Author: webrwanda

Ni ubutumwa yageneye Minisitiri w’Uburezi muri Guverinoma ya Wallonie mu Bubiligi, Caroline Désir, witabiriye umuhango wo gutanga iri shimwe rigenerwa 'uwaharaniye demokarasi n’amahoro' nk’uko RifDP ibisobanura, wabaye tariki ya 16 Werurwe 2024.

Ambasaderi Nduhungirehe yasobanuye ko abahakana bakanapfobya Jenoside yakorewe Abatutsi ari bo bahabwa iri shimwe umwaka ku wundi.

Yatanze urugero ku mwaka wa 2013, iri shimwe ryahawe Colonel Luc Marchal wayoboye ingabo z’u Bubiligi zari mu butumwa bw’amahoro bw’Umuryango w’Abibumbye mu Rwanda mu gihe cya jenoside, zatereranye Abatutsi barenga 2000 bari muri ETO Kicukiro.

Muri 2011, Colonel Marchal yavuze ko nta jenoside yabaye mu Rwanda, agaragaza ko ibyaha byakozwe mu gihugu ari 'ugusubiranamo’ kandi ko abantu bishe kugira ngo baticwa.

Mu 2014, iri shimwe ryahawe umunyamakuru Ann Garrison w’Umunyamerikakazi. Yahakanye Jenoside yakorewe abatutsi n’iyakorewe muri Srebrenica.

Mu 2015, iri shimwe ryahawe umunyamakuru Judi Rever wo muri Canada. Ambasaderi Nduhungirehe yibukije ko mu gitabo uyu munyamakuru yise 'In Praise of Blood'. Yatangaje ko Judi Rever yigeze gutangariza kuri televiziyo yo mu Bufaransa ko Akayesu Jean Paul wahamijwe ibyaha bya jenoside n’urukiko mpuzamahanga mpanabyaha rwashyiriweho u Rwanda i Arusha mu 1998 yari umuntu mwiza, 'warokoye Abatutsi.'

Mu 2019, iri shimwe ryahawe Umuholandi Anneke Verbraeken n’Umunye-Congo Patrick Mbeko. Kuri uyu Muholandi, Ambasaderi Nduhungirehe yasobanuye ko yiyemeje gufasha uwari we wese wafatiwe na Leta y’u Buholandi akekwaho uruhare muri jenoside.

Kuri Patrick Mbeko, Ambasaderi Nduhungirehe yatangaje ko uyu munyamakuru atemera ko mu Rwanda habaye Jenoside, ahubwo we asobanura ko ari ubwicanyi bwakorewe Abatutsi, bwakwitwa 'icyaha cyibasiriye inyokomuntu'.

Mu 2017, iri shimwe ryahawe Alain Debrouwer wabaye umujyanama w’ishyaka IDC muri Afurika. Ambasaderi Nduhungirehe yagaragaje ko uyu Mubiligi avuga ko 'habaye jenoside yakorewe Abanyarwanda bose'.

Yatangaje ko nyuma ya Jenoside, Debrouwer yagize uruhare rukomeye mu ishingwa rya RDR mu 1995.
Iri shyaka ryashingiwe muri Zaïre, ryahuje abari bagize 'Guverinoma y’Abatabazi' n’abahoze muri EX-FAR barimo Colonel Bagosora wateguye jenoside.

Ingabire yayoboye FDU-Inkingi, ishyaka rikomoka kuri RDR

Ambasaderi Nduhungirehe yibukije ko RDR ari yo yahindutse FDU-Inkingi yayobowe na Ingabire.
Ati 'Ndibutsa ko RDR yaje guhinduka FDU-Inkingi, ishyaka ryabohowe na Ingabire Victoire.'

Yakomeje asobanura ko mu 2018, iri shimwe rya RifDP ryahawe umwanditsi Charles Onana wo muri Cameroon n’umunyamakuru Phil Taylor wo muri Canada.

Kuri Onana, Ambasaderi Nduhungirehe yibukije ko uyu mwanditsi azwiho cyane guhakana Jenoside, kandi ko yabigaragarije mu bitabo yanditse no kuri televiziyo, ashyigikira Leta yateguye Jenoside, ashyigikira ishingwa rya RTLM izwi nka 'Radiyo y’Urwango' cyangwa 'Radiyo y’Umuhoro'.

Ambasaderi Nduhungirehe yagaragaje ko Taylor yavugiye mu ruhame ko u Rwanda 'rwacuze Jenoside, rujya kuyicuruza hanze', agamije guhakana ukuri kw’amateka y’uburyo yateguwe n’uko yashyizwe mu bikorwa.

Mu 2019, RifDP yahaye iri shimwe umunyamakuru Robin Philpot wo muri Canada.

Ambasaderi Nduhungirehe yagaragaje ko Robin na we yashyigikiye Akayesu, Umunyarwanda wa mbere wahamijwe ibyaha bya jenoside n’urukiko rwa Arusha.

Mu 2022, iri shimwe ryahawe John Philpot, umuvandimwe wa Robin. Ambasaderi Nduhungirehe yasobanuye ko uyu munyamategeko yunganiraga Akayesu mu rukiko rwa Arusha, kandi ko yahawe iri shimwe nyuma y’amezi atandatu yihanganishije umuhungu wa Bagosora ku rupfu rwa se.

Ambasaderi Nduhungirehe ku rukuta rwe rwa X yabwiye Minisitiri Caroline na Mukandoli ko kwitabira uyu muhango ari ugushyigikira igikorwa kibi

Ambasaderi Nduhungirehe, ashingiye kuri izi ngero, yasobanuye ko nta gushidikanya, iri shimwe ryagenewe abahakana Jenoside yakorewe Abatutsi. Yagaragaje ko kwitabira uyu muhango kwa Minisitiri Caroline ari ugushyigikira igikorwa kibi.

Yagize ati 'Mu gihe abahabwa iri shimwe biganjemo abahakana Jenoside yakorewe Abatutsi, umwanzuro udashidikanywaho ni uko abahakanyi ari bo barigenewe.'

' Kuba Minisitiri wo mu Bubiligi yitabira uyu muhango mu gihe hashize imyaka 30 Jenoside yakorewe Abatutsi ibaye (#kwibuka30) ntibyumvikana na gato.'

Ambasaderi Nduhungirehe uretse gutungurwa na Minisitiri w’Uburezi muri Guverinoma ya Wallonie mu Bubiligi, Caroline Désir yavumbuye n’inyangabirama ziba zihishe hirya no hino mu bihugu by’iburayi na Amerika.

Nk’uko bigaragara ku rubuga rwa X rwahoze ati Twitter, umugore witwa Mukandoli Eluce , ukoresha konte ya @Elucema2 wagaragaye nk’umwe mu bateguye uyu muhango, akaba umunyamuryango w’icyiswe ishyaka rutwitsi cya FDU Inkingi, akaba yaragaragaye nk’urwanya Leta y’u Rwanda ku mugaragaro.

Mukandoli Eluce wambaye umushanana ari kumwe na Minisitiri w’Uburezi muri Guverinoma ya Wallonie mu Bubiligi, Caroline Désir mu birori bya RifDP

Mukandoli Eluce yakunze kugaragara ari kumwe n’umuhezanguni w’umunyamakurukazi witwa Michela Wrong,ubu yagaragaye ari kumwe na Minisitiri w’Uburezi muri Guverinoma ya Wallonie mu Bubiligi, Caroline Desire aho yari yitabiriye umuhango wo gutanga iri shimwe rigenerwa 'uwaharaniye demokarasi n’amahoro' nk’uko RifDP ibisobanura, wabaye tariki ya 16 Werurwe 2024 ; biba buri mwaka bitegurwa na RifDP uyu mugore Mukandoli akaba ari no mubayobozi bawo .

Iri shimwe ryatangiye gutangwa muri Werurwe 2011 ubwo hizihizwaga umunsi mpuzamahanga w’uburenganzira bw’abagore. RifDP yasobanuye ko yaryitiriye Ingabire mu rwego rwo kumuha icyubahiro.
Inkomonko y’inkuru 'Source' : https://twitter.com/onduhungirehe/status/1769755653629722881

Itariki nk'iyi mu mu 2022, nibwo umunezero usendere watashye mu buzima bwa Ngabo Medard Jobert n’umugore we Mimi Mehfira, ubwo bibarukaga umwana w’umukobwa bise Myla Ngabo.

Uyu munsi, bari kwizihiza isabukuru y’imyaka ibiri y’imfura yabo.

Abinyujije ku rubuga rwe rwa Instagram n’akanyamuneza kenshi, Meddy yifashishije amashusho agaragaza urugendo rwose rw’umwana wabo kuva bamusama kugeza uyu munsi yujuje imyaka ibiri maze aragira ati: “Igikomangomakazi cyanjye gito cyujuje imyaka ibiri!!! Isabukuru nziza y’imyaka 2 gikomangomakazi cyanjye, mutima wanjye wose! Mwana wanjye! Ufite umutima wa Zahabu! Uri umugisha wanjye ukomeye kandi mbiha agaciro cyane. Imana iguhe imigisha uyu munsi n’iminsi yose myiza y’ubuzima bwawe! Nkurukunda kuruta ikindi kintu cyose. Nshimiye Imana ku bwawe.”

Umuhanzi nyarwanda Ngabo Medard Jobert [Meddy] wamaze kwinjira mu muziki wo kuramya no guhimbaza Imana, n'umufasha we Mimi Mehfira bibarutse umwana w’imfura bamaze hafi umwaka umwe basezeranye kubana akaramata.

Mu ijoro ryo ku wa Gatanu tariki 19 Ukuboza 2020, nibwo Meddy yasabye uyu munya-Ethiopia  ko yareka igihe basigaje ku Isi bakazakimarana.

Muri Kanama 2019, Mimi yari yatangaje ko nyuma y'igihe amanyanye n'uyu musore yabonye ari umwizerwa bityo ko amusabye ko babana atazuyaza.

Tariki ya 1 Mutarama 2019 ni bwo Meddy yerekanye umukunzi we mu Rwanda mu gitaramo cya East African Party Meddy yari yatumiwe kuririmbamo.

Urukundo rwa Meddy na Mimi rwatangiye muri 2017 ubwo Meddy ubwe yatangazaga ko hari umukobwa utari Umunyarwanda asigaye atereta uba muri Amerika.

Umuhanzi Ngabo Medard uzwi nka Meddy n'umukunzi we Mimi Mehfira ukomoka muri Ethiopia, bakoze ubukwe ku wa Gatandatu tariki 22 Gicurasi 2021, bubera i Dallas muri Leta zunze Ubumwe za Amerika.

Ibyo birori byitabiriwe n'abantu bake mu rwego rwo kwirinda ikwirakwira ry'icyorezo cya Coronavirus.

Mu babyitabiriye harimo abahanzi n'abandi bazwi cyane cyane mu Rwanda no muri Amerika barimo umuhanzi The Ben, Emmy, Miss Grace Bahati wabaye Nyampinga w'u Rwanda muri 2009, King James, Adrien Misigaro, K8 Kavuyo, Shaffy n'abandi.

Imfura ya Meddy na Mimi yujuje imyaka 2 y’amavuko

Bamwifurije imigisha mu minsi yose asigaje ku isi

Myla Ngabo

Ibyishimo byari byose ubwo bizihizaga isabukuru y’umwaka umwe

Yakorewe ibirori by’akataraboneka

Uyu mwana yazanye umunezero udasanzwe muri uyu muryango

Amakuru ava mu mwiherero w’ikipe y’igihugu y’u Bwongereza, avuga ko Bukayo Saka atigeze abasha gukorana imyitozo na bagenzi be kubera imvune yari afite. Bivugwa ko imvune ya Bukayo Saka, yayikuye kuri St George’s, mu mukino wo mu cyumweru cyabanje. 

Saka yasubiye muri Arsenal kugira ngo ajye kwitabwaho, dore ko tariki 31 Werurwe, Arsenal izacakirana na Manchester City muri English Premier League, amakipe yombi ari guhanganira igikombe cya Shampiyona. 

Ishyirahamwe ry’umupira w’amaguru mu Bwongereza ryavuze ko nta gahunda yo gusimbuza Bukayo Saka izabaho, mu gihe bagenzi be bari kwitegura gucakirana n’u Bubiligi hamwe na Brazil mu mikino ya gicuti. 

Bukayo Saka ni intwaro ikomeye u Bwongereza buhombye ukurikije uko yari ahagaze muri uyu mwaka w’imikino. 

Saka amaze gutsindira Arsenal ibitego 16, yayifashije kandi kugera muri kimwe cya Kane cya UEFA Champions League, ndetse ari kuyifasha kwiruka ku gikombe cya Shampiyona. Bukayo Saka amaze gukinira Ubwongereza imikino 32, amaze kuyitsindira ibitego 11.

Bukayo Saka yamaze gutandukana na bagenzi be mu mwiherero w’ikipe y’igihugu yu Bwongereza kubera imvune 

Bukayo Saka na Harry Kane mu ikipe y’igihugu y’u Bwongereza 

Saka yageze mu ikipe y’igihugu y’Ubwongereza yaravunitse 

Nubwo Saka yavunitse ni umukinnyi ukomeje gufasha Arsenal kugera kuri byinshi

Aba banyawenya bombi bari ku rutonde rw'abagombaga gutaramira Abanyarwanda n'abandi mu gitaramo cyabaye mu ijoro ryo kuri uyu wa Kane tariki 21 Werurwe 2023 muri Kigali Conference and Exhibition Village ahazwi nka Camp Kigali.

Ndetse Michael Sengazi yari aherutse kwifata amashusho ayasakaza ku mbuga nkoranyambaga ze zirimo na Instagram akangurira abafana be kutazacikwa n'iki gitaramo. Kigingi we nta kintu yigeze avuga kuva yatangazwa ko azitabira iki gitaramo.

Bari guhurira ku rubyiniro n'abarimo Isacal, Muhinde, Clement, Mavid na Pazzo, Killaman na Dr Nsabi, Rusine Patrick, Umushumba, Rusine Patrick, Fally Merci, Patrick Salvador ndetse na Dr Okello Hilary.

Fally Merci utegura ibi bitaramo abinyujije muri kompanyi yashinze ya CIM yari aherutse kubwira InyaRwanda ko bahisemo gutumira Kigingi, bitewe n'ukuntu yitwara ku rubyiniro, kandi abantu bari bamukumbuye.

Anavuga ko biri muri gahunda bihaye ijyanye n'uko buri nyuma y'amezi atatu batumira umunyarwenya wo mu kindi gihugu mu rwego rwo gufasha abanya-Kigali gususuruka.

Akomeza ati 'Gen-z Comedy buri mezi atatu dutumira umunyarwenya wo hanze y'Igihugu ubushize hari Okkello(Uganda) ubu twazanye Kigingi kugirango dukomeze twubake umubano n'abanyarwenya b'abaturanyi. Kigingi twamuzanye kuko ararenze kandi avuga n'ururimi abanyarwanda bumva cyane.'

Alfred Aubin Mugenzi wamenyekanye nka Kigingi akurikirwa n'abarenga ibihumbi 107 kuri Instagram, yaje mu Rwanda mu bihe bitandukanye, atanga ibyishimo mu bitaramo yagiye atumirwamo. Yakunze kugaragara mu bitaramo by'urwenya bitegurwa na Nkusi Arthur, n'ibindi bihuza abanyarwenya.

Kuba atagaragaye muri iki gitaramo, hari ababihuje n'impamvu za Politiki bashingiye kuba u Rwanda n'u Burundi bitabanye neza muri iki gihe.

U Burundi buherutse gufunga imipaka ibihuza n'u Rwanda. Ndetse mu minsi ishize Ikipe ya Dynamo BBC yanze gukina yambaye imyambaro ya 'Visit Rwanda' mu mukino wari kuyihuza na FUS Rabat yo muri Maroc barasezerwa mu irushanwa rya BAL 2024.

Abategetsi b'u Burundi bashinja kandi u Rwanda gufasha umutwe wa RED-Tabara guhungabanya umutekano no kwica abantu mu Burundi. Ariko ibyo u Rwanda rurabihakana.

Hagati ya 2015 na 2022 u Burundi bwafunze imipaka yabwo n'u Rwanda, umuturage w'u Burundi uciye inzira y'ubutaka akemererwa kujya mu Rwanda ahawe uburenganzira bwanditswe na leta.

Ibi byagize ingaruka zikomeye ku bitaramo by'abahanzi b'Abanyarwanda bari bateguye gukorera mu Burundi, kuko byagiye bihagarikwa mu bihe bitandukanye.

Mu kiganiro cyihariye na InyaRwanda, Fally Merci utegura ibitaramo bya Gen-Z Comedy yavuze ko kuba Kigingi atabonetse mu kwizihiza imyaka ibiri y'ibi bitaramo by'iseka rusange, byaturutse ku mpamvu zitunguranye yagize.

Ati '(Ntabwo ari impamvu za Politiki), Oya! Ni impamvu zitunguranye, we yanyandikiye arambwira ati kubera impamvu zitunguranye, ntabwo ndibuboneke. Rero, ntabwo ari impamvu za Politiki.'

Yasobanuye ko Michael Sengazi atataramiye bitewe n'uko atubahirije gahunda bari bamuhaye. Yavuze ati 'Urumva yari azi ko aza gukora hagati ya bariya bashyitsi [ Dr Hillary Okello na Patrick Salvador] kandi abashyitsi bo ubwabo bari bateguye ko bari bwakirane [Kwakira undi kuri Stage] niko 'Stage' y'abo yateguye.'

Akomeza ati 'Rero yahise abivamo, kandi mbona ntakindi twakora. Nari kwica 'set' y'abashyitsi iyo nza kugira icyo mpinduraho.'

Kigingi ari mu banyarwenya b'abahanga badashidikanywaho na benshi bitabira ibitaramo by'urwenya. Kigingi yaje mu Rwanda kuhataramira mu gitaramo cy'urwenya cya Comedy Jam, cyabereye muri Serena Hotel agihuriyemo na Nkusi Arthur ndetse na Anne Kansiime wo muri Uganda.

Kigingi yahuriye ku rubyiniro na bagenzi be barimo Eric Omondi, Nkusi Arthur, Chipkeezy, Herve, Babu, Michael n'abandi.

Mu 2019, Kigingi yateye urwenya mu iserukiramuco 'Kigali International Comedy Festival' ryahuje abanyarwenya b'inkorokoro, ryateguwe na Comedy Knights ifatanyije n'Uruganda rwa SKOL Brewery Limited Rwanda.

Icyo gihe, Kigingi yavuze ko ari ku nshuro ya munani ataramiye mu Rwanda. Ati 'Si ubwa mbere nje gutaramira mu Rwanda. Ndumva ubu ari ku nshuro ya munani. Umuntu arakura mu bintu akora, ibihugu byacu birahuye cyane, ariko na none bikagira n'aho bitandukanira.'

Umunyarwenya Kigingi yabuze ku munota wa nyuma mu gitaramo cya Gen-z Comedy

Kigingi yabwiye abategura ibi bitaramo ko yagize impamvu zitunguranye n’ubwo hari ababihuje n’uko ibihugu byombi bitabanye neza muri iki gihe

Umunyarwenya Michael Sengazi yageze Camp Kigali ataha adataramiye abitabiriye Gen- Z Comedy 

Michael Sengazi witegura gutaramira muri Canada, yashakaga gutera urwenya mbere y’uko Patrick Salvador asoza ariko siko byagenze 

Fally Merci yavuze ko Kigingi yagize impamvu zatumye adataramira abakunzi be muri ibi bitaramo

Umunyarwenya Patrick Salvador yongeye kwemeza abanya-Kigali, avuga ko yifuza kuzahura na Perezida Kagame
Nkusi Arthur yashimiwe uruhare yagize mu guteza imbere ibitaramo bya Gen-Z Comedy bitegurwa na Fally Merci

Umuhanzi Juno Kizigenza aganira na Massamba Intore ndetse na Aimable Twahirwa ukora muri Minisiteri y'Urubyiruko ndetse n'Iterambere ry'Ubuhanzi

Bazwi cyane mu biganiro bisesengura ku miyoboro itandukanye ya Youtube, kandi no ku mbuga nkoranyambaga z'abo barabica bigacika. Ku buryo kumva ko batangiye gukorera Radio ari imwe mu ngingo yagarutsweho cyane muri iki gihe.

Isibo FM iherutse gutangiza ku mugaragaro ibikorwa byayo, aho ivugira kuri 98.7 FM. Yibarutswe na Isibo TV nyuma y'imyaka itatu ishize igeza ku Banyarwanda ibiganiro byubakiye ku gufasha Abantu kwidagadura, kwiteza imbere, kwiyungura ubumenyi n'ibindi.

Ni Radio yatangiye ikoresha umurongo wakoreshwaga na KFM nyuma y'uko ivuye ku isoko. Ndetse bafite n'izindi 'Frequency' eshatu [Ubwo zose hamwe ni enye] bizatuma yumvikana mu bice bitandukanye by'Igihugu.

Ndetse hari gahunda yo gushyira ibiganiro byayo ku mbuga zirimo nka Youtube, ku buryo abantu bashobora kubikurikira imbona nkubone.

Ni Radio ifite ibyuma bigezweho by'ikoranabuhanga, ku buryo hari 'Software' bafite igaragaza gahunda za Radio bazajya bishyura ibihumbi 3000 by'amadorali buri mwaka.

Abahanga mu bijyanye n'imitunganyirize ya Radio, bavuga ko kuvuga neza kwa Radio bituruka ku byuma, bidashingira ku murongo iyo Radio ivugiraho.

Mu kiganiro cyihariye na InyaRwanda, Umuyobozi wa Isibo, Kabanda Jado yavuze ko nyuma yo gutangiza Televiziyo Isibo, yagize n’igitekerezo cyo gushinga Radio mu rwego rwo kwagura urugendo rw’itangazamakuru yinjiyemo, agamije gushyira itafari rye ku guteza imbere uyu mwuga.

Uyu mugabo avuga ko gushinga Televiziyo byoroshye ‘kurusha gushinga Radio’. Ashingiye kuri ‘Frequency’ enye za Radio yahawe, avuga ko azabasha kumvikana ku kigero cya 85% mu bice bitandukanye by’Igihugu.

Ati “Mu Burasirazuba mfite ‘Frequency’ yaho, mfite iyo muri Butare (Huye), indi mirongo y’indi n’ayo nzabimenyesha. Ariko twabonye enye. Natwe iminara yacu iri kuri Jali. Hari n’iminara iri ‘nyarupfubire’ mu Burasirazuba….”

Kabanda Jado avuga ko icyekerezo yubakiyeho ibi bitangazamakuru biri mu mpamvu zatumye ahitamo abanyamakuru ‘abantu bitako batwika’. Ati “Mu by’ukuri njye ndi mu myidagaduro, ntabwo naje mu makuru, ntabwo naje muri Politiki, rero intego yacu n’imyidagaduro, amasaha 24 kuri 24.”

Avuga ko guhuriza mu kiganiro Fatakumavuta, DC Clement ndetse na ‘Peacemaker Pundit’ mu 'Isibo Radar’, no guhuriza Dj Brianne, Djihad na Emmy Nyawe mu kiganiro ‘rwari urugendo rutoroshye’.

Yavuze ko aba bose bari bamaze umwaka baratangiye ibiganiro byo gukorera iyi Radio, kandi buri wese yagiye amuganiriza ukwe. Kabanda ati “Guhuriza Fatakumavuta na Clement mu kiganiro kimwe byarangoye cyane, ariko baje kubyumva, bumva ko ntabwo ari njye bakorera bakorera abanyarwanda… Kubazana rero narabicaje, ndabaganiriza, mbumvisha ibyo ng’ibyo barankundira baremera…”

Yabahuje kugirango biyunge? Yibuka no gutegura umunyamategeko?

Uyu muyobozi yavuze ko guhuriza Fatakumavuta na Clement mu kiganiro bitari mu murongo wo kubunga, ariko ko nabyo bibaye byaba ari intambwe nziza, ahubwo yabikoze mu rwego rwo kugirango ibibarimo babihe Abanyarwanda.

Ibitekerezo bya bamwe mu bantu babonye ibiganiro bizajya bitambuka ku Isibo FM, byuzuye abavuga ko ubuyobozi bw’iki gitangazamakuru bukwiye gutegura umunyamategeko kuko hari abashobora kuzakurikiranwa bitewe n’ibyo batangaje kuri Radio.

Jado Kabanda yavuze ko basanzwe bakorana na Maitre Bayisabe uburanira na Bruce Melodie. Kandi yumvikanisha ikosa umunyamakuru yakorera kuri Youtube yarikorera no kuri Radio, bityo ko aha hose amakosa angana.

Yavuze ko nta muntu ukwiye gushidikanya ku bushobozi bw’abanyamakuru yazanye, kuko abakeneyeho ubushobozi bujyane no kuganiriza Abanyarwanda.

Ati “Njye ntabwo nkeneye Igifaransa, nkeneye Ikinyarwanda. Niba nzanye umuntu uvuga Igifaransa nzashaka umunyamakuru uvuga Igifaransa (amwakire). Twe tubwira Abanyarwanda, ntabwo tubwira Abafaransa cyangwa Abongereza.

Akomeza ati “Ikintu nshaka kubanza kuvuga cya mbere niba nonaha Djihad akora ikiganiro ujye ku biganiro bye akora byose birarebwa, ni ukubera iki afite ‘Audience’ bivuze ko umuntu udafite ‘Youtube’ akeneye kumwumva kuri Radio. Icya kabiri wemera ko impano ishobora gukora kuruta ubumenyi wakuye ku ishuri…’

Kabanda avuga ko yize ibijyanye na Mechanic Automobile ariko ko bitewe n’amahugurwa yakoze ajyanye na ‘Production’ yaje kwisanga akora ibikorwa bifite aho bihuriye n’amashusho n’amajwi.

Yavuze ko Djihad na Brianne na bagenzi be yabazanye kubera ko ‘nkeneye ko baganiriza abaturage’. Avuga ko Fatakumavuta, Pundit na Clement abitezeho gusesengura amakuru ajyanye n’imyidagaduro.

Akomeza ati “Guhuza aba bagabo [Fatakumavuta na Clement] ntabwo byari byoroshye. Ntabwo ari ikintu cyari cyoroshye. Ntabwo wakumva umuntu wagutukaga hariya, undi atuka undi hariya, ngo ubabwire uti noneho ibitutsi byanyu simbyitayeho nitaye ku kiri muri mwe. Nicyo nshaka noneho. Ni byiza barankundiye, baratangiye.'

Yabazanye agamije kuzamura izina rya Radio?

Kugeza ubu Isibo FM n'iyo bucura muri Radio zikorera mu Rwanda. Aha niho Kabanda ahera avuga ko kwitabaza abantu basanzwe bazwi kuri murandasi, yabikoze mu murongo wo kwamamaza iyi Radio.

Yavuze ko umusaruro wo kuba yarahisemo abanyamakuru bazwi, watangiye kwigaragaza mu gihe gito, kuko bisunze imbuga nkoranyambaga zabo bagaragaza ko batangiye urugendo rwo gukorera Isibo FM.

Ati “Navuga ko abantu benshi iyi Radio bayimenye. Banshyiriye ku mbuga nkoranyambaga zabo (Abanyamakuru yakiriye) icyo ni kimwe kandi ni cyiza. Ni n’ikintu nakwishyura amafaranga menshi, iyo ni imwe mu nzira buri muntu agira uburyo akoramo ibintu bye yo mu mikorere ye cyangwa yo kumenyekanisha ikintu cye.'

Uyu muyobozi yavuze ko ntawe ukwiye gutekereza ko atazarambana n’aba banyamakuru, kuko ‘ni abanyamakuru beza’ yifuza gukorana nabo imyaka n’imyaka.

Ati “Hari abavuze ngo bafite amezi atatu ukwa kane bakitaba RIB. Ziriya ni inzego zacu nyine turakorana. Iyo watannye barakugarura ntabwo RIB ari iyo gufunga…Kuki idakumira se kitaraba (Icyaba) nabyo birakorwa…”

Kabanda yavuze ko abantu badakwiye gutega iminsi aba banyamakuru, kuko ari abantu bazi icyo gukora, ahubwo bakwiye kubashyigikira mu rugendo rushya rwa Radio. Ati “Nibabe iminsi, be kubatega iminsi. Babahe umwanya bumve ibibarimo nicyo nababwira.”

Sengabo Jean Bosco [Fatakumavuta], Niyigaba Clement [DC Clement] ndetse na Mbarubukeye Etienne [Pundit Peace Maker] bazajya bahurira mu kiganiro bise 'Isibo Radar' kizajya gitambuka kuri iriya Radio, ku wa Mbere kugeza ku wa Gatanu, ndetse no ku Cyumweru kugeza mu masaha akuze.

Bombi bakoreye ibitangazamakuru bitandukanye, yaba ibyifashisha amajwi n'amashusho. Ariko abakoresha umuyoboro wa Youtube babazi cyane, ahanini bitewe n'ubusesenguzi bagiye bakora ku ngingo zinyuranye n'uburyo batangije uruhererekane rw'ibiganiro bise 'Operations'.

99% by'ibizaba bigize iki kiganiro ni ubusesenguzi. Bazajya bitsa ku muziki, Filime, bongereho no gukora inkuru bakubiye mu cyiswe 'Operation'.

DC Clement aherutse kubwira InyaRwanda ko nubwo bazwi nk'abanyamakuru b'abataripfana ku muyoboro wa Youtube, ariko mu kiganiro 'Isibo Radar' bazakomeza gukora bubahirije amahame y'itangazamakuru.

Ati 'Cyane! Kuko hari amahame y'itangazamakuru anagenga ibitangazamakuru bitandukanye na Youtube, ukuri gufite ibimenyetso ko ntagutinya ku kuvuga, ariko nanone nta kurengera kurimo.'

Fatakumavuta aherutse kubwira InyaRwanda ko yagarutse mu itangazamakuru rya Radio afite intego yo kugaragaza ko ariwe musesenguzi wa mbere mu bijyanye n'imyidagaduro.

Fatakumavuta yari amaze igihe kinini atumvikana mu itangazamakuru ryo kuri Radio. Yavuze ko kugaruka kwe kuzumvikana cyane mu biganiro by'ubusesenguzi azajya akora. Ati 'Abantu bitege indi ntera mu busesenguzi bw'amakuru ajyanye n'imyidagaduro.'

Umuyobozi wa Isibo, Kabanda Jado yatangaje ko nyuma yo gushinga Televiziyo yagize n'igiterekezo cyo gushinga Radio 

Kabanda Jado yavuze ko guhuriza mu kiganiro Fatakumavuta na Clement

Isibo TV/Fm ikorera Le Plestige- Rwandex mu Mujyi wa Kigali

Sengabo Jean Bosco [Fatakumavuta]

Niyigaba Clement [DC Clement]
Mbarubukeye Etienne [Pundit Peace Maker]

Gateka Esther uzwi nka DJ Brianne

Emmanuel Rukundo (Emmy Nyawe) 

KANDA HANO UREBE IKIGANIRO TWAGIRANYE N’UMUYOBOZI WA ISIBO TV/FM

“>

VIDEO: Murenzi Dieudonne- InyaRwanda.com

Umunya-Senegal ufatira Rayon Sports, Khadime Ndiaye yavuze ko we yifuza kuguma muri Rayon Sports umwaka utaha w’imikino ariko na none bikaba bitari mu biganza bye.

Uyu mukinnyi yaje muri Rayon Sports mu mikino yo kwishyura ya shampiyona ya 2023-24 muri Mutarama 2024 aho yasinye amezi 6, bivuze ko amasezerano ye azarangirana n’uyu mwaka w’imikino.

Khadime Ndiaye agaruka ku kuba amasezerano ye narangira azaguma muri Rayon Sports, Khadime yavuze ko abyifuza ariko bitari mu biganza bye.

Ati 'Ntabwo ari njye wavuga kuri ibyo ni umpamagariye ariko njye nifuza kuba nasigara muri Rayon Sports kuko ni ikipe nziza nagiriyemo ibihe byiza.'

Gusa nubwo abivuga ariko amakuru ISIMBI yamenye ni uko ubuyobozi bwa Rayon Sports bwegereye uyu mukinnyi ngo babe baganira kukongera amasezerano ariko akaba atarimo kubyumva neza.

Ni mu gihe hari andi makuru avuga ko Khadime yaba yaregerewe n’andi makipe hano mu Rwanda arimo na Police FC amwifuza ngo abe yayerekezamo.