Ni gahunda Irembo yiyemeje binyuze mu imenyerezamwuga iri guha abanyeshuri bo muri iri shuri, ryabonye izuba muri Gashyantare 2019, hagamijwe kubakira Abanyarwanda ubushobozi mu bijyanye n'iri koranabuhanga.

Irembo igaragaza ko yiyemeje iyo gahunda mu buryo bwo gushyigikira impano z'Abanyarwanda. Bifasha igihugu kugera ku ntego cyihaye ry'iterambere ikoranabuhanga rifitemo uruhare runini.

Kugeza ubu abanyeshuri ba RCA bari kumenyerezwa umwuga muri Irembo ni 28 aho bamaze amezi hafi atanu bahabwa ayo masomo yigiwe ku murimo.

Bafashwa n'abenjeniyeri mu byo kubaka porogaramu za mudasobwa muri iki kigo cy'ikoranabuhanga.

Irembo kandi igaragaza ko muri bo, 16 ba RCA bamaze guhabwa akazi muri Irembo, iki kigo kikagaragaza ko hari abandi banyeshuri bagera kuri 14 bahawe akazi muri Irembo ariko na bo bahoze bakora imenyerezamwuga.

Ibi bituma urwo rwego rwunguka abahanga bakiri bato kandi b'Abanyarwanda.

Irembo igaragaza ko muri iki cyiciro abo bahawe imenyerezamwuga bafashije mu gushyira serivisi zirenga 100 ku rubuga rwa IremboGov ndetse bagenzura ko zikora neza.

Uwo muhati wabo watumye ikigo cyongera imbaraga mu bijyanye no gushyira ku ikoranabuhanga serivisi nshya, ibyatumye IremboGov ikomeza kuba icyitegererezo mu bijyanye no guteza imbere serivisi za leta zikabonerwa hafi.

Abo banyeshuri kandi bagize uruhare rukomeye mu guteza imbere gahunda ya Irembo yo kwimakaza ikoranabuhanga ry'ubwenge buhangabo, AI, nko gufasha mu buryo bwo gusubiza ibibazo bibazwa kuri IremboGov, n'indi mirimo iryo koranabuhanga rishobora gufashamo.

Irembo igaragaza ko ibyo byose ari ibihamya byivugira by'uburezi bufite ireme RCA iri guha abanyeshuri bayo, n'ubumenyi bwuzuye butangirwa ku murimo babona.

Ni ubufatanye bugaragazwa nk'ubukomeje guteza imbere imishinga itandukanye ya Irembo, n'ubufatanye butaziguye hagati y'amashuri n'ibigo biri ku isoko ry'umurimo mu guteza imbere urwego rw'ikoranabuhanga.

Umuyobozi ushinzwe ibikorwa na serivisi muri Irembo, Patrick Ndjientcheu, yavuze ko ubwo bufatanye bwa Irembo na RCA bugaragaza uburyo ibigo byombi birajwe ishinga no kubakira ubushobozi abahanga mu by'ikoranabuhanga ba Afurika y'ejo hazaza.

Ati 'Ibyo abo banyeshuri bamaze kugeraho, bigaragaza uburyo bakorana umurava, kwiyemeza n'uko bahora barajwe ishinga no guhanga udushya nk'uko ari yo ntego yacu yose.'

Ndjientcheu yashimangiye ko bazakomeza ubwo bufatanye mu kubyaza umusaruro ayo mahirwe no gukomeza guteza imbere ingingo yo guhanga ibishya.

Ati “turi kubaka u Rwanda rwihagije ku bijyanye n'ikoranabuhanga dufatanyije.'

Umuyobozi Mukuru wa RCA, Dr Papias Niyigena yavuze ko 'ubwo bufatanye na Irembo bugaragaza uburyo integanyanyigisho za RCA zikomeye n'uburyo abanyeshuri bacu bakomeye.'

Uyu muyobozi yavuze ko bazabyaza umusaruro amahirwe ari mu bufatanye bwa Irembo, hagamijwe gukomeza guteza imbere ikoranabuhanga mu Rwanda, ari na ko hagerwa ku ntego rwihaye yo kuba igicumbi cy'ikoranabuhanga muri Afurika.

Binyuze mu rubuga IremboGov, Irembo imaze gufasha abaturage kubona serivisi zitandukanye zirimo n'iza Leta byoroshye bidasabye kujya ku biro akenshi babyikoreye.

Nk'ubu kuri IremboGov abaturage baba ababa mu Rwanda cyangwa mu mahanga, bashobora kubonera serivisi zirenze 100 hamwe ku ikoranabuhanga.

Irembo igaragaza ko ibikorwa birenga miliyoni 20 byakozwe binyuze ku mbuga zayo zitandukanye, iki kigo kikagaragaza ko kirajwe ishinga no gukomeza guteza imbere iryo koranabuhanga rizatuma ibigo na leta bitanga.

Uyu ni Umuyobozi ushinzwe ibikorwa na serivisi muri Irembo witwa Patrick Ndjientcheu

Abo ni abanyeshuri bo mu bigo bitandukanye byigisha ikoranabuhanga mu mashuri yisumbuye bahawe imenyerezamwuga na Irembo

Umunyamabanga wa FERWAFA, Kalisa Adolphe Camarade yashimangiye ko umukino wa gicuti wa Mukura VS na Rayon Sports ku wa Gatandatu utazaba kuko utabera rimwe na Super Cup.

Ku wa Mbere w’iki cyumweru tariki ya 5 Kanama 2024 ni bwo Mukura VS yatangaje ko tariki ya 10 Kanama 2024 ifite icyo yise “Mukura VS Season Launch” aho izerekana abakinnyi izakoresha mu mwaka w’imikino wa 2023-24, ikazanakina umukino wa gicuti na Rayon Sports kuri Stade ya Huye.

Ejo hashize ku wa Kabiri tariki ya 6 Kanama 2024, FERWAFA yayimenyesheje ko iyo tariki bitakunda kuko hari Super Cup izahuza APR FC yatwaye shampiyona na Police FC yatwaye Igikombe cy’Amahoro.

Ni ibintu byateje impaka nyinshi benshi bibaza impamvu Mukura yangiwe gukina uyu mukino.

Mu kiganiro yahaye ikinyamakuru ISIMBI, umunyamabanga wa FERWAFA, Kalisa Adolphe yavuze buri gihigu kigira uko gitegura ibintu byacyo ko batakwemera Super Cup, umukino ufungura umwaka w’imikino ugira ikindi ubangikanywa nacyo.

Ati “abantu baranditse barasubizwa, turanabasobanurira impamvu, rero kwifata ukajya kubihuza n’i Burayi ngo bo hari abazakina twebwe ntabwo twakwemera ko Super Cup igikorwa gifungura umwaka w’imikino kigira ikindi bibangikanywa.”

Yakomeje avuga ko Mukura VS yakoze amakosa idashaka kugarukaho yo kwandika isaba yanamaze gutangira ubukangurambaga itazi niba iyo tariki izemererwa gukina uwo mukino, anakuraho urujijo rw’uko nta yindi baruwa yigeze yandika mbere.

Ati “Mukura VS yasohoye affiche itarasaba, sinzi rero uwayigiriye inama ko igomba gukurikiza inzira ziteganywa noneho tariki ya 5 Kanama saa 15h barandika barasaba, ejo tariki ya 6 Kanama turabasubiza ko bidashoboka kuko hari Super Cup. Rero kuvuga ngo hari indi baruwa banditse mbere ntayo bayibereke. Umukino wo ntuzaba.”

Yakomeje avuga ko batabuza Mukura VS gukina uyu mukino ahubwo yo bayibwiye ko ihindura itariki kuko kubera rimwe na Super Cup byo bitakunda.

Mukura VS ikaba itabikozwa aho inakomeje imyiteguro, amakuru avuga ko banandikiye FERWAFA bayimenyesha igisubizo bahawe kitabanyuze.

Mukura VS yari yateguye umukino wa gicuti na Rayon Sports

Camarade yavuze ko uyu mukino utazaba

Mu biganiro byabo, Maj Gen Vincent Nyakarundi yashimiye Perezida Touadéra kubera ubushake afite bwo kubaka igisirikare cy'umwuga, kizakomeza kugira uruhare mu kugarura amahoro muri icyo gihugu.

Uyu muyobozi mu Ngabo z'u Rwanda kandi yanitabiriye ibikorwa bitandukanye birimo no gukurikira umuhango wo kwinjiza mu ngabo za Centrafrique icyiciro cya kabiri cy'abasirikare 634 batojwe n'Ingabo z'u Rwanda.

Yaboneyeho gusaba abasirikare ba RDF bari muri Centrafrique kurushaho kongera umubare w'Ingabo za Centrafrique batoza, kugira ngo umubano uri hagati y'ibihugu byombi urusheho gutanga umusaruro wifuzwa.

Maj Gen Vincent Nyakarundi yanasuye Ingabo z'u Rwanda ziri muri Centrafrique ku bufatanye bw'ibihugu byombi, anahura n'Umugaba Mukuru w'Ingabo z'icyo gihugu, Maj Gen Zepherin Mamadou washimiye ubufatanye buri hagati y'ibihugu byombi mu bijyanye n'umutekano.

Maj Gen Zepherin Mamadou ati “Bavandimwe bo mu Rwanda, dukorana mu bintu byinshi. Si ibikorwa byo kubungabunga amahoro gusa musanzwe muzi, bakorana umuhate ntagereranywa, bakwiye gushimwa. Aha hari ingabo nyinshi ariko buri wese tumushimira ku bikorwa bye kuko bose ntibatanga umusaruro ungana. Ubu twatangiye kwiga uko twatera ikirenge mu cy'abavandimwe bacu bo mu ngabo z'u Rwanda bo mu butumwa bwa MINUSCA kimwe n'abaje mu rwego rw'amasezerano y'imikoranire.'

Maj Gen Nyakarundi yavuze ko ubufatanye hagati y'impande zombi buzakomeza, ashimangira ko biteguye gukomeza gukorana n'ingabo za Centrafrique mu gutoza abasirikare kugeza no ku cyiciro cy'abasirikare bakuru.

Yasabye abasoje amasomo ya gisirikare ko ari bwo urugendo rugitangira kandi 'ntimwambaye umwambaro wa gisirikare gusa ahubwo mubumbatiye icyizere cy'igihugu.'

Umugaba Mukuru w’Ingabo zirwanira ku Butaka, Gen Maj Gen Vincent Nyakarundi yakiriwe na Perezida Touadéra

Perezida wa Centrafrique, Faustin-Archange Touadéra, yakiriye Umugaba Mukuru w’Ingabo zirwanira ku Butaka, Gen Maj Gen Vincent Nyakarundi

Maj Gen Vincent Nyakarundi yashimiye Perezida Touadéra kubera ubushake afite bwo kubaka Igisirikare cy’umwuga, kizakomeza kugira uruhare mu kugarura amahoro muri icyo gihugu

Umugaba Mukuru w'Ingabo za Centrafrique, Maj Gen Zepherin Mamadou, asuhuza Umugaba Mukuru w’Ingabo z’u Rwanda zirwanira ku Butaka, Maj Gen Vincent Nyakarundi

Umugaba Mukuru w'Ingabo za Centrafrique, Maj Gen Zepherin Mamadou yasuye Ingabo z’u Rwanda

Amafoto: The New Times

Ni ikibazo ubuyobozi bw'Akarere bwahagurukiye aho bwatumije inama ihuza abanyamabanga Nshingwabikorwa b'imirenge yose igize akarere ka Gicumbi, abashinzwe ibigo Nderabuzima, abashinzwe imibereho myiza y'abaturage mu mirenge n'abandi bafite inshingano ku burenganzira bw'abana, baganira ku bibazo bituma abana bagira imirire mibi, bamwe bakagwingira.

Basabye buri rwego rufite aho ruhurira n'imibereho y'abaturage gukora ubukangurambaga mu baturage, babashishikariza kumenya ko iyo abana batanyweye amata biteza ingaruka mbi ku mikurire yabo.

Hemejwe ko uwo bizagaragaraho agurisha amata ntasigaze ayo guha abana, ashobora no kuzabibazwa.

Nkundineza Pascal uri mu batuye akarere ka Gicumbi, yagaye bagenzi be babona amata aho kubanza kuyaha abana, bakajya kuyagurisha.

Ati 'Kugurisha amata ntusigire umwana ni imibare mike, kuko ushobora kubona amafaranga ariko umwana yarwara ukayamuvuzamo.'

Nyirantezimana yagize ati 'Ni ubujiji. None se baguhaye inka ya Girinka bakubwiye ko igufasha kurera abana, warangiza ukabima amata kandi nawe barayiguhereye Ubuntu, babimenye bakayikwaka bakayiha undi wifuza ko abana be bakura neza ntiwaba uhombye? Njye mbibonamo ubusambo.'

Umuyobozi w'Akarere ka Gicumbi wungirije ushinzwe imibereho myiza Mbonyintwari Jean Marie Vianney, yasabye abanyamabanga Nshingwabikorwa n'abo bafatanya kuyobora gukora ubukangurambaga bwimbitse mu baturage, bikazafasha kurandura burundu igwingira riri ku kigero cya 19,2% muri aka karere.

Ati 'Turi Akarere kari gushyira imbaraga mu kurwanya imirire mibi n'igwingira mu bana, kandi umusaruro uri kugaragara cyane kuko twavuye kuri 42% y'abana bagwingira tukagera kuri 19,2%. Dushaka kugera aho nta mwana n'umwe ugira imirire mibi cyangwa igwingira mu karere kacu, dusaba ababyeyi guha abana babo amata kuko byamenyekanye ko hari abayagurisha yose ntibasigaze ayo guha abana”.

Akarere ka Gicumbi kari mu tugira umukamo mwinshi w'amata kubera ubworozi bw'inka buhari ku bwinshi.

Irumva Justin wahoze akinira ikipe ya APR FC yamaze gusinyira ikipe ya Mukura VS amasezerano y’imyaka 2.

Uyu mukinnyi ukina asatira anyuze ku mpande akaba yamaze kwerekanwa n’iyi kipe yo mu Magepfo y’u Rwanda.

Irumva Justin yakiniye ikipe y’Intare FC, yaje kuyivamo azamurwa muri APR FC yifujwe n’umutoza Adil Mohammed watozaga iyi kipe icyo gihe.

Gusa nta mahirwe yagize yo gukinira iyi kipe y’Ingabo z’Igihugu imikino y’amarushanwa akaba yaraje kuyivamo ajya muri Marines FC.

Irumva Justin yasinyiye Mukura VS

Ni ibiribwa bigizwe na Vitamini zihariye zirimo n'imyunyungugu bifite ubushobozi bwo gutanga imbaraga ku mubiri no gutuma havubura imisemburo ituma umererwa neza.

Muri iyi nkuru turagaruka ku biribwa 10 umuntu yarya mu gitondo bikamufasha kwirirwana akanyamuneza ndetse akagira n'imbaraga zo gukora:

1. Chocolate

Ubushakashatsi bugaragaza ko Chocola ifite ubushobozi bwo kongera umusemburo wa Endorphin ufasha umubiri gusubira mu bihe byiza nk'ibyishimo, kugabanya umunaniro, umuhangayiko n'ibindi.

Ubwasohotse muri Journal of Psychopharmacology bugaragaza ko abantu babukoreweho barya shokora zijimye bagaragaragaho ibyishimo n'akanyamuneza.

2. Imineke

Umuneke ukungahaye ku ntungamubiri nyinshi zirimo vitamine B6 ifasha mu kuvuburwa kw'imisemburo imwe n'imwe nka dopamine na serotonine igira uruhare kuzamura ibyishimo.

Umuneke kandi ni rumwe mu mbuto zifite ubushobozi bwo kohereza glucose ikenewe mu maraso bituma uwawuriye ahorana imbaraga.

3. Oats

Kurya iki gihingwa mu masaha ya mu gitondo bitera akanyamuneza. Imyunyungugu gikizeho irimo na Fiber ifasha urwungano ngogozi gukora ku muvuduko uringaniye bitanga imbaraga z'umubiri.

Ni isoko nziza ya vitamine zo mu bwoko bwa B zihindura ibiribwa byinjiye mu mubiri bikabyara imbaraga umuntu akenera mu buzima bwa buri munsi.

Ubushakasahtsi bwerekana ko izo mbaraga zituruka muri iki gihingwa benshi barya cyangwa bakakivanga mu bindi binyobwa zituma uwagifashwe agira akanyamuneza.

4. Inkeri

Ubwoko butandukanye bw'inkeri burimo Blueberries, Strawberry, Blackberry, Raspberry bukize kuri antioxidants ikenewe mu mubiri.

Ubushakashatsi bwatangajwe muri Journal of Nutritional Biochemistry bwavuze ko Antioxidantas ibonekamo ivura ibikomere mu mubiri n'umuhangayiko, agahinda gakabije ndetse n'umunaniro ikanakura uburozi mu mubiri.

5. Amafi

Amafi azwi nka Salmon, Macherel na Sardine akize kuri Omega 3 fatty acide. Intungamubiri ziboneka mu mafi zifasha ubwonko gukora neza zikagabanya ibimenyetso by'agahinda gakabije.

Ubusesenguzi bwatangajwe muri Translational Psychiatry bwagaragaje ko omega3 fatty acide igabanya ibyago byo kwibasirwa n'ibibazo byo mu mutwe, akaba yifitemo na poroteyine nyinshi zongera imbaraga mu ngingo.

6. Ubunyobwa

Ubunyobwa n'izindi mbuto nk'ibihwagari ni isoko ya poroteyine nyinshi, bikagira Fiber n'izindi vitamini zikora mu buryo butandukanye. Imyunyungugu ibibonekamo ifasha kuringaniza isukari mu mubiri, bituma imbaraga zikwirakwizwa mu mubiri mu buryo buboneye.

Ikinyabutabire cya magnessium na cyo kiri muri ibi bihingwa gifasha kurema imbaraga kinagira uruhare mu kugabanya ibimenyetso by'agahinda gakabije.

7. Imboga rwatsi

Imboga rwatsi zihagije kuri vitamini nyinshi zirimo na C. Ikinyabutabire cya Fer kibonekamo gifasha mu gukwirakwiza umwuka mwiza mu tunyangingo, bigatuma umunaniro ukagabanyuka.

Izi mboga zikize kuri folate ifasha ubwonko gukorana neza n'izindi ngingo ndetse no gufasha kugarura akanyamuneza.

8. Ibishyimbo n'amashaza

Amashaza mato, ibishyimbo n'ibindi biri mu muryango umwe biri mu bikungahaye kuri Carbohydrates na fiber.

Ibi byombi bifasha bimwe mu bice by'umubiri bikomeye nk'impyiko, imitsi y'umutima, ubwonko n'ibindi, bikongerera umubiri imbaraga.

9. Ikivuguto

Ikivuguto gikungahaye kuri protein na calcium byinshi. Ubushakashatsi bwasohotse muri Journal Nutritional Neuroscience bwemeza ko ikivuguto gifite intungamubiri zihangana n'ibimenyetso by'agahinda gakabije no kwiyumva nabi mu mubiri.

10. Green Tea

Icyayi gifite ibara ry'icyatsi kiba cyiganjemo caffeine na L-theanine byongerera umubiri imbaraga mu buryo bwihuse.

Ubushakashatsi bwasohotse muri American Journal of Clinical Nutrition bugaragaza ko caffeine na L-theanine biri mu cyayi cy'icyatsi bifasha uwumvaga atameze neza akagira akanyamuneza, akanasinzira neza.

Mu gushaka kumenya igisobanuro cyo gukira cyangwa gukena kw’igihugu nk’uko bikunze kugaragara mu bushakashatsi buba bwakozwe n’ibigo bitandukanye bizobereye mu bukungu, InyaRwanda yaganiriye n’inzobere mu bukungu akaba n’umusesenguzi mu bya politiki, Dr. Bihira Canisius maze byose abishyiraho umucyo.

Yasobanuye ko kugira ngo ubashe gutandukanya igihugu gikize n’igikennye ubirebera ku musaruro mbumbe w’igihugu, aho kuwubona uteranya ibintu byose by’umusaruro w’ibyavuye mu nzego zose z’ubukungu zirimo ubuhinzi n’ubworozi, amabuye y’agaciro n’ibindi, noneho warangiza ukabigabanya n’umubare w’abaturage.

Mu ijambo rye, yavuze ko iyi ari nayo mpamvu bavuga ko igihugu gifite abaturage benshi gikena kubera ko wa musaruro usaranganywa ku baturage, ugasanga ubukungu bubaye buke. Mu Rwanda, buri munyarwanda wese abarirwa amadolari 1,200 hashingiwe mu musaruro mbumbe igihugu gifite.

Yavuze ko iyo ufashe aya madolari umunyarwanda agenewe ku mwaka ukagereranya n’ibindi bihugu byateye imbere birimo u Bushinwa, u Bwongereza na Amerika, usanga bikubye u Rwanda inshuro zirenga 70.

Ati: “Bavuga ko igihugu gikize, iyo wa musaruro mbumbe w’igihugu ari mwinshi ugereranyije n’abaturage baho. Noneho bakavuga ko igihugu gikennye, iyo umusaruro mumbe uwugabanya abaturage bakabona amafaranga macye.”

Dr. Canisius yasubiye inyuma gato, avuga ko u Rwanda rukiva mu bihe bya Jenoside yakorewe Abatutsi mu 1994, umunyarwanda wese yabarirwaga amadolari 200-300 ku mwaka, none ubu hakaba hishimirwa intambwe igihugu kimaze gutera aho bigeze ku 1,200$ ku muturage.

Mu bigaragarira amaso y’abantu bishimangira ko igihugu runaka giteye imbere, harimo ubuvuzi, amashuri, ubucuruzi, n’ibindi byinshi bifitiye abanyarwanda akamaro.

Ati: “Nk’ubu mu Rwanda, kugeza ubu ngubu ibintu dukoresha tubitumiza mu mahanga. Turamutse dushatse gukira twashyiraho inganda, ibintu byinshi tukabikorera mu Rwanda ahubwo twe tukohereza mu mahanga. Nk’ubuvuzi bukomeye tubusaba amahanga ugasanga umuntu urwaye indwara runaka agiye kwivuriza hanze kuko tutabasha kumuvura.”

Yagaragaje ko kimwe mu bigaragaza ko igihugu gikennye, ari ukugira ibikorwa remezo ndetse n’imiturire biri hasi cyane ku buryo n’inzu ndende z’imiturirwa ziba zibarirwa ku ntoki mu gihe nko muri Amerika usanga ubwinshi bwazo ‘bukubuza kureba n’imirasire y’izuba.’

Iyi nzobere kandi, yasobanuye ko kugira ngo hagenwe ubukungu bw’igihugu hashingirwa no ku ngengo y’imari, aho usanga ibihugu byateye imbere biba bikubye inshuro nyinshi ibihugu bibarwa nk’ibikennye.

Igihugu cya Seychelles kigizwe n’ibirwa 115 byo mu nyanja y’u Buhinde, ni cyo kiza ku mwanya wa mbere mu bihugu 10 bikize muri Afurika mu 2024, mu gihe Mauritius na Libya bikigwa mu ntege.

Ibihugu bikize bya Afurika bikora nka moteri y’ubukungu, biteza imbere iterambere no kwaguka k’umugabane. Binyuze mu bucuruzi, ishoramari n'ibikorwa remezo, intsinzi yabo mu bukungu ishobora gutumbagiza iterambere mu bihugu byegeranye.

Nubwo Afurika ishobora kwitwa umugabane uciriritse, ntawahakana ko ibihugu bimwe byo mu Karere bitanga ubutunzi bwinshi. Ibihugu byavuzwe ni ingenzi cyane mu bukungu bw'Isi, ukurikije umutungo kamere, hamwe n'umutungo w'abantu.

Ibihugu bikize nka Nigeria, Afurika y’Epfo, na Egypt ni ihuriro rikomeye ry’ubucuruzi, rishyigikira ubucuruzi bwa Afurika. Ubukungu bwabo bukomeye bukurura ishoramari ritaziguye (FDI), rishobora gukwirakwira mu bihugu byegeranye, bikavamo ingaruka nziza mu bukungu.

Impuzandengo ya buri muturage mu kwezi kumwe mu bihugu icumi bikize cyane ku Isi irenga 110.000 $, mu gihe mu bihugu icumi bikennye cyane, bitarenze 1.500 $.

Dore ibihugu 10 bikize cyane muri Afurika mu 2024, nk'uko imibare y'ubukungu iheruka gutangwa na Global Finance ibigaragaza.