Blog

Byagarutsweho n'Umunyamabanga Nshingwabikorwa wa Komisiyo y'Igihugu y'Abakozi ba Leta, Angelina Muganza, wavuze ko nyuma y'igenzura ryakozwe muri uyu mwaka mu gusuzuma imikorere ndetse n'ibibazo abakozi ba Leta bahura nabyo mu kazi, hagaragaye ibibazo bijyanye n'imicungire y'abakozi.

Yagize ati 'Twakoze ubugenzuzi mu turere muri uyu mwaka turimo aho usanga mu turere twinshi twanyuzemo, abakozi batuzuye, hari aho dusanga badafite amadosiye y'akazi, hari aho dusanga n'abayafite atuzuye, kandi bifite icyo bivuze. Hari aho dusanga nk'abigiye hanze y'igihugu bari mu myanya y'akazi ariko badafite equivalence (impapuro zihuza ibyo bigiye hanze n'impamyabumenyi zo mu Rwanda), hari n'abo dusanga bake badafite amadipolome mu madosiye yabo.'

Yagaragaje ko nyuma yo gukora ubugenzuzi bumenyeshwa ibigo byagenzuwe mu rwego rwo gushaka igisubizo kuri ibyo bibazo bityo ko ibirebana n'uturere byanamenyeshejwe Minisiteri y'Ubutegetsi bw'Igihugu.

Ati 'Ni byinshi mbese tuba tureba tukabyereka uturere ariko tunabyereka Minisiteri y'Ubutegetsi bw'igihugu ibashinzwe kugira ngo ibyo bisabwa umukozi wa Leta mu idosiye ye bigaragazwe.'

Yakomeje ashimangira ko ibyo bibazo bishingiye ku micungire mibi y'abakozi bishobora guteza ibibazo ahanini bishingiye ku kutanoza inshingano neza uko bikwiye.

Ati 'Urwego rufite imyanya y'imirimo ikwiye kuba igenewe umukozi kugira ngo uwo murimo ukorwe koko noneho ugasanga hari abakozi 80%, 20% badahari ni ukuvuga ngo hari umurimo udakorwa cyangwa udakorwa neza. Ibyo byose iyo tubibonye tubyereka ba nyir'ubwite kandi tukabasaba kubikemura mu gihe runaka.'

Komisiyo y'abakozi ba leta igaragaza ko mu bikibangamiye umurimo harimo n'ibizamini bikorwa by'umwihariko ikizamini gikorwa mu buryo bw'ibiganiro 'interview' aho hari bamwe mu bakunze kujurira bavuga ko barenganyijwe.

Hagaragajwe ibikibangamira umurimo mu turere

Ikigo cy'u Rwanda gishinzwe Iteganyagihe, Meteo Rwanda, cyagaragaje ko imvura izagwa idakanganye cyane ariko mu Ntara y'Iburengerazuba ikazahazahaza cyane.

Bigaragazwa ko mu itumba rya 2025, uturere tuzagwamo imvura nyinshi ari Rusizi, Nyamasheke, Rubavu, igice kinini cy'uturere twa Nyamagabe, Nyaruguru, Karongi, Rutsiro, n'Uburengerazuba bw'Akarere ka Nyabihu aho iri mu kigero cya milimetero 450 na 550.

Umuyobozi Mukuru ushinzwe Politike n'Igenamigambi byo gukumira Ibiza, Adalbert Rukebanuka, ubwo yari mu kiganiro 'Kubaza bitera kumenya' ku wa 23 Werurwe 2025, yavuze ko isesengura ryakozwe ryagaragaje ahantu 426 hashobora gushyira mu kaga ubuzima bw'abaturage.

Ati 'Dufite ahantu 426 mu gihugu twabonye ko hashobora gutera akaga abaturage ni na yo mpamvu hari imiryango igomba kuva aho hantu igera ku 1622. Ubu barimo kubimura kugira ngo iyi mvura nyinshi itazabahasanga.'

Rukebanuka yahamije ko abo bagomba kwimurwa ariko hakanakomeza gutegurwa ahantu hashobora kwimurirwa abandi mu gihe byaba bibaye ngombwa.

Ati 'Abo rero bagomba guhungishirizwa ubuzima bwabo, nyuma yo kuhabimura tunateganya ahantu dushobora guhuriza abandi bibaye ngombwa ko himuka n'abandi benshi tukahategura, tukanegerezayo ibikoresho bya ngombwa bishobora gutunga abantu.'

Magingo aya muri buri gace aho bikekwa ko ibiza bishobora kwibasira abantu hashyizwe site n'ibikoresho byakwifashishwa mu butabazi.
Ku mugoroba wo ku wa 18 Werurwe 2025, mu Karere kose ka Gatsibo haguye imvura nyinshi isenya inzu 126, inangiza hegitari 60 z'urutoni, abagizweho ingaruka n'ibyo biza bakaba bari gusanirwa inzu abandi bakubakirwa.

Imiryango irenga 1620 iri kwimurwa ihungishwa imvura y’itumba ngo itabagiraho ingaruka

Iyi raporo ya ‘The Great Powers Index 2024’ igaragaza uko imbaraga z'ibihugu zikomeje kwiyongera cyangwa kugabanyuka hashingiwe ku bukungu, igisirikare, ikoranabuhanga, n'imiyoborere. Mu gihe Isi igenda ihinduka, ibihugu bifatwa nk’ibikomeye bikomeje guhangana kugira ngo bigume ku isonga mu rwego mpuzamahanga.

Dore ibihugu 10 bikomeye kurusha ibindi ku Isi:

1. Leta Zunze Ubumwe za Amerika

Leta Zunze Ubumwe za Amerika ni cyo gihugu gikomeje kuza ku isonga nk'igihugu gifite imbaraga nyinshi kurusha ibindi ku Isi. Ifite ubukungu bukomeye bushingiye ku isoko ry'imari rihamye, igisirikare gikomeye cyane, ndetse n'idolari rifatwa nk'ifaranga ry'Isi. Nubwo ibi biyihesha imbaraga, hariyo ibibazo bikomeye birimo imvururu za politiki imbere mu gihugu ndetse n'ibibazo by'ubukungu bishobora kugira ingaruka ku hazaza hacyo.

2. U Bushinwa

U Bushinwa bukomeje kuzamuka mu rwego rw'ubukungu no mu bya gisirikare, ndetse bufite iterambere ryihuta mu ikoranabuhanga n'ubwubatsi. Iki gihugu gifite ubushobozi bwo guhanga udushya ndetse n'imiturire igizwe n’inyubako zigezweho. Gusa, ibibazo by'amadeni menshi bishobora kugira ingaruka ku bukungu bwacyo mu gihe kirekire.

3. Eurozone

Igice cy'ibihugu by'u Burayi kizwi nka Eurozone gifite imbaraga zikomeye kubera isoko ry'imari rikomeye ndetse n'uruhare runini gifite mu bucuruzi mpuzamahanga. Gusa kiri mu nzira yo gusubira inyuma kuko kigihanganye n'ibibazo bishingiye ku bukungu birimo no kubura ibikomoka ku mabuye y'agaciro bifasha iterambere ry'ubukungu.

4. U Budage

U Budage ni igihugu gifite ubukungu buteye imbere kandi gikoresha neza abakozi n'imari. Bufite ubuvuzi buhamye ndetse n'imibereho myiza y'abaturage. Gusa bufite imbogamizi zirimo umubare w'abaturage ugenda ugabanuka ndetse no kubura ibikomoka kuri peteroli na gaze bishobora kugira ingaruka ku bukungu bw’igihugu.

5. U Buyapani

U Buyapani bufite iterambere rihanitse mu by'ikoranabuhanga ndetse n'ifaranga ryabwo rifite agaciro ku rwego mpuzamahanga. Bufite ubukungu bwizewe kandi burangwa n'umutekano. Ariko kimwe n’u Budage, u Buyapani nabwo bufite ikibazo gikomeye cy'abaturage bagenda bagabanuka.

6. Koreya y'Epfo

Koreya y'Epfo ni igihugu kiri ku isonga mu bijyanye n'ikoranabuhanga n'ubuvumbuzi. Iki gihugu gifite uburezi buhamye n'abakozi bafite ubumenyi buhanitse. Gusa nk'ibindi bihugu byinshi byateye imbere, Koreya y’Epfo ihanganye n'ikibazo cy'igabanyuka ry'abaturage, aho umubare w'abakozi ugenda ugabanuka.

7. U Buhinde

U Buhinde ni kimwe mu bihugu bifite ubukungu buri kuzamuka vuba cyane. Bufite abakozi benshi bafite ubushobozi bwo gukora ku giciro gito ndetse n'ubushobozi bwo kwihaza mu bikoresho byinshi by'ibanze. Gusa nubwo bimeze bityo, iki gihugu kiracyahanganye na ruswa nyinshi ndetse n'ikibazo cy'icyuho kinini mu bukungu, aho hari ubusumbane bukabije hagati y'abakire n'abakene.

8. U Bwongereza

U Bwongereza bufite amategeko akomeye afasha mu micungire y'ubukungu ndetse agafasha n'abaturage kugira ubuzima bwiza. Gusa bufite imbogamizi z'ubukungu zituma iterambere ritihuta, harimo ikibazo cy'ibikorwaremezo bidafite ubushobozi buhagije bitewe n'uburyo n'ishoramari ryaho ridahagije.

9. U Bufaransa

U Bufaransa ni igihugu gifite imibereho myiza y'abaturage, ubuvuzi bwiza ndetse n'ubusumbane bucye mu bukungu. Gusa bufite ikibazo cy'amadeni menshi n'umusaruro w'abakozi utagenda neza uko bikwiye. Ibi bishobora kugira ingaruka ku hazaza habwo mu bukungu.

10. U Burusiya

U Burusiya bufite ubukungu bushingiye ku mabuye y'agaciro menshi ndetse bufite n’igisirikare gikomeye. Ariko haracyari ibibazo bikomeye birimo ruswa, kutagira ibikorwaremezo bikwiye ndetse n'ingaruka z'ibihano mpuzamahanga byatewe n'ibikorwa by’iki gihugu bya politiki.

 

Ni umwiherero wabaye kuri uyu wa Gatandatu tariki ya 22 Werurwe 2025 ubera i Kayonza kuri Safari Akagera Camp.

Nyuma y’uyu mwiherero wabaye bigizwemo uruhare na SKOL isanzwe ari umufatanyabikorwa mukuru wa Rayon Sports, Perezida w’iyi kipe, Twagirayezu Thaddée yaganiriye na InyaRwanda, avuga uburyo iki gikorwa cyateguwe ndetse anavuga icyo cyari kigamije.

Yagize ati “Ni igikorwa, birumvikana ko cyateguwe n'aba-Rayon ariko ahanini na komite Nyobozi ya Rayon Sports ifatanyije na komite y'Urwego rukuru. Twari dusanzwe dufite itsinda ryitwa ‘special supporting team’,iyo supporti team niyo wumvako ifasha Rayon Sports.

Tumaze iminsi rero dufasha ikipe yacu, uyu munsi rero byari ugushimira uburyo bwari busanzwe bwo gukomeza gufatanya ariko no gushimira abo tumaze iminsi dafatanya muri uru rugendo ariko tunakomeza gufatanya”.  

Yavuze ko uyu wari umwanya mwiza wo gushimira iyo Special supporting team ndetse anavuga ko igizwe n’abantu bari hagati ya 70 na 80.

Ati” Iki kiruhuko rero cyatumye tubona umwanya wo guhamagara abo bantu kugira ngo tubashimire nk'abantu batanga amafaranga menshi mu gutegura kugira ngo ikipe izakine,mu gushaka aho abakinnyi bazaba, rero gutegura ni byinshi.

‘Special Supporting team’ ni abakunzi ba Rayon Sports,ni ababaye mu buyobozi ni abayobozi ubu nanjye ndimo, ubu tumaze kugera mu bantu hagati ya 70 na 80, bamwe ntibabashije kuza kubera ibintu bitandukanye ariko turi kumwe ku mutima ndetse wabibonye ko hano twari tugeze ku bantu barenga 60 kandi umubare turacyawuzamura”.

Yavuze ko nyuma yo gushimira ariko bongeye no gufata izindi ngamba kugira ngo ikipe izegukane igikombe.

Ati” Nyuma yo gushimira ‘special supporting team’ twongeye dufata n'izindi ngamba duhitamo ubundi buryo bwiza bwo gufasha ikipe kuko urabona ko turi inyuma y'igikombe ariko n'abaturi inyuma ntabwo boroshye na gato turamutse turangayeho gato cyane baba bagiye. 

Ntabwo dushaka gutakaza,turashaka gukomeza dukoresha imbaraga zacu kugera ku gikombe. Rero twafashe izindi ngamba zacu gukomeza kugera ku gikombe ndetse twongera noneho n'ubushobozi” .

Twagirayezu Thaddée yavuze ko ibyo bemeranyijeho harimo kongera agahimbazamusyi.

Ati” Ibyo twemeranyijeho harimo kongera agahimbazamushyi,kongera gutegura imyitozo ,ibyo byose twongeye ubushobozi kugira ngo twongere n'uburyo bwo gutegura kugira ngo tuzagere ku gikombe. Ubu twemeje ko nyuma y'umunsi umwe ikipe yamaze gukina izajya ihabwa agahimbaza mushyi kabo”.

Mu bindi byemerejwe muri uyu mwiherero,harimo ko buri mukino mu mikino yose isigaye yahawe itsinda rizajya riwutegura ,rikaba ariryo ryita ku ikipe ndetse n’ibindi.

Kugeza ubu Rayon Sports iri ku mwanya wa mbere ku rutonde rwa shampiyona aho irusha APR FC iyikurikiye amanota 4.

Perezida wa Rayon Sports asobanura ibyo bakeneye kugira ngo begukane igikombe cya shampiyona 

Aba-Rayon harahariye kwegukana igikombe 

Buri tsinda ryahawe gutegura umukino umwe

“>

Ni umuyoboro ugeza amazi meza ku baturage bo mu tugari dutatu, no ku bigo by'amashuri bibiri mu gice cy'imisozi miremire bitagira amazi meza.

Mfitumukiza Eric wo mu Kagari ka Muhororo Umurenge wa Kilimbi avuga ko batarabona aya mazi bakoreshaga amazi y'imvura itaba yaguye bakavoma amasoko yo mu bishanga cyangwa amazi y'Ikiyaga cya Kivu.

Ati 'Byatugiragaho ingaruka zirimo n'indwara ziterwa n'umwanda. Uyu munsi abana banywa amazi meza, abaturage dukoresha amazi meza turishimye nta kibazo'.

Uyu muyoboro w'ibilometero umunani wubatswe n'Akarere ka Nyamasheke ku bufatanye na Croix Rouge Rwanda ndetse na Croix Rouge yo muri Autriche.

Umuyobozi wa Croix Rouge Rwanda, Karasira Wilson, yavuze ko impamvu bahisemo kubaka uyu muyoboro mu Murenge wa Kilimbi ari uko ari agace k'imisozi bityo amazi akaba atashoboraga guterera iyo misozi ngo agere ku baturage bayituyeho.

Ati 'Niyo mpamvu twatekereje kuzanira amazi abaturage batuye muri aka gace kugira ngo na bo babashe kubona amazi meza. Dufite gahunda yo kwagura uyu mushinga ukagera no mu yindi mirenge ya Nyamasheke na Karongi'.

Umuyobozi wa gahunda z'iterambere ry'uturere mu Ntara y'Iburengerazuba, Nyamaswa Rukundo Emmanuel, yasabye abahawe amazi kuyabungabunga no kurinda ibikorwaremezo byayo.

Ati 'Umuturage uri aho amazi aca, yaturutse agomba kugira uruhare mu kuyarinda, bakarinda amatiyo, ibigega n'amavomo kugira ngo hatagira abayangiza.'

Mu karere ka Nyamasheke kwegereza abaturage amazi meza bigeze ku kigero cya 83,1%.

Intego y'icyiciro cya mbere cya gahunda ya Leta y'u Rwanda yo kwihutisha iterambere mu myaka irindwi NST1 yari uko amazi meza agomba kuba yageze ku Banyarwanda bose 100% bitarenze umwaka wa 2024.

Icyakora Covid-19 yakomye mu nkokora iyi gahunda bituma itagerwaho mu gihe cyari cyateganyijwe.

Mu Karere ka Nyamasheke abarenga 6000 bahawe amazi meza hifashishijwe umuyoboro watwaye miliyoni 78Frw

Utugari dutatu two mu Murenge wa Kilimbi n’ibigo bibiri by’amashuri byegerejwe amazi meza

Ibi babigarutseho ku wa 20 Werurwe 2025 ubwo hatangizwaga igihembwe cy'ihinga cya 2025 B e mu Murenge wa Rukomo ahatewe imbuto nshya y'ibishyimbo yitwa RWR 3194.

Shyaka Laurent ati 'Twagize igihembwe gisa n'aho kiri gutinda kubera ikirere kidasanzwe cyagaragayemo izuba ryinshi. Igihe cyo gutera cyigiye imbere kuko ni bwo imvura ikigwa. Dufite icyizere gike ko imyaka yacu izera ariko na none dufite icyizere cy'uko twakoresha uburyo bwo kuhira.''

Nyirandikubwimana Espérance we yagize ati 'Twakererewe guhinga kuko byatewe n'uko twabuze imvura, ubu turi gutera ariko ntabwo twizeye ko tuzeza. Ubuyobozi nibudufashe kubona imashini nyinshi kugira ngo zizadufashe mu kuhirira imyaka.''

Umuyobozi w'Akarere ka Nyagatare wungirije ushinzwe Iterambere ry'Ubukungu, Matsiko Gonzague, yavuze ko koko babibona ko imvura yatinze kugwa, yizeza abahinzi ko ibikoresho byo kuhira bihari kandi biteguye kubibaha bakabikoresha mu kwirinda ibihombo bashobora kuzagira.

Ati 'Iyo urebye igihe turimo ubona ko ibikorwa byo kuhira bikeneye gushyirwamo imbaraga kuko umuntu wabonye uburyo yuhira ashobora kweza. Hari ibikoresho dufite sinavuga ko bihagije ariko bishobora kutugoboka, bivuze ngo rero uwagira imbogamizi yavugana n'ubuyobozi tukagira uko tubimuha akabikoresha.''

Muri iki gihembwe cy'ihinga cya 2025 B biteganyijwe ko hazahingwa ibihingwa ku buso buhujwe buri kuri hegitari zirenga ibihumbi 40 harimo ibigori bizahingwa kuri hegitari ibihumbi 15, ibishyimbo bizahingwa kuri hegitari 22 400, umuceri 2160 na soya hegitari 240.

Ab’i Nyagatare bafite impungenge ku musaruro w’ubuhinzi bazabona nyuma y’uko imvura itinze kugwa

Ibi yabigarutseho ku wa Gatanu, tariki 21 Werurwe 2025 ubwo hatangizwaga ku mugaragaro iyi porogaramu ari kumwe n'Umuyobozi w'Inama y'Ubutegetsi ya Banki ya Kigali, Ubalijoro Eugene, aho ndetse banasuye bamwe mu bakiriya bo mu turere twa Rubavu na Nyabihu.

Yagize ati 'Turifuza ko abaturage bagera ku nzozi zabo n'inguzanyo ya BK. Ni na yo mpamvu muzi yatumye iyi gahunda tuyita Bigereho, aho abakiriya bacu twabamurikiye imwe mu nguzanyo zacu ya BK Quick +.”

Yakomeje agira ati 'Ushobora kubona agera kuri miliyoni 50 Frw ukoresheje BK App cyangwa Internet Banking, umuntu bitamusabye kuva aho ari, kandi akayibona mu masaha 15 gusa.'

Yamaze impugenge abakiriya avuga ko iyi gahunda yihuta, yoroshye kandi itekanye bityo izarushaho kuborohereza mu kwiteza imbere.

Bamwe mu bakiriya b'i Rubavu, bagaragaje ko bishimiye iyi gahunda ndetse no gusurwa n'ubuyobozi bukuru.

Twagirayezu Pierre Celestin yavuze ko iyi gahunda izakemura ibibazo byo kubura amafaranga mu bihe by'ibiruhuko.

Ati “Iyi gahunda ya Bigereho izadufasha kwihutisha ubucuruzi bwacu, kuko icyo usabye uzajya ugihabwa vuba bityo tukihuta mu iterambere.”

Yakomeje agira ati “Umuntu yakeneraga amafaranga nko mu minsi y'ibiruhuko banki zafunze bikamugora ariko izajya itworohereza mu kwishyura abatuzaniye ibicuruzwa.'

Mukamitari Adrienne ukora ibijyanye n'ubukerarugendo mu karere ka Rubavu, yashimye uburyo inguzanyo izajya iboneka byihuse.

Ati 'Gahunda ya Bigereho nk'abacuruzi izaborohereza, kuko umuntu yakeneraga inguzanyo bikamusaba kujya gutonda umurongo muri banki, ariko ubu azajya ayisaba atavuye mu rugo.'

Ubuyobozi bwa Banki ya Kigali buvuga ko iyi gahunda ikomatanyije ya Bigereho n'Inguzanyo ya BK, izorohereza abakiriya bayo kwagura ibyo bakora kuko izaborohereza kubona inguzanyo z'ubuhinzi binyuze muri kungahara na BK, inguzanyo z'amafaranga y'ishuri binyuze muri tuza na Bk, inguzanyo y'inzu n'iy'ubucuruzi binyuze muri BK quik +.

Mukamitari Adrienne yashimiwe n’ubuyobozi bwa Banki ya Kigali

Twagirayezu Pierre Celestin avuga ko yanejejwe no gusurwa n’ubuyobozi bukuru bwa Banki ya Kigali akabusobanurira ibyari bimubereye nk’inzitizi mu bucuruzi ndetse agahita asubizwa

Twagirayezu Pierre Celestin, wasuwe n’abayobozi bakuru ba Banki ya Kigali avuga ko gahunda ya Bigereho izaborohereza ubucuruzi

Umuyobozi Mukuru wa Banki ya Kigali, Dr. Diane Karusisi, ari kumwe n'Umuyobozi w'Inama y'Ubutegetsi, Ubalijoro Eugene, basuye umukiriya w’iyi banki witwa Twagirayezu Pierre Celestin

Mukamitari Adrienne, umucuruzi ukora ibijyanye n'amahoteli n'ubukerarugendo mu karere ka Rubavu avuga ko yanyuzwe n’imitangire ya serivisi yo muri BK

Abayobozi bakuru ba Banki ya Kigali basuye byinshi mu bikorwa by’abakiliya babo bo mu karere ka Rubavu, baganira ku bibangamye n’uko byakemuka

Abakozi ba Banki ya Kigali nabo ntibatanzwe mu kwifotoreza ku mahumbezi y’ikiyaga cya Kivu

Abakiriya ba Banki ya Kigali bo mu turere twa Rubavu na Nyabihu baganirijwe kuri gahunda ya Bigereho n’inguzanyo ya BK

Umuyobozi Mukuru wa Banki ya Kigali (BK), Dr. Diane Karusisi afata ifoto y’urwibutso

Uyu muryango ukorera mu kigo cy'urubyiruko cya Kimisagara, ugizwe n'abana 220 bahoze ari inzererezi mu bice bitandukanye byo mu Mujyi wa Kigali.

Mu gikorwa ngarukamwaka gitegurwa n'abahoze biga muri FAWE ndetse n'abo yarihiye mu yandi mashuri (Alumni), kuri iyi nshuro cyabereye mu kigo cy'urubyiruko cya Kimisagara ku wa Gatandatu, tariki ya 22 Werurwe 2025.

Muri iki gikorwa, abanyuze muri FAWE batanze ibiganiro bitandukanye ku ngingo zibubaka mu buzima bwa bo bwa buri munsi, kugira ngo bazavemo abasore n'abakobwa b'ingirakamaro kuri bo no mu muryango nyarwanda.

Ibi biganiro bitangirwa mu matsinda mato aba yakozwe, byagarutse ku ngingo zitandukanye nk'ubudaheranwa (resilience), kugira intego (Goal setting), isuku n'ubuzima bwiza (Health and Hygiene) n'ibindi.

Umuyobozi wa Indaro Center, Cyubahiro Eric, yavuze ko yahisemo gushinga uyu muryango mu rwego rwo gushaka ibisubizo ku bituma abana bajya mu mihanda kuko nawe ubwo buzima yabunyuzemo, anashimira FAWE imaze imyaka ibashyigikira.

Ati 'Dushimira FAWE cyane kuko yaherukaga kudusura dufite abana 120 none ubu dufite 220. Muri bo ducumbikira 45 tugaburira buri munsi bityo ibikoresho baduhaye bigiye kudusunika amezi.'

Yakomeje avuga ko inyigisho aba bana bahabwa zibafasha mu rugendo rwo guhindura ubuzima barimo cyane ko benshi muri bo baba baravuye mu muhanda.

Umuyobozi ushinzwe Porogaramu muri FAWE, Josephine Kobusingye, yavuze ko bishimira ko abanyuze muri iri shuri bibuka aho bavuye bityo bakitura Umuryango Nyarwanda.

Ati 'Twishimira aho abana bageze kuko ibyo twabigishije nabo kuri ubu bariyegeranya bagashaka icyo bakorera Abanyarwanda. Bimwe ni uko baha ibiganiro barumuna babo, ndetse bagashaka n'ubushobozi.'

Yongeyeho ko ibi bihura n'insanganyamatsiko y'uyu mwaka ivuga ko “urubyiruko rufite intego yo kuba umusemburo w'impinduka nziza mu muryango mugari.”

Bamwe mu bana bo mu Indaro Center batanze ubuhamya bw'uburyo ubuzima bwahindutse.

Ishimwe Yannick wari warabaswe n'ibiyobyabwenge ashima uyu muryango wamufashije guhindura ubuzima.

Ati 'Kera nari imbobo ndara Nyabugogo, amafaranga make nabonye nkayagura itabi. Cyubahiro yaje guhura na mama baramfasha none ubu ibiyobyabwenge narabiretse nsubira no mu ishuri ubu ngeze mu wa gatanu w'amashuri y'ibanze.'

Umutoniwase Angelique wahoze ari umuzunguzayi mu Mujyi wa Kigali yavuze ko yabugiyemo kubera amakimbirane y'iwabo, aho se yari umusinzi bikabije.

Ati 'Nagiye mu muhanda kubera amakimbirane yo mu rugo. Papa yari umusinzi unywera n'ayo yakoreye bityo mbonye inzara igiye kuzatwica na barumuna banjye, njya mu muhanda gushakisha.'

Yakomeje agira ati 'Nyuma naje guhura na Cyubahiro ambwira ko hari abana benshi afasha ko nabisungaho. Yambwiye ko abo bana babyina kandi narabikundaga, mpageze ndabikunda ndahaguma. Ubu nasubiye mu ishuri ngeze mu wa kabiri w'ayisumbuye no mu rugo amakimbirane yarashize.'

Biteganyijwe ko igikorwa nk'iki kizongera kuba ubwo abanyeshuri bazaba bari mu biruhuko kugira ngo ibiganiro bizagere kuri benshi ndetse banakurikiranwe byisumbuye.

Cyubahiro Eric washinze Indaro Center ashimira cyane FAWE imufasha mu kwita ku bana akura mu muhanda akabasubiza mu buzima bwiza

Abanyuze muri FAWE (Alumni) batanze ibikoresho ku Indaro Center ifite abana 220

Abanyuze muri FAWE Rwanda n’andi mashuri ariko barihirwa nayo bituye ineza bagiriwe bafasha abana bo mu Indaro Center

Mu Indaro Center biga no kubyina kinyarwanda

Ibiganiro bitangwa mu matsinda mato kugira ngo birusheho gusobanuka

Abana bo mu Indaro Center baserutse mu mbyino zitandukanye

Umuyobozi ushinzwe Porogaramu muri FAWE, Josephine Kobusingye, yagaragaje ko urubyiruko rufite intego yo kuba umusemburo w'impinduka nziza mu muryango mugari

Ishimwe Yannick yashimiye Indaro Center yamukuye mu muhanda ubu akaba yarakomeje amasomo ndetse ubu afite n’icyizere cy’ubuzima

Umutoniwase Angelique wahoze ari umuzunguzayi mu mujyi yagaruye icyizere cy’ubuzima kubera Indaro Center

Hafashwe ifoto y’urwibutso

Ibi, ni bimwe mu byagarutsweho mu mahugurwa yabaye ku wa 21 Werurwe 2025, yateguwe na RNMU aho yigishiga abayobozi b'abaforomo n'ababyaza baturutse mu bitaro n'ibigo by'ubuvuzi byigenga ibijyanye n'amategeko y'umurimo abarengera mu kazi bakora.

Umuyobozi w'Abaforomo muri La Croix du sud (Kwa Nyirinkwaya),Ugiramuhoza Martine, yatangaje ko bongeye kwibutswa akamaro k'inshingano zabo kandi biteguye gukorera ubuvugizi abo bahagarariye.

Ati 'Twabonye ko dukwiye gukorera ubuvugizi abo duhagarariye. Batweretse kandi ko hariho n'uburyo bw'ibiganiro bishobora guhuza umukozi n'umukoresha kugira ngo bagirane amasezerano akwiye.'

Umuyobozi Mukuru wa RNMU, Gitembagara André yavuze ko aya mahugurwa yateguwe nyuma y'aho abaforomo bo mu bigo byigenga bagaragaje ko bafite ikibazo cyo gukora nta masezerano bafite.

Ati 'Byagiye bigaragara ko abaforomo n'ababyaza bo mu bitaro no mu bigo by'ubuvuzi, bafite ibibazo byo gukora nta masezerano y'akazi bafite, n'abayafite ugasanga ari ay'ukwezi kumwe cyangwa atandatu mbega ntabwo baba bafite akazi mu buryo bugaragara.'

Yakomeje avuga n'abafite ayo masezerano, usanga akenshi ibyo bigo byigenga bitabaha ubwishingizi bwo kwivuza cyangwa bakabakoresha igihe kinini umukoresha yumva yishakiye.

Ati 'Ikindi ni uko usanga bakora nta bwishingizi bwo kwivuza, usanga hari nk'abantu umukoresha akoresha igihe yumva yishakiye, mbega nta kintu kijyanye n'amategeko agenga umurimo bakurikiza.'

Umujyanama mu by'amategeko agenga umurimo, Hobees Nkundimana, yasabye abayobozi bahawe aya mahugurwa kuzakorera ubuvugizi abo bakozi badafite amasezerano.

Ati 'Turizera neza ko nyuma y'amahugurwa muzaba abavugizi b'ibigo byigenga bigikoresha abakozi bafite amasezerano atanditse. Ntabwo ari abaforomo n'ababyaza gusa ahubwo n'abandi bakora kwa muganga bagomba kuba bafite amasezerano yanditse.'

Yakomeje agira ati 'Amasezerano y'umurimo agomba kuba yanditse ndetse n'itegeko ry'umurimo ryerekana ko atanditse atagomba kurenza iminsi 90.'

Habayeho n'amatora y'abazahagararira RNMU mu bigo by'ubuvuzi byigenga aho abatowe bazamara igihe cy'imyaka irindwi, inshingano zabo zirimo guhuza ibikorwa by'abahagarariye RNMU mu bigo bakoreramo, gukora ubuvugizi ku mibereho myiza n'imikoranire ku banyamuryango.

Umuforomo Rurangirwa Jean Damascene niwe watorewe kuyobora iyi komite izahagararira RNMU mu bigo byigenga.

Umuyobozi Mukuru wa RNMU, Gitembagara André yagaragaje ko iyo ukoresheje umukozi utamufashe neza adatanga umusaruro

Komite yatowe yahize gukorera ubuvugizi Abaforomo n’Ababyaza bakora mu bitaro byigenga badafite amasezerano

Umujyanama mu by'amategeko agenga umurimo, Hobees Nkundimana, yasabye abayobozi bahawe aya mahugurwa kuzakorera ubuvugizi abo bakozi badafite amasezerano

Aya mahugurwa yitabiriwe n’Abayobozi b’Abaforomo n’Ababyaza baturutse mu bigo by’ubuvuzi byigenga bitandukanye