Author: webrwanda

Hirya no hino ku Isi, hari ama-couple y'ibyamamare yamenyekanye cyane mu ruhando rw'imyidagaduro yagiye agaragaza ibishushanyo yishyizeho ku bw'urukundo bakundanaga.

Nubwo hari ibimenyetso by'agateganyo [Tattoo] bishyirwa ku mubiri nyuma y'igihe runaka bigasibama bitewe n'ibyo wahisemo mu gihe cyo kubishyiraho, usanga atari bose batinyuka kubishyiraho.

Ariko na none ku rundi ruhande, abantu b'ibyamamare bo babifata nk'ibintu bisanzwe ku buryo iyo bagiye mu rukundo byoroha kwiyandikaho izina cyangwa gushyiraho irindi jambo ry'urukundo ku bw'abakunzi babo.

Mu byamamare byishyirishijeho ibishushanyo [Tattoo] ku bw'abakunzi babo harimo:

1.     Offset yishushanyijeho ku bwa Cardi B

Umuraperi wa Migos Offset yabonye uburyo bwiza bwo gushimangira umubano we n'umugore Cardi B mu mwaka wa 2017. Offset yishyizeho igishushanyo mu ijosi cya 'Buttercup,' arangije hasi yacyo ashyiraho izina ry'umugore we Cardi B.

2.     Angelina Jolie na Billy Bob Thornton

Birengagije ikinyuranyo cy'imyaka 20 yari iri hagati yabo, Angelina Jolie na Billy Bob Thornton bashyingiranwe mu 2000. Ibi ntibyari bihagije ku rukundo rwabo, ahubwo Jolie yaje kwishyiraho 'Tattoo' ya Billy Bob hejuru y'indi y'inzoka ya 'dragon' yari asanganwe ku kuboko kwe.

Umubano wabo waje kurangira ku mugaragaro mu 2003 ubwo bombi batandukanaga byemewe n'amategeko. Nyuma, uyu mukinnyi wa filime yaje gupfukirana ibi bimenyetso byose abisimbuza amazina y'aho abana be bavukiye.

3.     Amber Rose yishushanyijeho ku bwa Wiz Khalifa

Amber Rose nawe yishyizeho 'tattoo' ku bw'umuraperi wahoze ari umugabo we, Wiz Khalifa. Iki gishushanyo kinini cyari gipfutse igice cy'ukuboko cyose cyo hejuru, cyagaragazaga isura iri kumwenyura ya Wiz Khalifa.

Nyuma y'uko aba bombi batandukanye mu 2014, Amber yategereje imyaka itatu kugira ngo iyi 'tattoo' ibashe gusibama nubwo nyuma haje gusigara ikimenyetso.

4. Pete Davidson na Ariana Grande bose bishushanyijeho

Pete Davidson na Ariana Grande ntibigeze baterwa ipfunwe n'umubano wabo, kuko bagiye bagaragara kenshi mu ruhame bari kumwe ndetse bagashyira amafoto y'urukundo rwabo ku mbuga nkoranyambaga.

Nyuma y'uko Pete yambitse uyu muhanzikazi impeta y'urukundo, babishimangije kwishyiraho ibishushanyo bihuye ku ijosi, ku ntoki zabo ndetse no ku bikumwe. Na nyuma yaho, Davidson yakomeje kwishyiraho izina 'Grande' ku rubavu, yishyushanyaho ikibwana cy'ingurube yabo, n'ibindi. Aba nabo, baje gutangaza ko batandukanye nyuma y'amezi atanu gusa bakundana mu Kwakira 2018.

5.     Mariah Carey na Nick Cannon

Mariah Carey na Nick Cannon, bombi bazi igisobanuro cy'uburibwe bwo kwishushanyaho uwo ukunda bikarangira mutandukanye. Carey yishyizeho 'tattoo' y'ikinyugunyugu ku mugongo wo hasi hamwe n'izina 'Cannon,' nuko Cannon abibonye nawe arashyugumbwa niko kwiyandikaho izina 'Mariah' ku mugongo wo hejuru.

Ibi bimenyetso byaje kugaragara nk'ibyemezo bidahwitse ndetse ko ari amakosa akomeye mu gihe aba bashakanye batandukanaga mu 2014. Nyuma y'uko batandukanye, Cannon yaje gupfuka iyi 'tattoo,' naho iya Carey irahinduka.

6. Justin Bieber ku bwa Selena Gomez

Umuhanzi Justin Bieber ufite ibimenyetso birenga 50 ku mubiri we, yigeze no kongeraho icy’isura y’uwahoze ari umukunzi we, Selena Gomez. 

Nyuma y’uko batandukanye mu 2013, Justin yagerageje gusiba iyi ‘tattoo’ ariko biranga burundu kugeza ubwo ashakanye na Hailey Baldwin isura ya Selena ikimugaragaraho.

7. Zayn Malik yishushanyijeho Gigi Hadid

Zayn Malik nawe ufite ibimenyetso byinshi cyane ku mubiri we, yongeyemo n’icy’uwahoze ari umukunzi we, Gigi Hadid. 

Mu rwego rwo guhamiriza urwo akunda umukunzi we ndetse n’Isi yose muri rusange, Zayn yishyirishijeho ‘tattoo’ y’amaso ya Hadid mu gituza cye, nubwo aba bombi byaje kurangira batandukanye mu 2021.

8. Beyonce na Jay-Z

Aba bahanzi  bakomeye ku isi, bagiranye umubano ukomeye mu ntangiriro za 2000, barawukomeza kugeza n’ubu. 

Mu gukomeza gushimangira uyu mubano wabo, Beyonce yiyanditseho umubare ‘IV’ kandi ntajya agira ipfunwe ryo kuwugaragaza kuko kuri bo bawufata nk’umubare w’amahirwe ndetse banahisemo itariki 04 Mata nk’itariki bizihirizaho isabukuru y’imyaka bamaze barushinze.

9. David na Victoria Beckham

Iyi couple y’ibyamamare nayo ntiyatanzwe mu kugaragarizanya urwo bakundana bishyiraho ibimenyetso.

David usanzwe afite ibishushanyo byinshi ku mubiri we, yongeyeho n’icy’izina ry’umugore we, Victoria mu kiganza ndetse n’itariki y’ubukwe bwabo ku rutoki.

Victoria nawe yishyushanya z’ikiganza itariki y’ubukwe bwabo mu nyandiko y’Ikiromani, naho ku kindi kiganza ashushanyaho imibare iranga umugabo we.

10. Travis Barker na Kourtney Kardashian

Travis Barker nawe yishushanyijeho ‘tattoo’ y’izina ry’umugore we, Kourtney ku ibere ry’ibumoso.

  

Ntabwo muri Rayon Sports ibintu bimeze neza aho mu gihe habura iminsi 3 gusa ngo itangire imikino yo kwishyura ya shampiyona ya 2023-24, benshi mu bakinnyi ba yo b’abanyamahanga bataragaruka mu Rwanda.

Aba bakinnyi bagiye bagiye mu kiruhuko cy’iminsi mikuru, bakaba bataragaruka ndetse ikipe ikaba itazi igihe bazazira.

Rayon Sports ishobora gukina umukino wa Gasogi United w’umunsi wa 16 wa shampiyona idafite abakinnyi 3 bose bakomoka muri Uganda.

Abo bakinnyi ni ba rutahizamu 2; Joackiam Ojera na Charles Baale ndetse n’umunyezamu Simon Tamale bakibereye iwabo.

Aba bakinnyi bagiye kurira iminsi mikuru iwabo, bivugwa ko babwiye ubuyobozi bwa Rayon Sports ko nta tike bafite bayiboherereza bakabona kuza, ibintu ubuyobozi bw’iyi kipe budakozwa kuko bitari mu masezerano, niba baragiye bakwiye gushaka uko baza. Bikaba bigoranye ko n’iyo baza uyu munsi bazakina uyu mukino kuko imyitozo 2 bakora umutoza atabakinisha.

Undi ni Umunya-Maroc, Youssef Rharb na we utaraza kuko yasabye uruhushya, iki kiruhuko yagikoresheje akora ubukwe.

Aba bakaba biyongera k’Umunya-DR Congo, Nzinga Luvumbu we wagiye kurirayo Ubunani avuga azahita agaruka amaze no gutora ariko akaba ataraza, aho avuga ko ngo yabuze indege, aba bakinnyi bose bikaba bigoye ko bagaragara ku mukino wa Gasogi United.

Ikipe ya Kiyovu Sports yamaze kumvikana na rutahizamu ukomoka muri Liberia, Obediah Mikel Freeman kuba basesa amasezerano.

Uyu rutahizamu yageze muri Kiyovu Sports muri Nyakanga 2023 akayisinyira amasezerano y’imyaka 3.

Yaje kubura umwanya wo gukina kuko iyi kipe yasanze atari ku rwego yifuza maze isa n’imushyira ku ruhande. Mu Gushyingo 2023 yari yandikiye Kiyovu Sports ayishyuza miliyoni 25.

Muri ayo mafaranga harimo 5,000,000 Frws yagombaga guhita ahabwa agisinya amasezerano, 18 000 000 Frws yagombaga guhabwa shampiyona igitangira ndetse n’amafaranga y’umushahara wa buri kwezi.

Umuvugizi wa Kiyovu Sports, Gakunzi Blaise yavuze ko Freeman ibye bisa n’ibyakemutse kuko bamaze kumvikana gusesa amasezerano.

Ati “twamaze kumvikana gusesa amasezerano, yarabyifuzaga natwe tubyifuza, hasigaye ko tumwishyura ibyo twemeranyijwe.”

Yavuze ko bemeranyijwe ko bamwishyura amezi abiri y’umushahara, yahembwaga ibihumbi 600 Frws ubwo ni ukuvuga miliyoni 1.2 Frw ndetse akanahabwa itike y’indege, byose ntabwo birenga miliyoni 2 Frw.

Guhera ejo hashize ku mbuga nkoranyambaga hakomeje gukwirakwira inkuru y’umukinnyi wa Basketball wakiniye amakipe arimo na APR BBC, Shyaka Jesi wirashe agahita apfa.

Bivugwa ko uyu musore w’imyaka 24 wari usoje amasomo mu Bushinwa, yari umwana w’umusirikare akaba yarirashe akoresheje imbunda yo mu bwoko bwa Pisitoli yibye se ayikuye mu cyumba cya se nk’uko UMUSEKE wabitangaje.

Uyu muryango utuye mu Mujyi wa Kigali mu Karere ka Gasabo, Umurenge wa Rusororo, Akagari ka Kabuga II.

Shyaka Jesi yari umukinnyi wa Basketball mu makipe atandukanye nka APR BBC na Patriots BBC.

Amakuru ISIMBI yamenye ni uko muri 2020 mu ntangiriro yakiniyeho ikipe ya Tigers BCC ahita asaba uruhushya ko bamureka akajya kwiga.

Yayigarutsemo 2021 nabwo ayikinira igihe gito asubira kwiga, yagarutse muri 2022 mu ntangiriro akorana na yo imyitozo ibanzirirza shampiyona (pre-season) ariko asanga ku mwanya we hari abakinnyi benshi ihita imutiza muri 30 Plus.

30 Plus yaje gusenyuka, yaje kumenyesha Tigers BBC ko asubiye kwiga ariko ntabwo yongeye kugaruka abamenyesha ko yiteguye kugaruka mu kazi.

Aisha Tamba yavutse muri 2006, akaba yaravukiye ahitwa Casamance mu gace kegeranye n’ibyaro bya Bambali muri Senegal aho uyu mukinnyi wa Al Nassr yo muri Arabia Saudite avuka.

Uyu mukobwa w’imyaka 18 avuga ururimi rwa ‘Manindago’ rukaba ari narwo Sadio Mane asanzwe avuga ndetse nawe ngo akunda kwiberaho ubuzima bwihariye nk’umugabo we udakunze kugaragara mu itangazamakuru cyane.

Aisha Tamba kuri ubu ni umunyeshuri ariko ari mu mwaka we wa nyuma w’amasomo ku ishuri ryigenga riherereye ahitwa Mbao muri Senegal.

Nk’uko ibinyamakuru byo muri Senegal bibyandika, bwa mbere Sadio Mane yagaragaye ari kumwe n’uyu mukobwa afite imyaka 16 ariko icyo gihe ntabwo bari mu rukundo. 

Nyirarume wa Sadio Mane ni umwe mu bamufashije kubona uburyo yakundanamo na Aisha Tamba bitewe nuko yari inshuti ya Se, ubundi akajya amunyuzaho amafaranga yo gufasha uyu mukobwa yakundaga mu bijyanye no kwiga.

Nubwo uyu mugore w’uyu mukinnyi w’imyaka 31 kuri ubu yamaze kumenyekana ariko yari yabanje guteza urujijo bitewe nuko hari amakuru yavugaga ko yaba yashakanye n’Umunyamakurukazi ukorera Sky Sports witwa Melissa Reddy ukomoka muri Afurika y’Epfo.

Ubukwe bwa Sadio Mane yabukoze mu ibanga bitewe nuko bwatashywe n’abantu bake bo mu miryango ya hafi.

Biteganyijwe ko uyu mukinnyi agomba gusanga abakinnyi bagenzi be aho bari kwitegurira imikino y’igikombe cy’Afurika ubundi akazongera kubonana na Aisha Tamba ari uko iyi mikino irangiye.

Senegal iri mu itsinda C ikaba izakina umukino wayo wa mbere icakirana na Gambia ku wa Mbere w’icyumweru gitaha.

Sadio Mane na Aisha Tamba mu bukwe bwabo 

Byari ibyishimo kuri Sadio Mane washatse umugore

Aisha Tamba washatswe na Sadio Mane 

Gakumba Patrick wamamaye nka Super Manager bitewe no gushakira amakipe  abakinnyi ba ruhago mu Rwanda no mu Karere ka Afurika  y’Iburasirazuba, hashize iminsi abakoresha imbuga nkoranyambaga bavuga ko yaba yaratawe muri yombi ndetse ko afungishijwe ijisho [kuba arimo kugenzurwa bya hafi].

Aya makuru akwirakwizwa n’abakoresha imbuga nkoranyambaga, avuga ko Super Manager, akurikiranweho icyaha cy’ubufatanyacyaha ku cyaha cyo “Gukangisha no gusebanya”.

Aya makuru avuga ko Super Manager na bagenzi be, bakoze icyaha cyo gukangisha no gusebanya tariki ya 26 Ugushyingu 2023, ubwo babwiraga  umuntu ko agomba kubaha amafaranga kugirango badashyira amashusho ye ku mbuga nkoranyambaga.

Ibyo byatumye, InyaRwanda dukenera kumenya ukuri kwimbitse kuri ayo amakuru biba ngombwa ko tuganira na nyirubwite Super Manager.

Mu kiganiro na InyaRwanda, Super Manager yabihakaniye kure, avuga ko abo ari abamwifuriza inabi kandi ari umwana w’Imana kandi yizeye ko izabakoza isoni.

Super Manager abajijwe ku kuba yaba afungishijwe ijisho, yagize ati “Ubu se ko turikumwe, umfunze ari hehe?”.

Super Manager avuga ko kuvuga ko afunzwe kandi arimo gukora ibikorwa bye bya buri munsi, ari uguta ibitabapfu.

Icyakora Super Manager ibyo yahise abirenza ingohe , yivugira ku myidagaduro nyarwanda dore ko amagambo ye akomeje guteza impaka ku mbuga nkoranyambaga.

Ni amagambo avuga ko kuri ubu, umuhanzi Bruce Melodie amaze gusiga Meddy na The Ben bamaze igihe bayoboye umuziki nyarwanda.

Super Manager agira ati “Tuvugishe ukuri, Meddy na The Ben, ntibagikora. Kuri ubu ibya muzika, Bruce Melodie yabaciyeho”.

Ni amagambo akomeje kwakirwa mu buryo butandukanye aho bamwe bemeranya nawe abandi bakamuhakanya bivuye inyuma cyane ko bavuga ko Meddy na The Ben batangiye umuziki imbere ya Bruce Melodie, ko bakabaye batagereranywa n’umuhanzi ugifite amaraso mashya.

Super Manager yahakanye ibyo gutabwa muri yombi no gufungishwa  ishijo

Super Manager yaganirije itangazamakuru nyuma yo kuvugwa ko yatawe muri yombi

Reba ikiganiro twagiranye na Super Manager

“>

Ni amahugurwa yatangiye kuri uyu Mbere tariki ya 8 Mutarama 2024 mu Ishuri ry’amahugurwa rya Polisi (PTS) i Gishari mu Karere ka Rwamagana.

Atangizwa aya mahugurwa ku mugaragaro, Umuyobozi w’iri shuri, Commissioner of Police (CP) Robert Niyonshuti mu izina ry’Umuyobozi Mukuru wa Polisi y’u Rwanda, Umuyobozi w’iri shuri, CP Niyonshuti yibukije abapolisi batoranyirijwe kuyitabira umusaruro bitezweho.

Yagize ati : 'Mbere yo koherezwa mu butumwa bw’amahoro, ni ngombwa ko abapolisi baba bujuje ibisabwa bijyanye n’akazi bagiyemo, birimo ubumenyi bujyanye n’imikorere ya kinyamwuga, ubumenyi mu ndimi, kumasha, imirongo migari ku mikorere ya Polisi mu butumwa bw’Umuryango w’Abibumbye n’ibindi.

Kugira ngo bigerweho, hateguwe aya mahugurwa mu rwego rwo kongerera ubumenyi n’ubushobozi abapolisikazi bizabafasha gukora akazi kabo neza igihe bazaba boherejwe mu butumwa bw’amahoro harimo no gukuraho imbogamizi zikigaragara mu bijyanye n’ihame ry’uburinganire n’ubwuzuzanye.'

Yagaragaje ko uruhare rw’abagore mu bikorwa byo kubungabunga amahoro ari ingenzi mu kurushaho gushyikira ibyemezo bifatwa mu guharanira amahoro n’umutekano mu bihugu nyuma y’amakimbirane.

Ati : 'Amakimbirane agira ingaruka mbi ku buzima no ku burenganzira bw’abagore n’abakobwa mu bijyanye n’uburezi kimwe n’imibereho y’umuryango muri rusange.

Ihohoterwa rikorerwa abagore ririyongera mu gihe cy’amakimbirane, aho gufata ku ngufu abagore n’abakobwa byakunze gukoreshwa nk’intwaro y’intambara mu guhungabanya imibanire y’abantu n’imiryango, ari nayo mpamvu hakenewe uruhare rw’abagore mu butumwa bwo kubungabunga amahoro mu guhangana n’iki kibazo.'

Yashimiye abarimu bazatanga aya mahugurwa, asaba abayitabiriye kuzayakurikira neza barangwa na disipulini, ashimira n’ubuyobozi bwa Polisi y’u Rwanda budahwema gutera inkunga ishuri irifasha mu gutegura neza amahugurwa atandukanye aritangirwamo.

U Rwanda ruza ku mwanya wa mbere mu kohereza umubare munini w’abapolisi batanga umusanzu mu butumwa bwo kubungabunga amahoro hirya no hino ku Isi, haba mu bagabo no mu bagore, aho kuri ubu rufite abagera ku 1,138 barimo abapolisikazi basaga 290.