Author: webrwanda

Iki gitabo cy’indirimbo zikoreshwa mu gutura igitambo cy’ukarisitiya zahimbwe bwa mbere n’abaririmbyi bo mu makorari atatu yo muri Paruwasi Gatolika ya Rwamagana, mu mwaka wa 1988.

Icyo gitabo “Singizwa Nyagasani” cyandikwa, indirimbo zirimo zaririmbwe n’ amakorari atatu yavuyemo abahimbyi batangira gukora indirimbo ziganjemo izifite injyana zibyinitse, zirimo amashyi n’umudiho.

Twagirayezu Theogene ni umuririmbi wa korari Emmaus watangiranye nayo, avuga ko iyo korari ubu igiye kuzuza imyaka 40 iririmbira kuri Paruwasi yafatanyije n’amakorari ya Yeruzalemu yo muri santarari ya Ruramira, na korari Nazareti ubu ibarizwa muri Paruwasi Gatolika ya Ruhunda ariko yari santarari yabarizwaga mu masantarari yo muri Paruwasi  Rwamagana, bagahimba indirimbo zanditswe mu gitabo bise “Singizwa Nyagasani”.

Twagirayezu yavuze ko indirimbo bakoze zahinduye byinshi mu bakirisitu Gatolika, bagatangira kwizihirwa.

Yagize ati  Tubifashijwemo n’umupadiri w’umutariyani witwa padiri Walteur, twatangiye guhimba indirimbo zanditswe muri ‘Singizwa Nyagasani’ kuburyo zatangiye gususurutsa abakiristu barizihirwa cyane, kuburyo abantu batangiye kutubona nk’idini ryadutse. ‘Singizwa Nyagasani’ rero twayandikiye hano i Rwamagana, ariko isusurutsa abakirisitu mu gihugu hose kuko yahise yamamara”.

Umwe mu bahanzi bahimbye indirimbo zo muri ‘Singizwa Nyagasani’ zakunzwe cyane, Alexis Rwanyange yagaragaje uburyo ‘Singizwa Nyagasani’ yamenyekanye mu maparuwasi yose n’uko yaje kwemerwa na Musenyeri Joseph Sibomana wayoboraga Diyosezi Gatulika ya Kibungo.

Yagize ati “Ndi umwe mu bahanzi bahimbye indirimbo nyinshi zanakunzwe, navuga iyitwa ‘Umurwa Muhire’, ‘Muze dushimire uwatwiguranye’, ‘Singizwa Nyagasani Alleluia’, ‘Nabuzwa kugushimira Nyagasani’, n’izindi nyinshi. Indirimbo twarazikoraga ariko dushingiye ku magambo yanditse muri Bibiliya noneho zigashyirwa kuri kasete (Cassette), mu gihe gito zakwiriye mu maparuwasi yose barazikunda kuko zarimo umwihariko ugereranyije n’izo baririmbaga z’i Nyakibanda ndetse n’izo mu gatabo k’umukirisitu.”

Umuhanzi Rwanyange yakomeje agaragaza uko ‘Singizwa Nyagasani’ yemerewe muri Kiliziya Gatolika.

Ati “Indirimbo zacu zibajijweho n’abantu babazaga uko duhimba tutarize amanota (Solfege), ariko padiri Walteur twajyanye kuri diyoseze i Kibungo tujyanye n’igitabo cyacu atubaza ibibazo turabisubiza, noneho Musenyeri Joseph Sibomana yemeza icyo gitabo cya ‘Singizwa Nyagasani’.

Umuhanzi Rwanyange Alexis yavuze ko akomeje gukora indirimbo nk’izo muri ‘Singizwa Nyagasani’, ndetse akavuga ko amikoro naboneka azakomeza kuzishyira mu majwi n’amashusho.

Amakorari atatu yahimbye ‘Singizwa Nyagasani’, harimo korari Emmaus yitegura kwizihiza isabukuru y’imyaka 40 imaze ishinzwe. Iyi korari hashize ukwezi kumwe ikoze igitaramo mu rwego rwo kwitegura isabukuru yayo, ndetse icyo gitaramo amashusho yacyo yashyizwe  ku muyoboro wa youtube witwa Emmaus choir Rwamagana.

Source : https://inyarwanda.com/inkuru/127541/inkomoko-yigitabo-singizwa-nyagasani-nuko-cyakomotse-muri-paruwasi-gatolika-ya-rwamagana-127541.html

Kapiteni w’ikipe y’igihugu Amavubi, Kagere Meddie yasabye abanyarwanda kubaba hafi n’amasengesho na bo ko bazakora ibishoboka byose bakabona intsinzi.

Uyu rutahizamu yavuze ko nubwo bazakina nta bafana bahari ariko bizeye ko Abanyarwanda bazaba babari inyuma.

Kagere avuga ko n’imikino 3 iheruka bayikiniye hanze y’u Rwanda imbere y’abafana b’abo bahanganye, gusa ngo kuba bari mu rugo ni byiza, asaba abanyarwanda kuzababa inyuma n’amasengesho.

Ati “Urebye imikino 3 iheruka twayikiniye hanze kandi twagerageje gukora ibishoboka byose kandi ubu nubwo bazaba batari muri Stade twizeye ko tuzi ko hanze ya stade bazaba baturi inyuma kandi bazanadusengera kugira ngo tube twakwegukana amanota 3.”

Ejo u Rwanda ruzakira Benin mu mukino w’umunsi wa 4 w’itsinda L mu gushaka itike y’igikombe cy’Afurika.

Ni umukino uzabera kuri Kigali Pelé Stadium ukaba uzaba nta mufana wemewe muri Stade kubera ko iki kibuga kitemewe CAF ndetse na FIFA.

Kugeza ubu mu itsinda L Senegal ni iya mbere n’amanota 12 aho yo yamaze no kubona itike ya CAN, Mozambique ifite 4, Amavubi 2 n’aho Benin ikagira 1.

Meddie Kagere yasabye Abanyarwanda inkunga y’amasengesho

Source : http://isimbi.rw/siporo/article/kagere-meddie-yasabye-abanyarwanda-amasengesho

We, Saemaul Globalization Foundation, registered with the Rwanda Governance Board under certificate of registration number 001/RGB/17, hereby given notice for changing the NGO's name to: Saemaul Foundation.

Our commitment to serving communities for the development and prosperity of Rwanda remains unchanged.

Any objection to this change of name should be sent in writing to Plot UPI No.1260, Bodifa Mercy Building 8th floor, KN 5Rd, Kimihurura, Gasabo, Kigali within Seven (7) days from the publication of this notice.

Source : https://umuryango.rw/amatangazo/article/notice-international-non-government-organisational-change-name-second

Uwitwa TUYISHIME Sanctus yasabye guhindura amazina mu buryo bwemewe n'amategeko akitwa MUSEMAKWELI Sanctus mu bitabo by'irangamimerere.

Impamvu atanga zituma asaba guhindura amazina akaba ari uko ari izina akoresha.

Source : https://umuryango.rw/amatangazo/article/itangazo-tuyishime-sanctus-yasabye-guhindura-amazina-akitwa-musemakweli-sanctus

Perezida Kagame yabwiye abayobozi b'utugari basabye kongererwa umushahara ko Guverinoma izabyigaho ariko ko bizajyana n'imikorere yabo.

Ibi yabigarutseho ubwo yahuraga n'abasaga 2000 bagize Itorero rya ba Rushingwangerero, rigizwe n'Abanyamabanga Nshingwabikorwa b'utugari bose bo mu gihugu,mu muhango wabereye kuri Intare Conference Arena, i Rusororo.

Perezida Kagame yavuze ko ikibazo cy'umushahara w'abayobozi b'utugari kizigwa kigashakirwa uburyo.

Ati “Sinahita ntanga igisubizo nonaha ariko icyo navuga nuko ikibazo kizigwa tukagishakira uburyo.

Ibyo bisumbanya,abo mu mujyi bakabona hafi inshuro zibyo abo mu turere babona.ibyo twashaka uko tubishyira ku murongo ariko biraterwa n'ibintu byinshi ariko ngira ngo reka tuzabone umwanya,ababishinzwe babitwigire,Guverinoma ibifateho icyemezo.”

Perezida Kagame kandi yavuze ko uko gusaba guhembwa neza bigomba kujyana n'imikorere myiza n'umusaruro kuko bizapimwa nabyo bikagaragara.”

Ubusanzwe ba gitifu b'utugari two mu cyaro bahembwa asaga ibihumbi 80 FRW ariko abo mu mujyi bagahembwa ibihumbi bisaga 300 FRW.

Minisitiri w'Intebe, Dr Edouard Ngirente yavuze ko inzego z'ibanze zigiye kongererwa miliyoni 500 Frw muri internet igenerwa utugari, wasangaga ari ikibazo giteza ingorane mu mitangire ya serivisi.

Yavuze kandi ko abayobozi b'utugari bose bagiye guhabwa moto zibafasha mu kazi ka buri munsi.

Minisitiri muri MINALOC yavuze ko mu myaka ibiri iri imbere utugari twose tugiye kubakwa ndetse bizakorwa mu byiciro bibiri.

Perezida Kagame yongeye gusaba aba bayobozi b'utugari kwita ku isuku aho yavuze ko ingamba bigeze gufata bigakunda habayemo kudohoka bityo bakongera gushyiramo ingufu.

Yabasabye kandi gukaza irondo kuko ngo naho habaye kudohoka ari nako abasaba gufasha mu kwimakaza ururimi rw'Ikinyarwanda.

Source : https://umuryango.rw/amakuru/mu-rwanda/politiki/article/perezida-kagame-yasubije-abayobozi-b-utugari-basabwe-kongererwa-umushahara

Perezida Kagame yanenze abayobozi bo mu mujyi wa Kigali bakomeje kurangara ku kibazo cy'imyubakire aho bamwe bubaka ahatemewe ndetse n'inzu zubakiwe abantu bikarangira zibaguyeho.

Ibi yabigarutseho ubwo yahuraga n'abasaga 2000 bagize Itorero rya ba Rushingwangerero, rigizwe n'Abanyamabanga Nshingwabikorwa b'utugari bose bo mu gihugu,mu muhango wabereye kuri Intare Conference Arena, i Rusororo.

Perezida Kagame yakomoje ku bibazo by'inzu zaguye mu murenge wa Kinyinya mu Mujyi wa Kigali, zubatswe mu 2015, ubuyobozi bukerekana ko zifite ibibazo, ariko nihagire icyemezo gikomeye gifawa.

Yagize ati “Hari n'ibya vuba aha by'amazu mwubakiye abantu, abantu bakagenda bakayamurika ngo mwubatse amazu abantu bakwiye kuba babamo, akabagwa hejuru, haba habaye iki?'

Minisitiri w'Ibikorwa remezo Dr Nsabimana Ernest yavuze ko hari imvura yaguye isenya amazu yari afatanye n'ayo aho ngo byatewe nuko hari ubuziranenge butubahirijwe biturutse kuri rwiyemezamirimo wayubatse witwa Nsabimana Jean bakunze kwita 'Dubai'.Yanavuze ko hanakoreshejwe ibikoresho bitujuje ubuziranenge.

Perezida Kagame yabajije aho inzego ziba zagiye ati “birinda kuba bigahera bigitangira n'abantu bakabijyamo,inzego ziba ziri he zose?

Buri wese yikorera ibyo yishakiye mu nyungu ze,agapfunyikira abantu amazi, akigendera.Ejo bikagira gutya bikagwa hejuru abantu.

Biri hagati yacu y'abayobozi,guhera hasi kugera hejuru,kuki bibaho,bishoboka bite?”

Perezida Kagame yakomeje ati 'Bimaze imyaka myinshi, rimwe bakakubwira ngo uyu muntu yubatse ahantu hatari ho, urwo ni urundi rugero, akubaka, inzu akayirangiza. Ariko muba muri abantu bazima cyangwa bakoresha ukuri.?

Umuntu yubatse inzu ahantu hatari ho, amaze imyaka ibiri ayubaka, arayirangiza, ntawe urabona ngo uyu muntu aho yubaka ntabwo hakwiriye kuba hubakwa. Mumbwire ukuntu bishoboka.Mumbwire ukuntu bitubamo.'

Ibikorwa bimaze imyaka ibiri,umuntu yaratangiye,amaze imyaka ibiri, arangije ibyo yakoraga hanyuma uravuze uti 'iyi nzu aho yubatse ntabwo yakagombye kuba ihari.Habaye iki ku buryo utabibonye mu myaka ibiri ngo uwo muntu ahagarikwe?.Habaye iki”.Inzego zose ziba zihari kuva hasi kugera hejuru…Tujye tumenya ikibazo kinaremereye kimaze imyaka ibiri,tubwirwe nuko cyishe abantu cyangwa havutse ikibazo nacyo kinaremereye.”

Perezida Kagame yavuze ko ikibazo hari igihe ibyo bibaye 'bitaduha isomo'ikibazo kikongera kikagaruka.Ati “twibereho dutyo,tubyemere.Ubwo amaherezo azaba ayahe?….Tuve mu bintu by'amagambo gusa tugomba kujya mu bikorwa.Muremera ko tudakwiriye kubana nabyo dutyo kandi nibyo ariko tukananirwa gutera indi ntambwe ngo tuvuge ngo bizakemuka gutya,kuko bimaze imyaka,bimaze igihe.”

Minisitiri Nsabimana yavuze ko biterwa n'ibirimo kudafatanya,guhishira n'ibindi.

Perezida Kagame yavuze ko atari azi ko abanyarwanda ari ba ntibindeba,badafatana ibintu uburemere.

Ati “Hari ugutinya kubwira umuntu ko akora nabi kubera ko ubifitemo inyungu cyangwa se ntiwamubwira kubera ko utinya.Ntiwabwira umuntu,n'ibintu biraho bifobagana bitagiramo akantu gakomeye.

Umukuru n'umuto nta muntu uhangara ikibi cyangwa ukora ikibi ngo amubwire ngo ntabwo aribyo.Koko,nuko mumeze.Muri ibintu biraho bitagira icyo byanga, bikunze kizima.Muri ibintu amazi aza akagutembana akagutwara,ukagendera hejuru akagera nubwo akuroha ugapfa.Ubwo nuko mumeze mwebwe mwese guhera ku mukuru kugeza ku muto.N'igihugu cyanyu nuko kimeze?

Muri abantu bakwicara mu cyondo,ntumenye ko ari n'icyondo ukavuga ngo ntagihagurukamo kikagira agahinda?ukibera mu cyondo.Nuko mumeze.”

Perezida Kagame yavuze ko abanyarwanda bareba 'ikibi bakagihereza'hakabura ucyamagana.Ati “Umuntu akabakorana ibibica cyangwa ibyica abanyu.Wenda wowe ntubyitaho kubera ko byahitanye abandi ariko bikugezeho bigahitana abawe,kandi nabo bizabageraho iyo byabaye umuco ntawe bitageraho.Ubwo bizagera muri mwe bibahitane abanyu.”

Perezida Kagame yagarutse ku nzu yo ku muhanda ku Kicukiro yasabye ko ikurikiranwa kubera ko yari yubatse nabi ariko ntiyakurikiranwa,hashira amezi menshi.

Yagaragaraje ko ikibazo cy'imyubakire kidakemuka kubera ko abayobozi batacyitaho uko bikwiriye kuva ku nzego zo hasi kugeza ku zo hejuru.”

Source : https://umuryango.rw/amakuru/mu-rwanda/politiki/article/perezida-kagame-yakomoje-ku-kibazo-cy-imyubakire-gikomeje-kuba-ingutu

Minisitiri w'Intebe, Dr Edouard Ngirente, yavuze ko inzego z'ibanze zigiye kongererwa miliyoni 500 Frw muri internet igenerwa utugari, wasangaga ari ikibazo giteza ingorane mu mitangire ya serivisi.

Iki kibazo kiri mu byagarutsweho kuri uyu wa Kabiri, ubwo Perezida Paul Kagame yasozaga Itorero rya ba Rushingwangerero, rigizwe n'Abanyamabanga Nshingwabikorwa b'Utugari.

Minisitiri w'Ikoranabuhanga na Inovasiyo, Ingabire Paula, yavuze ko ikibazo gihari ari uko inzego z'ibanze zitari zifite internet, biza kugaragara ko biterwa n'ingengo y'imari idahagije.

Yakomeje ati “Dufatanyije na Minaloc n'inzego z'ibanze, tubereka ubushobozi buri hasi bakeneye kugira ngo bashobore gutanga serivisi ku baturage, ubu turakorana n'inzego zitandukanye kugira ngo turebe uko twabona ingengo yimari ihagije, ariko hagati aho ibe izamuwe, ntibidindize akazi.”

Minisitiri w'Intebe Dr Edouard Ngirente, yavuze ko ikibazo cyatinze kugaragazwa, ariko cyakurikiranywe.

Ati “Ngira ngo batinze kukivuga, ariko aho kimenyekaniye ni uko ubu bakeneye miliyoni 500 Frw ku gihugu cyose kugira ngo bongere ku mafaranga bahabwaga, ubundi babonaga miliyari 1,5 Frw mu gihugu hose kugira ngo uturere tuyahe utugari, ubu rero miliyoni 500 Frw bakeneye tuzazitanga muri iyi ngengo y'imari igiye kuza, ikibazo ni uko batakivugiye igihe, bakitubwiye muri iki cyumweru, naho ubundi nabwo ari ikibazo kigoye, mu gihe internet yaba ihari, kwishyura ntabwo ari cyo kibazo.”

Perezida Kagame yavuze ko icyo kibazo kiza gukemuka, ariko ko ayo mafaranga ataza kuzamurwa, ngo umusaruro wabo wo ugume hasi.
Ati “Ibyo nabyo mubizirikane, ntabwo ari ukongera gusa ibyo muvuga mukeneye, bishobotse bikabagezwaho ariko umusaruro ukaguma ari wa wundi, ntabwo ari byo. Ibyo mubyibuke.”

Source : https://umuryango.rw/amakuru/mu-rwanda/ubukungu/article/inzego-z-ibanze-zigiye-guhabwa-amafaranga-ya-internet

Uyu muhanzi ufite izina rikomeye muri muzika nyarwanda yaguriye umugore we Miss Uwicyeza Pamella imodoka yo mu bwoko bwa Range Rover iri mu izigezweho nk'impano y'urwo amukunda.

Amakuru yizewe dufite nuko The Ben yatumije I Dubai iyi modoka yo mu bwoko bwa Range Rover ,kugira ngo ayihe umugore we Pamella nk'impano y'urukundo amunda uko bwije nuko bucyeye .

The Ben na Miss Pamella bamaze igice cy'umwaka ari umugore n'umugabo mu mategeko nk'uko babihamije ku ya 31 Kanama 2022.

Source : https://umuryango.rw/imyidagaduro/article/the-ben-yahaye-umugore-we-pamella-impano-y-imodoka-yakataraboneka-amafoto

Nk'uko ikinyamakuru cyo muri Tanzania, Global Publishers nyuma y'urwango nk'urw'amazi n'umuriro, Diamond Platnumz na Tanasha baba bariyunze ubu umubano wa bo umeze neza.

Iki kinyamakuru cyatangaje ko Tanasha Donna yavuye muri Kenya ageze muri Tanzania mu Mujyi wa Dar es Salaam yahitiye mu rugo rwa Diamond Platnumz.
Hafashwe amashusho uyu mugore ari kumwe n'umuhungu we Naseeb Jr yabyaranye na Diamond bicaranye mu ntebe kwa Diamond.

Nyuma y'uko amakuru agiye hanze byatangiye kuvugwa ko biyunze ndetse basubiye mu rukundo bikaba bivugwa ko baba barimo no gutegura ubukwe.

Umuhungu wa Diamond na Tanasha akaba yari amaze iminsi muri Tanzania aho yari yaragiye gusura se ndetse bakaba baranagiranye ibihe byiza, gusa andi makuru akavuga ko Tanasha yagiye gucyura umuhungu we.

Muri Gashyantare 2020 nyuma yo kubyarana umwana w'umuhungu Naseeb Jr, Diamond Platnumz ni bwo yatandukanye n'uwari umukunzi we ukomoka muri Kenya akaba n'umuhanzi, Tanasha Donna.

Nyuma yo gutandukana na Tanasha yagiye yumvikana mu itangazamakuru ashinja Diamond kumuca inyuma no kutamuha agaciro, ibi byagiye bikurikirwa n'andi magambo menshi arimo kuba Diamond Platnumz ntacyo ajya amufasha.

Source : https://umuryango.rw/imyidagaduro/article/bongeye-kugaragara-mu-bihe-byiza-diamond-na-tanasha-urukundo-ni-rwose

Iki kibazo kiri mu byagarutsweho kuri uyu wa Kabiri, ubwo Perezida Paul Kagame yasozaga Itorero rya ba Rushingwangerero, rigizwe n'Abanyamabanga Nshingwabikorwa b'Utugari.

Minisitiri w'Ikoranabuhanga na Inovasiyo, Ingabire Paula, yavuze ko ikibazo gihari ari uko inzego z'ibanze zitari zifite internet, biza kugaragara ko biterwa n'ingengo y'imari idahagije.

Yakomeje ati “Dufatanyije na Minaloc n'inzego z'ibanze, tubereka ubushobozi buri hasi bakeneye kugira ngo bashobore gutanga serivisi ku baturage, ubu turakorana n'inzego zitandukanye kugira ngo turebe uko twabona ingengo yimari ihagije, ariko hagati aho ibe izamuwe, ntibidindize akazi.”

Minisitiri w'Intebe Dr Edouard Ngirente, yavuze ko ikibazo cyatinze kugaragazwa, ariko cyakurikiranywe.

Ati “Ngira ngo batinze kukivuga, ariko aho kimenyekaniye ni uko ubu bakeneye miliyoni 500 Frw ku gihugu cyose kugira ngo bongere ku mafaranga bahabwaga, ubundi babonaga miliyari 1,5 Frw mu gihugu hose kugira ngo uturere tuyahe utugari, ubu rero miliyoni 500 Frw bakeneye tuzazitanga muri iyi ngengo y'imari igiye kuza, ikibazo ni uko batakivugiye igihe, bakitubwiye muri iki cyumweru, naho ubundi nabwo ari ikibazo kigoye, mu gihe internet yaba ihari, kwishyura ntabwo ari cyo kibazo.”

Perezida Kagame yavuze ko icyo kibazo kiza gukemuka, ariko ko ayo mafaranga ataza kuzamurwa, ngo umusaruro wabo wo ugume hasi.

Ati “Ibyo nabyo mubizirikane, ntabwo ari ukongera gusa ibyo muvuga mukeneye, bishobotse bikabagezwaho ariko umusaruro ukaguma ari wa wundi, ntabwo ari byo. Ibyo mubyibuke.”

---

Source : http://igihe.com/amakuru/u-rwanda/article/inzego-z-ibanze-zigiye-kongererwa-miliyoni-500-frw-ya-internet