Author: webrwanda

Bruno Fernandez ntabwo yemeranya na Cristiano Ronaldo watangaje ko kuza k’umutoza mushya w’umunya-Espagne, Roberto Martínez Montoliu ari nk’umwuka mushya babonye wo guhumeka.

Umutoza w’umunya-Espagne, Roberto Martínez Montoliu yatoranyijwe nk’umusimbura wa Fernando Santos ku mwanya w’umutoza w’ikipe y’igihugu ya Portugal nyuma yo gukurwamo na Maroc muri 1/4 mu gikombe cy’Isi giheruka kubera muri Qatar.

Cristiano Ronaldo agaruka kuri uyu mutoza yavuze ko kuza kwe byabaye nk’umwuka mushya bongeye guhumeka.

Ati “ni ikiragano gishya kuri buri umwe, ku bakinnyi, abatoza ndetse n’igihugu. Turumva tumeze neza. Ni nko guhumeka umwuka umeze neza.”

Ibi ntabwo abihurizaho na Bruno Fernandez wavuze ko icyabaye ari uguhindura umutoza n’aho umwuka wahoze ari mwiza mu ikipe y’igihugu.

Ati “Oya, ni umutoza mushya gusa ufite ibitekerezo bishya. Nta guhumeka umwuka umeze neza, ni igihe cy’impinduka. Umwuka mu ikipe y’igihugu wahoze umeze neza, nta kintu kitari kimeze neza, ntekereza ko ari umutoza mushya ugomba kwemera ibitekerezo bye.”

Uyu mutoza amaze gutoza imikino 2 yose yo gushaka itike y’igikombe cy’u Burayi aho yatsinze Liechtenstein 4-0 mbere yo kunyagira Luxembourg 6-0. Cristiano yatsinzemo 4 aho buri mukino yatsinze 2.

Martinez aheruka kugirwa umutoza wa Portugal

Bruno Fernandez ntabwo yemeranya n’ibyo Cristiano yavuze ku mutoza Martinez

Ni ingingo yongeye kugarukaho kuri uyu wa 28 Werurwe 2023, ubwo yagezaga impanuro ku barenga 2000 bagize Itorero rya ba Rushingwangerero, rigizwe n'Abanyamabanga Nshingwabikorwa b'Utugari bose bo mu gihugu.

Perezida Kagame yavuze ko mu Banyamabanga Nshingwabikorwa b'Utugari, nta kibazo cy'imivugire n'imyandikire y'Ikinyarwanda yabumvanye cyane ariko mu bandi bayobozi gihari gikomeye.

Ati 'Njya mbivugaho rimwe na rimwe ariko hano numvise abayobozi b'utugari batameze nabi, Ikinyarwanda bo baracyumva ariko natwe mudufashe kucyumva. Hari abafite ikibazo cy'urwo rurimi ariko badashaka no gufashwa […] turaza kubafasha guhora tubibibutsa.'

Umukuru w'Igihugu yavuze ko hari ibintu bibiri; icyo kuba abantu bahindura ururimi kubera ko ari ibigezweho [ibyo yagereranyije n'ubuhanzi cyangwa kuba ibyamamare].

Ati 'Hari indimi bivugira gusa zijyanye n'uko bishakiye […] ubwo ni ibyamamare ku rugero rwacu, bakarugoreka bijyanye n'icyo bashaka kugeraho. Ibyo biremewe ngira ngo, ni ko nkeka.'

Yakomeje agira ati 'Mugerageze nka ba twebwe, abayobozi barenze ab'utugari, twige Ikinyarwanda. Sinzi niba mujya mwumva, abantu, kuvuga no kwandika […].'

Perezida Kagame yatanze ingero z'amagambo nka 'ntabwo; usanga bamwe bajya kurivuga, bakavuga 'ntago'. Hari kandi abantu bajya kuvuga ko umuntu yabahaye inka bakavuga ngo 'yampereje inka' aho kuvuga ngo 'yampaye inka'.

Yanasobanuye ko hari abajya kuvuga 'amashyi' bakavuga 'amashi', abavuga 'gushira' kandi bitandukanye no 'gushyira'.

Umukuru w'Igihugu yavuze ko ijambo “rimwe rivuga kurangira irindi rikavuga kujyana ikintu, ugishyiriye undi muntu.''

Izindi ngero yatanze ni iz'abajya kuvuga inama nyinshi bakavuga 'amanama' kandi ubusanzwe iryo jambo ntabwo rikoreshwa ubundi n'iyo inama zaba nyinshi zikomeza kwandikwa cyangwa kuvugwa ko ari 'inama', ibi niko bimeze ku 'akazi'.

Perezida Kagame yavuze ko na we ubwe atazi Ikinyarwanda cyane ariko kubera ko afite inyungu mu kukimenya, agerageza.

MINUBUMWE yagaragaje ingamba

Mu myaka ishize kuri Televiziyo y'Igihugu, hatambukagaho gahunda yiswe 'Twige Ikinyarwanda', aho banyuzagaho gahunda izwi nka 'Ntibavuga, Bavuga'.

Umukuru w'Igihugu ati 'Abangiza Ikinyarwanda babarushije imbaraga babivanaho kugira ngo dukomeze twivugire ibyo dushatse?'

Minisiteri y'Ubumwe bw'Abanyarwanda n'Inshingano Mboneragihugu ari na yo kuri ubu isigaye ifite umuco mu nshingano yagaragaje ko hari ingamba zigiye gushyirwaho mu kwigisha Ikinyarwanda.

Minisitiri w'iyi Minisiteri, Dr Bizimana Jean Damascène, yagize ati ''Ikinyarwanda kigenda gitakaza ireme [….] turaza rero kureba uburyo hahozeho uburyo bwo kukigisha 'ntibavuga, bavuga', ku buryo abana bakura bazi inyito nyayo n'itariyo.'

'Turaza kureba uburyo bwo kubigarura kugira ngo Ikinyarwanda kigende kiba umuco kuko burya iyo ururimi rupfuye biragoye kugira ngo n'igihugu kibashe kugira inkingi zacyo.'

Avuga ko hari gahunda MINUBUMWE izafatanyamo na Minisiteri y'Uburezi ahashobora gufatwa nibura nk'amasaha y'igicamunsi cya buri wa Gatatu, agakoreshwa mu kwigisha amasomo ajyanye n'umuco.

Minisitiri Dr Bizimana avuga ko ubusanzwe muri za kaminuza, umunsi wo ku wa Gatatu ukoreshwa mu gutanga ibiganiro bitandukanye ku banyeshuri, ari nabyo bishobora gushyirwa mu mashuri abanza n'ayisumbuye.

Ati 'Usanga hari n'uburyo busanzwe buriho mu mashuri ariko tudakoresha […] turimo kureba uburyo ku wa Gatatu nyuma ya Saa Sita, twajya tuwuharira ibiganiro ariko n'aya masomo y'Umuco n'Ikinyarwanda, nayo akajya ahabwa umwanya.'

MMINUBUMWE igaragaza ko no mu nzego z'imirimo hakwiye kubaho kwikosora, ururimi rugaheshwa agaciro kuko hari ibigo usanga udashobora kujya gusabamo serivisi, ngo uyihabwe uko bikwiye utavuga indimi z'amahanga.

Perezida Kagame yavuze ko hakwiriye ubushake bw'abayobozi n'Abanyarwanda muri rusange kugira ngo bamenye Ikinyarwanda.

Perezida Kagame yasabye abayobozi kwiga kuvuga no kwandika neza Ikinyarwanda

Perezida Kagame yitabiriye isozwa ry’Itorero rya ba Rushingwangerero, rigizwe n'Abanyamabanga Nshingwabikorwa b'Utugari bose bo mu gihugu ari kumwe na Minisitiri w’Intebe, Dr Ngirente Edouard (ibumoso) na Minisitiri w’Ubutegetsi bw’Igihugu, Musabyimana Jean Claude

Abanyamabanga Nshingwabikorwa b’Utugari barenga 2000 bagejejweho impanuro na Perezida Kagame

Byagarutsweho n'abashakashatsi batandukanye bakaba n'abarimu muri za Kaminuza bitabiriye Inama Mpuzamahanga yateguwe na Kaminuza y'u Rwanda izamara iminsi itatu iri kwiga ku burezi buvuguruye n'uburyo bwajyanishwa n'ibikenewe ku isoko ry'umurimo.

Umwarimu muri Kaminuza y'u Rwanda, akaba n'Umuyobozi w'Agashami ka E-Learning mu Ishami ry'Uburezi, Dr Nduwingoma Mathias, yagaragaje ko hakenewe ubufatanye n'inzego zinyuranye kugira ngo uburezi butezwe imbere.

Ati 'Hakenewe ubufatanye, murabizi ko Leta ishyiramo uruhare rwayo, abarimu, abanyeshuri n'ababyeyi bose bategetswe gukora kugira ngo uburezi bushobore gukorwa mu buryo tudashaka.'

Yagaragaje ko ubushakashatsi bwerekeye uburezi bukwiye gukorwa ari ubufasha Leta n'abakora mu nzego zifata ibyemezo kubona icyo bashingiraho mu gihe cyo gufata icyemezo mu guteza imbere ubuhanga n'ikoranabuhanga.

Yavuze ko uburezi bukenewe ari ubushingiye ku munyeshuri hagamijwe kububakira ubushobozi aho gushingira ku mwarimu kuko bimwongerera ubushobozi.

Ati 'Iyo tuvuze uburezi bushingiye ku munyeshuri bivuze ko ahabwa ibyo ajya gushakisha yifashishije ikoranabuhanga. Ni ikintu gikomeye cyane iyo tuvuga impinduka z'uburezi tukava mu buryo bushyashya. Ubwo buryo dushaka ni ubukoresha ikoranabuhanga ku buryo umwana wese yagira uburyo bwo kwiga bikazafasha mu kugabanya urugendo rw'abanyeshuri.'

Umwarimu wigisha Ikoranabuhanga mu Ishami ry'Uburezi muri Kaminuza y'u Rwanda, Habimana Olivier, yagaragaje ko hakenewe gukorwa ubushakashatsi bucukumbuye ku bibazo biri mu burezi mu kubishakira igisubizo.

Ati 'Kugira ngo umuntu avurwe indwara runaka hagomba kubanza kumenya ikiyitera. Ubushakashatsi buza bugamije kumenya aho Isi igeze, twafasha iki Leta tugendeye ku bushakashatsi twakoze. Twebwe twibanda ku burezi mu mashuri abanza n'ayisumbuye. Ibivuye muri ubwo bushakashatsi nibwo bushingirwaho mu gufata ibyemezo.'

Yagaragaje ko gahunda yo guteza imbere uburezi buvuguruye ari urugendo rwatangijwe na Leta y'u Rwanda kandi mu ishami ry'uburezi hatangijwe gahunda zo gufasha abarimu kubona ibikoresho by'ibanze mu myigire ye kandi bikajyana n'aho isi igeze.

Ku ruhande rw'Umuyobozi wa Kaminuza y'u Rwanda, Ishami ry'Uburezi, Dr. Florien Nsanganwimana, yagaragagaje ko kuvugurura uburezi bw'u Rwanda bushingiye ku guha imbaraga ikoranabuhanga no kubakira ubushobozi abanyeshuri barangiza.

Yagaragaje ko Kaminuza y'u Rwanda, Ishami ry'Uburezi ryatangiye gahunda yo kwifashisha ikoranabuhanga mu kwiga, bitabaye ngombwa ko bava aho bari kandi bagafashwa kugira ubumenyi bwabafasha kuba bakora akazi kabo.

Yakomeje agira ati 'Icyo tubona nk'imbogamizi muri iryo koranabuhanga ni uko internet no gukoresha mudasobwa bikiri imbogamizi ariko twizeye ko tuzabigeraho kuko turavuga iterambere ridaheza n'uburezi budaheza uwo ari we wese.'

Dr Nsanganwimana yagaragaje ko ibikoresho bihagije na byo bikiri imbogamizi ku burezi buvuguruye, umubare muke w'ibyumba by'amashuri, abari bashoboye n'ibindi bigikenewe gukorwaho ubushakashatsi.

Umuyobozi Wungirije ushinzwe Imari n'Imiyoborere muri Kaminuza y'u Rwanda, Françoise Kayitare Tengera, yagaragaje ko intego y'iyi nama ihuye neza n'icyerekezo cy'u Rwanda cya 2030.

Ati 'Inama nk'iyi itanga umwanya mwiza wo kuganira ku bintu bitandukanye bigamije guteza imbere ireme ry'uburezi mu iterarambere rirambye. Ndabasaba ko buri wese yakoresha iyi nama kuzamura no gusangira ibitekerezo byubaka mu kuzamura uburezi.'

Iyi nama izamara iminsi itatu, yitabiriwe n'abashakashatsi, abahanga, abanyeshuri n'abayobozi ba za Kaminuza mu bihugu binyuranye igamije kurebera hamwe ibyakorwa ngo uburezi buvuguruye butezwe imbere muri Afurika.

Abashakashatsi batandukanye batanze ibitekerezo ku hazaza h’uburezi bwa Afurika

Abashakashatsi bagaragaje ko hari ibikwiye gukorwa ngo uburezi butezwe imbere

Umuyobozi Wungirije ushinzwe Imari n'Imiyoborere muri Kaminuza y'u Rwanda, Françoise Kayitare Tengera, yasabye abitabiriye iyi nama gushaka igisubizo ku burezi bukenewe

Umuyobozi wa Kaminuza y'u Rwanda, Ishami ry'Uburezi, Dr. Florien Nsanganwimana, yagaragaje ko kuvugurura uburezi bizajyana no kwimakaza ikoranabuhanga

Abitabiriye iyi nama bagaragaje ko uburezi bukwiye gushyirwamo imbaraga

Iyi nama yitezweho gufatirwamo ingamba nshya zigamije guteza imbere uburezi

Ni icyemezo cyashyizwe hanze n'Ingabo z'u Rwanda, RDF, kuri uyu wa 29 Werurwe 2023.

Ipeti niryo rishyira mu cyiciro ofisiye cyangwa umusirikare utari ofisiye, kandi rikamuha ububasha bwo gukora umurimo wa gisirikare ukwiranye na ryo.

Aya mapeti ya Sous Lieutenant, Lieutenant na Capitaine abarwa mu cyiciro cya ba Ofisiye bato.

Iteka rya Perezida rishyiraho sitati yihariye y'Ingabo z'u Rwanda ryo muri Gashyantare 2020, riteganya ko ibishingirwaho mu kuzamura mu mapeti Abofisiye, ari ubushobozi bwo gukora inshingano zisumbuye hashingiwe kuri raporo y'isuzumabushobozi; imyanya ihari; cyangwa gutsinda ikizamini gituma azamurwa mu ntera, iyo ari ngombwa.

Hagendewe ku gihe ngenderwaho gisabwa ngo ofisiye azamurwe ku ipeti yisumbuye, hateganywa umwaka umwe kuva ku ipeti rya Sous – Lieutenant ujya ku ipeti rya Lieutenant; imyaka ine kuva ku ipeti rya Lieutenant ujya ku ipeti rya Capitaine; n'imyaka itanu kuva ku ipeti rya Capitaine ujya ku ipeti rya Major.

Ububasha bwo kuzamura ku ipeti ryisumbuye abofisiye bufitwe na Perezida wa Repubulika akaba n'Umugaba w'Ikirenga wa RDF.

Aya mapeti ni nayo agenderwaho mu kugenerwa imishahara, kimwe n' izindi nshingano zihariye umusirikare afite mu rwego rw'ubuyobozi.

Mu mwaka ushize RDF yinjije abasirikare bashya ku rwego rwo Ofisiye, bahawe ipeti rya Sous Lieutenant

Babitangaje ku wa 26 Werurwe 2023, ubwo bari mu gikorwa cyo gushima ibyagezweho muri Gahunda ya Guverinoma yo kwihutisha Iterambere mu myaka irindwi izwi nka NST1 cyahuriranye na gahunda yo gushishikariza abaturage kugira uruhare mu kwesa imihigo.

Mu kwezi gushize kwa kabiri ni bwo ku mbuga nkoranyambaga hagaragaye inkuru yakoze benshi ku mutima, ni iy'umwana w'imyaka 11 witwa Izibyose Eric wo mu Mudugudu wa Nteko, Akagari ka Nyagahinika, Umurenge wa Kigeyo mu Karere ka Rutsiro, watoye igikapu cyari cyatawe na ba mukerarugendo, akijyana kuri Polisi na yo igisubiza ba nyiracyo.

Ba mukerarugendo bavaga mu Karere ka Musanze bagiye i Karongi ubwo bataga igikapu cyarimo camera, ibyangombwa, amafaranga n'ibindi bikoresho.

Shyaka Vedaste, uzwi nka Minister of Happiness kuri Twitter, yavuze ko iki gikorwa uyu mwana yakoze cyahesheje ishema n'agaciro igihugu n'abakiyoboye.

Ati 'Twamenye amakuru ko hari abashatse kumwaka igikapu akiryamaho bahamagara ubuyobozi burahurura. Iyo ataza kugira ababyeyi bamuhaye indangagaciro ntabwo yari gukora biriya. Gutekereza kubakira umuryango we ni ababyeyi dushaka gushimira ku bw'uburere bahaye umwana wabo. Umwana twamuhaye inkunga kugira ngo abashe kugura inkweto n'imyenda'.

Shyaka yabwiye IGIHE ko nk'urubyiruko biteguye guhita batangira kubaka iyi nzu izaba ifite igikoni n'ubwiherero.

Ati 'Amafaranga y'inzugi, amabati na sima ndayafite. Uru rubyiruko rwamaze kubinshyikiriza. Ubuyobozi nibumara kwegeranya abaturage bakabumba amatafari, binyuze mu miganda tuzahita dutangira kubakira uriya muryango'.

Umubyeyi w'uyu mwana, Sinaribonye Anastase, nyuma yo kumva ko bagiye kubakirwa inzu nziza bakava mu manegeka, yavuze ko bimushimishije.

Ati 'Igikorwa umwana wanjye yakoze kiduhesheje ishema nk'ababyeyi, cyahesheje ishema igihugu n'ubuyobozi. Icyo nasaba abakiri bato ni uko bakora bakajya batungwa n'ibyo bavunikiye aho kumva ko bazatungwa n'iby'ubusa.'

Umuyobozi w'Urugaga rw'Urubyiruko rushamikiye kuri FPR-Inkotanyi, Ntawuruhunga Abdul Madjid, yabwiye IGIHE ko igikorwa cy'uyu mwana kigaragaza uruhare rw'ubuyobozi bwiza mu kubaka umuturage ufite indangagaciro nzima.

Ati 'Igikorwa uriya mwana yakoze ni igikorwa tuzakomeza kwigiraho nk'urubyiruko duharanire kuba intwari tubikomoye ku miyoborere myiza ya Perezida wacu'.

Umuryango wa Izibyose Eric watoye igikapu cya ba mukerarugendo ugiye kubakirwa

Urubyiruko rwibumbiye mu itsinda Kagame 2017-2024 rugiye gufatanya n’Akarere ka Rutsiro kubakira umuryango wa Izibyose

Ubwo yari mu kiganiro Armchair Expert n’umunyamakuru Dax Shepherd, umukinnyi wa filime, Priyanka Chopra, wabayeho n’umuririmbyi yasobanuye ko atari yishimiye akazi yakoraga mu ruganda rwa sinema mu Buhinde, ndetse ko ari ubwa mbere yumvise abohokewe kubivuga.

Chopra yagize ati “Nari narashyizwe ku ruhande mu ruganda rwa sinema (muri Bollywood) nari mpfite abantu batankinisha, hari kutumvikana, nsanga ntazashobora gukina iyo mikino kuko nari ndambiwe politiki ibirimo ndavuga nti reka mpfate akaruhuko.”

Yakomeje avuga ku mwuga we wo kuririmba yatangiriye mu nzu itunganya umuziki yo mu buhinde izwi nka Desi Hits, agira ati “Uyu muziki wampaye amahirwe yo kujya mu bindi bice by’Isi” ariko bidakuyeho ko yari afite inzozi zo gukomeza gukina filime. 

Chopra yagarutse ku bahanzi batandukanye bagiye bakorana barimo Pharell Williams, Pitbull, Will.I.Am ndetse ko yahuye na Jay-Z. N’ubwo umuziki ataje kuwukomeza ubwo yari ageze muri Amerika, umwe mu bantu be ba hafi yamusabye ko yakomeza urugendo rwo gukina filime. 

Nyuma ya filime ya mbere yakiniye muri Amerika muri 2015 yitwa ‘Quantico’, ubu Chopra amaze gukina muri filime zikomeye zirimo ‘Baywatch’, ‘Matrix: Revolution’, ‘The White Tiger’ ndetse azagaragara muri ‘Citadel’ na ‘Love Again’. 

Priyanka Chopra yahishuye ko yaretse gukina filime z’Impinde kuko yari afitanye ubwumvikane buke n’abandi bakinnyi bazo

N’ubwo hari ibikorwa bike bya Bollywood akigaragaramo, umwuga we yawukomereje muri Hollywood aho abana n’umugabo we Nick Jonnas n’umwana wabo w’umukobwa