Author: webrwanda

Ishyirahamwe ry’Umupira w’Amaguru mu Rwanda, FERWAFA, ryahagaritse imikino 4 Jabo Aristote nyuma yo kwanga igitego cya APR FC.

Ibi byabaye tariki ya 18 Mutarama 2026 mu mukino wa shampiyona wahuzaga APR FC na Al Merreikh.

Ubwo umukino wari ugeze ku munota wa 88, APR FC yabonye kufura maze iterwa na Ruboneka Bosco wayipashe Yussif Dauda wateye ishoti rikomeye umupira ukaboneza mu izamu.

Twagirumukiza Abdul wari umusifuzi wo hagagi yemeje igitego ariko umusifuzi wa kabiri w’igitambaro, Jabo Aristote yerekena ko habayeho kurarira, ngo nubwo abaraririye batakoze ku mupira ariko hari uwakingirije umunyezamu.

Ibi byakuruye impaka zikomeye yaba abakinnyi batabyumvaga ndetse na nyuma y’umukino abafana bakomeje kugaragaza uburakari bukomeye.

Mu itangazo ryasohowe na FERWAFA, ryavuze ko tariki ya 19 Mutarama 2026 ko Komisiyo y’Imisifurire muri FERWAFA yateranye isuzuma imisifurire ku mukino wahuje APR FC na Al Merreikh tariki ya 18 Mutarama 2026.

Yakomeje igira iti “Yasanze ku munota wa 88 harabaye ikosa rikomeye ryakozwe n’umusifuzi wungirije wa kabiri aho igitego cya APR FC cyanzwe hashingiwe ku cyemezo kitari cyo cy’uko habaye kurarira.”

“Kubera iryo kosa, Komisiyo y’Imisifurire yafatiye umusifuzi ibihano bikurikira: Jabo Aristote ahagaritswe gusifura imikino 4.”

FERWAFA yavuze ko izakomeza guharanira ubutabera, ubunyangamugayo n’izamuka ry’ireme ry’imisifurire mu mupira w’amaguru.

Jabo Aristote (uri mu kaziga) yahagaritswe imikino 4

Source : http://isimbi.rw/yakoze-ikosa-rikomeye-umusifuzi-wanze-igitego-cya-apr-fc-yahagaritswe.html

Imikino ya gicuti y’Impuzamashyirahamwe y’Umupira w’Amaguru ku Isi, FIFA, izabera mu Rwanda, Amavubi yisanze mu itsinda A.

Iyi mikino ya gicuti izakinwa n’ibihugu 8 bizaba biganyije mu matsinda abiri aho mu itsinda A harimo u Rwanda, Kenya, Estonia na Grenada.

Itsinda rya kabiri rikaba ririmo ibihugu Aruba, Liechtenstein, Tanzania na Macau. Ni imikino izaba tariki 23-31 Werurwe 2026.

Iyi mikino iba mu karuhuko k’amakipe y’ibihugu, ihuza amakipe adakunze kubona imikino ya gicuti cyangwa ngo abona amatike yo gukina amarushanwa akomeye yo ku rwego mpuzamahanga.

Usibye u Rwanda, ibindi bihugu bizaryakira ni Australie, Azerbaijan, Indonesie, Kazakhstan, Ibirwa bya Maurice, Puerto Rico na Uzbekistan.

Ni mu gihe kandi iyo mu cyiciro cy’abagore izabera muri Brésil, Côte d’Ivoire na Thaïlande.

Iyi mikino ya gicuti izahuza amakipe y’ibihugu y’abagabo n’abagore yo ku migabane itandukanye, muri gahunda za FIFA za 2023-2027, ikubiyemo kuzamura imikino ku rwego rw’Isi.

Amavubi yisanze mu itsinda A

Source : http://isimbi.rw/amavubi-yisanze-mu-itsinda-a-mu-mikino-fifa.html

Umuyobozi akaba n’utunganya amashusho, Director Sanib yamaze kwemeza ko yamaze kwishyurwa na Kevin Kade yashinjaga kwanga kumwishyura amafaranga y’amashusho yamufatiye mu gitaramo 'Last Night Show’ cyabaye tariki ya 31 Ukuboza 2025.

Nk’uko ISIMBI twari twabitangaje mu nkuru yacu ya mbere kuri iki kibazo, Alain Gatera Junior wamamaye nka Director Sanib yari yatangaje ko hashize hafi ibyumweru bitatu atari yahabwa amafaranga ye nubwo yari yagerageje gukora uko ashoboye ngo ikibazo gikemuke mu mahoro.

Director Sanib yavuze ko kugeza ku munsi w’ejo tariki ya 18 Mutarama 2026, ari inshuro nyinshi yagerageje kwishyuza uyu muhanzi mu buryo bwa kivandimwe ariko akirengagizwa harimo n’ubugira kabiri hirengagijwe ubutumwa bwe nkana.

Kuri uyu wa mbere tariki ya 19 Mutarama 2026, nibwo uyu muyobozi w’amashusho yahamirije ISIMBI ko yamaze kwishyurwa imbumbe y’amafaranga yose yari aberewemo ndetse ko nta kindi kibazo agifitanye na Kevin Kade magingo aya.

Ati 'Yamaze kunyishyura amafaranga yose yari ambereyemo kandi byakozwe mu bwumvikane mu nyungu z’impande zombi.'

Mbere y’aha , Director Sanib wari warategereje kwishyurwa ibyo yakoreye amaso agahera mu kirere, yari yaburiye Kevin Kade ko mu gihe ikibazo kitakemurwa vuba, guhera ku wa 20 Mutarama 2026 ashobora gutangira gutangaza ku mugaragaro amakuru yose ajyanye n’iki kibazo ndetse no kwitabaza izindi nzego.

Kevin Kade yashinjwaga kwambura Director Sanib

Director Sanib yavuze ko yamaze kwishyurwa na Kevin Kade

Source : http://isimbi.rw/kevin-kade-yamaze-kwishyura-uwamushinjaga-kumwambura.html

Abakinnyi b'amakipe y'ibihugu Cameroon na Gabon muri Handball, bari mu Rwanda bitegura imikino mpuzamahanga, bifatanyije n'Abanya-Kigali mu gikorwa cya siporo rusange cyabaye kuri iki Cyumweru, mu mujyi wa Kigali. Iki gikorwa cyari kigamije guteza imbere umuco wa siporo n'imibanire myiza hagati y'abasportifs n'abaturage.

Siporo rusange yitabiriwe n'abantu benshi b'ingeri zitandukanye barimo urubyiruko, abanyamahanga batuye cyangwa bari mu Rwanda by'agateganyo. Minisitiri wa Siporo, Mukazayire Nelly, ni we wari umushyitsi mukuru, ashimangira ko siporo ari inkingi y'ubuzima bwiza, ubumwe n'iterambere ry'Igihugu.

Minisitiri Mukazayire yashimiye amakipe Cameroon na Gabon ku kwifatanya n'Abanyarwanda muri iki gikorwa, avuga ko ari ikimenyetso cy'uko u Rwanda rukomeje kuba igicumbi cya siporo muri Afurika. Yongeyeho ko kwakira amarushanwa akomeye, nk'Igikombe cya Afurika cya Handball, bigira uruhare mu kumenyekanisha igihugu no guteza imbere ubukerarugendo bushingiye kuri siporo.

Cameroon na Gabon ni bimwe mu bihugu byamaze kwemeza ko bizitabira Igikombe cya Afurika cya Handball kizabera mu Rwanda kuva tariki ya 21 kugeza ku ya 31 Mutarama 2026. Aya makipe ari mu Rwanda mu myiteguro igamije kunoza urwego rw'abakinnyi no kumenyera ikirere n'ibikorwaremezo by'imikino bizifashishwa muri iri rushanwa.

Abitabiriye siporo rusange bagaragaje ko bishimiye kuba bafatanyije n'abakinnyi mpuzamahanga, bavuga ko byabateye imbaraga zo gukomeza siporo nk'igice cy'ubuzima bwa buri munsi. Iki gikorwa cyongeye kugaragaza icyerekezo cy'u Rwanda cyo guteza imbere siporo kuri bose no kwakira neza abashyitsi baturutse hirya no hino ku mugabane wa Afurika.

 

Source : https://kasukumedia.com/abakinnyi-bikipe-yigihugu-cameroon-na-gabon-bifatanyije-nabanya-kigali-muri-siporo-rusange/

Sadio Mané, rutahizamu w'ikipe y'igihugu ya Sénégal, yongeye kwerekana ko ari icyitegererezo cy'umupira w'amaguru muri Afurika no ku rwego mpuzamahanga, nyuma yo kwegukana igihembo cy'umukinnyi mwiza w'irushanwa (Best Player of the Tournament) mu Gikombe cya Afurika cya 2026 (AFCON 2026). Ibi byishimo byongeye gushimangira izina rye nk'inyenyeri idacogora, n'umunyabigwi w'ibihe byose.

Uyu musore ukomoka muri Sénégal ntabwo ari mushya ku ntsinzi. Yatwaye AFCON bwa mbere mu 2021, agaruka mu 2026 abyongera ku rwego rwo hejuru, agaragaza ubunararibonye, ubuhanga n'umutima wo gutsinda. Mané yabaye inkingi ya mwamba mu mikino ya Sénégal, ayitsindira ibitego by'ingenzi, ayifasha kugera kure, ari na we wahawe icyubahiro cy'ikirenga cy'umukinnyi witwaye neza kurusha abandi.

Urutonde rw'ibihembo bya Sadio Mané ni ikimenyetso cy'ikirango cye nk'umukinnyi udasanzwe: yatwaye Premier League mu 2020, Champions League mu 2019, FA Cup na League Cup mu 2022, Super Cup na Club World Cup mu 2019, Bundesliga mu 2023, DFL Supercup mu 2022, Arab Club Champions Cup mu 2023, ndetse n'ibikombe yatwaye akiri muto muri Austria mu 2014.

Mu magambo make, Sadio Mané si umukinnyi gusa ni inyenyeri, ni umuyobozi, ni umunyabigwi. Izina rye rizahora ryibukwa mu mateka y'umupira w'amaguru wa Afurika, kandi rizakomeza kuba isoko y'icyizere ku rubyiruko rwinshi rurota kugera kure mu mupira w'amaguru.

Source : https://kasukumedia.com/sadio-mane-yongeye-kwandika-amateka/

Mu Murenge wa Kabarore mu Karere ka Gatsibo haravugwa inkuru ibabaje y'urupfu rw'umuturage wakubitiwe mu murima  bikamuviramo gupfa, nyuma yo gukekwaho kwiba igitoki. Ibi byabaye mu minsi ishize, aho bivugwa ko abanyerondo babiri bo muri ako gace aribo bakekwaho kugira uruhare muri iri sanganya.

Amakuru aturuka mu baturage avuga ko uwo muturage yafatiwe mu mudugudu avugwaho kuba yari yibye igitoki. Aho kumushyikiriza inzego zibishinzwe ngo hakorwe iperereza, bivugwa ko yakubiswe bikabije n'abanyerondo, agakomeretswa cyane. Nyuma y'igihe gito, yahise apfa azize ibikomere yari yagize.

Abaturage bavuga ko nyuma y'ibi, abo banyerondo bombi bahise baburirwa irengero, bikaba byaratumye inzego z'umutekano zitangira kubashakisha. Inzego z'ibanze mu Murenge wa Kabarore zemeje ko ibyabaye bikomeje gukurikiranwa, zisaba abaturage gutanga amakuru yose yafasha mu iperereza no mu gufata abakekwaho uruhare muri uru rupfu.

Abayobozi bibukije ko kwihanira no gukubita umuntu bitemewe n'amategeko, cyane cyane ku banyerondo bafite inshingano zo kubungabunga umutekano, aho bakwiye gukorana n'inzego z'umutekano aho kwifatira ibyemezo bishobora guteza ingaruka zikomeye.

Banasabye abaturage kwirinda kwikemurira ibibazo ku giti cyabo, bagakoresha inzira zemewe n'amategeko, kugira ngo hirindwe ibyaha n'impfu zishobora kwirindwa. Iperereza rirakomeje kugira ngo ukuri kose kumenyekane, abakoze icyaha bagezwe imbere y'ubutabera.

Source : https://kasukumedia.com/gatsibo-abanyerondo-babiri-barimo-gushakishwa-nyuma-yo-gukubita-umuturage-bamukekaho-kwiba-igitoki-bikamuviramo-urupfu/

Abasesenguzi mu by'umutekano n'amakimbirane mu Karere bemeza ko Perezida wa Repubulika Iharanira Demokarasi ya Congo, Félix Antoine Tshisekedi, yafashe imyanzuro ya politiki n'umutekano yagize uruhare runini mu gukomeza intambara imaze imyaka mu Burasirazuba bw'iki gihugu. Muri iyo myanzuro, hari amakosa atatu akunze kugarukwaho nk'ayagize ingaruka zikomeye ku mahoro arambye.

Icya mbere ni uguhagarika ibiganiro by'amahoro byaberaga mu ibanga hagati ya Leta ya RDC n'umutwe wa M23. Ibi biganiro byari byaratangiye mbere y'uko Tshisekedi ajya ku butegetsi mu mpera za 2019, bigamije gushakira umuti wa politiki ikibazo cyari kimaze igihe. Guhagarikwa kwabyo byatewe ahanini n'inama z'abantu bamwe bagaragazwaga nk'abafite imyumvire ikaze, bamagana igitekerezo cyo gusubiza abarwanyi ba M23 mu ngabo za FARDC. Ibi byatumye Leta ihitamo inzira ya gisirikare, bituma M23 yongera kwiyubaka, ikigarurira ibice bitandukanye bya Rutshuru, Masisi na Nyiragongo, igera no hafi ya Goma.

Ikosa rya kabiri ni ugutanga uburenganzira ku Burundi bwo gukorera ibikorwa bya gisirikare ku butaka bwa RDC, mu gihe u Rwanda rwashyizwe ku ruhande n'ubwo rufite ikibazo cy'umutekano gishingiye ku mutwe wa FDLR. Abasesenguzi bavuga ko iki cyemezo cyongereye urwikekwe n'umwuka mubi hagati y'ibihugu byo mu karere, bituma umutekano w'Ibiyaga Bigari urushaho guhungabana.

Aya makosa, afatanyije n'imvugo zikakaye zagiye zivugwa n'ubuyobozi bwa Kinshasa, afatwa nk'ayagize uruhare mu gukaza intambara no gutinza amahirwe y'amahoro arambye muri RDC.

Source : https://kasukumedia.com/amakosa-atatu-ubuyobozi-bwa-kinshasa-bwakoze-intambara-ikarushaho-gufata-indi-ntera/

Umuhanzi w'icyamamare ku rwego mpuzamahanga, Burna Boy, yatunguwe no kubangamirwa n'abashinzwe umutekano ku Kibuga cy'Indege Mpuzamahanga cya Maroc, aho yaragiye kwitabira igitaramo cyo gususurutsa ibirori byo gusoza Igikombe cya Afurika 2025 (AFCON 2025) byabereye mu Mujyi wa Rabat.

Uyu muhanzi w'Umunya-Nigeria, wegukanye igihembo gikomeye cya Grammy, ngo yabanje kwangirwa kwinjira muri icyo gihugu bitewe n'imikufi n'imitako myinshi yari yikwijeho. Amakuru avuga ko iyo mitako yagaragaraga ifite agaciro kanini karenze Miliyoni 10 z'Amadolari ya Amerika, ibintu byahise bituma habaho impungenge k'unzego z'umutekano.

Abashinzwe umutekano ku kibuga cy'indege bagaragaje ko uwo mutungo wagaragaraga ku mubiri wa Burna Boy wateye amakenga, bituma hafatwa icyemezo cyo kumufata akanya gato kugira ngo hakorwe igenzura ryimbitse. Iryo genzura ryari rigamije kumenya inkomoko n'uburyo iyo mitako yinjiye mu gihugu, hagamijwe kubahiriza amategeko agenga umutekano n'imisoro.

Nyuma yo kubona ko icyo kibazo gikomeje gufata indi ntera kandi gishobora guteza ingaruka ku myiteguro y'igitaramo yari ategerejweho, Burna Boy yahisemo guhamagara Perezida w'Impuzamashyirahamwe y'Umupira w'Amaguru muri Afurika (CAF), Dr Patrice Motsepe. Yamwifashishije amusaba kumufasha kuvugana n'inzego bireba kugira ngo yemererwe kwinjira mu gihugu no gukomeza inshingano yari afite.

Aya makuru yatumye abantu benshi bagira icyo bayavugaho ku mbuga nkoranyambaga, bamwe bagaragaza ko amategeko agomba kubahirizwa, abandi bakagaragaza ko Burna Boy yari aje mu kazi kemewe kandi kamaze gutegurwa.

Source : https://kasukumedia.com/kubera-imikufi-nimitako-bihenze-cyane-yari-yambaye-byatumye-abangamirwa-nabashinzwe-umutekano-mu-gihugu-cya-maroc/

Umunyamabanga Mukuru w'Ishami ry'Umuryango w'Abibumbye rishinzwe Uburenganzira bwa Muntu (UN High Commissioner for Human Rights), Volker Türk, ari mu ruzinduko rw'akazi muri Sudan, aho ari guhura n'imiryango y'abaturage bavuye mu byabo kubera intambara imaze igihe ihitana ubuzima bw'abaturage. Uru ni uruzinduko rwe rwa mbere muri iki gihugu kuva mu Ugushyingo 2022, mu gihe amakimbirane hagati y'ingabo zihanganye akomeje gusenya ibice binini by'igihugu, cyane cyane mu Turere twa Darfur na Kordofan.

Iyi ntambara yakomeje kwirukana abaturage babarirwa muri za miliyoni, ibasiga mu buzima bubi bwo kuba impunzi mu gihugu cyabo. Mu butumwa yatanze ari muri uru ruzinduko, Volker Türk yavuze ko yahungabanyijwe bikomeye n'ubuhamya bw'abo yahuye na bo, by'umwihariko abagore n'abakobwa bahuye n'ihohoterwa rishingiye ku gitsina.

Türk yavuze ko yahuye n'abagore icyenda bamubwiye inkuru z'akababaro gakabije, avuga ko atari kenshi abonye abantu bafite ihungabana rikomeye nk'iryo. Aba bagore basobanuye uko bafashwe ku ngufu mu matsinda (gang rape) mu mujyi wa El-Fasher muri Darfur, ubwo bageragezaga guhunga imirwano, mu gihe abagabo bo mu miryango yabo, barimo abavandimwe n'abana b'abahungu, bafatwaga bakicirwa imbere yabo.

Ishami rya Loni rishinzwe Uburenganzira bwa Muntu ritangaza ko kuva intambara yatangira, hari ibimenyetso byinshi by'ihohoterwa rishingiye ku gitsina. Ibyo byaha birimo gufata ku ngufu mu matsinda, gushimutwa no kugirwa imbata z'igitsina, ahanini bishingiye ku moko cyangwa ku gushinjwa kuba ku ruhande rw'undi mutwe urwana. Ibi byose bigaragaza uburemere bw'ibyago abaturage ba Sudan barimo kugirirwa.

Source : https://kasukumedia.com/volker-turk-aho-ari-mu-ruzinduko-mu-gihugu-cya-sudan-yagaragaje-amahano-intambara-ikomeje-guteza/

Al Hilal yafashe umwanya wa mbere ku rutonde rwa Shampiyona y’icyiciro cya mbere mu Rwanda nyuma yo gutsinda Rayon Sports 4-0.

Wari umukino w’umunsi wa 15 wa shampiyona ya 2025-26, aho amakipe yombi yagiye yakiniye kuri Stade Amahoro.

Rayon Sports yagiye gukina nyuma yo gutsindwa na APR FC muri Super Cup 4-1.

Ntabwo yari ifite rutahizamu wayo Ndikumana Asman wahagaritswe n’umutoza icyumweru.

Al Hilal yatangiye ubona irusha Rayon Sports ariko yagera imbere y’izamu ntibyaze umusaruro amahirwe yabonye.

Al Hilal yaje kubona igitego ku munota wa 11 cyatsinzwe na El Hadji Kane. Amakipe yombi yagiye kuruhuka ari 1-0.

Jean Claude Girumugisha winjiye mu kibuga mu kibuga asimbura, yatsindiye Al Hilal igitego cya 2 ku munota wa 56.

Al Hilal yatsinze igitego cya gatatu ku munota wa 60 cyatsinzwe na Omar Taha. Jean Claude Girumugisha yatsinze icya kane ku munota wa 6 w’inyongera. Umukino warangiye ari 4-0.

Wari umukino woroheye Al Hilal

Igitego Kane yatsinze Yves

Bishimira igitego cya Kane

Source : http://isimbi.rw/al-hilal-yatsinze-rayon-sports-ifata-umwanya-wa-mbere.html