Author: webrwanda

Ni amahugurwa yatangiye kuri uyu Mbere tariki ya 8 Mutarama 2024 mu Ishuri ry’amahugurwa rya Polisi (PTS) i Gishari mu Karere ka Rwamagana.

Atangizwa aya mahugurwa ku mugaragaro, Umuyobozi w’iri shuri, Commissioner of Police (CP) Robert Niyonshuti mu izina ry’Umuyobozi Mukuru wa Polisi y’u Rwanda, Umuyobozi w’iri shuri, CP Niyonshuti yibukije abapolisi batoranyirijwe kuyitabira umusaruro bitezweho.

Yagize ati : 'Mbere yo koherezwa mu butumwa bw’amahoro, ni ngombwa ko abapolisi baba bujuje ibisabwa bijyanye n’akazi bagiyemo, birimo ubumenyi bujyanye n’imikorere ya kinyamwuga, ubumenyi mu ndimi, kumasha, imirongo migari ku mikorere ya Polisi mu butumwa bw’Umuryango w’Abibumbye n’ibindi.

Kugira ngo bigerweho, hateguwe aya mahugurwa mu rwego rwo kongerera ubumenyi n’ubushobozi abapolisikazi bizabafasha gukora akazi kabo neza igihe bazaba boherejwe mu butumwa bw’amahoro harimo no gukuraho imbogamizi zikigaragara mu bijyanye n’ihame ry’uburinganire n’ubwuzuzanye.'

Yagaragaje ko uruhare rw’abagore mu bikorwa byo kubungabunga amahoro ari ingenzi mu kurushaho gushyikira ibyemezo bifatwa mu guharanira amahoro n’umutekano mu bihugu nyuma y’amakimbirane.

Ati : 'Amakimbirane agira ingaruka mbi ku buzima no ku burenganzira bw’abagore n’abakobwa mu bijyanye n’uburezi kimwe n’imibereho y’umuryango muri rusange.

Ihohoterwa rikorerwa abagore ririyongera mu gihe cy’amakimbirane, aho gufata ku ngufu abagore n’abakobwa byakunze gukoreshwa nk’intwaro y’intambara mu guhungabanya imibanire y’abantu n’imiryango, ari nayo mpamvu hakenewe uruhare rw’abagore mu butumwa bwo kubungabunga amahoro mu guhangana n’iki kibazo.'

Yashimiye abarimu bazatanga aya mahugurwa, asaba abayitabiriye kuzayakurikira neza barangwa na disipulini, ashimira n’ubuyobozi bwa Polisi y’u Rwanda budahwema gutera inkunga ishuri irifasha mu gutegura neza amahugurwa atandukanye aritangirwamo.

U Rwanda ruza ku mwanya wa mbere mu kohereza umubare munini w’abapolisi batanga umusanzu mu butumwa bwo kubungabunga amahoro hirya no hino ku Isi, haba mu bagabo no mu bagore, aho kuri ubu rufite abagera ku 1,138 barimo abapolisikazi basaga 290.

Niyonshuti Yannick umaze kwamamara muri Sinema Nyarwanda nka Killer Man, agiye gukora ubukwe n’umugore we bamaze imyaka 8 babana.

Amakuru yizewe ikinyamakuru ISIMBI cyamenye ni uko ubu bukwe buzaba mu ntangiriro za Werurwe 2024.

Kuri uwo munsi bazasaba bakwe, basezerane imbere y’Imana ndetse ari nabwo hazaba umuhango wo gushyingirwa, biteganyijwe ko byose bizabera muri Romantic Garden ku Gisozi.

Ariko iyi mihango yose ikaba izabanzirizwa n’umuhango wo gusezerana imbere y’amategeko bizaba mbere y’iyi mihango yindi.

Killer Man na Shemsa bagiye gukora ubukwe nyuma y’imyaka 8 bari bamaze babana nk’umugore n’umugabo, babanye kuva 2015, bakaba bafitanye abana babiri b’abahungu.

Killer Man akaba amaze kwandika izina muri Sinema Nyarwanda aho ubu arimo asohora filime yakunzwe y’uruhererekane ya ‘My Heart’ itambuka ku muyoboro wa YouTube.

Killer Man agiye gukora ubukwe n’umugore we

Iki gikombe cy’Afurika kizaba gikinwa ku nshuro ya 34 mu mateka yacyo, kizatangira kuwa Gatandatu taliki ya 13 Mutarama kuzageza ku cyumweru taliki 11 Gashyantare 2023.

Amakipe y’ibihugu 24 niyo azagikina akaba agabanyije mu matsinda 6, nk’ibisanzwe amakipe 2 azitwara neza mu itsinda niyo azakatisha itike yo gukina 1/8.

Umukino ufungura uzakinwa kuwa Gatandatu saa yine z’ijoro ubere kuri Olympic Stadium of Ebimpe aho ikipe ya Cote d’Ivoire izaba yakiriye irushanwa ikina na Guinea-Bissau.

Iyi mikino izabera kuri sitade 6 z’iri mu mijyi 5 itandukanye, ni iyitwa Peace Stadium iherereye Bouake, Korhogo stadium iherereye mu mujyi wa Korhogo n’ubundi, Laurent Pokou Stadium iherereye mu mujyi wa Poro, Charles Konan Banny Stadium iherereye mu mujyi wa Yamoussoukro ndetse na Felix Houphouet-Boigny Stadium na Alassane Ouattara Stadium ziherereye Abidjan.

Mu makipe y’ibihugu ahabwa amahirwe yo kuba yakwegukana iki gikombe harimo ikipe y’igihugu ya Senegal iri mu itsinda C izaba ikina irwana no kurinda icyo iheruka gutwara cyaberaga muri Cameroon itsindiye Misiri ku mukino wa nyuma kuri penariti 4-2. 

Usibye ibi kandi ifite n’abakinnyi bakuru bamenyereye iri rushanwa barimo Sadio Mane, Kalidou Koulibaly, Edouard Mendy ndetse n’abandi bakiri bato bari kwigaragaza barimo Pape Matar Sarr na Nicolas Jackson 

Ikipe y’igihugu ya Morocco nayo ihabwa amahirwe bijyanye n’amateka iheruka gukora ikagera mu mikino ya 1/2 cy’igikombe cy’Isi cya 2022 cyaberaga muri Qatar, igahita iba ikipe ya mbere ikomoka ku mugabane w’Afurika ibikoze.

Ikipe y’igihugu ya Misiri nayo ihabwa amahirwe yo kuba yakwegukana iki gikombe bitewe n’ibigwi byayo ndetse n’umukinnyi ifite Mohammed Salah uri mu bayoboye muri Premier League kugeza ubu ndetse akaba ashaka no gukora amateka atwara iki gikombe bwa mbere nyuma yuko muri 2017 no muri 2021 ageze ku mukino wa nyuma ariko ntibikunde kucyegukana.

Ibindi bihugu bihabwa amahirwe harimo Cote d’Ivoire izaba iri mu rugo ikaba inaheruka kugitwara muri 2015, Nigeria ifite abakinnyi bakomeye nka Victor Osimhen, ikipe y’igihugu ya Ghana ndetse na Algeria igendera kuri Riyad Mahrez ndetse akaba aheruka no kucyiyihesha muri 2019.

Kugeza ubu amakipe y’ibihugu amaze gutwara igikombe cy’Afurika inshuro nyinshi kuva cyatangira gukinwa mu 1957, ni Misiri ifite 7, Cameroon ifite 5, Ghana ifite 4, Nigeria ifite 3 ndetse n’ikipe y’igihugu ya Algeria ifite ibikombe 2.

Mu bikombe 7 by’Afurika biheruka, byatwawe n’ibihugu bitandukanye ndetse nta n’ikipe y’igihugu cyari cyakiriye cyabashije gutwara igikombe cyangwa se ngo kibe cyagera ku mukino wa nyuma.

Ku bijyanye n’ibihembo, ikipe ya mbere izahabwa Miliyoni 7 z’Amadolari ya Amerika ni ukuvuga asaga Miliyari 7 Frw , mu gihe ikipe bazaba bahuriye ku mukino wa nyuma izahabwa Miliyoni 4 z’Amadolari. 

Amakipe azaba yageze muri 1/2 buri kipe izahabwa Miliyoni 2.5 z’Amadorari, mu gihe buri kipe izagera muri 1/4 izahabwa Miliyoni 1.3 z’Amadorali.

Impamvu iki gikombe cy’Afurika cyagombaga gukinwa muri 2023 hagati ya Kamena na Nyakanga ariko bikarangira kimuwe kigashyirwa hagati ya Mutarama na Gashyantare 2024 ni ukubera ikibazo cy’ibibihe muri Cote d’Ivoire. 

Muri Nyakanga muri iki gihugu imvura aba ari nyinshi cyane ariko kuri ubu nta kibazo cy’imvura gihari ntabwo izabanganira imegendekere neza y’irushanwa.

Uko amatsinda y’igikombe cy’Afurika cya 2023 ameze

Itsinda A: Ivory Coast, Nigeria, Equatorial Guinea, Guinea-Bissau.

Itsinda B: Egypt, Ghana, Cape Verde, Mozambique.

Itsinda C: Senegal, Cameroon, Guinea, na Gambia.

Itsinda D: Algeria, Burkina Faso, Mauritania na Angola.

Itsinda E: Tunisia, Mali, South Africa na Namibia.

Itsinda F: Morocco, DR Congo, Zambia na Tanzania.

Imikino y’igikombe cy’Afurika cya 2023 iratangira gukinwa kuwa Gatandatu w’iki Cyumweru

Ikipe y’igihugu ya Senegal niyo ifite igikombe giheruka ndetse biranashoboka ko n’iki yagitwara

Rutahizamu w’umunya-Senegal ukinira Al Nassr muri Saudi Arabia, Sadio Mané wigeze kuvugwaho umubano wihariye n’Umunyarwandakazi Kate Bashabe, yarushinze na Aisha Tamba.

Ni ubukwe bwabaye tariki ya 7 Mutarama 2024 bubera iwabo muri Senegal mu murwa mukuru Dakar mu gace ka Keur Massr.

Ni ubukwe busa n’ubwabaye mu ibanga kuko amafoto y’ubu bukwe yatangiye gucicikana bwararangiye.

Sadio Mané akaba asa nukabije inzozi ze kuko muri 2020 yigeze kubazwa umukobwa w’inzozi ze, kimwe mu bintu yavuze uretse kuba akunda gusenga yicisha bugufi, ariko na none atashakana n’umukobwa w’icyamamare, bibaye byiza akaba adakoresha imbuga nkoranyambaga byaba ari akarusho.

Ni byo byabaye kuko Aisha Tamba ni umukobwa utapfa kubona akoresha imbuga nkoranyambaga, gusa avuka Casamança yo muri Cameroun.

Ni umukobwa bivugwa ko aziranye na Mane kuva kera ndetse no kwiga kwe byagizwemo uruhare n’uyu mukinnyi w’imyaka 31 umaze kwegukana igihembo cy’umukinnyi mwiza muri Afurika inshuro 2.

Guhera muri 2019 Sadio Mane yavuzwe kugirana umubano wihariye n’umunyamudeli w’umunyarwandakazi, Kate Bashabe ndetse byanageze aho bakeka ko baba bakundana.

Kate Bashabe yajyaga kureba imikino ya Liverpool mu Bwongereza akiyikinira, hari n’igihe Mane yigeze gupositinga indirimbo y’umuhanzi Nyarwanda, Meddy benshi bahita bemeza ko ibya bo byaba byarageze kure.

Sadio Mane yakoze ubukwe Aisha Tamba

Ni ubukwe busa n’ubwaye mu ibanga rikomeye

Aisha Tamba umugore wa Sadio Mana

Ni umukobwa utapfa kubona ku mbuga nkoranyambaga

Iyi mirwano yahanganishije uyu mutwe w’urubyiruko rwuzwi nka Wazalendo ruvuga ko rwiyemeje gutaba Igihugu cyabo cya Congo Kinshasa ndetse na FARDC, yabaye kuri uyu wa Mbere tariki 08 Mutarama 2024.

Amakuru ava muri Komini ya Manginga yabereyemo iyi mirwano, avuga ko izi mpande zombi zisanzwe zikorana mu rugamba rwo guhangana na M23, zabaye nk’izitumvikana ku ngingo itatangajwe, ubundi ruhita rwambikana.

Aka gace kabereyemo iyi mirwano kari mu bilometero 30 uvuye mu mujyi wa Beni mu Ntara ya Kivu ya Ruguru, ahakunze n’ubundi kwibasirwa n’imitwe irimo nka ADF.

Salumu uyobora Komine ya Katembo, yavuze ko ubwo iyi mirwano yabaga, humvikanye urufaya rw’amasasu, yanahahamuye abaturage bo muri aka gace, ku buryo ibikorwa binyuranye byahise bifunga nk’amashuri amasoko ndetse na za butiki, mu gihe n’abaturage bahise bajyanwa ahantu hamwe ngo bacungirwe umutekano.

Iyi mirwano bivugwa ko yahitanye abantu batandatu, ariko ntihatangajwe niba ari abo ku ruhande rwa Wazalendo cyangwa ari abasirikare ba FARDC.

UKWEZI.RW

Hari ku wa 09 Ukuboza 2022 ubwo umusore wigaga mu mwaka wa kane w’amashuri yisumbuye, Shemi Gibril yashyiraga hanze indirimbo yise ‘Peace Of Mind’. Iyi ndirimbo yabaye isereri mu mitwe y’abanyarwanda, byumwihariko yigarurira imitima y’urubyiruko rwiganjemo igitsina gore.

Iyi ndirimbo yahinduriye ubuzima uyu wari umwana, biza kumenyekana ko ari umwishywa w’umuhanzi The Ben biba akarusho kuyikunda cyane ko bari bamenye ko isuku igira isooko.

Iyi ndirimbo ikimara gukundwa cyane, bamwe mu byamamare nyarwanda bifuje ko bayisubiranamo n’uyu Shemi ariko bakagorwa nuko yabaga ari ku ishuri [yigaga aba mu kigo] bigatuma bamwe bifata.

Davis D yarayikunze cyane yemera gutegereza Shemi ngo ave ku ishuri maze asaba ko basubiranamo iyi ndirimboba ariko ikaba iya Davis D aho kuba iya Shemi nk’uko iya mbere imeze.

Shemi na begenzi be babisamiye hejuru kuko bumvaga batoye ingoma mu giteme cyane ko Davis D ari umwe mu bahanzi nyarwanda bafite amazina akomeye.

Aba bombi bemeranyijwe ko indirimbo isubirwamo , irakorwa mu buryo bw’amajwi n’uwari wayikoze mbere ariwe Huybbie.

Amakuru InyaRwanda yamenye ni uko iyi ndirimbo imaze gukorwa, Davis D yategereje ko Shemi na bagenzi be bamubwira ibyo gukora amashusho ariko amaso ahera mu kirere.

Agerageje kubavugisha , bamubwiye ko bari bazi ko indirimbo ubwo yayikunze ari nawe uzayikoreshereza amashusho cyane ko Bagenzi Bernard usanzwe umufasha ari ko kazi ke.

Davis D yemeye gukora amashusho y’iyo ndirimbo ariko abasaba kumuha ibihumbi 300 Frw  ibindi akabyimenyera  kuko yashaga gukora amashusho ahenze.

Shemi na bagenzi be ntibakozwaga ibyo gutanga ayo mafaranga kuko bo bumvaga nyiri indirimbo ariwe uzimenyera byose.

Ubwumvikane buke bwarakomeje birangira Shemi na bagenzi babonye Juno Kizigenza wemeraga kuyijyamo atabasabye amafaranga.

Byarangiye Shemi na bagenzi [ikipe imufasha] banzuye ko Davis bamutera uw’inyuma bagakorana Juno Kizigenza utarigeze ubagora ndetse amakuru yizewe InyaRwanda ifite ni uko iyi ndirimbo iri hafi gukorerwa amashusho ikabona kujya hanze.

Shemi yahiriwe na Peace of Mind

Davis D yasabye ko ahabwa amaranga ibihumbi magana atatu kugirango akoreshe amashusho ya “Peace of mind remix”

Shemi yahisemo kuvana Davis D mu ndirimbo aho kumuha amafaranga ngo bakore amashusho

Juno Kizigenza yahise asimbura Davis D wari wagiye mu ndirimbo mbere

Juno Kizigenza na Shemi bahise batangira no gukora amashusho

Reba Peace of mind

“>