Webrwanda Backend

Author: webrwanda

  • Ikipe ya Benin yageze i Kigali guhangana n'Amavubi #rwanda #RwOT

    Ikipe y'igihugu ya Benin bakunda kwita les Guépards yageze i Kigali,aho ije gukina umukino wa kane wo mu itsinda L mu gushaka itike y'igikombe cy'Afurika kizabera muri Cote d'Ivoire umwaka utaha.

    Ikipe ya Benin yageze i Kigali i Kanombe mu ijoro ryo kuri uyu wa Mbere, tariki ya 27 Werurwe 2023, ahagana saa Tatu n'iminota itanu z'ijoro. Ni mu gihe yageze kuri Park Inn Hotel aho icumbitse saa 10:16 z'ijoro.

    Umutoza wa Benin,Gernot Rohr, yanze kuvugana n'itangazamakuru, ndetse n'abakinnyi b'iyi kipe ngo bishishaga abagiye kubasanganira.

    Iyi kipe kandi yageze i Kigali itari kumwe n'abakinnyi bayo babiri barimo Sessi d'Almeida ukinira Pau FC na Jordan Adéoti ukinira Stade Laval, amakipe yo mu Cyiciro cya Kabiri mu Bufaransa.

    Biteganyijwe ko ku wa Kabiri, tariki 28 Werurwe 2023, ari bwo Bénin izakora imyitozo yayo saa Cyenda kuri Kigali Pelé Stadium.

    Ku wa Gatatu tariki ya 29 werurwe, nibwo u Rwanda ruzakira Benin mu mukino wo kwishyura mu gushaka itike y'igikombe cya Africa kizaba mu mwaka utaha.

    Uyu mukino uzakinwa saa Cyenda kuri Kigali Pelé Stadium ariko nta bafana bemerewe kuba bari ku kibuga.

    Umukino uheruka aya makipe yanganyije igitego 1-1 i Cotonou.

    Mu itsinda L, Sénégal iheruka kunyagira Mozambique ibitego 5-1,niyo iyoboye n'amanota icyenda, ikurikiwe na Mozambike ifite ane mu gihe u Rwanda rufite abiri imbere ya Bénin ifite inota rimwe.

    Source : https://umuryango.rw/imyidagaduro/imikino/article/ikipe-ya-benin-yageze-i-kigali-guhangana-n-amavubi

  • Aya niyo magambo ukwiye kwirinda kubwira umugabo wawe Mwashakanye #rwanda #RwOT

    Dore amwe muri ayo magambo uzirinda kubwira umugabo wawe :
    Mama yari yarabimbwiye ko uzakora utya

    N'ubwo ibyo mama wawe cyangwa se abandi bantu baba barakubwiye ku mugabo wawe wasanze aribyo, si byiza ko ibibwira umugabo wawe wicuza. Icyo gihe abona ko ushaka kugendera ku bitekerezo by'abandi mu kubaka urugo rwanyu kurusha uko mugendera ku bitekerezo byanyu.

    Uwahoze ari inshuti/umugabo yanjye yakoraga gutya kuki wowe utabikora ? gushaka kugereranya umugabo wawe n'inshuti mwahoranye cyangwa se umugabo mwatandukanye nabyo si byiza kuko bituma aba mubi kandi wibeshyaga ko bituma yikosora. Ashaka ukund aumwihariko we utamugereranyije n'abandi.

    Nakundanaga n'abasore beza gusa
    Niyo iri jambo warivuga ushaka kumwereka ko nawe ari umugabo mwiza. Kumubwira ko n'abandi mwabaye inshuti bari beza ntabwo bimugwa neza. Igihe cyose kumugereranya nabo mwakundanye bimugwa nabi.

    Uramutse unkunda koko wagakwiye gukora utya

    Si byiza kugaragaza ko ushidikanya ku rukundo rw'umugabo wawe. Noneho iyo ushatse kumusab aikintu runaka mu izina ry'urukundo nabwo abona ko utamukunda ko ahubwo wishakira ibyo umusabye.

    Nta kibazo mfite

    Igihe ugaragaza ko utameze neza umugabo wawe yakubaza ikibazo gihari ukamubwira ko ntacyo bimutera urujijo. Akenshi abagore bakunze kuvuga ko nta kibazo mu gihe ikibazo bafite bagitewe n'umugabo. Ashobora nko kuba ari inkuru yumvise ku mugabo we ikamubabaza ariko akaba atayifitiye gihamya ahubwo ugasanga yamubyimbije umutima.

    Niba ushaka kubana mu mahoro n'umugabo mwashakanye wakwirinda gukoresha aya magambo kuko bizabaviramo intonganya bityo zibaviremo kubana nabi mutongana.
    Refe:www.elcrema.com

    Source : https://umuryango.rw/ubuzima-115/udushya/article/aya-niyo-magambo-ukwiye-kwirinda-kubwira-umugabo-wawe-mwashakanye

  • Kenya:Guhatanira ubutegetsi kwa nyuma y'amatora kwafashe indi ntera mu ishusho y'imyigaragambyo #rwanda #RwOT

    Uguhatanira ubutegetsi kwa nyuma y'amatora hagati ya Perezida wa Kenya William Ruto na mucyeba we utavuga rumwe na leta Raila Odinga kwafashe intera ikomeye.

    Ubu si ubwa mbere Raila Odinga akoresheje imyigaragambyo yitabiriwe n'imbaga, yo kwamagana ibyavuye mu matora.

    Mu 2018, uwari Perezida Uhuru Kenyatta yashyizeho ihuriro hamwe na Odinga ndetse aza kumushyigikira mu matora ya perezida yo mu mwaka ushize.

    Bitandukanye n'indi myigaragambyo ya nyuma y'amatora yabayeho mu gihe cyashize, Odinga na Kenyatta ni bo bisanze barimo kwibasirwa n'ibikorwa by'urugomo.

    Abasahuzi ku isambu ya Kenyatta bavuze ko ari ukwihimura ku byo batakaje mu bucuruzi bwabo kubera imyigaragambyo yateguwe na Odinga, imyigaragambyo bavuga ko iterwa inkunga na Kenyatta.

    Abagabo bari muri uku kumvana imitsi muri politiki bose bigeze gukorana mu gihe runaka.

    Mu 2007, Ruto yari mu ishyaka rimwe na Odinga mu kwiyamamaza kwa Odinga ku mwanya wa Perezida, nuko nyuma yaho Ruto aza kumara imyaka 10 ari Visi Perezida wa Kenyatta, none ubu Odinga na Kenyatta ni inshuti.

    N'ubundi kandi, ibikomerezwa muri politiki no mu bucuruzi bwa Kenya bigizwe n'umubare muto cyane kandi akenshi usanga hari aho bihuriye.

    Akenshi habaho ikimeze nk'amasezerano akozwe mu buryo bwo kwiyubaha nk'abagabo, agerwaho nyuma ya buri matora hagati y'impande zihanganye.

    Ibitero ku mitungo bwite, nubwo tutazi uburyo byateguwe, biri gutuma habaho gushidikanya kuri ubwo bwumvikane bwo muri rusange.

    BBC

    Source : https://umuryango.rw/amakuru/mu-mahanga/politiki/article/kenya-guhatanira-ubutegetsi-kwa-nyuma-y-amatora-kwafashe-indi-ntera-mu-ishusho

  • Sahabo yatuye nyirakuru igitego yatsinze PSG #rwanda #RwOT

    Umunyarwanda ukinira Lille U19, Hakim Sahabo yaraye afashije iyi kipe gutsinda PSG U19 muri shampiyona maze igitego agitura Nyirakuru uheruka kwitaba Imana.

    Hakim ukina mu kibuga hagati ariko asatira, yari kumwe n'ikipe y'igihugu Amavubi yanganyije na Benin 1-1 muri Benin, igitego cy'Amavubi kikaba cyaratsinzwe na Mugisha Gilbert ku mupira yari ahawe na Sahabo.

    Uyu mukinnyi ntabwo u Rwanda ruzaba rumufite ku mukino wo kwishyura uzaba ku wa Gatatu i Kigali kuko yabonye ikarita itukura agahita asubira mu Bufaransa.

    Ejo hashize ikipe ya Lille y'abatarengeje imyaka 19 yakinaga na Paris Saint-Germain y'abatarengeje imyaka 19.

    Lille U19 yaje gutsinda uyu mukino igitego kimwe ku busa bwa PSG U19, iki gitego kikaba cyaratsinzwe na Hakim Sahabo.

    Abinyujije ku rukuta rwe rwa Instagram ahajya ubutumwa bumara amasaha 24, Sahabo yashyizeho ifoto yishimira iki gitego agaragaza umupira yambariyemo imbere uriho ifoto ya Nyirakuru, yaherekejwe n'amagambo amwifuriza kuruhuka mu mahoro.

    Ati “kugarukwa kwiza nyuma yo kuva mu ikipe y'igihugu. Nyogokuru ruhukira mu mahoro.”

    Source : https://umuryango.rw/imyidagaduro/imikino/article/sahabo-yatuye-nyirakuru-igitego-yatsinze-psg

  • ITANGAZO RYA CYAMUNARA IMITUNGO Y'IMUKANWA IHEREREYE KICUKIRO #rwanda #RwOT

    UMUHESHA W'INKIKO W'UMWUGA, ARAMENYESHA ABANTU BOSE KO HAZAGURISHWA MU CYAMUNARA IMITUNGO YIMUKANWA YA GLOBAL VENTURES LTD/ADCOMPLIANCE LTD IGIZWE N'IBIKORESHO BIGABANYIJE LOT EBYIRI , BIKABA BIHEREREYE KICUKIRO-KICUKIRO-GASHARU-AMAJYAMBERE.

    IPIGANWA MU CYAMUNARA MU BURYO BW'IKORANABUHANGA RIZATANGIRA TARIKI YA 28/03/2023 SAA TANU(11h00) KUGEZA KU YA 04/04/2023 SAA TANU(11h00).

    WIFUZA IBINDI BISOBANURO YASOMA ITANGAZO RIRI HANO HASI CYANGWA SE AGAHAMAGARA KURI:+25788734008.

    Source : https://umuryango.rw/amatangazo/article/itangazo-rya-cyamunara-imitungo-y-imukanwa-iherereye-kicukiro

  • Mason Greenwood yasuzuguye Cristiano Ronaldo, abo bakinanye yabitaga umwanda #rwanda #RwOT

    Hahishuye bimwe mu bikorwa bigayitse rutahizamu wa Manchester United, Mason Greenwood yajyaga akorera n’abana bakinanye mu irero rya Manchester United. Utari mu kazi kubera ibirego yashyizweho byo guhohotera uwari umukunzi we.

    Mason Greenwood muri Mutarama 2022 yashinjwe ihohotera yakoreye uwari umukunzi we aho yamukubise akanamukomeretsa, yaje gufungwa ndetse na Manchester United iramuhagarika.

    Gusa yaje gufungurwa akomeza gukurikiranwa ari hanze kugeza mu Kwakira 2022 ubwo yongeraga gufungwa akurikiranyweho kurenga ku mabwiriza yari yahawe, gusa muri Gashyantare 2023 yaje guhanagurwaho ibyaha byose yaregwaga.

    Uyu mukinnyi w’imyaka 21 Manchester United yo yatangaje ko ntacyo yahita itangaza itarabanza kwikorera iperereza rye.

    Ikinyamakuru The Athletic cyatangaje ko uyu mukinnyi kuva akiri mu irerero rya Manchester United yagaragaje ko azaba ikibazo bitewe n’amagambo yabwiraga bagenzi be ubwo yari afite imyaka 16 kuko atatinyaga kubita umwanda mu maso ya bo.

    Uwahaye amakuru iki kinyamakuru yagize ati 'yari abizi ko ari umukinnyi mwiza, ntiyatinyaga no kubwira umuntu ko ari umwanda.'

    Ubuyobozi bw’iyi kipe bwigeze kumubwira gucunganwa n’imvugo akoresha nyuma y’uko yari amaze kuvuga ko Cristiano Ronaldo (icyo gihe yari akiri muri Real Madrid) yarangiye ashaka kuvuga ko urugendo rwe muri ruhago rwarangiye.

    Nyuma yaje kwisanga bakinanye muri Manchester United ubwo Ronaldo yajyaga muri Man U muri Kanama 2021 akamusangayo ndetse byagiye bivugwa ko bombi bagiye bagirana ibibazo.

    Mbere yo kuva muri Manchester United, Cristiano Ronaldo yigeze gutangaza ko abana b’ubu bizabagora kugira aho bagera kubera imyumvire ya bo kuko batumvira abakinnyi bakuru.

    Greenwood yavuze ko Ronaldo yarangiye

    Source : http://isimbi.rw/siporo/article/mason-greenwood-yasuzuguye-cristiano-ronaldo-abo-bakinanye-yabitaga-umwanda

  • Loni ihangayikishijwe n'umwuka mubi uri hagati y'u Rwanda na Congo – #rwanda #RwOT

    Izi mpungenge za Loni zikubiye muri raporo y'igihembwe cya mbere cy'umwaka wa 2023 ku kibazo cy'umutekano muke muri Repubulika Iharanira Demokarasi ya Congo.

    Iyi raporo igaragaza ko kuva mu Ukuboza umwaka ushize kugeza ubu mu Burasirazuba bwa RDC hamaze gupfa abaturage 700 bishwe n'imitwe yitwaje intwaro irimo ADF, CODECO n'indi.

    Umunyamabanga Mukuru w'Umuryango w'Abibumbye, Antonio Guterres yagaragaje ko ahangayikishijwe no kuba ikibazo cy'umutekano muke muri RDC kigenda kirushaho gufata indi ntera aho gukemuka.

    Ati 'Ikibazo cy'umutekano muke cyagiye kirushaho gufata indi ntera mu ntara eshatu ziri mu Burasirazuba bwa Repubulika Ihanira Demokarasi ya Congo kikagendana n'ukwiyongera kw'ibikorwa by'ubugizi bwa nabi bikorerwa abasivile.'

    Antonio Guterres yagaragaje ko igiteye inkeke ari uko wagira ngo mu Burasirazuba bwa Congo nta buyobozi buhaba kuko hari abaturage 628 bishwe nk'igihano bahawe n'imitwe y'iterabwoba kubera ibyaha bitandukanye yabashinjaga.

    Ikindi kibazo kigaragazwa n'iyi raporo ya Loni ni ikijyanye n'imvugo z'rwango ku baturage ba RDC bavuga Ikinyarwanda zikomeje gufata indi ntera.

    Loni igaragaza ko umuzi w'ubu bugizi bwa nabi n'urwango rushingiye ku moko byenyegejwe cyane muri RDC n'abasize bakoze Jenoside mu Rwanda, bagiye muri icyo gihugu bakarema imitwe ishingiye ku ngengabitekerezo ya Jenoside nka FDLR.

    Igikomeje gutera impungenge ni uburyo ntawe urahanirwa ubwicanyi bukorerwa Abatutsi b'abanye-Congo, imvugo z'urwango n'ibindi bikorwa bishobora gukururira akaga RDC.

    Umunyamabanga wa Loni Antonio Guterres yagaragaje ko iki kibazo cyarushijeho gukora ubwo M23 yuburaga imirwano ndetse umwuka mubi ukongera kuvuka hagati y'u Rwanda na RDC.

    Yashimangiye ko ahangayikishijwe no kutumvikana kw'ibi bihugu by'ibituranyi, asaba impande bireba gushyira imbaraga mu biganiro by'amahoro.

    Ati 'Mpangayikishijwe kandi n'umwuka mubi ukomeje kuzamuka hagati ya Repubulika Iharanira Demokarasi ya Congo n'u Rwanda. Ndashishikariza impande zombi gukemura ibibazo zifitanye binyuze mu biganiro n'uburyo buhari bwo guhosha amakimbirane.'

    Umwuka mubi uri hagati y'ibi bihugu byombi uterwa ahanini no kuba Leta ya Congo ishinja u Rwanda gushyigikira umutwe wa M23, mu gihe rwo rubihakana ahubwo rukavuga ko ibyo abayobozi b'iki gihugu bakora ari ukwihunza inshingano bagashakira ikibazo aho kitari, ibintu byagiye binashimangirwa n'abandi bayobozi batandukanye barimo na Perezida w'u Bufaransa, Emmanuel Macron.

    U Rwanda rushinja RDC gukorana n'umutwe wa FDLR ugizwe n'abagize uruhare muri Jenoside yakorewe Abatutsi mu 1994 ndetse n'ibikorwa by'ubushotoranyi birimo ibisasu byagiye biraswa ku butaka bwarwo n'indege za FARDC zavogerereye ikirere cy'u Rwanda mu bihe bitandukanye.

    Mu rwego rwo guhosha uyu mwuka mubi hagiye hashyirwaho uburyo butandukanye burimo ibiganiro bya Luanda, ibya Nairobi ndetse n'ubuhuza bwagiye bugirwamo uruhare n'ibihugu bitandukanye nubwo kugeza ubu nta musaruro ufatika ibi byose biratanga.

    Umunyamabanga Mukuru w'Umuryango w'Abibumbye, Antonio Guterres yagaragaje ko ahangayikishijwe no kuba ikibazo cy'umutekano muke muri RDC kigenda kirushaho gufata indi ntera aho gukemuka

    Source : http://igihe.com/amakuru/u-rwanda/article/loni-ihangayikishijwe-n-umwuka-mubi-uri-hagati-y-u-rwanda-na-congo

  • Ishimwe ry'abarimo umuhungu wa Gen Wilson Irategeka bafunguranywe na Rusesabagina – #rwanda #RwOT

    Babitangaje kuri uyu wa Mbere ubwo bagezwaga mu Kigo cya Mutobo mu Ntara y'Amajyaruguru, aho bagiye kumara iminsi bahugurwa mbere yo gusubizwa mu buzima busanzwe, nka bamwe mu bahoze mu mitwe yitwara gisirikare.

    Abari bafunzwe muri dosiye imwe na Rusesabagina bashinjwaga ibyaha by'iterabwoba n'ubugizi bwa nabi, byakozwe n'umutwe wa MRCD-FLN babarizwagamo, wagabye ibitero bitandukanye ku Rwanda bigahitana ubuzima bw'abaturage.

    IGIHE yageze i Mutobo kuri uyu wa Mbere ihasanga abagera kuri 20 barekuwe ku mbabazi za Perezida ku byaha bakoze bakiri mu mitwe yitwaje intwaro yashakaga guhungabanya umutekano w'u Rwanda.

    Nsabimana Callixte uzwi nka Sankara wahoze ari Umuvugizi wa FLN ntabwo yari yakagejejwe i Mutobo aho bagenzi be bari.

    Nsengimana Herman wasimbuye Sankara ku buvugizi bwa FLN yavuze ko yishimiye imbabazi yahawe kuko zaje zitunguranye.

    Uyu musore wari wakatiwe igifungo cy'imyaka irindwi, itangazo ry'imbabazi za Perezida ryasomwe ku mugoroba wo ku wa Gatanu tariki 24 Werurwe ari kumva Radio Rwanda.

    Ati 'Amakuru twayumvise kuri radiyo mu makuru ya saa moya za nijoro turi i Mageragere. Mu by'ukuri twabaye nk'abatunguwe turishima.'

    Nsengimana yaherukaga mu Rwanda mu 2014, arugarukamo ubwo yatabwaga muri yombi mu mashyamba ya Congo.

    Avuga ko yataye umwanya munini ari mu bitubaka igihugu ari naho ahera asaba abakiri mu mitwe irwanya u Rwanda kubivamo.

    Ati 'Ibintu umuntu yagiye anyuramo ni ibintu bibi kandi bihagije, babishaka bashyira intwaro hasi bakaza bakakirwa nk'abandi, bagafatanya n'abandi kubaka igihugu.'

    Ndagijimana Jean Chrétien w'imyaka 26 ni we muto wari mu itsinda ry'abaregwa hamwe na Rusesabagina. Ni umwana wa Gen Irategeka Wilson wayoboraga CNRD-Ubwiyunge yiyomoye kuri FDLR, ari na wo mutwe w'ingabo waje guhinduka FLN.

    Ndagijimana yafatiwe i Goma yaje kubikuza amafaranga se yari yamutumye yo gukoresha mu bikorwa byo guhungabanya umutekano w'u Rwanda, amafaranga yoherezwaga n'abaterankunga b'uwo mutwe baba mu mahanga.

    Ati 'Ubutumwa naha abakiri mu mashyamba, bakora amahitamo meza bakitandukanya n'iyo mitwe bakaza mu rwababyaye.'

    Yari yakatiwe imyaka itatu y'igifungo ikaba yaburaga amezi make ngo yuzure. Nyuma yo kurekurwa ku mbabazi, Ndagijimana avuga ko yabishimiye.

    Ati 'Hari ku wa Gatanu numva itangazo kuri radiyo ko Nyakubahwa Perezida wa Repubulika yaduhaye imbabazi. Nabyakiriye neza. Muri gereza nari mpamaze imyaka ibiri n'igice. Isomo nabonye mu buzima ni ukwirinda gukora ibyaha kuko hariya hantu twari turi ntabwo ari ahantu heza.'

    Ntaramenya aho azagana cyangwa icyo azakora nasoza amahugurwa i Mutobo, dore ko adaheruka amakuru y'umuryango we kuko wasigaye mu mashyamba ya Congo.

    Mukashyaka Saverina w'imyaka 60 na we ari mu barekuwe ku wa Gatanu ku mbabazi za Perezida, nyuma y'imyaka icyenda yari amaze afunzwe mu myaka 20 yari yarakatiwe.

    Uyu mugore ukomoka mu Karere ka Rubavu, avuga ko yafunzwe nyuma yo guhamywa imikoranire n'umutwe w FDLR, agasiga abana be mu bukode i Rubavu.

    Yabwiye IGIHE ko icyamutunguye ari uburyo Leta y'u Rwanda yitaye ku bana be, ikabarihira amashuri kugeza muri Kaminuza.

    Ati 'Abana banjye nari nabasize nta muntu mbasigiye uzabafasha mu mashuri ariko barabakurikiranye, umukuru bamurihira amashuri yisumbuye, aza kujya muri Kaminuza.Ntabwo nari nzi ko bazamurihira kandi icyaha nakoze naragikoreye Leta y'u Rwanda. Umwana wanjye yaje kubona akazi keza, nkarya icyo nshaka, nta kibazo nongeye guhura nacyo.'

    Yavuze ko nyuma yo gufungurwa agiye kwegera umuryango we, ubuzima bwe akabumara yigisha abandi uburere mboneragihugu.

    Umuyobozi Mukuru wa Komisiyo y'Igihugu yo gusubiza mu buzima busanzwe abahoze ari Abasirikare, Nyirahabineza Valerie, yasabye abatangiye amahugurwa kuba intumwa nziza z'u Rwanda, bakavuga ibyo babonye byose nta kubeshya.

    Ati 'Uwo muzahura wese muzamubwire muti 'u Rwanda ni rwiza' kubera ko ruyobowe neza, ntabwo twari tuzi ko byashoboka ariko Perezida wa Repubulika yabahaye imbabazi za kibyeyi […] ni igihango kidapfa gutangwa n'uwo ari we wese, gitangwa n'ufite imbabazi za kibyeyi. Mukiri mu ishyamba bababwiraga nabi u Rwanda ariko mwiboneye ukuri, mujye mushima Imana kandi Imana ikorera mu bantu.'

    Aba bantu biteganyijwe ko i Mutobo bahamara amezi make ari hagati y'atatu n'amezi atandatu, basobanurirwa amateka y'u Rwanda, uburere mboneragihugu, imyuga n'ibindi bizabafasha kwisanga mu muryango nyarwanda.

    Abagejejwe i Mutobo ni abarekuwe ku mbabazi za Perezida mu cyumweru gishize

    Baganirijwe n’ubuyobozi, humvwa ibibazo bafite bitandukanye

    Umuyobozi Mukuru wa Komisiyo y'Igihugu yo gusubiza mu buzima busanzwe abahoze ari Abasirikare Nyirahabineza Valerie yijeje abafunguwe ko igihugu kizabafasha kwisanga mu bandi

    Nyirahabineza Valerie yasabye abafunguwe ku mbabazi za Perezida, kugaragaza isura nyayo y’u Rwanda

    Nsanzubukire yahawe imbabazi asigaje imyaka ibiri kuyo yari yarakatiwe

    Abagera kuri 20 mu baherutse guhabwa imbabazi na Perezida bari guhugurirwa i Mutobo

    Abahawe imbabazi na Perezida bahoze mu mitwe yitwaje intwaro, bagejejwe i Mutobo kuri iki Cyumweru

    Komisiyo y'Igihugu yo gusubiza mu buzima busanzwe abahoze ari Abasirikare yatangarije abari mu mahugurwa kuzakomeza kubakurikirana bakitabwaho na nyuma yo gusubira mu miryango yabo

    Ubuyobozi bwa Komisiyo y'Igihugu yo gusubiza mu buzima busanzwe abahoze ari Abasirikare bwijeje abageze i Mutobo kuzababa hafi

    Mukashyaka Saverina w'imyaka 60 avuga ko yafunzwe azira gukorana n’imitwe ihungabanya umutekano w’igihugu nyamara abana be barerwa na Leta

    Nsanzubukire Félicien ni umwe mu bari barakatiwe muri dosiye imwe na Rusesabagina

    Nsengimana Herman avuga ko umwanya yamaze arwanya Leta yawupfushije ubusa

    Ndagijimana Jean Chrétien yashimye imbabazi yahawe, agira inama abakiri mu mitwe y’inyeshyamba

    Amafoto: Habyarimana Raoul

    Source : http://igihe.com/amakuru/u-rwanda/article/ishimwe-ry-abarimo-umuhungu-wa-gen-wilson-irategeka-bafunguranywe-na

  • Dore igisubizo nyacyo ku bagabo bafite ikibazo cyo kurangiza vuba no kutitwara neza mu buriri #rwanda #RwOT

    Ubushakashatsi bwakozwe n’inzobere kubijyanye n’ubuzima bwi’imyororokere ku kinyamakuru (Healthline.com) bugaragaza ko nibura umugabo umwe mu bagabo batatu aba afite iyo nenge. Mu gihe cyose umugabo adashobora gukontorora igikorwa cy’imibonano ngo arangize ari uko abishatse nabwo tuvuga ko afite iyo nenge

    Ibi akenshi biba atabishaka, bigatera guhangayika, kwigaya ndetse bigateza ibibazo n’umwiryane mu rugo kuko hari nubwo uwo bashakanye amuca inyuma kubera kutamugeza ku byishimo bye bya nyuma (orgasme).

    Iki kibazo gihuriweho n’abagabo benshi, si urw’umwe rero, Gusa biravurwa kandi bigakira burundu umugabo akongera akitwa umugabo iwe, bitagombeye ko insoresore z’abapfubuzi zinjira iwawe. Gukoresha inyunganiramirire nka REVIVe byagufasha kongera kugarura ibyishimo by’urugo rwawe.

    REVIVe, ni inyunganiramirire ikunda kuboneka mu bihugu byo muri Aziya (China, Korea). Iyi nyunganiramirire nta ngaruka mbi zitera ku buzima bwa muntu, ahubwo igufasha mu kurwanya ingaruka zaba zaratewe no gukoresha imiti irimo chemical elements.

    ✅Iyi nyunganiramirire ikiza gusohora imburagihe no gucika intege utera akabariro.

    ✅yongera ubwiza n’ubwinshi bw’intangangabo.

    ✅ihangana n’ingaruka zo kwikinisha, ikongera imbaraga za kigabo ndetse ikanafasha mu kongera amasohoro.

    ✅ivura guhorana umunaniro ukabije.

    ✅Umugabo wakoresheje iyi nyunganiramirire, atuma amarangamutima n’ipfa ry’imibonano ku mugore bishira kubera kukunezeza.

    ✅ Umugabo wakoresheje iyi nyunganiramirire umugore aramwubaha kuko nta ntonganya n’ubwumvikane buke cyangwa gucana inyuma biba mu rugo kuko umugore aba anyurwa.

    ✅Ubwawe wumva ko uri umuntu wifitiye ikizere kandi akenshi uzasanga umukobwa wese ushobora kuryamana na we azakwiruka inyuma kubera ibyishimo umuha, cyangwa ntazigere akwibagirwa.

    2. Hari abagabo rero usanga bafite igitsina gito nabo ubwabo kibatera isoni.

    Abashakashatsi bo muri kaminuza ya King’s mubwongereza bamaze amatsiko abibazaga kungano nyayo yigitsina cy’umugabo

    Nyuma y’ubushakashatsi bakoze inshuro 20 kubantu 15 500 bagaragaje ko mu gihe igitsina kiri mubihe bisanzwe kiba gifite uburebure bwa sentimetero 9, 16 (cm) cyaba cyafashe umurego kikareshya na 13, 12 cm
    Basanze kandi umuzenguruko w’igitsina ari 9, 31 cm mu gihe iyo cyafashe umurego kigira 11, 66 cm

    umugabo wese ufite igitsina kidahuye nubushakashatsi bwavuzwe haruguru

    Bene abo bagirwa inama yo gukoresha umuti w’amavuta ukoreshwa umasa igitsina mu gitondo na nimugoroba ugamije kongera ubunini n’uburebure bw’igitsina ukawukoresha iminsi cumi n’itanu ariko iminsi irindwi uba watangiye kubona impinduka, uwo ni uwitwa Titan Gold

    Ushaka service zacu waza aho dukorera i Kigali mu mujyi rwagati ariko nanone mukeneye gusobanuza, mwabariza kuri nomero : +250783303692 (Call&WhatsApp)

    Source : http://www.ukwezi.rw/Mu-rwanda/Ubuzima/article/Dore-igisubizo-nyacyo-ku-bagabo-bafite-ikibazo-cyo-kurangiza-vuba-no-kutitwara-neza-mu-buriri

  • Amarushanwa ku muco afasha kurwanya ibyonnyi by'umuco wacu-Amb. Masozera #rwanda #RwOT

    Abashinzwe guteza imbere umuco mu Rwanda, basanga amarushanwa ku muco w'u Rwanda mu bigo by'amashuri ari ingenzi mu guhangana n'imico y'ahandi, isa n'imaze kwakirwa n'urubyiruko.

    Kuva umwaka ushize wa 2022, Inteko y'Umuco ifatanyije n'Ikigo cy'Igihugu gishizwe Uburezi bw'Ibanze bateguye amarushanwa ku muco, indangagaciro n'umurage by'u Rwanda mu mashuri yisumbuye yasojwe kuri uyu wa Mbere  tariki ya 27 Werurwe 2023.

    Intebe y'Inteko y'Umuco, Ambasaderi Robert Masozera, avuga ko mu gihe bigaragara ko imico y'ibindi bihugu isa n'iyamaze guhabwa intebe na bamwe mu rubyiruko, gutegura amarushanwa ku muco ari imwe mu nzira nziza yo guhangana n'ibyo byonnyi.

    Yagize ati 'Ukabibona mu mivugire no mu mikoreshereze y'ururimi rwabo kavukire aho bagenda bavangamo izindi ndimi, ukabibona mu mitekerereze, mu myifatire no mu bikorwa bakora. Ibyo rero tubigereranya n'isuri irimo guterwa n'iyo mico mva mahanga ikaza mu rubyiruko.'

    Bamwe mu banyeshuri bitabira aya marushanwa bavuga ko hari ibyo baba batazi ku mateka n'umuco by'u Rwanda, bigira mu bibazo babazwa bikanabafasha guhiga imihigo ishingiye ku ndangagaciro z'umuco w'u Rwanda.

    Irakoze Keza Phiona wiga muri FAWE Girls School yagize ati 'Iyo ufite kurushanwa bituma ucukumbura ugashaka byinshi ku bijyanye n'umuco ugashakisha, kandi muri uko gushakisha wunguka ubumenyi ku bijyanye n'umuco birumvikana.'

    Imanishimwe Thierry wiga muri Petit Seminaire Virgo Fidelis nawe ati 'Nimbona mugenzi wanjye atangiye gutana agateshuka ku ndangagaciro, njye nzamuhwitura mubwire ko igihugu cyacu kitagendera mu byo arimo.'

    Ku ruhande rw'umuyobozi w'Ikigo gishinzwe Uburezi bw'Ibanze REB, Dr. Nelson Mbarushimana, avuga ko amarushanwa ku muco w'u Rwanda afasha mu gutegura abanyeshuri kugira indangagaciro mu byo bakora, no mu byo bazakora ubwo bazaba basoje amasomo.

    Yagize ati 'Ni byiza ko umwana arangiza afite ubwenge bwa siyansi, azi gukoresha mudasobwa ariko tukanamubonamo indangagaciro remezo z'umuco nyarwanda.'

    Ku rundi ruhande abanyeshuri banagaragaza ko aya marushanwa afasha abanyeshuri bafite Impano zishingiye ku muco nk'ubusizi, binyuze mu kurushanwa n'ababarusha.

    REB ivuga ko izakomeza guhugura abarimu bigisha amateka n'umuco hagamijwe kurushaho kubongerera ubumenyi.

    Inteko y'Umuco igaragaza ko igice kinini cy'ingengo y'imari biyemeje ko kizajya kigendera mu bikorwa byo kwigisha amateka, umuco, umurage n'indangagaciro z'umuco w'u Rwanda harimo n'amarushanwa, kandi akajya aba buri mwaka.

    CYUBAHIRO GASABIRA Gad

    The post <strong>Amarushanwa ku muco afasha kurwanya ibyonnyi by'umuco wacu-Amb. Masozera</strong> appeared first on FLASH RADIO&TV.

    Source : https://flash.rw/2023/03/28/amarushanwa-ku-muco-afasha-kurwanya-ibyonnyi-byumuco-wacu-amb-masozera/?utm_source=rss&utm_medium=rss&utm_campaign=amarushanwa-ku-muco-afasha-kurwanya-ibyonnyi-byumuco-wacu-amb-masozera