Webrwanda Backend

Author: webrwanda

  • Umuryango w'Abibumbye yagaragaje impugenge ufite ku mwuka mubi uri hagati y'u Rwanda na RD Congo #rwanda #RwOT

    Izi mpungenge za Loni zikubiye muri raporo y'igihembwe cya mbere cy'umwaka wa 2023 ku kibazo cy'umutekano muke muri Repubulika Iharanira Demokarasi ya Congo.

    Iyi raporo igaragaza ko kuva mu Ukuboza umwaka ushize kugeza ubu mu Burasirazuba bwa RDC hamaze gupfa abaturage 700 bishwe n'imitwe yitwaje intwaro irimo ADF, CODECO n'indi.

    Umunyamabanga Mukuru w'Umuryango w'Abibumbye, Antonio Guterres yagaragaje ko ahangayikishijwe no kuba ikibazo cy'umutekano muke muri RDC kigenda kirushaho gufata indi ntera aho gukemuka.

    Ati 'Ikibazo cy'umutekano muke cyagiye kirushaho gufata indi ntera mu ntara eshatu ziri mu Burasirazuba bwa Repubulika Ihanira Demokarasi ya Congo kikagendana n'ukwiyongera kw'ibikorwa by'ubugizi bwa nabi bikorerwa abasivile.'

    Antonio Guterres yagaragaje ko igiteye inkeke ari uko wagira ngo mu Burasirazuba bwa Congo nta buyobozi buhaba kuko hari abaturage 628 bishwe nk'igihano bahawe n'imitwe y'iterabwoba kubera ibyaha bitandukanye yabashinjaga.

    Ikindi kibazo kigaragazwa n'iyi raporo ya Loni ni ikijyanye n'imvugo z'rwango ku baturage ba RDC bavuga Ikinyarwanda zikomeje gufata indi ntera.

    Loni igaragaza ko umuzi w'ubu bugizi bwa nabi n'urwango rushingiye ku moko byenyegejwe cyane muri RDC n'abasize bakoze Jenoside mu Rwanda, bagiye muri icyo gihugu bakarema imitwe ishingiye ku ngengabitekerezo ya Jenoside nka FDLR.

    Igikomeje gutera impungenge ni uburyo ntawe urahanirwa ubwicanyi bukorerwa Abatutsi b'abanye-Congo, imvugo z'urwango n'ibindi bikorwa bishobora gukururira akaga RDC.

    Umunyamabanga wa Loni Antonio Guterres yagaragaje ko iki kibazo cyarushijeho gukora ubwo M23 yuburaga imirwano ndetse umwuka mubi ukongera kuvuka hagati y'u Rwanda na RDC.

    Yashimangiye ko ahangayikishijwe no kutumvikana kw'ibi bihugu by'ibituranyi, asaba impande bireba gushyira imbaraga mu biganiro by'amahoro.

    Ati 'Mpangayikishijwe kandi n'umwuka mubi ukomeje kuzamuka hagati ya Repubulika Iharanira Demokarasi ya Congo n'u Rwanda. Ndashishikariza impande zombi gukemura ibibazo zifitanye binyuze mu biganiro n'uburyo buhari bwo guhosha amakimbirane.'

    Umwuka mubi uri hagati y'ibi bihugu byombi uterwa ahanini no kuba Leta ya Congo ishinja u Rwanda gushyigikira umutwe wa M23, mu gihe rwo rubihakana ahubwo rukavuga ko ibyo abayobozi b'iki gihugu bakora ari ukwihunza inshingano bagashakira ikibazo aho kitari, ibintu byagiye binashimangirwa n'abandi bayobozi batandukanye barimo na Perezida w'u Bufaransa, Emmanuel Macron.

    U Rwanda rushinja RDC gukorana n'umutwe wa FDLR ugizwe n'abagize uruhare muri Jenoside yakorewe Abatutsi mu 1994 ndetse n'ibikorwa by'ubushotoranyi birimo ibisasu byagiye biraswa ku butaka bwarwo n'indege za FARDC zavogerereye ikirere cy'u Rwanda mu bihe bitandukanye.

    Mu rwego rwo guhosha uyu mwuka mubi hagiye hashyirwaho uburyo butandukanye burimo ibiganiro bya Luanda, ibya Nairobi ndetse n'ubuhuza bwagiye bugirwamo uruhare n'ibihugu bitandukanye nubwo kugeza ubu nta musaruro ufatika ibi byose biratanga.

    Source : https://umuryango.rw/amakuru/mu-rwanda/politiki/article/umuryango-w-abibumbye-yagaragaje-impugenge-ifite-ku-mwuka-mubi-uri-hagati-y-u

  • Ubudage bwoherereje Ukraine ibifaru bidasanzwe yari itegereje cyane #rwanda #RwOT

    Minisiteri y'ingabo y'Ubudage ivuga ko ibifaru bya mbere by'Ubudage byo mu bwoko bwa Leopard 2 byoherejwe muri Ukraine.

    Ibifaru 18 bigezweho byo kurwana ku rugamba byatanzwe nyuma yuko abasirikare ba Ukraine bahawe imyitozo yo kubikoresha.

    Minisitiri w'ingabo w'Ubudage Boris Pistorius yavuze ko atazi neza niba ibyo bifaru bishobora “gutanga umusanzu uhindura ibintu” ku rugamba muri iyi ntambara.

    Ibifaru byatanzwe n'Ubwongereza byo mu bwoko bwa Challenger 2 na byo byageze muri Ukraine, nkuko amakuru ava muri Ukraine abivuga.

    Ukraine imaze amezi isaba guhabwa ibindi bifaru bigezweho hamwe n'intwaro zo kuyifasha mu gitero yagabweho n'Uburusiya mu kwezi kwa kabiri mu 2022.

    Leta ya Ukraine nta cyo iravuga ku kuhagera kw'ibifaru bya Leopard 2, ariko yemeje kuhagera kw'ibya mbere mu bifaru by'Ubwongereza bya Challenger 2.

    Ibifaru bigera ku 2,000 bya Leopard 2, bifatwa na benshi nka bimwe mu bifaru bigezweho cyane mu bikorwa n'ibihugu byo mu muryango w'ubwirinzi w'Uburayi n'Amerika (OTAN/NATO), bikoreshwa n'ibihugu by'i Burayi.

    Mu kwezi kwa mbere ni bwo Ubudage bwemeye guha Ukraine ibyo bifaru, nyuma yuko bwari bwabanje kwigononwa mu kuyibiha – cyangwa no kwemerera ibindi bihugu koherereza Ukraine ibyo bifite byo muri ubwo bwoko.

    Bijyanye n'amategeko y'Ubudage, Ubudage ni bwo bugomba gutanga uruhushya ku kuba ibifaru bya Leopard 2 igihugu runaka gifite na cyo cyabyoherereza ikindi gihugu.

    Minisitiri w'ingabo w'Ubudage Boris Pistorius yavuze ko ibyo bifaru “byageze mu biganza by'inshuti zacu z'Abanya-Ukraine nkuko twazibisezeranyije kandi ku gihe”.

    Mu byumweru bishize, igisirikare cy'Ubudage cyatoje abasirikare ba Ukraine gukoresha ubwoko bwo ku rwego rwo hejuru bwa A6 by'ibifaru bya Leopard 2.

    Ubwo bwoko bwabyo bwakorewe by'umwihariko guhangana n'igifaru cy'ingenzi cy'Uburusiya bukoresha ku rugamba cyo mu bwoko T-90.

    Ndetse icyo gifaru cya Leopard 2 cyo mu bwoko bwa A6 gifatwa nk'icyoroshye kurushaho mu kucyitaho kandi ntigikoresheje ibitoro byinshi ugereranyije na byinshi mu bindi bifaru byo mu burengerazuba (Uburayi n'Amerika).

    Uretse ibyo bifaru bya Leopard 2, Ubudage bwanoherereje Ukraine ibimodoka bibiri byo guhungisha no gusana ibifaru ku rugamba n'ibimodoka 40 birwanira ku butaka byo mu bwoko bwa Marder.

    Hagati aho, ibifaru bya Challenger 2 bivuye mu Bwongereza “byamaze kugera muri Ukraine”, nkuko umuvugizi wa minisiteri y'ingabo ya Ukraine Iryna Zolotar yabibwiye ibiro ntaramakuru AFP.

    Atangaza kuri paji ye kuri Facebook ifoto y'igifaru cya Challenger 2 hamwe n'ibindi bimodoka bya gisirikare byakorewe mu burengerazuba, Minisitiri w'ingabo wa Ukraine Oleksii Reznikov yavuze ko icyo gifaru cy'Ubwongereza ari igikorwa cy'ubuhanga bwa gisirikare.

    Minisiteri y'ingabo y'Ubwongereza yanze kugira icyo ibivugaho, ariko mbere yari yemeje ko abasirikare barwanisha ibifaru ba Ukraine bitorezaga mu Bwongereza basubiye iwabo nyuma yo gusoza imyitozo yabo ku bifaru.

    BBC

    Source : https://umuryango.rw/amakuru/mu-mahanga/umutekano/article/ubudage-bwoherereje-ukraine-ibifaru-bidasanzwe-yari-itegereje-cyane

  • Arsenal ishaka igikombe irahangayitse kubera umukinnyi igenderaho wagize ikibazo cy'imvune #rwanda #RwOT

    Umwe mu bakinnyi Arsenal igenderaho cyane,Thomas Partey arasubira vuba na bwangu muri Arsenal nyuma yo kutaboneka mu mukino w'amajonjora yo gushaka itike y'igikombe cya Afurika banganyije na Angola igitego 1-1 wabaye kuri uyu wa Mbere.

    Amakuru aravuga ko Partey yumvise akantu k'imvune mu kuguru kwe kw'iburyo bituma atagaragara muri uyu mukino.

    Amakuru aturuka hafi y'uyu mukinnyi ashimangira ko atari ikibazo gikomeye kandi bemeza ko ashobora kuzagaragara mu mukino wo kuwa gatandatu Arsenal ifitanye na Leeds.

    Partey w'imyaka 29,yakinnye umukino Black Stars yatsinze igitego 1-0 Angola kuwa Kane w'icyumweru gishize.

    Ariko Partey ntiyagaragaye mu mukino wo kuri uyu wa mbere tariki ya 27 Werurwe, nkuko umutoza wa Ghana,Chris Hughton yabyemeje nyuma y'umukino ko byatewe n'ikibazo cy'imvune.

    Ati: “Thomas afite ikibazo gito cy'imvune kandi twumvaga ari akaga gakomeye ko kumukoresha.”

    Arsenal yohereje umukozi wayo w'imyitozo ngororamubiri, Simon Murphy,mu ikipe ya Ghana gukurikirana Partey.

    Arsenal iri ku mwanya wa mbere muri Premier League igiye gukina imikino ikurikira: Leeds Liverpool, West Ham, Southampton, Man City na Chelsea.

    Amahirwe ya Arsenal yo gutsinda aragabanuka akava kuri 50% avuye kuri 65% iyo Partey atakinnye.


    Thomas Partey ahangayikishije abo muri Arsenal

    Source : https://umuryango.rw/imyidagaduro/imikino/article/arsenal-ishaka-igikombe-irahangayitse-kubera-umukinnyi-igenderaho-wagize

  • America yemereye Akarere k'Afurika yo munsi y'ubutayu bwa Sahara akayabo ko Kurwanya Iterabwoba #rwanda #RwOT

    Visi Perezida w' Amerika, Kamala Harris,yaraye yemereye Ghana n'ibihugu byo mu karere ka Sahel, imfashanyo y' Amerika ingana na miriyoni zirenga 100 z'amadolari.

    Mu rugendo arimo muri icyo gihugu cyo mu burengerazuba bw' Afrika, yashimangiye ko inyungu z' Amerika mu bihugu by' Afrika zigamije guhangana n'Ubushinwa.

    Harris yavuze ko ayo mafaranga angana na miriyoni 139 z'amadolari, ahanini azafasha gukumira intambara mu karere ka Sahel, aho intagondwa z'abayisilam zayogoje ibihugu bya Benin, Ghana, Gineya, Kotedivuware na Togo.

    Yabivugiye ku ngoro y'umukuru w'igihugu cya Ghana, ari kumwe na Prezida, Nana Akufo-Addo.

    Harris ateganya kumara undi musi muri Ghana imbere yo kwerekeza mu burasirazuba bw' Afrika, muri Tanzaniya, aho azava yerekeza muri Zambiya mbere yo gusubira muri Amerika.

    VOA

    Source : https://umuryango.rw/amakuru/mu-mahanga/politiki/article/america-yemereye-akarere-k-afurika-yo-munsi-y-ubutayu-bwa-sahara-akayabo-ko

  • Alliah Cool ari mu mashimwe akomeye nyuma kurokoka impanuka[AMAFOTO] #rwanda #RwOT

    Umukobwa ugezweho muri Cinema mu Rwanda Isimbi Alliance uzwi ku izina rya Alliah Cool ari mumashimwe akomeye nyuma yo kurokoka impanuka ikomeye yahitanye 2 harimo n'umupolisikazi.

    Mu butumwa yasangije abamukurikira kuri instagram abuherekesheje amafoto yagize ati 'Imana yatwongereye iminsi yo kubaho', Iyi mpanuka ikomeye yabere mu karere ka Rubavu ku mugoroba wo ku ya 27 Werurwe 2023 .

    Umuvugizi wa Polisi CP. JB Kabera yatangarije RBA ko mu bantu babiri baguye mu mpanuka y'imodoka yabereye hafi y'ibitaro bya Gisenyi, harimo IP Niyonsaba Drocella, umupolisi wari uri kuri moto ndetse n'umumotari wari umutwaye. Abaturiye aha hantu bavuga ko hakunze kubera impanuka ku buryo habaye hari icyakorwa ngo zikumirwe cyakorwa.

    Source : https://umuryango.rw/imyidagaduro/article/alliah-cool-ari-mu-mashimwe-akomeye-nyuma-kurokoka-impanuka-amafoto

  • Micomyiza ushinjwa ibyaha bya Jenoside yasabye gufungurwa by'agateganyo #rwanda #RwOT

    Micomyiza Jean Paul ukekwaho ibyaha bifitanye isano na Jenoside yasabye Urugereko rwihariye rushinzwe kuburanisha ibyaha mpuzamahanga n'ibyambukiranya imipaka, ruri i Nyanza mu Majyepfo y'u Rwanda, gufungurwa by'agateganyo kugira ngo abashe kubona uko yakusanya ibimenyetso bimushinjura bimworoheye, akanahabwa uburenganzira bungana n'ubw'ubushinjacyaha.

    Ubushinjacyaha buvuga ko Micomyiza alias Mico, akwiye gukomeza gufungwa by'agateganyo nk'uko urukiko rwabyemeje kandi akaba acyekwaho ibyaha by'ubugome, buti 'Niba bashaka uburenganzira bungana ubwo n'ubushinjacyaha bwafungwa nk'uko ari gukurikirana afunzwe.'

    Muri 2022 nibwo Micomyiza Jean Paul alias Mico, yoherejwe mu Rwanda n'igihugu cya Suwede aregwa icyaha cya Jenoside, icy'ubufatanyacyaha muri Jenoside no gusambanya abagore nk'icyaha cyibasiye inyokomuntu.

    Micomyiza yari umunyeshuri mu cyahose ari Kaminuza nkuru y'u Rwanda i Butare, akabayarigaga mu mwaka wa Kabiri.

    Ubushinjacyaha buvuga ko hari amabariyeri atandukanye yashinze, yiciwemo abatutsi mu gihe cya Jenoside yakorewe Abatutsi mu 1994.

    Icyemezo cy'urukiko kizatangazwa muri iki cyumweru.

    The post <strong>Micomyiza ushinjwa ibyaha bya Jenoside yasabye gufungurwa by'agateganyo</strong> appeared first on FLASH RADIO&TV.

    Source : https://flash.rw/2023/03/28/micomyiza-ushinjwa-ibyaha-bya-jenoside-yasabye-gufungurwa-byagateganyo/?utm_source=rss&utm_medium=rss&utm_campaign=micomyiza-ushinjwa-ibyaha-bya-jenoside-yasabye-gufungurwa-byagateganyo

  • Ubujura bw'inka ku mipaka ihuza u Rwanda n'ibihugu bya Uganda na Tanzania buravuza ubuhuha #rwanda #RwOT

    Mu Karere ka Nyagatare, hari abaturiye imirenge yegereye imipaka y'iguhugu cya Uganda na Tanzania, bahangayikishijwe n'ubujura bw'inka bukunze kuharangwa.

    Aba borozi bagaragaza ko  ntako batagira ngo barinde inka zabo, ariko zikibwa ziciye ku mipaka, ibyo basaba   inzego bireba kubafasha gukumira ubu bujura mu buryo burambye.

    Umwe ati 'Abantu baza kuziba ni abo duturanye mu mirenge yacu.Uko byakemuka ni ugukaza ingamba mu marondo n'abashinzwe umutekano bakadufasha nabo tukabahashya.'

    Undi ati 'Ingamba zafatwa ni uko n'ubundi babandi bafashwe bajya babajyanamu buyobozi bakabahana bakurikije itegeko.'

    Guverineri w'Intara y'Iburasirazuba CG Emmanuel GASANA, avuga ko hari ingamba z'ibihugu zo guhana abafatiwe muri ubu bujura, k'ubufatanye n'abashinzwe kurinda imipaka.

    Ati 'Hamwe n'izindi ngamba zari ziriho zogukumira no kurwanya ibyaha ndetse no gufata abajura kugira ngo bagane inzego z'ubutabera.'

    Imirenge ikunze kumvikanamo ubujura bw'inka, ni Rwempasha, Musheri, Rwimiyaga, Matimba ,Gatunda n'uwa Kiyombe.

    Imibare igaragazwa n'akarere ka Nyagatare,yerekana ko hashize amezi agera muri abiri, inka zigera kuri 39 zifatiwe mu  kagari ka Nyamikamba, Umurenge wa Gatunda, zivuye mu gihugu cy'abaturanyi cya Uganda.

    KWIGIRA Issa

    The post <strong>Ubujura bw'inka ku mipaka ihuza u Rwanda n'ibihugu bya Uganda na Tanzania buravuza ubuhuha</strong> appeared first on FLASH RADIO&TV.

    Source : https://flash.rw/2023/03/28/ubujura-bwinka-ku-mipaka-ihuza-u-rwanda-nibihugu-bya-uganda-na-tanzania-buravuza-ubuhuha/?utm_source=rss&utm_medium=rss&utm_campaign=ubujura-bwinka-ku-mipaka-ihuza-u-rwanda-nibihugu-bya-uganda-na-tanzania-buravuza-ubuhuha

  • Danny Nanone ahangayishijwe nuwamwiyitiriye… – #rwanda #RwOT

    Uyu muraperi yabwiye inyaRwanda ko kuva yava mu gihome umuntu yahise abariranya ubwo yendaga gushyira hanze indirimbo yise 'Iminsi myinshi', agatangira kwigira nk'aho ariwe.

    Ati 'Kuva nagaragaza ko ngiye gushyira hanze indirimbo, yatangiye kujya ashyira kuri instagram ubutumwa busa neza nk'ubwanjye. Ubu abasitari batandukanye barimo Anita Pendo, Rocky n'abandi baramukurikira bazi ko ari njye.'

    Arakomeza ati 'Ikirenze kuri ibyo yica izina ryanjye, hari umukobwa uherutse kumpamagara ngwa mu kantu, ambaza ukuntu mutereta kuri Instagram nk'aho nta nimero ye ngira. Ndumirwa anyeretse konti nsanga ni iy'uwo unyiyitirira.'

    Nyuma yo kuva mu gihome Danny Nanone yagarukanye indirimbo yise 'Iminsi myinshi', igaruka ku bihe bibi yanyuzemo mu gihome.

    Uyu muhanzi yari yatawe muri yombi akurikiranyweho icyaha cyo gukubita no gukomeretsa ku bushake umugore babyaranye, biturutse ku makimbirane bagiranye mu ijoro ryo ku wa 19 Nzeri 2022, akaza kuva muri gereza mu Ukwakira.

    Danny Nanone konti ye ya nyayo ifite ibihumbi 11 birenga, mu gihe iy'umwiyitirira ifite abari mu bihumbi umunani. Ushaka gukurikira Danny kuri konti ye ya nyayo wakanda hano

     

    Konti y’uwiyitirira Danny Nanone agacucura abantu 

    Danny Nanone yagarutse mu muziki

    Uyu muhanzi aheruka gushyira hanze indirimbo  yise 'Nasara', yahuriyemo na Ariel Wayz.

     

    Source : https://inyarwanda.com/inkuru/127511/danny-nanone-ahangayishijwe-nuwamwiyitiriye-kuri-instagram-acucura-abantu-amafaranga-127511.html

  • Aline Gahongayire yatumiwe muri Tanzania mu g… – #rwanda #RwOT

    Iki gitaramo kizabera mu Mujyi wa Mlimani ku wa 9 Mata 2023. Gahongayire yabwiye InyaRwanda ko binejeje kuba 'ngiye guhurira ku rubyiniro n'umuvandimwe, umugore w'imbaraga, umugore w'umuramyi'. Akomeza ati 'Muri we harimo Imana.'

    Iki gitaramo kizaba mu rwego rwo kwizihiza Umunsi wa Pasika ari nayo mpamvu bacyise ‘Mtoko wa Pasaka’. Cyanatumiwemo kandi umuramyi Misericordias Mushi, umuhanga mu kuvuza ‘Saxophone’, korali Ecad yo mu Mujyi wa Lubumbashi, Rose Muhando, The Voice n'abandi banyuranye.

    Christina Shusho wateguye iki gitaramo, yakuriye mu muryango w'abakristu. Kandi, yatangiye gukorera Imana ubwo yari afite imyaka 15 y'amavuko, kuva icyo gihe yakiriye agakiza ari nako yubakiyeho urugendo rwe rw'umuziki kugeza n'uyu munsi.

    Ibinyamakuru binyuranye byo muri Tanzania, bivuga ko Christian yagize igikundiro cyihariye ahanini binyuze mu ijwi rye ryiza n'ibihangano byomora imitima.

    Yarushinze n'umugabo usanzwe ari umubwirizabutumwa, kandi bafitanye abana batatu, abahungu babiri n'umukobwa umwe.

    Byinshi byerekeye umuryango we nk'amafoto abagaragaza n'ibindi ntakunze kubishyira hanze biturutse ku cyemezo we n'umugabo we bafashe. Uyu mugore afite album nka 'Unikumbuke', 'Nipe Macho' n'izindi ziriho indirimbo zuje uburyohe.

    Indirimbo ze zahataniye kandi zegukana ibihembo muri East Africa Gospel Awards, Groove Awards, Injili Music Awards n'ibindi binyuranye. Uyu mugore wavukiye i Kigoma, abarirwa umutungo wa $3,000,000.

    Gahongayire agiye gutaramira muri Tanzania nyuma y'uko aherutse gusohora indirimbo yise 'Ubu Ndashima' iri kuri album ye ya karindwi.

    Aherutse kubwira InyaRwanda ko album ye iriho indirimbo zihimbaza Imana, zivuga ku byiringiro by'uyu munsi n'ejo hazaza.

    Ati “Iriho indirimbo zihimbaza Imana, zivuga ku gukomera kw'Imana. Kandi zivuga ku byiringiro by'uyu munsi n'ejo hazaza. Ibyiringiro by'ejo hazaza tubikura ku Mana. Navuga ko ari album ikubiyemo amashimwe ariko anabasha gufatisha ikirere cy'ejo hazaza.'

    'Mbesa ni ugutanguranwa gushima ku hazaza h'ejo. Urumva ejo ntabwo tuhazi, ariko twebwe twahabanje amashimwe, uko biri kose twabanje amashimwe. Ni album ikubiyemo gushima.' 

    Gahongayire agiye gutaramira mu gihugu cya Tanzania ku butumire bwa Christian Shuho 

    Christian Shusho avuga ko iki gitaramo kigamije kwizihiza byihariye Umunsi wa Pasika 

    Iki gitaramo Gahongayire azagihuriramo n'abandi bahanzi bakomeye muri Tanzania

    KANDA HANOUREBE AMASHUSHO Y'INDIRIMBO 'UBU NDASHIMA' YA ALINE GAHONGAYIRE

    “>

    KANDA HANO UREBE AMASHUSHO Y’INDIRIMBO ‘SHUSHU NYAVU’ YA CHRISTIAN SHUSHO

    “>

    Source : https://inyarwanda.com/inkuru/127521/aline-gahongayire-yatumiwe-muri-tanzania-mu-gitaramo-azahuriramo-na-christina-shusho-na-ro-127521.html

  • Rusesabagina yamaze kugera muri Qatar #rwanda #RwOT

    Paul Rusesabagina uherutse kurekurwa na leta y'u Rwanda yageze i Doha muri Qatar, nk'uko byemezwa n'abategetsi muri Amerika.

    Ikinyamakuru The Washington Examiner kivuga ko John Kirby, umuvugizi w'inama y'umutekano ya Amerika, yabwiye abanyamakuru ko Rusesabagina yavuye mu Rwanda kandi yageze i Doha.

    Iki kinyamakuru gisubiramo Kirby agira ati: 'Vuba arafata urugendo agaruka muri Leta zunze ubumwe za Amerika. Kandi umuryango we, nzi neza ko nta wutunguwe, biteguye kumwakira hano, iwabo.'

    Kugeza ubu nta makuru arambuye yatanzwe ku kuva kwe mu Rwanda n'igihe neza neza byabereye. BBC dukesha iyi nkuru ivuga ko yagerageje kuvugisha umuryango we ariko ntibirashoboka.

    Rusesabagina yari yarakatiwe gufungwa imyaka 25 mu Rwanda ahamijwe ibyaha by'iterabwoba bishingiye ku bitero umutwe wa FLN wagabye ku Rwanda mu 2018 na 2019.

    Leta ya Amerika yakomeje kuvuga ko 'yafunzwe mu buryo bunyuranyije n'amategeko' — nyuma y'uko ashutswe akajyanwa mu Rwanda mu ndege bwite azi ko agiye i Burundi nk'uko byavuzwe mu rukiko. Amerika kandi yakomeje gusaba ko arekurwa.

    Qatar yagize uruhare mu biganiro byagejeje ku irekurwa rye, abahagarariye iki gihugu mu Rwanda ni bo bamukuye kuri gereza ya Kigali kuwa gatanu nijoro, aba ari nabo bamucumbikira kugeza avuye mu Rwanda.

    Minisiteri y'ubutabera y'u Rwanda yatangaje amabaruwa y'uruhande rwa Rusesabagina irimo ivuga ko ari we wayanditse mu Ukwakira(10) gushize asaba imbabazi Perezida Paul Kagame ngo amurekure.

    Muri iyo baruwa yanditsemo ko 'nicuza' ihuriro rya MRCD yari abereye umwe mu bayobozi bakuru 'n'ibikorwa by'ubugizi bwa nabi bya FLN'.

    Muri iyo baruwa hagaragara ko Rusesabagina yemeje ko nagera muri Amerika 'ibibazo bijyanye na politiki y'u Rwanda nzabisiga inyuma yanjye.'

    BBC yagerageje kuvugisha abunganizi ba Rusesabagina kuri aya mabaruwa ariko nta cyo barasubiza.

    Nyuma y'uko avuye muri gereza, leta ya Amerika yo yatangaje ko yishimiye kurekurwa kwa Rusesabagina, ufite uburenganzira bwo gutura muri iki gihugu.

    Mu itangazo, Perezida Biden yagize ati: “Nshimiye Leta y'u Rwanda yatumye uku kongera guhura [n'umuryango we] gushoboka, nshimiye kandi Leta ya Qatar yagize uruhare mu irekurwa rya Paul no kugaruka muri Leta Zunze Ubumwe.'

    BBC

    Source : https://umuryango.rw/amakuru/mu-mahanga/ubuzima/article/rusesabagina-yamaze-kugera-muri-qatar