Webrwanda Backend

Author: webrwanda

  • Byari ibyishimo bidasanzwe ubwo Bindjeme yahabwaga igihembo cy’umukinnyi witwaye neza kurusha abandi nyuma y’umukino APR FC yatsinzemo Yanga Africans nk’idahari -AMAFOTO – YEGOB #rwanda #RwOT

    Byari ibyishimo bidasanzwe ubwo Bindjeme yahabwaga igihembo cy'umukinnyi witwaye neza kurusha abandi nyuma y'umukino APR FC yatsinzemo Yanga Africans nk'idahari.

    Mu mikino y'igikombe cya Mapinduzi Cup iri kubera Zanzibar muri Tanzania APR FC ikomeje guhesha ishema igihugu cy'u Rwanda dore ko mu ijoro rya cyeye yaraye yihereranye ikipe ya Yanga Africans maze ikayitsinda ibitego bitatu kuri kimwe n'umukino umunya Cameroon Salomon Charles Banga Bindjeme yigaragajemo cyane byanatumye atorwa nk'umukinnyi mwiza w'umukino maze ahabwa ibihumbi 750,000 by'amafaranga yo muri Tanzania.

    Amafoto:

    Source : https://yegob.rw/byari-ibyishimo-bidasanzwe-ubwo-bindjeme-yahabwaga-igihembo-cyumukinnyi-witwaye-neza-kurusha-abandi-nyuma-yumukino-apr-fc-yatsinzemo-yanga-africans-nkidahari-amafoto/

  • Imibare yatangiye kuba ibihekane kuri APR FC yitegura umukino wa 1/2 cya Mapinduzi cup – YEGOB #rwanda #RwOT

    Ikipe ya APR FC ifite icyibazo gikomeye cyuko ishobora gukina umukino ifitanye na Mlandege FC yo muri Zanzibar nubundi hari kubera imikino ya Mapinduzi cup idafite Rutahizamu wayo umaze kubatsindira ibitego 3 mu mikino 4, Victor Mbaoma ufite ikibazo cy'imvune.

     

    ni icyibazo cy'imvune yagize ku mukino ikipe ya APR FC yatsindagamo Yanga Africans ibitego 3 kuri 1 mu mukino wa 1/4.

     

    hari amakuru avuga ko ariko nanone itaba arimvune ikanganye ahubwo hakaba harabayeho icyibazo cyo kubyimba ikirenge ubwo myugariro wayanga yamukandagiriraga murubuga rwamahina.

     

    uyu rutahizamu wa APR FC aba umukinnyi wa 3 wa APR FC ugiriye ikibazo cy'imvune muri iri rushanwa rya Mapinduzi cup nyuma ya Apam Asongue na Niyigena Clement na bashobora kutazakina umukino wa 1/2 bafitanye na Mlandege FC.

    Source : https://yegob.rw/imibare-yatangiye-kuba-ibihekane-kuri-apr-fc-yitegura-umukino-wa-1-2-cya-mapinduzi-cup/

  • Nyabihu: Abaturage bakomeje kwinubira umuhand… – #rwanda #RwOT

    Abaturage bo muri Nyabihu barasaba kubakirwa uyu muhanda kubera ko uwo bafite utajyanye n'igihe by'umwihariko abatwara ibinyabiziga bahangayikishijwe n'uyu muhanda cyane kurusha abandi bose kubera ko ibinyabiziga byabo byangirikira muri uyu muhanda ku rwego rwo hejuru. 

    Baragaragaza ingaruka nyinshi ziterwa no kuba uyu muhanda utarimo kaburimbo harimo: kwangirika kw'ibinyabiziga bigasaza imburagihe, impanuka no gukoresha igihe kinini uva Musanze ujya Vunga kubera ububi bw'umuhanda. 

    Aba baturage barasaba ubuyobozi kubafasha uyu muhanda ukubakwa bidatinze naho ngo nibidakorwa vuba igihombo cyo kiraza gukura benshi mu muhanda.

    Si ibyo gusa abaturage bakomeje bavuga ko basaba kubakirwa uyu muhanda mu rwego rwo koroshya ingendo ku bagana ibikorwaremezo biherereye muri iyi mirenge harimo ibitaro bya Shyira, umudugudu w'ikitegererezo, amasoko ndetse n'amashuri.

    Uretse ibi binyabiziga byangirikira muri uyu muhanda, mu busanzwe ni umuhanda nyabagendwa akaba ariyo mpamvu abaturage bawukoresha bavuga ko ugomba kubakwa bijyanye n'igihe bityo iterambere ryabo rikarushaho kwiyongera.

    Ni umuhanda kandi uhuza uturere dutandukanye aritwo Ngororero, Nyabihu, ndetse n'utwo mu ntara y'Amajyaruguru harimo Musanze na Gakenke.

    Iragena Kudhura ni umwe mu batuye mu murenge wa Shyira, Akarere ka Nyabihu aragira ati: “Turifuza ko leta yadufasha ikadushyirira kaburimbo mu muhanda kuko urebye mu turere twose tugize intara y'iburengerazuba, umurenge wa Shyira niwo udafite kaburimbo. 

    Ibi nabyo bikaba biri mu bitera kudindira mu iterambere ku batuye muri aka Karere kubera ko hari abaturage bagerageza guhinga bakiteza imbere ariko kugemura ibyo bejeje bikaba ingorabahizi.

    Yakomeje avuga ko babivuze kenshi abayobozi bakishyirira agati mu ryinyo bagaterera iyo. Ati “Rwose bayobozi mudufashije mukaduha kaburimbo mwaba mugize neza kuko byadufasha kwiteza imbere kuburyo bworoshye”.

    Hirwa Jean Pierre aragira ati “Rwose umuhanda wacu ntukoze kuko kugira ngo uve i Musanze ugere muri Vunga, bisaba igihe kinini kubera umuhanda warangiritse mbese urimo ibikuku byinshi bituma imodoka nyinshi zititabira kuza mu isantere ya Vunga cyangwa se mu isoko rya Vunga kubera ko umuhanda utameze neza.

    Icyo nasaba Leta ni ukugira ngo idutekerezeho kuko uyu muhanda wacu wa Musanze-Vunga ni umuhanda nyabagendwa ariko iyo urebye ubona iterambere ryaho rigenda gake. Icyo twifuza kuri Leta ni uko badufashije bakadukorera umuhanda byarushaho gutuma imigenderanire cyangwa se imihahiranire yoroha ku baturage.

    Kuko urabona nk’ubu ngubu umuturage yiteza imbere wenda agahinga ariko kugira ngo azabone umukiriya wo kuba yagura nk'ibyo yahinze biragorana kuko gutegera umusaruro we birahenda cyane kuko umuhanda udakoze.

    Umuyobozi w'Akarere ka Nyabihu, Mukandayisenga Antoinnette, aragira ati “Ikibazo cy'umuhanda wa Nyakinama-Vunga ubundi uriya ni umuhanda uteganyijwe kuzubakwa ndetse akaba ari n'umuhanda Nyakubahwa Perezida wa Repubulika yemereye abaturage.

    Nk’uko rero twese tubizi ntabwo ahantu aha amasezerano ari aha iwacu gusa ahubwo ni hirya no hino mu gihugu, icyo gihe rero iyo bigenze gutyo tubiganira n'abayobozi tukareba ahihutirwa”.

    Arongera ati “Umuhanda uzakorwa uba waranakozwe ariko impamvu nyamukuru yabiteye ni icyorezo cya Covid 19 icyo gihe ni bwo wakabaye waratangiye gukorwa kuko byari biri muri gahunda. Aho icyorezo kirangiriye, Akarere kacu kibasiwe n'ibiza bitwara amafaranga menshi kugira ngo ubuzima bw'abantu bwongere busubirane.

    Ibyo byose byatumye ikorwa ry'uyu muhanda ridindira. Ariko ikiriho cyo ni uko uyu mwaka dutangiye nko mu kwa karindwi no mu kwa munani dushobora gutangira gukora uyu muhanda kuko urazwi kandi byose biterwa n'amikoro y'igihugu kuko uyu muhanda uzakorwa ku rwego rw'igihugu”.

    Kugeza ubu abakoresha uyu muhanda, bakomeje gukoresha imbaraga nyinshi kugira ngo biteze imbere kandi rwose barashimira ubuyobozi bubafasha buri munsi.

    Iragena Kudhura ni umwe mu batewe impungenge n’umuhanda wo muri Nyabihu

    Hirwa Jean Pierre ni umwe mu bavuga ko umuhanda wa Musanze Vunga ukwiriye gukorwa bijyanye n’igihe

    Uyu muhanda warangiritse cyane, ukaba uteza igihombo abaturage batari bacye

    Umwanditsi: Pauline IKUNDABAYO

    Source : https://inyarwanda.com/inkuru/138365/nyabihu-abaturage-bakomeje-kwinubira-umuhanda-utajyanye-nigihe-138365.html

  • Bimwe mu bimenyetso simusiga bihamya ko Chris… – #rwanda #RwOT

    Mu kwezi kw’Ukwakira ubwo indirimbo “Ko Nahindutse’ ya The Ben yari yongeye kugerwaho, Chriss Eazy yaracitswe ashyira kuri Snapchat ifoto ye na Pascaline irimo ijambo rigira riti “Ukwanga nzamwanga”.

    Ni ifoto yahise asiba igitaraganya, ibintu byerekanye ko yamucitse.

    Ubwo umunyamakuru wa InyaRwanda yageragezaga kubaza iby’iyo foto, yamenye ko Chriss Eazy yari agiye kuyoherereza Umuhoza ariko ikamucika ari nacyo cyatumye isibwa byihuse.


    Chriss Eazy abibajijwe yabiteye utwatsi avuga ko we na Pascaline ari inshuti zisanzwe.


    Amakuru yiziwe InyaRwanda yakuye mu bantu ba hafi b’aba bombi, bahamya ko bakundana ndetse umwaka ushize bari mu rukundo.


    Icyakora nubwo babihakana, uko umunsi ushira urukundo rugenda rubaganza.Iyo umwe ashyize agafoto ku mbuga nkoranyambaga, undi ashidukira hejuru akaba uwa mbere mu kugakunda no gushyiraho igitekerezo cyiganjemo amarangamutima (comment).

    Kuva umwaka ushize, umunyamakuru wacu yakomeje gukusanya ibimenyetso simusiga byerekana urukundo rw’aba bombi.

    Ibi byaje kuba ibindi bindi ku munsi w’ejo ubwo Chriss Eazy yashyiraga kuri Instagram,  indirimbo “Cinema” yakoranye na Bwiza maze Pascalline akaza kumwita Umwami.

    Chriss Eazy yari yashyizeho amashusho ye ari muri Gym maze ayakurikiza amagambo agira ati “Hola Mamie” ndetse n’agatima.

    Ni amagambo asanzwe akoreshwa n’abantu bakundana.

    Pascalline ntiyatanzwe kuko yahise aza ajya muri comment section [ahatangirwa ibitekerezo] maze ashyiramo ikamba ry’Umwami n’mutima.

    Ibi bishatse gusobanura ko ari Umwami w’umutima we.

    Chriss Eazy nawe yaragarutse ashyiramo ikamba ry’Umwamikazi n’Umutima. Ibi bivuze ari Umwami n’Umwamikazi bahuje imitima.

    Chriss Eazy na Umuhoza Pascalline, urukundo ruravuza ubuhuha


    Chriss Eazy na Pascalline urukundo rurabaganza


    Pascalline guhisha amarangamutima ye kuri Chriss Eazy bijya bimugora


    Chriss Eazy agezweho mu ndirimbo “Bana” ariko azwi no mu zindi “Basi Sori,Inana”     n’izindi.


    Umuhoza Pascalline yitabiriye Miss Rwanda 2022 abasha kugera mu icumi ba mbere mu gihe ikamba ryegukanye Nshuti Divine Muheto.

    “>Reba indirimbo “Bana” ya Shaffy na Chriss Eazy

    “>

    Source : https://inyarwanda.com/inkuru/138353/bimwe-mu-bimenyetso-simusiga-bihamya-ko-chriss-eazy-na-pascaline-bari-mu-rukundo-amafoto-138353.html

  • Ukuri ku bimaze iminsi bivugwa hagati ya Th… – #rwanda #RwOT

    Tom Close ari mu bahanzi bamaze igihe kitari gito mu muziki akaba ari na we wabereye umugisha The Ben amufashe kwinjira  mu buhanzi bamwe bakaba banafata nk'abavandimwe.

    Kenshi kandi Tom Close yagiye yumvikana avuga amagambo akomeye kuri mugenzi we The Ben, abibuka amateka y'igitaramo cya 2017 cyitabiriwe n'ibihumbi  ntibazibagirwa ibyo yamuvuzeho.

    Icyo gihe Tom Close ni we wakiriye ku rubyiniro The Ben agira ati'Ntabwo nje kuririmba kubera ko nanjye ndi umwe mu bantu bifuza kureba uko kino gitaramo kiribugende.'

    Akomeza agira ati'Hanyuma nagize amahirwe yo guhabwa umwanya wo kwakira umuvandimwe wanjye The Ben, abantu benshi banyumva bwa mbere kuri Radiyo nka Tom Close bumvise indirimbo yanjye yitwa 'Bwira' mu nyikirizo yayo hari harimo ijwi rya The Ben.'

    Asobanura uko abona umuziki wabo ati'Abantu benshi bazi ko natangiye umuziki mbere ya The Ben ariko Ben twaratangiranye ni nk’uko amaguru abiri iyo ari hari ukuguru kubanza imbere ukundi kugakurikira.'

    Agaragaza ko byari ngombwa ko abanza ariko igihe cyose mu muziki bari bakeneranye, asaba abantu kandi ko bakwiga kujya bavuga abantu neza bakiriho, anagaragaza ko The Ben ari umwe mu bahanga mu muziki mu bo u Rwanda rufite cyangwa rwigeze kugira.

    Si muri iki gitaramo honyine kuko no mu biganiro binyuranye Tom Close yagiye atanga agaruka ku buhanzi, The Ben atashoboraga kuburamo inshuro zirenze imwe.

    Gusa mu minsi yashize ibintu byabaye nk'ibyahindutse aba bagabo bombi ntibongera kujya bagaragara kenshi bari kumwe, bamwe bakavuga ko ari inshingano nyinshi Tom Close asigaye afite abandi bakagaragaza ko wasanga hari ibibazo aba bombi bafitanye.

    Ahanini ibi bikaba byarashingiye ku kuba The Ben apfusha se Tom Close n'umuryango we ntaho bigeze bagaragara mu gihe cyo gushyingura, abantu bakibaza icyatumye ataza guherekeza uyu musaza cyangwa ngo agire ubutumwa agenera uyu muhanzi mu ruhame.

    Byongeye kandi gusa n’ibigarukwaho cyane ubwo uyu muhanzi yageraga mu bihe by'ubukwe mu gusaba no gukwa Tom Close ntiyitabire ndetse  n'umugore  we ntahagaragare.

    Gusa biza gusa n’ibituzamo ubwo uyu muhanzi yitabiraga ubukwe bw'umuvandimwe we ariko na none bamwe bakibaza ko batigeze babona Tricia.

    Nyamara burya uyu mubyeyi yari mu gikari akurikirana uko ibintu bigenda ndetse mbere y'uko The Ben ajya guhaguruka Tricia ni we wayoboye isengesho ribanziriza umunsi.

    Nk’uko Noopja yabisangije abamukurikira mu ifoto yasangije abamukurikira avuga ko ibyabaye byose bagendanye n'Imana kuva batangiye kugera ku iherezo. 

    Si ibyo gusa  kandi kuko The Ben ajya gusezerana imbere y’Imana na Pamelle, Tom Close ni we wabaye  Parrain we .

    Tricia  ni we wayoboye isengesho ribanziriza umunsi w’ubukwe ku ruhande rw’umusore Tom Close yabaye Parrain wa The Ben mu bihe byo gusezerana kwe imbere y’ImanaMbere y’ubukwe n’ibirori byo gusezerana imbere y’Imana kwa The Ben hibazwaga uko umubano we na Tom Close waba uhagazeMu birori by’ubukwe byabereye muri Kigali Convention Center Tom Close yari yicaranye n’abarimo Ommy Dimpoz na Ishimwe ClementThe Ben na Pamella basoje umwaka wa 2023 barushinze mu birori by’amateka byashibutse ku rugendo rw’urukundo rwabo rwari rumaze imyaka igera kuri  Itanu

     

    Source : https://inyarwanda.com/inkuru/138360/ukuri-ku-bimaze-iminsi-bivugwa-hagati-ya-the-ben-na-tom-close-138360.html

  • Kabarokore Yvonne agiye guhagararira u Rwanda… – #rwanda #RwOT

    Amarushanwa y'ubwiza ni kimwe mu bintu bifasha abantu banyuranye mu iterambere ryabo bamenya uko imico y’ahandi imeze,bakanunguka amahirwe abafasha gukomeza gutera imbere.

    Umwe mu bamaze gusobanukirwa ibi akaba ari Kabarokore Yvonne watoranyijwe nk’uzahagarira u Rwanda mu marushanwa ya Miss Planet International azabera muri Cambodia muri Nzeri.

    Mu kiganiro InyaRwanda yagiranye n'uyu mukobwa,yasobanuye ko yumva yuzuye ibyishimo kuko agiye kubona uko yahagararira igihugu agatanga umusanzu kandi azaharanira kugitera ishema.

    Yagize ati'Ni umugisha w'Imana kuba ari njye watoranyijwe, bizamfasha gusangiza abandi indoto zanjye no gutera imbere nifuza guteza  imbere igihugu cyanjye mu buryo bwose nshoboye.'

    Kabarokore Yvonne akaba yarabonye izuba ku wa 15 Werurwe 1999, asanzwe ari umwe mu bagize muri Crystal Model Africa ireberera inyungu z'abamurika mideli, kompanyi zitandukanye zikaba zinagenda zimwifashisha mu kwamamaza ibikorwa byabo.

    Yiyeguriye ubuhanzi akaba ari n'umwe mu bagenda bagaragara mu bikorwa bya Mashirika bitandukanye, ubu yiga mu Budage muri Kaminuza ya New International Performing Arts.

    Kabarokore Yvonne ni we uzahagararira u Rwanda muri Miss Planet International 2024Uyu mukobwa asanzwe yifashishwa na kompanyi zitandukanye mu kwamamaza ibikorwa bitandukanye CAMU Collection ya Miss Umukundwa Cadette ni bamwe mu bamaze gukorana na we Yasoreje muri Green Hills Academy mu 2017,ubu ari kwiga mu Budage ku mbuga nkoranyambaga yitwa ‘Shy_doll_’

     

    Source : https://inyarwanda.com/inkuru/138368/kabarokore-yvonne-agiye-guhagararira-u-rwanda-muri-miss-planet-international-amafoto-138368.html

  • Rayon Sports yirukanye umutoza #rwanda #RwOT

    Rayon Sports yamaze gutandukana n’uwari umutoza w’abanyezamu, Samuel Mujabi Kawalya nyuma y’amezi 5.

    Ni mu itangazo iyi kipe yanyujije ku rukuta rwa yo rwa Twitter aho yamushimiye ubwitange yagaragaje mu gihe bamaranye.

    Yagize iti “uyu munsi Rayon Sports yatandukanye na Samuel Mujabi Kawalya wari umutoza w’abanyezamu. Warakoze ku mutahe wawe umutoza Sam. Amahirwe masa mu rugendo ruri imbere.”

    Samuel Mujabi Kawalya watoje amakipe nka Express, Mbarara City, Tooro United na Gaddafi ndetse n’ikipe y’igihugu ya Uganda, ni umutoza w’Umugande wagizwe umutoza wa Rayon Sports muri Nyakanga 2023, akaba yarayitoje imikino ibanza ya shampiyona ya 2023-24.

    Umutoza w’abanyezamu ba Rayon Sports yirukanywe

    Source : http://isimbi.rw/siporo/article/rayon-sports-yirukanye-umutoza

  • Kigali: Urukuta rw’ahahoze Hotel Le Printemps rwagwiriye abantu bagera kuri12 bari barimo bubaka inyubako nshya – AMAFOTO – YEGOB #rwanda #RwOT

    Mu karere ka Gasabo mu murenge wa Kimironko ahahoze Hotel Le Printemps, urukuta rwagwiriye abantu bagera kuri12 bari barimo bubaka inyubako nshya.

    Muri abo bantu 12 rwagwiriye, umuntu umwe niwe umaze kumenyekana ko yaguye muri iyi mpanuka.

    Ni mu gihe abandi bakomeretse bo bahise bajyanywe kwa muganga igitaraganya kugira ngo bitabweho.

    Source : https://yegob.rw/kigali-urukuta-rwahahoze-hotel-le-printemps-rwagwiriye-abantu-bagera-kuri12-bari-barimo-bubaka-inyubako-nshya-amafoto/

  • Nyanza : Bakubise uwo bakeka ko ari umujura kugeza ashizemo umwuka #rwanda #RwOT

    Ibi byabaye mu gitondo cyo kuri uyu wa Mbere tariki 08 Mutarama 2024, ubwo uyu nyakwigendera we na bagenzi be bazinduka mu cya kare bakajya kwiba ihene mu rugo rw’umuturage.

    Nyiri urwo rugo wumvise abo bajura bari gucukura inzu, yahise akoma akaruru, abaturage na bo barahurura, bahageze bashaka gusagarirwa n’umwe muri abo bakekwaho ubujura, ashaka kubatema.

    Muri ako kanya, abo baturage na bo bahise bamufata mu mashingu, baramukubita karahava, kugeza ashizemo umwuka.

    Uyu mujinywa wagaragajwe n’aba baturage, ngo si uw’ubusa kuko abajura babajujubije muri aka gace, ndetse ko uwo bari bagiye kwiba ihene, n’ubundi baherutse kuyimwiba mu Ugushyingo 2023.

    Aba baturage bavuga kandi ko ubujura bw’amatungo muri aka gace buvuza ubuhuha, ndetse ko ari yo mpamvu bamwe bahitamo kuyaraza mu nzu nyamara Leta yarabibabujije.

    UKWEZI.RW

    Source : http://www.ukwezi.rw/Mu-rwanda/article/Nyanza-Bakubise-uwo-bakeka-ko-ari-umujura-kugeza-ashizemo-umwuka

  • M23 yabwiye Tshisekedi ko aramutse ateye u Rwanda ntaho byaba bitaniye no kwiyahura #rwanda #RwOT

    Byatangajwe n’Umuvugizi wa M23 mu bya politiki, Lawrence Kanyuka, mu kiganiro yagiranye n’Umunyamakuru Peter Clottey.

    Ubwo uyu munyamakuru yabazaga Kanyuka ku magambo amaze iminsi avugwa na Tshisekedi ko azatera u Rwanda, Lawrence Kanyuka yavuze ko uyu mukuru w’Igihugu cyabo, asanzwe avuga ibintu ariko ntabishyire mu bikorwa.

    Ati 'Niba ashaka kurwana n’u Rwanda, bafite igisirikare cyiza, u Rwanda rwakemuye ikibazo cy’iterabwoba muri Centrafrique no muri Mozambique.'

    Kanyuka yakomeje avuga ko u Rwanda atari urwo kwisukirwa kuko rufite umurongo rugenderaho kandi ibyo rukora byose biba bitunganye.

    Ati 'U Rwanda rwohereje abasirikare bo gufasha ibyo bihugu kurandura iterabwoba, bafite ubunararibonye. Kuri ubu muri M23 uko tubona ibintu, niba ashaka kujya kurwana n’u Rwanda ni ukwiyahura.'

    Amagambo ya Tshisekedi wakunze kuvuga ko azatera u Rwanda, yongeye kuyazamura cyane mu bikorwa byo kwiyamamariza indi manda yo kuyobora Igihugu cye, aho yanavuze ko ashobora kurasa i Kigali yibereye i Goma.

    Ni amagambo yafashwe nk’amashyengo kuri bamwe, kuko ibyo yatangaje abizi neza ko bitashoboka.

    Gusa kuri Perezida Paul Kagame, aherutse kuvuga ko kuri we adashobora gufata aya magambo nk’iturufu yakoreshejwe na Tshisekedi ngo yongere atorwe nk’uko bamwe babivuze, ahubwo ko ategereje kureba koko niba yarabivugaga akomeje.

    UKWEZI.RW

    Source : http://www.ukwezi.rw/Mu-mahanga/article/M23-yabwiye-Tshisekedi-ko-aramutse-ateye-u-Rwanda-ntaho-byaba-bitaniye-no-kwiyahura