Blog

Mu kiganiro yagiranye na InyaRwanda, Jay C yagarutse ku rugendo rwe na Green P, avuga ko kuva mu mwaka wa 2013 bari bafite gahunda yo gukorana indirimbo ariko ntibyakunda. 

Aragira ati 'Icyo gihe ntawundi muraperi wari warakoze Album, cyeretse ahari Riderman. Green P ni inshuti yanjye, niwe muntu dufitanye indirimbo nyinshi izi turi gukora zitarasohoka, we na Bruce Melodie nibo bantu dufitanye indirimbo nyinshi. Twari twapanze gusohora imiziki myinshi turi kumwe icyo gihe, ariko umuntu warimo uyidukorera yitwaga Ray P yahise agenda.'

Icyo gihe, Producer Ray P, wari kugira uruhare muri iyo ndirimbo, yahise yimukira muri Kenya, bituma uwo mushinga upfa. Nyuma y'imyaka 22, aba baraperi bongeye guhurira mu muziki, none bamaze gutunganya Album yabo nshya.

Ati 'Kuri Album twarishimye, turinenga, tuvugisha ukuri, ni ibyo ng'ibyo. Nyine Album yacu yitwa 'Gen-Z', ni uburyo urubyiruko tubayeho, mbese ni imibereho y'urubyiruko muri rusange. Kugeza ubu navuga ko aba Producer twakoranyeho barimo Rush, Trackslayer, Kush Beat, Nganji n'abandi.'

Jay C ni umuraperi w'umunyarwanda umaze igihe kinini mu muziki. Yatangiye kumenyekana cyane mu myaka ya za 2010, ubwo yashyiraga hanze indirimbo zakunzwe nka 'Isengesho', 'Nicyo Nabonye', n'izindi.

Azwiho ubuhanga mu mirapire ye, aho akunda gukoresha amagambo afatiye ku buzima busanzwe, urukundo, ndetse n'ibibazo byugarije urubyiruko.

Jay C yanakoranye n'abahanzi bakomeye barimo Bruce Melodie, ndetse kuri ubu ari kwitegura gusohora iyi Album nshya ari kumwe na Green P.

Green P ni umuraperi wagize uruhare rukomeye mu kuzamura Hip Hop nyarwanda. Yamenyekanye cyane nk'umwe mu banyamuryango ba Tuff Gang, itsinda ryagize uruhare mu gutuma injyana ya Hip Hop imenyekana cyane mu Rwanda.

Mu gihe cy'imyaka irenga 15, Green P yagiye ashyira hanze indirimbo zakunzwe nka 'Kandagira abanzi', 'Muma Nigger', ndetse anakorana n'abandi bahanzi bakomeye mu Rwanda.

Kuri iyi nshuro, kuba Green P yongeye gukorana na Jay C nyuma y'imyaka 21, ni ikimenyetso cy'uko Hip Hop nyarwanda ikomeje gutera imbere ndetse igahuriza hamwe abahanzi bagize uruhare mu kuyubaka.

Iyi Album 'Gen-Z' izaba ikubiyemo ubutumwa bukomeye ku bakunzi ba Hip Hop, cyane ko Jay C avuga ko igamije kugaragaza ubushuti bwabo ndetse n'ibitekerezo bafite kuri Hip Hop yo muri iki gihe.

Abakunzi b'aba baraperi bategerezanyije amatsiko igihe iyi Album izasohokera, kuko ubusanzwe aba bombi bazwiho ubuhanga mu mirapire yabo.

Gen-Z (Generation Z) ni bande, kandi imibereho yabo ni iyihe?

Generation Z cyangwa Gen-Z ni abantu bavukiye hagati y'imyaka ya 1997 na 2012, bivuze ko muri iki gihe bafite hagati ya 12 na 27.

Ni igisekuru cyakurikiye Millennials (1981-1996), kandi gikomera cyane ku ikoranabuhanga, imbuga nkoranyambaga, no kwihutisha impinduka mu buzima.

Ibiranga Gen-Z

1. Ikoranabuhanga ni ubuzima bwabo

Gen-Z ni abantu bavutse mu gihe internet yari imaze kuba igice cy'ubuzima bwa buri munsi. Bagira ubuhanga bukomeye mu gukoresha smartphones, social media, streaming platforms, n’ibindi bikoresho by'ikoranabuhanga.

2. Ni abashishoza cyane

Ubu bushishozi buragaragara mu buryo bitwara ku makuru, aho bashishoza bakabanza kugenzura ukuri kwabyo mbere yo kubyemera.

3. Barishimira ubwigenge

Uru rubyiruko rukunda kwigenga, kwihangira imirimo, no gukora ibintu bidasanzwe aho kuba mu nzira zisanzwe z'ubuzima nk'uko ababyeyi babo babayeho.

4. Bafite imyumvire itandukanye ku buzima n’akazi

Benshi ntabwo bumva ko akazi gakwiye kuba gusa k’amasaha 8 ku munsi mu biro. Bakunda akazi kabaha flexibility (umudendezo) aho bashobora gukora bari aho bashaka.

Bitabira cyane ibijyanye n'ubuhanzi, ubucuruzi bwikorewe (freelancing), no gukora ibintu bifite icyo byungura isi.

5. Bakunda uburumbuke bw'imico itandukanye

Gen-Z ntiyumva ibintu mu buryo bwa kera aho imico imwe ari yo yagombaga gukurikizwa. Bemera ubwisanzure, kwishyira ukizana, no kuba uwo ushaka kuba we.

Jay C yatangaje ko afatanyije na Green P basoje ikorwa rya Album ya mbere bahuriye bise 'Gen- Z' 

Jay C yavuze ko gukorana na Green P byatangiye mu 2013 ubwo bagerageza gukorana Album arik bagatenguhwa na Producer

KANDA HANO UBASHE KUREBA IKIGANIRO CYIHARIYE TWAGIRANYE NA JAY C

“>

VIDEO: Director Malvin Pro- InyaRwanda

Kuri uyu wa Gatandatu ni bwo ikipe ya Rayon Sports WFC yari yakiriye Indahangarwa WFC mu mukino wo ku munsi wa 20 wa shampiyona. 

Uyu mukino warangiye Gikundiro y’Abagore itsinze ibitego 2-1 ihita yegukana igikombe cy’uyu mwaka w’imikino wa 2024/25. 

Yahise igira amanota 55 mu gihe Indahangarwa WFC iyikurikira yo ifite amanota 44 Kandi habura imikino 2 ngo shampiyona.

Iki ni igikombe cya kabiri cya shampiyona kikurikiranya ikipe ya Rayon Sports y’Abagore yegukanye nyuma yuko ariyo ifite igiheruka.

Iyi kipe mu myaka 3 gusa imaze ishinzwe ikomeze kwitwara neza dore ko kugeza ubu imaze kwegukana ibikombe 6.

Rayon Sports WFC yegukanye igikombe cya shampiyona ku nshuro ya kabiri yikurikiranya 

Ni akazi yatinyutse gukora ubusanzwe kadakorwa n'abakobwa benshi, ahamya ko kamutunze kandi agikomeje urugendo rwo gutera indi ntambwe mu mwuga w'ubushoferi bw'imashini

Yavukiye mu Karere ka Gasabo mu Mujyi wa Kigali ariko ubu akora muri Sosiyete y'Abongereza yitwa PowerM icukura amabuye y'agaciro ya Gasegereti na Coltan mu Ngororero.

Aho akora ni we mukobwa wenyine uhakora akazi ko gutwara imashini, dore ko mu bashoferi bane bazo bakora muri icyo kirombe abagera kuri batatu ari abagabo.

Aganira na IGIHE yavuze ko icyamuteye imbaraga zo kujya gushaka 'permit' yo gutwara imashini ari undi mugore ukora ubushoferi muri sosiyete itwara abantu ya RITCO.

Ati 'Narebeye kuri mugenzi wanjye w'umudamu watwaraga RITCO ndareba ndavuga nti 'niba uriya ari umudamu kuki njye bitakunda'. Nagize amahirwe mbona n'ishuri hafi njya kubyiga mbona ndabimenye.'

Nasenge avuga ko ubu atewe ishema n'ibyo akora gusa ko yabanje kugorwa n'abantu bashakaga kumuca intege bumva ko nta mukobwa watwara imashini atwara ariko kuko yakomeje kwigaragaza nk'umuntu ubifitiye ubushobozi bageze aho barabyakira.

Avuga ko mu gutwara iyo mashini ibyo abahungu bakora byose na we abikora kandi ko ari akazi kamuha imibereho ya buri munsi akabasha kwiteza imbere ndetse ko urugendo rwe mu gutwara imashini rugikomeje.

Ati 'Ubu maze kubona 'categories' ebyiri zo gutwara imodoka ariko ndumva na ziriya 'categories' zose zisigaye nshaka kuzigeraho ku buryo na njye mba umukobwa w'icyitegererezo buri wese areberaho.'

Nasenge atinyura bagenzi be abasaba kwigirira icyizere no gutinyuka imyuga imenyerewe kuri basaza babo kuko ubu na bo bishoboka.

Ati 'Ku bakobwa birashoboka ikintu cya mbere ni ubushake ukumva ko ikintu cyose ushaka gukora ugikunze. Nta byo kwitinya bisaba kumva ko ikintu cyose umuhungu akora na we yagikora.'

Urwego rw'Igihugu rushinzwe guteza imbere Tekinike, Imyuga n'Ubumenyingiro (RTB) rugaragaza ko magingo aya, abakobwa biga amasomo y'imyuga n'ubumenyingiro mu Rwanda bageze kuri 43% by'abayiga bose.

Ni mu gihe mu 2023 umubare w'abakobwa biga ayo masomo wari uri kuri 15%.

Nasenge Providence w’imyaka itatu atwari imashini ifasha gucukura amabuye y’agaciro

Umuhango wo gutangiza uwo mushinga wabereye i Kigali ku mugoroba w'itariki 20 Gashyantare 2025 witabirwa n'abafatanyabikorwa batandukanye bahuriye kuri uwo mushinga.

Ni umushinga w'imyaka ibiri uzakorerwa hirya no hino mu gihugu ariko abazawushyira mu bikorwa bavuga ko icyo gice cyawo cya mbere nikirangira, hazashakwa andi mikoro ugakomeza kugira ngo ibiti byose bibarurwe.

Muri uwo mushinga, ibyo biti bizagenda bibarurwa bihabwe nomero ku buryo hamenyekana umubare wabyo noneho aho biri hakomwe, hagirwe ahantu ndangamateka hashobora no gukorerwa ubukerarugendo.

Amateka yabyo na yo azajya yandikwa ku buryo abazajya babisura bazajya bemenya icyo ibyo biti bivuze muri ako gace.

Ibyo biti birimo amoko menshi nk'imivumu, iminyinya, imiko n'ibindi byo hambere.

Umuyobozi w'Ishami rishinzwe Amazi n'Amashyamba muri Minisiteri y'Ibidukikije, Kwitonda Phillipe, yavuze ko uwo mushinga icyo ugamije ari ugusigasira ibyo biti bibitse amateka kugira ngo bitazazimira.

Yagize ati “Tugamije gukangurira abaturage kurinda ibyo biti kuko binafite akamaro mu rusobe rw'ibinyabuzima. Aho biri hazamenyekana ku buryo ugiye kubaka inzu n'ugiye kubaka umuhanda atazajya abikoraho.”

Umushakashatsi Mukuru muri CoEB, Beth Caplin, yavuze ko bahisemo gukora uwo mushinga mu rwego rwo gusigasira ibiti nka kimwe mu bimera by'ingirakamaro kandi bifitanye amateka n'u Rwanda.

Ati “Tuzi ko amateka y'u Rwanda afitanye isano ya hafi n'urusobe rw'ibinyabuzima by'umwihariko ibiti. Hari kandi inkuru nyinshi zivuga ku biti, umuco n'imigenzo. Ibyo biti kandi harimo ibitanga ibiribwa n'imiti ku baturage, dushaka kurinda ako kamaro kabyo.”

Muri uwo mushinga, abaturage basabwa kugira uruhare mu kwerekana aho ibyo biti biri kuko ari bo batuye aho bigiye biherereye ndetse kubika amateka yabyo bikaba bibafitiye akamaro.

Umushakashatsi Mukuru muri CoEB, Beth Caplin, yavuze ko bahisemo gukora uwo mushinga mu rwego rwo gusigasira ibiti

Umuyobozi w'Ishami rishinzwe Amazi n'Amashyamba muri Minisiteri y'Ibidukikije, Kwitonda Phillipe, yavuze ko uwo mushinga ugamije kubungabunga ibiti

Kenshi ukunze gusanga amasoko y'imboga yiganjemo izizwi nka 'dodo', amashu, karoti n'izindi. Gusa ku isoko rya Rusizi II rihurirwaho n'abaturage batuye hafi y'Umujyi wa Bukavu muri RDC, imboga zirimo ibisusa ukunze gusanga bidahingwa ahandi henshi mu Rwanda, birahaboneka kuko bikunzwe hakurya y'umupaka.

Iyo ugeze muri iryo soko, uhasanga izo mboga zihambiriye mu mifuka Abanyarusizi bita imisumba. Mu kugurisha izi mboga, ntabwo hakoreshwa umunzani cyangwa imifungo ahubwo Umukiliya areba ubunini bw'uwo mufuka akanafungura, akareba ubwiza bw'izo mboga ubundi bakumvikana amafaranga.

Ubwo IGIHE yageraga muri iri soko, yasanze nta tandukaniro rinini riri mu giciro cy'umusumba w'ibisusa, isombe, matembera n'umushogoro.

Umusumba w'isombe iyo yabonetse ku bwinshi ugura 2.300Frw yaba yahenze ukagura 3.100Frw. Umusumba w'ibisusa iyo byahenze ugura 3.100Frw byaba byahendutse ukagura 2.000Frw mu gihe umushogoro iyo wahenze ugura 2.800Frw, waba wahendutse ukagura 1.000Frw.

Nyiransabimana Veneranda umaze imyaka itanu arangura ibisusa, umushogoro, isombe na matembera yabwiye IGIHE ko impamvu arangura izi mboga ari uko ari zo ziri kumuha icyashara cyinshi muri iyi minsi, ati “Muri Congo zirakunzwe, kandi natwe turazifite bityo dukuramo amafaranga.”

IGIHE kandi yaganiriye n'umukiliya waje kugura izi mboga aturutse muri RDC, avuga ko izi mboga zifite isoko rinini i Bukavu, ati “iyo tuziranguye, tuzigurisha ku masoko ya Bukavu.”

Umuyobozi w'isoko rya Rusizi II, Kajemundimwe Evariste avuga ko iri soko rihuza abaturage b'ibihugu byombi.

Ati 'Iri soko rifasha Abanyekongo n'Abanyarwanda. Umunyarwanda ugenda agasoroma amababi y'ibijumba, ayo bita matendera, iyo ayisomye abonamo amavuta, akabona umunyu n'indagara zo kurya.”

Iri soko ryitabirwa n’abantu batandukanye, bahinga imboga zidasanzwe zihingwa mu bice byinshi by’u Rwanda

Ubuhinzi buri kurushaho gukorwa hirya no hino mu gace ka Rusizi

Ibi biti byatewe mu gitondo cyo kuri wa 22 Werurwe 2025, bikaba byatewe mu Kagari ka Rutaraka mu Murenge wa Nyagatare mu Karere ka Nyagatare.

Ni igikorwa cyitabiriwe n'Umuyobozi Mukuru wa Equity Bank Rwanda Plc, Hannington Namara, Guverineri w'Intara y'Iburasirazuba, Pudence Rubingisa, Umuyobozi w'Akarere ka Nyagatare n'inzego z'umutekano.

Umuyobozi w'Akarere ka Nyagatare, Gasana Stephen, yavuze ko bashimira igitekerezo cyatangijwe na Equity Bank Rwanda Plc cyo gutera ibiti.

Yavuze ko ahantu hatewe ibi biti ari ku buso bwa hegitari umunani hakaba hari haratewe ibiti mu 2016 ariko byose ntibyakura ari na yo mpamvu hongewe guterwa ibindi mu kuziba icyuho cy'ibyapfuye.

Ati 'Twizeye ko mu myaka itanu iri imbere tuzabona aha hantu hari ishyamba ryiza rifatanye. Turashimira rero Equity Bank Rwanda Plc ku gitekerezo cyiza bagize cyo gutera ibiti aha hantu.''

Mukandanga Grace we yagize ati 'Ibiti twateye twabyakiriye neza kuko bidufitiye akamaro, ubu nibikura tuzishimira ko bizadufasha mu kuzana imvura ndetse no kubona inkwi zo gucana kuko kubona inkwi inaha ni ikibazo gikomeye.''

Umuyobozi Mukuru wa Equity Bank Rwanda Plc, Hannington Namara, yavuze ko bifuza kugira uruhare mu gutera ibiti byinshi mu Ntara y'Iburasirazuba ku buryo hagira umwuka mwiza wororerwamo, hakanahingwa cyane kuko ngo iyo bikozwe neza binatuma babona abakiliya.

Ati 'Twemera ko umuturage utekanye, umuturage uhumeka umwuka mwiza ari nawe muturage twifuza. Turifuza ko iki gikorwa cyazakomeza tugatera ibiti byinshi ku buryo iyi ntara igira umwuka mwiza mu kororeramo no gutura. Rero nka Equity Bank Rwanda Plc, twemera ko iyo umuturage ameze neza, akagira ibikorwa byiza by'ubuhinzi n'ubworozi ni byo natwe twubakiraho tukamuteza imbere.''

Uyu muyobozi yavuze ko kandi bagiye gufatanya n'Ishami ry'Umuryango w'Abibumbye ryita ku Iterambere (UNDP) Ishami ry'u Rwanda, mu kugeza ku baturage benshi biogas zikoresha amase y'inka mu gutuma bareka gusenya inkwi ari nako bangiza ibiti cyane.

Yavuze ko kandi bifuza gufatanya na UNDP mu gutera ubwatsi bwerera ibyumweru bibiri mu rwego rwo kongera umukamo mu borozi.

Guverineri w'Intara y'Iburasirazuba, Pudence Rubingisa, yashimiye Equity Bank Rwanda Plc ku ruhare yagize mu gutera ibi biti, avuga ko ubusanzwe abaturage benshi bazi banki nk'ahantu bajya kubika no kubikuza amafaranga gusa.

Yavuze ko kuri ubu bishimira kuba Equity Bank Rwanda Plc yararenze ibyo ikanegera umuturage hagamijwe kumuzamurira imibereho no kumufasha kwiteza imbere.

Umuyobozi w’Akarere ka Nyagatare, Gasana Stephen, yavuze ko ibiti byatewe byitezweho gufasha aka Karere mu guhangana n’imihindagurikire y’ikirere

Uhereye ibumoso ni Umuyobozi Mukuru wa Equity Bank Rwanda Plc, Hannington Narama, Umuyobozi wa UNDP mu Rwanda, Fatmatta Lovetta, Guverineri Rubingisa ndetse n’Umuyobozi w’Akarere ka Nyagatare, Gasana Stephen

Umuyobozi wa UNDP mu Rwanda, Fatmatta Lovetta, aganiriza ab’i Nyagatare

Umuyobozi Mukuru wa Equity Bank Rwanda Plc, Hannington Namara, Umuyobozi wa UNDP mu Rwanda, Fatmata Lovetta na Guverineri Rubingisa bishimiye gutera igiti

Umuyobozi Mukuru wa Equity Bank Rwanda Plc, Hannington Namara, yavuze ko bagiye gushyira imbaraga mu gutera ibiti

Umuyobozi Mukuru wa Equity Bank Rwanda Plc, Hannington Namara, atera igiti

Ibiti byatewe harimo n’ibivangwa n’imyaka

Ubwo Guverineri Rubingisa yari agiye gutera igiti

Guverineri Rubingisa yashimiye Equity Bank Rwanda Plc ku musanzu yatanze mu gutera ibiti

Abakozi ba Equity Bank Rwanda Plc bashimiwe umusanzu wabo mu gutera ibiti muri Nyagatare

Inzego z’umutekano na zo zafatanyije na Equity Bank Rwanda Plc mu gutera ibiti i Nyagatare

Ibyishimo by'umufana w'umupira w'amaguru ni kubona ikipe ye itsinda byaba byiza kurushaho ikanatwara igikombe. Gusa si benshi batekereza ng ikipe yanjye ko itwaye igikombe, yinjije amafaranga angahe.

Uyu munsi reka turebere hamwe ingano y'amafaranga atangwa nk'ibihembo ku makipe mu marushanwa atandukanye dukunze gukurikira, haba ku yegukanye igikombe ndetse n'andi makipe yitabiriye irushanwa.

·Â Â Â Â Â Â Â Â  Europa league

Imibare igaragaza ko igiteranyo cy'ibihembo bitangwa muri iri rushanwa ari miliyoni £405 (miliyoni zisaga 700 Frw) zigabanywa amakipe aryitabira. Ikipe yegukana Europa league ihabwa miliyoni £19.7, yiyongera ku mafaranga ihabwa uko irenze ikiciro kimwe kimwe ndetse n'atangwa n'amateleviziyo.

·Â Â Â Â Â Â Â Â  La liga

Shampoyona y'ikiciro cya mbere muri Espagne, La liga, ihemba miliyoni £794 muri rusange.

Dufashe urugero nko muri shampiyona 2021/2022, Real Madrid yayegukanye byarangiye yinjije miliyoni £135, mu gihe Eibar yabaye iya nyuma yinjije miliyoni £41.6

·Â Â Â Â Â Â Â Â  Bundesliga

Shampiyona ya Bundesliga yo mu Budage, yo ihemba miliyoni £992 agabanywa amakipe 18.

Dufashe urugero nko muri shampiyona ya 2022/2023, Bayern Munich yabaye iya mbere yinjije miliyoni £65.43. Ni mu gihe kandi Hertha Berlin yabaye iya nyuma yinjije miliyoni £27.12

·Â Â Â Â Â Â Â Â  Serie A

Shampiyona ya Serie A yo mu Butariyani, igabanya amakipe 20 miliyari 1.2

Muri Serie A ho uburyo bayagabanya amakipe ni ubu bukurikira. 50% y'aya mafaranga agabanywa amakipe 20 yose aringanije. 30% akagabanywa amakipe hagendewe ku mwanya yasojeho. 

Naho 20% asigaye akagabanywa amakipe hagendewe ku bakunzi bayo, aho bareba imibare y'abitabiriye imikino yayo, abayirebye kuri televiziyo, abayakurikira ku mbuga nkoranyambaga n'ibindi.

Uwatwaye Ahampiyona ya Serie A ahabwa miliyoni £20, ziyongeraho amafaranga y'amateleviziyo n'abaterankunga.

·Â Â Â Â Â Â Â Â  UEFA Champions League 

Muri UEFA Champions League irushanwa rifatwa nk'irya mbere nyuma y'Igikombe cy'Isi, bahemba miliyari £1.5 zigabanywa amakipe aryitabira.

Dufashe urugero kuri 2021/2022, Real Madrid yayegukanye yahawe miliyoni £17.11 nyuma yo kwegukana igikombe, yiyongera ku yo yasakumye mu byiciro bibanza n'abaterankunga, akaba miliyoni £122.64 muri rusange.

Gusa aya mafaranga yatangwaga mu gihe UEFA Champions League yakinwaga n'amakipe 32, biteganyijwe ko uyu mwaka aziyongera nyuma y'uko amakipe abaye 36.

·Â Â Â Â Â Â Â Â  Premier League

Iyi shampiyona y'u Bwongereza ifatwa nka shampiyona ya mbere ku isi, ihemba igiteranyo cya militari £2.6

Iyi niyo shampiyona itanga amafaranga menshi haba ku ikipe yatwaye igikombe, kugeza ku ikipe yamanutse mu kiciro cya kabiri.

Dufashe urugero kuri shampiyona 2021/2022, Manchester City yeyegukanye yasaruye miliyoni £161.3, mu gihe Norwich City yabaye iya nyuma yinjije miliyoni £100.3

Ni mu gihe kandi Igikombe cy'Isi cy'ibihugu, dufashe urugero nka Argentine yegukanye icyo mu 2022 yahawe miliyoni $42. Gusa ikipe yegukanye Igikombe cy'Isi yinjiza amafaranga menshi mu baterankunga n'amateleviziyo, anaruta igihembo ubwacyo.

Mu gikombe cy’Afurika ikipe yatwaye igikombe ihabwa miliyoni $7, iya kabiri igahabwa miliyoni $4, iya gatatu igahabwa $2,500,00, mu gihe iya kane ihabwa $1,300,000.

Uyu mukobwa wa Elon Musk, ni umwe mu bantu bazwi cyane kubera inkomoko ye, ariko we ubwe yahisemo kwitandukanya n'umubyeyi we. Uyu mukobwa yagaragaje kudahuza na se, yanga kumwibandaho ndetse asaba guhindura izina rye ngo atazongera kumenyekana nk'uwe. 

Uretse kuba umwana w'umuherwe ukomeye ku isi, hari byinshi bitangaje ku buzima bwe, ibitekerezo bye, uko abayeho muri iki gihe ndetse n'ahazaza he.

1. Yavukiye i Los Angeles

Vivian Jenna Wilson yavukiye i Los Angeles ku itariki ya 15 Mata 2004, avukira rimwe na musaza we w'impanga, Griffin. Yakuze abona itandukaniro rikabije riri hagati y'ubukire bukomeye bw'umuryango we n'abantu benshi batagira aho baba muri uyu mujyi. 

Iyo avuga kuri ibi aragira ati: 'Biragoye kumva ukuntu hari abantu batunze indege zabo bwite, ibirwa byabo bwite, mu gihe hari abandi barara ku muhanda.'

2. Yatangaje ko yiyumva nk’umuhungu mu 2020

Vivian yahishuye ko yiyumva nk’umuhungu binyuze ku nkuru yashyize kuri Instagram mu 2020. Yavuze ko nyina yamushyigikiye cyane ndetse anamutera imbaraga muri uru rugendo. Ati: 'Mama ni umwanditsi w'ibitabo by'urukundo bishingiye ku buhanga bwihariye, ni ho nakuye izina ryanjye n'ibyo nkunda byose.'

3. Ntabwo agifitanye umubano na Se

Vivian yahisemo gutandukana na se kuva mu 2020, ndetse amaze kuzuza imyaka 18, yasabye guhindura izina rye mu buryo bwemewe n'amategeko kugira ngo atazongera guhuza izina na we. Yavuze ko atigeze yongera kuvugana na Elon Musk kandi ko yihagije mu bijyanye n'amafaranga.

4. Elon Musk yamunenze mu ruhame

Elon Musk ntabwo yamushyigikiye nk'uko nyina yabikoze. Mu kiganiro yagiranye na Jordan Peterson mu 2024, yavuze ko 'yashutswe' kugira ngo yemere ko umukobwa we ahabwa ubuvuzi bwemewe ku bahindura igitsina afite imyaka 16.

Vivian yaje kubihakana, avuga ko se yari azi neza ingaruka zose z'ubuvuzi yakiriye. Yongeyeho ko Elon yahimbye inkuru z'uko yari ameze mu bwana bwe, 'kuko atari ahibereye' ngo amenye ukuri.

5. Yifuza kuba umusemuzi

Vivian yavuye muri Leta Zunze Ubumwe za Amerika ajya kwiga indimi zirimo Igifaransa, Icyesipanyoli, n'Ikiyapani. Kuva mu ntangiriro z’uyu mwaka, atuye i Tokyo. Nubwo yifuza kuzaba umusemuzi, yavuze ko ari no gutekereza ku yind mibirimo yamufasha gukomeza kugira imibereho myiza nko kwamamaza, gukina filime cyangwa se gutangiza ‘Reality show,’ ati: 'Ni inzozi zanjye! Nubwo bimeze nk'ibidashoboka, ndabyifuza cyane.'