Author: webrwanda

Imwe mu nkuru zikomeje kugarukwaho cyane mu Bwongereza, nizijyanye n’umubano utari mwiza uri hagati ya Prince Harry n’abo mu muryango w’ibwami, byumwihariko umuvandimwe we mukuru Price William bari kurebana nabi nyuma yo gusohora igitabo ‘Spare’ yamennyemo amabanga yabo.

Kuri ubu King Charles III uherutse kuvuga ko yifuza ko abahungu be biyunga, yagaragaje ko noneho yifuza ko Prince Harry yagaruka kuba i Bwami nk’uko byahoze mbere y’uko we n’umugore we Meghan Markle bahava.

Mu 2020 nibwo Prince Harry yeguye ku nshingano ze akajya gutura muri Amerika

Ubwo King Charles III w’Ubwongereza yitabiraga ibirori byo kwizihiza isabukuru y’imyaka 125 kaminuza ya University of East London’s Stratford yujuje, mu kiganira n’itangazamakuru yabajijwe niba hari ikizere ko umuryango we uzongera kwiyunga na Prince Harry.

Yasubije ati: ”Umuryango wacu uzahora ari umuryango nubwo hari ibyo tutabona kimwe”. Abajijwe kucyo atekereza ku kubyo Prince Harry yavuze muri filime ye kuri Netflix aho yavuze ko yavuye i Bwami bitewe n’uko umuryango we wafataga nabi Meghan Markle.

King Charles III yahishuye ko yifuza ko Prince Harry agaruka i bwami agasubirana inshingano ze

King Charles III yasubije ati: ”Nifuzako Harry yagaruka i Bwami niho iwabo, niho agomba kubarizwa. Ntekereza ko agarutse byadufasha gukosora amakosa yabayeho mbere”.

The Indipendent UK, yatangaje ko King Charles III yavuze ko yifuza ko Prince Harry agaruka i bwami, nyuma y’amezi 3 yarashize avuze ko yifuza kunga abahungu be nyuma yaho bombi banze guhura amaso ku maso.

Ibi abitangaje, mu gihe yaraherutse kuvuga ko ubwe azakora ibishoboka akunga abahungu be

InyaRwanda yaguteguriye urutonde rwa filime zitezweho kwigisha benshi no gutanga inyigisho kuri bamwe bazireba  umunsi ku wundi.

        1.The Forest 

“>

Filime The Forest yanditswe n'umukinnyi wa filime Soloba, umaze kumenyerwa muri filime za Killer Man. Iyi filime imaze iminsi mike igiye hanze ikurikiranwa n'abatari bake,ndetse ikinwe mu buryo butamenyerewe kuko yiganjemo ubwicanyi, ubugome bukabije budasanzwe buzwi muri filime zikinirwa mu Rwanda.

Abarimo Ngenzi, Miss Nyambo na Rufonsina bamamaye muri filime nyarwanda bakina muri iyi filime The Forest isa n'iteye ubwoba kubera ibikirwamo, ariko igatanga inyigisho ku banyarwanda. Igice cyayo cya 2 kimaze ibyumweru 3 kimaze kurebwa n'abagera ku bihumbi 516.

         2. My Heart 

“>

Filime ya 'My Heart' imwe mu zandikwa ndetse zigategurwa na Killer Man, igaruka ku rukundo, imibanire, ndetse n'ubuzima bwa buri munsi abantu babayeho. Iyi filime ikinamo abarimo Nsabi, Soloba, Killaman, Miss Nyambo n'abandi, kuva yashyirwa hanze benshi bayisamiye hejuru bayireba ari benshi.

Hari agace ka My Heart 209 kamaze kurebwa n'abagera ku bihumbi 107 mu minsi itatu gashyizwe hanze.

      3.Big Mind Comedy

“>

' Bigmind Comey' ihuza abanyarwenya batandukanye ndetse n'abakinnyi ba filime bakunzwe barimo na Rufonsina wamenyekanye mu Muturanyi Series , Mitsustsu, Nsabi n'abandi bakunzwe muri Sinema nyarwanda. Iyi filime ni imwe mu zikunzwe kandi zirebwa n'abantu benshi . Agace kayo ka 128 kamaze iminsi 10 kamaze kurebwa n'abagera ku bihumbi 119.

       4.Bamenya Series

“>

'Bamenya Series' ni imwe muri filime zikomeza kwitegwa no gukundwa bitewe n'uburyo itegurwa igakinwa na bamwe mu bakinnyi  batandukanye bakundwa, ibyo bigatuma irebwa cyane.

Iyi filime ikinamo Bamenya akaba na nyirayo, Kecapu, Chaffy,Lynda, Kanimba, Soleil n'anbandi, irebwa n'abantu benshi mu gihe gito.

Agace ka Bamenya Series S12 Ep 6 kamaze kurebwa n'abarenga ibihumbi 139 mu masaha 22.

     5.Impanga Series 

“>

Ni imwe muri filime za Bahavu Usanase Jeannette ndetse ayikinamo. Iyi filime ikinamo umukinnyi wa filime wamenyekanye nka Nkaka, Ozil n'abandi bakunzwe muri filime nyarwanda.

Iyi filime iri mu zo kwitegwa mu mwaka wa 2024 irebwa n'abatari bake, kuko  agace kayo kamaze kurebwa n'abagera ku bihumbi 191 mu minsi 11  kagiye hanze.

      6.Umuturanyi Series

“>

Filime Umuturanyi Series ya Clapton Kibonge, ni imwe mu zikunzwe , ariko igaruka mu zikomeje kwigarurira imitima ya benshi. Iyi filime ikinamo abarimo Rufonsina, Kibonge,Papa Idi n'abandi, iri kwinjiza benshi mu mwaka mushya wa 2024.

Kamwe mu duce tumaze gusohoka kamaze kurebwa n'abagera ku bihumbi 116 mu munsi umwe. Iyi filime igaruka ku buzima bwa buri munsi  n’imibanire y’abantu.

      7.Papa Sava

“>

Filime ya Nigitegeka Gratien wamenyekanye nka Papa Sava, Seburikoko n'andi mazina menshi, ihora iteye amatsiko benshi bayikurikira. Iyi filime ikinamo bamwe bamamaye muri filime nyarwanda nka Ndimbati, Madederi, Papa Sava, Digidigi n'abandi besnhi.

Kamwe mu duce twayo twashyizwe hanze harimo akamaze kurebwa n'abagera ku bihumbi 342 mu minsi cumi n'ibiri gusa kamaze kagiye hanze.

    8.Umwari Series

“>

Iyi filime irimo inyigisho zikomeye ikinamo abarimo Mama Sava, Rufonsina n'abandi batandukanye. Iyi filime ni imwe mu zo kwitegwa uyu mwaka kubera inyigisho zifasha benshi itanga. Hari kamwe mu duce tumaze gushyirwa hanze  kamaze kurebwa n’abagera ku bihumbi 32 mu munsi umwe gusa.

9.Shenge Series

“>

Iyi filime itamaze igihe kini ishyizwe ahagaragara, iri gutanga icyizere cyo gukundwa n’abatari bake mu mwaka mushya utangiye. Iyi filime ikinamo abarimo Killerman, Rufonsina n’abandi. Kamwe mu duce tumaze gushyirwa hanze k’iyi filime kamaze kurebwa n’ibihumbi 22 mu minsi irindwi.

     10.Umukazana mubi

“>

Filime Umukazana mubi ,itegurwa na Mukakamanzi Beatha wamenyekanye nka Mama Nick. Iyi filime igaruka ku buzima bw'umuryango n'imibanire,yitezweho guhindura benshi.

    

The Ben n’umugore we baherutse gukora ubukwe mu birori binogeye ijisho byitabiriwe n’imiryango n’inshuti.

Amakuru ahari, yemeza ko uyu muhanzi na Uwicyeza Pamella witabiriye irushanwa rya Miss Rwanda, buriye indege kuri uyu wa Gatatu, bakerecyeza mu Misiri aho bagiye kugirira ibihe byiza by’ukwezi kwa buki.

Mu guhitamo Misi, bombi babanje gutekereza ahantu heza bakorera Honney Moon, aho babanje gutekereza muri Zanzibar, ariko bikarangira bemeranyijwe mu Misiri ahasanzwe hari amateka agaragaza ibihe byo ha mbere.

Amakuru yatangajwe n’abazi amakuru y’uru rugo rushya, avuga ko The Ben n’umugore we bazava mu Misiri bakagaruka mu Rwanda by’igihe gito, ubundi bakahava berecyeza muri Leta Zunze Ubumwe za America, aho uyu muhanzi asanzwe atuye.

UKWEZI.RW

Rutahizamu wa APR FC usatira anyuze ku mpande, Apam Assongue Bemol azamara ukwezi n’igice hanze y’ikibuga kubera imvune.

Ni nyuma y’imvune yagiriye ku mukino wa kabiri w’itsinda B rya Mapinduzi Cup APR FC yatsinzemo JKU 3-1.

Hakiri kare nyuma y’igitego cya mbere Apam yaje kugira imvune ndetse ahita asohorwa mu kibuga.

Uyu mukinnyi ukomoka muri Cameroun uri mu mwaka we wa mbere muri APR FC akaba kubera iyi mvune agomba kumara hanze y’ikibuga hagati y’ibyumweru 4 na 6.

Apam Assongue Bemol wagowe no kubona umwanya wo gukina kubera ko umutoza Thierry Froger atamugiriye icyizere cyane, bivuze ko azagaruka mu kibuga mu Cyumweru gitaha.

Nyuma ya Apam ikaba yaravukinishije na rutahizamu wa yo, Victor Mboama yatumye adakina umukino wa 1/2 baraye batsinzwemo na Mlandege FC.

Muri iyi nkuru tugiye gutemberana muri izi sitade zizakira iyi mikino y’igikombe cy’Afurika kizaba gikinwa ku nshuro ya 34 guhera tariki 13 z’uku kwezi kuzageza tariki 11 z’Ukwezi kwa Kabiri..

Alassane Ouattara Stadium

Iyi Sitade izwi cyane ku izina rya the Olympic Stadium of Ebimpé, ifite ubushobozi bwo kwakira abantu ibihumbi 60 bicaye neza, ikaba yaratangiye kubakwa guhera muri 2016 kugeza muri 2020.

Iyi sitade yitiriwe Perezida w’Igihugu cya Cote D’Ivoire uriho kugeza ubu,Alassane Ouattara yubatse mu gace kahariwe ubucuruzi mu murwa mukuru wa Cote D’Ivoire, Abidjan ndetse ninayo izakira ibirori bifungura iri rushanwa ndetse n’ibisoza.

Alassane Ouattara Stadium ni imwe muri Sitade zubatswe mu buryo bugezweho ndetse yewe umuntu yavuga ko ariyo izaba iri hejuru muri iyi mikino. 

Ubwo habaga ibirori byo kuyitaha tariki 03 muri 2020 byitabiriwe n’abayobozi bo mu nzego zo hejuru muri Cote D’Ivoire ndetse hanakinirwaho umukino ukomeye wahuje Asec Mimosas na Africa Sports Abidjan, amakipe 2 akomeye muri iki gihugu.

Alassane Ouattara Stadium izakinirwaho imikino yo mu itsinda A,iya 1/8,1/4,1/2 n’umukino wa nyuma.

Felix Houphouet-Boigny Stadium

Felix Houphouet-Boigny Stadium iherereye mu murwa mukuru Abidjan ikaba yarubatswe mu 1952 ariko iza kuvugururwa hagati ya 2021 na 2023.

Kuri ubu iyi Sitade ifite ubushobozi bwo kwakira abantu ibihumbi 33 bicaye neza ariko mbere y’uko ivugururwa yakiraga abantu 29. Iyi Sitade nayo yitiriwe Felix Houphouet-Boigny wabaye Perezida wa mbere wa Cote D’Ivoire kuva mu 1960 kugeza mu 1993.

Felix Houphouet-Boigny Stadium ntabwo ari ubwa mbere izaba yakiriye imikino y’igikombe cy’Afurika kubera ko mu 1984 ubwo Cote D’Ivoire nabwo yayakiraga iri muri sitade ebyiri zakoreshejwe.

Izakira imikino yo mu itsinda B,iya 1/8, iya 1/4 ndetse n’uwo gushaka umwanya wa 3.

Peace Stadium 

Iyi sitade iherereye mu mujyi wa Bouake, ikaba yarubatswe mu 1983, ifite ubushobozi bwo kwakira abantu ibihumbi 25 ariko ikaba yaravuguruwe hagati ya 2019 na 2023 ishyirwa ku bushobozi bwo kwakira abagera ku bihumbi 40 bicaye neza.

Peace Stadium nayo ntabwo ari ubwa mbere igiye kwakira igikombe cy’Afurika kuko yarakoreshejwe mu 1984 ndetse ninayo yabereyeho umukino utazava mu mitwe ya benshi wa 1/2 aho ikipe y’igihugu ya Cameroon yasezereye Algeria kuri Penaliti 5-4 bikaza no kurangira ariyo itwaye igikombe n’ubundi igitwariye kuri iyi Sitade.

Peace Stadium izakira imikino yo mu itsinda D,iya 1/8,1/4 ndetse n’uwa 1/2.

Amadou Gon Coulibaly Stadium

Iherereye mu Majyepfo y’igihugu cya Cote D’Ivoire mu mujyi wa Korhogo, ikaba ifite ubushobozi bwo kwakira abantu ibihumbi 20 bicaye neza  nta kibazo bafite.

Yubatswe guhera mu 2018 kugeza mu mwaka ushize wa 2023, ikaba yaritiwe Amadou Gon Coulibaly wari Minisitiri muri Cote D’Ivoire guhera muri 2017 akaza gupfa muri 2020.Amadou Gon Coulibaly Stadium izakinirwaho imikino yo mu itsinda E n’iyo muri 1/8 gusa .

Laurent Pokou Stadium

Laurent Pokou Stadium iherereye mu Majyepfo ya Cote D’Ivoire mu mujyi wa San Sedro. Yubatswe kuva muri 2018 kugeza mu mwaka ushize wa 2023, ikaba ifite ubushobozi bwo kwakira abantu ibihumbi 20.

Umukino wa mbere wakiniweho ni uwo ikipe y’igihugu ya Cote D’Ivoire iheruka gutsindamo Lesotho igitego 1-0 mu gushaka itike y’igikombe cy’Afurika.

Yitiriwe Laurent Pokou wakiniye ikipe y’igihugu ya Cote D’Ivoire kuva mu 1947 kugeza mu 2016.Iyi Sitade izakira imikino yo mu itsinda F ndetse inakire iya 1/8 gusa.

Charles Konan Banny Stadium

Iyi Sitade yubatswe guhera muri 2019 kugeza muri 2021, ikaba yakira abantu ibihumbi 20. Iherereye mu murwa mukuru wa Cote D’Ivoire, Yamoussoukro.

Nyuma yo kubakwa,umukino wa mbere wakiniweho ni uwo ikipe y’igihugu ya Cote D’Ivoire yatsindagamo Zambia ibitego 3-1.

Imikino izakinirwaho ni iyo mu itsinda C iya 1/8 ndetse n’iya 1/4.

Aya mahugurwa yasojwe kuri uyu wa Kabiri tariki 9 Mutarama, ku cyicaro cy’Ishami rya Polisi y’u Rwanda rishinzwe gukoresha imbwa zifashishwa mu gucunga umutekano (Canine Brigade) giherereye mu Karere ka Gasabo.

Ni amahugurwa y’ibyumweru bibiri yitabiriwe n’abapolisi 22, bahabwaga imyitozo yo kumenyereza imbwa no kuzifashisha mu bikorwa bitandukanye byo gutahura ibihungabanya umutekano (Bonding and Familiarisation).

Bahawe amasomo atandukanye arimo gusaka imodoka, gusaka imizigo, gusaka mu nyubako no gusaka ahantu harambuye.

Ubwo yasozaga ku mugaragaro aya mahugurwa, Umuyobozi w’Ishami rya Polisi rishinzwe amahugurwa, Assistant Commissioner of Police (ACP) Barthelemy Rugwizangoga, yavuze ko Polisi y’u Rwanda yahisemo gushyira mu by’ibanze kubaka ubushobozi nk’urufunguzo rufasha mu guhangana n’ibyaha.

Yagize ati : 'Inshingano y’ibanze ya Polisi y’u Rwanda n’izindi nzego z’umutekano, ni uko abanyarwanda babaho mu mutekano n’amahoro ari nabyo soko y’iterambere rirambye.

Uko Isi irushaho gutera imbere mu ikoranabuhanga ni nako ibyaha byiyongera, abanyabyaha bagashaka gukoresha amayeri menshi, niyo mpamvu hashyirwa imbere kubaka ubushobozi kugira ngo bidufashe guhora mu ntera ndende kure y’abanyabyaha.'

Yongeyeho ati : 'Aya mahugurwa ni amwe mu bisubizo biganisha mu nzira nziza yo guhangana n’abakora ibyaha kuko ari amahirwe akomeye azamurira ubumenyi n’ubushobozi abapolisi bakoresha imbwa zisaka abanyabyaha bagatahurwa mu buryo bwihuse.'

ACP Rugwizangoga yashimiye abagize uruhare mu gutanga amahugurwa, avuga ko ashingiye ku myitozo abitabiriye amahugurwa berekanye, bigaragaza ko intego zayo zagezweho, abasaba kuzakoresha neza ubumenyi bungutse mu kazi kabo ka buri munsi.

Jonathan Hernandez, umwe mu barimu batangaga amahugurwa ukomoka mu gihugu cy’u Buholandi, mu ijambo rye, yavuze ko imbwa zifashishwa mu gusaka zitanga umusanzu ukomeye mu bikorwa by’umutekano ariko ko kuzikoresha bisaba kuba ufite umwete n’imyitwarire myiza kugira ngo ubashe kwitondera na buri myitwarire yazo n’ubusobanuro zitanga kugira ngo ubashe gukora akazi neza.

Ishami rya Polisi rikoresha imbwa zifashishwa mu gucunga umutekano ryatangiye gukora mu mwaka wa 2000, kuri ubu rikaba rifite imbwa zirenga 130 zifashishwa mu bikorwa byo gusaka ahari ibitemewe n’ibishobora guhungabanya umutekano nk’ibiturika (ibisasu) ndetse n’ibiyobyabwenge zikagaragaza byihuse umuntu ufite cyangwa ahantu hari kimwe muri byo.