Webrwanda Backend

Author: webrwanda

  • Hateguwe amarushanwa yigisoro – #rwanda #RwOT

    Ni irushanwa ryateguwe  na Empire Bar &  Resto iherereye i Gikondo mu Mujyi wa Kigali ahazwi nka Karugira.

    Niyoyita Abdallah ukoresha amazina ya Maitre Mugoyi, usanzwe ari umuyobozi muri aka kabari, yabwiye InyaRwanda ko batekereje aya marushanwa bashaka kongera kwibutsa abantu umuco wo hambere wo gukina igisoro.

    Ati 'Igisoro gisanzwe kiri mu bintu byakundwaga cyane mu Rwanda rwo hambere twashatse kugira ngo abagikunda, bahure basabana bishimane. Ntabwo ari igisoro gusa kuko n'abazi gukina Damu nabo tutabibagiwe nabo bashyiriweho irushanwa ryabo.''

    Yavuze ko iri rushanwa ry'igisoro na Damu bateguye riteganyijwe muri Gashyantare 2024.  Abifuza kwitabira amarushanwa bagana aho Empire bar & Resto ikorera, Gikondo Karugira ku muhanda KK711St  bakiyandikisha  ku 2000 Frw gusa.

    Ngo abakinnyi bazashyirwa mu matsinda, imikino ya mbere izatangira ku itariki 01 Gashyantare 2024. Umukinnyi  uzahiga abandi azahembwa amafaranga kugeza ubu ataratangazwa gusa uyu muyobozi yemeza azaba ashimishije.

    Igisoro ni umwe mu mikino yahangiwe mu Rwanda nk'uko bigaragara mu gitaramo  'Intwari z'Imbanza, zubatse u Rwanda rugahamya igitinyiro' cyanditswe n'Umusizi Nsanzabera Jean de Dieu, inzobere mu muco, amateka, ubuvanganzo, umurage n'intekerezo z'i Rwanda.

    Nk' uko icyo gitabo kibidutekerereza, inkomoko y'uwo mukino, tuyikura ku mwami Ruganzu II Ndoli , watwaye u Rwanda mu hasaga mu wa 1510-1543. Umwami uzwiho ubuhangange buhanitse mu guhanga ibikungahaye ubwenge n'ubumuntu kandi akabigeraho abyikesha.

    Ruganzu Ndoli, yagize ubugenge n'ubuhanga ku ngoma ye, ndetse niwe wahanze  umukino w'Igisoro mu mateka y'u Rwanda, ukunzwe na benshi mu gihugu cy'u Rwanda. Kubera ko yagiraga ibitekerezo binyaruka, byatumaga ahora atekereza ibihangano byafasha Abanyarwanda, cyane cyane ingabo z'igihugu, guhora ziyungura ibitekerezo binyarutse no kubaremamo umutima w'intsinzi z'ibihe byose.

    Umukino w'igisoro yawuhanze ubwo yari akataje ku rugamba wo guhangana n'amahanga mu mushinga wo kwagura u Rwanda.

    Hateguwe umukino w’igisoro usanzwe uzwi mu muco nyarwanda Maitre Mugoyi usanzwe ari Umuyobozi wa Empire Bar & Resto yateguye iri rushanwa yavuze ko bashaka gushyira igorora abakunda igisoro 

     Muri Empire Bar & Resto hazabera iri rushanwa haherereye i Gikondo ahitwa Karugira 

    Source : https://inyarwanda.com/inkuru/138413/hateguwe-amarushanwa-yigisoro-138413.html

  • Tyla,Rema na Wizkid bakoze inyabutatu y’amate… – #rwanda #RwOT

    Umuhanzikazi Tyla Laura Seethal wamenyekanye cyane ku izina rya Tyla, akomeje guca uduhigo tunyuranye hirya no hino ku Isi, abikesha indirimbo yashyize ahagaragara mu mwaka ushize yise 'Water.'

    Nk'uko yagiye abyivugira mu biganiro yakoze nyuma y'ibirori bya Trace Awards byabereye mu Rwanda, Tyla w'imyaka 21 y'amavuko, yavuze ko iyi ndirimbo yarushijeho gukwirakwizwa ku mbuga nkoranyambaga nyuma y'uko ayirirmbiye i Kigali akayibyina yisuka amazi mu mugongo.

    Na nyuma y'uko uyu muhanzikazi asubiranyemo iyi ndirimbo na Travis Scott, yakomeje gukundwa cyane ku Isi yose. Kuri ubu, 'Water' isubiyemo yamaze kugera ku mwanya wa 7 ku rutonde rwa Billboard Hot 100.

    Iyi ndirimbo iri ku mwanya wa 7, yiyongereye ku yindi yitwa 'Calm Down' ya Rema nayo yakunzwe n'abatari bake iri ku mwanya wa 3 ndetse na 'Essence' ya Wizkid ziri mu myanya 10 ya mbere.

    Uyu muhanzikazi yanditse amateka nk'umuhanzi w'igitsina gore wa mbere ukomoka muri Afurika uri mu bayoboye  uru rutonde.

    Indirimbo 'Water' ya Tyla iri mu marushanwa yo kwegukana igihembo cya Best African Performance muri Grammy Awards 2024, kuko iri mu ndirimbo zikomeje gucuruza neza ku isoko ry'umuziki.

    Uretse iyi ndirimbo yakwirakwije cyane ku mbuga nkoranyambaga ziganjemo TikTok, uyu muhanzikazi ukiri muto afite izindi ndirimbo zirimo 'Truth or Dare' na 'Butterflies' ndetse aritegura no gushyira hanze album ye ya mbere muri uyu mwaka, tariki 01 Werurwe.


    Indirimbo ‘Water’ ya Tayla ikomeje guca uduhigo



    Uyu mukobwa w’imyaka 21 akomeje guca uduhigo ku rwego mpuzamahanga


    “>Reba hano indirimbo ‘Water’ yasubiranyemo na Travis Scott

    “>

    Source : https://inyarwanda.com/inkuru/138407/tylarema-na-wizkid-bakoze-inyabutatu-yamateka-mu-muziki-wa-afurika-138407.html

  • Congo Kinshasa na yo yigaramye nk’ibyo u Rwanda ruherutse gutera utwatsi #rwanda #RwOT

    Ni nyuma y’uko Guverinoma y’u Rwanda na yo yamaganye amakuru nk’aya yari yatangajwe mu cyumweru gishize, aho yari yatangawe mu binyamakuru birimo icyo muri Israel.

    Mu cyumweru gishize kandi ikinyamakuru Times of Israel cyavuze ko leta ya Israel yari mu biganiro by’ibanga na Congo Brazaville kugira ngo yakire ibihumbi by’impunzi za Gaza.

    Umuvugizi wa leta ya Congo Brazaville akaba na Minisitiri w’itumanaho Thierry Moungalla, mu butumwa yanyujije kuri X, yahakanye aya makuru, avuga ko Leta y’Igihugu cyabo nta biganiro iri kugirana na Israel.

    Nanone kandi bimwe mu ibinyamakuru byari byatangaje ko Israel yaba yaregereye na Congo Kinshasa n’u Rwanda, mu mpera z’icyumweru gishize.

    Umuvugizi wa Guverinoma ya Repubulika Iharanira Demokarasi ya Congo, Patrick Muyaya na we yahakanye iby’aya makuru.

    Yagize ati 'Bitandukanye n’ibivugwa na bimwe mu bitangazamakuru, nta biganiro ibyo aribyo byose byigeze bibaho hagati ya Leta yacu na Leta ya Israel byo kwakira impunzi z’Abanya-Palestina ku butaka bwa Congo.'

    UKWEZI.RW

    Source : http://www.ukwezi.rw/Mu-mahanga/article/Congo-Kinshasa-na-yo-yigaramye-nk-ibyo-u-Rwanda-ruherutse-gutera-utwatsi

  • Umugore w’Umugaba Mukuru wa RDF yifatiye ku gahanga abahimbye ikinyoma ko yahunze u Rwanda #rwanda #RwOT

    Ku mbuga nkoranyambaga, haherutse gukwirakwizwa ibihuha byatangajwe n’abiyita ko batavuga rumwe n’ubutegetsi bw’u Rwanda, ngo ko Solange Kamuzinzi Mubarakh yahunze u Rwanda nyamara umugabo we ari Umugaba Mukuru wa RDF.

    Aba batavuga rumwe n’ubutegetsi bakunze kuvuga ko mu Rwanda hadatekanye ndetse ko n’imibereho imeze nabi, ndetse ko ari byo byatumye umugore wa Gen Mubarakh Muganga ahungira muri Leta Zunze Ubumwe za America, ngo ubu akaba ari mu nzira zo gusaba ibyangombwa by’ubuhungiro.

    Solange Kamuzinzi Mubarakh, mu butumwa yanyujije kuri yamaganye aya makuru, ndetse avuga ko na we byamutunguye kuba abantu bahimbye iki kinyoma.

    Yagize ati 'Ngo habaye iki amakuru numva mu mihanda ya Arizona ! Ngo nakoze iki ? Nahunze u Rwanda ?'

    Yakomeje agira ati 'Izo 'views’ mungurisha mumpeho icyacumi kabisa ! Sha iyo bababwira Never Again mwumva iki ?'

    Mu mvugo isa nko gutebya, Solange Kamuzinzi Mubarakh yakomeje agira ati 'Mujye mwohereza icyacumi mu Rwanda, murarugurisha ni rwo rubatunze !'

    UKWEZI.RW

    Source : http://www.ukwezi.rw/Mu-rwanda/article/Umugore-w-Umugaba-Mukuru-wa-RDF-yifatiye-ku-gahanga-abahimbye-ikinyoma-ko-yahunze-u-Rwanda

  • Nyarugenge : Umugabo w’imyaka 53 ari mu maboko ya RIB akekwaho gusambanya umwana w’imyaka 10 #rwanda #RwOT

    Ni icyaha cyabaye tariki 05 Mutarama 2024, mu Mudugudu wa Nyiranuma mu Kagari ka Biryogo mu Murenge wa Nyarugenge.

    Urwego rw’Igihugu rw’Ubugenzacyaha rwemeye ko rwataye muri yombi uwo mugabo w’imyaka 53 ukekwaho gusambanya umwana yakabereye umwuzukuru dore ko amurusha imyaka 43.

    RIB yatangaje ko uyu mugabo afungiye kuri Sitasiyo yarwo ya Nyarugenge, kugira ngo hakorwe dosiye ishyikirizwe Ubushinjacyaha, na bwo buzaregere Urukiko uyu mugabo.

    Uyu mugabo aramutse ahamwe n’icyaha akurikiranyweho, yahanishwa gufungwa gungungwa burundu nk’uko biteganywa n’ingingo ya 4 y’itegeko Nº 69/2019 ryo ku wa 08/11/2019 rihindura Itegeko nº 68/2018 ryo ku wa 30/08/2018 riteganya ibyaha n’ibihano muri rusange, aho igika kirebana n’uyu mugabo, kigira kiti 'Iyo umuntu mukuru asambanyije umwana uri munsi y’imyaka cumi n’ine (14), igihano kiba igifungo cya burundu kidashobora kugabanywa kubera impamvu nyoroshyacyaha.'

    UKWEZI.RW

    Source : http://www.ukwezi.rw/Mu-rwanda/article/Nyarugenge-Umugabo-w-imyaka-53-ari-mu-maboko-ya-RIB-akekwaho-gusambanya-umwana-w-imyaka-10

  • Rayon sports yatandukanye n’umutoza wayo – YEGOB #rwanda #RwOT

    Ikippe ya Rayon sports yatandukanye nuwari umutoza wayo wabazamu Samuel Mujabi  nyuma y,amezi  5 gusa ageze muri iyi kipe.

    Mu itangazo Rayon sports yashyize kumbuugankoranyambaga zayo yashimiye uyu mutoza igira iti '' uyu munsi Rayon Sports yatandukanye na Samuel Mujabi Kawalya wari umutoza w'abanyezamu. Warakoze ku mutahe wawe umutoza Sam. Amahirwe masa mu rugendo ruri imbere''.

    Uyu mutoza wanyuze mu makipe atandukanye nka Tooro united,Express, Gaddafi ndetse akaba n'umutoza w'ikipe y'igihugu ya Uganda yageze muri Rayon sports  mu kwezi kwa 7 ,2023 akaba yaratoje n'imikino yambere ya shampiyona y'u Rwanda.

    Source : https://yegob.rw/rayon-sports-yatandukanye-numutoza-wayo/

  • Agezweho: Umukinnyi mushya wa Rayon Sports yageze mu Rwanda yambaye nk’abahanzi -AMAFOTO – YEGOB #rwanda #RwOT

    Agezweho: Umukinnyi mushya wa Rayon Sports yageze mu Rwanda yambaye nk'abahanzi.

    Ikipe ya Rayon Sports nyuma yo kurekura umuzamu Hakizimana Adolphe yazanye umuzamu mushya w'umunya Senegal witwa Khadime Ndiaye w'imyaka 27 y'amavuko aho yamaze gusesekara i Kigali mu Rwanda akaba aje gusinyira ikipe ya Murera nk'uko byatangajwe n'ubuyobozi bw'iyi kipe ikunzwe cyane hano mu Rwanda.

    Amafoto y'umuzamu mushya wa Rayon Sports ushobora kuzagaragara ku mukino Murera ifitanye na Gasogi United muri shampiyona y'u Rwanda:

    Source : https://yegob.rw/agezweho-umukinnyi-mushya-wa-rayon-sports-yageze-mu-rwanda-yambaye-nkabahanzi-amafoto/

  • Pierra Makena yatigishije imbuga mu nkuru zu… – #rwanda #RwOT

    Tariki 11 Mata 1981 ni bwo Pierra Makena yabonye izuba ibi bivuze ko abura iminsi mbarwa akuzuza imyaka igera kuri 43.

    Uyu mugore w'umunya-Kenya wegukanye ibihembo bitandukanye harimo n’icyo yaherewe muri Los Angeles arimo aragarukwaho cyane.

    Bikaba ari nyuma y'uko bimenyekanye ko afitanye umubano wihariye na Phil umusore w'imyaka 23 usanzwe ari MakeUp Artist (Asiga ibirungo abantu batandukanye).

    Pierra Makena abinyujije ku mbuga nkoranyambaga ze akurikirwaho n’abagera kuri Miliyoni, yasabye abantu gutwara ibintu buhoro  bakareka guhimba inkuru.

    Ibi yabivuze agira ati'Ndabasabye mugende gake, mushobora kushyira mu bibazo. Icyo nababwira ni uko muri kumpa ibitekerezo byo kuba natangira gukundana n'abasore bato.'

    Pierra Makena ari mu bari n’abategarugori bihagazeho mu myidagaduro mu Karere

    Kuzamuka kw’iyi nkuru bikaba byaraje nyuma y'uko uyu mugore agaragaye ari kumwe n'uyu musore bisa nk’aho banakoze ubukwe bitewe n'imyambaro bari bambaye.

    Pierra Makena yagaragaje ko abantu mbere yo kuvuga bakagiye babanza gucukumbura cyangwa bakabaza na banyirubwite.

    Uyu mugore yize ibirebana n'itangazamakuru, yinjiye mu ruganda rw'imyidagaduro mu mwaka wa 2010, yakoreye ibitangazamakuru bikomeye muri Kenya.

    Ari mu bari n'abategarugori bihagazeho mu myidagaduro y'Akarere cyane ko ahuza imyuga irenga umwe kandi igezweho byumwihariko byagera mu buryo avanga umuziki bikaba ibindi.

    Mu 2014 ari mu bahataniye ibihembo bya Ghana Movies Awards mu gihe mu 2015 yegukanye Best Supporting Actress mu bihembo byatangiwe muri Leta Zunze Ubumwe za Amerika.

    Afite umwana umwe w'umukobwa yabyaranye n'umugabo wa mushenguye umutima asezerana n’undi mu gihe uyu mugore yari atwite ageze mu mezi atanu.

    Iyi foto ni yo yazamuye inkuru z’urukundo rw’aba bombi ubu akaba ribwo Makena agize icyo abivugahoMakena wamamaye muri filimi n’umuziki afite umwana umwe w’umukobwa Makena amaze igihe kitari gito mu myidagaduro yagiye yibikaho ibikombe bitandukanye

    Source : https://inyarwanda.com/inkuru/138397/pierra-makena-yatigishije-imbuga-mu-nkuru-zurukundo-numusore-arusha-imyaka-20-138397.html

  • Ntabwo imyaka ye iri kwemerwa! Wilfried w’imy… – #rwanda #RwOT

    Mu gihe habura iminsi 5 gusa kugira ngo imikino y’igikombe cy’Afurika gitangire, ibikomeje kwibazwaho ni byinshi, harimo n’ihamagarwa rya Wilfried Nathan Douala mu bakinnyi 27 Cameroon izitabaza muri iyi mikino. Uyu musore afite imyaka 17 akaba akina mu kibuga hagati mu ikipe y’iwabo ya Victoria United.

    Uyu musore wabonye izuba muri Gicurasi 2006 ntabwo abantu benshi bari kuvuga rumwe n’amafoto ye yagiye hanze kuko abenshi bavuga ko iyo myaka ayirengeje, gusa ibyangombwa bikabanyomoza.

    Ubwo hifashishwaga ifoto ya Wilfred mu 2015 ubwo yari afite imyaka 9 bigaragara ko ikigero yarimo mu gihagararo n’isura bihura n’imyaka ye.

    Ntabwo ari iyo foto gusa yifashishijwe kuko hagiye hanze n’ifoto ya Wilfred Nathan na Carlos Baleba mu 2022. Carlos Baleba ubu akinira ikipe ya Brighton mu Bwongereza.

    Abenshi ntabwo bemera ko isura ya Wilfried ijyanye n’imyaka 17 y’amavuko 

    Ifoto ya Wilfried Nathan mu 2015 ubwo yari afite imyaka 9 

    Uyu ubanza ni Carlos Baleba uhera hirya akaba Wilfried. Hano byari mu 2022 ubwo Carlos yari afite imyaka 18 naho Wilfried afite imyaka 16 

    Abakinnyi ikipe y’igihugu ya Cameroon izifashisha muri iyi mikino y’igikombe cy’Afurika

    Source : https://inyarwanda.com/inkuru/138393/ntabwo-imyaka-ye-iri-kwemerwa-wilfried-wimyaka-17-yaciye-igikuba-mu-gikombe-cyafurika-138393.html

  • Byahinduye isura mu matora yirushanwa rya Ka… – #rwanda #RwOT

    Ni amarushanwa yatangijwe hagamijwe gukomeza guteza imbere abakora umwuga wo gusubiramo indirimbo z'abandi mu tubari, amahoteli no bindi bikorwa bihuza abantu byinshi.

    Iri rushanwa rikaba rizatanga ibihembo birimo Miliyoni 2Frw kuri Karaoke Queen na Miliyoni 2Frw kuri Karaoke King, hatanagwe Miliyoni imwe ku muntu uzaba yarahize abandi mu gikundiro [People's Choice].

    Akanama Nkempuramaka k'iri rushanwa ryateguwe na Alaphat Entetainment ya Nkuramuruge Alaphat kagiye kagaragaramo ibyamamare bitandukanye birimo Young Grace, Shaffy n'abandi.

    Kugeza ubu abari imbere mu majwi bakaba ari Ireme ufite amajwi 1579, Delicious 1007, Christella 504, Hyguette 444 na Melodie Jazz.

    Mu kiganiro InyaRwanda iherutse kugirana n'ubuyobozi bwa kompanyi yateguye iki gikorwa, bwavuze ko uretse ibikorwa by'amatora bwagize umwanya wo kwitegereza no kureba uko baririmba.

    Butanga urugero rw’abo bwabonye ko uretse kuririmba, banafite ubuhanga mu buryo bitwaramo bituma abantu barushaho kunyurwa n’ibyo bakora icyo gihe  ubuyobozi bwatanze  urugero rwa Muriro, Christella, Bijou, Gaju na Fiston Rich. 

    Kanda hano ubashe guhesha amahirwe abahatanye mu irushanwa rya Karaoke Queen&King

    Abaririmba bagize umwanya wo kwiyerekana imbere y’Akanama Nkempuramaka mu bikorwa byagiye byitabirwa n’ibyamamare binyuranye

    Alaphat aheruka gutangaza ko igikorwa bateguye kiri kugenda nk’uko babyifuzaga kandi babonye ko cyaziye igihe

    Byari ibyishimo bikomeye ku baririmbyi ba Karaoke n’abafana babo mu bice bitandukanye bimaze kuba muri Karaoke Queen&King

    Gutora wabikora unyuze hano ugashesha amahirwe kuri Karaoke Queen&King

    Source : https://inyarwanda.com/inkuru/138401/ibintu-byahinduye-isura-mu-matora-yirushanwa-rya-karaoke-agiye-gushyirwaho-akadomo-138401.html