Author: webrwanda

APR FC iri mu ihurizo rikomeye mbere yo gukina umukino wa 1/2 cya Mapinduzi Cup aho ishobora kuwukina idafite rutahizamu wa yo ngenderwaho, Victor Mbaoma kubera imvune.

Uyu rutahizamu umaze gutsinda ibitego 3 mu mikino 4 amaze gukina muri iri rushanwa, ashobora kutagaragara ku mukino wa 1/2 iyi kipe ifitanye na Mlandege ejo ku wa Kabiri tariki ya 9 Mutarama 2024.

Ni nyuma y’imvune yaraye agiriye ku mukino wa 1/4 cya Mapinduzi Cup aho batsinze Yanga 3-1.

Igice cya kabiri kigitangira, uyu rutahizamu yaje gukandangirwa ku kirenge, hari ku mupira yari ahawe mu rubuga rw’amahina na Nzotanga Dieudonne maze ahuriraho na myugariro wa Yanga wamukandagiye.

Aha bahise banatanga penaliti ariko si kuri iryo kosa yakorewe ahubwo Nzotanga wari umaze kumuha uwo mupira, umusifuzi yavuze ko umunyezamu yamukoreye ikosa mu rubuga rw’amahinda bahita bayitanga.

Mbaoma ni na we waje kuyitera ndetse ahita ayinjiza neza, hari ku munota wa 48, unarebye neza mu mashusho ubona ko yagiye kwishimira igitego acumbagira.

Ntibyatize ku munota wa 52 yahise ava mu kibuga kubera iyi mvune asimburwa na Taiba wakinnye iminota yari isigaye.

Amakuru avuga ko atavunitse ahubwo ari ukubyimba ariko na none bigoye ko yazakina umukino w’ejo na Mlandege wa 1/2 kuko kugeza mu gitondo cy’uyu munsi yari akibyimbye.

Mbaoma abaye umukinnyi wa 3 wa APR FC ugiriye imvune muri iri rushanwa nyuma ya Apam Asongue na Niyigena Clement na bo bashidikanywaho ko bazagaragara muri 1/2.

Victor Mbaoma ashobora kudakina umukino wa Mlandege FC

Benshi mu byamamare byo mu Rwanda babyaje umusaruro intangiriro z’uyu mwaka bakora ubukwe n’abo bakundana ndetse abandi bagaragaza abakunzi babo ko mu minsi ya vuba aha bakwitega ikindi kintu kinini.

Abo bose babimburiwe Nyampinga wa 2020, Nishimwe Naomie ku munsi w’ubunani nibwo yambitswe impeta n’umukunzi we Michael Tesfay bari bamaze igihe kirekire bakundana. Tesfay wakunze ndetse agakundwa na Naomie, yaje mu Rwanda mu mwaka wa 2018 mu bikorwa by’akazi birangira ahatuye burundu.

Nyuma y’uko Tesfay asabye Miss Naomie kumubera umugore ndetse nawe akabyemera, aba bombi bahise bafata urugendo bajya kuruhukira mu birwa bya Zanzibar hamwe mu hantu haberanye n’abakundana muri Afurika y’Iburasirazuba.

Nyuma y’igihe gito abantu bakiri mu nkuru z’uko Miss Nishimwe Naomie yambitswe impeta, ku wa 04 Mutarama 2024 muri Salle y’umujyi wa Kigali Miss Muyango Claudine ndetse na Kimenyi Yves basezeranye imbere y’amategeko nyuma y’igihe bari bamaze babana.

Ntabwo byatinze kuko ku wa Gatandatu tariki ya 06 Mutarama 2024, aba bombi bakoze umuhango wo gusaba no gukwa mu birori byabereye mu busitani bwa Romantic buherereye ku Gisozi. Ni ubukwe bwitabiriwe n’abantu benshi b’ingeri zitandukanye higanjemo abahanzi basanzwe ari inshuti z’akadasohoka za Muyango na Kimenyi Yves.

Kenny Sol wari umaze amasaha macye asezeranye imbere y’amategeko yaririmbye mu bukwe bwa Muyango na Kimenyi Yves aho yaririmbanye na Juno Kizigenza mu ndirimbo yabo Igitangaza.

Muri iki cyumweru gitambutse kandi, Kenny Sol yatunguranye  asezerana imbere y’amategeko mu muhango wabereye mu murenge wa Nyakabanda. Hari nyuma y’uko ku wa 26 Ukuboza 2023, Kenny Sol yari yambitse impeta umukunzi we Kunda ariko bombi babigira ibanga.

Si abo gusa, Miss Kayumba Darina ntiyatazwe muri iki cyumweru cya mbere cy’umwaka wa 2024 agaragaza ko ashobora kuba yarihebeye umuraperi Kimzer wasoje kwiga muri Green Hills Academy mu mwaka wa 2017 agahita yiyegurira umuziki.

Mu butumwa yanyujije ku rubuga rwe rwa Instagram, Kayumba Darina yagaragaje ifoto yahuje urugwiro na Kimzer hanyuma ashyiraho udutima ndetse abantu hirya no hino bagaragaza ibyishimo batewe n’uwo mubano w’abo bombi.

Si abo gusa kandi, Umwiza Phiona wabaye igisonga cya Mbere cya Nyampinga w'u Rwanda 2020, yagaragaje ko ari mu rukundo rweruye n'umusore witwa Munana Eric bamaze imyaka itatu bakundana.

Yanditse agira ati 'Kuvumbura urugendo rwiza rw'ubuzima bwacu. Kuri 'Symphony' ya gatatu, aho buri nota yakinnye ni urwibutso ruri mu ndirimbo yacu. Hano ni ubuhanga bw'inkuru dusangiye.'

Ku wa 05 Mutarama 2024, Miss Rwanda 2012 Aurore Kayibanda umaze iminsi myinshi yerekana ko yanyuzwe n'umukunzi mushya yungutse, yafashe umwanya amwifuriza umunsi mwiza w'amavuko.

Yateruye agira ati: 'Umunsi mwiza w'amavuko ku mugabo w'ubuzima bwanjye, Imana ihe umugisha imirimo y'amaboko yawe, intambwe zawe hejuru ya byose umutima wawe w'igikundiro n'ubugwaneza.'

Miss Aurore akomeza yifuriza umukunzi we kuramba ati: 'Uzarambe kugira ngo uzabone ibyo wifuje kubona mu buzima bwawe bwose. Ndagukunda kandi mpora nishimira kubaho kwawe buri munsi.'

Kuri uyu wa Kane tariki 04 Mutarama 2024, ni bwo Habiyaremye Zacharie wamamamaye nka Bishop Gafaranga, yashyize hanze amafoto agaragaza ibirori we n’umugore we, Murava bakorewe byo kwitegura umwana bizwi nka ‘Baby Shower.’

Nyuma y’aya mafoto agaragaza uko ibirori byagenze, Gafaranga yanditseho ati: “Ku mugore w’umunyembaraga kurusha abandi, akaba umugore wanjye mwiza, ndagukunda.”

Ntabwo byatinze, ahubwo amakuru yahise amenyekana ko bamaze kwibaruka imfura y’umuhungu ndetse byemezwa na Gafaranga yashimiye cyane Annette Murava wamutwitiye akamubyarira.

Mu nshuro ne cyane, Bushali yaserukanye n’umugore we ubwo bitabiraga ubukwe bwa Muyango na Kimenyi Yves. Bushali udakunze kugaragara ari kumwe n’umugore we, bombi bari kumwe barebana akana ko mu jisho ndetse ubwo bari mu bukwe bwa Kimenyi Yves ndetse bagaragaye barimo kubyinana.

Miss Nishimwe Naomie yambitswe impeta na Michael Tesfay

Byari ibyishimo cyane ubwo Miss Nishimwe Naomie yambikwaga impeta

Miss Muyango Claudine na Kimenyi bakoze ubukwe haba gusezerana imbere y’amategeko ndetse no gusaba byajyaniranye no gukwa

Ni ubukwe bwitabiriwe n’abiganjemo abafite amazina azwi cyane hano mu Rwanda

Umwiza Phiona yagaragaje uko anyuzwe n’urukundo rwe

Kenny Sol yatunguranye akora ubukwe nta muntu wabikekaga

Kenny Sol na Kunda basezeranye imbere y’amategeko nyuma y’uko Kunda yambitswe impeta ku wa 26 Ukuboza 2023

Miss Kayumba Darina yaciye amarenga ko urukundo ruryoshye hagati ye n’umuraperi Kimzer

Bishop Gafaranga yashimiye cyane Annete Murava wamubyariye

Muri Kamena 2023 Perezida Kagame na Madamu bitabiriye ubukwe bw'Amateka bw'Igikomangoma gifite ikamba muri Jordanie, Al Hussein bin Abdullah II akaba umuhungu w'Umwami Abdullah II  washakanye na  Rajwa Al-Saif.

Uretse ibyo kandi u Rwanda rusanzwe rufitanye umubano mwiza na Jordanie ndetse amateka y'Umwami Abdullah ajya gusa neza n’aya Perezida Kagame bari no mu myaka imwe.

Ubwo yageraga mu Rwanda nyuma y'ibiganiro yagiranye na Perezida Kagame,habayeho umwanya wo gushyira umukono ku masezerano y’imikoranire hagati y'ibihugu byombi yiyongera kuyari rasazweho arimo ay'ibijyanye na politiki.

Tukaba twifuje kubagezaho mu buryo bwagutse ibigwi by'Umwami Abdullah wari uzi ko azasoreza urugendo rwe mu  gisirikare agatungurwa n’uko  Se ajya gutanga yamuhaye Intebe y'u Bwami amusimbuje umuvandimwe we.

Umwami wa Jordanie Abdullah II ari mu Rwanda aho akihagera yakiriwe na Perezida Kagame

Abdullah yabonye izuba kuwa 30 Mutarama 1962, Se ni Umwami Hussein mu gihe nyina ari Igikomangomakazi Muna Al Hussein, Umwongerezakazi wavutse akitwa Antoinette Avril Gardiner.

Umuryango w'iwabo ukaba ukomoka ku mukobwa w'Intumwa y'Imana Muhammad, Fatimah n'umugabo we Ali. Imiryango yabo ikaba ariyo yahanze ubwami bwa Jordanie bwayoboye imyaka isaga 700.

Avuka mu muryango w'abahungu bane n'abakobwa 6, yize mu bihugu bitandukanye birimo u Bwongereza na Leta Zunze za  Amerika. Yafashe kandi amasomo ya gisirikare aho yize mu Bwongereza mu ishuri rurangiranwa rya Royal Military Academy Sandhurst mu 1980.

Yatangiriye imirimo ya gisirikare mu Bwongereza aho yakoreye umwaka no mu Burengerazuba bw'u Budage. Yashyingiranwe na Rania Al Yassin mu 1993, mu mwaka wa 1994 yari amaze kugera ku ipeti rya Brigadier General.

Mu bihe bitandukanye Se umubyara,Umwami Hussein yagiye amwohereza mu butumwa ariko ubundi izindi nshingano ugasanga zikorwa n'umuvandimwe we Igikomongoma Hassan.

Ariko mbere y’uko Umwami Hussein ajya gutanga  ku wa 24 Mutarama 1999,yatunguye buri umwe aha Inkoni y'u Bwami Abdallah mu buryo butari bwitezwe.

Inshingano z'Umwami Abdallah zikaba ari nk’iza Perezida w'igihugu aho ari na we mugaba w'ikirenga w'ingabo gusa byinshi bigakorwa na Minisitiri w'Intebe uba wemerewe no kugena Inteko Ishingamategeko.

Abdullah yaciye intege ibikorwa byose n'abayobozi ba Hamas muri Jordanie  hari 1999. Ku wa 23 Kamena 2000 bigizwemo uruhare n'umukuru w'ubutasi bwa Jordanie ,muri iyo myaka haburijwemo igitero cyagombaga kwibasira Abdullah n'umuryango we cyari cyateguwe na Al Qaeda.

Nubwo umubano w'uyu Mwami na Leta Zunze Ubumwe za Amerika wakomeje kuba mwiza ariko nyuma y'ibitero bya 11 Nzeri 2001,muri iki gihugu byakuruye kutumvikana kuko Abdullah atashakaga ko Amerika itera Saddam Hussein.

Nyuma ariko baje gusa n’abajya ku ruhande rumwe, ibintu byababaje Abu Musab Al Zarqawi umwe mu bacurabwenge banatangije Al Qaeda, atangaza ko uyu mutwe ugiye kugaba ibitero muri Jordanie.

Ibi bitero by'ubwiyahuzi bikaba byaribasiye iki gihugu ku wa 09 Ugushyingo 2005, bihitana abagera kuri 60 abandi 115 barakomereka, mu 2006 iki gihugu cyahize bukware Al Zarqawi aricwa kuva icyo gihe umutekano warakajijwe ntihongera kugira ibindi byihebe byibasira iki gihugu.

Mu 2007 Perezida Vladimir Putin yasuye iki gihugu bwa mbere mu ruzinduko rw’ibanze ku gushakira hamwe ibisubizo ku bibazo by’icurwa ry'ibitwaro bya kirimbuzi muri Iran.

Hagati ya 2011 na 2012 u Bwami bwa Jordanie bwanyuze mu bihe bitoroshye,abaturage basaba ko ibyo kuyoborwa bya cyami byarangira hakajyaho inzira ya demokarasi yeruye.

Ibi kandi byakurikiwe no kwibasirwa cyane ku Ingoma y'u Bwami bavuga ko yabatswe na ruswa, ibintu uyu Mwami yagiye akomeza kwerekana ko nta shingiro bifite hari mu mwaka wa 2013.

Muri Mata 2014  Isamic State,umutwe w'ibyihebe ukorana bya hafi na Al Qaeda wageneye ubutumwa Isi bavuga ko bagiye kwivuna Abdullah babonaga nk'inkomyi mu bikorwa byabo, ibintu byakurikiwe no guhunga kw'Abakiristo muri Jordanie bikanga ibitero by'ubwiyahuzi.

Mu bihe bitandukanye Politiki  ya Abdullah yagiye igaragaza ko yihariye ugereranije n'ibindi bihugu aturanye nabyo cyane ku kuba umuntu utagendera cyane ku by’amahame ya kisilamu.

Akaba kandi umugabo wizerera mu mbaraga za gisirikare nk'umuntu watojwe kandi akagikora imyaka itari mike.

Mu 2004 yambuye umuvandimwe we Igikomangoma Hamzah ikamba ry'uwamusimbura igihe byaba bibaye ngombwa.

Iri kamba yaje kuriha umuhungu we Igikomangoma Hussein akaba ari we urifite guhera mu mwaka wa 2009.

Nk’uko twabivuze haruguru Abdullah yashakanye na Rania Al Yassin mu 1993 bafitanye abana bane aribo Igikongoma gifite ikamba Hussein wabonye izuba mu 1994.

Hakaza kandi Igikomangomakazi Iman wavutse mu 1996, Igikomangomakazi Salma 2000 n'Igikomangoma Hashem 2005.

 Uyu mwami kandi akaba ari n'umwanditsi w'ibitabo aho yanditse nka 'One Last Best Chance'.Umwami Abdullah II wasoje imirimo ye ya gisirikare ageze ku ipeti rya Major General ariko akanagira ni Peti rya Marshal kubera ubuhanga yagiye agaragaraza mu ntambara yakiranwe ikaze na Perezida KagameIgikomangoma Hussein umuhungu w’Umwami Abdullah II wamusimbura igihe icyari cyose byaba ngombwa Igikomangoma Hussein n’umufasha we Rajwa baheruka gushyingiranwa mu bukwe bw’amateka Umwami Abdullah II ari kumwe n’abana be 4 yabyaranye na Rania bashyingiranwe muri 1993Perezida Kagame na Madamu bari mu banyacyubahiro bitabiye muri Kamena 2023 ubukwe bw’Igikomangoma gifite ikamba Hussein muri Jordanie na Rajwa 

 

Rayon Sports yamaze kumvikana n’umunyezamu ukomoka muri Senegal, Khadime Ndiaye w’imyaka 27 uje gusimbura Hakizimana Adolphe werekeje muri AS Kigali.

Mu mpera z’umwaka ushize ni bwo uwari umunyezamu wa kabiri wa Rayon Sports, Hakizimana Adolphe wari usoje amasezerano yahise asinyira AS Kigali.

Rayon Sports yahise itangira uburyo bwo gushaka umusimbura w’uyu munyezamu akaza guhanganira umwanya n’umugande, Simon Tamale.

Amakuru ISIMBI yamenye ni uko Rayon Sports yamaze kumvikana n’umunyezamu w’imyaka 27 ukomoka muri Senegal witwa Khadime Ndiaye akaba ategerejwe mu Rwanda ku munsi w’ejo ku wa Kabiri.

Uyu munyezamu akaba yarakiniye Sporting U19 muri 2015, akaba yarakiniye kandi amakipe atandukanye y’iwabo muri Senegal nka Génération Foot, ASC SONACOS, ASC HLM ndetse na Guédiawaye FC yakiniraga kugeza uyu munsi.

Uyu munyezamu akaba yari umunyezamu wa kabiri w’ikipe y’Igihugu ya Senegal yakinnye Igikombe cy’Isi cya 2015 cy’abatarengeje imyaka 20 cyabereye muri New Zealand, Senegal yasoje ku mwanya wa 4.

Khadime Ndiaye yamaze kumvikana na Rayon Sports

Uwo mugabo yavugaga ko imikoranire ye na Polisi y’u Rwanda ishingiye ku biteganywa mu itegeko ryitwa Foreign Agents Registration Act (FARA), risaba Abanyamerika bakorera ubutasi Leta z’amahanga, kubimenyekanisha.

Nyuma yanditse ubutumwa ku rubuga rwa X busa nk’ubwishongora avuga ko anezerewe kuba akorana na Polisi y’u Rwanda.

Kuri X ye yagize ati 'Byiza ! Nta kintu kiza nko kuba intasi. Ubu ndi gukorana n’ubutasi bw’Uburusiya bukorera muri Polisi y’u Rwanda.'

Polisi y’u Rwanda ku rubuga rwa X yahanyujije itangazo rigaragaza ko ibivugwa n’uwo mugabo atari ukuri kuko ntaho ihuriye na we.

Yagize iti 'Polisi y’u Rwanda yamenye ibikubiye mu byo Jonathan Scott yagejeje ku Biro by’Umunyamabanga wa Amerika bishinzwe Ubutabera ashingiye ku itegeko rya FARA ry’uko akorana na Polisi y’u Rwanda mu byerekeye umutekano mu by’ikoranabuhanga, Cybersecurity.'

'Polisi nta mikoranire na mba ifitanye na Jonathan Scott kandi uwo muntu ntagaragara ku rutonde rw’abantu Polisi y’u Rwanda ikoresha.'

Scott ni muntu ki ?
Uyu avuga ko atemera kuba ari maneko gusa mu by’ikoranabuhanga ahubwo ari n’umujyanama, azwi cyane kuba ari umuhanga mu by’ikoranabuhanga.

Jonathan Scott ni umunya-Amerika ariko akaba afite inkomoko Canada, afite ubumenyi mu bijyanye no kugenzura ibyaha bikorerwa kuri telefoni.

Scott yamenyekanye cyane muri raporo yagiye akora ku byari byatangajwe n’umuryango wa Paul Rusesabagina, uvuga ko inzego z’umutekano z’u Rwanda zakoresheje Porogaramu ya 'Pegasus’ mu kwinjira muri telefoni za Carine Kanimba, umukobwa wa Rusesabagina.

Ivomo : Umuseke

Ni nyuma y’icyumweru kimwe, Perezida Evariste Ndayishimiye w’u Burundi atangaje ko u Rwanda rufasha umutwe wa RED Tabara uherutse kugaba igitero mu Burundi, ukivugana abantu 20.

Perezida Ndayishimiye kandi yari yaciye amarenga ko Igihugu cye cyakongera gufunga imipaka igihuza n’u Rwanda, ngo kuko rwakomeje kukinaniza.

Ni mu gihe u Rwanda rwo rwahakanye ibyatangajwe na Ndayishimiye, ruvuga ko ntaho ruhuriye n’uwo ari we wese urwanya ubutegetsi bw’u Burundi.

Gabriel Banzawitonde uyobora ishyaka rya APDR ryo mu gihugu cy’u Burundi, mu kiganiro yagiranye n’itangazamakuru, yavuze ko u Burundi bukwiye gufata icyemezo cyo gufunga imipaka ibuhuza n’u Rwanda.

Uyu muyobozi w’ishyaka APDR yavuze ko Igihugu cy’u Burundi kandi gikwiye guhagarika kugirana ibiganiro n’u Rwanda, ngo kuko rufasha uyu mutwe wa RED Tabara.

Yanavuze kandi ko Leta y’u Burundi ikwiye guca ukubiri n’iy’u Rwanda ngo ahubwo ikazamura umubano wayo n’uwa Repubulika Iharanira Demokarasi ya Congo.

Ikindi kandi ngo u Burundi bukwiye kuva mu Muryango wa Afurika y’Iburasirazuba, ahubwo bukajya mu miryango isanzwe ibamo DRC, nka CEPGL na SADC.

Perezida w’u Burundi, Evariste Ndayishimiye aherutse kwemera ku mugaragaro ko Igihugu cye cyateye inkunga Repubulika Iharanira Demokarasi ya Congo mu ntambara ihanganishije igisirikare cy’iki Gihugu n’umutwe wa M23.

UKWEZI.RW

Niba ibi byarakubayeho mu myaka yashize cyane cyane mu wuheruka wa 2023, icya mbere ugomba ni uko utari wenyine. Uzi impamvu ? Kugera ku ntego noneho zihambaye ni ibintu bitoroshye.

Rimwe na rimwe intego zawe ziba zimeze nk’izidasobanutse, zikomeye cyane cyangwa se ari n’intego zidashoboka ; nk’uko wakwiha intego yo gukoza intoki ku bicu utagurutse.

Icyakora, mu gihe tutarasoza icyumweru cya mbere cy’umwaka wa 2023, ngufitiye inkuru nziza. Menya ko mu rugendo rw’ubuzima uri imbere ya benshi kuko nibura ufite intego wihaye kuko benshi mu bo ubona babaho batyo gusa, ibibabaho bibasanze aho.

Icyo usabwa ubu ni uguhindura imikorere maze bikakorohera kurushaho kugera ku ntego wiyemeje.

Muri iyi nkuru turakugezaho uburyo umunani bwagufasha bukakuyobora mu kugera ku ntego n’inzozi wihaye muri uyu mwaka, ibi kandi ukabigeraho umunsi ku munsi, bitarinze kuzaba ku ya 31 Ukuboza.

1. Shyiraho intego nyazo
Mu nyandiko nyinshi zanditswe n’abahanga, mu buryo buzwi cyane kuva kera ndetse ubu bunafatwa nk’ubwa gakondo, uzasangamo ko icyagufasha kugera ku ntego zawe ari uko zigomba ziri 'S.M.A.R.T', impine y’amagambo atanu y’icyongereza ari yo : Specific (Izitomoye), Measurable (Zipimika), Attainable (Zishobora kugerwaho), Realistic (Z’ukuri) na Time-driven (Zishingiye ku gihe kizwi zigomba kuba zagezweho).

Icyakora, Jim Collins, umwanditsi wa Good to Great avuga ko ubu buryo butakigezweho kuko buburamo ikintu cyo guhuza imikorere n’amarangamutima ya ngombwa akenewe mu kugera ku ntego ngari z’ubuzima.

Ni muri urwo rwego yahimbye imvugo izwi nka BHAG (big, hairy, audacious goal) avuga ku ntego zishingiye ku ngamba zifatika kandi zishingiye ku marangamutima n’ibikorwa.

Icyakora, uburyo bwiza kurushaho bwo kugera no gushyiraho intego nyazo, nk’uko Mark Murphy, umuyobozi mukuru (CEO) wa Leadership IQ, ikigo gitanga serivisi z’amahugurwa n’ubushakashatsi, abivuga ni ugukora, kwiha no gushyiraho intego ziri 'HARD'.

Ni impine y’amagambo ane akurikira :
• Heartfelt ('zivuye ku mutima') : bisobanurwa nko kuba intego yawe ikora ku marangamutima, zigukora ku mutima.
• Animated : Kuba zishingiye ku cyerekezo, ishusho, cyangwa igisa na filimi mu mutwe wawe igutera akanyabugabo.
• Required : Aha ni ukuvuga kuba zikenewe, zikaba zikumvikana nk’izihutirwa kandi ziri ngombwa ku buryo nta yandi mahitamo ufite uretse gutangira kugira icyo uzikoraho udatinze na gato.
• Difficult : Zikomeye, ku buryo zikuvana ha handi wumva ibintu byoroshye (comfort zone), mbese zikangura kandi zigakabura ibyiyumvo byawe, umubiri n’ubwonko ; mbese zigutera gutekereza ugakoresha ubwonko bihagije.

2. Andika umugambi wawe

Ntibihagije kuba ufite intego gusa. Unakeneye imbata y’ibikorwa (action plan) igaragaza uko uzabigeraho. Aha ni ho benshi batsindirwa, kuko benshi iki gice ntibacyitaho.

Bashyiraho intego ariko ntibakurikize cyangwa ngo bagene umugambi ugaragaza intambwe bazatera ngo babone gutangira. Iyo bigenze bitya, intego ngari zisa n’iziremerera nyirazo, zikamuvuna cyane, ku buryo usanga byorohera umuntu kubivamo (give up).

Inama ugirwa aha ni uguca igisa n’inzira uzacamo kugira ngo ugere ku ntego yawe.

Panga igikorwa kimwe cyangwa bibiri wakora buri cyumweru, noneho wibande ku gukora ibintu bito bito buri munsi. Urugero, niba intego yawe ari ugutangiza bizinesi nshya muri uyu mwaka wa 2024, iki cyumweru ushobora guhitamo kubanza gukora ubushakashatsi ku bucuruzi wifuza gukora usoma inkuru nibura eshanu zibwerekeyeho zishingiye ku bushakashatsi kandi ukandika iby’ingenzi bike wazisomyemo.

Ushobora kandi gufata umwanya ukajya kureba uwo uzi wagize icyo akora muri bene iyo bizinesi mukaganira, kwitabira ibiganiro cyangwa inama kuri ubwo bucuruzi n’ibindi.

3. Ibaze mu ntego kandi utekereze wazigezeho

Umuhanga mu bumenyi bw’imibanire y’abantu, Frank Niles, unabifitiye impamyabumenyi y’ikirenga ya kaminuza asobanura ibi agira ati : 'Iyo turebera mu bwonko igikorwa runaka nk’abakirebera mu ndorerwamo, ubwonko bwizamuramo ubushake bubwira imitsi y’ubwonko 'gukora’ urwo rugendo.

Ibi ngo birema inzira nshya yo mu bwonko isobanurwa nk’uruhurirane rw’uturemangingo mu bwonko bwacu dukorana mu kurema ibintu byibutsa cyangwa imyitwarire yigwa ifasha umubiri wacu gukora mu buryo buhoraho kandi budahinduka ku cyo twatekereje.

Tekereza wibaze wageze ku ntego zawe, utibagiwe n’inzira ndetse n’ibikorwa bizakenerwa kugira ngo ugere aho hantu ho mu ntekerezo (ibi ni ingenzi). Gerageza kwiyumvisha mu ntekerezo uko bizamera umunsi wageze kuri ibyo bintu bikomeye.

Ibi bizarema ishusho y’igihe kirekire mu mutwe wawe izatuma ukomeza kugira umurava mu gihe kirekire ntupfe gucika intege.

4. Iyandikire akabarurwa

Ni inama nziza cyane itangwa na John Carlton, icyamamare mu kwandikisha bya bimashini bya kera bandikishaga. Agira ati : 'Ibanga ryanjye ryo gushyiraho intego riroroshye cyane : Nicara hasi nkiyandikira ibaruwa, nkayiha itariki y’umwaka uri imbere uhereye ku y’uwo tugezemo.'

Carlton avuga ko ugomba kwiyandikira urwandiko rurerure rusobanura birambuye uko ubuzima bwawe buzaba bumeze umwaka uhereye ubu. Ni tekiniki ikomeye ikaba n’ubundi buryo bwo gukoresha uburyo bwo kwibaza no kurebera mu ndorerwamo (visualization) ikwereka icyo wifuza mu mutwe wawe. Ni n’uburyo bwiza busa n’ubusekeje iyo uyisoma nyuma y’umwaka ureba niba warageze ku cyo wari wizeye.

5. Buri munsi gira icyo ukora

Ubumenyi bwose wagira na byinshi wamenya muri ubu buzima nta cyo bimaze igihe cyose utagize icyo ukora. Ntukwiye gufatirwa mu rushundura rwo gusesengura gusa utava aho uri.

Uburyo bwiza kuruta ubundi bwo kwiga ni ugushyira mu bikorwa ibyo wiga no kwemera gutsindwa—ni nk’ibuye ryo gukandagiraho ugana ku ntsinzi abantu bose bagera ku bintu bikomeye bakandagiraho no kugera ku ntego zabo z’igihe kirekire.

Ibikorwa bya buri munsi ntibigomba kuba binini kandi bikomeye. Ugomba gusa gutera intambwe nto ugana imbere, upfa kuba gusa uri mu cyerekezo nyacyo.

Niba intego yawe ari ukurya neza bisigasira amagara yawe, ushobora kurya urubuto runaka aho kurya pizza. Niba intego yawe ari ukugabanya ibiro cyangwa kugira ibiro biringaniye bijyanye n’uburebure bwawe, nibura fata iminota 30 ku munsi mu minsi ine mu cyumweru ukora imyitozo ngororamubiri itandukanye ku buryo itakurambira.

6. Bwira abandi intego zawe

Nubwo kuvuga intego zawe uzibwira rubanda hari ubwo bitaba byiza kuko hari abumva bihambaye hanyuma bitewe n’ubushobozi bwabo buken’ubunebwe bakaba baguca intege, cyangwa baba abatakwifuriza ineza bakaba bakwitambika, kuba wagira umuntu ugira nk’ugutera akanyabugabo ni ingenzi cyane kugira ngo ugere ku ntego zawe.

Shaka umuntu wizeye umugire nk’ushinzwe kukubaza ibyo ukora ariko w’umufatanyabikorwa (accountability partner), nuko umare igihe runaka umusobanurira intego wihaye mu gihe runaka. Ashobora kuba uwo mwashakanye, inshuti, cyangwa umuturanyi. Ni umuntu ukeneye ko azakugenzura agakurikirana uburyo witwara mu rugendo rugana ku ntego yawe.

Nk’inyongera, bishoboka cyane ko azakubwiza ukuri, akaguhana agucyaha, akaguhwitura atakuryarya kandi akakugira inama muri urwo rugendo ndetse n’igihe bitagenze uko wabyifuje, akaba azi aho byapfiriye akaba yagufasha anakugira inama igufasha kugira ikindi wakora.

7. Itegure imbogamizi

Kuba umuntu uzi neza gushyiraho intego ni nko gukina iteramakofe ; ugomba kwiga uburyo uzakwepa ibipfunsi kuko uzi neza ko byanga bikunda uzabikubitwa.

Uburyo bwiza buruta ubundi bwo kugabanya uburemere bw’ingaruka z’imbogamizi uzahura na zo mu rugendo rwawe rwo kugera ku ntego ni ukuzitega, kuzitegura kuko nta kabuza zizabaho.

Gena umugambi wo kwirwanaho igihe ibintu byagenda nabi, kandi witegure kugira icyo wakora ndetse no kwigira kuri izo mbogamizi.

Hora iteka wibuka ko, nubwo waba ufite umugambi wanditse w’uko ibintu bizagenda, hari ubwo bizaba ngombwa ko uzagomba kuwuhindura no kuwunoza. Ubuzima buhora bwuzuye amagorane agera ku babubamo batigeze bateganya.

Igihe uguye muri bene izo ngorane utateganije, ugomba kujyanisha ibikorwa byawe n’aho ibihe bigeze utinubira cyangwa ngo ubone nabi impinduka ugomba gukora. Ibi bizagufasha gukomeza kugana imbere.

8. Suzuma iterambere buri cyumweru

Aha jya wibanza uti : Ni iki nakoze iki cyumweru kinyegereza ku ntego ngari yanjye ? Ni iki cyagenze neza ? Ni iki kitakunze ?

Aha, watekereza ku cyo gukoresha agakayi gato (diary/journal) wandikamo intego nto n’uko ugenda uzigeraho kanagufasha kumenya izo utagezeho. Ukwiye kureba muri aka gakayi igihe cyose wumva utazi uko wakomeza.

Na none kandi, ntukibagirwe kwishimira ibyiza wagezeho. Jya ufata akanya wishimire ibyiza wagezeho mu cyumweru maze intego wagezeho uyishyireho akamenyetso ko gukosora (V) uyikure ku rutonde. Bizagufasha kugera ku ntego z’inyuma wihaye.

Muri Make :

Nta ko bisa kurota inzozi zagutse zikomeye kuko atari wowe gusa zigirira akamaro, ariko binasobanura ko ugomba kugira intego ngari zagutse. Uko intego yawe irushaho kuba ngari, ni na ko uzakenera kugira gahunda isobanutse n’umurava uhambaye wo kuyigeraho.

Niba witeguye gukoresha ingufu zishoboka zose mu kugera ku migambi wihaye kandi ukagendera kuri gahunda yayo mu 2024 n’indi myaka izakurikira, erekeza amaso yawe imbere ubundi utangire none ugire icyo ukora.

IRADUKUNDA Fidele Samson

Ifungwa ry’agateganyo ry’uyu muhanda, ryaturutse ku nkangu yatewe n’imvura nyinshi yabereye mu Murenge wa Gishyita n’ubundi yari yabaye kuri iki Cyumweru.

Kuri iki Cyumweru tariki 07 Mutarama 2024, uyu muhanda Karongi-Nyamasheke, wari wafunzwe by’agateganyo kubera inkangu yari yabereye muri uyu Murenge wa Gishyita, ariko nyuma uza gufungurwa habanje gukorwa imirimo yo kuwutunganya.

Mu gitondo cyo kuri uyu wa Mbere tariki 08 Mutarama 2024, Polisi y’u Rwanda yari yatangaje ko uyu muhanda wongeye gufungwa by’agateganyo.

Ubutumwa bwa Polisi y’u Rwanda bwatambutse kuri X mu gitonso kuri uyu wa Mbere, bwagiraga buti 'Turabamenyesha ko kubera imvura nyinshi yateye inkangu ahitwa Dawe uri mu ijuru mu murenge wa Gishyita, ubu umuhanda Karongi-Nyamasheke wabaye ufunze by’agateganyo. Muragirwa inama yo gukoresha umuhanda Kigali-Huye-Nyamagabe-Nyamasheke.

Nyuma y’amasaha abiri, Polisi yongeye gutangaza ko 'ubu umuhanda Karongi-Nyamasheke ari nyabagendwa.'

UKWEZI.RW

APR FC yaraye igeze muri ½ cy’Irushanwa rya Mapinduzi Cup itsinze ikipe ya Yanga yo muri Tanzania ibitego 3-1.

Ni umukino waraye ubereye kuri New Amani Complex muri Zanzibar saa 19h15′ ku masaha y’i Kigali mu Rwanda aho benshi bahaga amahirwe ikipe ya Yanga.

APR FC yaherukaga kunganya na Simba SC ikazamuka ari iya 3 mu itsinda B, ntabwo yorohewe n’igice cya mbere aho ku munota 23 Jesus Moloko yari yafunguye amazu.

Ku munota wa 3 w’inyongera w’igice cya mbere, Mbaoma yateye ishoti rikomeye umunyezamu awukuramo maze Sanda uri mu igeragezwa wari wakurikiye ahita awushyira mu izamu.

Igice cya kabiri kigitangira ku munota wa 48, Mbaoma yatsinze icya kabiri kuri penaliti mbere y’uko Shiboub atsinda agashinguracumu ku munota wa 79.

Ni intsinzi yashimishije bikomeye abakinnyi ba APR FC, gutsinda Yanga mu gihe benshi bari bayiciriye akarurutega ko itari buhikure.

Tugiye kugaruka ku bihe bimwe na bimwe byaranze ibyishimo by’abakinnyi ba APR FC nyuma yo gusezerera ikipe ya Yanga igera muri ½ aho igomba kuzahura na Mlandege.

Pitchou yagize umukino mwiza

Sanda watsinze igitego cya mbere cya APR FC, yari mu mukino yatanze akazi gakomeye kuri Yanga

Mbaoma yagiriye imvune muri uyu mukino, yanatsinze igiteg cya kabiri

Penaliti yatewe Mshery

Bishimira igitego cya kabiri Mbaoma yatsindiye APR FC

Ni uku bishimiye igitego cya gatatu cya Sharaf Eldin Ali Shiboub

Kit Manager wa APR FC, 2Pac yapfukamye azamura Bibiliya ashima Imana

Byari ibyishimo bikomeye kuri APR FC n’abatoza ba yo

Duhereye muri Kenya ikipe ya Gormahia FC kuwa Gatandatu yatsindaga Pasta Rangers igitego 1-0 muri shampiyona, Sibomana Patrick yari yabanje mu kibuga arangiza n’umukino ariko mugenzi we Emery Bayisenge ntabwo yigeze akandagira mu kibuga.

Iyi kipe ya Gormahia FC yahise isoza igice kibanza cya shampiyona ariyo iyoboye urutonde n’amanota 37 ikazasubira mu kibuga kuwa Gatandatu ikina na Kariobangi Sharks.

Muri Tanzania ikipe ya Singida Fountains Gate iri gukina imikino ya Mapinduzi Cup ari nayo ikipe ya APR FC iri gukina mu birwa bya Zanzibar.

Kuwa Kane Singida Fountain Gate FC yatsinzwe na Simba SC ibitego 2-0 nubwo n’ubundi yari yamaze gukatisha itike ya 1/4, ntabwo rutahizamu w’umunyarwanda, Meddie Kagere yabanje mu kibuga gusa yinjiyemo asimbuye.

Biteganyijwe ko kuri uyu wa Mbere ari bwo iri bukine umukino wa 1/4 na Azam FC saa cyenda n’iminota 15 kuri Amaani International Stadium.

Kuwa Kane w’icyumweru gishize ni bwo ikipe ya AS Far Rabat yo muri Maroc ikinamo myugariro, Imanishimwe Emmanuel Manguende yatsindaga Moghereb Tetouan ibitego 3-0.

Uyu myugariro w’Amavubi yabanje mu kibuga nk’ibisanzwe ndetse arangiza n’umukino. Kuri ubu AS Far Rabat iri ku mwanya wa 2 muri shampiyona n’amanota 30 ikaba uyu munsi kuwa Mbere iri bukine na FU Rabat.

Muri shampiyona y’icyiciro cya mbere muri Algeria, mu ikipe ya USM Klenchela ikinamo Manishimwe Djabel, kuwa Gatandatu yatsindaga JS Saoura igitego 1-0.

Muri uyu mukino, Djabel yabanje mu kibuga gusa aza gusimbuzwa. Ku rutonde rwa shampiyona USM Klenchela iri ku mwanya wa 4 n’amanota 19 ikazasubira mu kibuga kuwa Gatandatu ikina na US Souf.

Ku mugabane w’Iburayi amakipe menshi akinamo Abanyarwanda yibereye mu biruhuko ariko kuri Hakim Sahabo ari kumwe n’ikipe nkuru ya Standard de Liege aho bagiye gukorera imyitozo mu gihugu cya i Espagne.

Ubusanzwe uyu mukinnyi akinira ikipe y’abato ya Standard de Liege ariko muri iyi minsi ari kugenda yifashishwa mu ikipe ya mbere nkuru dore ko no ku mikino 2 iheruka yari yashyizwe ku ntebe y’abasimbura, ibintu byerekana ko ashobora kuzamurwa mu ikipe nkuru ubundi agakina shampiyona y’icyiciro cya mbere mu Bubiligi agakomeza kujya ku rwego rwiza.

Hakim Sahabo (iburyo) uri kumwe n”ikipe ya Standard de Liege muri Espagne

Sibomana Patrick (ubanza iburyo) yishimira intsinzi ari kumwe n’abakinnyi bagenzi be

Manishimwe Djabel nyuma y’umukino batsinzemo JS Saoura igitego 1-0