Tag: featured

Huye

Kuri 39 biyamamaje, hatowe

1. Sebutege Ange
2. Kamana André
3. Nyiramana Aïsha
4. Gatari Egide
5. Gasana Aimé Parfait
6. Tuyishimire Consolation
7. Rutayisire Pierre Calver
8. Nyamihana Camille

Abari muri Komite nyobozi bose bariyamamaje kandi batsinze amatora. Abo ni Sebutege Ange, Kamana André ndetse na Kankesha Annonciata watsinze amatora mu bajyanama b’abagore bagize 30%.

Ruhango

Ku bakandida 32 bemerewe kandidatire, hatowe

1. Habarurema Valens
2. Mukangenzi Alphonsine
3. Rusiribana J.M.V
4. Ntaganda Peter
5. Byabarumwanzi François
6. Nsaziyinka Prosper
7. Rutagengwa G Jérôme
8. Nshimyumuremyi Jérôme

Abari bagize komite nyobozi icyuye igihe bose bariyamamaje kandi bose batsinze amatora. Abo ni Habarurema Valens, Mukangenzi Alphonsine na Rusiribana J.M.V.

Kamonyi

Kuri 47 biyamamaje, hatowe

1. Niyongira Uzziel
2. Nyoni Emilien Lambert
3. Ingangare Alex
4. Mbabajende Said
5. Uwiringiye M. Josée
6. Zinarizima Diogène
7. Nahayo Sylvère
8. Ngirinshuti Fidèle

Akarere kahoze kayoborwa na Alice Kayitesi wabaye Guverineri w’Intara y’Amajyepfo. Abayobozi bari bamwungirije bombi, ari na bo bari basigaye bayobora akarere, ntabwo bongeye kwiyamamaza n’ubwo bari barangije manda imwe.

Muhanga

Kuri 32 biyamamaje hatowe

1. Rudasingwa Jean Bosco
2. Bizimana Eric
3. Usengimana Emmanuel
4. Habinshuti Philippe
5. Nshimiyiman Gilbert
6. Mugabo Gilbert
7. Nshimiyimana Octave
8. Nyiramajyambere Scolasticat

Aba bajyanama bose ni bashyashya. Uwari umuyobozi w’akarere wungirije ushinzwe ubukungu ntiyabashije gutsinda amatora, ariko uwari ushinzwe imibereho myiza we ntiyongeye kwiyamamaza. Icyakora uwari Umuyobozi w’Akarere, Kayitare Jacqueline, yiyamamaje mu bagore bagize 30% kandi aratsinda.

Nyanza

Ku bakandida 21 bari biyamamaje, hatowe

1. Ntazinda Erasme
2. Kajyambere Patrick
3. Ngabonziza Julien
4. Ntawukuriryayo Ismael
5. Dr Hakizimana Emmanuel
6. Niyongira Wellars
7. Ntabana Innocent
8. Ruberangeyo Théophile

Uwari umuyobozi w’Akarere, Ntazinda Erasme, hamwe n’uwungirije ushinzwe ubukungu, Kajyambere Patrick, bongeye kwiyamamaza kandi batsinda amatora. Aka karere kari kamaze igihe nta muyobozi wungirije ushinzwe imibereho myiza gafite, kuko uwakoraga iyi mirimo yari yahawe izindi nshingano (mu Kujyi wa Kigali).

Gisagara

Kuri 30 biyamamaje, hatowe

1. Rutaburingoga Jérôme
2. Habineza Jean Paul
3. Mbonirema Jérôme
4. Uwimana Innocent
5. Dusabe Denise
6. Samvura Valens
7. Karinganire Ignace Steven
8. Nshimiyimana Alphonse Marie

Rutaburingoga Jérôme n’ubundi yari asanzwe ari umuyobozi w’aka karere, na ho Habineza Jean Paul yari umuyobozi w’akarere wungirije ushinzwe ubukungu. Uwari umuyobozi wungirije ushinzwe imibereho myiza, Clémence Gasengayire, we ntiyabashije gutsinda amatora.

Nyamagabe

Kuri 41 biyamamaje, hatowe

1. Habimana Thaddée
2. Uwamahoro Clothilde
3. Munyemana Gatsimbanyi Pascal
4. Niyomwungeri Hildebrand
5. Nizeyimbabazi Jean de Dieu
6. Bizimana Evariste
7. Uwimana Abraham
8. Mugisha Stephen

Uwari umuyobozi w’akarere hamwe n’umuyobozi w’Akarere wungirije ushinzwe imibereho myiza ntabwo bongeye kwiyamamaza, icyakora uwari umuyobozi w’akarere wungirije ushinzwe ubukungu, Kabayiza Lambert, we yariyamamaje ariko ntiyabashije gutsinda amatora.

Nyaruguru

Ku bakandida 26, hatowe

1. Gashema Janvier
2. Byukusenge Assumpta
3. Murwanashyaka Emmanuel
4. Ingabire Veneranda
5. Mutiganda Innocent
6. Turamwishimiye Marie Rose
7. Nsengimana Emmanuel
8. Rangira Innocent

Umuyobozi w’Akarere, Gashema Janvier, yongeye kwiyamamaza kandi aratsinda. Uwari umuyobozi wungirije ushinzwe imibereho myiza, Kayitesi Colette, we ntiyabashije gutsinda amatora mu bajyanama b’abagore bagize 30%.

Aba boherejwe kuri uyu wa Mbere tariki ya 15 Ugushyingo 2021, bagiye binyuze mu masezerano Leta y’u Rwanda yagiranye n’ibigo bibiri byigisha ubuhinzi muri Israel, AgroStudies na Kinneret Academic College. Biri kandi no mu ntego ngari y’Ikigo cya Israel Gishinzwe Iterambere Mpuzamahanga (MASHAV).

Mu gutoranya abajya kwiga, hashyirwaho gahunda abanyeshuri bagasaba hakazatoranywamo abujuje ibisabwa bagakoreshwa ibizamini na Minisiteri y’Ubuhinzi n’Ubworozi. Aba 195 batoranyijwe mu basaga 400 bari basabye kujya kwiga.

Aba banyeshuri bazahabwa amasomo atandukanye ajyanye n’ubuhinzi n’ubworozi bugezweho arimo ubworozi bw’amafi, ubworozi bw’inkoko, kuhira imyaka mu buryo bwa kijyambere, gukingira amatungo, ubuhinzi bwo mu mazu yabugenewe (Greenhouse farming) n’ibindi. Bazajya biga ariko banahembwa.

Ambasaderi wa Israel mu Rwanda, Dr. Ron Adam, yavuze ko gutanga amahirwe yo kongerera abantu ubumenyi biri mu ntego z’igihugu cye kandi ko aboherejwe bazatanga umusaruro mu iterambere ry’ubuhinzi n’ubworozi mu Rwanda.

Yagize ati “Kongera ubumenyi ni inkingi ikomeye mu mikoranire ya Israel n’ibihugu bitandukanye ku Isi, birimo n’u Rwanda. Twizeye ko aya mahugurwa atazagirira umumaro iri tsinda gusa ahubwo ko bazazana ubumenyi ino aha, bugafasha u Rwanda mu rugendo rurimo rwo gukora ubuhinzi bwa kijyambere.”

Umunyamabanga Uhoraho muri Minisiteri y’Ubuhinzi n’Ubworozi, Musabyimana Jean Claude, yashimye Israel ku mahirwe itanga, anashimangira ko iki gikorwa gitanga umusaruro mu buhinzi n’ubworozi.

Yagize ati “Turashima Leta ya Israel kuri aya mahirwe iha abarangije kwiga ubuhinzi n’ubworozi mu Rwanda. Kuva iyi gahunda yatangira imaze gutanga umusaruro ufatika, aho usanga abasoje aya mahugurwa baza bagatangiza ibigo bikora ubuhinzi n’ubworozi bwa kijyambere kandi kinyamwuga.”

“Ibi ni ingenzi kuko byongera ireme ry’umusaruro ukomoka ku buhinzi n’ubworozi, bityo ibihingwa n’ibikomoka ku bworozi u Rwanda rwohereza mu mahanga bikiyongera.”

Gahunda yo kohereza abanyeshuri kwihugura mu buhinzi n’ubworozi muri Israel yatangiye mu 2012, kuva icyo gihe kugeza ubu hamazwe koherezwa abagera 1200.

Aba banyeshuri barangije icyiciro cya kabiri cya kaminuza bagiye kwiga ubuhinzi n’ubworozi bwa kijyambere muri Israel

Ambasaderi wa Israel mu Rwanda, Dr. Ron Adam yavuze ko igikorwa gitanga umusanzu mu guteza imbere ubuhinzi n’ubworozi bugezweho

Abanyeshuri barimo kuganirizwa mbere y’uko batangira urugendo rugana muri Israel

Ibi yabigarutseho kuri uyu wa Kabiri tariki ya 16 Ugushyingo 2021 mu Karere ka Rwamagana, ubwo yari yitabiriye ibikorwa byo kugenzura uko amatora y’abajyanama rusange umunani bajya mu nama njyanama z’uturere ari kungenda.

Ni igikorwa kiri kubera hirya no hino mu turere dutandukanye aho hari gutorwa abajyanama umunani buzuza abatowe mu mpera z’icyumweru gishize, barimo 30% by’abagore n’ab’ibindi byiciro birimo urubyiruko n’abamugaye. Abatowe baso hamwe bakazaba ari abajyanama 17 muri buri karere.

Minisitiri Gatabazi yasabye abatora gushishoza bagatora abajyanama bazegera abaturage bakababa hafi kandi bakabatumikira.

Yakomeje agira ati “Abajyanama bari butorwe icyo tubasaba ni kimwe, turabasaba kwegera abaturage, bakumva ko bahagarariye abaturage, bakamenya ko ari ijwi ry’abaturage rigiye mu bantu 17 kugira ngo babavugire imbere y’amategeko na gahunda za Leta z’iterambere.”

Minisitiri Gatabazi yavuze ko abajyanama 17 bo muri buri Karere ari bo bagiye gushingwa iterambere ry’akarere mu myaka itanu iri imbere, abasaba kureba kure bagashishoza bakamenya uko akarere bahagarariye gahagaze mu bipimo binyuranye birimo ubukungu, ubuhinzi n’ubworozi.

Ati “Umujyanama ntatorwe hano aturutse i Kigali ngo azongere afate imodoka asubireyo ajye aza muri njyanama yongere asubireyo. Umujyanama watorewe Akarere ka Rwamagana, Ngoma, Rusizi, akwiriye kuba ari umuntu ugira uburyo akurikirana ako Karere yatorewemo, ku buryo azana ibitekerezo mu nama bidashingiye ku magambo cyangwa ibyo yumvise mu binyamakuru.”

Abajyanama ni abantu bashinzwe gufatanya n’ubuyobozi bw’Akarere gutegura igenamigambi ryako, nibo bemeza ingengo y’imari bakanemeza gahunda z’ibikorwa bitandukanye, ndetse bakanafata ibyemezo ku mishanga ikomeye igomba gukorerwa mu Karere, ibi byiyongeraho imicungire y’uturere bareberera.

Biteganyijwe ko nyuma yo gutora abajyanama mu nama njyanama, ku wa Gatanu tariki ya 19 hazatorwa Komite Nyobozi y’Akarere ndetse na biro y’Inama Njyanama, nyuma yaho mu cyumweru gikurikiyeho hazakurikiraho amahugurwa y’iminsi itandatu ku bajyanama bose batowe mu turere dutandukanye berekwa gahunda za Leta.

Minisitiri Gatabazi yasabye abajyanama bazatorwa kwegera abaturage

Nta muntu wishwe na Covid-19 mu Rwanda kuri uwo munsi, bituma kugeza ubu mu Rwanda abamaze guhitanwa n’icyo cyorezo bose hamwe bakomeza kuba 1,338.

Ibi yabigarutseho kuri uyu wa Kabiri tariki ya 16 Ugushyingo 2021 mu Karere ka Rwamagana, ubwo yari yitabiriye ibikorwa byo kugenzura uko amatora y’abajyanama rusange umunani bajya mu nama njyanama z’uturere ari kungenda.

Ni igikorwa kiri kubera hirya no hino mu turere dutandukanye aho hari gutorwa abajyanama umunani buzuza abatowe mu mpera z’icyumweru gishize, barimo 30% by’abagore n’ab’ibindi byiciro birimo urubyiruko n’abamugaye. Abatowe baso hamwe bakazaba ari abajyanama 17 muri buri karere.

Minisitiri Gatabazi yasabye abatora gushishoza bagatora abajyanama bazegera abaturage bakababa hafi kandi bakabatumikira.

Yakomeje agira ati “Abajyanama bari butorwe icyo tubasaba ni kimwe, turabasaba kwegera abaturage, bakumva ko bahagarariye abaturage, bakamenya ko ari ijwi ry’abaturage rigiye mu bantu 17 kugira ngo babavugire imbere y’amategeko na gahunda za Leta z’iterambere.”

Minisitiri Gatabazi yavuze ko abajyanama 17 bo muri buri Karere ari bo bagiye gushingwa iterambere ry’akarere mu myaka itanu iri imbere, abasaba kureba kure bagashishoza bakamenya uko akarere bahagarariye gahagaze mu bipimo binyuranye birimo ubukungu, ubuhinzi n’ubworozi.

Ati “Umujyanama ntatorwe hano aturutse i Kigali ngo azongere afate imodoka asubireyo ajye aza muri njyanama yongere asubireyo. Umujyanama watorewe Akarere ka Rwamagana, Ngoma, Rusizi, akwiriye kuba ari umuntu ugira uburyo akurikirana ako Karere yatorewemo, ku buryo azana ibitekerezo mu nama bidashingiye ku magambo cyangwa ibyo yumvise mu binyamakuru.”

Abajyanama ni abantu bashinzwe gufatanya n’ubuyobozi bw’Akarere gutegura igenamigambi ryako, nibo bemeza ingengo y’imari bakanemeza gahunda z’ibikorwa bitandukanye, ndetse bakanafata ibyemezo ku mishanga ikomeye igomba gukorerwa mu Karere, ibi byiyongeraho imicungire y’uturere bareberera.

Biteganyijwe ko nyuma yo gutora abajyanama mu nama njyanama, ku wa Gatanu tariki ya 19 hazatorwa Komite Nyobozi y’Akarere ndetse na biro y’Inama Njyanama, nyuma yaho mu cyumweru gikurikiyeho hazakurikiraho amahugurwa y’iminsi itandatu ku bajyanama bose batowe mu turere dutandukanye berekwa gahunda za Leta.

Minisitiri Gatabazi yasabye abajyanama bazatorwa kwegera abaturage

Uyu mugabo yari azanywe mu Rwanda mbere na mbere no gushyira umukono ku masezerano y’inguzanyo y’igihe kirekire igihugu cye cyageneye u Rwanda, ingana na miliyoni 52$ azakoreshwa mu bikorwa byo kongera ubushobozi bw’uruganda rutunganya amazi yoherezwa muri Kigali ndetse no kongera ubuziranenge bwayo.

Uru rwego ni rumwe mu zo Hongrie iteyemo imbere ku Isi. Ni uruzinduko rwari urw’amateka mu ngeri nyinshi, kuko ari ubwa mbere Hongrie itanze inguzanyo ingana gutyo muri Afurika, umugabane iki gihugu kiri gukorana nawo cyane muri gahunda yacyo yo kuzamura iterambere mu bihugu bikiri mu nzira y’amajyambere, nka bumwe mu buryo bwo guhangana no gukumira ibibazo by’abimukira bimaze iminsi biyogoza u Burayi, harimo na Hungary by’umwihariko.

Icyakora impamvu y’uruzinduko rwa Minisitiri Péter Szijjártó ntiyarangijwe gusa n’isinywa ry’amasezerano y’inguzanyo, ahubwo rwanabaye umwanya mwiza wo gukomeza kunoza imikoranire hagati y’ibihugu byombi ndetse no kongera kuganira ku mishinga y’igihe kirekire bihuriyeho.

Péter Szijjártó ni Minisitiri w’Ububanyi n’Amahanga n’Ubucuruzi wa Hongrie kuva mu 2014

Mu kiganiro cyihariye Minisitiri Péter Szijjártó yagiranye na IGIHE, yasobanuye ko hari imwe mu mishinga migari igihugu cye cyifuza gukorana n’u Rwanda, irimo ishingiye ku ishoramari, ubucuruzi, ubwikorezi bwo mu kirere, gusangira ubumenyi, gukorana mu bya dipolomasi n’ibindi bitandukanye.

IGIHE: Mwasobanura imiterere y’inguzanyo yasinyiwe n’uburyo izakoreshwa?

Szijjártó: Hongrie yateje imbere ibijyanye no gufata neza amazi, ndetse n’ikoranabuhanga ryifashishwa mu bijyanye no kugenzura no gucunga imikoreshereze y’amazi. Dushobora gusangiza iryo koranabuhanga u Rwanda kugira ngo ruzamure ubuziranenge bw’amazi rutanga ashobora kunyobwa.

Niyo mpamvu twemeranyije ku bufatanye bushingiye ku nguzanyo y’igihe kirekire, ari nayo nguzanyo nini Hongrie itanze muri Afurika, ingana na miliyoni 52$, agamije kongera ubushobozi bw’uruganda rutunganya amazi yoherezwa muri Kigali, aho ruzazamurirwa ubushobozi [bw’amazi rushobora gutanga] bukava kuri meterokibe ibihumbi 15, bukagera kuri meterokibe ibihumbi 36 buri munsi.

Bivuze ko abahanga mu by’amazi bo muri Hongrie bagiye gusangiza ubumenyi Abanyarwanda?

Inganda zitunganya amazi muri Hongrie ziteguye gutanga ubushobozi mu bijyanye n’ubuhanga [bukenewe mu kubaka ibyo bikorwaremezo], yaba mu bijyanye n’ubwubatsi, ibya tekiniki n’iryo koranabuhanga rizashyirwa hano, rizubakirwa muri Hongrie.

Minisitiri w’Ibikorwaremezo hano yatubwiye ko isoko ry’uwo mushinga rizashyirwa hanze muri iki Cyumweru [icyumweru gishize] mu Rwanda, noneho rizakurikirwe no gutangazwa i Budapest (Umurwa Mukuru wa Hongrie).

Ubwo umushinga uzashyirwa mu bikorwa ryari?

Twiteze ko uyu mushinga uzatwara igihe kiva ku mwaka n’igice kugera ku myaka ibiri, nyuma y’icyo gihe, amazi yo kunywa muri Kigali azaba yazamuriwe urwego cyane.

Twakwitega ko ishoramari riturutse muri Hongrie rizagera no mu zindi nzego?

Turi kugirana ibiganiro na Minisitiri y’Imari n’Igenamigambi ku bijyanye n’uburyo ibigo by’ubucuruzi muri Hongrie byagira uruhare mu kubaka ibitaro mu Ntara y’Iburengerazuba bw’igihugu cyanyu, kandi hari ibigo by’ubucuruzi [byo muri Hongrie ] bifite inyota yo kuza gushora imari mu Rwanda mu bijyanye n’ikoranabuhanga, gukora imiti ndetse n’uburyo bwo gutanga ingufu z’amashanyarazi.

Ibyo bigo biri gukoresha gahunda ya Exim Bank muri Hongrie (yashyizeho uburyo bwo gufasha ibigo by’ubucuruzi muri Hongrie byifuza gushora imari mu bindi bice bya Afurika), yatanze inguzanyo ya miliyoni 46$ kugira ngo ibyo bigo bishore imari ku isoko ry’u Rwanda.

Haba hari icyizere ko ishoramari ry’u Rwanda rishobora kwiyongera muri Hongrie ?

Twakwishimira guha ikaze ibigo by’ubucuruzi byo mu Rwanda mu Burayi bwo Hagati.

Kugira ngo ibi bigerweho, twasinye amasezerano ajyanye n’imikoranire mu bwikorezi bwo mu kirere, aho urugendo ruhuza u Rwanda n’u Burayi bwo Hagati rushobora kuzatangirira muri Hongrie (hagati ya Kigali na Budapest).

Twemeranyije kandi kujya twohererezanya abadipolomate, kugira ngo dutume Hongrie imenyekana hano mu bakiri bato, ndetse twanatanze buruse ku banyeshuri b’Abanyarwanda, izajya itangwa buri mwaka, ikazajya iba ikubiyemo byose bizishyurwa na Leta ya Hongrie .

Ni buruse zingahe zatanzwe?

Uyu mwaka abagera kuri 319 bayisabye kandi hakenewe imyanya 20 gusa, ibi byerekana ko Abanyarwanda bifuza kuza kumenya Hongrie , kandi ayo ni amakuru meza kuri twe.

Kuki umubano n’u Rwanda na Hongrie usa nk’uwatinze gutangizwa?

Iki ni ikibazo cyiza, mbere ya 2010, ubwo abatavuga rumwe na Leta muri Hongrie uyu munsi, bari ku butegetsi [mbere yo gutsindwa amatora], bashyize imbaraga mu gukorana n’ibihugu byo mu Burengerazuba bw’u Burayi ndetse na Amerika muri gahunda yabo y’ububanyi n’amahanga.

Kuva twagera ku butegetsi, twashyizeho ingamba ebyiri, gukorana na Aziya cyane ndetse no gukorana n’ibihugu biri mu Majyepfo y’Isi, twibanda ku bihugu biri ku Mugabane wa Afurika.

Twumva ko imishinga minini y’iterambere ikwiye kuzanwa muri Afurika kugira ngo twirinde ihunga ry’abantu bava kuri uyu Mugabane riteye inkeke.

Urabizi ko Hongrie ndetse n’Umuryango w’Ubumwe bw’u Burayi muri rusange byahuye n’ibibazo bikomeye by’impunzi ziza mu buryo butemewe n’amategeko, twizera ko kugira ngo twirinde ibindi bibazo nk’ibyo, tugomba kuzana imishinga y’iterambere muri ibi bihugu ari nabyo byohereza impunzi nyinshi, niyo mpamvu twishimiye ubufatanye n’u Rwanda, Seychelles, Misiri, Maroc na Cape Verde buzarushaho gutuma habaho iterambere muri ibyo bihugu.

Nubwo tutatangiye mbere, ariko ubu turi kwihutisha ibikorwa kugira ngo tugerageze [kugira uruhare mu iterambere rya Afurika].

Ni irihe banga ry’iterambere ry’ubukungu bwa Hongrie ?

Icyabaye intandaro y’iterambere ry’ubukungu bwacu ni ugushyiraho uburyo bwo kugabanya imisoro. Umusoro muto mu Muryango w’Ubumwe bw’u Burayi uba muri Hongrie , ibi bigafasha abashoramari kuzana ibikorwa byabo mu gihugu, kandi ibi bigafasha mu gutuma abaturage babona akazi.

Muri gahunda zacu z’iterambere ry’ubukungu, twibanda mu guhanga imirimo cyane kuko turabizi ko iyo ushobora guha abaturage akazi, uba ubahaye ahazaza heza.

[Rero iterambere ryacu] rishingiye ku gushyira imbaraga mu guhanga imirimo, korohereza abashoramari gukomeza kuzana imari yabo kugira ngo bakomeze batange imirimo, ntekereza ko ubwo ari bwo buryo bwiza ubukungu bushobora kubakwa.

Ibi nibyo twakomeje gukora mu myaka 11 ishize kandi biragaragara ko biri gutanga umusaruro. Mu myaka 11 ishize, ubukungu bwa Hongrie bwari mu bihe bibi cyane, ariko kubera kugabanya imisoro no gushishikariza abashoramari kuzana imari yabo mu gihugu, turi mu bihugu bifite iterambere rizamuka ku muvuduko uri hejuru mu Burayi no ku rwego rw’Isi.

Minisitiri w’Ububanyi n’Amahanga n’Ubucuruzi wa Hongrie, Péter Szijjártó, ubwo yahuraga na mugenzi we w’u Rwanda, Dr Vincent Biruta

Minisitiri w’Ububanyi n’Amahanga n’Ubucuruzi wa Hongrie, Péter Szijjártó, yagiranye ibiganiro na Minisitiri w’Ubucuruzi n’Inganda w’u Rwanda, Beatrice Habyarimana

Umukuru w’Igihugu yakiriye Shabana Basij-Rasikh muri Village Urugwiro kuri uyu wa Kabiri, tariki ya 16 Ugushyingo 2021.

Ibiro bya Perezida, Village Urugwiro, bibinyujije ku rukuta rwa Twitter rwanditse ko aba bombi bahuye, banagirana ibiganiro byihariye ariko nta makuru arambuye abyerekeye yigeze atangazwa.

Shabana Basij-Rasikh w’imyaka 31 yasuye u Rwanda nyuma y’amezi agera kuri abiri ibikorwa by’ishuri rye abyimuriye mu rw’Imisozi 1000 nyuma y’inkubiri yakurikiye ifatwa ry’ubutegetsi kw’Abataliban.

Abakobwa 250 bo mu Ishuri rikuru ryigisha ibijyanye n’Imiyoborere muri Afghanistan rizwi nka ‘School of Leadership Afghanistan (SOLA)’ bageze mu Mujyi wa Kigali ku wa 24 Kanama 2021.

Bahisemo kuhakomereza amasomo mu gihe igihugu cyabo cyarimo ibibazo by’umutekano muke byatewe no kongera gufata ubutegetsi kw’Aba-Taliban.

Urugendo rwabo rwagizwemo uruhare n’ibihugu bitandukanye birimo Qatar, Leta Zunze Ubumwe za Amerika n’u Rwanda rwabakiriye.

Icyo gihe Shabana Basij-Rasikh washinze SOLA, abinyujije kuri Twitter yavuze ko aba bakobwa bazakomereza amasomo mu Rwanda by’igihe gito mu gihe bategereje ko amahoro agaruka mu gihugu cyabo.

Yagize ati “SOLA iri kwimuka ariko kwimuka kwacu ntabwo ari ukw’iteka ryose. Igihembwe hanze y’igihugu ni cyo twateganyije. Mu gihe ibintu bizaba bisubiye mu buryo, twizeye ko tuzasubira muri Afghanistan.”

Tariki ya 15 Kanama 2021, ni bwo Aba-Taliban bongeye gufata ubutegetsi, nyuma y’imyaka 20 bahiritswe ku butegetsi bigizwemo uruhare na Leta Zunze Ubumwe za Amerika.

Iyi nkuru ikimara gutangazwa abaturage b’iki gihugu n’abanyamahanga batangiye guhunga ku bwinshi bikanga ko hashobora kuvuka imvururu zikomeye.

Mu bahunze harimo n’ab’igitsinagore by’umwihariko abiga mu ishuri rukumbi ryigisha abakobwa bacumbikirwa, School of Leadership Afghanistan.

Shabana Basij-Rasikh yagaragaje ko ahangayikishijwe n’abagore bo mu gihugu cye kandi agomba gukomeza guharanira n’uburenganzira bwabo kuko ari intego yihaye.

SOLA yateganyaga ko abanyeshuri bazamara igihembwe [kingana n’amezi atandatu] mu Rwanda, bakazasubira muri Afghanistan ibintu byasubiye ku murongo.

Mbere yo kohereza mu Rwanda abakobwa biga muri SOLA, Shabana Basij-Rasikh, yatwitse inyandiko zose ziberekeye agamije kubarinda bo n’imiryango yabo.

Ni ishyaka yatewe no kuba muri Werurwe 2002, ubwo Abataliban bamburwaga ubutegetsi, ibihumbi by’abakobwa bo muri Afghanistan bahamagariwe kugana ibigo bya Leta bagahabwa ibizamini bisimbura ibyatwitswe n’Abataliban, icyo gihe yari umwe muri bo.

Perezida Paul Kagame yaganiriye na Shabana Basij-Rasikh washinze akaba na Perezida w’Ishuri ryigisha ibijyanye n’Ubuyobozi muri Afghanistan (SOLA) ryimuriye ibikorwa byaryo mu Rwanda mu buryo bw’agateganyo

Perezida Kagame yakiriye Shabana Basij-Rasikh aherekejwe n’Umunyamabanga wa Leta muri Minisiteri y’Uburezi ushinzwe Amashuri Abanza n’Ayisumbuye, Twagirayezu Gaspard

Perezida Paul Kagame na Shabana Basij-Rasikh bafashe ifoto y’urwibutso

Amafoto: Village Urugwiro

Abatowe muri Rusizi

Ni amatora yitabiriwe n’abashaka kujya mu Nama Njyanama benshi kandi bafite byinshi bashaka guhindura, umubare w’abitabiriye kwinjirana mu nama njyanama uyu mwaka ukaba uruta abahatanye mu matora yabaye mu bihe byashize.

Buri Karere byari biteganyijwe ko gatora abakandida umunani (8) bagomba kwiyongeramo abavuye muri 30% by’abagore hamwe n’uhagarariye urubyiruko, abafite ubumuga hamwe n’abikorera bakuzura 17.

Mu Karere Rubavu kwiyamamaza mu matora rusange byitabiriwe n’abakandida 41, mu gihe abari basabye kujya mu matora rusange bari 48.

Mu Karere ka Nyamasheke abari bashatse guhatana mu matora rusange y’abazajya mu nama njyanama bari 52 hagomba gutorwamo umunani.

Rusizi abagize ubushake bwo kwiyamamaza bari 52 nabo bagomba gutorwamo umunani, mu gihe Karongi bari 25, Rutsiro bari 38, Nyabihu bari 41 na ho Ngororero bari 35.

Umunsi w’itora nyiriza wari witabiriwe n’abakandida bagomba gutorwa, hamwe n’abagomba kubatora bavuye mu nteko itora igizwe n’Inama Njyanama z’Imirenge, Komite Nyobozi y’Inama y’Igihugu y’Abagore, inama y’igihugu y’Urubyiruko, inama y’igihugu y’Abafite ubumuga na Komite y’Abikorere ku rwego rw’Akarere, bagombaga kugezwaho imigabo n’imigambi y’abiyamamaza bagaragaza ibyo bagezeho n’ibyo bateganya kugeza ku batuye Akarere n’Igihugu muri rusange.

Dore urutonde rw’abatowe muri buri Karere:

Ngororero

Abatowe mu Ngororero

1. Tuyisingize Anastase
2. Nkusi Christophe
3. Uwihoreye Patrick
4. Budengeri Elad
5. Sebazungu Modeste
6. Shyerezo Norbert
7. Nyiramasengesho Jeannette
8. Bakunzibake Emmanuel

Mu bakandida bari biyamamarije gutorwa harimo n’uwari umuyobozi w’Akarere Ndayambaje Godefroid utashoboye gutsinda, icyakora uwari umuyobozi w’akarere wungirije ushinzwe iterambere ry’ubukungu yashoboye gutambuka.

Rutsiro

Abatowe mu Rutsiro

1. Murekatete Triphose
2. Habumugisha Olivier
3. Iyakaremye Venant
4. Munyaneza Jean Maurice
5. Murenzi Phanuel
6. Mwiseneza Emmanuel
7. Havugimana Etienne
8. Umutoni Clemence

Mu Karere ka Rutsiro abari muri Nyobozi biyamamaje ntibashoboye gutsinda, abo ni Ayinkamiye Emerance wari Mayor na Gakuru Munyakazi Innocent wari ushinzwe Iterambere ry’ubukungu.

Karongi

Abatowe i Karongi

1. Mukarutesi Vestine
2. Niragire Théophile
3. Nyamurindi Protais
4. Ntakirutimana Julienne
5. Mwiza Ernest
6. Ngarambe Vedaste
7. Umukunzi Paul
8. Byabagabo Nzoyibona Claude

Mu Karere ka Karongi abari muri Nyobozi biyamamaje bashoboye gutambuka, aribo Mukarutesi Vestine wari umuyobozi w’Akarere na Niragire Théophile wari ushinzwe Iterambere ry’ubukungu.

Rubavu

Abatowe i Rubavu

1. Nzabonimpa Deo
2. Habimana Kabano Ignace
3. Iraguha Thierry
4. Mbarushimana Sefu
5. Buhendwa Miradji
6. Nizeyimana Bitero Patrick
7. Munyaneza J Claude
8. Ndabarinze Ezekiel

Uwari umuyobozi w’Akarere ka Rubavu, Habyarimana Gilbert ntiyiyamamaje, icyakora uwari umuyobozi ushinzwe Iterambere ry’ubukungu wari wiyamamaje yongeye kugaruka.

Nyabihu

Abatowe muri Nyabihu

1. Simpenzwe Pascal
2. Habanabakize Jean Claude
3. Rusaro Julien
4. Ngororano Damien
5. Nkiko Jean De Dieu
6. Mutuyimana Olivier
7. Habanabakize Protais
8. Munyaneza Charles

Nyabihu abari muri Nyobozi biyamamaje bongeye kugirirwa ikizere, aribo Simpenzwe Pascal na Habanabakize Jean Claude, mu gihe uwari umuyobozi w’Akarere we yinjiriye muri 30% by’abagore.

Rusizi

1. Dr Kibiriga Anicet
2. Twagiramungu Jonas
3. Kwizera Géovani Fidèle
4. Uwumukiza M. Jeanne
5. Habiyakare J. Damascène
6. Uwumukiza Béatrice
7. Gisore Eric
8. Ndagijimana Louis Munyemanzi

Mu biyamamaje mu Karere ka Rusizi harimo umuyobozi w’Akarere Kayumba Ephrem, ariko ntiyashoboye kongera kugirirwa ikizere ngo atorwe.

Nyamasheke

Abatowe muri Nyamasheke

1. Iyamuremye Yassin
2. Mugabonake Bayingana Olivier
3. Muhayeyezu Joseph Desiré
4. Mukamasabo Appolonie
5. Ntaganira Josue Michel
6. Renzaho Jean Giovani
7. Rugira Amandin Jean Paul
8. Uzarama Fausta

Uwari Umuyobozi w’Akarere Mukamasabo Appolonie yongeye kugirirwa icyizere hamwe na Ntaganira Josue Michel wari Umuyobozi wungirije ushinzwe iterambere ry’ubukungu

Abajyanama rusange batowe i Musanze

Ahabereye iki gikorwa cy’amatora mu Karere ka Musanze, abakandida 42 ku myanya y’Abajyanama rusange b’Akarere, babanje kwiyamamariza imbere y’inteko itora, igizwe n’abantu 305 muri 332 bari bateganyijwe gutora.

Abajyanama rusange batowe uko ari 8 muri aka Karere, ni abiyongera ku bajyanama 5 baherukaga gutorwa muri 30% mu cyiciro cy’abagore, na cyo cyari cyarabanjirijwe n’abajyanama batowe 4 mu byiciro byihariye birimo uhagarariye Inama y’Igihugu y’Urubyiruko, uhagarariye Inama y’Igihugu y’Abagore, uhagarariye Inama y’Igihugu y’Abafite ubumuga n’uhagarariye Urugaga rw’Abikorera.

Abatowe umunani ni abuzuza umubare w’Abajyanama b’Akarere uko ari 17.

Bamwe mu baturage bo mu Karere ka Musanze, bagaruka ku cyo biteze ku batorerwa ubujyanama bw’Akarere, bashimangiye ko hari ibikorwa byinshi bakeneye ko bazabagezaho ibyo badashoboye bakabikorera ubuvugizi kugira ngo bikemuke.

Umwe mu bavuganye na Kigali Today amaze gutora yagize ati: “Icyo twiteze ku bajyanama b’Akarere, ni ukwakira ibyifuzo byacu nk’abaturage, no kubishyira mu ngiro, kugira ngo tugere ku iterambere ry’igihugu twifuza”.

Undi muturage, avuga ko hakenewe Abajyanama bagomba kurangwa n’ubunyangamugayo biteguye kubatumikira, kugira ngo umuturage agere ku iterambere.

Yagize ati: “Iterambere ry’umuturage ntiryashoboka mu gihe adafite ibikorwa remezo bihagije. Yaba amazi meza, imihanda, amashanyarazi, n’ibindi bitandukanye, ibyo byose tubikeneye kugira ngo bitubere imbarutso yo kubaho twumva dutekanye kandi dufite imibereho myiza. Ibyo biri muri byinshi dukeneye ko aba bajyanama twitoreye bazadukemurira”.

Yongera ati: “Dukeneye inyangamugayo Kandi zitubereye, ziteguye kwihutisha bimwe mu bikorwa birimo imihanda itarakorwa, ibitaro bitarubakwa bya Ruhengeri, hari ibigo by’amashuri bigikenewe kongerwa ngo abana bacu babone aho kwigira. Ikindi ni ukwita ku bikorwa remezo byegereye ahakorerwa ubukerarugendo, kugira ngo abanyamahanga bahasura basange hameze neza”.

Abatorewe kuba abajyanama rusange b’Akarere ka Musanze ni Andrew Rucyahanampuhwe, Abayisenga Emile, Ramuri Janvier, Gasirabo Athanase, Kamanzi Axelle, Gasana Vedaste, Safari Djumapili, Ndayambaje Michel.

Iki gikorwa cyo gutora Abajyanama rusange b’Akarere cyanabereye mu Karere ka Burera. Inteko itora igizwe n’abantu 320 ni bo batoye mu gihe hari hateganyijwe abatora 358.

Abakandida uko ari 44 batowe ni bo biyamamarije kuba Abajyanama rusange b’ako Karere.

Kimwe no mu Karere ka Gakenke na ho igikorwa cyo gutora Abajyanama rusange b’abakarere, hiyamamaje abakandida 43 batowe n’inteko itora igizwe n’abantu 409.

Mu turere twose tugize Intara y’Amajyaruguru abatorwa buzuza umubare w’Abajyanama rusange 17 muri buri Karere, bikaba biteganyijwe ko aribo bazavamo abagize Komite Nyobozi y’Akarere ndetse n’abagize Bureau ya Njyanama ya buri Karere mu matora ateganyijwe kuwa gatanu tariki 19 Ugushyingo 2021.

Minisitiri w’Intebe, Dr. Edourd Ngirente

Muri iyo nama yateguwe n’Umuryango w’Abashinwa ugamije gutsura umubano w’ibihugu by’amahanga (CPAFFC), Minisitiri Ngirente yavuze ko ubufatanye n’u Bushinwa bwagize uruhare mu bikorwa by’iterambere birimo bitandukanye.

Yagize ati “Ubufatanye bwacu n’u Bushinwa bwagize uruhare runini mu iterambere ry’inzego zitandukanye, harimo kubaka ibikorwa remezo, uburezi, ubuhinzi, ubuzima, ikoranabuhanga, ubucuruzi, ubucukuzi bw’amabuye y’agaciro, gutwara abantu n’ibintu ndetse n’ubukerarugendo. Ubushinwa na Afurika byafatanyije mu rugendo rw’iterambere mu kuzamura umubano ushingiye kuri politike n’imibereho myiza, none ubu u Bushinwa n’umwe mu bashoramari bari kw’isonga muri Africa”.

Ibi Minisitiri w’Intebe abitangaje nyuma y’uko tariki ya 08 Ugushyingo 2021, Minisitiri w’Ububanyi n’amahanga w’u Rwanda, Dr. Vincent Biruta, na we yari yashimiye uko umubano w’ibihugu byombi uhagaze, ubwo yifatanyaga n’abahagarariye u Bushinwa mu Rwanda mu muhango wo kwizihiza isabukuru y’imyaka 50 y’ubufatanye bw’ibihugu byombi.

Yagize ati “Ikoranabuhanga, Ubucukuzi bw’amabuye y’agaciro, Ingendo zo mu kirere, Uburezi, Kubaka ubushobozi, Ubuzima, Ubucuruzi, Ubukerarugendo, Ubuhinzi ndetse n’umutekano uhamye, umubano wacu n’ukuva mu kwezi kwa 11 mu 1971, by’umwihariko kuri twe nyuma ya Jenoside yakorewe Abatutsi mu 1994, twakoranye cyane mu kuzamura imibereho n’iterambere ry’abaturage no mu guteza imbere ibya politike. U Bushinwa buza mu myanya y’imbere mu gushora imari mu Rwanda, rikaba ryarahanze imirimo itandukanye ibihumbi n’ibihumbi”.

Icyo gihe Ambasaderi w’Ubushinwa mu Rwanda, Rao Hongwei, yavuze ko kuva mu mwaka wa 1971 umubano w’ibihugu byombi uhagaze neza.

Yagize ati “Ubufatanye mu iterambere n’ubucuruzi tubihuriyeho, u Bushinwa bunejejwe n’uko u Rwanda ari umufatanyabikorwa ukomeye mu bucuruzi ndetse no mu mishinga minini, ubufatanye mu bucuruzi hagati y’ibihugu byombi mu mwaka wa 2020 bwageze ku Madorari ya Amerika Miliyoni 321 n’ubwo habayemo icyorezo cya Covid-19. Hari imishinga minini y’ibikorwa remezo u Bushinwa bwagizemo uruhare mu kubyubaka, bituma u Rwanda rurushaho kuzamuka mu iterambere ndetse n’imibereho myiza y’abaturage”.

Mu mpera z’umwaka wa 2020 ishoramari ry’u Bushinwa ryari amadorari ya America Miliyoni 191, ni ukuvuga asaga Miliyari 190 z’Amafaranga y’u Rwanda mu byiciro bitandukanye birimo ibikorwa remezo, Ubuzima, Kungurana ubumenyi mu by’uburezi, Ikoranabuhanga n’Ubugeni.