Webrwanda Backend

Tag: featured

  • Israhel/Coronavirus: Ibihumbi by’abigaragambya bakamejeje bashinja Leta kubabeshya #rwanda #RwOT

    By Umwanditsi
    Abanya-Israel babarirwa mu bihumbi bigabije imihanda mu myigaragambyo mu murwa mukuru Tel Aviv kuri uyu wa 11 Nyakanga 2020. Baramagana Leta bavuga ko yababeshya imfashanyo mu gihe cya gahunda ya“ Guma mu rugo”. Bavuga ko bari mu mibereho mibi iterwa n’ingaruka zikomeye z’ubukungu bwifashe nabi zatewe n’uburyo bubi Leta iri guhanganamo n’iki cyorezo cya coronavirus.
    Agace ka Rabin Square rwagati muri Tel Aviv kari kakubise kuzuye abigaragambya biganjemo urubyiruko bambaye udupfukamunwa, ariko badakurikiza amabwiriza yo guhana intera.
    Bavuga ko ingurane y’amafaranga Leta yaberemeye muri ibi bihe badakora kubera ingamba zo kwirinda coronavirus yatinze kubageraho. Iyo myigaragambyo y’ejo ku wa gatandatu yateguwe n’abakora ubucuruzi buciriritse, abikoresha ku giti cyabo ndetse n’amatsinda y’abahanzi.
    Benshi mu banya-Israhel nkuko BBC dukesha iyi nkuru ibitangaza, bari kugirwaho ingaruka zikomeye kubera ubukungu bwifashe nabi muri iki gihe. Ndetse barakajwe n’ingamba zo kurwanya coronavirus zatumye uburyo bakuragaho imibereho buhagarara. Bavuga ko amafaranga y’ingoboka bemerewe na Leta batarayahabwa.
    Benshi muri Israel bari kugirwaho ingaruka no kuba ubukungu bwifashe nabi.
    Mu gihe abakozi bakorera umushahara hari ubufasha babona ku kazi muri iki gihe badakora, abikoresha ku giti cyabo bo bavuga ko benshi muri bo bamaze amezi bategereje imfashanyo Leta yabasezeranyije.
    Michal Gaist-Casif, visi-perezida muri kompanyi ikora ibyo gutanga indangururamajwi n’urumuri mu bitaramo, yabwiye ibiro ntaramakuru Reuters ati: “Nkoresha abakozi 40 badafite ahandi bakura imibereho, nta mafaranga ariho. Ducyeneye ko Leta imenamo amafaranga kugeza twongeye gusubira mu bihe bisanzwe [by’imikorere]”.
    Akomeza ati: “Tumaze igihe tudakora guhera hagati mu kwezi kwa gatatu kugeza mu kwa kane, ukwa gatanu, ukwa gatandatu n’ukwa karindwi, kandi ukwa munani gusa nk’ukuzatubera akaga”.
    “Ubushomeri bwariyongereye”
    Ku wa gatanu tariki 10 Nyakanga 2020, Minisitiri w’intebe Benjamin Netanyahu yagiranye inama n’impirimbanyi baganira ku byo binubira. Ibiro bya Bwana Netanyahu byasubiyemo amagambo ye ababwira ati: “Tuzasohoza ibyo twiyemeje birimo no kwihutisha kuriha aka kanya ibyo dushaka kubaha”.
    Abigaragambya bavuga ko ingurane Leta yabemereye, muri iki gihe badakora kubera coronavirus, ikomeje gutinda kubageraho.
    Hagati mu kwezi kwa gatatu, Israel yashyizeho ingamba zikaze za “Guma mu rugo”, ariko mu mpera y’ukwezi kwa gatanu itangira kuzikuraho. Ubushomeri bwarazamutse bugera ku kigero cya 21%.
    Iki gihugu cyagize ukwiyongera gukomeye k’ubwandu bwa coronavirus, ku wa gatanu habonetse abanduye bashya bagera hafi ku 1,500. Kugeza ubu, abantu barenga 38,000 ni bo bamaze gutangazwa ko banduye coronavirus muri Israel, muri bo 358 yarabishe naho abarenga 18,000 barayikize nkuko imibare ya Kaminuza ya Johns Hopkins yo muri Amerika ibigaragaza.
    Munyaneza Theogene / intyoza.com

  • Abakize Coronavirus mu Rwanda bakomeje kuruta abanduye #rwanda #RwOT

    Imibare yatangajwe na Minisiteri y’Ubuzima mu Rwanda igaragaza ko umubare w’abakize Coronavirus mu Rwanda ukomeje kuba munini kurusha abanduye.

  • Igisirikare cya RDC cyijeje Perezida Tshisekedi ko kimuri inyuma #rwanda #RwOT

    Igisirikare cya Repubulika Iharanira Demokarasi ya Congo cyijeje Perezida Felix Tshisekedi, umugaba w’Ikirenga w’ingabo z’igihugu, ko kimuri inyuma mu migambi yo gucunga imbibi z’igihugu no guhashya imitwe yitwaje intwaro ikigaragara muri bimwe mu bice byacyo.

  • Kayumba Nyamwasa mu ntambara na Pasiteri Nyirigira uyobora RNC muri Uganda #rwanda #RwOT

    Kayumba Nyamwasa uyobora RNC, ari mu bushyamirane bukomeye na Pasiteri Deo Nyirigira uyobora RNC Uganda, umushinja “ubugambanyi” mu gihe ari umwe mu bantu bari bakomeye muri uyu mutwe w’iterabwoba, ndetse wari umugaragu wumvira cyane Nyamwasa nk’umuyobozi we.

  • Umunya-Uganda yafashwe agerageza kwinjiza kanyanga mu Rwanda #rwanda #RwOT

    Nyuma y’uko muri Gicurasi umwaka ushize Perezida wa Uganda, Yoweri Kaguta Museveni, yeruye agahamagarira abacuruzi n’abaturage gukora magendu, abanya-Uganda bakomeje kwishora muri ibi bikorwa bagashaka kwinjiza magendu mu Rwanda nubwo batoroherwa n’inzego z’umutekano zidahwema kubacakira.

  • Afurika y’Epfo: Gucuruza inzoga byahagaritswe mu guhangana na Coronavirus #rwanda #RwOT

    Afurika y’Epfo yongeye gushyiraho amabwiriza akakaye yo guhashya Coronavirus, arimo guhagarika igurishwa ry’inzoga.

  • Gasogi United yavuze kuri Bola Lobota bivugwa ko azakinira Rayon Sports #rwanda #RwOT

    Ubuyobozi bwa Gasogi United buvuga ko rutahizamu w’Umunye-Congo, Bola Lobota Emmanuel ari umukinnyi wayo, nubwo hari amakuru avuga ko azakinira Rayon Sports mu mwaka utaha w’imikino.

  • Rubavu: Yafashwe yaka ruswa umumotari amubeshya ko ayitumwe na Polisi #rwanda #RwOT

    Polisi ikorera mu karere ka Rubavu mu murenge wa Rubavu kuri uyu wa Gatandatu tariki ya 11 Nyakanga yafashe umugabo w’imyaka 30 arimo kwakira ruswa ingana n’amafaranga y’u Rwanda ibihumbi 50, amafaranga yari amaze kwaka umumotari nyuma yo kumubeshya ko yayatumwe n’abapolisi.

  • 2017-2020: Impinduka zimaze kuba muri Guverinoma ya manda ya Gatatu ya Perezida Kagame #rwanda #RwOT

    Harabura igihe gito ngo imyaka itatu igere uhereye ku wa 30 Kanama 2017, ubwo Perezida Kagame yatangazaga abagize Guverinoma ye nshya muri manda ya gatatu. Kuva uwo munsi, benshi mu bari bayirimo barasimbujwe. Bigaragazwa n’uko Minisiteri enye gusa muri 19 ari zo zitahinduye abayobozi, mu gihe hari izahinduriwe abayobozi inshuro eshatu.

  • Abanyarwanda barekuwe na Uganda na internet mu busitani bwa Kigali mu byaranze icyumweru mu mafoto #rwanda #RwOT

    Icyumweru cyo ku wa 6-12 Nyakanga 2020, cyabayemo ibikorwa bitandukanye birimo icyo kurekura Abanyarwanda bari bafungiye ku butaka bwa Uganda nyuma y’igihe batotezwa.