo kipe ya mbere ku isi.

    Source : https://umuryango.rw/imyidagaduro/imikino/article/thibaut-courtois-n-umukunzi-we-bahishuye-umuntu-bifuza-cyane-ko-yazaza-mu-bukwe

  • Selena Gomez aravugwa mu rukundo na Zayn Malik wahoze muri One Direction #rwanda #RwOT

    Abahanzi bakomeye ku isi mu njyana ya Pop,Selena Gomez na Zayn Malik baravugwa mu rukundo ndetse biravugwa ko bombi bafitanye amateka akomeye.

    Umuhanzikazi Selena Gomez w'imyaka 30 yasohokanye na Zayn nawe w'imyaka 30 mu ibanga rikomeye bajya gusangira i New York.

    Zayn wahoze ari umukunzi wa Gigi Hadid banabyaranye,yasohokanye muri resitora n'uyu mukobwa mu ntangiriro ziki cyumweru ndetse bivugwa ko 'harimo akantu' mu mubano wabo kuva mu myaka yashize, nk'uko bivugwa na Page Six.

    Bivugwa ko bombi bahuye bwa mbere muri 2012, ubwo inshuti magara ya Selena,Taylor Swift yakundanaga na mugenzi wa Zayn mu itsinda rya One Direction, Harry Styles.

    Uwahaye amakuru Page Six yagize ati “Bafitanye akantu kuva mu myaka ishize,ubwo Taylor na Harry bari mu rukundo.

    Ntabwo byatunguye kuko ubu bari kumwe cyane.”

    Undi muntu yabwiye US Weekly ko Zayn na Selena bakundana ariko mu ibanga ndetse ko badakomeje cyane.

    Uyu yagize ati “Selena yemerewe kureba abandi bantu ko byakunda mu gihe Zayn yifuza kureba Selena n'aho ibintu byerekeza.”

    Gomez na Malik ngo bari bameze neza umunsi basohokana muri resitora imwe muri New York muri iki cyumweru.

    Yaba Selena na Zayn barazwi cyane mu nkundo zabo za mbere kuko uyu muhanzikazi yagacishijeho na Justin Bieber mu gihe Zayn yakundanye igihe kinini n'umunyamideli Gigi Hadid.

    Source : https://umuryango.rw/ubuzima-115/imibereho/article/selena-gomeza-aravugwa-mu-rukundo-na-zayn-malik-wahoze-muri-one-direction

  • Mu ijoro ryo kuri uyu wa 27-28 werurwe imibumbe itanu yagaragaye iri ku murongo umwe n'Ukwezi #rwanda #RwOT

    Imibumbe ya Mercury, Jupiter, Venus, Uranus, Mars, n'Ukwezi yari ku murongo umwe w'igice cy'uruziga mu ijoro ryo kuwa mbere, kandi ibi bamwe babashije kubirebesha amaso yonyine.

    Ibi kenshi byitwa 'akarasisi k'imibumbe' byagaragaye ubwo izuba ryari rirenze mu gice cy'isi cy'iburengerazuba.

    Ababashaga kureba neza ahirengeye mu kirere gicyeye babonaga neza ako 'karasisi'.

    Mu mpeshyi ishize imibumbe ya Mercury, Venus, Mars, Jupiter, na Saturn nayo yatoye umurongo iboneka neza mu rukerera, ibyo byaherukaga mu 2004 kandi bizongera mu 2040.

    Uburyo bwiza bwo kureba iyi mibumbe mu ijoro ryacyeye bwari ku bari kure y'amatara yo mu mijyi, ahantu hirengeye hari ikirere gicyeye kidafite ibindi bikimuritsemo.

    Byasabaga kureba hakiri kare ku mugoroba w'ejo kuko imibumbe ya Mercury na Jupiter yahise irenga ntiyongera kuboneka.

    Source : https://umuryango.rw/amakuru/mu-mahanga/ubukungu/article/mu-ijoro-ryo-kuri-uyu-wa-27-28-werurwe-imibumbe-itanu-yagaragaye-iri-ku-murongo

  • Ubwongereza bugiye kwirukana mu mahoteli impunzi nyinshi z'Abanya Afuganistani #rwanda #RwOT

    Ibihumbi by'impunzi z'Abanyafuganisitani zigiye kwirukanwa mu mahoteri yo muri UK muri gahunda nshya ya Guverinoma.

    Nk'uko ikinyamakuru The Times kibitangaza ngo impunzi ziri hagati ya 8000 na 9000 zo muri Afuganisitani ziba mu mahoteri hirya no hino mu Bwongereza zizahabwa integuza y'amezi atatu muri Mata kugira ngo zivemo, kandi zizahabwa inyubako imwe zigomba kwemera.

    Imibare ya Guverinoma iheruka kwerekana ko Abanyafganistan 9.483 bahunze Abatalibani mu 2021 – hafi kimwe cya kabiri cyabo bakaba ari abana – kuri ubu baba mu mahoteri, muri gahunda yanenzwe cyane itwara hafi miliyoni 1.2 z'amapound ku munsi.

    Bamwe, ubu bimukiye mu ngo, babwiye The Standard ko kuba muri hoteri amezi menshi byarangiye 'bumvise ari nka gereza' mu gihe umugabo umwe yarwanaga no kuvuza umugore we wakuyemo inda.

    Muri gahunda ziteganijwe gushyirwa ahagaragara uyu munsi, imiryango iyo ari yo yose itarigeze isaba icumbi cyangwa yanze inzu izahabwa mu mpera z'amezi atatu,izaba idafite aho kuba.

    Biteganijwe ko itangazo rizatangazwa na Minisitiri Johnny Mercer mu Ngoro y'Abadepite kuri uyu wa kabiri. Yiteguye kubwira abadepite ko Guverinoma izabona amazu ahoraho y'impunzi.

    Aya makuru ashobora kuba gutera impungenge ko impunzi z'Abanyafuganisitani amagana zishobora kuzabura aho kuba.

    Ikinyamakuru The Times kivuga ko gahunda izatangazwa mu mpera z'iki cyumweru kugira ngo hatangire kwimura abasaba ubuhunzi ba mbere bava mu mahoteri bajya mu birindiro bya gisirikare ndetse n'ahandi.

    Impunzi zirenga 20.000 z'Abanyafuganisitani zageze mu Bwongereza nyuma yo kwigarurira igihugu no gufata Kabul mu 2021.

    Source : https://umuryango.rw/amakuru/mu-mahanga/politiki/article/ubwongereza-bugiye-kwirukana-mu-mahoteli-impunzi-nyinshi-z-abanya-afuganistani

  • Karongi:Umurambo w'umugabo watemaguwe wabonetse mu murima w'ibishyimbo #rwanda #RwOT

    Mu gitondo cyo kuri uyu wa kabiri,tariki 28 Werurwe,mu murenge wa Rubengera,akagali ka Bubazi ni bwo abaturage bo mu mudugudu wa Kavumu babonye umurambo w'umugabo batamenye imyirondoro ye wasanzwe mu murima w'ibishyimbo.

    N'umugabo uri mu kigero cy'imyaka 35 watemaguye mu mavi no mu mutwe , iruhande rwe hari umutarimba n'agafuka.

    Abaturage bakeka ko ari igisambo kibye bakacyicakuko hari amakuru yatanzwe n'abaturage ko hafi aho ko hari inzu yacukuwe ibisambo biyinjiramo,bagakeka ko ba nyirayo aribo bagicakiye bakihanira.

    inzego zitandukanye zirimo iz'umutekano,Umunyamabanga nshingwabikorwa w' Akarere ka Karongi ndetse na RIB baganirije abaturage bari bahuruye

    Karangwa James,Umunyamabanga nshingwabikorwa w'Akarere ka Karongi yasabye abaturage gutangira amakuru ku gihe no kutihanira kandi bagakaza amarondo.

    Biravugwa ko muri uyu mudugudu hashize amezi abiri nta rondo rikorwa.

    Mu karere ka Karongi hari ikibazo cy'ubujura bukabije ndetse abaturage bababazwa no kubona abakora ubujura bafatwa bagahita barekurwa.

    Ntibarya indimi,bavuga ko uwo bazajya bafata batazajya bamujyana kuri RIB bazajya bamwihanira kuko kumujyana kuri RIB ntacyo bitanga.

    Mukarutesi Vestine,Umuyobozi w'akarere ka Karongi aganira na Umuryango.rw,yagize ati,” mu nteko z'abaturage turabivuga tugasaba abaturage ko mu gihe babonye umuntu batazi mu mudugudu bagomba kugira amakenga ikayi y'umudugudu ikongera igakora ,ikindi ni ugukaza amarondo, buri muntu agomba kugira uruhare.Buri wese akaba ijisho rya mugenzi we.”

    Ubwo twakoraga iyi nkuru ,umurambo wa nyakwigendera wari ukiri aho yiciwe ariko abashinzwe kumugeza ku bitaro bya Kibuye bahageze. Ntawe uukekwa urafatwa haracyakorwa iperereza.




    Sylvain Ngoboka
    Umuryango.rw

    Source : https://umuryango.rw/amakuru/mu-rwanda/umutekano/article/karongi-umurambo-w-umugabo-watemaguwe-wabonetse-mu-murima-w-ibishyimbo

  • Nyagatare: Hatangiye iperereza kuri Sacco yibwe asaga miliyoni 25 Frw – #rwanda #RwOT

    Ukwibwa kw'aya mafaranga kwamenyekanye mu gitondo cyo kuri uyu wa Mbere ubwo abakozi ba SACCO babyukiraga mu kazi nk'uko bisanzwe bafungura ngo batangire akazi bagasanga amafaranga yose basize mu bubiko nta yarimo.

    Ibi byatumye bahita bitabaza inzego zitandukanye zirimo n'iz'umutekano kugira ngo hakorwe iperereza kuko ku wa Gatanu basizemo 25.400.000 Frw.

    Umunyamabanga Nshingwabikorwa w'Umurenge wa Karangazi, Mutesi Hope, yabwiye IGIHE ko koko iyi SACCO yibwe kandi ko inzego z'umutekano zahise zitangiza iperereza kugira ngo ababigizemo uruhare bafatwe.

    Yagize ati 'RIB irimo gukora iperereza kugira ngo bakurikirane uburyo byagenze, ubwo nibarisoza baraduha amakuru kandi ababikoze barakurikiranwa bahanwe.'

    Mutesi yakomeje yizeza abaturage ko iyi koperative izakomeza gutanga serivisi neza nk'uko bisanzwe avuga ko amafaranga bakiyafite kandi ko biteguye gukomeza gukorana n'abaturage neza.

    Ati 'Abafitemo amafaranga nababwira ko nta byacitse yabaye amafaranga barakomeza bayabone neza nk'uko bisanzwe hanyuma inzego z'umutekano na zo zikomeze zikore akazi kazo neza.”

    Koperative Umurenge SACCO zashyizweho na Leta y'u Rwanda hagamijwe kwegereza abaturage serivisi z'imari mu mirenge yose uko ari 416.

    Source : http://igihe.com/amakuru/u-rwanda/article/nyagatare-hatangiye-iperereza-kuri-sacco-yibwe-asaga-miliyoni-25-frw

  • Abahoze ari Abarwanyi ba Boko Haram 600 Bagiye Gusubizwa mu Buzima Busanzwe #rwanda #RwOT

    Abategetsi ba Nijeriya batangaje ko igikorwa cyo gusubiza mu buzima busanzwe abahoze muri Boko Haram yaciye intege ubushobozi bw'uwo mutwe.

    Abarwanyi hafi 600 nibo bamaze kubona ibyangombwa by'uko barangaje amahugurwa azabafasha kubana n'abandi mu cyumweru gishize, aho bana sabye imbabazi ku makosa yose bakoze.

    Abategetsi muri Nijeriya batanguye uwo mugambi mu kwezi kwa gatandatu 2016,nk'inzira yo guca intege umutwe w'itera bwoba Boko Haram.

    Amakuru avuga ko muri ibyo byihebe byahuguwe birimo 3 bakomoka muri Nijeri, Cadi, mu gihe abasigaye ari abanyanijeriya bava mu mareta ya Borneo, Adamawa, Yobe, Zamfara, Nijeri na Nassarawa.

    Abategetsi bavuga ko abarwanyi ba Boko Haram babarirwa mu bihumbi barekuwe kuva mu 2019 kandi ko ubu batangiye gufasha mu iterambere ry'imiryango.

    Boko Haram iri mu ntambara mu burengerazuba bwa Nijeriya kuva mu 2009. Iyi ntambara imaze guhitana ibihumbi by'abanyagihugu kandi inarenga imbibe ikagaba ibitero mu bihugu bituranyi nka Nijeri, Cadi na Kameruni.

    Ku cyumweru , abategetsi bo mu gisirikare cya Nijeriya bavuze ko abarwanyi ba Boko Haram 51.000 n'imiryango yabo bishyize mu maboko y'igisirikare mu kwezi kwa karindwi 2021 n'ukwa gatanu, 2022.

    (VOA News)

    Source : https://umuryango.rw/amakuru/mu-mahanga/umutekano/article/abahoze-ari-abarwanyi-ba-boko-haram-600-bagiye-gusubizwa-mu-buzima-busanzwe

  • Arsenal yemeye guhemba akayabo Bukayo Saka ugiye kongera amasezerano #rwanda #RwOT

    Umwe mu bakinnyi b'Abongereza bahagaze neza cyane mu mupira w'amaguru agiye kongera amasezerano mashya mu ikipe ya Arsenal yazamukiyemo.

    Ibinyamakuru byo muri iki gihugu birimo The Sun biravuga ko uyu musore w'imyaka 21 agiye kuba umukinnyi uhembwa amafaranga menshi muri iyi kipe,kuko Arsenal yamwemereye ibihumbi 300 by'amapawundi ku cyumweru.

    BUKAYO SAKA amaze umwaka wose aganira na Arsenal ku byerekeye kongera amasezerano gusa ngo ubu yiteguye kuyongera.

    Ibi nibiramuka bibaye ukuri,umushahara w'uyu musore uzaba wikubye inshuro zirenga enye kuko yari asanzwe ahembwa ibihumbi 70 by'amapawundi ku cyumweru.

    Uyu arahita aca kuri Gabriel Jesus wari uwa mbere uhembwa amafaranga menshi muri Arsenal kuko buri cyumweru ahembwa ibihumbi 250,000 by'amapawundi nyuma yo kuva muri Manchester City umwaka ushize aguzwe miliyoni 45 z'amapawundi.

    Umutoza Mikel Arteta n'umuyobozi wa siporo Edu bose barashaka kugumana Saka wabaye indashyikirwa muri uyu mwaka w'imikino ndetse iyi kipe itwaye igikombe ashobora kuba umukinnyi w'umwaka mu Bwonegereza.

    Saka siwe uraba ukoze agahigo ko guhembwa amafaranga menshi mu mateka ya Arsenal kuko Mesut Ozil yahembwaga ibihumbi 350 by'amapawundi mu myaka ye ya nyuma muri iyi kipe.

    Kugeza ubu Arsenal ni iya mbere muri Premier League aho irusha amanota umunani Man City iyikurikiye.Ifite umukino na Leeds kuwa Gatandatu.

    Source : https://umuryango.rw/imyidagaduro/imikino/article/arsenal-yemeye-guhemba-akayabo-bukayo-saka-ugiye-kongera-amasezerano

  • Ibyiciro by'Ubudehe byari nk'amoko bikabamo itekinika n'akarengane bikabije #rwanda #RwOT

    Byari bigeze igihe umuntu ahabwa service runaka hashingiwe ku kiciro arimo.

    Hari nabo byagizeho ingaruka zo kutiga kuko bimwe inguzanyo na bank biturutse ku byiciro by'ubudehe bari barashyizwemo

    Karegeya arasobanura uko byaje n'icyakorwa ngo abakeneye ubufasha bwa Leta babubone hadashingiwe ku gucamo ibice abantu

    Source : https://umuryango.rw/amakuru/mu-rwanda/politiki/article/ibyiciro-by-ubudehe-byari-nk-amoko-bikabamo-itekinika-n-akarengane-bikabije