Blog

Lionel Messi yasezeye mu ikipe y’igihugu ya Argentine avuga ko urupfu rwa se rwashyize iherezo ku gukinira iyi kipe y’igihugu.

Mu butumwa yanyujije ku mbuga nkoranyambaga ze yagize ati “Iyi minsi ishize habaye umukino wa nyuma (w’Igikombe cy’Isi), na nyuma yo kubitekerezaho cyane, ndashaka kubamenyesha ko nasezeye mu ikipe y’igihugu.”

Messi usanzwe ari na kapiteni w’ikipe y’igihugu ya Argentine yakomeje avuga ko ari cyemezo gikomeye kandi cyamubabaje.

Ati “Ni icyemezo kibabaza, n’ubu biracyambabaza ariko ndabizi ni cyo gihe. Ndarahira ko buri gihe natanze byose, atari mu myaka ya nyuma ubwo natwaraga byose. Nahoze ndwana ntanga buri kimwe kuri uyu mwambaro kugira ngo mbahe ibyishimo mbatere ishema, kuba umunya-Argentina binyuze mu mupira w’amaguru.”

Lionel Messi yavuze ko kandi nta gihe cyari gisigaye kandi ko azahora yishimira kuba mu ikipe y’igihugu ya Argentine.

Ati “Nta gihe gisigaye, ibihe biri ku musozo, ni byo bibabaza cyane. Nkunda, nakunze kandi nzahora nkunda kuba mu ikipe y’igihugu. Natanze ibyo nari mfite byose, ntacyo nsigaranye cyo gutanga, ibirenze ibyo hari abakinnyi bakiri bato barimo kuzamuka iruhande rwanjye bakwiye kuba bahari.”

Yashimiye urukundo bamweretse mu myaka 20 yamaze ayikinira kandi ko azakomeza gushyigikira ikipe y’igihugu.

Yashimiye kandi umuryango we wabanye na we, bakamuherekeza ahantu hose mu bintu byiza n’ibibi, ashimira buri mutoza wese, abakinnyi bagenzi be basangiye ibihe bitazibagirana.

Yavuze ko ubu butumwa yabwanditse iminsi ibiri nyuma y’uko batsindiwe ku mukino wa nyuma w’Igikombe cy’Isi na Spain.

Ati “Nanditse aya magambo tariki ya 21 Nyakanga 2026, iminsi ibiri nyuma y’umukino wa nyuma. Uyu munsi, nyuma y’ibyabaye kuri papa, byahise bibinyumvisha kuruta na mbere.”

Lionel Messi asezeye mu ikipe y’igihugu nyuma yo kuyihesha Copa Amerika 2 (2021 ma 2024) ndetse n’igikombe cy’Isi cya 2022.

Ni inkuru yatunguranye kuko mu gitondo yari yabyutse avuga ko yumva atameze neza ariko akongeraho ko ari ibisanzwe ku bantu bageze mu zabukuru.

Saa Cyenda z'igicamunsi, Musenyeri Nsengumuremyi yagize intege nke, batumaho umuforomo wakurikiraniraga hafi ubuzima bwe, amupimye atungurwa no gusanga afite ikibazo cy'umuvuduko muke w'amaraso mu gihe ubusanzwe yagiraga umuvuduko mwinshi w'amaraso.

Ubuyobozi bwa Diyosezi ya Nyundo yari amaze imyaka 25 abereye Musenyeri wungirije bwahise bumwohereza ku Bitaro bya Gisenyi, agezeyo abaganga bane bakora ibishoboka byose ngo batabare ubuzima bwe ariko birangira yitabye Imana.

Musenyeri Nsengumuremyi Jean Marie Vianney witabye Imana ku myaka 76 n'imini 22, azibukirwa kuri byinshi byaranze ubuzima bwe.

Yakundaga gutebya no kuvugisha ukuri ntawe akomeretsa

Umujyanama w'Umushumba wa Diyoseze ya Nyundo akaba n'Umunyamabanga wa Diyosezi, Padiri Masozera Theogene ukorera hafi y'ibiro bya Musenyeri Nsengumuremyi Jean Marie Vianney avuga ko yari umuntu uteye mu buryo budasanzwe.

Ati 'Imirereye ye, n'imiterere ye nakubwira ko bigoye kuyibonana abandi bantu. Niba banahari ni bakeya. Hari uburyo yavugishaga ukuri, akabivuga ku buryo abo abwira bidashobora kubababaza cyangwa ngo babe barakara kubera uburyo yabivuzemo'.

Padiri Masozera avuga ko Musenyeri Nsengumuremyi yari umuntu uca bugufi, akamenya gutegura ibitaramo, agakunda abantu bose.

Ati 'Byajyaga bintagaza. Ibiro byanjye bireba ku biro bye. Ku wa Gatanu ku biro bye nahabonye abantu baje gushaka amafaranga y'ishuri, birumvikana ko ari abana yarihiraga. Iwe hinjiraga abantu bakomeye baparitse imodoka n'abaciye bugufi ariko bose akabaganiriza kimwe'.

Yari umubyeyi w'umunyamahoro wavugaga amagambo meza, ku buryo umuntu wamwugaga yumvaga atarekeraho. Mgr Nsengumuremyi yari umuhanga mu gusubiramo inkuru z'amateka.

Padiri Masozera ati 'Iyo yakubwiraga ibintu byabaye mu 1990, yabivugaga ukagira ngo ni ibintu byabaye ejo. Yari indahemuka, akunda gutebya adakomeretsa abantu kugira ngo bishime yari azi kwigisha. Yigishaga abantu ntibarambirwe. Yari mu bantu bazi Ikinyarwanda muri iki gihugu kandi akamenya no guhumuriza'.

Musenyeri Nsengumuremyi Jean Marie Vianney yari amaze ku Isi imyaka 76 n'iminsi 22. Yari asanzwe yivuza umuvuduko mwinshi w'amaraso ku Bitaro byitiriwe Umwami Faisal no kuri Clinic du Plateau. Yitabye Imana yari afite randezu yo gusubira i Kigali kubonana na Dogiteri muri iki Cyumweru.

Amateka ya Mgr Nsengumuremyi

Musenyeri Nsengumuremyi Jean Marie Vianney yavukiye muri Paruwasi ya Shangi, Diyoseze ya Cyangungu tariki 8 Kanama 1950. Avukira muri Centrale ya Giheke yaje kuba Paruwasi ya Giheke.

Amashuri abanza yayize ku ishuri ribanza rya Giheke, ayisumbuye ayiga mu iseminari nto ya Nyundo, akomereza mu isemenari ya St Joseph, aho yavuye ajya mu isemeri nkuru ya Bujumbura, arangiriza mu iseminari nkuru ya Nyakibanda.

Tariki 25 Nyakanga 1977 nibwo yahawe ubupadiri. Abuhererwa ku Nyundo. Nyuma yo guhabwa ubupadiri yagizwe Padiri Mukuru wungirije muri Paruwasi ya Busasamana kuva mu 1977 kugera mu 1981. Icyo gihe yari n'umupadiri ushinzwe urubyiruko muri Paruwasi ya Busasamana.

Kuva mu 1981 kugera mu 1984 yari Économe diocésain, (ushinzwe umutungo wa diyoseze ya Nyundo).

Kuva mu 1984- mu 1987 yagizwe Padiri Mukuru wa Paruwasi Kivumu. 1987 yoherejwe i Busasamana gufasha Musenyeri wari uhari w'umusaza, Musenyeri Ntahoruburiye Mathieu wayoboye Seminari Nkuru ya Nyakibanda ayobora na seminari ya Nyundo.

Kuva mu 1991-mu 1994 yagizwe Padiri Mukuru wa Paruwasi ya Busasamana ashinzwe na Caritas ku rwego rwa Diyoseze ya Nyundo.

Nyuma y'amezi atatu yamaze yarahunze mu gihe cya Jenoside yakorewe Abatutsi, yagizwe Padiri Mukuru wa Paruwasi ya Gisenyi na Nyundo kuko Nyundo hari amatongo kugeza 1997.

Mu 1997, Diyoseze ya Nyundo yabonye Musenyeri Alex Habiyambere kuri ubu uri mu kiruhuko cy'izabukuru.

Kuva mu 1997-2019, Musenyeri Nsengumuremyi yari Umuyobozi ushinzwe uburezi muri Diyoseze ya Nyundo abifatanya no kuba ushinzwe ibikorwa bya Papa mu Rwanda.

Kuva mu 2001 kugeza yitabye Imana yari igisonga gikuru cya Musenyeri (vicaire général). Musenyeri Nsengumuremyi yungirije Musenyeri Alex Habiyambere na Musenyeri Anaclet Mwumvaneza.

Tariki 11 Gicurasi 2011 nibwo Vatican yahaye Nsengumuremyi Jean Marie Vianney kwitwa Musenyeri (Izina ry'icyubahiro).

Ibi byabereye mu Mudugudu wa Ruyenzi, Akagari ka Ruyenzi, Umurenge wa Ruheru, ubwo uyu musaza yateguraga ubukwe bw'umukobwa we, agatumira inshuti n'abavandimwe ngo basangire, ariko birangira apfuye, abandi bajyanwa kwa muganga kubera ko ibinyobwa banyweye bitujuje ubuziranenge.

Amakuru avuga ko abo yatumiye yabakirije ibinyobwa birimo urwagwa n'ikigage, bamaze kubinywa, abagera kuri 34 na we arimo bibagiraho ingaruka zirimo kuribwa mu nda, kuruka, no gucibwamo.

Babifashijwe n'inzego z'ubuyobozi bajyanywe kwa muganga kuvurwa, birangira uwacyuje ubukwe ashizemo umwuka.

Ubwo yashyingurwaga ku wa 30 Kanama 2026, nyuma y'ibirori byari bayabaye ku wa 26 Kanama 2026, bamwe mu baturanye n'uyu muryango wagize ibyago bavuze ko bababajwe n'urupfu rwa nyakwigendera, ariko kandi bavuga ko abasigiye isomo ryo kurwanya ibinyobwa bitujuje ubuziranenge ndetse no kubahiriza amabwiriza yashyizweho ajyanye no gutegura ibirori ndetse no kwenga ibinyobwa gakondo hubahirijwe amabwiriza yagenwe.

Umwe muri bo ati ''Uwo musaza icyamwishe, ni ikigage cye bwite yari yateguye, ariko abantu benshi bagahamya ko kitari kimeze neza. Niba ari umwanda! Ubu abantu bagize ubwoba, nta gupfa gutaha ubukwe butubahirije amabwiriza y'isuku.''

Umunyamabanga Nshingwabikorwa w'Intara y'Amajyepfo, Nshimiyimana Vedaste, yavuze ko abaturage bakwiye kumva neza amabwiriza y'ubuzima yashyizweho, kuko ari mu nyungu zabo.

Ati ''Abantu bumve amabwiriza y'ubuzima yashyizweho, bayasobanukirwe. Abaturage ntibabujijwe ibirori, byaba ubyukwe cyangwa amasakaramentu, ahubwo nibibaze bati tubitegure dute mu isuku ko tuzakira abantu. Uburenganzira nububona, unakurikirane ko igikorwa cyose cyo gutegura ibinyobwa n'amafunguro bigira isuku n'ibikoresho bikwiye.''

Amabwiriza ya Minisiteri y'Ubuzima (MINISANTE) agenga itunganywa n'itegurwa ry'ibinyobwa gakondo mu ngo n'ibizakoreshwa mu birori asaba ko hagenzurwa isuku ihagije, bigizwemo uruhare na Komite y'Ubuzima y'Umudugudu ibanza gukora igenzura mbere y'uko ibyo binyobwa n'ibiribwa bitegurwa.

Kapiteni w’ikipe ya Police FC, Nsabimana Eric Zidane yavuze ko ikipe ye nayo igomba gushyirwa mu makipe ahabwa amahirwe ku gikombe cya Shampiyona ya 2026-27.

Ibi yabigarutseho aganira n’ikinyamakuru ISIMBI nyuma y’uko bari bamaze gutsindwa na Kiyovu Sports ikabatwara igikombe kiruta ibindi cya Super Cup.

Zidane yavuze ko amahirwe ku gikombe cya Shampiyona ya 2026-27 ahari, icyo ikipe iba isabwa ari ukubara imibare yayo gusa.

Ati “Mu Rwanda biba bishoboka. I Nyarugenge biba bishoboka, wowe upfa kuba witeguye neza ukabara gahunda zawe. Nta kindi.”

Yakomeje avuga ko ikipe ya Police FC irimo kwiyubaka gake gake kandi izatanga umusaruro.

Ati “Ikipe imeze neza, turimo kugerageza kugenda twiyubaka gake gake, turizera ko muri Shampiyona tuzaba tumeze neza.”

Police FC imaze imyaka myinshi yiyubaka ishaka igikombe cya Shampiyona ariko bikarangira ikibuze, buri mwaka iba ivuga ko igishaka ndetse igahatana, imikino ibanza ya Shampiyona iba inatanga icyizere ariko byagera mu mikino yo kwishyura bikayigora igatsindwa umusubirizo.

Nsabimana Eric Zidane yavuze ko Police FC iri mu makipe ahataniye igikombe

Ni igitabo yamuritse ku wa 29 Kanama 2026, aho yavuze ko nubwo cyasohotse mu rurimi rw'Icyongereza ateganya kuzagishyira mu Kinyarwanda no mu Gifaransa.

Iki gitabo gifite paji 346, 'stoicism' ivugwamo ni 'philosophie' ya kera ishimangira kwimenya no gukoresha neza ubushobozi umuntu afite, bikamurinda guhindurwa n'ibiba adashobora guhindura kandi akabyitwaramo neza binyuze mu gufata ibyemezo bishingiye ku ndangagaciro ziboneye.

Uwanziga agaragaza ko zimwe mu ndangagaciro zagiye ziranga Abanyarwanda n'Abanyafurika zishobora gutanga isomo ku Isi ya none.

Ati 'Mu ndangagaciro nyarwanda harimo agaciro, ikinyabupfura no kwihangana. Ni indangagaciro twahoranye kandi ubu tuzwiho kugira ubudaheranwa cyane twasangiza Isi. No muri Afurika dufite byinshi byiza nakubiye muri iki gitabo byabera isomo abandi.'

Yakomeje avuga ko urubyiruko rudakwiye gutuma Afurika ikomeza gufatwa nk'ahantu abantu bahishwa mu bitabo.

Ati 'Turasoma ariko ku rwego rudahagije rwose urubyiruko tugomba kubihindura. Afurika dufite amateka akomeye n'ibindi byiza byo gusangiza Isi.'

Uyu mwanditsi agaragaza ko igitabo kigamije gukoresha ubumenyi bwa Afurika kugira ngo ibikubiye mu myigishirize ya 'Stoicism' bitange umusanzu mu kugira imibereho ishingiye ku ndangagaciro kandi umuntu agatera imbere.

Mu ndangagaciro avugamo harimo kwihangana mu bihe bikomeye, kubahana, gufashanya, kugira uruhare mu mibereho myiza y'abandi, kubaka ubumwe no kuyobora ugamije ibyiza bya rusange birenze inyungu zawe bwite.

Iki gitabo kandi cyibanda ku buyobozi buboneye n'imico myiza, aho gishimangira ko kuyobora atari ugufata umwanya cyangwa kugira ububasha gusa, ahubwo ko bisaba kugira inshingano, kwiyubaha no kubaha abandi.

Harimo kandi isano hagati yo kwiyubaka nyuma y'ibyago by'umwihariko bikaba bihura n'amateka mabi u Rwanda rwanyuzemo nk'uko Uwanziga yabisobanuye.

Ati 'Twahuye n'ibibazo bikomeye bya Jenoside yakorewe Abatutsi. Reba nk'umubyeyi wabuze byose muri Jenoside, umugabo n'abana be baricwa kandi ari cyo kintu cy'agaciro yari afite, ariko agahitamo gukomeza kubaho. Biragoye kubishyira mu nyuranwenge ngo ubyumve, ariko habayeho guhitamo kurenga ibyabaye no gukomeza kubaka Igihugu.'

Iki gitabo cyatangiye kugurishwa ku nzu zicuruza ibitabo.

RwandAir yatangaje ko ingendo WB452 na WB453 zari ziteganyijwe ku wa 31 Kanama 2026 zahagaritswe kubera ibibazo bikomeje kugaragara mu mikorere y'ibikorwa byo kugenzura urujya n'uruza rw'indege ku Kibuga Mpuzamahanga cya Jomo Kenyatta i Nairobi.

Iyi sosiyete yavuze ko ikomeje gukurikirana uko ikibazo gihagaze no gukorana n'inzego bireba kugira ngo igabanye ingaruka zigera ku bagenzi. Abari bafite amatike y'izo ngendo bazongera gutegurirwa izindi ngendo.

Iki kibazo cyaje nyuma y'uko ibikorwa ku Kibuga Mpuzamahanga cya Jomo Kenyatta n'ibindi bibuga by'indege muri Kenya bihungabanye kubera imyigaragambyo y'abakozi bo mu nzego zishinzwe imikorere y'ibibuga by'indege n'indege za gisivili.

Amakuru aturuka muri Kenya avuga ko abakozi b'Ikigo gishinzwe ibibuga by'indege muri Kenya (KAA) n'Ikigo gishinzwe iby'indege za gisivili (KCAA) bagabanyije ibikorwa byabo mu rwego rwo kugaragaza ko batishimiye bimwe mu bibazo biri mu kazi kabo. Ibi byatumye indege nyinshi zitinda guhaguruka ndetse n'abagenzi benshi batinda ku bibuga by'indege.

Kugeza ubu, KCAA yatangaje ko ibiganiro n'abakozi bitaragera ku musaruro ushimishije, mu gihe indege zimwe zakomeje gutinda cyangwa zigahindurirwa inzira.

Mbere y'izi ngendo WB452 na WB453, RwandAir yari yatangaje ko yahagaritse ingendo WB402 na WB403 zari ziteganyijwe ku wa 30 Kanama 2026 kubera ibibazo by'imicungire y'ingendo z'indege byari byagaragaye kuri JKIA.

Icyo gihe, RwandAir yari yavuze ko abagenzi bari bafite amatike y'izo ngendo bazongera gutegurirwa izindi ngendo, mu gihe itsinda ryayo ryakoraga ibishoboka kugira ngo rigabanye ingaruka zishobora guterwa n'iki kibazo.

Kugeza ubu, RwandAir ikomeje gukorana n'abagenzi bagizweho ingaruka n'ihagarikwa ry'ingendo kugira ngo babone ubundi buryo bwo gukomeza ingendo zabo.

Flight Cancellation Update: WB452/453 | 31 Aug 2026.

Due to ongoing operational constraints affecting air traffic control services at Jomo Kenyatta International Airport (NBO), flights WB452/WB453 on 31 August 2026 have been cancelled.

We continue to closely monitor and assess… https://t.co/zNPXWNSupR

— RwandAir (@FlyRwandAir) August 31, 2026

Ku wa 30 Kanama 2026, i Ankara muri Turikiya nibwo habereye umuhango wo gusoza amasomo ku basirikare barangije mu Ishuri rya Gisirikare ndetse n'iry'Ingabo zirwanira mu Kirere muri Kaminuza y'Igihugu y'Ingabo ya Turikiya.

Muri uyu muhango harimo Abanyarwanda bane basoje aya masomo, ari bo Byiringiro Arnauld, Cyizere Prince, Mbanzabugabo Daniel na Mugabe Robert.

Aba basirikare barangije amasomo yabo nyuma yo kumara igihe biga mu mashuri ya gisirikare ya Kaminuza y'Igihugu ya gisirikare ya Turikiya, aho baherewe ubumenyi buzabafasha mu nshingano zabo mu rwego rw'umutekano n'ubwirinzi.

Nyuma yo gusoza amasomo, aba basirikare bahawe ipeti rya Sous-Lieutenant na Perezida Turikiya, Recep Tayyip Erdoğan.

Uyu muhango witabiriwe na Ambasaderi w'u Rwanda muri Turikiya, Lt Gen (Rtd) Charles Kayonga, ndetse n'Umuyobozi ushinzwe ibikorwa by'Ingabo muri Ambasade y'u Rwanda muri icyo gihugu, Colonel JP Rulisa.

Gusoza aya masomo kw'aba basirikare b'Abanyarwanda biri mu rwego rwo guteza imbere ubumenyi n'ubushobozi bw'abasirikare binyuze mu mahugurwa atangirwa mu bihugu bitandukanye.

Kaminuza y'Igihugu y'Ingabo ya Turikiya ni imwe mu bigo byigisha amasomo yo ku rwego rwo hejuru mu bijyanye n'imyitozo n'imiyoborere ya gisirikare.

Ku wa 30 Kanama 2026 ni bwo Guverinoma y'u Rwanda yatangaje ko imirimo yo kwagura no kuvugurura umuhanda Prince House-Giporoso-Masaka itangira kuri uyu wa Mbere ikazamara imyaka ibiri n'igice.

Mu butumwa yanyujije kuri X, Polisi y'u Rwanda yagaragaje ko igice kimwe cy'uyu muhanda kizaba gikoreshwa, ariko kuko ibinyabiziga bigenda muri ubwo buryo biba ari bike, yagaragaje indi mihanda abantu bakwifashisha.

Hazabanza kubakwa igice kiva kuri Prince House i Remera kigana ahazwi nko ku Cyamitsingi.

Polisi yagaragaje ko muri icyo gihe abaturuka ahazwi nka Rwandex berekeza i Kabuga bashobora kwifashisha umuhanda uturuka Sonatubes-Alpha Place-Kabeza-Giporoso-Korodoro-Kanombe-Inyange-Kabuga.

Bashobora ariko no kutanyura mu Giporoso ahubwo bagahita bakomeze umuhanda wa Kabeza-Busanza-Kanombe kuri Segiteri bagakomeza ku Inyange.

Abava ku Kacyiru bagana i Kabuga bashobora gukoresha umuhanda uva ku Gisimenti-Rwahama-Umushumba Mwiza-Mulindi-Kabuga cyangwa bakifashisha indi mihanda igiye ishamikiye kuri uyu.

Amakamyo yanyuraga ku muhanda wa Prince House-Masaka yo Polisi yatangaje ko ashobora kunyura mu muhanda Kabuga-Kigali Special Economic Zone-Zindiro-Masizi-Birembo-Gasanze-Nyacyonga-Nyabugogo.

Ni mu gihe abava ku mupaka wa Rusumo bagana i Kigali no mu Majyepfo bashobora gukoresha umuhanda Rusumo-Ngoma-Ramiro-Bugesera bagakomeza.

Abapolisi kandi bazaba bari mu mihanda kugira ngo bayobore abakeneye kunyura mu mihanda yindi izunganira uwo uzaba uri kuvugururwa.

Umuhanda Prince House-Masaka ugiye kubakwa mu byiciro bine witezwe koroshya imigenderanire igana ku Bitaro bya CHUK bigiye kwimukira i Masaka, woroshye ukugera mu Cyanya cy'Inganda cy'i Masoro.

Leta kandi iteganya kuwushamikaho undi muhanda uzerekeza ku Kibuga cy'Indege Mpuzamahanga kiri kubakwa mu Bugesera.