Author: webrwanda

Harabura iminsi micye ngo ukwezi kwa Werurwe k'umwaka wa 2024 gushyirweho akadomo. Werurwe, ni ukwezi kwagaragayemo kwigaragaza cyane kw'abahanzi b'abanyempano by'umwihariko abafatwa nk'abakizamuka mu muziki.

No muri iki cyumweru kiri kugana ku musozo, abahanzi nyarwanda brakoze cyane, abatari baherutse nka Young Grace baragaruka, abo mu muziki wo kuramya no guhimbaza Imana nabo bashyira hanze ibihangano bishya byinjiza abantu mu bihe bya Pasika cyane ko byegereje.

Mu ndirimbo nyinshi zasohotse muri iki cyumweru, InyaRwanda yaguhitiyemo indirimbo 10 gusa zagufasha kuryoherwa n'impera za Weekend ndetse n'impera z'ukwezi kwa Werurwe muri rusange:

1.     Ingabo — Victor Rukotana

“>

2.     Akanyoni — Okkama

“>

3.     Mirror — Fela Music

“>

4. Bwe Bwe Bwe — Bruce The 1^st, Ish Kevin, BullDogg & Kenny K-Shot

“>

5.     Dangerous — Young Grace

“>

6.     Ni Insazi — Amag The Black

“>

7.     Ndabihiwe — Niyo Bosco

“>

8.     Uri Imana yo Gushimagizwa — Josh Ishimwe

“>

9.     Simaragido — Antoinette Rehema

“>

10.  Jambo — Jesca Mucyowera 

“>

Perezida wa Rayon Sports, Uwayezu Jean Fidèle yavuze ko kugeza ubu atakwemeza niba aziyamamariza kongera kuyobora iyi kipe cyangwa atazabikora kuko bitari mu biganza bye.

Uyu muyobozi w’imyaka 58 uri ku mpera za manda ye y’imyaka 4 yatorewe mu Kwakira 2020, avuga ko we ubu ikimuraje ishinga ari ukubanza gusoza manda ye.

Yabitangaje nyuma y’umwiherero ubuyobozi bw’iyi kipe bwagiranye n’ubwa Skol ku wa Kane w’iki cyumweru bareba aho umwaka w’imikino ugeze ndetse n’uko bakwitegura umwaka utaha.

Yagize ati 'Icyo ndwana na cyo ni ukurangiza manda, ibindi ntabwo nabimenya. Kubera ko muri njye nzaba ndangije manda, ikiri mu mutwe nwanjye ni ugutoresha tugatora undi kuko manda izaba irangiye, uwo ninjye.”

Gusa yakomeje avuga ko nta bushobozi afite bwo kubyemeza cyangwa kubihakana ko uruhare runini ruri mu biganza by’Abarayon ndetse n’uko azaba yiyumva muri icyo gihe.

Ati 'Mu buzima ariko ntabwo twigenga, abakunzi bashobora kumbwira ngo perezida tubabarire dufashe wenda dukorere umwaka umwe cyangwa ibiri. Nkareba nkanasanga birashoboka, nshobora kureba nkasanga ariko nabishakaga ariko ubuzima cyangwa iki biratuma ntakora, ubu si nakubwira ngo ni uku bizagenda.”

Ku ngoma ye, Rayon Sports yegukanye ibikombe 3 Icy’Amahoro, Super Cup na RNIT Savings Cup ni mu gihe mu bagore begukanye igikombe cya shampiyona y’abagore mu cyiciro cya kabiri.

Uyu mwaka birashoboka ko yakongeraho ibindi 3 kuko Rayon Sports y’abagore itsinze umukino w’uyu munsi yahita yegukana shampiyona y’icyiciro cya mbere ni mu gihe ikiri no mu gikombe cy’Amahoro. Mu bagabo ubu basigaye mu gikombe cy’Amahoro aho bageze muri 1/2.

Perezida wa Rayon Sports yavuze ko atakwemeza niba azongera kwiyamamariza kuyobora Rayon Sports

Ntabwo umukino wa gicuti waraye uhuje Amavubi na Botswana wagendekeye neza Byiringiro Lague aho yasimbujwe hakiri kare umujinya ukamutera agakubita agacupa k’amazi.

Hari mu mukino wa gicuti waraye uhuje Botswana n’u Rwanda muri Madagascar aho amakipe yombi yanganyije ubusa ku busa.

Ubwo umukino wari ugeze ku munota wa 33, Umudage utoza Amavubi, yabonye ko ibyo yasabye bamwe mu bakinnyi batarimo kubimuha niko gukora impinduka.

Yahise akuramo Rubanguka Steve hinjiramo Mugisha Bonheur Casemiro ni nako yakuyemo Byiringiro Lague hinjiramo Tuyisenge Arsene.

Lague wabonaga atishimiye gusimbuzwa, agisohoka mu kibuga ageze aku meza y’abasifuzi, umujinya wamufashe maze ahita akubita agacupa k’amazi kari kahateretse kikubita hasi.

Ndetse amashusho agaragaza ko atahise ajya kwicarana na bagenzi be ku ntebe y’abasimbura ahubwo yahise ajya mu rwambariro.

Uyu musore bishobora kutamugendekera neza kuko kimwe mu bintu umutoza Frank Spittler yagaragaje ari uko atishimira imyitwarire nk’iyi.

Uyu mukinnyi ashobora kwisanga ahanwe kuko twibukiranye ko ubwo Hakim Sahabo yakoraga ibintu nk’ibi ku mukino wa Zimbabwe (yarasimbujwe ntiyabyishimira na we atera agacupa k’amazi ishoti), ku mukino ukurikiyeho wa Afurika y’Epfo yahise amubanza ku ntebe y’abasimbura. Ntibizangire rero uwo bitungura mu gihe Lague atagaragara ku mukino wa Madagascar uzaba ku wa Mbere kuko biragoye ko iki gikorwa umutoza w’Amavubi yakirenza ingohe.

Yavuye mu kibuga akubita agacupa k’amazi kubera umujinya

Biragoye ko Frank Spittler ashobora kubireka bigatambuka

Umufaransa utoza Rayon Sports, Julien Mette mu gihe gito ayimazemo ubuyobozi bwashimye umusaruro bukaba bwifuza kumuha amasezerano mashya.

Yageze muri Rayon Sports mu mpera za Mutarama 2024 aho yasinye amasezerano azarangirina n’uyu mwaka w’imikino.

Gusa mu gihe gito ahamaze imikorere ye ikaba yarashimwe n’ubuyobozi bwa Rayon Sports ndetse n’unuterankunga w’iyi kipe, Skol.

Ku wa Kane w’iki cyumweru, Rayon Sports yagiranye umwiherero na Skol wagarutse ku gutegura shampiyona y’umwaka utaha ndetse no kureba uburyo iyi yasozwa neza.

Amakuru ISIMBI yamenye ni uko kimwe mu byagarutsweho harimo n’umutoza Julien Mette aho bemeje ko agomha guhabwa undi mwaka w’amasezerano.

Rayon Sports amaze kuyitoza imikino 7 ya shampiyona aho yatsinzemo 5 atsindwa 2, ubu ni iya kabiri ku rutonde rwa shampiyona n’amanota 45 irushanwa na APR FC ya mbere 13. Yafashije Rayon Sports kugera muri 1/2 cy’igikombe cy’Amahoro aho bazakina na Bugesera FC.

Julien Mette arongerwa amasezerano y’umwaka umwe

Abatunze Imbwa n’ipusi mu Bwongereza babwiye MailOnline ko bishyuzwa amafaranga menshi kubera imiti, aho ibiciro byiyongereye birimo amafaranga arenga 100 yo kuzivuza amaso na 400 yo kuvura munda n'inzoka, mu gihe imiti myinshi yerekana ko ihenze cyane kuruta ubwishingizi.

Kugeza ubu mu Bwongereza ngo umuti w’amaso y’imbwa uhagaze amapawundi 400 aya uyashyize mu manyarwanda ni 650,116.69 Frw, ushaka kuzogoshesha yishyura amapawundi ibihumbi 22 angana na 35,759,827.29Frw. Mu gihe kubaga inda imbwa cyangwa ipusi bihagaze amapawundi 10,000 angana na 16,254,466.95 Frw.

Impungenge ziragenda ziyongera kubera ko ubuyobozi bw’umuryango CMA ukurikirana amatungo mu Bwongereza, bwaburiye ba nyiri amatungo ku bijyanye n’ibiciro bikomeje kuzamuka. Byumwihariko bashobora kwishyura amafaranga menshi kuri veterineri kubera imiti y'amatungo yabo, imiti yandikiwe no kuyitaho.

Isuzuma rya CMA ryerekanye ko abatunze imbwa n’ipusi badashobora guhabwa amakuru ahagije harimo urutonde rw’ibiciro byo kuzivuza, kugirango bashobore guhitamo uburyo bwiza buciriritse bwo kuvuza amatungo yabo.

Kandi byagaragaye ko ba nyirubwite benshi bafite amafaranga bahitamo kwerekeza mumahanga kubiciro bihendutse. Aho bamwe bajya kuvaza imbwa zabo mu Bufaransa no mu Budage ahari ibiciro biri hasi.

Kugereranya byerekana ko abazitunze bashobora kuzivuza ku mafaranga make mu mahanga, hamwe n'ibanze ry'ubuvuzi bw'injangwe igura amapawundi 23 mu Bufaransa na 28 mu Budage ugereranije n'amapawundi 54 mu Bwongereza.

Uwitwa Emma Carter wahuye n’ikibazo cyo gutanga amafaranga menshi kuva veterineri yishyuye amapawundi 9.300 igihe yabagishaga mu nda imbwa ye yitwa Arthur amaranye imyaka 12. Aya mafaranga yayitanzeho bayibaga mu nda uyashyize mu manyarwanda ni 15,112.57Frw

Madamu Carter, ukomoka muri Catterall muri Lancashire, yabwiye MailOnline ko  imbwa ye yitaweho cyane ariko ikibazo cyaje kuba amafaranga yishyujwe. Aho avuga ko ibiciro by’abaveterineri ‘Bihangayikishije’.

Yagereranije uburyo ibinini 60 5mg bya Omeprozel yahaye imbwa ye Arthur, bigura amapawundi 60 aya ni 97,491.55Frw, mu gihe umugabo we yishyura amapawundi 110 k’umwaka kuri 20mg z’ibinini bya Omeprozel. Byumvikane ko amafaranga batanze ku binini by’imbwa yakoresheje rimwe aruta cyane kuyo batanze ku binini by’umwaka wose umugabo yafataga.

Undi uri kurira ayo kwarika kubera ibiciro biri hejuru byo kuvuza imbwa ni Nikki Bentley wakoresha amapawundi 20.000 yo kwita no kuvura imbwa ye yitwa Nellie yo mu bwoko bwa German Shepherd yapfuye mbere ya Noheri mu 2023 nyuma yo kurwara Lymphoma ndetse na Gastroenteritis haemorrhagic. Aya mafaranga Nikki yavujije imbwa ye angana na 32,491.17 Frw.

Yizera ko abaveterineri batishyuza gusa ibimenyetso byinshi ku buvuzi ahubwo banakora ibizamini bidakenewe kandi bihenze kugirango bibonere amafaranga

Madamu Bentley w’imyaka 59, yatangarije MailOnline ati: ‘Igiciro cyo gusura abaveterineri, kuvura no gufata imiti cyazamutse cyane mu myaka yashize kandi bigaragara ko abaveterineri ntacyo bibabwiye kubiciro byabo bihanitse ahubwo ko bishimira kubona bishyuwe aho kwita ku mbwa zacu”.

Niba ukurikiranira hafi ntakuntu waba utarahura na misa y'urwenya ya Burideal, umusore muto uba abara inkuru ziganjemo iz'amakuru y'imyidagaduro mu buryo bwitwaye nk'ubukoreshwa na Kiliziya Gatolika.

Uburyo abikoramo bikaba byaratumye izina rye rihita rizamuka nubwo avuga ko yagiye aterwa imijugujugu hari naho akomoza ku kuba haba hari abamusabye kubihagarika cyangwa bakazamugezayo.

Si uwe wenyine kuko mu ba vuba Zaba Missed Call, umwe mu bamaze gushinga imizi muri sinema amaze igihe aca igikuba yitwaye nka Yesu Kristo akanayita 'Yesu w'Inyongera' [Prime Jesus].

Ibi bikaba ari ibintu bidakunze gufatwa kimwe tukaba dushingiye ku nkuru ikomeje kugarukwaho ya Asake twifuje kunyura muri iyi ngingo ngo tunumve icyo abantu bamwe babitangazaho.

Ibya Asake bihagaze gute?

Ku wa 29 Gashyantare 2024 ni bwo yashyize hanze amashusho y'indirimbo 'Only Me' aho abayitwaye nka Musenyeri ashagawe n'Abapadiri.

Ibi bikaba byarazamuye inyunganizi zitandukanye z’abiganjemo abakristo n'abanyamadini muri rusange bagaragaza kwiyambika mu buryo butajyanye n’ibyo arimo gukora bidakwiye.

Muri 2022 DMW na we yibasiwe cyane n'abasilamu bavuga ko atarakwiriye gukoresha isengesho rya 'mat' mu ntangiriro z'indirimbo ye 'Jaye Lo'.

Nubwo umuhanzi afite uburenganzira bwo gukora uko ashaka ibihangano bye abanyamadini bakomeza kugaragaza ko hari ubwo abahanzi barengera.

Ese ubundi bihagaze bite  ibirebana no gukoresha ibimenyetso Bitagatifu mu buryo bwa gihanzi

Ibyo kuba abahanzi basa n’abubahuka ibimenyetso bifatwa nk'Ibitagatifu mu ndirimbo z'amashusho ntabwo bitangiye muri iki gihe nk’uko raporo yakozwe na MTV ibigaragaza,aho yerekana ko mu amashusho yasohokaga icyo gihe agera kuri 38% yabaga yifashishije ibi bimenyetso.

Nko mu ndirimbo yayobowe na Perlicks, uyu muhanga mu gutunganya amashusho yifashishije muri Gwagwalada ya BNXN,umukobwa wambaye nk'Umubikira arimo anywa itabi yari abizi neza ko ari igikorwa kirengeye.

X uri mu batunganya amashusho yavuze kuri iyi ngingo agira ati'Abantu benshi bakoresha ibi bimenyetso bagamije gukurura abantu benshi bareba ibikorwa byabo babizera neza ko amashusho bakoze azagera kure rero abahanzi baba bumva ko ari inzira ikomeye yo kurema amakuru.'

Abandi nabo bakaba bagaragaza ko ibi abahanzi usanga babikora kugira ngo berekana ko imbaraga abantu bizerera mu madini kenshi ziba ari ikinyuranyo.

Hari kandi n’ababa babibona igisubizo gihura neza n’ibyo bifuza.

Dunsin Bankole avuga kuri iyi ngingo yagize ati'Abahanzi rimwe na rimwe usanga baba bashaka kwerekana ishusho nyayo ijyanye n’ibyo bumva byagakwiye guhura n'ubuhanzi bifuza mu ndirimbo, bakisanga bageze no muri ibyo bimenyetso.'

Umwe mu bahanga mu birebana no gutegura ibitaramo no gutunganya filimi, Moyo Onipede ati'Kenshi umuhanzi icyo aba ayishyize imbere ni icyateza ubuhanzi bwe imbere kurusha ibindi bintu byose, ibyo abakristo cyangwa abandi banyamadini bamutekerezaho.'

Hari ubwo abahanzi babihuriramo n'ibibazo bikomeye

Byinshi bivugwa kuri iyi ngingo aho abizera babibonamo kurangira kw’Isi, abandi bakavuga  kurengera ariko abahanga mu buhanzi bavuga ko butagira imbibi bwageza uwari wese ku rugero atigeze arota no kugukora icyaricyo cyose cyane iyo kidafite uwo cyakwangiza.

Na none ariko siko buri gihe bihira ababikora kuko hari ubwo Lil Nas X uhorana udushya yashyize hanze indirimbo yise 'J Christ' byarakaje benshi mu bakurikiraga agahiga ahomba abagera ku bihumbi 150 byihuse.

Davido hari amashusho ye yigeze gufungwa bitewe no kuba hari uko atasobanuraga neza ibirebana n'imyimerere ya benshi mu majyaruguru ya Nigeria.

Rema muri 2023 igitaramo cye cyarahagaritswe bitewe n'imyigaragambyo yakozwe nabo mu idini rya Orthodox muri Ethiopia, bavuga ko batakwemera ko azamuri icyo gihugu kandi hari ibyo akora by'imihango ya shitani nk'umukufe yambara mu ijosi usobanuye ngo hatwikwe amatorero.

Imyambarire n’imyitwarire ya Zaba wongeyeho Prime Jesus hari abatarayikiriye neza bavuga yagiye kure mu buhanzi bweAsake  hari abagaragaza ko atari akwiye kwifashisha imyitwarire n’imyambarire y’abakozi b’Imana mu bintu bitajyanye

KANDA HANO UREBE ONLY ME YA ASAKE

“>

KANDA HANO UREBE IBIGANIRO BYA BURIDEAL BYATEJE IMPAKA

“>

Ni ibintu avuga ko bireba abafite aho bahuriye n'uruganda rw'umuziki yaba abahanzi, abanyamakuru n'abandi. Kandi gushyira hamwe ntibivuze gusangira icyo kunywa no kurya, no kugiranira ibiganiro byihariye biganisha ku mubano.

Yumvikanisha ko buri wese akwiye kugira intekerezo zagutse, aho yumva ko iterambere rya mugenzi we ari naryo terambere rye. The Ben yashimangiye ko akunda cyane Bruce Melodie, kandi ko yabimubwiye imbona nkubone mu bihe bitandukanye.

The Ben yavuze ko yahuye bwa mbere na Bruce Melodie mu mwaka wa 2017, ubwo yari akiri kumwe n'umujyanama we wa mbere ubu abarizwa muri Uganda.

Icyo gihe bari bataragira n'igitekerezo cyo gukorana indirimbo. The Ben ati 'Naramuhobeye, bimwe ajya avuga ngo naramukanze, naramuhobereye, ndamubwira muvandimwe ndagukunda, kandi ndatekereza ko uri umwe mu bafite amahirwe y'intangiriro nziza…'

Icyo gihe ahura na Bruce Melodie yari ataragera ku bihangano byinshi, kandi yamubwiye ko afite 'inkoni izamufasha kugera aho ashaka'. Ati 'Iryo jambo nararimubwiye, naramubwiye nti ufite inkoni, genda ukore ibintu bidasanzwe…'

Yavuze ko amagambo yamubwiriye muri Uganda, yongeye kuyamusubiriramo ubwo bari mu Mujyi wa Washington muri Leta Zunze Ubumwe za Amerika mu gikorwa cya Rwanda Day, ku wa 2-3 Gashyantare 2024.

Mu kiganiro yagiriye ku rubuga rwa X na Godfather, The Ben yavuze ko kuba Bruce Melodie avuga ikibazo nawe akamusubuza biba biri mu murongo wo gusubiza abumva ko 'mbanshaka kwigira mwiza'.

Ati 'Iyo maze kuvuga hari abantu bamwe na bamwe bavuga bati Ben aba ashaka kwigira mwiza. Aho kugirango nigire mubi nakwigira mwiza.'

Yavuze ko azi uburyo amakuru y'imyidagaduro akorwamo, ariko ko iyo bigeze aho habaho abantu bo ku ruhande bapanga ibindi bintu bitari byiza biba bitakiri 'showbiz' nk'uko buri wese yabyumva.

Ati 'Nkunda 'Show' ariko iyo habayeho kuvuga ko 'behind the scene' hari abandi bantu bari gupanga ibindi bintu birenze by'ubugome by'indengakamere, ariko bibaye ari 'showbiz' abantu bakishima… Ntacyo bitwaye, ariko bikaba 'showbiz'. '

Akomeza ati 'Umuhanzi yasohora indirimbo, nanjye nkasohora indirimbo, abafana bakishima… Ben yamara igihe adasohora indirimbo abafana bakababara, bakamutuka, iyo ni 'showbiz'… Ariko iyo hari gupangwa ibindi bintu bitari byiza, hari ibihamya bihari bifatika, ntibaza ko nagomba kujya hano ngo mpanure… Nagerageje kugoragoza ibyabaye, mugenzi wanjye hari interview yavuze avuga ko yumvise asuzuguwe…'

The Ben yavuze ko akimara kureba ikiganiro Bruce Melodie yavugiyemo ko yamusuguye ubwo bari bagiye gukorana indirimbo ntibikunde, yumvise ko ari ibintu bisanzwe, ariko bigeze aho bishimangirwa na Producer Made Beats wakoze iyi ndirimbo yumvisemo ikindi kintu.

Yavuze ko icyo gihe yahise afata umwanzuro wo gusaba imbabazi Bruce Melodie. Ndetse, ko ubwo yari mu kiganiro n'itangazamakuru yumvikanishije ibyabaye byose.

The Ben yavuze 'ntabwo nasuzuguye umuhanzi mugenzi wanjye ku bushake, nabigambiriye'. Ati '[…] Mu by'ukuri nta n'ubwo namenye ko yasuzuguwe, ndetse namusaba imbabazi ejo bundi nabikuye ku mutima, mu mutima imbere ndamubwira nti umbabarire…'

Yavuze ko nyuma yo gusaba imbabazi, yabonye abantu bateye urwenya ku mbabazi yasabye ku buryo atari yarigeze yumva ko hari abantu babifata uko bashaka.

The Ben yifuza ko igihe kimwe yazibuka neza ibyabaye ubwo Bruce Melodie yajyaga kumureba bwa mbere bafitanye gahunda yo gukorana indirimbo, agasanga ari gukina 'Play Station' ari kumwe na Producer Zizou.

Yahishuye ko nubwo Bruce Melodie yababajwe cyane no kuba batarakoranye indirimbo ya mbere nk'uko bari bapanze, ariko hari indirimbo ya kabiri bagerageje gukorana yari gukorwa na Producer Element akibarizwa muri Country Records, ariko ntiyigeze isohoka.

Ati 'Hagati y'icyo gihe n'uyu munsi, habayemo indi 'Project' yanjye nawe urumva. Wabibaza na Element, wabibaza na County Records yose yari ihari…'

Yavuze ko kuba iyi ndirimbo itarasohotse hari izindi mpamvu zabayeho, ariko bidakwiye guhuzwa no kuvuga ko The Ben asuzugura.

Aha niho The Ben ahera yibaza impamvu Bruce Melodie buri gihe mu itangazamakuru yumvikana cyane agaruka ku ndirimbo ya mbere bari gukorana ikozwe na Producer Made Beats.

The Ben yumvikanishije bibaho ko umuhanzi ashobora kujya gukorana indirimbo na mugenzi we akagira ibyo ahugiramo, ariko ntibibuze ko umushinga ukomeza.

Yatanze urugero avuga ko ubwo yari agiye gukorana na KrizBeatz, hari igihe yamusize muri studio asigara yandika ajya gukina na Tekno uri mu bakomeye muri Nigeria. Ati 'Ariko yaragarutse (KrizBeatz) turakomeza turakorana.'

Yavuze ko icyubahiro aha Bruce Melodie, ari cyo kimwe n'icyo yaba umuhanzi ukizamuka mu rwego rwo kumwerekana urugendo rw'umuziki.

The Ben avuga ko ashobora kuba ariwe muhanzi wa mbere wo mu Rwanda ufitanye indirimbo nyinshi na bagenzi be, kuko n'iyo asubije inyuma amaso asanga arusha indirimbo n'abahanzi bo hambere bamamaye mu mateka.

Kuri we abisobanura nk'umugisha yagisha kuba yarabashije gukorana indirimbo n'abahanzi benshi. Imibare ya hafi igaragaza ko afite indirimbo zirenga 38 yakoranye n'abandi bahanzi.

Afite indirimbo 'Uzaba uzaba' yakoranye na Roger, 'Sinarinkuzi', 'Sibeza' na 'Thank you my God' yakoranye na Tom Close, 'Karibu sana' na 'Inzu y'ibitabo' yakoranye na Diplomat, 'Impfubyi' yakoranye na Bull Dogg, 'Rahira' yakoranye na Liza Kamikazi;

Lose Control, Ndi uw'ikigali na Jambo yakoranye na Meddy, 'For Real' yakoranye na Igor Mabano, Ngufite k'umutima na Muruturuturu yakoranye n'umuraperi Bushali, 'Kwicuma' yakoranye na Jay Polly na Green P,

'Nkwite nde' yakoranye na Adrien Misigaro, 'Zoubeda' yakoranye na Kamichi, 'Tugumane' yakoranye na Uncle Austin, Ijambo nyamukuru, Ndi uw'ikigali na Africa Mama Land yakoranye n'umuraperi K8 Kavuyo, 'Inkuba Remix' yakoranye na Riderman.

'Karara' yakoranye na Neg g the general, 'Ntacyadutanya' na Priscilla, 'Why' na Diamond, 'Can't get enough' na Otile Brown, Sheebah (Binkolera), Butera Knowless (Mbahafi), Rema Namakula (This is Love), B2C (No You No Life),

Ben Kayiranga (Only U), Christo Panda (Ashit), Mucoma (Umutoso), ⁠Babu (GoLo), ⁠Yvan Buravan ndetse na Mike Kayihura (Ihogoza), ⁠Kid Gaju (Kami), Bac T (Ice Cream), Ally Soudi (Umwiza wanjye), 'Imvune z'abahanzi, ⁠Ommy Dempoz (I got you) n'izindi.

The Ben yatangaje ko yagerageje kuvugisha kuri Telefoni Bruce Melodie kugirango amusabe imbabazi inyumva nkumve ariko ntibyakunda 

The Ben avuga ko yari yasabye Bruce Melodie gukorana indirimbo iri mu buryo bwiza bw’aho buri wese ayiyumvamo kandi ikwiriye abafana

The Ben yahishuye ko hari indirimbo ya kabiri yakoranye na Bruce Melodie ihera mu kabati ka Country Records
The Ben ntiyumva impamvu buri gihe Bruce Melodie yitsa ku ndirimbo ya mbere itarakozwe igihe yamusangaga ari gukina ‘Play Station’
The Ben yavuze ko ashingiye ku mubano utari mwiza hagati ye na Bruce Melodie byarenze ‘Showbiz’ ku buryo atabura gutekereza ko hari ikindi kibyihishe inyuma