Webrwanda Backend

Blog

  • Vestine na Dorcas bateguje indirimbo yabo nshya 'Nitawale' igiye kujya hanze #rwanda #RwOT

    Abahanzi b'abavandimwe, Vestine na Dorcas, batangaje ko indirimbo yabo nshya yitwa Nitawale izajya hanze mu masaha make ari imbere. Aba bakobwa bamaze kwigarurira imitima ya benshi kubera amajwi yabo meza n'ubutumwa bwubaka butambuka mu bihangano byabo, bakomeje gushimangira umwimerere w'umuziki wabo.

    Mu butumwa bashyize ku mbuga nkoranyambaga, basabye abakunzi babo gukomeza kubashyigikira no gutegereza iyi ndirimbo nshya izagira uruhare rukomeye mu kuramya no guhimbaza Imana.

    Nitawale bivuze 'Imana itegeke' mu rurimi rw'Igiswahili, bikaba bigaragaza ko iyi ndirimbo izaba ifite insanganyamatsiko yo kwinginga Imana ngo ibe iyoboye ubuzima bw'abantu.

    Vestine na Dorcas bagaragaje ko iyi ndirimbo izanye ubutumwa bukomeye bwo guhumuriza imitima y'abantu no kubibutsa ko Imana ifite ijambo rya nyuma ku buzima bwabo.

    Benshi mu bakunzi babo bamaze kugaragaza amashyushyu yo kuyumva, basaba ko yasohoka vuba.

    Biteganyijwe ko Nitawale izaboneka kuri shene yabo ya YouTube no ku zindi mbuga zicururizwaho umuziki. Aba bahanzi bakomeje gushyira imbaraga mu muziki wabo, bagenda bagaragaza iterambere rikomeye mu buhanzi bwabo.

    Mu butumwa bashyize ku mbuga nkoranyambaga zabo, Vestine na Dorcas basabye abakunzi babo kwitegura kwakira iyi ndirimbo nshya. 
    Aba bakobwa bamaze kubaka izina mu muziki Nyarwanda, bazwi cyane ku ndirimbo zihimbaza Imana, zifite ubutumwa bukora ku mitima ya benshi.

    Source : https://kasukumedia.com/vestine-na-dorcas-bateguje-indirimbo-yabo-nshya-nitawale-igiye-kujya-hanze/

  • Fabien Doubey yegukanye Tour du Rwanda 2025 nyuma y'ihagarikwa ry'agace ka nyuma #rwanda #RwOT

    Umufaransa Fabien Doubey, ukinira ikipe ya TotalEnergies, ni we wegukanye irushanwa Tour du Rwanda 2025, nyuma y'uko agace ka nyuma gahagaritswe katarangiye kubera imvura nyinshi yaguye mu Mujyi wa Kigali.

    Iri siganwa ryari rigizwe n'uduce umunani, ariko habazwe ibihe by'uduce dutandatu kuko agace ka karindwi kabaye imfabusa. Impamvu nyamukuru yatumye gahagarikwa ni uko umuhanda wanyereye bikomeye, bigatuma abakinnyi batinya gukomeza gusiganwa. Abakinnyi bayoboye isiganwa ni bo basabye ko irushanwa rihagarara, ariko Doubey, wari wambaye umwambaro w'umuhondo, ni we wabaye uwa mbere mu gusaba ko habaho iyo ngamba yo guhagarika agace ka nyuma.

    Doubey yatangaje ko yishimiye uko yitwaye ndetse anashimira bagenzi be bamufashije kugera ku ntsinzi.

    Ubuyobozi bwa Tour du Rwanda bwemeje ko aka gace kabaye imfabusa, bivuze ko umufaransa Fabien Doubey wari imbere nyuma y'agace ka gatandatu yahise atangazwa nk'umukinnyi wegukanye Tour du Rwanda 2025.

    Doubey yari yitwaye neza mu duce twabanje, yihagararaho mu minsi itandatu yose yabariwe, ndetse akoresha ibihe byiza kurusha abandi bakinnyi bari bahanganye.

    Mu gihe yari asigaje kwemeza intsinzi ye mu gace ka nyuma, imvura ikomeye yaguye i Kigali yangije amahirwe y'abakinnyi bashakaga kumutwara umwenda w'umuhondo.

    Ikipe ye ya TotalEnergies yagaragaje imbaraga nyinshi muri iri rushanwa, ifasha uyu musore gukomeza kuyobora urutonde rusange.

    Nubwo Tour du Rwanda 2025 irangiye mu buryo budasanzwe, Fabien Doubey azahora yibuka ko ari we wabaye umunyamahirwe wo gutwara iri siganwa rikomeye ku mugabane wa Afrika.

    Uyu mwaka, Tour du Rwanda yagaragaje impano nshya ndetse irushaho gukurura ibihangange mu mukino w'amagare. Nubwo imvura yahagaritse isiganwa, abakunzi ba siporo y'amagare bakomeje kwishimira uburyo abakinnyi bagaragaje ubuhanga n'ubushake bwo gutwara iri siganwa.

    Byagaragaye ko Fabien Doubey yitwaye neza mu duce twabanje, aho yagaragaje ubuhanga mu kuzamuka imisozi ndetse no gukoresha amayeri menshi mu gusiganwa ku muvuduko mwinshi.

    Source : https://kasukumedia.com/fabien-doubey-yegukanye-tour-du-rwanda-2025-nyuma-yihagarikwa-ryagace-ka-nyuma/

  • M23 yashyikirije u Rwanda 14 barimo Brig Gen. Gakwerere bo muri FDLR #rwanda #RwOT

    Igisirikare cy'Abajenosideri Cyakomeje Guteza Umutekano Muke mu Rwanda no mu Karere 

    ku wa 01 Werurwe 2025, Umutwe wa M23 washyikirije u Rwanda abarwanyi b'Umutwe w'Iterabwoba wa FDLR barimo Brigadier General Gakwerere Ezechiel, Major Ndayambaje Gilbert na bagenzi babo 12 baherutse gufatirwa ku rugamba bari bafatanyijemo na FARDC, SAMIDRC, Ingabo z'u Burundi na Wazalendo barwanya M23.

    Mu gihe cy'imyaka 30 ishize, u Rwanda rwaburiye amahanga kenshi ku kibazo cy'umutwe w'iterabwoba wa FDLR (Forces Démocratiques de Libération du Rwanda) ukomeje kuba igisirikare cy'abajenosideri bagize uruhare mu mahano yo muri 1994. Nyamara, ibihugu byo mu Burengerazuba byirengagije iyo nkuru, bivuga ko abo barwanyi ari abasaza batagishoboye ndetse ko u Rwanda rwitwaza FDLR nk'impamvu yo gutera Repubulika Iharanira Demokarasi ya Congo (RDC) ngo rubone amabuye y'agaciro.

    FDLR: Umutwe Wagumye Kwagura Ingufu zawo

    Umutwe wa FDLR ntiwigeze ucogora mu bikorwa byawo by'urugomo, aho wakomeje gushaka abarwanyi bashya no gukomeza ingengabitekerezo ya Jenoside. Igitangaje ni uko ndetse wagiye ushyigikirwa na @MONUSCO, ubutumwa bw'amahoro bwa Loni bumaze imyaka 26 muri RDC, nyamara bwari bwahawe inshingano zo kuwurwanya hashingiwe ku myanzuro itandukanye ya Akanama k'Umutekano ka Loni.

    AFC/M23 Itanga Abagize FDLR, Harimo Umugaba Mukuru Brig. Gen. Ezechiel Gakwerere

    Kuri iyi nshuro, bamwe mu barwanyi ba FDLR bafatiwe ku rugamba, barimo Brigadier General Ezechiel Gakwerere, umwe mu bicanyi bishe Umwamikazi Rosalie Gicanda, bashyikirijwe u Rwanda na AFC/M23. Ibi byagaragaje uruhare AFC/M23 ifite mu kurwanya umutwe wa FDLR, aho ikora akazi amahanga yagombaga kuba yarakoze mu myaka 30 ishize.

    AMAFOTO:

    (Aha hashyirwa ifoto y'abarwanyi ba FDLR bashyikirizwa u Rwanda, Brig. Gen. Ezechiel Gakwerere mu mwambaro wa FARDC, ndetse n'ibindi bifatika bijyanye n'inkuru.)

     

    Source : https://kasukumedia.com/m23-yashyikirije-u-rwanda-14-barimo-brig-gen-gakwerere-bo-muri-fdlr/

  • Kuri iki Cyumweru itariki 2 Werurwe 2025 ikipe ya Rayon Sports yakiriye Gasogi United mu mukino w'umunsi wa 19 wa shampiyona y'u Rwanda, Rwanda Premier League 2024-25.

    UKO UMUKINO URI KUGENDA UMUNOTA KU MUNOTA

    Abakinnyi ba Rayon Sports bakoze iyo bwabaga ngo babone igitego mu gice cya mbere ariko biranga

    Byagoranye mu gice cya mbere aho klirangiye hagati ya Rayon Sports na Gasogi United ari 0-0

    Igice cya mbere kirangiye ari ubusa ku busa hagati ya Rayon Sports na Gasogi United

    IGICE CYA MBERE KIRARAMGIYE

    45+1′ Abafana ba Rayon Sports bari guha induru umusifuzi nyuma yo kwanga guha ikarita y’umuhondo Alioune Mbaye wari ukoze umupira n’intoki imbere y’izamu rya Rayon Sports’

    41′ Kufura ya Rayon Sports yari itewe na Bugingo Hakim ariko Aliuoune Mbaye atabara ikipe’

    41′ Kufura ya rayon Sports nyuma y’ikosa Axel akoreye Adama Bagayogo’

    39′ Aziz Bassane yongeye gukina nabi ariko umusifuzi aramubabarira’

    32′ Kufura ya Gasogi United itewe na Hakim Hamis ariko Omar Gning aratabara’

    31′ Ikarita y’ukuhondo ihawe Aziz Bassane nyuma yo gukinira nabi Ngono Guy Herve na Kufura ya gasogi’

    30′ khadime Ndiaye atabaye Rayon Sports ubwo yari asigaranye na Alioune Mbaye’

    27′ Adama Bagayogo arabyutse umukino urakomeza’

    26′ Adama Bagayogo aryamye hasi nyuma yo kugongana na Mugisha Joseph Rama’

    23′ Kokote Udo Ibiok yari azamukanye u mupira ariko Omborenga Fitina akina nk’uumukinnyi mukuru aratabara’

    22′ Ibrahim Dauda Bareli atabaye ikipe ya Gasigi United nyuma yo kwambura umupira Aziz Bassane umupira kandi bari basigaranye bonyine’

    20′ Omborenga Fitina akinnye ibyoroshye umupira awushyira muri koruneli mu gihe Gasigi yose yari mu izamu rya Rayon Sports ariko ntacyo koruneli imariye Gasogi United’

    18′ Ngono Guy Herve yari akiniye neza Alioune Mbaye ariko umuzamu wa Rayon Sports aba ibamba’

    16′ Biramahire Abeddy yari ateye ishoti rikomeye ariko umupira unyura hejuru y’izamu’

    15′ Koruneli ya Gasogi United itewe na Hamis Hakim ariko Mugisha Joseph Rama ateye umutwe ntiwajya mu izamu’

    14′ Omar Gning atabaye ikipe ya Rayon Sports nyuma yo kwambura umupira ukomeye Iradukunda Axel’

    11′ Hakim Hamis ateye kufura ariko abakinnyi ba Rayon Sports baratabara’

    11′ Kufura ya Gasogi United nyum,a y’ikosa Adama Bagayogo akoreye Mugisha Joseph Rama’

    9′ Mugisha Joseph Rama Imbere y’izamu rya Rayon Sports nyuma y’umupira yari ahawe na Hakim Hamis amaniwe gutsinda igitego ahubwo akora amakosa’

    6′ Muderi Akbar imbere y’izamu rya Rayon Sports umupira wari uvuye muri Koruneli awuteye hejuru y’izamu’

    5′ Kufura ya Rayon Sports Ndayishimiye Richakld ayihererekanyije na bagenzi be ariko Biramahire Abeddy ashatse gutungura umuzamu wa Gasogi Umupira ujya ku kirenge nabi’

    4′ Kuifura ya Rayon Sports nyuma y’ikosa Muderi Akbar akoreye Adama Bagayogo’

    2′ Umuzamu Khadime Ndiaye atabaye ikipe ya Rayon Sports nyuma yo gukuramo umupira yari atewe na Alioune Mbaye’

    1′ Biramahire Abeddy nyuma yo gucenga abakinnyi ba Gasogi United umusifuzi avuze ko bakoze amakosa mu gihe Rayon Sports yari ishatse gutangira yataka cyane’

    UMUKINO URATANGIYE

    Abakinnyi babanje mu kibuga ku ruhande rwa Gasogi United ni Ibrahim Dauda Bareli, Muderi Akbar, Iradukunda Axel, Hakizimana Adolphe, Nduwayo Alex, Udahemuka Jean De Dieu, Mugisha Joseph Rama, Mbaye Alioune, Kokoete Udo Ibiok, Hamis hakim na Ngono Guy Herve.

    Abakinnyi babanje mu kibuga ku ruhande rwa Rayon Sports ni Khadime Ndiaye, Omborenga Fitina, Bugingo Hakim Omar Gning, Nsabimana Aimable, Kanamugire Roger, Ndayishimiye Richald , Adama Bagayogo, Biramahire Abeddy, Aziz Bassane Koulagna na Iraguha Hadji.

    Ni umukino impande zombi zakaniye zishaka kubona amanota atatu kuko buri ruhande rurayakeneye cyane. Mu gihe Gasogi United ishaka amanota atatu kugira ngo igire amanota 27 igaruke mu makipe ari mu myanya myiza, ni nako Rayon Sports ishaka amanota atatu kugira ngo igume kwizera umwanya wayo wa mbere.

    Mu mukino wahuje aya makipe mu gice cya mbere cya shampiyona Rayon Sports ibifashijwemo na Charles Baale yatsinze Gasigi United igitego 1-0 mu mukino wakiniwe muri Stade Amahoro.

    Rayon Sports kandi ishaka kumanuka mu kibuga ifite gahunda yo kwiyunga n'abakunzi bayo kuko imikino ine ya shampiyona iheruka gukina yatsinze umukino umwe wa Kiyovu Sports gusa, itsindwa na Mukura VS ndetse inanganya na Musanze n'Amagaju.

    Rayon Sports kandi ifite umusozi wo kuzamuka kuko igiye kumanuka mu kibuga idafite abakinnyi bayo bakomeye nka Fall Ngagne wavunitse imvune izakira nyuma y'igihe kinini cyane ndetse na kapiteni wayo Muhire Kevin nawe umaze iminsi arwaye imvune yoroheje.

    Gutsinda uyu mukino birafasha Rayon Sports kuguma ku mwanya wa mbere biyigeze ku manota 44 isigare itegereje ikiza kuva mu mukino uza guhuza ikipe ya APR FC na Police FC. Mu gihe Rayon Sports yatakaza uyu mukino kandi amahirwe yo kwegukana igikombe yaba ari gutakara gake gake kuko APR FC nayo iri mu bihe byiza.

    Uko abakinnyi ba Rayon Sports basesekaye kuri Kigali Pele Stadium

    Source : https://inyarwanda.com/inkuru/152956/live-rayon-sports-yakiriye-gasogi-united-mu-mukino-ukomeye-cyane-amafoto-152956.html

  • Manchester City Yerekeje muri 1/4 cya FA Cup Nyuma yo Gutsinda Plymouth 3-1 #rwanda #RwOT

    Manchester City na Plymouth

    Ikipe ya Manchester City ikomeje kwitwara neza muri FA Cup, nyuma yo gutsinda Plymouth Argyle ibitego 3-1 mu mukino wabaye kuri uyu wa Gatandatu. Ikipe itozwa na Pep Guardiola yakinnye umukino mwiza cyane, igaragaza ubuhanga n'ubushobozi bwo guhatanira iki gikombe.

    Uko umukino wagenze

     

    Manchester City yinjiye mu mukino ifite intego yo gutwara igikombe cya FA Cup, ndetse n'umutoza Pep Guardiola yari yakoresheje abakinnyi bamwe basanzwe babanzamo mu mikino ikomeye. Nubwo Plymouth yagerageje kwitwara neza, ntibyabujije City kugaragaza ko ifite ubukana.

    Igice cya mbere:

    Ku munota wa 12, Phil Foden yafunguye amazamu nyuma yo guhabwa umupira mwiza na Kevin De Bruyne. Iki gitego cyatumye City itangira gukina ifunguka, ikomeza gusatira cyane.

    Plymouth yagerageje kwishyura, ariko umunyezamu Stefan Ortega wa Manchester City yagaragaje ubuhanga bukomeye mu kurokora ikipe ye.

    Ku munota wa 38, Erling Haaland yatsinze igitego cya kabiri ku mupira mwiza yahawe na Bernardo Silva, bihita bisunikira cyane Manchester City imbere mbere y'uko bajya kuruhuka.

    Igice cya kabiri:

    Mu gice cya kabiri, Plymouth yagarutse mu mukino ifite ingufu, ishaka igitego cyo kwishyura. Ku munota wa 58, Ryan Hardie yatsindiye Plymouth igitego kimwe nyuma y'ikosa ryakozwe na Manuel Akanji. Iki gitego cyashimishije abafana ba Plymouth bari baje gushyigikira ikipe yabo.

    Ariko nyuma y'iminota mike, Manchester City yongeye gufata umupira neza, ikomeza gusatira. Ku munota wa 74, Julian Alvarez yatsinze igitego cya gatatu cyafashije City gukomeza kuyobora umukino. Nyuma y'icyo gitego, Guardiola yakoze impinduka, yinjiza abakinnyi bashya kugira ngo bagabanye umunaniro.

    Reba uko ibitego byinjiye:

    • 12' — Phil Foden (Manchester City
    • 38' — Erling Haaland (Manchester City)

    • 58' — Ryan Hardie (Plymouth Argyle)

    • 74' — Julian Alvarez (Manchester City)

    Icyo abatoza bavuze nyuma y'umukino

    Pep Guardiola yavuze ko yishimiye uko ikipe ye yakinnye, ndetse anagaragaza ko bafite intego yo kwegukana FA Cup uyu mwaka. Yagize ati:

    'Twakinnye umukino mwiza, twatsinze ibitego byiza kandi twagaragaje ubunararibonye. Plymouth ni ikipe nziza, ariko twabashije kuyitsinda neza.'

    Ku ruhande rwa Plymouth, umutoza Ian Foster yashimiye abakinnyi be, avuga ko bagaragaje ishyaka ryo guhatana n'ikipe ikomeye nka Manchester City. Yagize ati:

    'Nubwo twatsinzwe, twagaragaje imbaraga n'ubushake. Twize byinshi kuri uyu mukino, kandi tuzakomeza gukora cyane.'

     

    Manchester City ikomeje gutanga icyizere mu marushanwa atandukanye

    Ikipe ya Manchester City iracyari mu rugamba rwo kwegukana ibikombe bitandukanye. Uretse FA Cup, iyi kipe irimo guhatanira Premier League ndetse na UEFA Champions League. Ikipe itozwa na Pep Guardiola ifite intego yo gukora amateka, yegukana ibi bikombe uko ari bitatu.

    City izakina umukino wa kimwe cya kane (1/4) cya FA Cup mu byumweru biri imbere, aho izaba ihanganye n'ikipe izamenyekana mu gicaniro gitaha.

    Manchester City yatsinze Plymouth Argyle ibitego 3-1, ikomeza urugendo rwayo muri FA Cup. Ubu iritegura gukina 1/4 cy'irushanwa, aho izakomeza guhatanira kwegukana iki gikombe. Abafana ba City barategereje kureba uko ikipe yabo izitwara mu mikino iri imbere.

    Source : https://kasukumedia.com/manchester-city-yerekeje-muri-1-4-cya-fa-cup-nyuma-yo-gutsinda-plymouth-3-1/

  • Kamonyi-Nyamiyaga: Abantu batamenyekanye bateshejwe Inka bamaze kuyitema #rwanda #RwOT

    Mu ijoro ryo kuri uyu wa 01 Werurwe 2025 ahagana ku i saa saba n'iminota itanu, mu Mudugudu wa Gitega, Akagari ka Ngoma, Umurenge wa Nyamiyaga ho mu Karere ka Kamonyi, abantu batabashije kumenyekana bateshejwe Inka bari bamaze gutema ku gitsi, ku kuboko ndetse no mu mutwe ku buryo byayiviriyemo kubagwa.

    Amakuru bamwe mu baturage bahaye intyoza.com ni ay'uko Abantu bataramenyekana binjiye mu rugo rwa Munana Claver basenya ikiraro, batwara Inka y'Ikibamba ariko Abanyerondo bayibatesha bamaze kuyitema banayikomerekeje kuko bayiciye Umutsi, bayitema ku kuboko ndetse no mu mutwe.

    Gutemwa kw'iyi Nka byayambuye ubuzima kuko nyuma yo kuhagera k'ushinzwe amatungo(Veterineri) ndetse n'Ubuyobozi bari kumwe n'Abaturage hafashwe icyemezo cyo guhamagara abaguzi kugira ngo bayigure ibagwe kuko uko yatemwe itari iyo kuvurwa ngo ibeho.

    Umunyamabanga Nshingwabikorwa w'Umurenge wa Nyamiyaga, Mudahemuka Jean Damascene yabwiye intyoza.com ko aya makuru ari impamo, ko abantu bataramenyekana bagiye mu rugo rw'umuturage basenya ikiraro batwara Inka imwe muri ebyiri zari muri uru rugo, ariko baza guteshwa n'Abanyerondo nubwo ngo Inka yari imaze gutemwa ubuzima bwayo buri ahabi.

    Yagize ati' Bageze ruguru y'urugo irondo rirabatesha ariko basanga bari batangiye kuyegeka ku mugina ngo bayitware ibaze. Bayiciye umutsi w'Akaguru k'inyuma'. Akomeza avuga ko nk'ubuyobozi bagiye kuganira n'abaturage no kureba ibyabaye ariko kandi no gusaba uwo ariwe wese wagira amakuru y'abo akeka kuyatanga kugira ngo uwabigizemo uruhare afatwe abiryozwe.

    Ku makuru atangwa n'abaturage akanemezwa n'ubuyobozi bw'Umurenge wa Nyamiyaga ni uko abari batwaye iyi Nka bikanze irondo basimbukira mu mirima y'amakawa iri hafi aho, bakizwa n'amaguru ariko basiga Inka bayizahaje.

    Ubujura bw'Inka cyangwa se ibikorwa nk'ibi muri uyu Murenge wa Nyamiyaga ntabwo byari bihasanzwe. Gusa Gitifu Mudahemuka Jean Damascene avuga ko mu myaka ine amaze muri uyu Murenge higeze kwibwa Inka imwe ariko nayo baza kuyifata.

    Ubu bujura buvukije Inka ubuzima, bubaye nyuma y'iminsi mike itageze no ku byumweru bibiri mu Murenge wa Ngamba habaye igikorwa cy'ubugome aho Inka n'iyayo byatwikiwe mu kiraro bigakongoka.
    intyoza.com

    Source : https://www.intyoza.com/2025/03/02/kamonyi-nyamiyaga-abantu-batamenyekanye-bateshejwe-inka-bamaze-kuyitema/

  • U Rwanda ruhagarariye Afurika ku rutonde rwa… – #rwanda #RwOT

    Ku rutonde rw'ibihugu 25 byatoranyijwe nk'ahantu hakwiye gusurwa mu 2025, U Rwanda rwaje ku mwanya wa 19, rukaba ari cyo gihugu cyonyine cyo muri Afurika cyabonetse kuri uru rutonde rwakozwe na Wanderlust Magazine binyuze muri ‘The Spectator Index.’

    Iki ni ikimenyetso cy'uko u Rwanda rukomeje gutera imbere by’umwihariko mu bijyanye n'ubukerarugendo ku rwego mpuzamahanga. Kuba ruzwi nk'Igihugu cy'Imisozi Igihumbi, bituma rukurura ba mukerarugendo kubera ubwiza bw'ikirere cyarwo, urusobe rw'ibinyabuzima, amateka n'umuco byihariye, ndetse n'imbaraga rukomeza gushyira mu kubungabunga ibidukikije.

    U Rwanda: Igicumbi cy'ubukerarugendo bushingiye ku bidukikije

    Kimwe mu bintu byihariye u Rwanda rutangaho urugero ku rwego mpuzamahanga ni imbaraga rwashyize mu bukerarugendo burambye no kubungabunga urusobe rw'ibinyabuzima. Parike y'Igihugu y'Ibirunga (Volcanoes National Park), ikomeza kuba igicumbi cy'ubukerarugendo kubera ingagi zo mu misozi, aho abakerarugendo baturuka hirya no hino ku Isi baje gusura izi nyamaswa zidasanzwe.

    Uretse iyo parike, hari n’izindi nyinshi zituma ba mukerarugendo bashishikazwa no gusura u Rwanda. Parike ya Nyungwe, imwe mu mashyamba ya kimeza akomeye ku Isi, irangwa n'ubwoko bwinshi bw'inyamaswa n'ibimera. Parike y'Akagera, nayo iri ku rwego mpuzamahanga, yashyizemo imbaraga mu gusubizamo inyamaswa nka zikubiye mu cyiswe ‘Big Five’ (intare, inzovu, ingwe, impyisi n'imbogo), ibyatumye irushaho gukurura ba mukerarugendo.

    Iterambere n'umutekano bituma u Rwanda ruba igicumbi cy'ubukerarugendo

    Uretse imiterere myiza y'iki gihugu, hawgaragajwe ko u Rwanda rufite iterambere rihamye mu bijyanye n'umutekano, isuku, serivisi zinoze ndetse n'imihanda y'icyitegererezo, bikaba bimwe mu bituma ba mukerarugendo bakirwa neza. Kigali, umurwa mukuru w'igihugu, ni umujyi ugezweho uzwiho kugira isuku n'umutekano, bikawugira umwe mu mijyi myiza cyane muri Afurika.

    Ibikorwaremezo by'icyerekezo, nk'ibibuga by'indege bijyanye n'igihe ndetse n'amahoteli akomeye ku rwego mpuzamahanga, bigira uruhare mu gutuma u Rwanda rukomeza kuba igicumbi cy'abakerarugendo. Amamurikagurisha mpuzamahanga, inama zikomeye n'ibikorwa by'ubucuruzi bikomeje gukurura abashoramari n'abasura iki gihugu ku mpamvu zitandukanye.

    Impamvu u Rwanda rwaje ku rutonde rw’ahakwiye gusurwa muri uyu mwaka

    Nk’igihugu cyonyine cyo muri Afurika cyagaragaye kuri uru rutonde, u Rwanda rwerekanye ubushobozi bwarwo bwo kuba igicumbi cy'ubukerarugendo ku rwego rw’umugabane. Mu gihe ibindi bihugu bizwi cyane mu bukerarugendo nka Afurika y'Epfo na Kenya byabuze kuri uru rutonde, u Rwanda rwatunguye benshi rugaragaza intambwe ikomeye rukomeje gutera mu gukundwa no guhabwa agaciro nk'ahantu nyaburanga hakwiye gusurwa ku Isi.

    Ahandi hantu hagaragaye kuri uru rutonde harimo Abu Dhabi (UAE), Alberta (Canada), Azerbaijan, Bermuda, Colombia, Costa Rica, Croatia, El Salvador, Florida, Tennessee na North Carolina (USA), Ubudage, Mississippi (USA), New York State (USA), Qatar, Rio de Janeiro (Brazil), Riyadh (Saudi Arabia), Salzburg na Vienna (Austria), Singapore, imijyi mito yo muri Slovenia, Uluṟu-Kata Tjuṯa (Australia), Uzbekistan na Vilnius (Lithuania).

    U Rwanda, icyerekezo cy'ubukerarugendo bw'ejo hazaza

    Ubukerarugendo ni kimwe mu byatumbagije iterambere ry'ubukungu bw'u Rwanda, aho bwagize uruhare runini mu kwinjiza amadovize no guteza imbere urwego rw'amahoteli n'ibikorwa by'ubucuruzi bifitanye isano na bwo. Gushyira imbere ubukerarugendo burambye no gukomeza guteza imbere serivisi zinoze ni imwe mu nzira u Rwanda rukomeje gukoresha kugira ngo rukomeze kwesa imihigo ku rwego rw'Isi.

    Ku bakunda ingendo, ubukerarugendo, no gushakisha ahantu hihariye ho gusura, u Rwanda rutanga ubunararibonye budasanzwe mu bijyanye n’amateka, umuco n'iterambere. Ibyo byose bikaba ari byo byatumye ruza mu hantu hakwiye gusurwa ku Isi mu 2025.

    Kugeza ubu urwego rw'ubukerarugendo ni rumwe mu zifite runini ubukungu bw'u Rwanda, aho mu mwaka wa 2022 uru rwego rwinjije miliyoni 445$ ugereranyije na miliyoni 164$ zari zabonetse mu 2021. Ni izamuka rya 171,3%.

    Raporo y'Ikigo Mpuzamahanga cy'Ubukerarugendo, World Travel and Tourism Council (WTTC), yo mu 2023 yerekana ko umusaruro mbumbe w'ibiva mu bukerarugendo ku Isi uzazamuka ku kigero cya 5,1% buri mwaka hagati ya 2023 na 2033.

    U Rwanda ni cyo gihugu rukumbi cyashyizwe ku rutonde rw’ahantu 25  hakwiye gusurwa cyane ku Isi mu 2025 

    Source : https://inyarwanda.com/inkuru/152946/u-rwanda-ruhagarariye-afurika-ku-rutonde-rwahantu-hakwiye-gusurwa-ku-isi-mu-2025-152946.html

  • Uko agace ka nyuma ka Tour du Rwanda 2025 kari kugenda;

    12:43′ Abakinnyi 63 nibo bari mu isiganwa nyuma yuko abaritangiye ari 69. Ni nyuma yuko Umubiligi Duarte Marivoet w’imyaka 20 ukinira Ikipe ya UAE, wegukanye Agace ka Gatanu arivuyemo mukanya bitewe n’impanuka yakoze.

    Umunyarwanda Nzafashwanayo Jean Claude n’Umunya-Israel Itamar Einhorn bo bavuye mu isiganwa ku wa Gatanu.

    12:29’ Umubiligi Duarte Marivoet w’imyaka 20 ukinira Ikipe ya UAE, wegukanye Agace ka Gatanu ka Tour du Rwanda 2025 kavaga i Rusizi kerekeza i Huye ku ntera y’ibilometero 144 avuye mu isiganwa nyuma yuko yari mu mpanuka yari yatumye isiganwa riba rihagaze

    12:27′ Isiganwa ryongeye gukomeza mbere yuko  abakinnyi barangiza  ikilometero 1 kitabarwa 

    12:06′ Isiganwa ribaye rihagaze nyuma yuko umukinnyi wa Ethiopia, Amanuel Gidey, aguye mbere yo kugera ahabarirwa ibihe.  

    Iyo umukinnyi agize ikibazo mu gihe isiganwa Nyakuri ritaratangira abakinnyi bahita bahagarara akabanza akitabwaho ubundi rikabona gukomeza.

    12:00: Agace ka nyuma ka Tour du Rwanda karatangiye.Abakinnyi bagiye kugenda ikilometero 1 kitabarwa.

    AMAFOTO YA MBERE Y’UKO AGACE KA KARINDWI KA TOUR DU RWANDA 2025 GATANGIRA GUKINWA 

    Isiganwa ry'amagare rya Tour du Rwanda rimaze kuba ikimenyabose! 

    Iri siganwa ryitabirwa n’abakinnyi bavuye mu bihugu bitandukanye byo ku Isi, aho rimara icyumweru rizenguruka ibice byose by’u Rwanda.

    Kuri ubu riri gukinwa ku nshuro ya 17 kuva rigizwe mpuzamahaganga, ikaba ari inshuro ya 7 riri ku kigero cya 2,1.

    Ibyo kwitega mu gace k’uyu munsi;

    Abasesenguzi b’umukino w’igare bavuga Henok Mulubrhan (Eritrea) ari umukinnyi uza kuba ari inkazi kuri Fabien Doubey umurusha amasegonda atandatu (6″) ku rutonde rusange. 

    Ku ruhande rw’u Rwanda, abakinnyi b’Abanyarwanda no baraza gukora cyane batwara Masengesho Vainqueur kugira ngo ataza gutakaza ibihe ku rutonde rusange bityo akaba yava mu 10 ba mbere 

    Kugeza ubu Umufaransa Fabien Doubey ukinira TotalEnergies niwe wa Mbere ku rutonde rusange aho amaze gukoresha amasaha 19, iminota 35 n’amasegonda 12.

    Akurikirwa na Henok Mulubrhan umuri inyuma amasegonda 6 na Olivier Mattheus we urushwa amasegonda 11.

    Abanyarwanda baza hafi ku rutonde rusange ni Masengesho Vainqueur uri ku mwanya wa 7 aho arushwa amasegonda 51 n’uwa Mbere, Eric Manizabayo uri ku mwanya wa 12 akaba arushwa umunota 1 n’amasegonda 23 ndetse na Mugisha Moise uri ku mwanya wa 18 akaba arushwa iminota 8 n’amasegonda 41.

    Nahom Araya yegukanye agace ka Gatandatu ka Tour du Rwanda ya 2025

    Nahom Araya w’Ikipe y’Igihugu ya Eritrea yegukanye Agace ka Gatandatu ka Tour du Rwanda 2025 kavaga mu karere ka Nyanza kerekeza mu mujyi wa Kigali kuri Canal Olympia ku ntera y’ibilometero 131,5.

    Aka gace kakinwe ku munsi wejo kuwa Gatandatu tariki ya 1 Werurwe yakegukanye akoresheje amasaha 3, iminota 9 n’amasegonda 23.

    Duarte Marivoet yegukanye agace ka Gatanu ka Tour du Rwanda ya 2025

    Umubiligi Duarte Marivoet w’imyaka 20 ukinira Ikipe ya UAE, yegukanye Agace ka Gatanu ka Tour du Rwanda 2025 kavaga i Rusizi kerekeza i Huye ku ntera y’ibilometero 144.

    Uyu Mubiligi yakegukanye akoresheje amasaha 4, iminota 5 n’isegonda 1.

    Joris Delbove yegukanye agace ka Kane ka Tour du Rwanda ya 2025

    Umufaransa Joris Delbove ukinira Ikipe ya TotalEnergies niwe wegukanye Agace ka Kane ka Tour du Rwanda 2025 kavaga Rubavu kerekeza i Karongi ku ntera y’ibilometero 95,1.

    Brady Gilmore ni nawe wegukanye agace ka Gatatu ka Tour du Rwanda 2025

    Nyuma yuko Umunya-Australia Brady Gilmore ukinira Ikipe ya Israel Premier Tech, ariwe wari wegukanye agace ka Kabiri ka Tour du Rwanda 2025 yanegukanye agace ka Kane kavaga i Musanze kerekeza i Rubavu ku ntera y’ibilometero 121 amasaha 2, iminota 55 n’amasegonda 14.

    Brady Gilmore yegukanye agace ka Kabiri ka Tour du Rwanda ya 2025

    Umunya-Australia Brady Gilmore ukinira Ikipe ya Israel Premier Tech, yegukanye Agace ka Kabiri ka Tour du Rwanda ya 2025 kavaga mu mujyi wa Kigali kuri MIC kakaba kasorejwe i Musanze ku ntera y’ibilometero 121.Yanegukanye amasaha 3 n’amasegonda 39.

    Henok Mulubrhan yegukanye agace Ka mbere ka Tour du Rwanda ya 2025

    Umunya-Eritrea Henok Mulubrhan w’imyaka 25 ubitse Tour du Rwanda ya 2023 yegukanye Agace ka Mbere ka Tour du Rwanda ya 2025 kavaga i Rukomo mu karere ka Gicumbi kerekeza mu karere ka Kayonza ku ntera y’ibilometero 157,8.

    Aka gace Kari kare kare muri Tour du Rwanda y’uyu mwaka yakegukanye akoresheje amasaha 3, iminota 57 n’amasegonda 52.

    Aldo Taillieu yegukanye prologue ya Tour du Rwanda 2025

    Umubiligi Aldo Taillieu w’imyaka 20 ukinira Lotto Dstny Devo Team niwe wegukanye Prologue ya Tour du Rwanda 2025 yatangijwe na Perezida wa Repubilika y’u Rwanda,Paul Kagame tariki ya 23 Gashyantare 2025.

    Ni Prologue yahagurukiye kuru BK Arena gasoreza mu marembo ya Stade aho abakinnyi ku giti cyabo basiganwe n’ibihe ku ntera y’ibilometero 3,4.

    Uyu mukinnyi ukomoka mu Bubiligi niwe wakoresheje ibihe bito kurusha abandi aho yakoresheje iminota itatu n’amasegonda 48 ndetse agahita anambara umwenda w’umuhondo.

    Perezida Kagame na Perezida wa UCI nibo batangije Tour du Rwanda ya 2025

    Joseph Blackmore niwe ufite Tour du Rwanda iheruka ya 2024

    Umwongereza ukinira Israel Primier Tech,Joseph Blackmore yegukanye iri siganwa ry’amagare mu mwaka ushize nyuma yo kwegukana agace ka nyuma karyo ka KCC-KCC kakinwe ku ntera y’ibilometero 73.6 tariki ya 25 Gashyantare 2024.

    Yari yanegukanye agace ka Gatandatu ka Tour du Rwanda 2024 ka Musanze-Kigali (Mont Kigali) ku ntera y’ibilometero 93,3, kakinwe ku wa Gatanu tariki 23 Gashyantare 2024. Yakoresheje 2h12’44”.

    Joseph Blackmore yari yegukanye aka gace ka Gatandatu mu gihe yizihizaga isabukuru y'amavuko 21 y'amavuko, kuko yavutse tariki 23 Gashyantare 2003.

    Mu kiganiro n'itangazamakuru, Joseph Blackmore w'imyaka 22 y'amavuko yavuze ko yishimiye kwegukana agace ka Munani kamugejeje ku kwegukana Tour du Rwanda. Ati 'Ni ku nshuro ya mbere ndi kumwe ya Israel Primier Tech. Ndishimye cyane.''

    Imwe mu mibare n’amateka ya Tour du Rwanda kuva igizwe mpuzamahanga 

    Tour du Rwanda imaze kwegukanwa n’abakinnyi 14 mu nshuro 16 imaze gukinwa, abo akaba ari: Jelloul Adil (2009), Teklehaimanot Daniel (2010), Reijnen Kiel (2011), LillDarren (2012), Girdlestone Dylan (2013), Ndayisenga Valens (2014,2016), Nsengimana Jean Bosco (2015), Areruya Joseph (2017), Mugisha Samuel (2018), Kudus Merhawi (2019), Testatsion Natnael (2020, 2022), Rodriguez Cristian (2021), Mulubrhan Henok (2023 ) na Joseph Blackmore.

    Restrepo Jhanatan ukomoka muri Colombia ni we umaze kwegukanye uduce twinshi twa Tour du Rwanda tugera kuri 6, akaba akurikirwa na Ndayisenga Valens Eyob Metkel na Nsengimana Jean Bosco. 

    Testatsion Natnael na Ndayisenga Valens nibo bakinnyi bafite Tour du Rwanda nyinshi (2) abandi bakaba bafite imwe.

    Abakinnyi 3 bamaze kugera kuri Podium inshuro nyinshi mu duce twa Tour du Rwanda, ni Restrepo Jhonathan (8) wabaye uwa mbere inshuro 6 aba uwa kabiri inshuro 2, ndetse aba uwa gatatu inshuro 1. 

    Eyob Metkel (12), yegukanye uduce 5, aba uwa kabiri inshuro 4 aba uwa gatatu inshuro 3. Ndayisenga Valens (10), yegukanye uduce 5, aba uwa kabiri inshuro 4 aba uwa gatatu inshuro 1.

    Merhawi Kudus ukomoka muri Eritrea, niwe wegukanye agace ka Tour du Rwanda ari muto, akaba yari afite imyaka 18 n’iminsi 301, aha bikaba byari mu gace ka mbere ka Tour du Rwanda ya 2012, ubwo abakinnyi bavaga Kigali bajya Nyagatare. 

    Umunyarwanda uza hafi ni Ndayisenga Valens uza ku mwanya wa 5, kuko yabikoze mu 2013, afite imyaka 19, iminsi 322 mu gace ka kabiri ka Tour du Rwanda Rwamagana Musanze.

    SMET Guy niwe mukinnyi wegukanye agace ka Tour du Rwanda akuze, akaba yarabizikoze mu 2011, mu gace ka ka Gatanu Gitarama Butare, aho yari afite imyaka 39 n’iminsi 293. 

    Biziyaremye Joseph niwe mukinnyi w’umunyarwanda wegukanye agace ka Tour du Rwanda akuze aho yari afite imyaka 26 n’iminsi 325, mu 2014 mu gace ka gatanu kavaga Rubavu kajya i Nyanza.

    Mugisha Samuel niwe mukinnyi wegukanye Tour du Rwanda ari umwana (afite imyaka mike) akaba yarabikoze yegukana Tour du Rwanda ya 2018, ubwo yari afite imyaka 20 n’iminsi 250. Lill Darren niwe wegukanye Tour du Rwanda akuze aho yabikoze muri Tour du Rwanda ya 2012, afite imyaka 30 n’iminsi 97.

    AMWE MU MAFOTO YARANZE AGACE KA 6 KA TOUR DU 2025

    Source : https://inyarwanda.com/inkuru/152947/live-agace-ka-nyuma-ka-tour-du-rwanda-ya-2025-152947.html

  • Matthew Stafford Yasinye Amasezerano Mashya na Los Angeles Rams, Avugwaho na McVay, Giants na Garoppolo #rwanda #RwOT

    Matthew Stafford

    Los Angeles Rams yatangaje ko yasinyishije Matthew Stafford amasezerano mashya, bikaba bivuze ko nta bwumvikane bw'ubucuruzi (trade) bwashobokaga bumujyana mu yindi kipe. Ibi byahagaritse amakuru yavugaga ko ashobora kugenda, bituma Stafford aguma muri Rams muri sezoni ya 2025, ari nayo ye ya gatanu mu ikipe.

    Ibikubiye mu masezerano mashya ya Stafford

    Ikipe ya Las Vegas Raiders na New York Giants zari zagaragaje ubushake bukomeye bwo kugura uyu mukinnyi w'imyaka 37, ariko ibiganiro n'ikipe ya Rams byarangiye hagizwe amasezerano mashya. Amakuru ahari ubu ntiyerekana ibijyanye n'amafaranga Stafford azajya ahembwa cyangwa uburyo amasezerano azubahirizwa ku ngengo y'imari y'ikipe.

    Nk'uko byatangajwe na Ian Rapoport wa NFL Network, amasezerano ya Stafford azashyirwaho umukono mu byumweru biri imbere. Ubusabe bwo kugumana uyu mukinnyi bwatumye Rams itanga amasezerano mashya kuri left tackle Alaric Jackson. Gusa ibijyanye n'amafaranga Stafford azishyurwa n'imiterere y'aya masezerano bizatangazwa neza mu itangira ry'umwaka mushya wa shampiyona (New League Year) muri uku kwezi.

    Ubwumvikane hagati ya Stafford na Sean McVay

    Mbere y'uko Stafford asinyira Rams, yari agifitanye ibiganiro n'umutoza mukuru Sean McVay. Nk'uko byatangajwe na Albert Breer wa Sports Illustrated, Stafford yifuzaga kuguma muri Los Angeles kugira ngo akomeze gukorana na McVay. Ikipe ya Rams yari yageze muri Divisional Round ya Playoffs ya 2024, kandi igomba gutangira umwaka mushya w'imikino ifite intego yo kugera kure.

    Ifoto: Matthew Stafford ari kumwe na Sean McVay mu mukino wa Playoffs 2024

    Ikipe ya Raiders na Giants zari hafi gusinyisha Stafford

    Las Vegas Raiders niyo yabonwaga nk'ishobora kugura Stafford mu gihe ibiganiro byari bikomeje. Hari hagezweho ubwumvikane kuri amasezerano, ariko New York Giants nayo yari yagaragaje ubushake bukomeye bwo kumwegukana.

    Nk'uko Connor Hughes wa SNY abitangaza, Giants yari yiteguye gutanga amasezerano arenga miliyoni $50 ku mwaka. Paul Schwartz wa New York Post nawe yemeje ko Giants yari yemeye gutanga amasezerano y'imyaka ibiri afite agaciro hagati ya miliyoni $90 na $100. Ibi bivuze ko General Manager wa Giants, Joe Schoen, agomba gushakisha undi mukinnyi ukomeye kuri uyu mwanya.

    Ifoto: Matthew Stafford asuhuza abakinnyi ba New York Giants nyuma y'umukino

    Jimmy Garoppolo na Aaron Rodgers nabo bagaragaye mu biganiro

    Iyo Stafford agurishwa, hari amazina abiri yari yitezweho kuza kumusimbura muri Rams. Dianna Russini wa The Athletic yatangaje ko Aaron Rodgers wari ufite imyaka 41, yari mu bazwi ko bashoboraga kuzamurwa mu mwanya wa Quarterback. Jimmy Garoppolo nawe wari umaze umwaka umwe muri Rams nk'umusimbura wa Stafford, yari yitezweho kuba umusimbura we w'igihe kirekire.

    Garoppolo ubu ni umukinnyi wigenga, ariko Rams ishobora kumugumana nk'umusimbura wa mbere wa Stafford mu 2025. Niba bitabaye, Rams ishobora kwitabaza Stetson Bennett, umukinnyi utarakina umukino n'umwe wa NFL muri shampiyona isanzwe.

    Amasezerano mashya ya Matthew Stafford na Rams ni intambwe ikomeye mu guharanira ko iyi kipe ikomeza gutanga umusaruro mwiza mu mwaka wa 2025. Mu gihe Stafford agumye muri Rams, abafana b'iyi kipe bagiye kubona ubudasa mu mikinire ye, ndetse n'iyi kipe irakomeza kuba imwe mu zihatanira igikombe cya Super Bowl.

    Abafana ba NFL bazakomeza gukurikira ibibera muri shampiyona, bareba niba Stafford azashobora gutwara igikombe cye cya kabiri mu mwuga we nk'umukinnyi wa Los Angeles Rams.

    Source : https://kasukumedia.com/matthew-stafford-yasinye-amasezerano-mashya-na-los-angeles-rams-avugwaho-na-mcvay-giants-na-garoppolo/

  • Abakoresha umuhanda bashishikarijwe kugira uruhare mu gukumira impanuka n'ingaruka zazo – #rwanda #RwOT

    Ni mu gihe ubushakashatsi bw'Ishami ry'Umuryango w'Abibumbye ryita ku buzima (OMS) bugaragaza ko impanuka zo mu muhanda ziri mu bitwara ubuzima bw'abantu benshi ku Isi, kuko zihitana abasaga miliyoni 1.3 buri mwaka.

    Umuvugizi wa Polisi y'u Rwanda, ACP Boniface Rutikanga, avuga ko buri wese abigize inshingano; inyinshi muri izo mpanuka zakumirwa bitewe n'uko umubare munini wazo uterwa n'uburangare bw'abakoresha umuhanda cyane cyane abatwara ibinyabiziga.
    Amwe mu makosa akunze kugaragara ateza impanuka harimo; kugendera ku muvuduko ukabije, kunyuranaho nabi mu muhanda, gutwara banyoye ibisindisha, gucomokora utugabanyamuvuduko, gutwara bananiwe n'ibindi.

    ACP Rutikanga ati 'Gukumira no kurwanya impanuka bisaba uruhare rwa buri wese. Ntabwo ari iby'abantu bamwe gusa; niyo mpamvu duhereye nko ku modoka zitwara abagenzi mu buryo bwa rusange, hashingiwe ku makosa yavuzwe haruguru, abagenzi ntibakwiye kurebera umushoferi ukora amwe muri yo, mu gihe abatwaye. Yaba abatwara imodoka cyangwa za moto zabo, tubabwira buri munsi kwirinda ayo makosa ndetse n'abanyamaguru tukabibutsa ko impanuka itarobanura uwo itwara bityo ko bakwiye kugenda mu muhanda bubahiriza ibiwugenga.'

    yakomeje avuga ko impanuka zigizwemo uruhare n'abatwara ibinyabiziga by'umwihariko kubera amakosa bakoze zigatwara ubuzima bw'abantu, bazajya babihanirwa by'intangarugero.
    Ati 'Impanuka iyo zibaye zigira ingaruka nyinshi k'uyikoze, umuryango we n'igihugu muri rusange; uwo idahitanye imusigira ubumuga, abandi zikabapfakaza, abandi zikabasiga ari imfubyi, zikanasiga n'izindi ngaruka zirimo no gutakaza icyizere cy'ubuzima. Mu gihe rero hari uburyo bwo kuba wazikumira wirinda amakosa, niyo mpamvu uzigiramo uruhare abiryozwa nk'uko amategeko abiteganya.'

    Mu kiganiro twagiranye n'umwe mu bagizweho ingaruka n'impanuka, Rwampungu Meshack, aratanga ubuhamya bw'imibereho atarakora impanuka n'uko abayeho nyuma yaho agira n'inama abakoresha umuhanda.

    Uyu munyabigwi wakanyujijeho mu mukino w'intoki wa Basketball, yavutse nk'abandi, ariga, akura akina nk'abandi bana bose kugeza ubwo yaje kumenyekana cyane muri uyu mukino.

    Rwampungu avuga ko atarakora impanuka yari umukinnyi wa Basketball mu ikipe ya KCB n'ikipe y'igihugu. Ku itariki ya 1 Werurwe 2015, nibwo yakoze impanuka ahitwa mu Nkoto mu karere ka Kamonyi, ubwo Coaster yari arimo na bagenzi be yagonganaga na Fuso bagiye gukina mu Ntara y'Amajyepfo mu karere ka Huye.

    Ati 'Imodoka twarimo yashatse kunyura ku yari iri imbere yacu, ariko shoferi atahabona neza, nibwo twahise duhura na Fuso yaturukaga aho twajyaga turagongana. Nahise mugara igice cyo hepfo, guhera mu rukenyerero kumanura ku maguru, ntihongeye gukora biturutse kuri iyo mpanuka twakoze tujya gukina mu Karere ka Huye.

    Impanuka yatumye ntakabya inzozi nakuranye zo kuzaba umukinnyi w'izina riremereye, ukina muri Shampiyona zikomeye kandi utanga umusaruro mu ikipe y'igihugu cyanjye.'

    Avuga ko n'ubwo yamugaye ataheranywe n'agahinda ahubwo yafashe iya mbere mu gufatanya na Polisi mu bukangurambaga ku mutekano wo mu muhanda binyuze muri gahunda ya Gerayo Amahoro hagamijwe guhindura imyumvire y'abatwara ibinyabiziga bidahwema kudutwara ubuzima bw'abanyempano batandukanye n'izindi nzirakarengane.

    Yagize ati 'Nubwo mfite ubumuga ntabwo naheranwe n'agahinda ngo numve nitereye icyizere, nyuma y'ibyambayeho numvise hari umusanzu natanga wo gukangurira abakoresha umuhanda kwirinda impanuka, mbinyujije muri Association yitwa 'Sport for wheel' dukora ikipe ikina hifashishijwe igare. Twaje kuyigira gahunda ngarukamwaka dukora buri tariki ya 1 Werurwe, kuko ari nawo munsi nakoreyeho impanuka.'

    'Twibutsa abatwara ibinyabiziga ingaruka n'uburemere bw'impanuka, tubagaragariza ibyo bakwiye kwirinda usanga kenshi biteza impanuka nk'uko Polisi idahwema kubitwibutsa muri gahunda yayo nziza ya Gerayo Amahoro. Bidufasha no kwibutsa ababana n'ubumuga butandukanye ko badakwiye kwiheba cyangwa ngo bahezwe kuko nabo hari umusanzu batanga mu kubaka sosiyete.'

    Rwampungu yashishikarije abatwara ibinyabiziga n'abandi bose bakoresha umuhanda, kumva neza bagasobanukirwa kandi bagakurikiza ubutumwa Polisi ibaha bwo gukoresha umuhanda neza, binyuze muri gahunda ya Gerayo Amahoro kuko atari ubutumwa bukwiye guhita gusa ahubwo ari ubutumwa bukiza kandi bubarinda guhura n'ibimeze nk'ibyamubayeho byo kugira ubumuga, bakarinda ubuzima bwabo n'ubw'abandi basangiye umuhanda.

    Source : http://igihe.com/amakuru/u-rwanda/article/abakoresha-umuhanda-bashishikarijwe-kugira-uruhare-mu-gukumira-impanuka-n