Tag: featured

Urubuga nkoranyambaga rwa Twitter rwinjiriwe n’umuntu wigaruriye mu gihe gito konti z’abantu bakomeye barimo Joe Biden, Barack Obama, Elon Musk, Bill Gates, Jeff Bezos n’abandi.

Polisi ikorera mu karere ka Nyagatare mu murenge wa Rwimiyaga, yakoze igikorwa cyo gufata abantu bari mu bikorwa by’ubucuruzi bw’ibiyobyabwenge. Babiri bafatanwe ibiro bine by’urumogi abandi babiri bari bamaze iminsi bashakishwa kubera kwinjiza mu gihugu ikiyobyabwenge cya Kanyanga.

Ku wa 3 Nyakanga nibwo Urukiko rw’Ubujurire rw’i Paris mu Bufaransa rwanzuye ko nta bimenyetso byagaragaye ku byo bamwe mu bayobozi bakuru b’u Rwanda bashinjwaga n’umucamanza Jean-Louis Bruguière, ku ruhare rwabo mu ihanurwa ry’indege yari itwaye Juvénal Habyarimana muri Mata 1994.

Inama y’Abaminisitiri yafashe ingamba zitandukanye zigamije gukomeza kwirinda ikwirakwira rya Coronavirus, zirimo ko insengero zongera gufungurwa ariko uburenganzira bukazatangwa n’ubuyobozi bw’inzego z’ibanze nyuma yo kugenzura ko hubahirijwe amabwiriza ya Minisiteri y’Ubuzima.

Abanyarwanda batuye muri Canada bahuriye mu gikorwa cyo kwizihiza Umunsi wo Kwibohora baganirizwa ku rugendo rw’imyaka 26 igihugu kimaze kivanywe mu maboko y’ubutegetsi bubi.

Raporo y’Ikigo Mpuzamahanga cy’Itumanaho (ITU) yagaragaje ko abakoresha internet mu Rwanda, bayitangaho 7.1 ku ijana by’ayo binjiza, bikaba bituma ruri mu bihugu 30 bya mbere bifite internet ihendutse ku Isi.

Umuryango ukurikiranira hafi ibijyanye n’ibirunga ukorera i Goma (Observatoire Volcanique de Goma) muri Repubulika ya Demokarasi ya Congo, wahumurije abaturage bo muri uwo mujyi no mu nkengero zawo, nyuma y’umutingito ukomeye wabaye kuri uyu wa Kabiri.

Niwe mukobwa wambaye ikamba rya Miss Career Africa mu gace ka Afurika y’Iburasirazuba mu 2019 mu irushanwa ryamaze ukwezi hashakishwa umukobwa wegukana iri kamba.

Polisi ikorera mu karere ka Nyamagabe kuri uyu wa mbere tariki ya 13 Nyakanga yafashe abantu bane bahigaga inyamaswa mu buhumekero bw’ishyamba rya Nyungwe. Bafashwe bamaze kwica inyamaswa yo mu bwoko bw’ifumberi, bamaze gufatwa bagenzi babo bagerageje guha abapolisi ruswa kugira ngo babarekure.

Urukiko rwisumbuye rwa Muhanga rwategetse ko Urayeneza Gérard n’abo bareganwa bafungwa iminsi 30 y’agateganyo, runasaba ko n’abandi bantu babiri baherutse kurekurwa n’Urukiko rw’ibanze rwa Ruhango bakurikiranwa bafunzwe.