Webrwanda Backend

Author: webrwanda

  • Inteko Ishinga Amategeko y'u Rwanda n'iya Namibia zigiye kugirana imikoranire – #rwanda #RwOT

    Ibiganiro aba bombi bagiranye ku wa Mbere, tariki 27 Werurwe 2023, byanitabiriwe na ba Visi Perezida ba Sena, Nyirasafari Espérance na Dr Mukabaramba Alvera.

    Byibanze cyane ku mikorere ya Sena, uburyo ifatanya n'Inteko Ishinga Amategeko, Umutwe w'Abadepite ndetse n'uko hari ibikorwa byihariye bya Sena n'ibyo imitwe yombi ihuriraho.

    Lukas Sinimbo Muha yabwiye itangazamakuru ko hari ibyo bazigira ku Rwanda bazashingiraho bahindura amwe mu mategeko y'iwabo muri Namibia.

    Ati 'Ntitwakwicara ngo tunezezwe n'ibyo dukora iwacu muri Namibia ariko twakwigira ku nteko zo mu bindi bihugu n'uburyo zikora. Binyuze muri muri izo nzira twanareba uburyo tuvugurura ibyo dufite mu mategeko nk'inyandiko zituyobora mu bikorwa byose dukora.'

    'Icya mbere tukareba uburyo Sena ishyirwaho, inshingano zayo n'imikorere yayo muri rusange. Kuri twe ibyo tuzahigira bizaduha amahirwe yo gushyira mu bikorwa amwe mu mategeko tugenderaho.'

    Perezida wa Sena y' u Rwanda, Kalinda François Xavier, yavuze ko bateganya gusinyana amasezerano y'imikoranire hagati y'inteko zombi mu nyungu z'abaturage.

    Ati 'Inteko zacu zari zitaragangira gukorana ariko twiyemeje ko tugomba gukorana mu nyungu z'abaturage bacu.'

    U Rwanda na Namibia ni ibihugu bifitanye umubano ukomeye cyane ko Perezida Kagame amaze kugirira ingendo zitandukanye muri icyo gihugu ndetse n'uwa Namibia yasuye u Rwanda kabiri.

    Uretse kuba ibihugu byombi bihuriye mu miryango irimo Commonwealth, bikorana mu nzego zirimo iz'umutekano aho Polisi y'u Rwanda n'iya Namibia zifitanye amasezerano y'imikoranire.

    Lukas Sinimbo Muha yasuye kandi Urwibutso rwa Jenoside rwa Kigali ruri ku Gisozi, asobanurirwa uburyo yateguwe, uko yashyizwe mu bikorwa igahitana Abatutsi basaga miliyoni mu gihe cy'iminsi 100.

    Mu gitondo cyo kuri uyu wa Kabiri yakiriwe na Perezida w'Umutwe w'Abadepite, Mukabalisa Donatille baganira ku ngingo zitandukanye.

    Perezida wa Sena y'u Rwanda, Dr Kalinda François Xavier yakiriye mugenzi we wa Namibia, Lukas Sinimbo Muha

    Dr Kalinda François Xavier uyobora Sena y’u Rwanda yakiriye Perezida wa Sena ya Namibia, Lukas Sinimbo Muha

    Perezida wa Sena ya Namibia, Lukas Sinimbo Muha, yagaragaje ko hari byinshi biteze kwigira ku Rwanda

    Abagize Sena y’u Rwanda bakiriye Perezida wa Sena ya Namibia, Lukas Muha

    Perezida wa Sena ya Namibia, Lukas Muha yasobanuriwe amateka ya Jenoside yakorewe Abatutsi mu 1994

    Perezida wa Sena ya Namibia, Lukas Muha yasuye Urwibutso rwa Jenoside rwa Kigali ruri ku Gisozi

    Perezida wa Sena ya Namibia, Lukas Sinimbo Muha, yanditse mu gitabo cy’abasuye Urwibutso rwa Jenoside rwa Kigali ruri ku Gisozi

    Source : http://igihe.com/amakuru/u-rwanda/article/inteko-ishinga-amategeko-y-u-rwanda-n-iya-namibia-zigiye-kugirana-imikoranire

  • Perezida Kagame yatunze agatoki ibibazo bikomeye biri mu myubakire – #rwanda #RwOT

    Ni ikibazo yagarutseho ubwo yasozaga Itorero rya ba Rushingwangerero, rigizwe n'Abanyamabanga Nshingwabikorwa b'Utugari.

    Perezida Kagame yakomoje ku bibazo by'inzu zaguye mu Murenge wa Kinyinya mu Mujyi wa Kigali, zubatswe mu 2015, ubuyobozi bukerekana ko zifite ibibazo, ariko ntihagire icyemezo gikomeye gifawa.

    Yagize ati “Hari n'ibya vuba aha by'inzu mwubakiye abantu, abantu bakagenda bakazimurika ngo wubatse inzu abantu bakwiye kuba babamo, zikabagwa hejuru, baba babaye iki?”

    Perezida Kagame yahagurukije Minisitiri w'Ibikorwa Remezo, Dr Nsabimana Ernest, amubaza uko biba byagenze.

    Minisitiri Nsabimana yavuze ko uwo mudugudu w'Urukumbuzi w'i Kinyinya, wubatswe mu 2015 n'uwitwa Nsabimana Jean bakunda kwita Dubai, mu cyumweru gishize imvura iguye, isenya inzu zimwe.

    Ati 'Iperereza ririmo gukorwa ryagaragaje ko inzu zubatswe zitubahirije ibisabwa, ikindi kimaze kugaragara ni uko bakoresheje ibikoresho bitujuje ubuziranenge.'

    Perezida Kagame yabajije ukuntu biba bikarinda birangira abaturage bakajya muri izo nzu.

    Ati 'Ubwo ni ukuvuga ngo umuntu wese ushatse akora ibyo yishakiye, ni bya bindi navugaga, mu nyungu ze, agapfunyikira abantu amazi, ni uko akigendera, ejo bikagira bitya bikagwa hejuru y'abantu. Biri hagati yacu guhera hasi kugera hejuru.'

    Minisitiri Nsabimana yavuze ko ibi biterwa n'imikoranire y'inzego itameze neza, yaba urwego rushinzwe kugenzura imyubakire n'ishyirwa mu bikorwa ry'amabwiriza abigenga.

    Perezida Kagame yakomeje ati 'Bimaze imyaka myinshi, rimwe bakakubwira ngo uyu muntu yubatse ahantu hatari ho, urwo ni urundi rugero, akubaka, inzu akayirangiza.'

    'Ariko ubwo mu ba muri abantu bazima cyangwa bakoresha ukuri? Umuntu yubatse inzu ahantu hatari ho, amaze imyaka ibiri ayubaka, arayirangiza, ntawe urabona ngo uyu muntu aho yubaka ntabwo hakwiriye kuba hubakwa. Mumbwire ukuntu bishoboka.'

    Ni ibintu ngo bimara imyaka ibiri, ariko imirimo ikarinda irangira nta muntu urabahagarika, ikibazo kikazavugwa yarasoje kubaka, abantu bakabibwirwa n'uko cyishe abantu cyangwa havuyemo ikindi kibazo.

    Minisitiri Nsabimana yavuze ko inzego zihari ndetse n'amatsinda ashinzwe igenzura, ariko habaho ikibazo cy'imikoranire amakuru ntatangwe ku gihe.

    Perezida Kagame yabajijwe uko izo mpinduka zabaho, niba ari amasengesho akenewe cyangwa kubatizwa, kuko hakenewe ko biva mu magambo, bikajya mu bikorwa.

    Minisitiri Nsabimana yavuze ko usanga hari abayobozi bigira ba 'ntibindeba' bakabiharira abandi cyangwa hakabamo 'guhishira', ibyavuye mu igenzura ntibyubahirizwe.

    Yakomeje ati 'Urebye nk'icyo kibazo cyabaye mu 2015, hari aho byagaragaye ko hari igenzura ryamubwiye ko yakoresheje ibikoresho bitujuje ubuziranenge by'umwihariko ferabeto, ibyo bikagaragara ariko nyuma bigahishirwa, nyuma bakamureka bagakomeza bakubaka.'

    Ibyo ngo bikagenda bityo kugeza ya nzu batangiye kuyikoreramo.

    Perezida Kagame yavuze ko yari azi ko abanyarwanda banga umugayo, ariko usanga hari ubwo utinya kureba umuntu ngo umubwize ukuri.

    Perezida Kagame yanenze abayobozi bemeye ko abantu 'babakorana ibibica'.

    Yakomeje ati 'Ariko inshingano mufite mwafashe iz'iki, wagiye Dubai akaguha akazi, ugakorana nawe, ukaba umukozi we? Erega nubwo byarabaye, muzi n'icyabiteye, muzi n'uwabiteye, ariko nta n'utinyuka kuba yamuvuga ngo amubwire ngo wowe ufite icyaha hano, ashwi. Ubwo na minisitiri uri aho ntabwo uzavuga kuri Dubai? Anakurikiranwe babimubaze. Nawe uzicecekera?'

    Yanakomoje ku byo aheruka kubona muri Kicukiro, ku nzu yanyuzeho ituzuye, isa n'ititabwaho, nyuma y'amezi ahanyuze asanga nta kintu na kimwe cyigeze gikorwa.

    Umuyobozi Nshingwabikorwa w'Akarere ka Kicukiro, Umutesi Solange, yavuze ko barangaye kuko basanze icyemezo cyo kubaka cye cyari cyararangiye, acyongerera igihe ariko ntiyasubukura kubaka.

    Umuyobozi w'Umujyi wa Kigali, Pudence Rubingisa, yavuze ko basuye uyu mugabo Perezida Kagame abasubijeyo, yemera ko bagize intege nke mu gukurikirana.

    Ati 'Mwarabitwerese, hashira amezi agera kuri abiri [Perezida Kagame ati : ni ane, sinzi ukuntu ubara], twararangaye, turabisabira imbabazi.'

    Perezida Kagame yavuze ko buri munsi habamo kurangara, asaba abayobozi guhindura imikorere, kuko nubarebye abona ari bato, ariko ko badakoresha imbaraga uko bikwiye.

    Amafoto: Irakiza Augustin

    Source : http://igihe.com/amakuru/u-rwanda/article/perezida-kagame-yatunze-agatoki-ibibazo-bikomeye-biri-mu-myubakire

  • Carlos yagarutse ku gihombo yagize mbere y’umukino wo ku mukino #rwanda #RwOT

    Umutoza w’ikipe y’igihugu Amavubi, Carlos Alós Ferrer yavuze ko gukina umukino wo kwishyura na Benin adafite Hakim Sahabo ari igihombo gikomeye ariko na none batamushyiraho igitutu.

    Amavubi y’u Rwanda ejo azakira Benin mu mukino w’umunsi wa 4 w’itsinda L mu gushaka itike y’igikombe cy’Afurika cya 2023.

    Uyu munsi yakoze yakoze imyitozo yitegura umukino uzaba ejo ku wa Gatatu kuri Kigali Pelé Stadium, abakinnyi bose bakaba bahari aho na Rubanguka Steve utarakinnye umukino ubanza kubera ibyangombwa na we ari kumwe n’abandi.

    Mu bakinnyi bahamagawe batari kumwe n’abandi ni Hakim Sahabo wabonye ikarita itukura ku mukino ubanza wo banganyije 1-1.

    Carlos Alós akaba yavuze ko kubura Hakim Sahabo ari igihombo gikomeye kuko ari umukinnyi ushobora gahindura umukino isaha iyo ari yo yose.

    Ati “Sahabo ni umukinnyi ukiri muto, ni umukinnyi ufite impano buri wese arabizi. Yego kumubura ni igihombo gikomeye kuri twe kuko ni umukinnyi ushobora guhindura umukino mu mwanya muto.”

    Ariko na none yavuze ko yizera abakinnyi bose yahamagaye ku buryo atajya gushyira igitutu kuri Sahabo ukiri muto.

    Ati “Nizera abakinnyi bose turi kumwe kandi nizeye ko bazabampa intsinzi n’aho ntabwo watanga urwitwazo ku mukinnyi ukinnye umukino umwe mu ikipe y’igihugu, ntabwo wamushyiraho igitutu, ahubwo igitutu ugomba kugishyira kuri kapiteni (Kagere).”

    Kugeza ubu mu itsinda L, Senegal ni yo iyoboye itsinda n’amanota 9, Mozambique ifite 4, u Rwanda 2 mu gihe Benin ari 1.

    Carlos avuga kubura Hakim Sahabo ari igihombo ariko na none batamushyiraho igitutu

    Source : http://isimbi.rw/siporo/article/carlos-yagarutse-ku-gihombo-yagize-mbere-y-umukino-wo-ku-mukino

  • Kenya: AU yasabye abigaragambya gutuza ariko bakemererwa ibiganiro na leta #rwanda #RwOT

    Kenya hadutse urugomo ruhitana abantu batatu kuva mu cyumweru gishize.

    Umuyobozi w'abatavuga rumwe n'ubutegetsi Raila Odinga yasabye ko habaho imyigaragambyo yo kwamagana ubuzima buhenze ndetse n'icyo yita ubutabera bw'amatora y'umwaka ushize.

    Mu ijambo rye, Umuyobozi wa AU, Moussa Faki Mahamat, yasabye impande zihanganye kuganira kubyo batumvikanaho ariko umutuzo ukagaruka.

    Yongeyeho ko amatora y'umwaka ushize yagenze neza ,kandi ko ibyo byemejwe n'Urukiko rw'Ikirenga.

    Ni ijambo ryakomeje rishimira umuhate w'abanya Kenya mu gutera inkunga leta yabo hagamijwe kubaka ubumwe mu gihugu,amahoro n'umutekano w'igihugu ndetse n'iterambere.

    Kurundi ruhande, Abayobozi b'amadini yo muri Kenya yasabye ibiganiro byihutirwa hagati ya Perezida William Ruto na Bwana Odinga kandi ntayandi mananiza abayeho.

    BBC

    Source : https://umuryango.rw/amakuru/mu-mahanga/umutekano/article/kenya-au-yasabye-abigaragambya-gutuza-ariko-bakemererwa-ibiganiro-na-leta

  • Afghanistan:Abakobwa bahorana agahinda ko gukurwa mu ishuri #rwanda #RwOT

    Buri munsi mbyukana ikizere cyo gusubira ku ishuri”. Gusa ubu hashize imyaka 2, kuburyo natangiye guta ikizere cyo kwiga

    Bahora bavuga ko bazafungura amashuri , ariko ntibibi . ubu ntawe nkizera kuko byakomezaga kunkomeretsa gusa'. Uko niko Habiba w'imyaka 17 avuga.

    Mu buhamya bwe aba agerageza kwikora mu maso buri kanya kugira ngo atangire amarira kuko aba ababaye cyane yenda no kurira kubera kutiga nk'abandi.

    Uyu mukobwa ,Habiba na bagenzi be babarirwa mu bihumbi amagana babujijwe gukomeza amashuri yisumbuye muri Afghanistan kimwe n'aba Talibani, nk'igihugu rukumbi cyemeje ko umukobwa adakwiye kwiga nka musaza we.

    Aba bakobwa batangiye kugaragaza imba mutima zabo ku byerekeye gukurwa mu ishuri nyuma y'umwaka n'igice .ariko agahinda kabo kanze kugabanuka.

    Kugeza ubu, amategeko yaba Talibani yabaye inzitizi ku mubare munini w'abene gihugu, aho abatanga ubuhamya bose bashimangira ko ari imiborogo muri buri nzu ifite umukobwa wakuwe mu ishuri. Kandi nta kizere koi bi bizarangira vuba.

    Source : https://umuryango.rw/amakuru/mu-mahanga/ubukungu/article/afghanistan-abakobwa-bahorana-agahinda-ko-gukurwa-mu-ishuri

  • Perezida Kagame yasabye abayobozi kureka 'gukora ubusa' #rwanda #RwOT

    Perezida Paul Kagame yabwiye abayobozi ko bakwiye kumva neza inshingano bafite,bakareka gukora ubusa kuko abaturage babakeneyeho byinshi.

    Ibi yabigarutseho ubwo yahuraga n'abasaga 2000 bagize Itorero rya ba Rushingwangerero, rigizwe n'Abanyamabanga Nshingwabikorwa b'utugari bose bo mu gihugu,kuri uyu wa Kabiri tariki ya 28 Werurwe 2023.

    Uyu muhango wabereye mu Intare Conference Arena, i Rusororo.

    Perezida Kagame yavuze ko bibabaje ko imibare y'abana barwaye bwaki,abavuye mu ishuri biyongera ukibaza niba nibyo biri mu byo bashinzwe.

    Ati “Biri mu nshingano mufite, uzasubira inyuma ubwira abantu uti njyewe mfite inzererezi zingana zitya? Umubare uko uzamuka abe ariko wujuje inshingano wari ufite? Ugira ngo umubare w'inzererezi se wiyongere cyangwa uzamuke, haba habaye iki, cyangwa haba hatakozwe iki?.

    Aho muba muri ku rwego mukoreraho, ku rwego rw'Akagari, iyo hari abana bavuye mu mashuri, bagahinduka inzererezi, nabyo biri mu nshingano mwagombaga kuzuza, kugwiza umubare w'inzererezi kuri ako kagari?.”

    Perezida Kagame yabajije aba bayobozi bavuye mu mahugurwa ikiba kitakozwe bigatuma imibare mibi y'abanyarwanda izamuka,anababaza icyo bakora.

    Ati 'Abana barwaye bwaki, ibyo duhora tuvuga buri munsi, abana bagwingira, ibijyanye n'ubuzima bwabo, aho uri urababona, barahari, biterwa n'iki?.

    Ubifitemo uruhare ki mu kubikemura, wowe nk'umuyobozi w'akagari, ukora iki, ukora ute, wumvikana ute n'abandi bayobozi, aho ukorera cyangwa se abadahari bari n'ahandi ariko mukwiye kuba mwuzuzanya?.”

    Perezida Kagame yasabye aba bayobozi kudata igihe bakora ubusa ndetse abasaba kwisuzuma mu mikorere,bakareba ko inshingano bazuzuza.

    Ati'Ibyo ubinyuze iruhande, ntubyumve, ntubivuge, ntubikemura, ibyo nibyo bita guta igihe, twese tuba twataye igihe, nanjye waje hano kuganira namwe mba nataye igihe.'

    Perezida Kagame yasabwe abayobozi kuba abafatanyabikorwa bagatungira urutoki abakora ibidakwiriye ndetse abasaba kureka itekinika kuko iyo udakoze ibikorwaremezo abantu bagapfa ari wowe uba ubishe.

    Ati'Muri abantu bakwicara mu cyondo ntimumenye ko ari icyondo mukavuga ngo ntabwo twakivamo kitababara.'

    Yavuze ko umuyobozi udakemuye ikibazo cyabajijwe 'ibyo bitwangiriza ntibigira ingano.”

    Yakomeje ati “Dufite ikibazo kinini cy'ishyira mu bikorwa ry'ibyemezo.Politiki tuba twarafashe,ni ikibazo kinini cyane.Kubera ko bihora biza,ukabisubiramo gatatu,kane,ikibazo kikaba mutubabarire tugiye kubikora,yabaye indirimbo.”

    Yakomeje ati “Ugiye kubikora,ni byiza ko ubisezeranyije.Ikibazo cyari mwabujijwe niki kubikora cya gihe mwari mukwiriye kuba mubikora,nicyo ukwiriye gusubiza.Nta gisubizo afite ariko mu by'ukuri aho byaturutse n'aho.Yicaye hano,mwagiye ariko nta wakurikiranye,nta n'uwavuganye n'undi.None se bizakemurwa nande?.”

    Yabibukije kandi imikoranire aho yavuze ko atumva ukuntu abantu bakora imirimo imwe badakorana.

    Perezida Kagame yavuze ko bitangaje kuba abayobozi bakiri bato ariko badafite imbaraga ndetse avuga ko bakwiriye kwitaba Imana kare aho gukora ubusa.

    Perezida Kagame yavuze ko hari ibibazo biganirwaho ariko bikarangira nta gikozwe aho yagarutse ku nyubako yo muri Kicukiro yategetse gukurikirana ba nyirayo ariko ntibikorwe.

    Source : https://umuryango.rw/amakuru/mu-rwanda/politiki/article/perezida-kagame-yasabye-abayobozi-kureka-gukora-ubusa

  • Karongi: Habonetse umurambo watemwe mu mavi – #rwanda #RwOT

    Uyu murambo wabonetse mu mudugudu Kavumu akagari ka Bubazi mu gitondo cyo kuri uyu wa 28 Werurwe 2023.

    Saa kumi n'ebyiri za mu gitondo nibwo abaturage bahamagaye ubuyobozi bavuga ko babonye umurambo mu rutoki.

    Ababonye uyu murambo bavuga ko uwishwe yatemwe mu mavi, ku maguru no mu misaya ndetse ko iruhande rwe hari umufuka n'itindo bikekwa ko ariyo yakoreshejwe mu gucukura inzu y'umuturage wo muri aka gace.

    Nyiransabimana Stephanie uri mu babonye uyu murambo yagize ati “Hari ahantu baraye bacukuye inzu y'umuturage bashaka kuhiba turakeka ko uwishwe ashobora kuba ari umwe muri abo”.

    Inzego z'umutekano zageze aho iki cyaha cyabereye ziganiriza abaturage.

    Umunyamabanga Nshingwabikorwa w'Akarere ka Karongi, Karangwa James yasabye abaturage kurushaho kwicungira umutekano, gukaza amarondo no gutangira amakuru ku gihe.

    Ibi bibaye mu gihe hashize iminsi mu karere ka Karongi hagaragara ibibazo by'ubujura bwo gucukura inzu, kwambura abantu amaterefone n'amasakoshi, no kwiba amatungo n'imyaka mu mirima.

    Uwishwe akomoka mu murenge wa Rugabano, ariko yari atuye mu murenge wa Bwishyura.

    Umurambo wa nyakwigendera wajyanywe ku Bitaro Bikuru bya Kibuye gukorerwa isuzuma mbere y'uko ushyingurwa.

    Umurambo wabonetse mu gitondo cyo kuri uyu wa Kabiri

    Source : http://igihe.com/amakuru/u-rwanda/article/karongi-habonetse-umurambo-watemwe-mu-mavi

  • Umunyeshuri mwiza ntiwamutegerereza muri Kaminuza-Dr Mukankomeje – #rwanda #RwOT

    Ibi Mukankomeje yabigarutseho kuri uyu wa Kabiri tariki ya 28 Werurwe 2023 mu nama mpuzamahanga yateguwe na Kaminuza y'u Rwanda, Ishami ry'Uburezi, yiga ku buryo uburezi buvuguruye bushobora gushyirwamo imbaraga no kugira uruhare mu mpinduramatwara ya kane mu bijyanye n'inganda.

    Mukankomeje yagaragaje ko mu gushyira mu bikorwa ingamba z'iterambere rirambye, hakwiye kubanza guteza imbere uburezi kuko ari bwo nkingi mwikorezi muri byose.

    Ati 'Uburezi ni urutirigongo rwa byose. Ntabwo washyira mu bikorwa intego z'iterambere rirambye utarize cyangwa ngo ube ufite ubumenyi bw'ibanze.'

    'Kugira ngo tuzabigereho tutagize uwo dusigaza inyuma, umwana agomba kwigishwa neza kandi ni yo mpamvu Leta ishyiramo ingufu ngo hongerwe amarerero.'

    Dr Mukankomeje yagaragaje ko hadashobora kubaho umunyeshuri mwiza mu mashuri makuru na Kaminuza mu gihe atateguwe neza.

    Ati 'Ntiwabona umunyeshuri mwiza muri Kaminuza mu gihe atateguwe neza ku nzego zose ariko rero niba bigiye kudusaba kugera mu 2100 ngo tubigereho, ubwo twaba turi kugana he? Turareba ku rwego mpuzamahanga ariko kandi tukareba no kuri Afurika twifuza mu 2060, tukagera ku rwego rw'igihugu ndetse no kureba uko byagerwaho.'

    Yakomeje agaragaza ko mu gihe u Rwanda rwakomereza ku muvuduko rufite mu guteza imbere uburezi uyu munsi, ruzagera ku ntego y'icyerekezo cya 2050 yo kugira ubukungu bushingiye ku bumenyi.

    Yagaragaje ko muri iki gihe bisaba ko umunyeshuri ahabwa ubushobozi binyuze mu kubona ibikoresho by'ibanze nka mudasobwa, internet n'ibindi bimufasha kwiga neza kandi ko u Rwanda ruri mu murongo mwiza.

    Uyu muyobozi kandi yagaragaje ko amashuri y'abigenga agihura n'ibibazo bikomeye birimo no kuba serivisi zitangwa zihenze kandi ntibikorwe mu buryo buboneye, asaba Leta gukomeza gushora imari mu burezi mu kwirinda ko bugirwa ubucuruzi.

    Dr Mukankomeje kandi yagaragaje ko indi mbogamizi ikibangamira uburezi muri Afurika ari uko usanga uburere n'uburezi bwe biharirwa mwarimu kandi n'ababyeyi bakwiye kugira uruhare muri byo.

    Abashakashatsi batandakanye kandi bagaragaje ko hari ibikwiye gukorwa mu guteza imbere uburezi bufite ireme hagamijwe iterambere rirambye kandi rishingiye ku bumenyi.

    Umuyobozi Mukuru w'Inama Nkuru y'Amashuri Makuru na Kaminuza (HEC), Dr Rose Mukankomeje yagaragaje ko hakenewe guhuza imbaraga mu guteza imbere uburezi

    Abashakashatsi batandukanye batanze ibitekerezo ku hazaza h’uburezi bwa Afurika

    Hagaragajwe ko hakenewe imbaraga mu kubaka uburezi bufite ireme

    Amafoto: Nezerwa Salomon

    Source : http://igihe.com/amakuru/u-rwanda/article/umunyeshuri-mwiza-ntiwamutegerereza-muri-kaminuza-dr-mukankomeje

  • Abayobozi b'Utugari basabye Perezida Kagame kongererwa umushahara – #rwanda #RwOT

    Umunyamabanga Nshingwabikorwa w'Akagari ka Nkingo mu Karere ka Kamonyi, Rwandenzi Epimaque, wavuze mu izina ryabo, yagize ati 'Rushingwangerero akora mu masaha asanzwe ndetse n'amasaha y'ikirenga muri weekend, hakiyongeraho ko dusabwa no kubana n'abaturage tuyobora, kugira ngo tumenye ubuzima bwabo.'

    'Ibi rero nibyo bizatuma akagari kaba ishingiro rya serivisi zihabwa umuturage koko, tukaba twizera ko uko ubushobozi buzagenda buboneka, muzarushaho kutugenera igikwiye, kandi natwe turabizeza ko tuzabafasha kusa ikivi mwatangiye kuko turimo neza.'

    Minisitiri w'Ubutegetsi bw'Igihugu, Musabyimana Jean Claude, yashimiye Perezida Kagame wagiye gusoza iri torero, ryaherukaga mu 2015.

    Yavuze ko ari itorero ryari rigamije ibintu bitandukanye birimo gukosora ibitagenda no kongera ubumenyi.

    Yavuze ko Urwego rw'Akagari rufite uruhare runini mu ishyirwa mu bikorwa rya gahunda zose za leta, bityo bisaba ko rwitabwaho by'umwihariko.

    Ati 'Akagari ni rwo rwego rwa mbere rwa leta umuturage ahura narwo asaba serivisi. Birakwiye rero ko rugira abakozi bahagije, kandi bashoboye, rugira aho gukorera hakwiriye, ndese n'ibikoresho bihagije. Ni muri urwo rwego rero nk'uko twabitangiye, tuzakomeza kurwubakira ubushobozi.”

    Perezida Kagame yagarutse ku byasabwe bijyanye no kongera abakozi b'utugari.

    Ati “Byo birumvikana, murifuza ko umubare wakwiyongera ku Kagari, nibyo. Umubare wiyongere, gukora iki, murakora iki? Ushobora kongera umubare gusa ariko ntiwongere ibikorwa, birashoboka.'

    'Mushobora kuva kuri batatu bakaba batanu, twongereye umubare w'abakorera ku Kagari, mwebwe. Ku rwego rwanyu, ariko uko kongera umubare biragaragara ko hongerewe iki kijyanye no kongera wa mubare? Cyangwa se twongereye umubare gusa?”

    “Mu kongera umushahara, nibyo, abantu bakwiriye, mu bushobozi bwacu, uko wabishoboye, bakwiriye guhembwa neza. Ariko uko guhembwa neza kugomba kujyana n'imikorere myiza n'umusaruro, nabyo bigomba gupimwa, bikagaragara.”

    Yavuze ko bibayeho kongera umubare w'abakozi n'umushahara ariko umusaruro ntuzamuke, byaba ari uguta igihe.

    Perezida Kagame yabwiye abayobozi basabye kongererwa umushahara ko bikwiriye kujyana n'imikorere mizima

    Source : http://igihe.com/amakuru/u-rwanda/article/abayobozi-b-utugari-basabye-perezida-kagame-kongererwa-umushahara

  • EAPCCO 2023: U Rwanda rwihariye imidari, ibih… – #rwanda #RwOT

    Iyi mikino yaberaga mu Rwanda, yatangiye tariki 21 Werurwe, ikaba yasojwe kuri iki cyumweru tariki 27 Werurwe 2023 muri BK Arena ubwo hakinwaga umukino wa nyuma muri Handball, u Rwanda rutsinda Uganda ibitego 41 kuri 27.

    Ibihugu umunani ni byo byari byitabiriye iyi mikino, harimo: U Rwanda rwakiriye, Éthiopie, Tanzania, Kenya, Sudan, Sudan y'Epfo, u Burundi na Uganda.

    Abakinnyi bagera ku 1250 ni bo bitabiriye iri rushanwa.

    U Rwanda nk'igihugu cyakiriye iri rushanwa, ni cyo gihugu cyitabiriye imikino myinshi kuko imikino yose yabaye irimo: Umupira w'amaguru, Volleyball, Basketball, Netball, Taekwondo, Karate, Judo, Darts  Shooting, Gusiganwa ku maguru, Handball, Boxing na Beach-Volleyball yase  igipolisi cy’u Rwanda cyarayitabiriye.

    Uko ibihugu byegukanye imidari

    U Rwanda rwegukanye imidari ya zahabu igera ku icyenda harimo, mu mupira w'amaguru, Volleyball, Beach-Volleyball, Kurasa, Handball, Basketball, Karate, Iteramakofi na Taekwondo, bisobanuye ko mu midari 13 yakiniwe, 4 ariyo bategukanye.

    U Burundi bwegukanye umudari wa zahabu muri Judo, Uganda yegukanye uwa zahabu muri Netball, Tanzania yegukana umudari wa zahabu mu Kumasha, mu gihe Kenya yegukanye umudari wa zahabu mu gusiganwa ku maguru.

    Mu bihembo byegukanywe n'amakipe, u Rwanda rwaje ku mwanya wa mbere nk'urwegukanye imidari myinshi, Kenya iza ku mwanya wa Kabiri mu gihe Uganda yaje ku mwanya wa Gatatu. Ibihugu bitatu aribyo: Sudan y’Epfo Sudan na Ethiopia, ni bwo bihugu bitegukanye umudari wa zahabu n’umwe, mu bihugu byari byitabiriye iri rushanwa.

    Mashami Vincent yishimira igikombe ari kumwe na Kwizera Janvier wamufashije gukora amateka ubwo yakuragamo penariti 

    Hakizimana Muhadjiri yegukanye igikombe cya mbere ari muri Police FC 

    Rutanga Eric kapiteni wa Police ubwo yari agiye kwakira igikombe begukanye 

    Umugaba Mukuru w'Ingabo z'u Rwanda, Gen Jean Bosco Kazura arimo aganira n’umuyobozi w’umujyi wa Kigali Rubingisa Pudence 

    Minisitiri w’Umutekano Gasana Alfred na Minisitiri w’Ingabo Maj Gen Murasira Albert bari mu bitabiriye umuhango wo gusoza imikino ya EAPCCO 

    U Rwanda rwihariye imidari mu mukino rwari wakiriye bwa mbere, ndetse ikaba inshuro ya mbere rwegukanye iyi mikino

    KANDA HANO UREBE AMAFOTO MENSHI 

    KANDA UREBE VIDEO YO GUTANGA IBIHEMBO

    AMAFOTO: Ngabo Serge 

    VIDEO: Ishimwe Olivier Ba

    Source : https://inyarwanda.com/inkuru/127514/eapcco-2023-u-rwanda-rwihariye-imidari-ibihugu-3-bitahira-aho-amafoto-video-127514.html