Ibi bizwi nka 'Prank'! Ibihumbi by'abantu ku Isi bifashishije iyi ngingo mu guteguza ibihangano byabo, ariko kandi hari abantu babikora bikababyarira inyungu bitandukanye n'ibyo bamwe mu bahanzi bo mu Rwanda bakora bagamije gusa kwamamaza indirimbo.

Mu bihe bitandukanye ushobora kuba warabonye amashusho y'umuhanzi n'inkumi bakururana ugakeka ko bari mu rukundo, ariko bwacya abantu bakabona ari indirimbo bateguraga.

Ushobora no kuba warumvise amajwi y'inkumi iganira n'umuhanzi imucyurira ko yamuteye inda, ariko akaba yaramutereranye, mbese yirengagije inshingano za kibyeyi.

Ni byinshi wagiye ubona ariko ugatungurwa no gusanga uwo muhanzi yakoze icyo gikorwa agamije gusa kwamamaza no guteguza indirimbo ye nshya.

InyaRwanda igiye kugaruka ku bintu 10 byakozwe n'abahanzi bagamije guteguza indirimbo zabo.

1.Davis D yaciye ibintu mu majwi n'inkumi

Mu ijoro ryo ku wa 15 Ukuboza 2020, hasohotse amajwi ya Davis D aganira kuri telefone n'umukobwa witwa Aisha wamushinjaga kumwirengagiza nyuma yo kumwicarika mu modoka ihenze akamwishyurira inzu buri kwezi yarangiza akishimisha muri iyi mitungo n'izindi nkumi.

Muri ayo majwi yagiye hanze afite iminota 34 n'amasegonda 53', Aisha yatangiraga abwira Davis D ko bitumvikana ukuntu kuva yajya Dubai atigeze amuvugisha, akongera kumuvugisha ari uko agarutse mu Rwanda.

Ikiganiro cyabo gitangira kiryoshye! Davis D abwira Aisha ko batigeze bavugana bitewe n'uko gukoresha WhatsApp uri Dubai bitoroha, undi akamubwira ko afiteyo inshuti nyinshi bajya bavugana mu bihe bitandukanye bifashishije uru rubuga.

Davis D yabwiraga Aisha ko adakwiye gufuhira umukobwa yakoresheje mu ndirimbo kuko atazi neza urwego uyu mukobwa ariho. Ndetse ko uyu mukobwa atamwishyuye kugira ngo amwifashije mu ndirimbo, bityo ko badakwiye kumupfa kandi ko nta gahunda yari afite yo kumutereta.

Aisha yabwiye Davis D ko ibyo baganiriye byose yabifashe (Recording). Davis D amubwira ko muri gahunda afite hatarimo no kubyara muri iki gihe. Ati 'Nta mwana uri muri gahunda…Ibyo bintu kuki wabyihereranye ntubimbwire?

Ibi byose byagiye hanze mu gihe Davis D yiteguraga gushyira indirimbo hanze. Kuko ibyavugiwe muri kiriya kiganiro nta kuri kwari kurimo.

2.Urukundo rwa Juno Kizigenza n'umuhanzikazi Ariel Wayz

Inkuru y'urukundo rwa Juno Kizigenza na Ariel Wayz ruvuzwe igihe kinini kugeza ubwo bombi banakoranye indirimbo y'amateka yitwa 'Away'-. Banaherutse guhurira mu ndirimbo bise 'Injyana' yamamaza Perezida Paul Kagame.

Uru rukundo rwahimbwe binyuze ku mbuga nkoranyambaga, nyuma y'umugambi wacujwe n'umuntu ababwira ko ari byo byabafasha kwamamaza 'Away' bakoranye.

Inkuru y'urukundo rwabo imaze igihe yumvikana mu itangazamakuru, abantu bayihererekanya ku mbuga mpuzabantu. Gusa, hari abantu batayemera, bavuga ko ari uburyo bwo gushaka kuvugwa.

Mbere y'uko uyu mukobwa asohora amashusho y'indirimbo 'Away', hari amashusho yabanje gusohoka asomana na Juno Kizigenza.

'Away' yabaye 'Away'! Yatumye bahabwa ikiraka cyo kuririmba mu mikino ya Basketball, abakunze iyi 'couple' babasamira hejuru.

Banayiririmbye mu gitaramo umunya-Nigeria Rema yakoreye muri Kigali mu minsi ishize. Kuri shene ya Youtube, imaze kurebwa n'abantu basatira miliyoni 3.

Ndetse ubwo yasohokaga mu gihe gito yaciye agahigo ko kuzuza miliyoni 1, Ariel na Juno babimburira abandi bashya kwigaragaza mu muziki mu gihe gito.

Mu mpera z'Ukuboza 2021, Ariel Wayz yanditse ku mbuga nkoranyambaga ze agaragaza ko yatengushywe mu rukundo n'uwo yitaga umukunzi we.

Ati 'Gutenguhwa ntabwo bijya bishira, nibwiraga ko uyu atandukanye n'abandi ariko ndakeka naribeshye.'

Amakuru yizewe agera kuri InyaRwanda, avuga ko Ariel Wayz yatangiye kwiyumvamo Juno Kizigenza biturutse ku bantu bagiye babashyingira ku mbuga nkoranyambaga na mpuzabantu.

Ibi ngo byagaragariraga abashinzwe kureberera inyungu z'aba bahanzi, ariko bakabifata nk'ubushuti busanzwe kandi bukwiye gukomeza gukura cyane ko bahuriye mu kibuga cy'umuziki.

Ikindi ngo byagoraga buri wese kwiyumvisha ko Ariel Awayz na Juno Kizigenza badakundana, ashingiye ku mafoto n'ibindi bikorwa yakoraga bituma ibyo abantu bibazaga babishyira mu bikorwa.

Urukundo rwa Juno Kizigenza na Ariel Wayz ngo rwanakomejwe n'uko inshuti zabo ziziranye cyane, ku buryo bisanzuranagaho mu bihe bitandukanye.

3.Rocky na Carmene baciye ibintu bateguza indirimbo 'Bambe' ya Papa Cyangwe na Social Mula

Ku wa 17 Kanama 2021, amafoto ya Rocky Kirabiranya n'umukobwa witwa Carmene usanzwe ari umukinnyi wa filime yibajijweho n'abantu benshi batandukanye bamwe bati 'Nta Gikwe' abandi bati ‘barabeshya’.

Yatumye benshi batekereza ko Rocky yakoze ubukwe na Carmene, ariko mu by'ukuri aya mafoto yafashwe mu gihe bari mu ifatwa ry'amashusho 'Bambe' ya Papa Cyangwe n'umuhanzi Social Mula.

Amashusho yabo yakwirakwiye ku mbuga nkoranyambaga z'abantu batandukanye barimo n'ibyamamare, maze iyi nkuru y'ubukwe bayitiza umurindi 'igikwe' kiba 'igikwe'.

Impamvu iyi nkuru yafashe intera ni uko Rocky Kirabiranya ari mu bimakaje ijambo 'nta gikwe nta myaka ijana' mu gutebya  byo mu kazi ke ko gusobanura filime mu rwego rwo kubakundisha ibyo akora.

Iyi ndirimbo yashyizwe kuri shene ya Rocky Entertainment ariko ntikigaragara kuko ibihangano bya Papa Cyangwe byakuweho. Ariko kandi uyibona ku izindi shene, ndetse Papa Cyangwe aherutse kuyishyira kuri shene yari aherutse gufungura.   

4.Yverry yagarutsweho avugwaho gutandukana n'umukunzi we

Mu mpera za Nzeri 2021 n'intangiriro z'Ukwakira 2021, hasakaye inkuru zavugaga ko Rugamba Yves wamamaye nka Yverry yatandukanye n'umukunzi we-Muri iki gihe ni umugore we, kuko bakoze ubukwe mu birori byabaye ku wa 13 Kamena 2022.

Abavugaga ibi bashingiraga ku kuba bombi barasibye amafoto bari bahuriye ku mbuga nkoranyambaga. Ariko kandi si amafoto y'umukunzi we yari yasibye, kuko yanasibye amafoto y'umubyeyi we n'abavandimwe be.

Ariko bidateye kabiri, uyu muhanzi ku wa 5 Ukwakira 2021, yasohoye amashusho y'indirimbo 'Mu ijuru' yahimbiye Vanessa nk'impano ikomeye yamutuye.

Ni indirimbo yasohotse mu gihe yari amaze iminsi ahaganye n'inkuru z'abantu bavugaga ko yatandukanye n'umukunzi we.

5.Bruce Melodie yavuze ko Meddy na The Ben ari abenebwe

Ku wa 12 Werurwe 2021, hasohotse amajwi ya Bruce Melodie yishongora ku bahanzi bagenzi be, barimo Meddy na The Ben. Yavugaga ko ari abenebwe, kuko bagiye bacika intege mu muziki, kandi byagaragariye buri wese mu bihe bitandukanye.

Ati 'Buriya rero igihe kirageze ko ibintu bisobanuka njye ibyo bintu byawe nta kintu na kimwe cyatuma mbyumva kimwe nawe. Abo basore banyu b'abahanzi nta kintu cyatuma ungereranya nabo, erega iki ni igihe cyanjye! Ntabwo ari ibintu byo kwikina kuko kwikina ni ukwivuga ibintu bitari byo.'

Akomeza ati'Aba basore icya mbere cyo ni abanebwe babi. Abantu basohora akaririmbo kamwe mu mwaka, icyamamare ndakora, ngaho shaka ikintu na kimwe mpuriyeho na bariya basore.'

Aya magambo yatumye ahundagazwaho ibitutsi n'abantu benshi bakoresha imbuga nkoranyambaga. Ariko kandi yayavuze acira inzira indirimbo ye yise 'Bado' imaze kurebwa n'abantu barenga Miliyoni 3 ku muyoboro we wa Youtube.

6.Indirimbo 'Sikosa' ya Kevin Kade, The Ben na

Kevin Kade amaze iminsi agaruka mu mitwe ya benshi, nyuma y'uko ateguje isohoka ry'indirimbo ye 'Sikosa' ariko abantu bagategereza bagaheba

Ni indirimbo yahuriyemo na Element ndetse na The Ben. Kandi yakorewe muri 1:55 AM itanzweho arenga Miliyoni 2 Frw.

Amakuru avuga ko ubuyobozi bwa 1:55 AM bwanze ko iyi ndirimbo isohoka Element yumvikanamo kuko bamushinja kurenga ku masezerano bagiranye.

Ariko kandi yahawe amahirwe abiri; guhitamo gutanga arenga Miliyoni 500 Frw kugirango iriya ndirimbo isohoke yaririmbyemo, cyangwa se guhitamo ko iriya ndirimbo isohoka ijwi rye ritumvikanamo.

Nubwo bimeze gutya ariko hari abatekereza ko ibi byakozwe mu rwego rwo kwamamaza no guteguza iriya ndirimbo 'Sikosa'.

7. Urukundo rwa Chriss Eazy na Pascaline witabiriye Miss Rwanda

Umuhanzi Chriss Eazy wo muri Giti Business Group yavuzwe cyane mu rukundo n'umukobwa witabiriye irushanwa rya Miss Rwanda 2022.

Ni umwe mu bakobwa bagarutsweho cyane mu itangazamakuru, ariko kandi amarangamutima ye kuri Chriss Eazy yagiye amuganza ku buryo hari abagiye batekereza ko bakundana.

Kugeza ubu, Chriss Eazy ndetse na Umuhoza Pascaline nta n'umwe urabasha kuvugira mu itangazamakuru, ibijyanye n'urukundo rwabo.

Ariko kandi inkuru zabo zakajije cyane umurego mu gihe Chriss Eazy yiteguraga gusohora amashusho y'indirimbo ye 'Basi Sorry' yakoranye na Paccy wo muri TNP.

 

8.Mico The Best yaserukanye mu ikanzu

Ku wa 10 Ugushyingo 2023, Mico The Best yaratunguranye ashyira ku mbuga nkoranyambaga ze amafoto abiri amugaragaza yambaye ijipo yitwaje n'agakapu k'abagore hafi aho.

Bamwe mu bakoresha imbuga nkoranyambaga batangiye kwandika ibitekerezo byinshi bibaza icyabaye kuri we, abandi bakavuga ko ari kwisanisha n'abagore.

Ariko kandi yashyize hanze aya mafoto mu rwego rwo gukomeza urugendo rwo kwamamaza indirimbo ye yise 'Inanasi' yasohotse ku wa 20 Ugushyingo 2023.

9.Element mu mutaka w'urukundo na Ruzindana witabiriye Miss Rwanda

Buri gihe, uko Element agiye gushyira hanze indirimbo abazwa iby'urukundo rwe na Kelia Ruzindana wegukanye ikamba rya Nyampinga w'umuco muri Miss Rwanda 2022.

Urukundo rwabo rwavuzwe cyane uyu mukobwa akigaragaza inyota yo guhatana muri ariya marushanwa. Ariko kandi, Element yagiye yumvikana avuga ko adakundana n'uriya mukobwa.

Mu kiganiro aherutse kugirana n'itangazamakuru, Element yavuze ko Kelia ari inshuti ye. Ati'Kelia ni inshuti yanjye ntabwo twigeze dukundana, abantu iyo bamuvuga bamubara nk'uwagiye kandi rwose turacyari inshuti gusa ntabwo twakundanye.'

10.Amashusho ya Alyn Sano akata 'Cake'

Muri Gicurasi 2022, amashusho agaragaza Alyn Sano arimo asa n'umusoma 'Cake' ikoze mu ishusho y'igitsina cy'umugabo, yaciye igikuba ku mbuga nkoranyambaga.

Benshi bacitse ururondogoro nyuma yo kubona amashusho atamenyerewe ya Alyn Sano asa n'uwishimishiriza kuri 'gateau' ikoze nk'igitsina cy'umugabo.

Iyi 'video' yerekanaga Alyn Sano yicaye ku ntebe imbere ye ku meza hateretse 'gateau' ikoze mu ishusho y'igitsina cy'umugabo ubundi afata icyuma n'ikanya asa n'ushaka gukata ngo ayiye. Ahandi agaragara asa n'ushaka kurigata ku dusabo tw'intanga.

Icyo gihe, Alyn Sano yavuze ko ariya mashusho ari mu ndirimbo ye 'Fake Gee' yiteguraga gushyira hanze, ariko kandi yiseguye ku bantu bose bababajwe nayo.

Ati 'Biriya twabikoresheje nk'imfashanyigisho, ndisegura ku wo byaba byabangamiye.'

 

Kelia Ruzindana wavuzwe mu rukundo kuva mu 2022 na Producer Element wo muri 1:55 AM

Umuhoza Pascaline yagarutsweho cyane mu itangazamakuru avugwa mu rukundo na Chriss Eazy  

KANDA HANO UREBE AMASHUSHO Y’INDIRIMBO ‘BAMBE’ YA PAPA CYANGWE NA SOCIAL MULA

“>

KANDA HANO UREBE AMASHUSHO Y’INDIRIMBO ‘INANASI’ YA MICO THE BEST

“>

KANDA HANO UREBE AMASHUSHO Y’INDIRIMBO ‘MU IJURU’ YA YVERRY

“>

Ishyirahamwe ry’umupira w’amaguru mu Rwanda, FERWAFA, ryamenyesheje Mukura VS ko n’isaha ya saa 18h00′ bari bayemereye gukinaho na Rayon Sports ku wa Gatandatu basanze bidashoboka, Super Cup itagomba kubangikanywa n’undi mukino uwo ari wo wose.

Ku wa Mbere w’iki cyumweru tariki ya 5 Kanama 2024 ni bwo Mukura VS yatangaje ko tariki ya 10 Kanama 2024 ifite icyo yise “Mukura VS Seasonal Launch” aho izerekana abakinnyi izakoresha mu mwaka w’imikino wa 2023-24, ikazanakina umukino wa gicuti na Rayon Sports kuri Stade ya Huye.

Ku wa Kabiri tariki ya 6 Kanama 2024, FERWAFA yayimenyesheje ko iyo tariki bitakunda kuko hari Super Cup izahuza APR FC yatwaye shampiyona na Police FC yatwaye Igikombe cy’Amahoro.

Byakuruye impaka nyinshi cyane hibazwa impamvu iyi kipe yo mu Magepfo yangiwe gukina, na yo yakomeje gutsimbarara kugeza aho FERWAFA ibasabye ko niba bashaka gukina uyu mukino bawushyira saa 18h00′ amasaha atandukanye n’aya Super Cup.

Ejo hashize Mukura VS yanditse yemera guhindura amasaha y’umukino ukajya saa 18h00′, yagize iti “Nyuma y’ibaruwa twohereje ku wa 5 Kanama 2024, twumvise ko itariki n’isaha twari twatanze mbere bihurirana na FERWAFA Super Cup. Turashimira imikoranire n’ibiganiro byabayeho hagati yacu na FERWAFA n’ikipe twatumiye, Rayon Sports, kuba hari uburyo twabashije kugera ku mwanzuro wumvikanyweho.'

“Twese hamwe twemeje guhindura tugashyira Ibirori byo Gutangiza Umwaka Mushya wa Mukura VS wa 2024/25 ku wa 10 Kanama 2024 saa Kumi n’Ebyiri z’umugoroba, bikabera kuri Stade ya Huye. Turabasaba uburenganzira bwo gukora iki gikorwa kuri iyi gahunda nshya.'

Gusa nabwo nk’uko ISIMBI yari yabyanditse, igisubizo cyaje kiyihakanira ko Super Cup itabangikanywa.

Iti “Nyuma yo kugisha inama mu buryo butandukanye, turabamenyesha ko icyemezo cyo guhindura umunsi wa 'Mukura Season Launch' kidahinduka, rero Super Cup ntizabangikanywa cyangwa ngo ibere rimwe n’ikindi gikorwa cy’umupira w’amaguru.'

'Turakomeza kubashishikariza kuba mwayikora undi munsi mwihitiyemo ariko utabangamiye ingengabihe [y’amarushanwa] nk’uko yateganyijwe. Tubifurije amahirwe mu mwaka w’imikino mushya.'

Mukura VS ivuga ko gusubika uyu mukino n’iki gikorwa cyo kwerekana abakinnyi bizayihombya byinshi birimo n’amafaranga yari yashoyemo.

Umuhanzi akaba na Producer, Element Eleeeh yahumurije abakunzi ne ko vuba cyane indirimbo ‘Sikoma’ yakoranye na The Ben na Kevin Kade isohoka ntacyayibuza cyane ko nta muntu umugenga.

Kuva tariki ya 30 Nyakanga 2024 hajya hanze integuza y’indirimbo Kevin Kade, The Ben na Element bahuriyemo yitwa ‘Sikoma’ ni bwo hatangiye kujya hanze amakuru aca intege abakunzi b’aba bahanzi ko itagisohotse.

Hashingirwaga mu majwi inzu itunganya umuziki ya 1:55AM Element asanzwe abarizwamo ko ari yo ibyihishe inyuma aho bavuga ko Element gukorana n’aba bahanzi yishe zimwe mu ngingo zigize amasezerano ye.

Bivugwa ko iyi ndirimbo kuba irimo The Ben ari kimwe mu byabababaje cyane kuko uyu muhanzi inshuro nyinshi byagiye bivugwa ko afitanye ikibazo na Coach Gael nyiri 1:55AM.

Benshi babifataga nko gutwikira iyi ndirimbo ariko amagambo The Ben uzwiho kuvuga make yashyize ku mbuga nkoranyambaga ze, benshi bahise bemeza ko harimo ikibazo.

Icyo gihe yagize ati “igihe kirageze ngo dutabare uruganda rwacu dukunda. Ibyabaye birahagije.”

Element ushyirwa mu majwi yo kuba ari we utuma indirimbo idasohoka, bwa mbere yatoboye aravuga, abinyujije ku mbuga nkoranyambaga ze, yavuze ko nta muntu afitiye ideni nta n’umuntu urimufitiye bityo ko ntacyabuza indirimbo gusohoka ndetse ko izasohoka vuba.

Ati “Ukuri ni uko Tiger (The Ben), ni umuvandimwe wanjye, umunyabigwi buri gihe nahoze ndota gukorana na we. Nta muntu umfitiye umwenda, bityo rero bidatinze indirimbo irasohoka.”

Amakuru adafitiwe gihamya ni uko Element yasabwe na 1:55 AM kuva muri iyi ndirimbo cyangwa akishyura miliyoni 500 Frw kugira ngo asese amasezerano afitanye n’iyi nzu itunganya umuziki ubundi indirimbo isohoke, gusa byose ngo nta na kimwe azakora.

Musanze FC yasinyishije abakinnyi barindwi bashya barimo abanyamahanga bane n’abanyarwanda 3.

Ni mu rwego rwo gukomeza kwitegura umwaka w’imikino wa 2024-25 aho izatangira shampiyona ikina na Muhazi United tariki ya 18 Kanama2024 kuri Stade Ubworoherane.

Musanze FC irimbanyije imyitozo ikaba mu bakinnyi yari ifite umwakya ushize babanzaga mu kibuga yatakaje umwe ari we umunyezamu Muhawenayo Gad wagiye muri Gorilla FC, ikaba igeze kure ibiganiro byo kumusimbuza Nsabimana Jean de Dieu Chaolin wakiniraga Etoile del’Est.

Iyi kipe yo mu Mujyariguru ikaba yamaze kongeramo n’abandi bakinnyi nka myugariro w’ibumoso Ndizeye Gad wavuye muri Police FC, Kamanzi Ashraf ukina hagati asatira izamu wavuye muri Mukura Victory Sports na myugariro wo hagati Mukengere Christian wavuye muri Bugesera FC.

Hari kandi abanyamahanga 4; Umunya-Gambia Hydra Buba wavuye muri Rihno FC, Umunya-Uganda Salim Abdallah wavuye muri URA FC, Umunya-Nigeria Sunday Inemesit wavuye muri Etoile de l’Est n’Umunya-Cameroun Nkofor Ngafei wavuye muri Coasta Union yo muri Tanzania, bose basinye imyaka ibiri.

Umuhanzi akaba na Producer, Element Eleeeh yahumurije abakunzi ne ko vuba cyane indirimbo ‘Sikoma’ yakoranye na The Ben na Kevin Kade isohoka ntacyayibuza.

Kuva tariki ya 30 Nyakanga 2024 hajya hanze integuza y’indirimbo Kevin Kade, The Ben na Element bahuriyemo yitwa ‘Sikoma’ ni bwo hatangiye kujya hanze amakuru aca intege abakunzi b’aba bahanzi ko itagisohotse.

Hashingirwaga mu majwi inzu itunganya umuziki ya 1:55AM Element asanzwe abarizwamo ko ari yo ibyihishe inyuma aho bavuga ko Element gukorana n’aba bahanzi yishe zimwe mu ngingo zigize amasezerano ye.

Bivugwa ko iyi ndirimbo kuba irimo The Ben ari kimwe mu byabababaje cyane kuko uyu muhanzi inshuro nyinshi byagiye bivugwa ko afitanye ikibazo na Coach Gael nyiri 1:55AM.

Benshi babifataga nko gutwikira iyi ndirimbo ariko amagambo The Ben uzwiho kuvuga make yashyize ku mbuga nkoranyambaga ze, benshi bahise bemeza ko harimo ikibazo.

Icyo gihe yagize ati “igihe kirageze ngo dutabare uruganda rwacu dukunda. Ibyabaye birahagije.”

Element ushyirwa mu majwi yo kuba ari we utuma indirimbo idasohoka, bwa mbere yatoboye aravuga, abinyujije ku mbuga nkoranyambaga ze, yavuze ko nta muntu afitiye ideni nta n’umuntu urimufitiye bityo ko ntacyabuza indirimbo gusohoka ndetse ko izasohoka vuba.

Ati “Ukuri ni uko Tiger (The Ben), ni umuvandimwe wanjye, umunyabigwi buri gihe nahoze ndota gukorana na we. Nta muntu umfitiye umwenda, bityo rero bidatinze indirimbo irasohoka.”

Amakuru adafitiwe gihamya ni uko Element yasabwe na 1:55 AM kuva muri iyi ndirimbo cyangwa akishyura miliyoni 500 Frw kugira ngo asese amasezerano afitanye n’iyi nzu itunganya umuziki ubundi indirimbo isohoke, gusa byose ngo nta na kimwe azakora.

Umupadiri muri Kiliziya Gatolika muri Diyosezi ya Bunda, mu Ntara ya Mara, Padiri Karoli Mganga, n'uwahoze ari umucungamutungo we, Gerald Mgendigendi, ni bo bashinjwa kwiba ayo mafaranga, bakaba baritabye Urukiko rwa Musoma, aho bakurikiranyweho ibyaha 178, birimo no kuyobora agatsiko k'abagizi ba nabi.

Aba bombi bitabye urukiko ku wa Kabiri tariki ya 6 Kanama 2024, ariko ntibahabwa umwanya wo kugira icyo bavuga ku byo bashinjwa, kuko nta bubasha uru rukiko rufite bwo kuburanisha imanza nk'izo.

Umushinjacyaha Mukuru w'Intara ya Mara, Amoscsye Erasto, yasomye ibirego birimo no gukora inyandiko mpimbano mu buryo bunyuranyije n'amategeko.

Amoscsye, yavuze ko 'Aba bombi baregwa ibirego 178, birimo n'icyaha cyo kuyobora agatsiko k'abagizi ba nabi, iyezandonke ry'amafaranga kandi binyuranyije n'itegeko mpanabyaha, n'ibindi byaha byinshi cyane”.

Padiri Karoli Mganga, n'uwahoze ari umucungamutungo we, Gerald Mgendigendi, bahise bafungwa bikaba biteganyijwe ko tariki ya 20 Kanama 2024, ari bwo urubanza rwabo ruzatangira kuburanishwa mu mizi.

---

Mu gishanga cya Bugarama gihuriweho n'imirenge ya Bugarama, Gikundamvura, Muganza na Nyakabuye ni hamwe mu hakigaragara abahinzi batwika ibisigazwa by'imyaka.

Abahinzi b'umuceri bavuga ko ibisigazwa byawo babisasiza inyanya, kawa, urutoki, ibishimbo n'amatungo abandi bakabitwikira mu mirima.

Ngendahimana Elie wo mu mudugudu wa Gatoki, Akagari ka Shara, Umurenge wa Muganza yabwiye IGIHE ko impamvu zibatera gutwikira mu murima ibisigazwa by'umuceri harimo kuba batazi kubibyazamo ifumbire.

Ati 'Kubitwikira mu murima w'aho basaruye ni uko nta bundi buhanga bwo kubibyaza undi musaruro tuzi'.

Tuyizere Saïdi, twasanze ari kurunda ibirundo by'ibisigazwa by'umuceri akabitwika, yavuze ko impamvu abitwika ari uko ari byinshi ku buryo adashobora kubyikorera byose ngo abijyane imusozi.

Ati 'Ibisigazwa by'imyaka kubibyaza ifumbire ntabyo tuzi. Habonetse abatekinisiye bakatwigisha kubyibyaza umusaruro tukabikoramo ifumbire twareka kubitwika'.

Inzobere akaba n'Umuyobozi w'Umuryango BIOCOOR wita ku rusobe rw'ibinyabuzima, Dr Ange Imanishimwe, mu kiganiro na IGIHE yavuze ko umuhinzi akwiye kubona umuceri wasaruwe n'ibisigazwa bikamubera imari batabitwitse kuko kubitwika byangiza udusimba ducagagura ifumbire bikanangiza icyirere.

Ati 'Iyo bari gutwika hari utunyabuzima dutoya (insects) ducagagura ifumbire dushobora kuba twashya, hari n'ibinyabuzima biba mu kirere bifasha mu ibangurira bihira mu gutwika ibiyorero. Indi ngaruka ni uko uriya mwuka uzamuka ubamo umwuka wa CO2 wongera igipimo cy'ubushyuhe mu kirere ku buryo mu gihe kiri imbere bishobora gutera ihindangurika ry'ibihe igihe abahinzi bari bamenyereye kuboneraho imvura cyagera ntigwe'.

Dr Imanishimwe asaba abahinzi ko ibisigazwa ry'ibihingwa bakwiye kubibonamo imari yo kubafasha gukora ifumbire y'imbonerera, cyangwa ibicanwa bya burikete.

Ati “Burikete ni ibintu bishoboka kuba byacanwa, bigacanwa mu buryo bukwiye, bugenwe, ku buryo bigishijwe kuzikora bashobora no kuba bazigurisha ku masoko, bikagabanya imihindagurikire y'ikirere kandi bikaninjiriza abaturage amafaranga”

Agoronome w'Umurenge wa Bugarama, Bacebaseme Jean Claude avuga ko ibisigazwa by'umuceri hari uburyo bibyazwamo ifumbire y'imborera.

Ati 'Bya byatsi tubikusanyiriza ahantu hamwe, tukongeramo ibyatsi bibisi, tugashyiramo amase, tugashyiraho ivu, n'amazi ni bwo bya byatsi bibora bigashanguka tukazakuramo ifumbire y'imborera'.

Muri Gahunda ya Leta y'u Rwanda yiswe nationally detrmined contribution (NDC), rwihaye umuhigo ko byibuze mu mwaka wa 2030 ruzaba rwagabanyije 38% y'imyuka yangiza ikirere rwohereza, ingana na toni miliyoni 4.6. Gahunda y'ubufatanye mu kwimakaza ubukungu butangiza ibidukikije rwinjiyemo muri 2022 yo intego ko nta myuka yangiza na mike ruzaba rwohereza mu kirere mu mwaka wa 2050.

---

Amazina ye asanzwe ni Pastor Paseka Franz Motsoeneng, akaba azwi cyane nka Prophet Motsoeneng cyangwa Prophet/Pastor Mboro. Ni Umushumba Mukuru w’Itorero ryitwa Incredible Happenings Ministries rifite icyicaro gikuru i Katlegong muri Johannesburg mu gihugu cya Afrika y’Epfo. Izina rye rirazwi cyane muri Afrika nzima.

Uyu mupasiteri yibazwaho na benshi bitewe n’inyigisho ze. Yigeze gushyiraho igiciro kingana na 500,000 Frw cyo kujyana abantu mu ijuru kuko ngo yigeze no kujyayo. Itike ya VIP yayigurishaga 1.500.000 Frw. Icyo gihe yavuze ko afite n’amafoto ye ari mu Ijuru, kuyabona akaba ari ukwishyura.

Kuri ubu amakuru ari kuvugwa cyane muri Afrika y’Epfo ni itabwa muri yombi rya Pastor Mboro n’ubwo Polisi itigeze ibyemeza kuko igikomeje iperereza. Si ugufungwa gusa, ahubwo n’urusengero rwe rwatwitswe nyuma y’igikorwa yakoze cyanenzwe n’abatari bacye, aho ashinjwa gutera ubwoba abanyeshuri biga mu mashuri abanza ndetse n’abarimu.

Kuwa Mbere w’iki Cyumweru turimo, uyu mupasiteri akaba n’umuhanuzi, yagaragaye ku ishuri ryitwa Katlehong Primary School ari kumwe n’abarimu bo kuri iri shuri azunguza umuhoro ashaka kuwutemesha abanyeshuri. Intego ye ngo yari ukuvana ku ishuri abana babiri aho avuga ko ngo batitabwaho. 

Uyu mushumba yabwiye News24 ko yagiye kuri iryo shuri ari kumwe na Se w’abana. Yavuze ko habaye impaka ku bana kuva nyina apfa. Pastor Mboro yagize ati: “Mu mategeko, niba umwe mu bashakanye apfuye, undi agomba gufata neza abana cyane cyane iyo ari abana bato”.

IZINDI NKURU WASOMA ZEREKERANYE N’UYU MUPASITERI WATAWE MURI YOMBI

Umuhanuzi Mboro yatangaje ko umuhaye ibihumbi 500 Frw yakujyana mu Ijuru

Satani ntakiriho namusanze ikuzimu ndamwica – Pastor Mboro

Pasiteri Mboro yasabye $100,000 [Miliyoni 120 Frw] ngo ajye ikuzimu kwica umudayimoni wa Corona Virus

Umuyobozi ushinzwe Uburezi, Siporo, Ubuhanzi, Umuco n’imyidagaduro muri Gauteng, Matome Chiloane yamaganye ibyatangajwe na Pastor Mboro, aho yavuze ko inkunga ku bafite ibibazo bijyanye n’imitekerereze yahawe abarimu n'abanyeshuri bahuye n'iki kibazo.

Yemeje ko ibikorwa nk’ibi by’ihohoterwa n’iterabwoba bitazihanganirwa mu mashuri ya Gauteng. Komiseri wa Polisi muri Gauteng, Lt Gen Tommy Mthombeni, yavuze ko abandi bantu batawe muri yombi bashobora kuboneka mu gihe iperereza rigikomeje.

Umuvugizi wa Polisi, Colonel Noxolo Kweza, yemeje ko abo bantu batanu batawe muri yombi mu ijoro ryo ku wa Mbere kandi biteganijwe ko bitaba vuba mu rukiko rw'ibanze rwa Palm Ridge. Abatawe muri yombi ni Pastor Mboro, umuvandimwe we n’abamucungira umutekano.

Hagati aho urusengero rwa Pastor Mboro rwatwitswe n’abantu bataramenyekana amazina, bakaba babikoze mu kugaragaza ko batishimiye ibyo aherutse gukora byo gutera ubwoba abarimu n’abanyeshuri. Abari gushyirwa mu majwi cyane ni abanyeshuri ba Matsediso Primary School na cyane ko bagaragaye bambaye imyenda y’ishuri.

Komiseri wa Polisi mu Karere ka Ekurhuleni, Gen Maj Anna Sithole, yatangaje ko abanyeshuri bo mu mashuri aturanye ari bo bwitwitse urusengero rw’uyu mupasiteri. Yongeyeho ko abatangije inkongi y’umuriro n’abandi basahuye ibintu byari mu rusengero imbere y’abapolisi baho, bazafatwa. 

Abayoboke b’iri torero Carol Mbatha na Lindiwe Lingela bavuze ko ibi ari intangiriro y’ibintu bishya. Bati “Abatwitse urusengero rwacu baravumwe. Pastor Motsoeneng ni umwubatsi w’igihugu. Yaguriye imyenda y’ishuri abana bamwe batwitse urusengero rwe. Yarabagaburiye, abishyurira amashuri ariko uyu munsi batwitse urusengero rwe”.

Izina “Mboro” rikunzwe kwibazwaho cyane muri Afrika aho benshi barihuza n’ijambo ryo mu ndimi za Bantu rivuga ‘Ubugabo’ [Indimi zo muri Afrika yo hagati, Amajyepfo n’Iburasirazuba]. Mu rurimi rwo muri Afrika y’Epfo rwa Shona, ijambo “Mboro”, mu kurisoma bavuga “Mpolo”, rikaba risobanura ‘Knee’ (Ivi). Mu yandi magambo uyu mupasiteri yitwa gutya kuko ahora ku mavi asenga Imana.

Urusengero rwa Pastor Mboro rwatwitswe rurakongoka

Pastor Mboro yatawe muri yombi akurikiranyweho iterabwoba

Aherutse kugaragara ku ishuri yitwaje umuhoro ashaka kuwutemesha abanyeshuri

Yigeze gutangaza ko yagiye mu ijuru ahura n’abamalayika ndetse bafatana ifoto ya Selfie

REBA UBWO URUSENGERO RWA PASTOR MBORO RWATWIKWAGA

Ishimwe Clement yasohoye amafoto amugaragaza ari kumwe n’umugore we Butera Knowless, umuvandimwe we Kefa, Nel Ngabo, Platini P, Meddy Saleh uzwi mu gutunganya indirimbo z’abahanzi ndetse na Jules Hirwa uzwi cyane mu gucuranga gitari, aho yagiye yifashishwa mu ndirimbo nyinshi z’aba bahanzi.

Mu butumwa bwe bwo ku rubuga rwa Instagram, Clement yavuze ko bakiriye inka bagabiwe n’Umukuru w’Igihugu mu gihe yizihiza imyaka umunani ishize akoze ubukwe na Butera Knowless.

Yavuze ati “Uyu munsi twakiriye Rugirabuntu na Rudahinyuka twagabiwe na Rudasumbwa. Tuzahora tugushima Nyakubahwa Paul Kagame.'

Umuhanzikazi Butera Knowless yavuze ko imyaka 13 ishize aziranye na Ishimwe Karake Clement, irimo imyaka umunani ishize y'urugo.

Yavuze ko umutima we wuzuye amarira y'ibyishimo. Ati 'Uwatureze turi utwana duto tudafite icyerekezo, akaducira Inzira, akadukuza, tukavamo abantu bazima ndetse natwe tukagira abadukomokaho, ntiyigeze arekera. N’ubu aracyadusindagiza, ngo tudatsikira.'

Uyu muhanzikazi wamamaye mu ndirimbo zinyuranye, yavuze ko buri gihe agendana ishimwe ku mutima kuri Perezida Kagame.

Umuririmbyi Platini P yanditse agaragaza ko yakozwe ku mutima no kuba yagabiwe na Perezida Paul Kagame. Ati “Komeza ugabe biganza bigwije Paul Kagame. Imberabagabo na Rutanganzwa zitashye ku ibere rya Karumuna (agace asanzwe atuyemo).”

Nel Ngabo yakiriye inka yagabiwe na Perezida Paul Kagame mu gihe kuri uyu wa Gatatu tariki 7 Kanama 2024, yizihiza isabukuru y’amavuko.

Ati “Iyi ni yo mpano ikomeye wakwifuza ku isabukuru yawe. Rudasumbwa wangabiye inzirakurutwa twataramye. Ndagushimiye Paul Kagame.”

Ku Cyumweru tariki 14 Nyakanga 2024, ni bwo Perezida Kagame na Madamu Jeannette Kagame bakiriye kandi bagirana ibiganiro n'abahanzi batandukanye basanzwe batuye mu Karumuna mu Karere ka Bugesera, ndetse abagabira inka nk'uko yari yabibasezeranyije ubwo yiyamamarizaga muri ako karere ku mwanya w'Umukuru w'Igihugu.

Mu bakiriwe harimo Butera Knowless ari na we wari wabisabye, umugabo we Ishimwe Karake Clement, Platini P, Nel Ngabo, Meddy Saled usanzwe utunganya amashusho y'indirimbo z'abahanzi, Tom Close, umugore we Ange Ingabire Tricia n'abandi.

Ni umugoroba waranzwe no kuganira ndetse no gutarama nk'uko Umukuru w'Igihugu yari yabisezeranyije.

Yahiguye isezerano! 

Ubwo yiyamamarizaga mu Karere ka Bugesera, ku wa 6 Nyakanga 2024, Paul Kagame yavuze ko yahisemo kuhatura mu rwego rwo guhinyuza abahafata nk'aho kugwa abantu.

Ati 'Aha mu Bugesera, uko hari hateye bahaciraga abantu ngo bajye kugwayo, ntabwo hari ahantu ho kuba. Habaye za 'tse tse' zikarya abantu bakarwara bagapfa […] 

Impamvu yatumye mpatura cyangwa mubona haza ibikorwa mwahoze muvuga cyangwa n'ibindi biza, byari ukuvuga ngo mu Rwanda hose nta hantu ho gucira abantu ngo bajye gushirirayo, nta n'abantu abo ari bo bose, ntawe ugenewe kurimburwa ngo abuzwe ubuzima bwe.'

Mu batanze ubuhamya ku rugendo rw'ubuzima bwe harimo na Butera Knowless, wamushimiye aho yakuye igihugu, ndetse amubwira ko yatuye mu Bugesera kubera impamvu nyinshi zirimo n'uko nawe ahafite urugo, kandi benshi bakomeje kuhatura. 

Uyu muhanzikazi wamenyekanye mu ndirimbo zirimo 'Nyigisha', yasabye Umukuru w'Igihugu kuzabasura. Mu gusubiza, Paul Kagame yavuze ko yiteguye kuzasohoza isezerano.

'Reka mbanze nsubize ibyasabwe na Knowless, ni uko yavuze mbere yanjye, naho nanjye nari mbifite ko nzashaka umwanya nkabatumira tugatarama.'

Mu buhamya bwe, Knowless yijeje Paul Kagame ko bazakomeza gukorera igihugu. Ati 'Nk'urubyiruko, icyo twabizeza ni uko turi bato batari gito, ikindi ni uko ahantu aho ari ho hose muzashingura ibirenge muzizere ko ari ho intambwe zacu zishingiye, muradufite kuri ubu n'ejo hazaza.'

Arakomeza ati 'Twa twana twari udupfubyi mwaratureze twarakuze, ubu turabashimira. Twavuyemo abantu bakuru bazima ari bo ba twebwe. Ikirenze kuri ibyo twarashibutse, utwana twacu ubu ntabwo turirimbishwa n'agahinda turirimba kubera ibyishimo, abana bacu babona icyizere mu babyeyi babo'

 

Ibyishimo ni byose ku muryango wa Knowless na Clement bizihiza imyaka 8 ishize barushinze

Amafoto ya Nel Ngabo ubwo yakiraga inka na Perezida Kagame yahuriranye






 

Amafoto ya Platini P ubwo yakiraga inka yagabiwe n'Umukuru w'Igihugu

 

Kefa, Nel Ngabo, Platini P, Jules Hirwa, Clement Ishimwe na Meddy Saleh bakiriye inka bagabiwe na Perezida Paul Kagame 

Amafoto ya Jules Hirwa usanzwe uzwi mu bacuranga gitari

Ku wa 14 Nyakanga 2024 ni bwo Perezida Kagame yakiriye abahanzi batuye i Bugesera abagabira inka