Author: webrwanda

Umuhanga mu gutunganya indirimbo, umushoramari ndetse n’umuyobozi wa Mavin Records, Don Jazzy yahishuye ko impamvu ituma atagura indege ye bwite ndetse n’imodoka nyinshi zihenze nk’ibindi byamamare ari uko atabibonamo agaciro gahambaye.

Mu gihe benshi mu bahanzi batakaza amafaranga menshi mu kugura imodoka nyinshi kandi zihenze ndetse n’indege zabo bwite; Umunya-Nigeria Michael Collins Ajereh wamamaye nka Don Jazzy washinze inzu y’umuziki yatunguye abakoresha imbuga nkoranyambaga nyuma yo kwemeza ko atigeze na rimwe atekereza kugura indege ye bwite.

Mu kiganiro Don Jazzy yagiranye n’urubuga rwa Habbyforex yemeje ko impamvu atagura indege ye atari kubera ko atabishoboye, ahubwo ni uko atabibonamo agaciro gahambaye.

Ati 'Maze igihe kinini mfite ubushobozi bwo kugura imodoka iyo ari yo yose, cyangwa n’indege yanjye bwite. Ariko mfite ibintu by’ingenzi kurusha ibyo ngomba gutakazaho amafaranga yange. Mfite abantu ngomba kwitaho kurusha kugura izo ndege zihenze.'

Don Jazzy yanasobanuye ko akora nk’umuhanzi, umuyobozi n’umujyanama, ariko hejuru ya byose akaba n’umushoramari uharanira guha abandi amahirwe ;rero ko kugura indege ye bwite byaba ari ukujugunya amafaranga kurusha kuba wayunguka mu gihe wayashoye mu bindi bibyara inyungu.

Yongeyeho ati 'Nta kintu gisumba gushora mu bumenyi. Nubwo waba uri kwiga ibijyanye n’imari cyangwa ikoranabuhanga, uba uri kwiyubaka. Kandi ubwo bumenyi ni bwo bugutunga ejo hazaza… Ariko ngewe nta nyungu mbona mu kugura indege ahubwo n’ugupfusha amafaranga'

Muri ibi bihe by’iterambere rya murandasi n’ubwenge buhangano (AI), Don Jazzy yahamagariye urubyiruko kwiga ubumenyi bushya, kuko imirimo myinshi ishobora gusimburwa n’ikoranabuhanga.

Aha yanagaragaje ko guhirwa n’ubuzima muri iki gihe bitashingira ku kuba uri umuntu wirirwa ugura ibintu bihenze, ahubwo ko biterwa no kuba uzi icyo ushoboye n’icyo ushobora guha abandi.

Don Jazzy ni rimwe mu mazina mu muzika wo muri Nigeria no ku mugabane w’Afurika muri rusange kubera uruhare rutaziguye yagize mu kazamura impano zikomeye mu ruhando mpuzamahanga ;aba barimo Rema ,Ayrra Star ,Crayon n’abandi.

Jimmy GATETE / ISIMBI.RW

Umuhanzi w’icyamamare muri Afurika y’Iburasirazuba akaba na perezida w’Ihuriro ry’Abahanzi muri Uganda[UNMF], Eddy Kenzo, yavuze ko agiye kujyana mu rukiko nyiri sosiyete itegura ibitaramo yitwa Nobat Events kubera gukomeza gukwirakwiza ibihuha bimusebya.

Mu mpera z’icyumweru gishize ni bwo Eddy Kenzo yabwiye ikinyamakuru Big Eye ko amaze igihe yumva amagambo atandukanye avugwa na Twizire Norbert ku buzima bwe bwite, ku bikorwa bye bya muzika ndetse n’uruhare rwe muri politiki, ariko ngo ibyo byose ni ibinyoma bidafite ishingiro.

Yagize ati “Abantu ntibakwiye kwiyemeza kuvuga ibyo bashaka ku bandi batabifitiye gihamya. Ibyo yavuze byose bifite aho byanditse kandi byumvikanye ku mbuga nkoranyambaga. Ndashaka ko ajya mu rukiko akabisobanura kandi azane ibimenyetso bigaragaza ibyo yambeshyeye bitaba ibyo akabiryozwa'.

Uyu muhanzi w’igihangange muri Afurika y’Iburasirazuba, yavuze ko kandi yihanganiye amagambo ya Norbert igihe kinini ariko ubu ageze aho atazongera guceceka.

Yanashimangiye ko kwimakaza umuco wo gusebanya kuri TikTok no ku mbuga nkoranyambaga muri rusange bidindiza uruganda rwa muzika kandi bishobora gusenya isura y’abantu barwubaka ndetse n’abaharanira iterambere yarwo.

Nubwo Nobat yakomeje kugaragara kenshi ku rubuga rwa TikTok avuga ku buzima bwa Kenzo benshi mu bafana n’abakurikiranira hafi ibi byamamare bagaragaje impungenge bavuga ko ibintu nk’ibi bishobora gukurura urwango n’intonganya hagati y’abahanzi mu gihe yaba ajyanywe mu rukiko kandi ari ko imyidagaduro ikorwa no mu bihugu byateye imbere.

Ku rundi ruhande ariko, Kenzo yasabye abahanzi bagenzi be n’abakora mu ruganda rwa muzika kubahiriza indangagaciro z’umwuga, birinda gusebanya ku mbuga nkoranyambaga mu nyungu zabo.

Yongeyeho ko yizeye ubutabera kandi ko urubanza ruzatanga isomo ku bandi bose bajya bavuga ibyo batabifitiye gihamya.

Kugeza ubu, Nobat ntiyahise agira icyo atangaza ku byavuzwe na Eddy Kenzo, amakuru yatangajwe n’Ikinyamakuru Mbu avuga ko nawe ateganya kugira icyo asubiza binyuze mu itangazo ryihariye ari bushyire hanze mu masaha ari imbere.

Jimmy GATETE / ISIMBI.RW

Umuraperi A$AP Rocky n’umugore Rihanna bongeye kwandika amateka adasanzwe nyuma yo kwegukana igihembo gikomeye cy’imideli cya 'Council of Fashion Designers of America’ gihabwa abahanzi n’abanyamideri b’indashyikirwa ku rwego rw’Isi.

Mu ijoro ryakeye mu mujyi wa New York nibwo Rocky yari yitabiriye ibirori ari kumwe n’umukunzi we, umuherwekazi w’icyamamare mu muziki, Rihanna, bombi bambaye imyenda y’akataraboneka yakozwe n’uruganda rwa Chanel na Alaïa.

Ibyo birori byabereye mu ngoro y’umuco ya American Museum of Natural History byitabirwa n’abanyamideli ndetse n’ibyamamare bikomeye birimo Naomi Campbell, Mary-Kate , Ashley Olsen ndetse n’umuririmbyi Lily Allen.

Ibi birori byabaye mu gihe Rocky yari amaze gusohoka mu bihe bitoroshye nyuma yo kujyanwa mu rukiko aho yaregwaga icyaha cyo gukubita umuntu ariko akaza kugirwa umwere.

Mu gutanga igihembo, Anna Wintour, umuyobozi mukuru wa Condé Nast, yamuhaye ikaze mu muryango mugari wa CFDA, anashimira uburyo akunda umuryango we nyuma y’uko aherutse kwibaruka umwana wa gatatu yise Rocki.

Rocky nawe yashimiye ikipe ye yamuhaye imbaraga mu bihe bigoye, ndetse mu ijambo rye, anagaruka kuri Rihanna amubwira ati: 'Reba, twabigezeho rukundo rwange.'

Mu bandi begukanye ibi bihembo, harimo Ralph Lauren watsindiye igihembo cy’umuhanzi mwiza w’imyenda y’abagore ndetse n’umuhanzikazi Naomi Campbell yashimiye umuhanzi Pieter Mulier wa Alaïa amuha igihembo cy’umuhanzi mpuzamahanga w’umwaka, mu gihe Donatella Versace yahawe igihembo cy’uwakoze impinduka nziza mu myambarire.

Jimmy GATETE / ISIMBI.RW

Nyuma yo gutabaza asaba ko bamufasha bagacyura Teta Sandra kuko agiye kumwica, umugabo we Weasel yamuteye imitoma amwibutsa urwo amukunda mu gihe yizihiza isabukuru y’Amavuko.

Ni amagambo yatangaje yifashishije imbuga nkoranyambaga ze aho yavuze ko umunsi bamaranye aba yumva ari umugisha kuri we.

Ati 'Isabukuru nziza mwamikazi w’umutima wanjye, buri munsi tumarana mba numva ari umugisha kuri njye, uri inshuti yanjye magara, imbaraga zanjye n’impamvu ituma mpora mwenyura. Warakoze kuba wowe kandi ngukunda birenze ibyo amagambo yasobanura.'

Mu minsi ishize hari induru mu rugo rwabo bishingiye ku makimbirane bakunda kugirana aho mu minsi ishize Teta Sandra yagonze umugabo we ajya no mu bitaro biba ngombwa ko bamubaga.

Nyuma bongeye kugaragara biyunze, Weasel avuga ko nta kibazo bafitanye, gusa bidateye kabiri hongeye kujya hanze amashusho byongeye byadogereye mu rugo rwabo, Weasel arimo atabaza avuga ko Sandra ashaka kumurangiza ngo bamufashe bamucyure mu Rwanda.

Iyo ibibazo bibaye hagati yabo benshi baba bumva ko bagiye gutandukana byarangiye ntakizongera kubahuza ariko iyo bukeye, urukundo ruba rwongeye rwatoshye hagati yabo.

Amakuru yagiye hanze avuga ko urukundo rwa rutahizamu wa FC Barcelona Lamine Yamal n’Umuraperikazi ukomoka muri Argentine, Nicki Nicole rwashyizweho akadomo n’umunyamidelikazi Anna Gegnoso.

Ibi byatangajwe n’umunyamakuru witwa Javier de Hoyos, aho abicishije kuri shene ya Youtube yasomye ubutumwa bwa Yamal amwemerera ko urukundo rwe na Nicki rwamaze kurangira.

De Hoyos yagize ati 'Lamine yambwiye ko batakiri kumwe kandi ko nta by’ubushurashuzi byabaye.'

Yakomeje avuga ko urugendo Yamal yagiriye mu Butaliyani rutari rufitanye isano n’itandukana rye na Nicki.

Icyakora, nubwo Yamal yahakanye ko yaba yaraciye inyuma Nicki, amakuru yakwirakwiye ku mbuga nkoranyambaga yavugaga ko ashobora kuba yarabonanye n’umukobwa w’Umutaliyani witwa Anna Gegnoso, ufite imyaka 20 y’amavuko.

Anna azwi cyane nk’umukunzi w’umupira w’amaguru ndetse aherutse kugaragara areba umukino wa Barcelona yakinnyemo na Las Palmas mu mwaka ushize.

Ibi byongera gukaza ibihuha byo kuba Yamal ashobora kuba yaryamanye na Anna ubwo aheruka muri Milan mu kwezi gushize.

Mu butumwa Nicki w’imyaka 25 yanditse, yasobanuye ko itandukana ryabo ritatewe no kuba Yamal w’imyaka 18 yaba yaramuciye inyuma.

Ati 'Iyo umuntu ambeshya cyangwa akanca inyuma, mba uwa mbere mu kubivuga ku mugaragaro.'

Anna Gegnoso, usanzwe afite abamukurikira barenga ibihumbi 700 kuri Instagram na miliyoni 1.7 kuri TikTok, asanzwe ari umufana ukomeye cyane w’umukinnyi witwa Khvicha Kvaratskhelia, ukomoka muri Goergia, ubu ukinira Paris Saint-Germain.

Yigeze no gushyira ifoto kuri konti ye yambaye umupira wa Kvaratskhelia ufite nimero 24, yandikaho amagambo agira ati: 'Urabizi ko nkukunda.'

Nubwo nta gihamya gifatika kirerekana ko Anna na Yamal baryamanye, amafoto, ingendo n’ubutumwa bukomeje gukwirakwira ku mbuga nkoranyambaga byongeye gutera ibibazo mu mitima y’abakunzi b’ibi byamamare.

Lamine Yamal na Nicki nta n’umwe urashaka kugira icyo avuga ku mpamvu nyamukuru yatumye batandukana.

Jimmy GATETE / ISIMBI.RW

Tanasha Donna wabyaranye n’umuhanzi Diamond Platnumz yafashe umwanya yihanganisha Tanzania aho uwo babyaranye akomoka, ni mu bihe barimo bitoroshye.

Tanzania imaze iminsi mu bihe bikomeye aho abaturage bigaragambya batishimiye ubutegetsi bwa Samia Suluhu Hassan.

Ibi byafashe indi ntera ubwo uwo bari bahanganye mu matora yamufungaga, abiganjemo urubyiruko bahise bajya mu mihanda kwigaragambya.

Uyu mugore akaba ashinjwa gukoresha igitugu no kubangamira uburenganzira bw’ikiremwa muntu, bakaba bashaka impinduka ariko bisa n’aho byatanze ubusa kuko yamaze kurahirira kuyobora Tanzania, ni nyuma y’uko Komisiyo itangaje ko yatsinze amatora ku majwi 97,66%.

Tanasha Donna wabyaranye na Diamond akaba yihanganishije uyu muhanzi na Tanzania yose muri rusange.

Ati “Tanzania, mu rugo rwanjye rwa kabiri, gakondo y’umuhungu wanjye n’ubwenegihugu… Umutima wanjye urababaye ku bwanyu. Mwanyuze muri byinshi. Imana iborohereze ikize igihugu cyose. Ndabakunda Tanzania bagenzi banjye.”

Yanditse ibi mu gihe amakuru avuga ko Diamond Platnumz ndetse n’umuryango we bamaze guhunga igihugu bakaba bari Mombasa muri Kenya.

Rayon Sports yakiriye inkuru nziza mbere yo gucakirana na APR FC mu mukino w’Abakeba, ni nyuma y’uko umukinnyi wayo ngenderwaho, Bigirimana Abedi yatangiye imyitozo.

Bigirimana Abedi ntabwo yakinnye umukino wa Marines batsinze 1-0 mu ku Cyumweru gishize kubera imvune.

Uyu mukinnyi yatonekariye ku mukino w’umunsi wa 5 ikipe ye yatsinzemo Amagaju bituma amara icyumweru cyose adakora imyitozo ari nayo mpamvu atakinnye umukino wa Marines.

Bigirimana Abedi ku munsi w’ejo hashize ku wa Mbere akaba yarasubukuye imyitozo aho yakoranye n’abandi, Rayon Sports ikaba yemeje ko ameze neza 100%.

Asubukuye imyitozo mu gihe irimo yitegura umukino w’Abakeba mu Rw’Imisozi Igihumbi (100 Hills Derby) bazahuramo na APR FC ku wa Gatandatu tariki 8 Ugushyingo 2025, bizaba ari mu mukino w’umunsi wa 7 wa shampiyona ya 2025-26.

Nubwo yagaruye Bigirimana Abedi ariko na none izaba idafite ba rutahizamu bayo ngenderwaho, Fall Ngagne na Ndikumana Asman bombi bafite ibibazo by’imvune.