Author: webrwanda

Graça ni umunyapolitiki umaze kubaka izina mu gihugu cye no ku mugabane wa Afurika dore ko yamaze igihe kirenga imyaka 10 ari Minisitiri w'Uburezi n'Umuco muri Mozambique, akaba yaranakoze nk'impuguke ku bibazo by'abana mu Muryango w'Abibumbye (UN).

Graça Simbine Machel yavutse ku ya 17 Ukwakira 1945, avukira i Gaza, muri Mozambique, akaba umuhererezi mu muryango w’abantu batandatu. Se yapfuye habura ibyumweru bitatu ngo avuke, asiga amabwiriza avuga ko umwana we agomba kuziga amashuri ahambaye.

Nyuma yo kurangiza amashuri yisumbuye, itorero rya Metodiste ryamuhaye buruse yo kwiga muri kaminuza ya Lisbonne riherereye muri Porutigali, ahitamo kujya kwiga ibijyanye n’indimi.

Ubwo yigaga muri iyi kaminuza, igipolisi cy'ibanga cyakoze ubugenzuzi bukomeye muri Porutigali, biba ngombwa ko Graça areka amashuri maze ahungira mu Busuwisi.

Mu 1973 yasubiye muri Tanzania, maze yinjira mu ishyaka rya FRELIMO aho yahuriye n’umugabo we wa mbere, Samora Machel wabaye Perezida wa mbere wa Mozambique.

Ku ya 25 Kamena 1975, ni bwo Mozambique yabonye ubwigenge maze Samora Machel agirwa Perezida wa mbere w'iki gihugu cyari gishya icyo gihe.

Igihe yarahiraga kuba Perezida wa Mozambique, Samora Machel yari yarapfakaye nyuma y'uko umugore we Josina, yitabye Imana azize indwara ya leukemia mu 1971. 

Muri Nzeri 1975, Graça yashakanye na Perezida Samora maze aba umudamu wa mbere w’iki gihugu, ahuza izi nshingano no kuba Minisitiri w'Uburezi kugeza 1986.

Kuva ubwo Graça wari usanzwe yitwa Simbine yaje gufata izina rya Machel nyuma yo gushakana n'uwahoze ari umukuru w'igihugu y'amezi atatu gusa uyu mugabo akigejeje ku bwigenge.

Nyuma y'imyaka 11 bari bamaze babana nk'umugore n'umugabo, ku wa 19 Ukwakira mu 1986 Samora Machel yaje kwitaba Imana azize impanuka y'indege yabereye mu misozi ya Lebombo ku mupaka wa Mozambique na Afurika y'Epfo. 

Ibi byaje gutuma Graça ahabwa akazina ka Jackie Kennedy wa Afurika, kuko yari ahuje amateka na Jackie Kennedy wari umugore w'uwahoze ari umukuru w'igihugu wa Leta zunze ubumwe za Amerika, bakaba bari bahuje ibyago byo gupfusha abagabo bakiri ku butegetsi.

Samola Machel yasigiye Graça abana babiri ari bo Josina na Malengane.

Mu 1998, mu birori by'ibanga Graça yashyingiranywe na Nelson Mandela wayoboye Afurika y'Epfo. Ubukwe bw'aba bombi bwari igitangaza, kuko bwabaye ku munsi w'isabukuru y'amavuko y'imyaka 80 y'umunyabigwi Mandela, bwitabirwa n'abashyitsi bakomeye bo ku rwego mpuzamahanga barenga 2,000.

Amaze gushyingiranwa na Mandela, Graça yafashe umwanya wa Madamu wa Perezida wa Afurika y’Epfo afite imyaka 52.

Graça akomoza ku ishyingirwa rye na Mandela yaragize ati: 'Twese twari dukuze, dutuje, kandi twari tuzi agaciro k'urushako.'

Nelson Mandela, nawe yaje kwitaba Imana mu 2013, bigira Graça umugore wa gatatu w'uyu mukambwe nyuma ya Evelyn Wase na Winnie Mandela, anafata izina 'Mandela' guhera ubwo yitwa 'Graca Machel Mandela.'

Ubwo yasangizaga ikinyamakuru The Guardian iby'agahinda yatewe no gupfakara kabiri, yaragize ati 'Niba ushobora kwiyumvisha uburyo miliyoni z'abantu bafashe iki gihombo, ubwo ushobora kumva icyo bivuze kuri njye, kuhaba kwe, kuzuza buri gice cy'ubuzima bwanjye, buri gace k'ubuzima bwanjye arimo none ubu ni uburibwe, ubu icyo gice kirimo ubusa kandi kiri gushakisha, kugeza n'aho wishaka ubwawe. Wiyumva nk'aho nawe muri wowe hari icyahindutse kuko ibi ntibyakubaho ngo ugume uko wari umeze'.

Graça yabaye hafi ya Mandela no mu burwayi bwe kugeza yitabye Imana. Graça yagiye ahabwa ibihembo bitandukanye ku rwego rwa Afurika n'Isi muri rusange birimo nk'icyitwa World's Children's Prize yahawe muri 2005.

Ku ya 24 Ukwakira mu 2022, Perezida Paul Kagame yakiriye uyu mugore muri Village Urugwiro, aho yari ari mu Rwanda yitabiriye inama y'Ihuriro Nyafurika ku bikorwa by'ubugiraneza (African Philanthropy Forum) yari iri kubera i Kigali.

Graça w'imyaka 79 yari yitabiriye iyi nama nk'uwashinze ikigega 'GracaMachelTrust', gitinyura abagore kwinjira mu myanya y'ubuyobozi kandi kigaharanira n'uburenganzira bw'abana, nka kimwe mu bituma afatwa nk'umwe mu bakora ibikorwa by'ubugiraneza ku mugabane wa Afurika.

Graca Machel ni we mugore rukumbi waciye agahigo ko gushyingiranwa n’abakuru b’ibihugu bibiri

Yashakanye na Nelson Mandela wahoze ari Perezida wa Afurika y’Epfo nyuma yo gupfakara ku nshuro ya mbere

Mbere Graca yari yarashakanye n’uwahoze ari Perezida wa Mozambique, Samora Machel

Gasogi United yakandagije ikirenge kimwe ku mukino wa nyuma w’igikombe cy’Amahoro cya 2024 nyuma yo gutsinda Police FC 1-0 mu mukino ubanza.

Uyu munsi ni bwo hatangiye imikino ya 1/2 cy’Igikombe cy’Amahoro aho Police FC yari yakiriye Gasogi United kuri Kigali Pelé Stadium.

Gasogi United yatangiye ishaka igitego hakiri ku munota wa 7, Djibrine Hassan yahawe umupira yisanga arebana n’umunyezamu Onesime ariko ateye mu izamu unyura hanze ya ryo.

Police FC wabonaga ikora amakosa mu bwugarizi yaje gutsindwa igitego cya mbere ku munota wa 12 ku ikosa rya Rurangwa Mosi, Mudeyi Akbar yahise afungura amazamu.

Gasogi United yakomeje kurusha Police FC ndetse ibona amahirwe ariko ba rutahizamu barimo Djibrine Hassan ntibayibyaza umusaruro.

Police FC yagerageje kwishyura iki gitego ariko biranga bajya kuruhuka ari 1-0.

Police FC mu gice cya kabiri yocyeje igitutu Gasogi United, irema uburyo bwinshi bw’ibitego ariko abakinnyi nka Muhadjiri, Savio, Mugisha Didier na Bigirimana Abedi ntibabyaza umusaruro amahirwe babonye. Umukino warangiye ari 1-0.

Undi mukino ubanza wa 1/2 uzaba ejo ku wa Gatatu aho Bugesera FC izakira Rayon Sports.

Ni umugabo uvuga ko yahibibikaniye umuziki, kandi ibikorwa bye birigaragaza bityo ko ukeneye kumushimira, akwiye kubikora mu gihe akiriho.

Ni we uri inyuma y'indirimbo nyinshi abahanzi nyarwanda bagiye bahuriramo na bagenzi babo mu mahanga, kandi avuga ko yakoraga ibi byose ku bw'ineza n'urukundo afitiye umuziki.

Ibi ni byo byashingiweho mu ijoro ryo ku Cyumweru tariki 14 Mata 2024, ahabwa igihembo nk'umujyanama wahize abandi mu Karere k'Afurika y'Iburasirazuba 'Best Manager', yahigitse abarimo Babu Tale uri mu bakomeye muri Tanzania.

Mu kiganiro n'itangazamakuru mu ijoro ryo kuri uyu wa Mbere tariki 15 Mata 2024, ku kibuga cy'indege Mpuzamahanga cya Kigali, yavuze ko iki gikombe ari igisobanuro cy'uko 'nkunda umuziki' kandi 'byarigaragaje.

Ni igikombe avuga ko yatuye abantu bose cyane cyane abakunda umuziki w'u Rwanda n'abatawukunda. Cyabaye igikombe cya kabiri yegukanye Mpuzamahanga, nyuma y'icyo yahereye muri Uganda nka 'Best Promoter' mu Karere k'Afurika y'Iburasirazuba.

Muyoboke yavuze ko imyaka 18 ishize ari mu muziki ayifiteho urwibitso rwiza n’urubi, kuko atangira gufasha abahanzi, ikoranabuhanga ryari ritaratera imbere, bityo abantu bakwiye kumushimira ibyo yakoze.

Ati “Indirimbo yarakorwaga muri studio, nayibona nkafata Telefoni nkahamagara Ally Soundy, Reandre n’abandi, nkavuga nti irakugeraho gute?”

Uyu mugabo yumvikanishije ko gushyigikirana mu muziki w’ibindi bihugu ari byo bituma umuziki w’abo utera imbere bitandukanye n’uko bimeze mu Rwanda.

Yavuze ko nta muntu ‘ugura igikombe cyangwa se igihembo’ ahubwo abantu bagushimira bitewe n’ibyo wakoze.

Yahuje Eddy Kenzo na Bruce Melodie, umuhanzi umugarukaho muri iki gihe

Muri iki kiganiro, Muyoboke yavuze ko ariwe wagize uruhare mu ikorwa ry’indirimbo Eddy Kenzo yahuriyemo na Bruce Melodie, kuko uyu muhanzi yamwiyambaje amusaba ko yamuhuza na Eddy Kenzo, ariko ko abantu batigeze babimenya.

Ati “Eddy Kenzo ajya gukorana na Melodie nari mpagararanye na Melodie arambwira ati ariko buriya Kenzo twazakorana gute? Mfata telefone duhagararanye aho Madebeats yakoraga, mpamagaraga Eddy Kenzo ndamubwira nti Melodie arashaka gukorana nawe, arambwira ati ‘uwo muhungu ndamukunda, aririmba neza ndamufana’.”

Yakomeje avuga ko akimara kuvugana na Eddy Kenzo yahise aha nimero ye Bruce Melodie, kuva ubwo baravugana kugeza ubwo bashyize mu bikorwa ikorwa ry’indirimbo. Ati “Ni aho iriya Collabo yavuye.”

Ibi byatumye Eddy Kenzo aza mu Rwanda mu bihe bitandukanye guhura na Bruce Melodie bategura umushinga w'iyi ndirimbo bise ‘Nyoola’, ndetse banahuje imbaraga mu kuyimenyekanisha mu bitangazamakuru bitandukanye.

Muyoboke avuga ko indirimbo nyinshi abahanzi bo mu Rwanda bahuriyemo na bagenzi babo yazigizemo uruhare kuva ku ndirimbo za Rafiki. 

Muyoboke yavuze ko nubwo yagize uruhare mu guhuza Bruce Melodie na Eddy Kenzo ariko ‘ntabwo ari inshuti na Bruce Melodie’.

Manager w’ibihe byose!

Muyoboke yavuze ko abamwita iri zina babikuye ku mutima abashimira, ariko kandi hari ababivuga mu rwego rwo kumunnyega ‘ntabwo bikuraho ibikorwa twakoreye umuziki wacu’. Ati” Muzika yacu turayikunda, kuko twabikoraga batanahari, kandi n’ubu turacyayikunda (Muzika y’u Rwanda).”

Yavuze ko aho guhora abantu bahanganye bakwiye guhuriza hamwe bagakora ibikorwa bifatika, kandi bagashyigikirana kuko ari byo bitumye muri iki gihe ibihugu byinshi umuziki w’abo warateye imbere.

Imikoranire ye na Marina na Chris Hat

Ku wa 16 Ugushyingo 2020, Muyoboke Alex abinyujije muri kompanyi ya Decent Entertainment yashinze, yatangaje ko yasinyishije umuhanzi Chris Hat.

Mu muhango wabereye kuri Onomo Hotel, Chris Hat yagaragaje ibikorwa binyuranye birimo indirimbo nshya yarimo ategurira abafana be n'abakunzi b'umuziki.

Ni umuhango witabiriwe cyane cyane n'abantu basanzwe bazwi mu ruganda rw'umuziki n'abandi bagiriye inama Chris Hat zo kwifashisha mu rugendo rwe.

Mu bitabiriye harimo Masamba Intore, Tom Close, Humble Jizzo wo muri Urban Boys, Mushyoma Joseph uyobora East African Promoters itegura ibitaramo, Judo Kanobano, David Bayingana n'abandi.

Muyoboke yavuze ko amasezerano yari afitanye n'uyu musore yageze ku musozo nyuma y'uko amukoreye indirimbo umunani, kandi yamufashije kuririmba mu bitaramo bikomeye birimo n'icyo Koffi Olomide yakoreye i Kigali.

Avuze ibi mu gihe aherutse gutangira gufasha umuhanzikazi Marina gukomeza urugendo rwe rw'umuziki, ndetse banashyize hanze indirimbo yakoranye na

Muyoboke yavuze ko nta byinshi yavuga ku mikoranire ye na Marina, ariko ni umuhanzi w'umuhanga wo gufasha.

Muyoboke Alex yatangaje ko ariwe wahuje Bruce Melodie na Eddy Kenzo bakorana indirimbo 'Nyola'

Muyoboke yavuze ko iki gikombe yegukanye ari igisobanuro cy'uko 'nkunda umuziki'

Muyoboke yavuze ko yatandukanye na Chris Hat nyuma y'uko amukoreye indirimbo umunani

Muyoboke yavuze ko muri iki gihe ari gukorana na Marina nubwo nta byinshi yabivugaho 

KANDA HANO UREBE IKIGANIRO TWAGIRANYE NA MUYOBOKE ALEX

“> 

KANDA HANOUREBE AMASHUSHO Y'INDIRIMBO 'NYOOLA' YA BRUCE MELODIE NA EDDY KENZO

“>

Yabitangaje kuri uyu wa Mbere tariki 15 Mata 2024, ubwo yinjizaga mu ngabo z'u Rwanda (RDF) abasirikare bo ku rwego rwa ofisiye 624.

Aba basirikare bashya bahawe ipeti rya 'Sous Lieutenant' nyuma yo gusoza amasomo mu Ishuri Rikuru rya Gisirikare rya Gako.

Perezida Kagame yabwiye abasirikare bashya kwanga uwasuzugura cyangwa ngo abagaraguze agati, avuga ko uzibeshya akabikora akwiriye guhabwa isomo ku buryo azicuza impamvu yabikoze.

Kurikira ijambo rya Perezida Kagame ubwo yinjigaza abasirikare bashya muri RDF

Ecofin Agency yatangaje ko mu 2023, u Rwanda rwohereje mu mahanga Coltan zipima toni 2,070, birushyira ku mwanya wa mbere ku isi mu kohereza nyinshi, mu gihe RDC ya kabiri yohereje toni 1,919.

Uretse umwaka ushize, u Rwanda rwaje kuri uwo mwanya wa mbere no mu 2014, 2015, 2017 na 2019, rukaba rwaragendaga rusimburana kuri uwo mwanya na RDC. Umwaka ushize nibwo bwa mbere u Rwanda rwesheje umuhigo wo kohereza Coltan irenze toni 2,000.

Muri rusange mu 2023 agaciro k'amabuye y'agaciro u Rwanda rwohereje mu mahanga kageze kuri miliyari 1.1$ kavuye kuri miliyoni 772$ mu 2022, bivuze ko kiyongereye ku kigero cya 43%.

Coltan gusa yinjirije u Rwanda asaga miliyari 31,434 Frw mu gihembwe cya mbere cya 2023, avuye mu biro 475,785 rwohereje mu mahanga kuva muri Mutarama kugeza muri Werurwe 2023.

Mu gihembwe cya kabiri cya 2023, u Rwanda rwohereje mu mahanga coltan zipima ibiro 587,015 zirwinjiriza asaga miliyari 35,961 Frw.

Ni mu gihe mu gihembwe cya gatatu cya 2023, Coltan u Rwanda rwohereje mu mahanga ingana n'ibiro 468,887, aho mu Ukwakira rwohereje ibiro 159,29 bifite agaciro ka miliyari 8,930 Frw, mu Ugushyingo rwohereza ibiro 128,887 bifite agaciro ka miliyari 6,935 Frw, mu gihe mu Ukuboza rwohere ibiro 180,393 bifite agaciro ka miliyari 8,572 Frw.

Ikigo Gishinzwe Mine, Peteroli na Gaz (RMB) cyatangaje ko impamvu y'iryo zamuka ry'amabuye y'agaciro arimo Coltan yoherezwa mu mahanga bikomoka ku kuyongerera umusaruro, ubunyamwuga mu bucukuzi, kongera imbaraga mu bikoresho bigezweho, ndetse no gushyira mu bikorwa gahunda y'ubucukuzi burambye kandi butanga umusaruro.

Muri Werurwe umwaka ushize, mu kiganiro Perezida Kagame yagiranye n'abanyamakuru, yavuze ko abashinja u Rwanda kwiba amabuye y'agaciro ya RDC batazi ukuri kuko mu Rwanda ahari kandi meza kurusha aboneka aho handi.

Ati 'Wari uzi ko dufite amabuye y'agaciro hano? Coltan bavuga turayifite hano kandi ni nziza kurusha iboneka muri Congo. Igera kuri 40% yewe na 60% mu bwiza mu gihe iyo muri Congo iri kuri 20%.'

Imibare igaragaza ko akarere ka Afurika y'Iburasirazuba kihariye ibirenga 70% by'umusaruro wa Coltan ushyirwa ku masoko mpuzamanga.

Mu minsi ishize mu Karere ka Bugesera huzuye uruganda ruzajya rutunganya Coltan rukaba rufite ubushobozi bwo gutunganya toni 120 za Coltan mu kwezi, rukaba rwaruzuye rutwaye arenga miliyoni 20$.

Mu 2023, u Rwanda rwohereje mu mahanga Coltan zipima toni 2,070 birushyira ku mwanya wa mbere ku isi mu kohereza nyinshi

Iyi mpanuka yabaye ahagana saa saba z'amanywa yo kuri uyu wa Mbere tariki ya 15 Mata 2024.

Abatangabuhamya bavuga ko batunguwe n'uburyo iyi kamyo yagonze iyo moto kandi byari birimo kugendera mu cyerekezo kimwe.

Havugimana Janvier yagize ati 'Njye nshidutse igonze moto umumotari agwa hasi, umugenzi na we imukandagira umutwe ariko ntunguwe n'uburyo ibagonze kandi bari mu cyerekezo kimwe.'

Umumotari wari utwaye moto yagonzwe n'iyi kamyo, Rukundo Jean Pierre, yavuze ko umushoferi w'ikamyo ari we wamusagariye.

Ati ' Iriya kamyo inciyeho irangije iranyegera cyane, rero sinzi ikintu kirimo hariya hagati gihise kinkubita'.

Hbiyambere Jean Damascene wabonye impanuka iba, avuga ko amakamyo yagakwiye kubuzwa guca muri uyu muhanda wo ku Kinamba ku manywa kugira ngo hirindwe impanuka zikunze kuhabera.

Iyi mpanuka ikimara kuba abaturage bahisebahamagaza imodoka y'imbangukiragutabara ikorera ubutabazi bw'ibanze uyu mugenzi wari wakomeretse umutwe mu buryo bukomeye, ihita imujyana ku Bitaro bya Kaminuza bya Kigali CHUK.

Bivugwa ko ikamyo na moto byari biri mu cyerecyezo kimwe

Iyi mpanuka yabereye ku Kinamba

Nyakwigendera yitwaga Mugiraneza Wellars amakuru y'urupfu rwe yamenyekanye ku gicamunsi cyo kuri uyu wa Mbere tariki 15 Mata 2024.

Uyu mugabo wakoreraga ISCO yacungaga ibigega by'amazi bya WASAC biri mu Kagari ka Mpanga mu murenge wa Mukingo muri Nyanza.

Amakuru agera ku IGIHE avuga ko uyu mugabo yigeze kujya mu butumwa bw'akazi hanze maze akajya yoherereza umugore we amafaranga akayaguramo amatungo ariko akayandika mu mazina y'umusore wabakoreraga mu rugo, ku buryo ubwo yagarukaga yasanze imitungo yaguze yanditse ku mukozi we.

Umuyobozi w'Akarere ka Nyanza Ntazinda Erasme, yabwiye IGIHE ko amakuru bafite bakeka ko ibyaba byarateye uyu mugabo kwirasa akoresheje imbunda ari ibibazo yari afite mu muryango.

Yagize ati 'Ntiturabimenya ariko harakekwa amakimbirane mu muryango.'

Hatangijwe iperereza ngo hamenyekana neza intandaro y'urwo rupfu.

Byabereye mu karere ka Nyanza, Umurenge wa Kigoma

Ibi babigaragaje kuri uyu wa Mbere tariki ya 15 Mata 2024 mu gikorwa cyo kwibuka abatutsi bari bahungiye kuri Komini Muhazi bakaza kwicwa.

Umurenge wa Gishari ubarizwamo inzibutso ebyiri bigaragaza ubukana bwa Jenoside yahakorewe bigizwemo uruhare na Leta mbi yari iriho icyo gihe.

Urwibutso rwa Gishari rushyinguyemo imibiri y'abishwe muri Jenoside 1196 hakaba hiyongereyeho imibiri itatu yashyinguwe mu cyubahiro. Uyu Murenge kandi ubarizwamo urwibutso rwa Ruhunda rushyinguyemo imibiri 5181 y'abiciwe muri ako gace.

Mutabaruka Dan warokokeye muri uyu Murenge, yatanze ubuhamya bw'ukuntu yarokotse. Yavuze ko abatutsi bari bahungiye kuri Komini Gishari babanje kwirwanaho gusa baza kuraswa n'abari abasirikare ba Leta yari iriho.

Mutabaruka yavuze ko atazibagirwa uburyo mu rufunzo rwa Muhazi ruzengurutse uyu Murenge hari Interahamwe zicaga abageragezaga gushaka kurwihishamo ndetse n'abageragezaga kuhanyura bashaka koga ngo bambuke.

Uhagarariye imiryango y'abafite ababo bashyinguye mu rwibutso rwa Gishari, Kamasa Pierre Celestin, yavuze ko bashimira Inkotanyi kuba zarabarokoye.

Yagaragaje ko hari bimwe mu bice by'urufunzo ruzengurutse ikiyaga cya Muhazi bifuza ko hakorwa umuganda wo gushakisha imibiri y'abatutsi bahiciwe itari yaboneka.

Yagize ati 'Ndagira ngo nisabire hari urufunzo ruri hariya i Kavumu biragaragara ko harimo imibiri y'abantu bacu. Bibaye byiza hagakorwa ngira ngo nk'umuganda twese tugahaguruka tukajyayo n'abandi bakadufasha, twumva dufite icyizere ko hari imibiri y'abacu twakurayo kandi byashoboka.'

Kamasa yakomeje avuga ko hari n'ahandi mu Kagari ka Gati hitwa mu Gikono naho ngo habatera agahinda kuko hariyo imibiri myinshi y'abatutsi itari yaboneka kandi bizwi neza ko iyo mibiri ikiriyo.

Umuyobozi w'Akarere ka Rwamagana, Mbonyumuvunyi Radjab, yihanganishije abarokotse, abaha icyizere ko u Rwanda rusigaye rufite umutekano kandi uzakomeza kuramba.

Yijeje abarokotse ko bagiye gukorana na Ibuka mu kureba uko ahari iyo mibiri yahakurwa.

Ati ' Twafashe icyemezo nk'ubuyobozi bw'Akarere y'uko hagomba kubakwa ikimenyetso, ngira ngo ubuhamya twagejejweho batubwiye ko hari Gologota. Twe nk'ubuyobozi bw'Akarere ku itariki ya 22 nitujya kuhibukira icyo kimenyetso cyazaba cyuzuye, nyuma yo kubiganiraho na Ibuka mu Murenge wa Gishari twemeje ko twafatanya tukubaka ikirango gifatika mu buryo butihuse.'

Yakomeje avuga ko kandi Akarere kazafatanya na Ibuka mu kureba aho hantu koko mu rufunzo niba bashaka uko hashakishwa iyo mibiri y'abatutsi bahiciwe ikaba yashyingurwa mu cyubahiro.

Akarere ka Rwamagana kabarizwamo inzibutso 11 ziruhukiyemo imibiri y'abatutsi ibihumbi birenga 83.

Imibiri itatu niyo yashyinguwe mu cyubahiro

Umuyobozi w'Akarere ka Rwamagana Mbonyumuvunyi Radjab, yijeje abarokokeye i Gishari ko bazafatanya mu gushakisha imibiri itari yaboneka

Abayobozi batandukanye bitabiriye iki gikorwa

Urufunzo rwo mu kiyaga cya Muhazi abaharokokeye bavuga ko hakirimo imibiri myinshi