Webrwanda Backend

Tag: Imikino

  • Umutoza mushya w'Amavubi ya “Volleyball” yahamagaye abakinnyi 36 bo kwitegura igikombe cy'Afurika 2021 #rwanda #RwOT

    Umutoza mushya w'ikipe yigihugu ya Volley ball,Umunya Brasil Paulo De Tarso Milagres, yahamagaye abakinnyi 36 bazitabira umwiherero wo kwitegura Igikombe cya Afurika kizabera i Kigali hagati ya tariki ya 10 n'iya 20 Nzeri 2021.

    Ku munsi w'ejo nibwo ishyirahamwe ry'umukino wa Volleyball,FRVB,ryatangaje ko uyu munya Brazil,Paulo De Tarso Milagres,wigeze kunyura mu Rwanda,yahawe akazi ko gutoza ikipe y'igihugu.

    Bwana Paulo De Tarso Milagres,yahamagaye aba bakinnyi afatanyije n'abatoza bamwungirije, Nyirimana Fidèle na Ntawangundi Dominique.

    Muri 36 bahamagawe, 35 bakina mu Rwanda mu gihe Dusenge Wickliff wa Canal Sport Club mu Misiri, ari we wenyine ukina hanze wahamagawe.

    Ikipe y'Igihugu izabanza gukorerwa isuzuma ry'ubuzima tariki ya 6 n'iya 7 Kanama mu gihe izakora umwiherero hagati ya tariki ya 8 n'iya 25 Kanama 2021.

    Biteganyijwe ko izakina imikino ya gicuti hagati tariki ya 1 n'iya 5 Nzeri mbere y'uko irushanwa nyir'izina riba hagati ya tariki ya 10 n'iya 20 Nzeri 2021.

    Abakinnyi bahamagawe:

    1. Nsabimana Mahoro Yvan (UTB)
    2. Cyusa Irené Jacob (REG)
    3. Sibomana Jean Paul (REG)
    4. Ngaboyintwali Cedric (APR)
    5. Ndayisaba Sylvestre (Gisagara)
    6. Nizeyimana Alphonse (KIREHE)
    7. Karera Emile Dada (UTB)
    8. Niyonkuru Gloire (REG)
    9. Manzi Sadru (APR)
    10. Rwigema Simon (REG)
    11. Niyigena Jules (Gisagara)
    12. Dusabimana Vincent (REG)
    13. Twagirayezu Emmy (REG)
    14. Sibomana Placide Madison (UTB)
    15. Nkurunziza John (UTB)
    16. Kanamugire Prince (APR)
    17. Mbonigaba Vincent (APR)
    18. Muvara Thierry Ronald (Gisagara)
    19. Twagirayezu Peacemaker (REG)
    20. Tuyizere Jean Baptiste (REG)
    21. Dusenge Wickliff (Canal Sport Club – Misiri)
    22. Niyogisubizo Samuel Tyson (UTB)
    23. Gatsinzi Venuste (APR)
    24. Yakan Guma Laurence (Gisagara)
    25. Akumuntu Kavalo Patrick (Gisagara)
    26. Mutabazi Yves (Gisagara)
    27. Ndamukunda Flavien (Gisagara)
    28. Murangwa Nelson (UTB)
    29. Ntagengwa Olivier (UTB)
    30. Habanzintwali Fils (APR)
    31. Ndahayo Dieu est là (APR)
    32. Muvunyi Fred (UTB)
    33. Kwizera Eric (REG)
    34. Ngabo Roméo (REG)
    35. Mukunzi Christophe (UTB)
    36. Niyomugabo Félix (IPRC Ngoma)

    Source : https://umuryango.rw/imyidagaduro/imikino/article/umutoza-mushya-w-amavubi-ya-volleyball-yahamagaye-abakinnyi-36-bo-kwitegura

  • Tokyo Olympics: Abakinnyi babiri bakoze ibyaherukaga kuba mu myaka hafi 110 #rwanda #RwOT

    Nyuma yo kumara amasaha abiri barushanwa, kubatandukanya ntibyashobokaga, bombi bari basimbutse 2.37m.

    Bahawe amahirwe yo kongera bagasimbuka ngo babatandukanye.

    Ariko mu gikorwa cy'ubworoherane muri sport, bemeye gusangira umwanya wa mbere, bituma benshi cyane babishimira.

    Bose bari bananiwe inshuro eshatu kugera ku muhigo usanzweho wo kuzimiza 2.39m, bashoboraga gutandukanywa no kongera gusimbuka rimwe badakoze ikosa kugira ngo babone uwa mbere.

    Ariko aho gukora ibyo bakoze amateka, – Nibwo bwa mbere kuva mu 1912 abakinnyi bemeye gusangira umudari mu mikino olempike.

    Maksim Nedasekau wa Belarus yafashe umwanya wa gatatu n'umudari wa Bronze, nubwo na we yasimbutse 2.37m ariko akabigerageza kenshi bibanza kwanga.

    Tamberi na Barshim bahoberanye mbere yo kwiruka batwaye amabendera y'ibihugu byabo bakajya kwishimira intsinzi n'abo bakinana n'abatoza babo.

    Tamberi yari akiri mu byishimo aho bahatanira ubwo mugenzi we Lamont Marcell Jacobs yazaga akamuhobera akimara gutungurana nawe agatsindira zahabu mu bagabo basiganwa 100m.

    Tamberi na Barshim bombi bagiye bagira imvune zikabasubiza inyuma, ariko Barshim avuga ko kwitanga bagize kubahaye umusaruro.

    Ati: “Birashimishije cyane. Izi ni inzozi numva ntashaka gukanguka ngo mvemo.”

    Tamberi yafashe igihe kinini ngo akire nyuma y'imvune ikomeye yagize mbere gato y'imikino ya Rio mu 2016.

    Yagize ati: “Nyuma yo kuvunika nashakaga kugaruka, none ubu ntsindiye zahabu, birashimishije. Ibi narabirose kenshi.”

    “Mu 2016 mbere gato ya Rio nabwiwe ko nshobora kutazongera kurushanwa. Rwari urugendo rurerure.”

    BBC

    Source : https://umuryango.rw/imyidagaduro/imikino/article/tokyo-olympics-abakinnyi-babiri-bakoze-ibyaherukaga-kuba-mu-myaka-hafi-110

  • Tokyo Olympics: Abanyarwanda n'Abarundi ntibahiriwe mu mikino bahatanyemo #rwanda #RwOT

    Abanyarwanda n'Abarundi ntibahiriwe mu mikino olempike yo gusiganwa kwiruka metero 5000, no koga metero 50 yaba

    yabaye uwa nyuma mu gace ka

    Abakinnyi batatu b'u Rwanda na babiri b'u Burundi nibo bahiganwe uyu munsi ariko bose ntibabashije kubona amahirwe yo kugera mu byiciro bya nyuma.

    Francine Niyonsaba w'u Burundi wasiganwe muri 5,000m,yari mu itsinda rimwe (heat 2) na Marthe Yankurije w'u Rwanda hamwe n'abandi bagore 17.

    Aba bagore bombi ntibabashije kugera ku mukino wa nyuma kuko Yankurije Marthe yabaye uwa nyuma [#17] akoresheje 15:55.94 mu gihe Umunya Ethiopia watsinze iri tsinda witwa Tsgay yakoresheje 14:55.74.

    Niyonsaba Francine wari uhagarariye u Burundi ndetse ahabwa amahirwe menshi yo kubona umudali,yakoze ikosa mu kwiruka bituma asezererwa.Yari yarangije ku mwanya wa kane muri iri tsinda ndetse yabonye itike.

    Mu gusiganwa 5,000m abagore 38 bo mu bihugu bitandukanye bari mu matsinda abiri, batanu ba mbere muri buri tsinda nibo bazakina 'final' kuwa mbere tariki 02/08.

    Mu mukino wo koga,itsinda rya kabiri yari arimo, Alphonsine Agahozo w'u Rwanda yabaye uwa mbere gusiganwa 50m mu koga akoresheje amasegonda 30.50.

    Mu itsinda rya mbere Kaze Odrina w'u Burundi yabaye uwa kabiri akoresheje 33.39 mu koga 50m.

    Aha mu bagore basiganwa 50m freestyle, harimo amatsinda 11 arimo abakinnyi bose hamwe barenga 70.

    Abakinnyi 16 bakoresheje ibihe bito kurusha abandi batangajwe nk'abakomeje mu kiciro kibanziriza 'final' yaba Agahozo cyangwa Keza nta numwe wabonetsemo.

    Mu bagabo muri koga basiganwa 50m, Maniraguha Eloi w'u Rwanda yabaye uwa karindwi mu itsinda ry'abakinnyi umunani, na we arasezererwa.

    Source : http://umuryango.rw/imyidagaduro/imikino/article/tokyo-olympics-abanyarwanda-n-abarundi-ntibahiriwe-mu-mikino-bahatanyemo

  • Haruna Niyonzima na Emery Bayisenge bamaze kwerekeza muri AS Kigali #rwanda #RwOT

    Ku gicamunsi cyo kuri uyu wa kane nibwo Perezida wa AS Kigali Shema Fabrice yabwiye Radio B&B FM UMWEZI ko aba bakinnyi bombi bamaze kumvikana n'iyi kipe ndetse ko kuri Haruna we nta gihindutse byarara birangiye.

    Shema yagize ati 'Haruna bitarenze uyu munsi muraza kubibona birangiye neza.Yari yadusabye ko ibyo muri Tanzania birangira.'

    Abajijwe niba yaha abafana ba AS Kigali icyizere kidakoka ko azakinira iyi kipe,Shema yagize ati 'Cyane.'

    Haruna Niyonzima yari yasubiye muri Young Africans mu Ukuboza 2019 ubwo yari asoje igice cy'umwaka yari yasinye muri AS Kigali bivuze ko yongereye amasezerano y'umwaka usanga undi wari urangiye muri iyi kipe yambara umuhondo n'icyatsi.

    Haruna Niyonzima, yari amaze imyaka isaga 10 muri Tanzania, kuko yageze muri Young 2011ageza 2017 aza kuhava yerekeza muri SC Simba yavuyemo nyuma y'imyaka 2 yerekeza muri AS Kigali yakiniye igice kibanza cya Shampiyona akongera agasubira muri Young Africans.

    Haruna yamenyekanye akinira Etincelles FC mu 2005, ahava ajya muri Rayon Sports yakiniye hagati ya 2006 na 2007 mbere y'uko ajya muri APR FC yakiniye imyaka ine ayivamo muri 2011 yerekeza muri Tanzania.

    Iyi kipe ya AS Kigali iteganya guhinduka Kigali FC, iri kwiyubaka n'inyuma y'ikibuga kuko yazanye ikirango gishya kirimo Kigali Convention Centre iranga umufatanyabikorwa wayo mukuru ari we Umujyi wa Kigali.

    Ikirango gishya cya AS Kigali cyamuritswe ku wa Gatatu, tariki ya 28 Nyakanga 2021, kiri mu ibara ry'ubururu mu ruziga rurimo imirongo y'umuhondo n'ishusho ya Kigali Convention Centre hagati.

    Munsi y'iyo shusho ya Kigali Convention Centre, hagaragaza ko ikipe yashinzwe mu 1999 mu gihe kandi inyuma yaho imitako izwi nk'imigongo isanzwe imenyerewe mu kurimbisha ibintu bitandukanye mu muco wa Kinyarwanda.

    AS Kigali yabaye iya kabiri muri Shampiyona ya 2020/21, izaserukira u Rwanda muri CAF Confederation Cup ku nshuro ya gatatu yikurikanya.

    Abakinnyi AS Kigali imaze gusinyisha:

    Fiacre Ntwari
    Denis Rukundo
    Rugwiro Herve
    Mugheni Fabrice
    Butera Andrew
    Robert Saba
    Ghilain Uwimana
    Niyibizi Ramadhan
    Bayisenge Emery

    Source : http://umuryango.rw/imyidagaduro/imikino/article/haruna-niyonzima-na-emery-bayisenge-bamaze-kwerekeza-muri-as-kigali

  • Indege yanze kuzima! Umunyarwandakazi yabaye uwa mbere ariko arasezererwa #rwanda #RwOT

    Abanyarwanda Agahozo Alphonsine na Maniraguha Eloi basezerewe mu irushanwa ryo koga metero 50 mu bizwi nko gukura umusomyo (freestyle) batageze muri ½ mu Mikino Olempike ya Tokyo 2020, ni nyuma y’uko Agahozo we yari yabaye uwa mbere mu isibo ya kabiri.

    Nyuma y’uko Mugisha Moise atashye amara masa atanasoje isiganwa muri iyi mikino, uyu munsi hari hatahiwe Abanyarwanda bandi batatu barimo Maniraguha Eloi na Agahozo Alphonsine barushanwaga mu koga muri metero 50 bizwi nko gukura umusomyo ndetse Yankurije Marthe wasiganwe muri Metero ibihumbi 5.

    Agahozo Alphonsine yarushanyijwe mu isibo ya kabiri aho yabaye uwa mbere akoresheje amaegonda 30 n’ibice 50, muri 2012 ubwo yari i Londre yari yakoresheje amasegonda 30.72.

    Maniraguha Eloi,
    yari mu isibo ya kane mu cyiciro cy’abagabo, aho yakoresheje amasegonda 25 n’ibice 38, asoza ari ku mwanya wa karindwi. Yaherukaga mu mikino Olempike muri 2016 i Rio aho yari yakoresheje amasegonda 26.43.

    Aba bakinnyi nta n’umwe wakomeje muri 1/2 kuko abakinnyi 16 bakomeje mu masibo abiri ya ½ mu bagore, bose bafite ibihe biri mu masegonda 24 kuva k’Umunya-Australia Emma McKeon wakoresheje 24.02 kugeza kuri k’Umuholandikazi Femke Heemskerk wakoresheje 24.77.

    Ku rutonde rusange rw’amasibo 11 yoze mu bagore, Agahozo yabaye uwa 72 muri 83 mu gihe Maniraguha Eloi yabaye uwa 55 muri 73 b’abagabo.

    Yankurije Marthe wasiganwe muri Metero ibihumbi 5 akaba yabashije gusoza ariko ku mwanya wa nyuma ariko ntiyabashije kugera mu kindi cyiciro.

    Umunyarwanda usigaye mu mikino Olempike ni Hakizimana John uzasiganwa muri Marathon tariki ya 8 Kanama.

    Agahozo Alphonsine yabaye uwa mbere ariko arasezererwa

    Agahozo Alphonsine yabaye uwa mbere ariko arasezererwa

    Maniraguha Eloi na we ntibyagenze neza

    Source : http://isimbi.rw/siporo/article/indege-yanze-kuzima-umunyarwandakazi-yabaye-uwa-mbere-ariko-arasezererwa

  • Rayon Sports yasabye gusubikirwa igihano imyaka 2 #rwanda #RwOT

     By Canisius Kagabo

    Nyuma yo gufatirwa ibihano na FERWAFA byo kutandikisha abakinnyi kubera umwenda ifitiye uwahoze ari umutoza w’iyi kipe Ivan Minnaert, Rayon Sports yasabye ko yasubikirwa iki gihano mu gihe cy’imyaka 2.

    Mu gitondo cyo kuri uyu wa Mbere ni bwo FERWAFA yasohoye imyanzuro ya komisiyo ishinzwe imyitwarire ya FERWAFA ihagarika Rayon Sports kwandikisha abakinnyi izakoresha mu mwaka w’imikino wa 2020-2021 kugeza imaze kwishyura umwenda ifitiye uyu mutoza.

    Rayon Sports ikaba yahise yandikira FERWAFA iyisaba ko yayisubikira iki gihano mu gihe cy’imyaka 2 ikabanza ikiyubaka kuko muri iyi minsi itameze neza.

    Muri iyi baruwa yasinyweho na perezida wa Rayon Sports, Munyakazi Sadate yemeje ko urubanza bafitanye na Ivan Minnaert rwaciwe mu nzira zose ndetse bakaba barahawe n’ibihano mu gihe batamwishyura, gusa ngo bitewe n’ibihe bya COVID-19 Rayon Sports ntiyabashije kumwishyura nk’uko babitegetswe ariko bakaba bari bafite ubushake dore ko bamwishyuye ibihumbi 2 by’Amadorali.

    Akaba ashingiye ku mategeko shingiro ya FIFA yo muri Werurwe 2020 ingingo ya 12 mu gaka ka 7 aho iteganya ko ikipe yafatiwe ibihano byo kutandikisha cyangwa kutabagurisha kubera kutishyura ibyo yategetswe, ibyo bihano bishobora kuba bihagaze. Mu gihe habayeho kuba hahagaritswe ibyo bihano urwego rufata ibyemezo rushobora gutanga igihe kitari munsi y’amezi 6 ariko kitarenze imyaka 2.

    Rayon Sports ishingiye mu bihe irimo yasabye ko yasubikirwa ibi bihano mu gihe cy’imyaka 2 ikabanza ikisuganya.

    Tariki ya 27 Mata 2018, Ivan Jacky Minnaert yasinye amasezerano y’imyaka 2 atoza ikipe ya Rayon Sports, tariki ya 20 Nyakanga 2018 yaje guhabwa ibaruwa imusezera ku mirimo ye.

    Ivan Jacky Minnaert akaba yaraje guhita arega iyi kipe ayishinja kumwirukana binyuranyije n’amategeko, maze muri Kamena 2019 akanama gashinzwe gukemura amakimbirane ka FERWAFA kanzuye ko iyi kipe igomba kwishyura uyu mutoza 35,535 by’amadorali y’Amerika, ni ukuvuga 32,514,525 z’amafaranga y’u Rwanda.

    Nyuma yaho Rayon Sports yaje kujuriria uyu mwanzuro maze mu Kuboza 2019 Komisiyo y’Ubujujirire mu Ishyirahamwe ry’Umupira w’Amaguru mu Rwanda (FERWAFA) yemeje ko Rayon Sports igomba kwishyura uwahoze ari umutoza wayo, Umubilgi Iva Minnaert, miliyoni 13.56 Frw.

    Rayon Sports yasabye gusubikirwa ibihano yafatiwe kubera Ivan Minnaert

  • Uwahoze ari umugore Katauti yavuze akaga arimo ahurira nako kuri murandasi muri iyi minsi #rwanda #RwOT

    Irene Uwoya [Oprah], wahoze ari umugore wa nyakwigendera Ndikumana Hamadi Katauti wakiniraga Amavubi, avuga ko abantu muri iyi bamubangamiye cyane kuri murandasi bitewe n’amagambo amukomeretsa bakomeje kumubwira.

    Ibi yabitanaje ubwo yaganiraga n’ikinyamakuru IJUMAA cyo muri Tanzania, aho uyu mukinnyi wa filime muri Tanzania avuga ko bantu muri iyi minsi bamutangaza cyane kuko ngo hari abatuma abaha agaciro bitewe n’amagambo ababaje bakomeza kumubwira.

    Yagize ati“abantu benshi muri iyi minsi barambabaza pe! Baba bavuga ngo mfite amagambo menshi. Ukuri ni bo banyigishije kuvuga kuko nta myitwarire yo kuvuga ku bantu nagiraga, bahora bankurikirana kuko bazi ubwoko bwanjye, uko nteye ko nibamvuga ntari buceceke. Birambabaza cyane mu nukuri.”

    Irene Uwoya akaba avuga ko yafashe umwanzuro wo kutazigira ikintu na kimwe yongera kuvuga, n’ubwo yajyaga avuga bitewe n’uko yacokojwe, ariko ngo uko byaba bimeze kose ubu yafashwe umwmanzuro wo kwicecekera.

    Irene Uwoya yahisemo guceceka

    source http://isimbi.rw/imyidagaduro/article/uwahoze-ari-umugore-katauti-yavuze-akaga-arimo-ahurira-nako-kuri-murandasi-muri-iyi-minsi

  • Ntwari Evode wifuzwaga n’andi makipe yerekeje muri Police FC #rwanda #RwOT

    By Canisius Kagabo

    Ntwari Evode wakiniraga Mukura VS yerekeje muri Police FC ayisinyira amsezerano y’imyaka 2.
    Uyu mukinnyi ukina mu kibuga hagati asatira, yari aherutse kwandikira Mukura VS yari asigaraniye umwaka umwe ayisaba ko basesa amasezerano kubera kutubahiriza amasezerano bagiranye harimo no kuba bamaze amezi 7 nta mushahara.
    Byaje gukurura imanza bigera no muri FERWAFA ariko birangira impande zombi zumvikanye ko ikipe izamwifuza izegera Mukura VS.
    Police FC ikaba yamaze kumvikana na Mukura VS maze bagura umwaka umwe w’amasezerano Ntwari Evode yari asigajemo aho bayishyuye miliyoni 3 akazajya ahembwa ibihumbi 400.
    Nyuma yo kugura aya masezerano Police FC ikaba igomba kwiyumvikanira na Ntwari Evode amafaranga igomba kumwishyura nka recruitement.
    Ntwari evode asinyiye Police FC mu gihe yifyuzwaga n’andi makipe arimo Kiyovu Sports, Gasogi United na Rayon Sports.

    Ntwari Evode(wambaye umuhondo), yamaze kwerekeza muri Mukura VS

  • Ibaruwa Rayon Sports yasubije Kimenyi na Rutanga Eric bayisabye gusesa amasezerano

    Nyuma y’uko abakinnyi babiri ba Rayon Sports, Kimenyi Yves na Rutanga Eric bandikiye iyi kipe bayisaba gusesa amasezerano bari bafitanye dore ko buri umwe yari asigajemo umwaka umwe, Rayon Sports yabasubije ko iseswa ry’amasezerano bifuza ridakurikije amategeko cyane ko bandikiye iyi kipe baramaze gusinyira andi makipe.

    Mu mpeshyi ya 2019, ni bwo Rutanga Eric yongereye amasezerano muri Rayon Sports y’imyaka 2 bemeranywa kumuha miliyoni 9 z’amafaranga y’u Rwanda, ariko bamwishyuyemo 2. Kimenyi Yves na we yasinye imyaka 2 avuye muri APR FC kuri miliyoni 8 na we yishyurwamo 2.

    Mu masezerano ya bo bashyizemo ingingo ivuga ko nibigera ku itariki ya 30 NZeri 2019 batarishyurwa amafaranga ya bo bazaba bameze nk’abakinnyi badafite ikipe(free agent).

    Ibi ni byo aba basore bashingiyeho maze Kimenyi Yves asinyira Kiyovu Sports mu gihe Rutanga Eric yasinyiye Police FC(buri umwe yasinye imyaka 2).

    Gusa ibi ntabwo babibona kimwe n’ubuyobozi bw’iyi kipe kuko yahise yandikira Kiyovu Sports na Police FC ibamenyesha ko bakoze amakosa gusinyisha aba bakinnyi kuko bagifite amasezerano ya Rayon Sports.

    Nyuma yo gusinyira aya makipe, aba bakinnyi na bo bakaba barahise bandikira Rayon Sports bayisaba gusesa amasezerano y’umurimo bari bafitanye.

    Mu ibaruwa yasinyweho n’umuyobozi Nshingwabikorwa wa yo(CEO), Itangishaka King Bernard, bamenyeshaje aba abasore ko kuba itariki bari bumvikanye iri mu masezerano(30 Nzeri 2019) yarageze ntibahite bubahiriza ingingo iri mu masezerano ngo bashake indi kipe ahubwo bakemera gukomeza akazi bubahiriza amasezerano bafitanye n’ikipe birengagije iyo ngingo nk’uko bigaragara mu ibaruwa bandikiye Rayon Sports, bivuze ko iyo ngingo yahise iteshwa agaciro.

    Rayon Sports yakomeje ivuga ko iri seswa ry’amasezerano bifuza ridakurikije amategeko kuko basabye gusesa amasezerano baramaze gusinya amasezerano mu y’andi makipe.

    Yagize ati“ Nkwandikiye nkumenyesha ko iseswa ry’amasezerano watugejejeho ridakurikije amategeko n’amasezerano dufitanye cyane ko mbere yo kurikora, wasinye andi masezerano n’indi kipe mu buryo bunyuranyije n’amategeko. Nk’aba nkushishikariza wowe n’abo mwasinyanye ayo masezerano kwegera ubuyobozi bwa Rayon Sports ngo dukemure ikibazo mu bwumvikane nk’uko biteganywa n’amasezerano dufitanye mu ngino ya 4 agaka ka 5, bitabaye ibyo mu gihe cy’iminsi 15 tukazitabaza amategeko nk’uko biteganywa n’ingingo ya 4 y’amasezerano dufitanye.”

    Kimenyi Yves yabwiwe ko kuba atarahise yubahiriza amasezerano yagiranye n’iyi kipe iyo ngingo yateshejwe agaciro

    Rutanga yabwiwe n’ubuyobozi ko iseswa ry’amasezerano yifuza ridakurikije amategeko

    source http://isimbi.rw/siporo/article/ibaruwa-rayon-sports-yasubije-kimenyi-na-rutanga-eric-bayisabye-gusesa-amasezerano

  • Papy yasobanuye ibyo kuza gukina mu Rwanda muri Rayon Sports na Kiyovu Sports

    Umukinnyi w’umunyarwanda ukinira ikipe ya Yanga mu gihugu cya Tanzania, Sibomana Patrick uzwi nka Papy, yateye utwatsi amakuru avuga ko ashobora kugaruka mu Rwanda nyuma y’uko bivuzwe ko ashobora gutandukana n’iyi kipe.

    Mu minsi ishize byavugwaga ko uyu mukinnyi ashobora kwerekeza muri Kiyovu Sports cyane ko ngo umutoza uzaba atoza iyi kipe, Olivier Karekezi ari umwe mu bakinnyi yifuzaga kuba yazakwifashisha.

    Amakuru agezweho ubu ni uko bivugwa ko ashobora kuzakinira ikipe ya Rayon Sports umwata utaha w’imikino.

    Mu kiganiro yahaye ikinyamakuru ISIMBI, Papy yavuze ko ibyo ari ibihuha na we arimo kubyumva nk’abandi bose cyane ko nta muyobozi n’umwe muri ayo makipe bivugwa amwifuza bigeze baganira.

    Yagize ati“amakuru murimo kumva nanjye ndimo kuyumva gutyo, ku ruhande rwa Rayon Sports nta muyobozi ndavugana na we, Kiyovu Sports na yo nta muntu turavugana, ndacyari umukinnyi wa Yanga biramutse bibaye nkatandukana na Yanga muzabimenya.”

    Akomeza avuga ko we n’ikipe ye bameranye neza nta kibazo na kimwe gihari mu mwaka umwe ayimazemo.

    Yageze muri Yanga muri 2019 avuye muri Mukura VS, hari nyuma yo gutandukana na Shahktyor Soligorsk yo muri Belarus yari yagezemo avuyemuri APR FC.

    Sibomana Patrick avuga ko ibyo gutandukana na Yanga na we abyumva nk’abandi

    source http://isimbi.rw/siporo/article/papy-yasobanuye-ibyo-kuza-gukina-mu-rwanda-muri-rayon-sports-na-kiyovu-sports