Webrwanda Backend

Blog

  • 15 suspected fraudsters arrested in Rusizi #rwanda #RwOT

    They were arrested in separate Police operations conducted in the cells of Murambi and Kanoga in Nyakarenzo Sector.

    There has been growing complaints from the local residents over rings of fraudsters, according to Chief Inspector of Police (CIP) Bonaventure Twizere Karekezi, the Police spokesperson of the Western region.

    “This is a big group, some of their members were arrested in the previous operations and currently either serving their sentences or still in the prosecution process,” CIP Karekezi said.

    'Most of the information is got from the public. They say some people call them claiming to have mistakenly sent them money on their mobile accounts and tell them to urgently wire the money back. Others impersonate telecommunication companies’ workers and demand that their targeted victims change their Mobile Money PIN to the new PIN they tell them,' CP Karekezi explained.

    Apparently, the fraudsters formulate Mobile money messages, which they send to the targeted individuals. If you are not vigilant enough, you might indeed think that someone has sent money on your mobile account.

    Equally, when these fraudsters get to know your SIM-Card PIN, it becomes easy for them to access you mobile account.

    “This new group of 15 people, were arrested based on information provided by their colleagues arrested in the previous operations as well as residents, but there are others that were are still tracking,” CIP Karekezi said.

    Previously, the conmen would defraud people with a shiny object saying it’s gold.
    “They would call or send messages to people that they found a gold stone weighing 2,000kgs and ask for help to translate the words on it, which they claimed are written in a foreign language.

    They would say the gold bar has 1914 written on it and that it was left behind by colonialists. They would try many tricks to entice you until they take your money but the people got to know this method and the fraudsters have continued to change the tricks.”

    CIP Karekezi called upon the public to be vigilant and not trust anyone who tells they to 'resend' money and to never share their PIN, and other suspicious favours people would ask.

    He added that in case anyone reaches out to them with such unclear offers, they should report it to security organs or their local leaders immediately.

    All the arrested suspects admitted to the alleged crimes. They were taken to the COVID-19 isolation centre in Kamembe, where they will be handed to Rwanda Investigation Bureau once they test Negative for Coronavirus.

    IGIHE

  • Minisitiri wa Siporo yatanze ntarengwa y’igihe ibibazo bya Rayon Sports bizakemukira #rwanda #RwOT

    Minisitiri wa Siporo, Munyangaju Aurore Mimosa, yavuze ko mu gihe kitarenze ukwezi kumwe ibibazo biri muri Rayon Sports bizaba byakemutse.

    Atangaje ibi nyuma y’iminsi 3 Perezida Kagame avuze ko ibibazo biri muri iyi kipe yabyumvishe ariko hashize igihe ndetse akaba yarabishyize mu maboko ya Minisitiri wa Siporo kandi yizeye ko byacyemutse bitewe n’inzira yabibonagamo.

    Muri Rayon Sports harimo ibibazo cyane bishingiye ku miyobporere aho komite iriho ishinjwa kuyobora ikipe nabi byatumye ihura n’ibibazo by’amikoro ubu ikaba ifite amadeni menshi, abakinnyi bayishizemo n’ibindi.

    Gusa komite iriho nayo igashinja abayibanjirije kunyereza umutungo w’ikipe, ruswa… ibi akaba ari nabyo byazanye umwuka mubi muri iyi kipe ikunzwe cyane mu Rwanda.

    Aganira na Radio Rwanda kuri uyu wa Gatatu, yavuze ko ibibazo biri muri iyi kipe bikomeje gukurikiranwa ndetse biri mu nzira nziza zo gukemuka.

    Ati“Aho tubigejeje, turabikurikirana kuva bigitangira kuko bandikiye RGB twebwe bakabitumenyesha. Ariko nk’uko siporo iri mu nshingano zacu, turabikurikirana kandi twababwira ko inzira birimo ari nziza kandi biri hafi gukemuka. Turabizeza ko bizakemuka mu minsi iri imbere kandi ya vuba.”

    Yakomeje avuga ko mu gihe kitarenze ukwezi kumwe, ibi bazo bizaba byakemutse ndetse n’umwanzuro utangarizwe abakunzi b’iyi kipe.

    Yagize ati“ Icyo nababwira ni uko mwategereza, imyanzuro izafatwa hashingiwe ku byavuye mu isesengura. Uyu munsi ntabwo nakubwira ibyavuyemo, twihaye igihe kandi twababwira ko bigiye gukemuka mu gihe cya vuba. Sinakubwira ngo ni uyu munsi cyangwa ni ejo, ariko bitarenze ukwezi, iki kibazo cya Rayon Sports tuzaba twagikemuye, tuzaba twanamaze kukigeza ku banyamuryango no ku bakunzi ba Rayon Sports.”

    Yavuze kandi ko abakeka ko RGB yaba yarivanze muri iki kibazo atari byo kuko ari urwego rureberera imiryango itari iya Leta na Rayon Sports irimo kandi rukaba rwagejejweho ikibazo ndetse barusaba kugikemura. Aurore Mimosa, Minisitiri wa Siporo yijeje Abarayon ko mu kwezi ibintu bizaba byagiye mu buryo
    http://dlvr.it/RgJFfx

  • Sibomana Patrick Papy yasinyiye Police FC #rwanda #RwOT

    Nyuma yo gutandukana n’ikipe ya Young Africans yo muri Tanzania, Sibomana Patrick Papy yamaze gusinyira Police FC yo mu Rwanda.

    Uyu musore wari umaze umwaka umwe gusa akinira ikipe yo muri Tanzania ya Young Africans, mu ntangiriro z’ukwezi gushize kwa Kanama yisanze ku rutonde rw’abakinnyi barenga 10 bagomba gutandukana n’iyi kipe.

    Nyuma yo gutandukana na Yanga akaba yaragiye avugwa mu makipe atandukanye nka Zesco United yo muri Zambia na Gor Mahia yo muri Kenya.

    Uyu mukinnyi ukina ku ruhande asatira, akaba yamaze gusinyira Police FC amasezerano y’umwaka umwe, akaba aje kuyifasha mu mwaka w’imikino wa 2020-2021.

    Sibomana Patrick, yakiniye amakipe atandukanye nka Isonga, APR FC na Mukura VS zo mu Rwanda, Shakhtyor Soligorsk yo muri Belarus ndetse na Young Africans yo muri Tanzania baheruka gutandukana.

    Papy yamaze kuba umukinnyi wa Police FC

  • Ibaruwa Sekamana yandikiye Munyakazi Sadate #rwanda #RwOT

    Sekamana Maxime yandikiye ubuyobozi bwa Rayon Sports asaba ko ubwumvikane baherutse kugirana bwateshwa agaciro kuko batushye ibyo bari bumvikanye.

    Mu ibaruwa ikubiyemo ubwumvikane Maxime Sekamana yagiranye n’ubuyobozi bwa Rayon Sports yasinywe ku wa 28 Kanama 2020, igaragaza ko Maxime yemeye ko ahawe sheki ya muliyoni 3 muri miliyoni 4 iyi kipe yamusigayemo ubwo yamusinyishaga mu mpeshyi ya 2019, andi asigaye akazayahabwa bitarenze tariki ya 31 Mutarama 2021.

    Uyu musore kandi yemeye ko imishahara ye yo kuva muri Mata 2020 kugeza igihe bazasubirira mu kazi atazayishyuza ikipe bitewe n’ibihe bya COVUD-19.

    Uyu munsi ku wa Kabiri tariki ya 8 Nzeri 2020, Maxime akaba yandikiye ubuyobozi bwa Rayon Sports asaba ko ubwumvikanye bagiranye bwateshwa agaciro kuko yasanze sheki yahawe itazigamiye.

    Yagize ati' Bwana Muyobozi, ndabibutsa ko amafaranga nahabwaga ari ayo nemererwaga n’amategeko kandi akaba ari uburenganzira bwanjye si ayo nsabiriiza, ikindi kandi mwibuke ko uretse kwihangana ariko sheki mfite itazigamiwe nayo ni icyaha gihanwa n’amategeko.'

    Maxime kandi yakomeje avuga ko amafaranga yishyuza natayabona bitarenze ku wa Gatanu w’iki cyumweru azitabaza inzego zibishinzwe kuko yamuhaye sheki itazigamiye.

    Ati' Ndasaba rero bwana muyobozi gutesha agaciro ubwumvikane twari twagiranye bwo guhabwa miliyoni 3 Frw mukansigaramo miliyoni 1 Frw, mukanyishyura amafaranga yanjye yose (uko ari miliyoni 4 Frw) mu gihe kitarenze iminsi itatu (ni ukuvuga tariki ya 8 Nzeri kugeza tariki ya 11 Nzeri 2020) bitaba ibyo iyi sheki mfite nkayishyikiriza ababishinzwe, hanyuma amategeko agakurikizwa.'

    'Ikindi kandi ndabamenyesha ko ibyo guhara imishahara n’uduhimbazamusyi byanjye ntakibyemeye kuko nabonye ko ubwitange bwanjye nta gaciro bwahawe, bityo rero reka dukomeze duhe agaciro icyo itegeko ry’umurimo riteganya.'

    Bivugwa ko Sekamana Maxime yifuza gutandukana n’ikipe ya Rayon Sports akaba yakwerekeza muri Kiyovu Sports cyane ko yagaragaje ko imwifuza

    Maxime yibukije Sadate ko ashobora no kumurega kubera sheki itazigamiye yamuhaye

  • Ndereyehe ARRESTED: He Pledged Rwf10,000 For Every Tutsi Killed #rwanda #RwOT

    The Government of The Netherlands has arrested a notorious genocide fugitive Charles Ntahontuye Ndereyehe, alias Karoli.

    Keep refreshing for details

  • Yishyuriye umugabo we kaminuza, ayirangije amwitura ku mubwira ko batakibanye #rwanda #RwOT

    Nyandwi Alice, umubyeyi wo mu karere ka Gisagara, Umurenge wa Gikonko, Intara y'Amajyepfo avuga ko kuri ubu abayeho nabi nyuma yo kurihira umugabo we Kaminuza yayirangiza akavuga ko bataberanye batakiri ku rwego rumwe.

    Alice yashakanye na Nyamabumba Venant mu mwaka w'I 1994 nkuko impapuro z'irangamimerere zibigaragaza bakaba barabyaranye abana umunani(8) ariko umwe aza kwitaba Imana, uyu Mugore avuga ko nyuma yo kubana na Venant bagasezerana ivanga mutungo byaje kuba bibi cyane mu mibanire yabo nyuma y'uko avuye kwiga kaminuza bikaza kurangira amubwiye ko bataberanye, bagomba kugabana imitungo yabo.

    Nyandwi Alice, avuga ko umugabo we bashakanye yarize Amashuri atandatu abanza, usibye igare yashakanye uwo Mugore ngo ntakindi kintu yarafite doreko avuga ko bashakaniye mu gihugu cy'Uburundi.

    Nyuma yo kugaruka mu Rwanda Nyamabumba Venant yiyeguriye itorero biza kurangira agiriwe icyizere cyo kujya kwigira ubu Pasiteri, nyuma yo kuvayo yagaragaje ingeso mbi bituma itorero rimuhagarika afata umwanzuro wo kujya kwiga Kaminuza muri Repubulika iharanira Demokarasi ya Congo, aho yagiye Umugore we ariwe umurihira amashuri.

    Aha umugabo yasezeranyaga abageni, akiri mu iterero.

    Nkuko bitangazwa na Nyandwi Alice, avuga ko nyuma yo kugaruka avuye kwiga Umugabo we yamubwiye ko bataberanye ndetse badakwiye no kubana nk'umugabo n'umugore amubwira ko bagomba kugabana imitungo yose bakaka gatanya.

    Ikibazo cyaje gukomera ubwo uyu Mugabo yafataga umwanzuro wo kujya mu Ntara y'Iburasirazuba aho yaje gushaka undi mugore wa kabiri mu buryo butanyuze mu mategeko, gusa Umugore akomeza kwita ku bana batandatu yarasigaranye kuko umukuru muribo yari yaramaze gushaka Umugore.

    Aganira n'umunyamakuru w'intyoza.com, Alice yavuze ko nubwo yikokoye akarihira Umugabo we amashuri kugeza muri Kaminuza aho yarangije muby'ubuganga nta Mwana wabo wigeze arangiza n'ayisumbuye kuko uwize amashuri menshi yagarukiye mu wa gatatu w'amashuri y'Isumbuye.

    Uyu mubyeyi w'abana 7 aravuga ko umugabo ashaka gatanya akamusiga arwana n'umwenda utari muto yafashe amwishyurira amashuri.

    Ikibazo cyabo nyuma yo gufata indi ntera, Umugabo yahisemo kwitabaza inkiko ngo babahe gatanya ariko biza kurangira Umugore avuze ko atakwemera gatanya mu gihe amafaranga Umugabo yigiyeho ari ayo yagujije Banki mu izina rye kugirango Umugabo yige.

    Yagize Ati:'Reba yanze kwishyura umwenda umaze kugera kuri milliyoni icyenda na maganane na mirongo itandatu na birindwi n'amafaranga atatu (9,460,003Frws) kandi arashaka ubutane ngo nishyure njyenyine, arashaka ko tugabanamo kabiri ngo ibyange bibe aribyo bitangwa kandi umwenda wafashwe mwishyurira Kaminuza'.

    Usibye kuba uyu Mugabo yarataye uwo bashakanye ngo biragoye kubona Umwana we ashobora kugira icyo akura mu mirima yabo kuko iyo hagize nubigerageza yenda kumwica aho yafashe umwana we avuye gutema igitoki akimwikoreza ku mutwe amuzengurutsa muga santere akikoreye.

    Umunyabanga Nshingwabikorwa w'Umurenge wa Gikonko Murenzi Augustin, avuga ko ikibazo cy'uyu Muryango akizi ndetse Ubuyobozi bwashatse kumvikanisha impande zombi ariko bikananira.

    Yagize Ati:'Nibyo koko ikibazo cyabo bombi ndakizi ariko habayemo kudahuza ku mpande zombi aho Umugore ashinja Umugabo ku mwanga nyuma yo kumurihira ishuri avuga ko bataberanye, ariko Umugabo nawe akamushinja ko ari umunyamahane amuhoza ku nkenke'.

    Usibye kuba ibibazo byabo byarajyanwe no mu nteko z'Abaturage, uyu muyobozi akomeza avuga ko ikibazo cyabo cyageze no mu nkiko bashobora kuba baranabatandukanije ariko imyanzuro y'urubanza itarasahoka.

    Aha, uyu ngo niwe umugabo yihitiyemo, avuga ko baberanye.

    Nyuma yo kugirana amakimbirane, Umugore yahisemo kwimuka aho bari batuye mu Murenge wa Gikonko ajya gukora akazi ko kudoda Imyenda mu Karere ka Nyanza, naho Umugabo akaba ari Umuganga ku bitaro bya Gakoma. Uyu Mugore akaba avuga ko atifuza ko Ubuyobozi bwabaha gatanya mu gihe Umugabo we ariwe wayiregeye, aba bombi bakaba bafitanye abana barindwi, Abakobwa 4 n'Abahungu 3.

    Twagerageje gushaka umugabo birananirana, ariko igihe tuzamubonera tuzabagezaho icyo avuga kuri iki kibazo , aho umugore bashakanye avuga ko yamurihiye amashuri ariko yayarangiza akaba aribwo abona ko batakiberanye.

    Inkuru yanditswe na Venuste Habineza

  • Iminsi yikurikiranya Covid-19 itwara umuntu, uwa 21 iramuhitanye #rwanda #RwOT

    Minisiteri y'Ubuzima mu itangazo ryo kuri uyu wa 09 Nzeri 2020, rivuga ku cyorezo cya Covid-19 uko kiriwe gihagaze mu masaha 24 ashize, itangaza ko hari umuntu umwe cyahitanye, ari nawe wa 21 mubo kimaze guhitana kuva cyagaragara ku muntu wa mbere mu Rwanda. Iri tangazo rirerekana kandi ko mu bipimo 3,805 byafashwe none habonetsemo abantu 21 bacyanduye, abakize ni 18, naho abakirwaye ni 2,114.

    Dore uko imbonerahamwe y'imibare itangazwa na Minisante ibigaragaza;

    Sona hano iy'umunsi wabanje:Umuntu wa 20 mu Rwanda cya Cyorezo Coronavirus kiramuhitanye

    Munyaneza Theogene / intyoza.com

  • Umurambo w'umugabo ufite imyaka 33 watoraguwe muri Nyabarongo #rwanda #RwOT

    Ahagana ku I saa kumi n'imwe z'uyu mugoroba wa tariki 09 Nzeri 2020, mu ruzi rwa Nyabarongo ku ruhande rw'Umujyi wa Kigali hafi gato n'ikiraro cyambuka kiva kamonyi werekeza Kigali, hatoraguwe umurambo w'Umugabo witwa Bibutsundi Theophile wavutse mu 1987.

    Uyu murambo, wakuwemo bigaragara ko utarangirika ariko ufite igikomere mu gahanga ku buryo wagira ngo ni icyuma uyu muntu yatewe cyangwa se ikindi cyamukomerekeje.

    Mu kumukura muri Nyabarongo, bamusanganye ikarita ndangamuntu ari yo yatumye amenyekana. Iyi Ndangamuntu yatangiwe mu Karere ka Rutsiro/Mukura.

    Ubwo yakurwaga muri Nyabarongo, hari inzego zitandukanye z'umutekano ku ruhande rw'umujyi wa Kigali, hari kandi n'umukozi w'Ubugenzacyaha-RIB.

    Iyi ndangamuntu tuyishyize aha kugira ngo uwaba azi uyu muntu, amenye cg se afashe gutanga amakuru.

    Mu bari aha, nta muntu wabashije kumenya uyu Bibutsundi Theophile, uvanyeho ku mumenyera kuri iyi karita Ndangamuntu yasanganwe.

    Umunyamakuru wa intyoza.com wageze aho uyu murambo wakurwaga muri Nyabarongo, yasize amaze gukurwamo ariko hagitegerejwe imodoka n'abaganga ngo banafashe abari bavuye gukura uyu murambo mu mazi, ariko kandi n'uyu murambo ujyanwe ahabugenewe.

    Munyaneza Theogene / intyoza.com

  • Ibyari ibyishimo byahindutse amarira nyuma yo kumenya ko bavukana ubukwe bwapfuye bari gusezerana imbere y'Imana #rwanda #RwOT

    Ann Magwi n'uwari umukunzi we w'igihe kirekire Jonatham Munini Ibyari ibyishimo byahindutse amarira ubwo bombi bamenyaga ko bavukana ku munota wa nyuma bari mu rusengero bagiye gusezerana.

    Ann Magwi na Jonatham Munini bari bamaze igihe mu rukundo rugurumana ndetse nyuma y'igihe barebana akana ko mu jisho bahisemo kwereka ibirori imiryango yabo niko gupanga ubukwe bwapfuye bari gusezerana imbere y'Imana.

    Ubwo bari mu rusengero ahitwa Tana River iwabo muri Kenya,umugabo batazi yinjiye avuga ko ari abana be yibyariye abari aho bose bifata ku munwa.

    Uyu musaza wari utarwambaye,yinjiye mu rusengero ari kumwe na bashiki be niko kuvuga ko aba bana bombi ariwe wababyaye bityo bashyingiranwe byaba ari umuziro.

    Nkuko ikinyamakuru Daily Nation cyabitangaje,umushumba wa Holy Redemption Ministries,pasiteri Festus Muli yavuze ko uyu mugabo yavuze ko uyu mukwe n'umugeni bari bagiye gusezerana kubana akaramata ari abana be yabyaye ku bagore batandukanye.

    Pasiteri yavuze ko uyu mugabo witwa James Sidai,yamubwiye ko ubwo umugore we yabyaranye nawe umwe muri aba bageni yamenyaga ko yamuciye inyuma,umubano wabo wajemo rushorera bituma amutera umugongo batandukana bafitanye umwana w'umwaka umwe.

    James Sidai akimara kubura intama n'ibyuma,yahise ahindukira akundana bya nyabyo na rya habara ryamusenyeye ariko ubukungu waje kuba bubi barakena nibwo uyu mugore wa kabiri nawe yahisemo kwigendera amutwitiye inda y'amezi 4.Uyu mugore baratandukanye ahita yisangira umwarimu.

    James Sidai ntiyarekeye aho yahise ashaka umugore wa 3 bari kumwe ubu ndetse bafitanye abana 3 gusa ngo ntiyigeze yongera kwegera aba bagore yateye inda ngo ababaze amakuru y'abana bamubyariye kugeza ubwo abonye ubutumire bw'aba bana bagiye gushakana kuri WhatsApp.

    James Sidai yerekanye amafoto y'aba bana bakiri bato n'igihe bari ku ishuri yakuye ku nshuti ze n'abavandimwe be baganiraga nabo.

    Nyirarume wa Sidai yavuze ko nubwo uyu mugabo yamaze imyaka isaga 10 ategera abagore babyaranye ngo ababaze amakuru y'abana be ariko yakurikiranaga ubuzima bwabo mu ibanga.

    Ubwo Kuwa Gatandatu w'icyumweru gishize yinjiraga muri uru rusengero akagaragaza uku kuri,ubukwe bwarahagaze hakurikiraho amarira n'impaka ndende hagati y'ababyeyi.

    Pasiteri Muli yavuze ko umusore wari ugiye gusezerana nyina yamubeshye ko se yaguye mu mpanuka ubwo yari akiri uruhinja mu gihe umugeni we yakuze azi ko umwarimu washyingiranwe na nyina nyuma yo gutandukana na Sidai ariwe se.

    Abagore babyaye aba bana ntibigeze bahakana ibyo se wabataye yavugaga ahubwo baguye mu kantu bifata ku munwa.

    Mu gukura uyu muryango mu gisebo,Pasiteri yatangarije abaje mu bukwe ko abuhagaritse kubera ko aba bageni bishe amabwiriza yo kwiyeza nk'abagomba gusezerana.

    Pasiteri Muli yagiriye inama ababyeyi ati 'Niba warakuye umwana hanze y'urugo,mubwize ukuri se wa nyawe.Ntukamubwire ko yaguye mu mpanuka,yishwe n'indwara igihe ari kwandavurira ku muhanda,ibyo si byiza.'

  • Umuntu wa 20 mu Rwanda cya Cyorezo Coronavirus kiramuhitanye #rwanda #RwOT

    Itangazo rya Minisiteri y'Ubuzima ryo kuri uyu wa 08 Nzeri 2020, ku cyorezo cya Covid-19 uko kiriwe gihagaze mu masaha 24 ashize, igaragaza ko hari umuntu umwe cyahitanye, ari nawe wuzuza uwa 20 mu bamaze guhitanwa nacyo kuva cyagaragara ku muntu wa mbere. Iri tangazo rirerekana kandi ko mu bipimo 3,253 byafashwe none habonetsemo abantu 30 bacyanduye, abakize ni 36, naho abakirwaye ni 2,112.

    Dore uko imbonerahamwe y'imibare itangazwa na Minisante ibigaragaza;

    Munyaneza Theogene / intyoza.com