Author: webrwanda

Sadio Mane ubu ukinira Al Nassr nyuma yo gukinira amakipe nka Liverpool FC na Bayern Munich yakoze ubukwe mu buryo busa n’ibanga kuko iby’ubukwe bwe bitamenyekanye nk’uko ubw’ibindi byamamare bugenda.

Aisha Tamba ni we mugore wa Sadio Mane

Ni nyuma y’imyaka itari mike bivugwa ko uyu rutahizamu wanakiniye Southampton yo mu Bwongereza yaba yarigeze acudika bya gisore na gikobwa na Kate Bashabe ku buryo bashoboraga no kuzabana nk’umugabo n’umugore.

Nubwo nta ho yaba Kate Bashabe cyangwa Sadio Mane bigeze batangariza mu ruhame ko baba hari ubucuti bwihariye buganisha ku kubana bigeze bagirana, uramutse ushakishije kuri interineti, inkuru ziruzuye ko aba bombi baba barakundanaga. Icyakora ahubwo aba baranabihakanaga ubwo babibazwagaho mu bihe bitandukanye.

Kugeza nibura hagati mu mwaka ushize wa 2023 hari imbuga zivuga ku myirondoro y’abakinnyi zavugaga ibyerekeye Sadio Mane maze ku izina ry’umukunzi we bakandika Kate Bashabe.

Nta we uzi neza aho iki gihuha cyavuye uretse ko uyu Kate Bashabe ufite inzu icuruza imyambaro izwi nka Kabash Fashion House akanamenyekanaho ibikorwa by’ubugiraneza yasohoye amafoto amugaragaza yasuye aho ikipe ya Liverpool ikorera imyitozo anambaye umwambaro w’iyo kipe, mu gihe Sadio Mane yari akiyikinira.

Kate Bashabe ubwo yasuraga Anfield Road aho Liverpool yakirira imikino

Uretse n’ibinyamakuru byo mu Rwanda bimwe bishinjwa gutangaza ibinyoma bigamije gushaka 'viyuzi’, hari na byinshi byo hanze yarwo byanditse iyi nkuru. Hari ababibonaga nk’ishema ry’u Rwanda kuba ruba nk’igihugu nyirabukwe w’umukinnyi uza nibura muri beza batatu mu mupira w’amaguru ku mugabane wa Afurika muri iki kinyacumi cy’imyaka ishize.

Impaka zacitse rero ! Nyuma y’aho Sadio Mane wavukiye i Bambali mu cyaro cyo muri Senegal akoreye ubukwe mu ibanga n’umukobwa utarigeze amenyekana mbere witwa Aisha Tamba yakunze afite imyaka 16 nubwo nta we uzi neza igihe bamaze baziranye ku ibanga ryo kubana.

Sadio Mane n’umugore we

Binavugwa ko kuva ubwo kugeza ubu Sadio Mane yishyuriye amashuri uyu mukobwa bahuje idini basengeramo rya Isilamu.

Kuri iki cyumweru ku wa 7 Mutarama 2024 ni bwo bivugwa ko Sadio Mane yasabye anakwa Aisha Tamba, umukobwa w’umugabo w’umuhanga mu gushushanya imbata z’inzu no kubaka (architect).

Ni ibirori byabereye ahitwa Keur Massar, agace kamwe ko muri Dakar, umurwa mukuru wa Senegal byitabirwa n’inshuti, imiryango n’abakinnyi bamwe bagenzi ba Sadio Mane, iminsi itandatu mbere y’itangira ry’igikombe cya Afurika kizabera muri Cote d’Ivoire guhera ku ya 13 Mutarama uyu mwaka.

Amakuru avuga ko ijisho rya Sadio Mane ryarabutswe Aisha Tamba ubwo yari afite imyaka 16 y’amavuko maze umutima w’uyu musore- utereye hejuru y’ibihaha bimwirukansa ibilometero birenga 32 ku isaha- utangira guterera mu w’uyu mwari w’ingeso nziza za kiyisilamu unahuje n’imico nk’iy’umukobwa Sadio yavuze ko ari we yifuzaga nk’umugore bashakana.

Imyaka 16 ni yo umugore yemererwaho n’amategeko ya Senegal kuba yayishyingirwa.

Yifuzaga umugore usenga neza, utaba ku mbuga nkoranyambaga

Ubwo yamamaraga cyane muri shampiyona y’umupira w’amaguru mu Bwongereza igihe yari muri Southampton na Liverpool aho yatwaranye na yo igikombe cya shampiyona na UEFA Champions league, Sadio Mane ntiyigeze ashyira ahagaragara ibyerekeye ubuzima bwe bw’urukundo cyangwa indi mibanire ye n’abakobwa.

Icyakora mu 2022 Mane yatangaje imimerere n’imitwarire y’umukobwa yumva wamubera umugore nk’uko ikinyamakuru Tribune cyabitangaje.

Icyo gihe yagize ati 'Nabonye abakobwa benshi bambaza impamvu ndafite umugore, ariko mumbabarire mushobora kuba muta igihe cyanyu. Umugore nzarongora ntabwo azaba ari ku mbuga nkoranyambaga.'

Mane yongeyeho ati 'Nifuza gushakana n’umugore wubaha Imana kandi usenga neza. Buri wese afite uburyo bwe bwite bwo guhitamo uko akunda.'

Nta washidikanya ko iki gihe uyu musore. bigaragara ko umusemburo wa melanine utera abantu kugira uruhu rwirabura awufite ari mwinshi ,yashakaga gukomoza kuri Tamba Aisha.

Aisha Tamba ni we mukobwa Sadio yifuje kuva kera

Bivugwa ko ubwo Sadio Mane yabonaga bwa mbere Aisha afite imyaka 16 atahise amwegera ngo abe yamusaba ko bakundana icyo gihe nk’uko Sports Brief yabitangaje.

Ahubwo ngo icyifuzo cyo kubana n’uyu mukobwa yakimenyesheje se wabo usanzwe ari inshuti y’umuryango bikaba ari na byo nyuma byaje kuvamo uguhura kw’aba bombi kugeza igihe bambikaniye impeta.

Aisha Tamba yavukiye i Casamance, umujyi uhana imbibi na Bambali — icyaro Mane akomokamo ndetse akaba yaranahatanze amafaranga yo kubakisha ibitaro byatwaye £455,000 [ararenga 500.000.000FRW] kandi bitanga serivisi z’ubuvuzi ku duce nibura 34 tungana na Bambali.

Aha i Bambali kandi Mane yahatanze amafaranga y’inkunga yo kubaka umusigiti, ishuri ryatwaye £250,000, sitasiyo y’ibikomoka kuri peteroli ndetse atanga ibikoresho by’ishuri ku banyeshuri b’aho, nk’uko bitangazwa na Bayo News Network.

Ubwo Mane yafunguraga sitasiyo y’ibikomoka kuri peteroli i Bambali aho akomoka

Yanakoresheje arenga £700,000 ku nyubakwa nshya mu guhindura isura y’icyaro avukamo.

Sadio yanahaye buri muryango mu gace ka Bambali yavukiyemo inkunga y’ubufasha bungana na €70 (ararenga 95.000FRW) kandi anatanga €400 ku banyeshuri bitwaye neza mu masomo mu Ishuri Ryisumbuye rya Bambali.

Aisha, umugore wa Sadio Mane, nk’uko Essentially Sports ibitangaza, ni umunyeshuri ku Ishuri rya Cabis riherereye ahitwa Grand Mbao muri Senegal. Bivugwa ko avuga ururimi rwa Mandingo ruvugwa mu bice bimwe bya Senegal na Gambia, rukanaba ururimi umugabo we avuga.

Aisha ntabwo aba ku mbuga nkoranyambaga, bikaba bivugwa ko azakomeza yitaye ku mashuri ye mu gihe Sadio Mane azatangirana igikombe cya Afurika na Senegal mu mpera z’iki cyumweru.

Sadio Mane yasanze Cristiano Ronaldo muri Al-Nassr muri Kanama umwaka ushize, avuye muri Bayern yatwaranye na yo igikombe cya shampiyona y’Ubudage icyakora atagiriyemo ibihe byoroshye ku giti cye mbere yo kugurwa miliyoni 34 z’amapawundi yo mu Bwongereza.

Muri Al-Nassr Mane ahembwa £650,000 (asaga miliyari mu mafaranga y’u Rwanda) ku cyumweru. Yari yagiye muri Bayern mu 2022 aguzwe miliyoni £35 icyakora ntiyahiriwe cyane muri iyi kipe y’i Bavaria aho binavugwa ko atumvikanye na Leroy Sane bakinanaga kugeza n’aho bashatse kurwana.

Nyuma yo kujya muri Al-Nassr yo muri Arabiya Sawudite, Mane amaze gutsinda ibitego 12 mu mikino 26 yagaragaye akininira iyi kipe akaba yarasubiye muri Senegal mu ntangiriro za Mutarama ngo yitegure igikombe cy’umupira w’amaguru cy’ibihugu bya Afurika.

Ni igikombe Senegal inahabwa amahirwe yo kucyisubiza nyuma yo gutwara icyo mu 2022 Sadio Mane ari ku ruhembe rw’Intare z’i Teranga za Senegal byanatumye ahabwa igihembo cy’umukinnyi w’umupira w’amaguru w’Umunyafurika urusha abandi mu 2022, igihembo yari yanatwaye mu 2019.

Ni gahunda igamije gutanga ibiganiro ku miryango yagaragayeho ikibazo cy'imibanire mibi.
Ubuyobozi buvuga ko umuryango wakurikiranwe wongera ugasubirana kabone nubwo waba waratandukanye.

Bamwe mu baturage bavuga ko nibura umwaka ushize ingo 16 zabanaga mu makimbirane akomeye.

Umuramyi wo mu gihugu cy’u Burundi ariko utuye mu gihugu cy’u Bufaransa,Fortran Bigirimana yageze mu Rwanda mu gitondo cyo kuri uyu wa Gatatu,aho aje gutara mu gitaramo azahuriramo n’abaramyi James na Daniella kizaba kuri icyi Cyumweru tariki 14 Mutarama 2024

Iki gitaramo Fortran yaje gutaramiramo kizabera kuri New Life Bible Church ku Kicuriro,ikaba ari inshuro ye ya gatatu agiye gutaramira mu Rwanda nyuma ya 2014 na 2016 .

Akigera i Kigali mu kiganiro na InyaRwanda, Fortran yajeje abantu igitaramo cyiza ndetse avuga ko yari akumbuye kuza muri Afurika  byumwihariko u Rwanda kuko aba akumbuye kurya “Ubugari”.

Fortran yanakomoje ku mwuga wo gukora indirimbo zo kuramya no guhimbaza Imana, avuga ko umaze gutera imbere haba mu Rwanda ndetse no ku Isi muri rusange, umaze kugera ku rwego rushimishije.

Fortran yavuze no kuri James uzwi mu itsinda rya James na Daniella wari waje kumwakira ku kibuga cy’indege mpuzamahanga cya Kigali i Knombe.

Yagize ati ”James ni inshuti yanjye, umubandimwe,njya mwakira i Burayi iyo yaje gutaramirayo, rero nanjye yaje kunyakira. Ikindi ni umukozi w’Imana nkanjye ni nayo mpamvu tuzafatanya we na madamu we mu gitaramo nyirizina”.

Fortran yageze i KIgali aje guhurira na James na Daniella mu gitaramo bise “Birakwumvira”.

Fortran Bigirimana azwi mu ndirimbo zitandukanye zirimo “Azonyambika, Esprit de Dieu” n’izindi

Fortran yakiriwe na James wo mu itsinda rya James na Daniella

Reba ikiganiro Fortran yagiranye na Inyarwanda akigera i Kigali

“>

AMAFOTO+VIDEO:Rwigema Freddy-InyaRwanda.com

Bikubiye mu itangazo ryashyizwe hanze na M23 kuri uyu wa Kabiri tariki 09 Mutarama 2024 nyuma y’uko inkuru ya Radio Okapi yasohotse ku wa 08 Mutarama ivuga ko uyu mutwe ukomeje kubuza abaturage bo muri Rutshuru kujya gusarura imyaka.

Inkuru ya Radio Okapi, ishingiye ku byatangajwe n’uwitwa Jean Claude Mbabaze usanzwe ari perezida wa Sosiyete sivile muri Rutshuru, wavuze ko umutwe wa M23 uherutse no gusahura imodoka yari itwaye ibiribwa yerecyezaga mu mujyi wa Goma.

Mu itangazo rya M23, yavuze ko iyi Radio Okapi, isanzwe ikora mu murongo wa Propaganda ya Leta ya Kinshasa, ndetse ko 'yenyegeza urwango nk’uko byakozwe na Radio de Mille Collines yenyegeje ingengabitekerezo yagejeje kuri Jenoside yakorewe Abatutsi mu Rwanda mu 1994.'

Itangazo rya M23, rivuga ko uyu na Jean Claude Mbabaze asanzwe afite urusengero muri Rutshuru kandi ko rwakomeje kwemererwa gukora ibikorwa byarwo, ndetse ko uretse amafaranga ahabwa na Leta ya Kinshasa, anoherereza amafaranga y’amaturo atangirwa mu rusengero rwe buri Cyumweru.

M23 yatangaje ko abaturage bari mu bice igenzura, bishyira bakizana, bagakora imirimo yabo nta nkomyi, bityo ko amakuru yatangajwe na Radio Okapi, ari ikinyoma.

UKWEZI.RW

Mukura VS yamaze gusinyisha umukinnyi w’Umunya-Cameroun, Bruno Ronie Etoundi, ukina hagati mu kibuga.

Uyu mukinnyi w’imyaka 21, ukina afasha abataha izamu, Mukura VS yahisemo kumuha amasezerano y’igihe gito, yakwitwara neza bakazamwongera andi.

Yahawe amasezerano y’amezi atandatu azarangirana n’umwaka w’imikino wa 2023-24 muri iyi Kipe ibarizwa mu Magepfo y’u Rwanda yambara Umukara n’Umuhondo.

Iyi kipe yahisemo gusinyisha Bruno Ronie wakiniye amakipe nka Coton Sport FC de Garoua na Renaissance de Ngoumou, nyuma y’umukino wa gicuti yakiniye Mukura VS bakanganya na Gasogi United 1-1 ku wa Gatandatu w’icyumweru gishize akaba ari na we watsinze igitego cya Mukura VS.

Bruno Ronie yamaze kwerekeza muri Mukura VS

Indirimbo za Intore Tuyisenge zifite umwihariko wo kugaruka ku byiza by'u Rwanda, urugero ni nk’iyo yise 'Unkumbuje u Rwanda'. Ni indirimbo zirushaho kuzamura morale y'abantu mu bikorwa binyuranye by'ubukangurambaga, umuganda, inama n'ibindi.

Kenshi kandi yagiye agaragaza ko yanyuzwe kandi anyurwa n'ibikorwa bya Perezida Kagame. Ku birebana n’icyo atekereza iyo ahuye na we yagize ati: 'Guhura n’Umukuru w’Igihugu ni ibintu biba bishimishije cyane kuko aba ari amahirwe y’imbonekarimwe kabone nubwo mwaba muhuye inshuro irenze imwe ariko buri gihe bihora ari bishya.'

Ku birebana n’indirimbo nshya yashyize hanze, Intore Tuyisenge yagize ati: 'Ni indirimbo yakomotse ku mukorangiro wo gusigasira igisenge abanyuze mu Itorero barawuzi cyane. Ukaba urimo indangagaciro yo gukorera hamwe muri iyi ndirimbo, njye nyikora nagereranyaga Igisenge n’Igihugu cyacu cy’u Rwanda.'

Agaragaza uko yanzitse muri yo agira ati: 'Itangira ngaragaza ibyo Nyakubahwa Perezida wa Repubulika yemereye kandi yagejeje ku banyarwanda kandi ko imvugo ariyo ngiro kugira ngo dukomeze kwihutisha iterambere ry’u Rwanda, hakaba hakenewe uruhare rw’inzego z’ibanze ndetse n’abaturage mu byo dukora naho dukorera hose.'

KANDA WUMVE UNAREBE UBUTUMBWA BURI MU NDIRIMBO ‘DUSIGASIRE IGISENGE’ YA INTORE TUYISENGE

Intore Tuyisenge yagaragaje ko ari amahirwe iteka guhura na Perezida Kagame yateruye asingiza mu ndirimbo ‘Dusigasire Igisenge’Ifoto y’urwibutso ya Intore Tuyisenge na Perezida Kagame mu mwaka wa 2010Intore Tuyisenge agaragaza ko imvugo ya Perezida Kagame ariyo ngiro

Mukura VS yamaze gusinyisha umukinnyi w’Umunya-Cameroun, Bruno Ronie Etoundi, ukina hagati mu kibuga.

Uyu mukinnyi w’imyaka 21, ukina afasha abataha izamu, Mukura VS yahisemo kumuha amasezerano y’igihe gito, yakwitwara neza bakazamwongera andi.

Yahawe amasezerano y’amezi atandatu azarangirana n’umwaka w’imikino wa 2023-24 muri iyi Kipe ibarizwa mu Magepfo y’u Rwanda yambara Umukara n’Umuhondo.

Iyi kipe yahisemo gusinyisha Bruno Ronie wakiniye amakipe nka Coton Sport FC de Garoua na Renaissance de Ngoumou, nyuma y’umukino wa gicuti yakiniye Mukura VS bakanganya na Gasogi United 1-1 ku wa Gatandatu w’icyumweru gishize akaba ari na we watsinze igitego cya Mukura VS.

Bruno Ronie yamaze kwerekeza muri Mukura VS