Author: webrwanda

Uru rubanza rwabereye mu ruhame ahabere iki cyaha kuri uyu wa Kabiri tariki 09 Mutarama 2024 mu Kagari ka Cyerwa mu Murenge wa Gashanda.

Uyu mugabo witwa Uwizeye Amuri akurikiranyweho icyaha cy’ubwicanyi buturutse ku bushake cyakozwe mu ijoro ryo ku ya 16 Ukuboza 2023 nk’uko byatangajwe n’Ubushinjacyaha ubwo yaburanaga mu nteko y’abaturage yo kuri uyu wa Kabiri aho icyaha cyabereye.

Ubushinjacyaha burega uyu mugabo bwavuze ko muri rya joro, Uwizeye yakubise umubiri wose w’umugore we witwa Mukamugema Annociata, akoresheje inkoni ndetse ngo arangije aramuniga kugeza amwishe.

Bwavuze ko ngo yabitewe no kumufuhira cyane ndetse n’ubusinzi bikaba ari ibikorwa bigize icyaha cyo kwica umuntu ku bushake, biteganywa kandi bigahanishwa ingingo ya 107 y’itegeko no 68/2018 ryo ku wa 30/08/2018 riteganya ibyaha n’ibihano muri rusange.

Ubushinjacyaha bwagaragaje ibimenyetso bushingiraho burega uyu mugabo kwica umugore we birimo kuba akimara gukora icyaha yarahunze(yarabuze) ahungira mu rufunzo ruri mu murenge wa Sake hanyuma inzara imwishe avamo abaturage baramufata ashyikirizwa Ubugenzacyaha n’ibindi.

Bwamusabiye igihano cyo gufungwa burundu naramuka ahamwe n’icyaha ndetse n’impozamarira ku muryango w’umugore we yishe, Mukamugema Annociata.

Uwizeye Amuri yahawe umwanya wo kwiregura, yemera ko yishe umugore we bivuye ngo ku nkoni ashobora kuba yaramukubise bikaba intandaro y’urupfu.

Perezidante w’Urukiko Rwisumbuye rwa Ngoma yahaye umwanya Ubushinjacyaha buvuga ko uyu mugabo arimo ashaka kuvuga ko inkoni yakubise umugore we apfa mu rwego rwo kujijisha no gushaka guhindura inyito y’icyaha kikaba gukubita no gukomeretsa byavuriyemo umuntu gupfa. Bwavuze ko yamwishe abishaka.
Isomwa ry’urubanza riteganyijwe ku wa 16 Mutarama 2024 saa munani zuzuye z’amanywa.

Ni nyuma y’uko Komisiyo y’Igihugu y’amategeko muri Congo, itangaje ibyavuye mu matora y’Umukuru w’Igihugu yabaye tariki 20 Ukuboza 2023, bigaragaza ko Tshiekedi yatsinze ku majwi 73%, aho akurikirwa na Moise Katumbi wagize amajwi 18%.

Kuri uyu wa Kabiri tariki 09 Mutarama 2024, Urukiko rushinzwe kurinda Itegeko Nshinga Congo Kinshasa, rwemeje ibi byatangajwe na Komisiyo y’Igihugu y’amatora.

Ibi biteganywa n’itegeko muri Repubulika Iharanira Demokarasi ya Congo, aho nyuma y’uko hasohotse ibyavuye mu matora, hagomba gukurikiraho kwemezwa n’Urukiko rw’Ikirenga, mbere y’uko uwatsinze arahirira kuyobora Igihugu.

Ni mu gihe bamwe mu bahanganye na Tshisekedi, barimo Moise Katumbi wamukurikiye mu majwi ndetse na Martin Fayulu wagize amajwi 5% ndetse akaza ku mwanya ya gatatu, bo batemera ibyavuye mu matora, bagasaba ko biseswa hakaba anadi.

Moise Katumbi we kuva kuri uyu wa Mbere hatangajwe amakuru ko afungiye iwe, nyuma yo kugotwa n’igisirikare cya Congo, cyitwaje intwaro za rutura.

UKWEZI.RW

Umunya-Cameroun ukina asatira anyuze ku ruhande ndetse akaba yanakina inyuma ya ba rutahizamu, Sanda Soulei wari mu igeragezwa muri APR FC yararitsinze akaba agiye guhabwa amasezerano.

Uyu mukinnyi yazanye na bagenzi be batatu, Abdourame Alioum, Kada Moussa na Aboubacar Moussa.

Uko ari bane bajyanye n’iyi kipe mu irushanwa rya Mapinduzi Cup rimaze iminsi ribera muri Zanzibar kugeragerezwayo.

Amakuru aturuka muri Zanzibar avuga ko uyu mukinnyi Sanda Soulei wagiye mu kibuga asimbura ku mukino wa JKU, agakina uwa Simba SC, agatsinda igitego kimwe muri 3 APR FC yatsinze Yanga, ubuyobozi bwa APR FC n’umutoza bashimye imyitwarire.

Sanda Soulei waraye yinjiye mu kibuga asimbura ku mukino wa 1/2 cya Mapinduzi Cup, APR FC yasezerewemo na Mlandege bivugwa ko agomba guhabwa amasezerano y’imyaka 2.

Amakuru ISIMBI yamenye ni uko aba bakinnyi bandi APR FC itanyuzwe n’urwego rwa bo ariko na none ishobora kubasinyisha ikabatiza mu yandi makipe.

Muri iyi kipe kandi y’Ingabo z’igihugu, amakuru avuga ko ejobundi ku wa Mbere yakiriye rutahizamu mushya uje kongera imbaraga mu busatirizi bw’iyi kipe aho byari binitezwe ko iyo igera ku mukino wa nyuma yari kuwugaragaraho.

Mu mpera z’umwaka wa 2023, abahanzi benshi batandukanye bagiye batangaza album bazasohora muri 2024, abandi nabo batangaza ko bagiye gusohora ibihangano bishya nyuma y’igihe batagaragara mu muziki. Billboard yatangaje ko umwaka wa 2024 ushobora kuba uw’amateka mu muziki bitewe n’abahanzi b’ibyamamare bawuhagurikiye n’ibikorwa bishya.

Abahanzi bakomeye barimo Kanye West, Usher, Shakira, Dua Lipa, Ariana Grande bari mu ba mbere batangaje ko bazasohora imizingo mishya mu 2024.

 Abarimo Rihanna, Frank Ocean, Mariah Carey nabo baravugwaho kuba bitezweho kuzamurika imizingo mishya ku buryo butunguranye.

Dore urutonde rw’imizingo (Albums) 10 y’abahanzi b’ibyamamare yitezwe gusohoka muri uyu mwaka:

1. Kanye West

Ku ikubitiro hari umuraperi w’icyamamare Kanye West Ye ugiye gusohora album nshya yahuriyeho n’umuhanzi Ty Dolla Sign bise ‘Vultures’. Iyi album yagombaga gusohoka ku itariki 31 Ukoboza 2023, gusa barayihindura bayimurira ku itariki 12 Mutarama 2024.

2. Usher

Umuhanzi akaba n’umubyinnyi kabuhariwe Usher Raymond witezweho gukora igitaramo cy’amateka cya ‘Super Bowl Half Time Show’ muri Gashyantare, ni nako kwezi azamurikamo album ye ya cyenda yise ‘Coming Home’ izaba igizwe n’indirimbo 20.

3. Kid Cudi

Umuraperi uzwiho ubuhanga bwo kwandikira indirimbo abandi bahanzi, Kid Cudi, nawe agiye kumurika album nshya yise ‘Insano’ izasohoka ku itariki 12 Mutarama. Izaba iriho indirimbo 16 harimo izo yakoranye n’abaraperi barimo Young Thug, Travis Scott hamwe na Wiz Khalifa.

4. Zara Larsson

Umuhanzikazi Zara Larsson ukomoka muri Sweden watangiye kwamamara mu 2017 ubo yasohoraga indirimbo ye yise ‘Lush Life’, agiye kumurika Album nshya ya Gatatu yise ‘Venus’ azasohora ku itariki 9 Werurwe 2024. Iyi agiye kuyisohora nyuma yo gushinga inzu ifasha abahanzi yise ‘Sommer House Music’.

5. Jennifer Lopez

Icyamamarekazi mu muziki, Jennifer Lopez, wari umaze igihe kinini adasohora ibihangano bishya, agiye gusohora album ya munani yise ‘This Isi Me…Now’ izajya hanze ku itariki 16 Gashyantare 2024.

6. Dua Lipa

Umwongerezakazi Dua Lipa wanyuze imitima ya benshi abinyujije mu ndirimbo ze nka ‘New Rule’, ‘IDGAF’, ‘No Lie’ n’izindi, yateguje abafana be ko agiye kumurika album yise ‘TBA’ gusa ntiyatangaza itariki izasohokeraho. Yanabahaye umusongongero asohora indirimbo yise ‘Houdini’ izaba iri kuri uyu muzingo we muhya.

7. Tyla

Umuhanzikazi Tyla ukiri muto umaze kwamamara ku rwego mpuzamahanga binyuze mu ndirimbo ye ‘Water’ yabaye isereri mu mitwe ya benshi. Uyu mukobwa ukomoka muri Afrika y’Epfo agiye kumurika album ya mbere yise ‘Tyla’ izasohoka ku itariki 1 Werurwe 2024.

8. Taylor Swift

Umuhanzikazi w’icyamamare Taylor Swift wahiriwe n’umwaka wa 2023 aho ariwe muhanzikazi ku Isi winjije amafaranga menshi bikamugira ‘Umumiliyarideli’ abikesha ibitaramo bizenguruka Isi yise ‘The Eras Tour’. Ubu yamaze guteguza abakunzi be album nshya yise ‘Reputation’ ataratangaza igihe izasohokera.

9. SZA

Umuhanzikazi SZA uri mu bakomeye mu njyana ya R&B, unafite ibihembo bikomeye birimo n’icya Grammy Awards, aritegura kumurika album nshya yise ‘Lana’ izaba igizwe n’indirimbo 10. Nubwo ataratangaza itariki nyayo azayisohoreraho, yavuze ko izasohoka muri Nzeri uyu mwaka.

10. Sherly Crow

Umuhanzikazi w’icyamamare mu njyana ya ‘Country Music’, agiye gusohora album nshya yise ‘Big Machine’ izasohoka ku itariki 29 Werurwe 2024. Iyi album kandi izaba igizwe n’indirimbo 13 yatunganyijwe na kabuhariwe mu gukora indirimbo Dr.Dre.

Izi nizo album 10 zitezwe gusohoka muri uyu mwaka byumwihariko inyinshi muri zo zizasohoka mu mezi 6 ya mbere ya 2024.

Si izi zonyine kuko abandi bahanzi nka Ariana Grande, Selena Gomez, Lil Nas X, Camila Cabello na J.Balvin bari mu bateguje albums nshya uyu mwaka gusa ntibatangaza igihe nyacyo bazazisohoreraho.

InyaRwanda yakusanyije indirimbo 15 muri uyu mwaka zizaba zimaze imyaka 10 zigiye hanze. Ndetse ni indirimbo benshi bagiye bakunda twabonye byaba byiza twongeye kuzibibutsa.

 

1.     'Aye' –  Davido

Iyi ndirimbo ni imwe mu zamenyekanishije umuhanzi w'umunya-Nigeria,David Adedeji Adeleke OON wamamaye nka Davido.

Ni imwe mu zamenyekanishije uyu muhanzi. Iyi ndirimbo muri Gashyantare uyu mwaka izaba yujuje imyaka 10  igiye hanze. Imaze kurebwa na Miliyoni zirenga 79 ku rubuga rwa Youtube.

 

2.     'Ojuelegba' –  Wizkid

 

Iyi ni imwe mu ndirimbo za Wizkid zamamaye cyane mu myaka icyenda ishize. Iyi nayo iri mu ndirimbo zizaba zuzuza imyaka 10 mu minsi iri imbere. Ni imwe mu ze zakunzwe cyane.

 

 

3.     'Dorobucci'  –  Don Jazzy, Tiwa Savage, Dr SID, D’Prince, Reekado Banks, Korede Bello na Di’Ja bose babarizwaga muri Mavins  Records

 

Iyi ndirimbo yahuriyemo abahanzi batandukanye bakomeye babarizwaga muri label ya Mavins Records ya Don Jazzy uri mu bahanzi b’abanyemari bakomeye bafasha abahanzi mu muziki. Muri Nyakanga nibwo izaba imaze imyaka 10 igiye hanze.

 

 

4.     'Johnny ' – Yemi Alade

Muri werurwe 2014 nibwo iyi ndirimbo yagiye hanze, imaze kurebwa n'abarenga Miliyoni 160. Iri mu zamenyekanishije Yemi Alade mu muziki we muri Nigeria no hanze yayo.

 

 

5.     'Mama Africa''- Bracket

Iyi yo yagiye hanze muri Mutarama 2014. Ni imwe mu ndirimbo zamenyekanishije itsinda rya Bracket ku rwego rwo hejuru.

 

 

6.     'Shoki' – Lil Kesh ft. Davido, Olamide

Iyi ndirimbo yagiye hanze muri Nyakanga 2014. Ni imwe mu zamenyakanye zahuje aba bahanzi uko ari batatu muri Nigeria no hanze yayo.

 

 

7.     'Sekem' — McGalaxy

McGalaxy ntabwo ari umuhanzi wakunze gukora indirimbo nyinshi zamenyekanye ariko muri nke yakoze, iyi ni imwe mu zakunzwe cyane kuva muri Kamena 2014 ubwo yajyaga hanze.

 

 

8.     'Adonai' – Sarkodie  ft. Castro

Ni indirimbo y'umuraperi w'Umunya-Ghana Sarkodie uri mu baraperi bakomeye muri Afurika.

Ni indirimbo yaririmbye nk'isengesho. Yagiye hanze muri Kamena 2014  bivuze ko nayo muri uyu mwaka izaba yujuje imyaka 10 igiye hanze.

 

 

9.     'Sura Yako' — Sauti Sol

Ni imwe mu ndirimbo zamenyekanye cyane mu z'abahanzi bo muri Afurika y'Iburasirazuba, ica igikuba muri Afurika yose. Sauti Sol yo muri Kenya yayishyize hanze muri Nzeri 2014.

 

 

10. 'Sitya Loss' — Eddy Kenzo

Iyi ndirimbo y'Umugande,Eddy Kenzo yagiye hanze muri Nzeri 2014. Ni indirimbo yakunzwe cyane ihesha uyu muhanzi ibihembo birimo icyo yahawe  mu bikomeye muri muzika bitangwa na Televiziyo ya BET(Black Entertainment Tv) ari naryo zina byahawe. Ibi bihembo byatanze tariki 28 Kamena 2015.

 

Eddy Kenzo wari mu cyiciro cyashyizweho n'abafana cya 'Viewer's Choice Best New International Artist' , ni we wegukanye igihembo ahigitse abahanzi nabo b'ibihangange.

 Yegukanye iki gihembo atsinze Cassper Nyovest(Afurika y'Epfo), Mz Vee (Ghana) na George The Poet, MIC Lowry , Novelist bo mu Bwongereza.

 

11.'Number One Remix' — Diamond Platnumz ft. Davido

 Ni indirimbo Umunya-Tanzania,Diamond Platnumz yasubiranyemo na na Davido wo muri Nigeria. Iyi ndirimbo yafunguye amayira ya Diamond ku rwego mpuzamahanga muri muzika.

 

 

12.'Mwana' — Ali Kiba

Ni indirimbo y'umunya-Tanzania Ali Kiba uri mu bahanzi bamaze igihe kinini bakora umuziki.

Iyi yamenyekanye cyane yagiye hanze ku wa 19 Ukuboza 2014. Mu mpera z'uyu mwaka izaba yujuje imyaka 10 imaze igiye hanze.

 

13.'Girlie ‘O’ (Remix)' — Patoraning ft. Tiwa Savage

 Ni imwe mu ndirimbo zamenyekanishije umuhanzi Patoranking na Tiwa Savage bose bo muri Nigeria. Iyi yakunzwe kuva mu 2014 yajya hanze ndetse na n'ubu iracyakunzwe.

 

 

14.Tchelete (Goodlife) – Davido ft. Mafikizolo

 Ni indirimbo yahuriyemo abahanzi Mafikizolo na Davido wabifashishije. Iyi ndirimbo iri mu zafashije Davido mu kwagura imbago ze mu muziki ku ruhando mpuzamahanga.

 

 

15.'Show You The Money' — Wizkid

 

Iyi ndirimbo ya Wizkid iri mu zakunzwe cyane ze. Kuva yajya hanze kugeza uyu munsi iracyanakunzwe ndetse iri mu zaharuye inzira y'umuziki wo muri Nigeria ku ruhando mpuzamahanga.

 

Wari umukino wa 1/2 APR FC yagezeho ariyo ihabwa amahirwe imbere ya Mlandege FC, ndetse ikaba imwe mu makipe yari asigaye mu irushanwa ihabwa amahirwe yo kuryegukana. Nk’irushanwa rimara iminsi APR FC yari mu itsinda rya kabiri yari kumwe na Simba SC ikipe bitayeho neza bakanganya ubusa ku busa.

Ntabwo ari ibyo gusa, kuko APR FC yaje gutsinda Yanga African ibitego 3-1 mu mukino wa 1/4 ibintu byaje gukanga abantu benshi barimo n’abaturage ba Zanzibar. Uyu munsi wazamuye ingingo yo kuvugaho kuko yaba umutoza wa Yanga African, yaba abafana ba Rayon Sports ndetse n’abakunzi b’umupira w’amaguru bavugaga ko APR FC yatsinze ikipe ya kabiri hafi ya gatatu ya Yanga African.

APR FC yari yitwaje abakinnyi bari mu igerageza ariko navuga ko bavuyeyo bidasobanutse neza 

Yego nibyo koko APR FC yanganyije na Simba SC itsinda Yanga African ariko aya makipe yose yari yakoresheje abakinnyi b’ikipe itari iya mbere. Ibi byagombaga kuba ibyishimo kuri APR FC kuko ihame rihari koko yari yatsinze ayo makipe, ariko yagombaga kwibuka ko ikipe itari iya mbere iba atari iya mbere.

Muri 1/2 aho urugendo rwa APR FC rwarangiriye, APR FC yahuye na Mlandege FC ifite iki gikombe.

Isomo APR FC yatahana

APR FC ikunze kuvuga ko ishaka kugera mu mikino y’amatsinda ya CAF Champion League cyangwa se CAF Confederation Cup ariko biragaragara ko urugendo rukiri rubisi.

Mlandege FC yari iwayo, abenshi bavuga ko abasifuzi bari ku ruhande rwayo 

Reka uyu mukino tuwubare nka CAF Champion League cyangwa CAF Confederation Cup. APR FC yari ifite abakinnyi bayo ndetse harimo n’abari mu igerageza. Yahuye na Mlandege FC ikoresha abakinnyi benshi b’abenegihugu, kuko yahuye na APR FC ifite abakinnyi 4 b’abanyamahanga bari mu igerageza ndetse harimo n’umunyarwanda waciye mu irerero rya APR FC. Ibi bigaragaza ko niyo izi kipe zahurira mu mikino nyafurika APR FC ititeguye gukuramo iyi kipe ndetse n’indi bisa.

Kuko APR FC mu myaka isaga 10 iheruka itararenga icyiciro cya gatatu cy’imikino Nyafurika, amanota ifite muri CAF ntabwo ayemerera ko yagera mu matsinda idahuye n’ikipe nibura imeze nka Pyramid FC iherutse kubakuramo harimo intera ndende.

Iri rushanwa APR FC yarikoresha nk’imikino ya CECAFA idaherutse kuba ikabona uko izindi kipe ishaka kujya ku rwego rumwe zikora, usibye irushanwa Mapinduzi Cup, Simba SC na Yanga African zubaha ubundi imikino ya CECAFA niyo yiswe ngo irabaye kubona aya makipe biragoye kuko no kohereza ikipe ya kabiri biba bigoye.

APR FC irimo kubaka ndetse yongera kwisanga mu bakinnyi b’abanyamahanga, ariko ni urugendo rutazafata imyaka itari munsi y’itatu kandi nabwo bikorwa kinyamwuga, ikaba ikipe ihanganira abakinnyi na Simba na Yanga African kugira ngo aho izahurira nazo cyangwa amakipe ameze nkazo izarusyeho. 

APR FC ishobora kudakina umwanya wa Gatatu igahita yitahira