Author: webrwanda

Yabitangarije mu gikorwa cyo Kwibuka ku nshuro ya 30 Jenoside yakorewe Abatutsi, cyabereye mu Mujyi wa Rouen mu Ntara ya Normandie kuwa 13 Mata 2024.

Ni igikorwa cyahuje Abayanyarwanda batuye mu Bufaransa n'inshuti z'u Rwanda ndetse hanafungurwa ku mugaragaro Urwibutso rwa Jenoside yakorewe Abatutsi muri uyu mujyi.

Amb. François Nkulikiyimfura yatangaje ko kuba muri uyu mujyi hafunguwe Urwibutso rwa Jenoside ari ikimenyetso cy'uko baha agaciro abarenga miliyoni bishwe mu minsi 100 bazira uko baremwe.

Ati 'Umujyi wa Rouen binyuze muri uru Rwibutso rwafunguwe, uhaye agaciro igikorwa cyo kwibuka abarenga miliyoni bazize Jenoside yakorewe Abatutsi. Umujyi wa Rouen uradufasha gusohoza inshingano buri muntu ku giti cye; ari yo gufashanya kwibuka.'

'Byongeye kandi, Umujyi wa Rouen, binyuze muri uru Rwibutso, ni ahantu ho gutekereza ku barokotse Jenoside yakorewe Abatutsi batuye aha ndetse no mu karere. Uru rwibutso dufunguye ni ikimenyetso cy'ijwi ry'inzirakarengane tugomba kwibuka tukabaha icyubahiro bakwiye.'

Yashimiye abarokotse jenoside ku butwari bagaragaje n'ubudaheranwa byabaranze mu myaka 30 ishize.

Ati 'Imbaraga n'ubudaheranwa mwagaragaje kandi ni byo shingiro ry'ubwiyunge igihugu cyacu kimaze kugeraho. Nka Leta y'u Rwanda turabashimira kubw'impano ikomeye, isaba ibikomeye birimo kwemera kubana n'ababahemukiye, mugahitamo kwiyunga kugira ngo twubake igihugu cyacu.'

Yashimangiye ko Urwibutso rwatashywe rushimangira ko abatuye uyu mujyi bashyize imbere ukuri ku mateka ya Jenoside yakorewe Abatutsi.

Ati 'Uru rwibutso ruragaragaza ko twese hamwe dushyize imbere ukuri, kwibuka no guharanira ubutabera. Ni ikimenyetso cy'uko uyu mujyi uzahora wibuka Jenoside yakorewe Abatutsi, guharanira ko ibikorwa by'urugomo nka biriya byazongera.'

Yagaragarije abitabiriye iki gikorwa ko bafite inshingano zo guhangana n'ihakana n'ipfobya rya Jenoside yakorewe Abatutsi, bashyira imbere ubworoherane n'ubwumvikane.

Ati 'Tugomba kwihatira gukumira imvugo zihembera urwango, izihakana n'izipfobya Jenoside yakorewe Abatutsi, abagoreka amateka tugomba kubabwiza ukuri uko byaba bikomeye kose.'

Yahamije ko Kwibuka 'ni igihamya cy'uko tutazigera twibagirwa abazize Jenoside yakorewe Abatutsi, twasobanukiwe neza imizi ya Jenoside kandi ko ari umurage tuzaraga n'ibiraganano bizaza.'

Yasabye abahanga, abashakashatsi, abanyamakuru n'abandi gukomeza gucukumbura no gufasha abantu gukomeza kumva amateka ya Jenoside yakorewe Abatutsi.

Ati 'Umusanzu wabo ni ingenzi cyane kubera bimwe mu bikorwa byo kuyobya uburari, abavuga ko habayeho Jenoside ebyiri, abahakana uruhare rwabo n'ibindi.'

Yagaragaje ko kwibuka bisobanuye kwiyemeza ko ibyabaye bitazongera.

Abanyarwanda n’inshuti z’u Rwanda bunamiye inzirakarengane zazize Jenoside yakorewe Abatutsi

Amb Nkurikiyimfura ashyira indabo ku rwibutso rwari rumaze gufungurwa

Amb Nkurikiyimfura yunamira Abatutsi bishwe muri Jenoside mu 1994

Hari abayobozi bo mu Ntara ya Normandie n’abandi batandukanye

Amb Nkurikiyimfura yatangaje ko uru rwibutso rukwiye gutuma uyu mujyi utangira inzira yo guhangana n’abapfobya bakanahakana Jenoside yakorewe Abatutsi

[email protected]

Ni igikorwa cyabaye kuri uyu wa Kabiri tariki ya 16 Mata 2024 ku rwibutso rwa Ntarama ruherereye mu Karere ka Bugesera. Iki gikorwa cyo kwibuka ku nshuro ya 30 Jenoside yakorewe Abatutsi mu 1994 cyanabereyemo umuhango wo gushyingura mu cyubahiro imibiri yabonetse mu mirenge ya Nyamata na Ntarama.

Iyi mibiri yiyongereye ku mibiri irenga 5000 isanzwe ishyinguwe mu rwibutso rwa Ntarama.

Habarugira Alexis warokokeye i Ntarama yavuze uburyo abaturanyi babo, Interahamwe n'abayobozi bari bariho icyo gihe aribo baje kwica abari bahungiye i Ntarama.

Yashimiye Inkotanyi zahagobotse zigatabara Abatutsi bari bataricwa ndetse zikanahagarika Jenoside yakorerwaga Abatutsi.

Visi Perezida wa Ibuka wa kabiri ku rwego rw'Igihugu, Kagoyire Christine yavuze ko bidakwiriye ko imibiri y'abishwe muri Jenoside yakorewe Abatutsi izajya iboneka ari uko hakozwe ibikorwaremezo cyangwa hari abagiye kubaka, batangira gukubita amapiki mu butaka hakazamuka imibiri y'abantu, yasabye abafite amakuru ku hantu hari imibiri itarashyingurwa kuhagaragaza.

Ati 'Abantu bazi neza aho abo bantu bacu bashyizwe, turabasaba rero twivuye inyuma ngo baherekane bataruhije Leta yabagiriye neza, Leta yacu y'ubumwe bw'Abanyarwanda ntabwo yagiriye neza abacitse ku icumu ahubwo yagiriye neza n'Abanyarwanda bose. Kubona uri mu gihugu cyawe udahigwa nta mpamvu yo kuyitura ikibi, biture ineza ugaragaza aho abacu bari.'

Minisitiri w'Ubumwe bw'Abanyarwanda n'Inshingano Mboneragihugu, Dr Bizimana Jean Damascene, yavuze ko iyo ingengabitekerezo ya Jenoside itaranduwe aribyo bituma hari abo bikigora kwerekana aho iyo mibiri iri.

Yavuze ko heshi mu ho amadini n'amatorero yagiye ahera mu Rwanda bagiye bamara Abatutsi nyamara barasenganaga.

Ati 'Iyo ngengabitekerezo y'urwango yashinze imizi mu bantu, isimbura umutima, igasimbura ubwenge, igasimbura ukwemera igasimbura byose. Iyo ngengabitekerezo rero bisaba kuyisobanurirwa uko yatangiye kuko irondabwoko ryatumye Abatutsi bicwa, rifite uko ryatangiye ntabwo ryaje gutyo, ryarigishijwe.'

Minisitiri Bizimana yasabye ababyeyi kurerera abana babo mu rukundo, n'ubupfura kuko aribyo bizatuma abapfobya Jenoside yakorewe Abatutsi ntaho bamenera. Yasabye kandi urubyiruko kujya rutinyuka rugasubiza abahakana n'abapfobya Jenoside yakorewe abatutsi.

Akarere ka Bugesera kabarizwamo inzibutso enye harimo urwa Ruhuha, urwa Gashora, urwa Nyamata ndetse n'urwibutso rwa Jenoside yakorewe abatutsi rwa Ntarama. Izi nzibutso zose hamwe zishyinguyemo imibiri irenga ibihumbi 64 y'Abatutsi bishwe muri Jenoside.

Inzibutso zo mu Karere ka Bugesera zose hamwe zishyinguyemo imibiri irenga ibihumbi 64 y'Abatutsi bishwe muri Jenoside

Abayobozi banyuranye barimo Minisitiri Dr Bizimana na Guverineri Rubingisa bitabiriye iki gikorwa

Minisitiri Dr Bizimana yasabye ababyeyi kwigisha abana babo urukundo, avuga ko mu gihe babigishize neza abafite ingengabitekerezo bazabura aho bamenera

Abakinnyi 11 ba FC Barcelona babanje mu kibuga:

Ter Stegen

Koundé

Araujo

Cubarsi

Cancelo

De Jong

Gündogan

Pedri

Lamine Yamal 

Lewandowski

Raphinha

Abakinnyi 11 ba Paris Saint-Germain babanje mu kibuga:

Donnarumma

Hakimi

Marquinhos

Lucas Hernández

Nuno Mendes

Fabián

Vitinha

Zaire-Emery

Barcola

Dembélé

Mbappé

Mu mukino ubanza wari wabereye kuri Parc de Princes,byari byarangiye ikipe ya FC Barcelona yo muri Espagne isanzwe ifite ibikombe bya Champions League 5 itsinze Paris Saint-Germain idafite na 1 ibitego 3-2. 

Ni ibitego byari byatsinzwe na Raphinha ku munota wa 37 na 62 ndetse na Christensen kuwa 77 mu gihe Paris Saint-Germain yo yari imbere y’abafana bayo yari yatsindiwe na Ousmane Dembele ku munota wa 48 na Vitinha kuwa 51.

Ubwo bivuze ko Kylian Mbappé utarahiriwe n’umukino ubanza asabwa kuza gufasha iyi kipe ye ya PSG itazi uko igikombe cya Champions League gisa, isabwa gutsinda nibura ibitego 2-0 cyangwa 2-1 ubundi bakajya muri penariti.

Imibare yerekana ko aya makipe yombi amaze guhura imikino 9 muri Champions League,FC Barcelona ikaba yaratsinzwemo 2 gusa ,itsinda 4 banganya 3. Umukino Paris Saint-Germain iheruka gutsindira FC Barcelona iwayo byari mu kwezi kwa 02 kwa 2021 ibitego 4-1.

Ibi byabereye mu Mudugudu wa Rubaya mu Kagari ka Kabuga ku Cyumweru tariki 14 Mata 2024.

Uyu mukuru w'umudugudu muri icyo gihe yari kumwe n'ushinzwe umunyerondo n'ushinzwe iterambere n'imibereho myiza mu Kagari ka Kabuga.

Ushinzwe iterambere n'imibereho myiza mu Kagari ka Kabuga, Muhoza Innocent, yabwiye IGIHE, ko izi nsoresore zabategeye mu nzira ubwo bari bagiye kureba undi musore wari wahohoteye umuturage akamukubita.

Ati 'Badutegeye mu kayira ahantu hari umwijima. Hari hari kibazo cyari cyabaye, hari undi muntu wari wakubiswe bakeka ko uwamukubise ari ku kigo nderabuzima batwoherereza amafoto y'uwamukubise batubwira ko ariho ari natwe twari tugiyeyo dushaka kureba niba ari uwo mu mudugudu wacu wabikoze badutegera mu nzira.'

Yongeyeho ko bakubise umukuru w'umudugudu mu buryo bukomeye banamwambura telefone n'inkweto.

Ati 'Nibyo barabakubise cyane abo basore bari bavuye mu kabari njye ntibankubise, uretse ko umupira nari nambaye wacitse mu ijosi kubera uburyo bari barimo kunkurura.'

Bamwe mu bakoze urwo rugomo bahise bafatwa n'abaturage bashyikirizwa inzego z'umutekano.

Iyo filime igaruka kuri Jenoside yakorewe Abatutsi ariko by'umwihariko yerekana urugendo rwaganishije Abanyarwanda ku bumwe n'ubudaheranwa.

Ni filime yise 'umwe mu misozi igihumbi' kuko igaruka ku nkuru y'abana batatu Fideline, Olivier, na Fiacre bo ku musozi wa Mushirarungu mu Karere ka Nyanza bishwe muri Jenoside yakorewe Abatutsi ndetse n'urugendo rw'ubumwe n'ubwiyunge ku batuye mu Karere ka Bugesera mu mudugu w'ubumwe n'ubudaheranwa wa Mbyo.

Mu kiganiro na IGIHE, Bernard Bellefroid, yagaragaje ko nyuma yo gukora filime 'Rwanda the hills speak out' yagarukaga kuri Gacaca kandi igakundwa yiyemeje kugaragaza uko abishwe n'abiciwe bashobora kongera kubana.

Yagize ati 'Nakomeje gukurikirana umwe mu misozi nari nafashemo amashusho muri filimi ya Gacaca wa Mushirarungu i Nyanza. Nibutse ko mu 2005 abantu by'umwihariko abo mu Burayi bavugaga ku bintu byo kwiyunga. Ndibuka ko u Rwanda rwagaragaje ko icya mbere cyari icyo gutanga ubutabera hanyuma kwiyunga bikazaza nyuma.'

Uyu mugabo yatekereje kuba yakora iyo filime inkiko Gacaca zirangije imirimo yazo ariko yifuza kumenya uko ubumwe n'ubudaheranwa mu Rwanda buhagaze.
Yagaragaje ko byamutwaye igihe kinini kuyitunganya kuko ari igitekerezo yagize guhera mu 2004, kandi ko kuvuga kuri Jenoside atari ibintu byoroshye kandi ko bisaba ubushishozi buhambaye.

Iyo filime irimo ibice bitatu by'ingenzi bishingiye ku kuri kw'ibyabaye kuri abo bana batatu, kureba niba baba barabonye ubutabera bwuzuye binyuze muri Gacaca ndetse no kureba ukongera kwiyubaka n'ubumwe n'ubudaheranwa.

Yavuze ko gukora iyo filime bishingiye ku bumuntu n'inshingano zo kugaragaza ukuri ku mateka ya Jenoside yakorewe Abatutsi n'uko umuryango nyarwanda wongeye kwiyubaka nyuma yayo.

Ati 'Numvaga ari wo musanzu wanjye kugaragaza ibyabaye muri Jenoside yakorewe Abatutsi. Ntabwo nabona indi mpamvu yanteye gutegura iyo filime uretse kuba ari inshingano.'

Bitewe n'uko ari filime izerekanwa mu bihugu bitandukanye, Bertrand agaragaza ko ishobora kuba intwaro ikomeye ku bahakana bakanapfobya Jenoside yakorewe Abatutsi n'abagifite ingengabitekerezo ya Jenoside muri rusange.

Yagaragaje ko ubwo yari mu Rwanda yagiye muri Gacaca agahura na sekuru w'aba bana batatu wari witeze kubona ubutabera ariko nyuma y'imyaka ibiri gusa, uwashinjwaga uruhare mu rupfu rwabo yahise apfa.

Biteganyijwe ko iyo filime izerekanwa ku Rwibutso rwa Jenoside rwa Kigali ruherereye ku gisozi kuri uyu wa Gatatu tariki ya 17 Mata 2024.

Izahita ijya kwerekwa abantu b'i Nyanza bazateranira mu Ishuri Rikuru ry'Amategeko rya ILPD ku wa 18 Mata 2024, ndetse yerekanwe mu mugoroba wo kwibuka muri Gishamvu ku wa 19 Mata.

Bernard yagaragaje ko yifuza kwerekana iyo filime mu bice bitandukanye kuko azayereka abanyeshuri bo muri Kaminuza y'u Rwanda, Kaminuza Gatulika y'i Huye, mu mudugudu wa Nyamiyaga naho ni i Nyanza, Mundi Center no mu Karere ka Bugesera mu mudugudu wa Mbyo.

Uretse mu Rwanda ariko iyo filime ikinwe mu Kinyarwanda ikaba yarashyizweho amagambo y'Icyongereza n'Igifaransa izakomeza kwerekanwa mu bihugu binyuranye byo mu Burayi mu rwego rwo gukomeza kugaragaza ukuri kuri Jenoside yakorewe Abatutsi.

Kugeza ubu iyo filime yatangiye kwerekanwa kuri Zacu TV ndetse barateganya ko yazerekanwa no kuri Televiziyo Rwanda.

Bernard Bellefroid ari kumwe n’uwatunganyije iyo filime

Bernard Bellefroid yagaragaje ko filime yakoze agiye kuyimurikira Abanyarwanda mu bice bitandukanye

Iyi filime yashyizwe no mu Gifaransa kugira ngo abacyumva barusheho gusobanukirwa n’amateka

Bernard yagaragaje ko gukora iyo filime yumva ari umusanzu we mu kumenyekanisha amateka y’u Rwanda

Bamwe mu bagaragara muri iyo filime mbarankuru

Nyuma y'uko Perezida w'u Burundi ategetse abantu bose korora inkwavu mu rwego rwo kwiteza imbere, Abapolisi bo mu Burundi babereye intangarugero abandi baturage baba aba mbere mu korora inkwavu karahava.

Lt Col de Police Ntukamazina Jean Claude, wungirije Umukuru wa Polisi mu Ntara ya Cibitoke avuga ko nyuma yo kumva ubutumwa bwa Perezida Ndayishimiye, bahise bitabira ubworozi bw'inkwavu.

Yakomeje avuga ko n'ubwo batangiye uyu mushinga, hari amakoni yahuye n'isanganya nk'aho muri Murwi inkwavu eshanu zariwe n'imbwa ndetse n'izo muri Komini Rugombo zapfuye kubera ubushyuhe.

Buri gitondo mbere y'uko abapolisi batangira akazi, babanza gutanga amakuru y'uko inkwavu zimeze ndetse hagafatwa ingamba z'uko izi nkwavu zigomba kubaho mu rwego rwo kugira ngo zizabateze imbere.

Perezida Ndayishimiye yagiye gutanga igitekerezo cyo korora inkwavu nyuma yo kubanza kugerageza korora amasazi cyane ko  nta wundi muntu bari kuba bahanganiye isoko

  

Chryso Ndasingwa yavukiye i Nyamirambo mu Mujyi wa Kigali, akurira mu muryango w'Abakristo Gatolika, nyuma aza kwimukira mu itorero rya New Life Bible Church ari na ho abarizwa kugeza ubu. Yatangiye umuziki mu buryo bw’umwuga mu gihe cya Covid-19, none agiye gukora igitaramo cy’akataraboneka nyuma y’imyaka 4 gusa.

Tariki 05 Gicurasi 2024 ni bwo amaso yose y’abakunzi b’umuziki wa Gospel mu Rwanda azaba yerekejwe i Remera kuri BK Arena ahazabera igitaramo cy’amateka cy’umukozi w’Imana, Chryso Ndasingwa, aho azaba amurika umuzingo we wa mbere yose ‘Wahozeho’ ugizwe n’indirimbo 18 zatumbagije izina rye. 

Ni igitaramo cyiswe “Wahozeho Album Launch” akaba ari na cyo cya mbere uyu muramyi uri no kuminuza muri tewolojiya azaba akoze mu mateka ye. Iki gitaramo yacyitiriye indirimbo ye yabaye intero n’inyikirizo ku bakunzi benshi b’umuziki wa Gospel, iyo akaba ari iyitwa “Wahozeho” imaze kurebwa na Miliyoni 1 n’ibihumbi 200.

Muri iyi ndirimbo ye, aterura agira ati: “Wahozeho kandi uzahorano, ineza yawe ni iy’ibihe byose. Mpora ntangazwa n’imbabazi zawe, nanjye nzibera mu kubaho kwawe. Mpora ntangazwa n’imbabazi zawe, ineza yawe ni iy’ibihe byose. Unezeza imitima, uhanagura amarira. Yesu ndagukunda ntakizantandukanya nawe”.

Chryso Ndasingwa ugiye kumurika album ya mbere, yabajijwe na inyaRwanda uko yiyumva kuba agiye gukorera muri BK Arena igitaramo cye cya mbere, ibintu bitarakorwa n’undi muhanzi n’umwe, asubiza ko ari inzozi ze zibaye impamo. Ati “Ndumva nezerewe cyane kuko cyari icyifuzo maranye iminsi myinshi, none ndashima Imana ko yaduciriye inzira”.

Yavuze ko Album ye ya mbere “Wahozeho” agiye kumurika igizwe n’indirimbo 18 zikubiyemo ubutumwa bw’amashimwe menshi ku Mana. Yagizee ati: “[Album] Isobanuye ikoraniro y'abantu batabarika bazanye intego imwe yo kuramya uwahozeho kandi uzahoraho”.

Muri iki gitaramo Chryso Ndasingwa azaba ari kumwe n’abaramyi basizwe amavuta y’Imana barimo Aime Uwimana, Josh Ishimwe, Papi Clever na Dorcas, True Promises Ministries na Asaph Music International. Imiryango izaba ikinguye kuva saa kumi z’umugoroba.

Amatike yo kwinjira muri uyu mugoroba w’amashimwe uzayoborwa na Tracy Agasaro, yamaze kugera hanze akaba aboneka kuri www.ticqet.rw. Ushobora no guhamagara nimero zikurikira bakagufasha kubona itike byoroshye; 0784237492; 0788838879; 0788622852.

Abari kugura amatike mbere y’uko igitaramo kiba bari kubyungukiramo cyane kuko ibiciro biri hasi. Itike ya Silver [mu myanya isanzwe] iragura 5,000 Frw mu gihe ku munsi w’igitaramo izaba igura 10,000 Frw. Itike ya Premium iragura 10,000 Frw mu gihe ku ku muryango izaba igura 15,000 Frw.

Itike ya Gold iragura 12,000 Frw mu gihe ku munsi w’igitaramo izaba igura 17,000 Frw. Platinum iragura 15,000 Frw mu gihe izaba igura 20,000 Frw ku munsi w’igitaramo. Itike ya Diomond wagereranya na VVIP iragura 20,000 Frw mu gihe ku munsi w’igitaramo izaba igura 25,000 Frw.

Amatike yo kwinjira mu gitaramo cya Chryso Ndasingwa yamaze kugera hanze

Chryso Ndasingwa abaye umuhanzi wa mbere ugiye gukorera igitaramo cya mbere muri BK Arena

Chryso Ndasingwa agiye kumurika Album y’indirimbo 18 zuje icyanga