Blog

Byabereye mu Mudugudu wa Kirombo, Akagari ka Nkumbu, Umurenge Bushekeli ku wa 2 Mata 2025.

Umurambo washyinguwe ku gicamunsi cyo ku wa 3 Mata 2025. Ari ku irimbi ahaberaga imihango yo gushyingura, umwana wa Nyakwigendera ufite imyaka 22, yabwiye IGIHE ko akeka ko se yishwe na nyina.

Ati 'Dushingiye ku byo twabonesheje amaso yacu, twebwe (abana ba nyakwigendera) turibaza ngo yaba ari mama wamwishe?'

Umunyamabanga Nshingwabikorwa w'agateganyo w'Umurenge wa Bushekeli, Habarurema Cyprien, yabwiye IGIHE ko nyakwigendera yishwe n'indwara yari amaze igihe arwaye ndetse ko abavuga ko yaba yishwe n'umugore we ari ibihuha bituruka ku makimbirane uyu muryango wari ufitanye.

Abaturanyi babonye umurambo wa nyakwigendera mbere y'uko ushyingurwa bavuga ko wari ufite ibikomere ku itako no mu mugongo ari na ho havuye inkuru y'uko yishwe atazize uburwayi.

Bimenyimana André ushinzwe umutekano mu mudugudu avuga ko uyu muryango wari ufitanye amakimbirane ashingiye ku mutungo kuko nyakwigendera yahaye umunani abana be, umugore we akarandura imihati adashaka ko abana bahabwa iminani.

Umuryango wa Nzeyimana uvuga ko yari arwaye igituntu n'impyiko. Yasize umugore n'abana umunani.

Umugore wo mu karere ka Nyamasheke arashinjwa n’abana be kwica umugabo we

MINECOFIN yabitangaje ku wa 04 Mata 2025, ubwo hamurikwaga ibyavuye mu isuzuma IMF yari imazemo ibyumweru bibiri ku bukungu bw'u Rwanda.

Mu 2017 ni bwo imirimo yo kubaka Ikibuga cy'Indege cya Bugesera yatangiye. Muri Gicurasi 2024 Umuyobozi Mukuru wa RwandAir, Yvonne Makolo, yatangaje ko iki kibuga kizuzura mu 2027/2028.

Igice cya mbere cyacyo, kizajya cyakira abagenzi bagera kuri miliyoni zirindwi ku mwaka n'imizigo ipima toni ibihumbi 150.

Ni umushinga wishimiwe na IMF, nyuma y'uko Leta y'u Rwanda yawusobanuriye iki kigo.

Minisitiri w'Imari n'Igenamigambi, Yusuf Murangwa, yavuze ko IMF n'u Rwanda byemeje ko igihugu kigomba gukomeza gushora mu Kibuga cy'Indege cya Bugesera.

Ati 'Twabiganiriye na bo, twagiye muri Amerika muri Gashyantare tuganira na bo, tubereka umushinga uko umeze, baza hano basuzuma uko bimeze bareba ingaruka nziza uzatugezaho, ubu twabyemeje ko tugomba kuzawushoramo.'

Minisitiri Murangwa yakomeje ati 'Turumva ko uzaba ari umushinga mwiza cyane, twemeza ko ugomba kuzarangira mu myaka nk'itatu dutangiye muri Nyakanga uyu mwaka.'

Uwari ukuriye itsinda rya IMF ryakoze ubugenzuzi ku bukungu bw'u Rwanda, Ruben Atoyan ati 'Uko bigaragara ubukungu bw'u Rwanda buhagaze neza nubwo bwagiye buhura n'ibibazo bitandukanye nka Covid-19, ibibazo by'izamuka ry'ibiciro, ibiza, marburg n'ibindi, ariko u Rwanda rwakomeje guhangana n'ibyo bibazo ruzamura ubukungu bwarwo neza. Tuzakomeza gufatanya na rwo muri urwo rugendo.'

Uretse IMF yashimye umushinga w'iki kibuga cy'indege, Banki ya Aziya igamije guteza imbere ishoramari mu bikorwaremezo, AIIB, iherutse kwemeza inkunga ya miliyoni 200$ yo kwifashishwa mu kubaka ibiraro n'inzira y'imizigo ku Kibuga cy'Indege cya Bugesera.

Ni amafaranga azafasha mu gusoza icyiciro cya mbere kizarangira mu 2027.

Igice cya kabiri cy'icyo kibuga biteganyijwe ko kizuzura mu 2032 aho kizaba gifite ubushobozi bwo kwakira abagenzi miliyoni 14 ku mwaka.

Mu 2019 ni bwo Qatar Airways yafatanyije n'u Rwanda hemezwa ko izagira imigabane ingana na 60%, muri iki kibuga biteganywa ko kizuzura gitwaye arenga miliyari 1,3$ nk'uko imibare yo mu 2019 ibigaragaza.

Muri Mutarama 2025, Perezida Kagame yavuze ko hari byinshi biri gukorwa bijyanye n'amasezerano u Rwanda rwasinyanye na Qatar mu kubaka Ikibuga Mpuzamahanga cy'Indege cya Bugesera no kugura imigabane ingana na 49% muri RwandAir, ko ibyinshi bigeze ku musozo.

Ikibuga cy’Indege cya Bugesera kizuzura mu 2017

Ubu butumwa bwatanzwe n'Umuyobozi w'Ishami rya MIGEPROF rishinzwe guteza imbere uburinganire no kongerera abagore ubushobozi, Ngayaboshya Silas, ku wa 3 Mata 2025 ubwo yaganiraga n'abanyeshuri biga mu ishami rya ILPD mu Karere ka Nyanza.

Ngayaboshya yagaragaje ko ihame ry'uburinganire bw'ibitsina byombi ari kimwe mu bigize uburenganzira bwa muntu, ashimangira ko abanyamatageko bakwiye kurimenya kandi neza.

Ati ''Uburinganire ni kimwe mu bigize uburenganzira bw'ibanze bwa mu muntu kandi ikaba ingingo y'ingenzi kuko iri mu nkingi zizashingirwaho iterambere ry'u Rwanda mu cyerekezo 2050.''

Yababwiye ko kuba abantu bafite ibitsina bitandukanye bitakabaye ikibazo mu muryango mugari w'abantu, ahubwo ko biba ikibazo iyo bikoreshejwe mu busumbane.

Yagaragaje ko mu kuziba icyuho, Leta y'u Rwanda yashyizeho zimwe muri gahunda zigamije kuzamura umugore kugira ngo na we yisange mu ruhando rw'abandi, atanga urugero rwa gahunda yo guha abagore imyanya 30% mu nzego zifata ibyemezo.

Ngayaboshya yagaragaje ko u Rwanda rukataje mu gushyiraho uburyo buhamye bw'amategeko, ariko kandi hakiri imigirire yubatswe muri sosiyete ikomeza kuba imbogamizi, ikabangamira ihame ry'uburinganire.

Yatanze urugero rwo mu rubanza, aho uwunganira umugabo mu rukiko yabwiye abacamanza ko kuba yarakubise umugore we bitaturutse ku bushake, ahubwo ko byatewe n'uko 'abagabo bagira uburakari hafi', agaragaza ko bidakwiye.

Ngayaboshya yasobanuye ko imbuto z'uburinganire zamaze kwigaragaza muri byinshi harimo n'umubare ushyitse w'abakobwa mu mashuri, bitandukanye na kera, aho umusore yashoboraga kuva i Rusizi, akajya i Nyanza gufata irembo ry'umukobwa ucyiga mu mwaka wa kane w'amashuri yisumbuye, agira ngo amutange abandi kuko babaga ari bake mu mashuri.

Umwe mu banyeshuri ba ILPD, Bongera Inès, yavuze ko cyabasigiye ubumenyi bwinshi, buzabaherekeza mu buzima bwabo buri imbere.
Ati ''Twabonye ko uburinganire ari ihame, ndetse ko kureshya k'umugore n'umugabo bidakwiye kumvikana nk'impuhwe bamwe bagiriye abandi, ahubwo ko ari uburenganzira busesuye yemerewe, kandi natwe dukwiye kumvikanisha tukanaburinda.''

Yakomeje avuga ko uburinganire bukenewe kugira ngo iterambere ryihute kuko igihugu gikorewe n'igice kimwe gusa, iterambere ryagenda biguruntege.

Akiriho Frank Hervé yavuze ko atahanye imyumvire iboneye ku bijyanye n'uburinganire, akaba yanasobanukiwe ibijyanye n'abahirimbanira uburenganzira bw'abagore bitwa 'Féministes'.

Yavuze ko 'Féminisme' ubwayo atari ikibazo, avuga ko abayumvise nabi bakayibamo abahezanguni ari bo kibazo, barimo bamwe basigaye bavuga ko badakeneye abagabo mu buzima bwabo. Yagaragaje ko u Rwanda rushyigikiye umuryango ugizwe n'ibitsina byombi, wishimye kandi utekanye.

Umuyobozi Ushinzwe Amasomo muri ILPD, Bangayandusha Viateur, yavuze ko kuba abagore bagize 51,5% by'Abanyarwanda bose, bisobanuye ko igihe basigazwa inyuma, byanagira ingaruka ku iterambere ry'u Rwanda.

Bangayandusha yagaragaje ko iki kiganiro ari rikomeye ku banyeshuri ba ILPD kuko bumvise politiki y'uburinganire n'ubwuzuzanye mu Rwanda, ndetse barushaho no kumva neza ibihato bikiri mu migirire itiza umurindi ihohoterwa rishingiye ku gitsina, ari nako barushaho kumva inshingano zabo zo kurihashya.

Mu masomo nk'aya, ILPD itumira abahanga mu ngingo zitandukanye, bakaganiriza abanyeshuri bayo kugira ngo barusheho gusobanukirwa ibyo biga.

Ngayaboshya Silas yakanguriye abiga muri ILPD gusobanukirwa uburinganire kuko na bo bazageza aya masomo ku baturage

Ibiganiro nk’iki ni bumwe mu buryo ILPD ikoresha mu kwigisha abanyeshuri, ibahuza n’impuguke

Akiriho Frank Hervé yavuze ko yatahanye imyumvire iboneye ku bijyaye n'uburinganire ndetse na Féminisme

Bongera Inès yishimiye iki kiganiro, avuga ko kibasigiye ubumenyi buzabaherekeza mu buzima bwabo buri imbere

Bangayandusha Viateur yavuze ko kuba abagore bagize 51,5% by'Abanyarwanda bose, bivuze ko basigaye inyuma byahombya igihugu

ILPD yahaye Ngayaboshya impano

Ingendo itsinda ry'Abasenateri ry'u Rwanda ryasuye ibihugu by'i Burayi birimo Denmark, Suède, Norvège na Finland ku itariki 10 kugeza 15 Werurwe 2025.

Senateri Kaitesi wari uyoboye iri tsinda, yabwiye Inteko Rusange ya Sena ku wa 4 Mata 2025, ko mu byo basobanuriye Inteko zishinga Amategeko, Abaminisitiri n'abandi bayobozi harimo n'ibibazo byo mu karere bagamije kubereka ukuri n'icyatumye u Rwanda rushyiraho ingamba z'ubwirinzi.

Ati 'Twasanze hari ababyumva ko ari ngombwa ko FDLR isenywa kugira ngo hashobore kuboneka umuti urambye ku mutekano w'iki gihugu kandi banashyigikiye ko uburyo bwo kuvuga ikibazo cyo muri aka karere cyane cyane Denmark yavuze ko ibyo bisobanuka kurushaho kugira ngo abantu boye gutanga umuti utarambye.'

Senateri Kaitesi yahamije ko abo baganiriye babonaga ko ibihano byagiye bifatirwa u Rwanda bitari bikwiye.

Ati 'Hari n'abavuze ko ari ngombwa ko RDC iganirizwa kugira ngo ishobore kubahiriza ibyemejwe n'uburyo nyafurika bwo gushaka ibisubizo byemejwe n'abakuru b'ibihugu bya EAC na SADC.'

Abasenateri b'u Rwanda bagaragarije Abanyaburayi ko badakwiye kubogamira ku ruhande rwa Congo isabira u Rwanda ibihano nyamara hari abacanshuro b'Abanyaburayi bagaragaye, ibikorwa byo gutwika Ambasade y'u Rwanda n'izindi ziri i Kinshasa n'ibindi bitamaganwa n'u Burayi.

Ati 'Ko tubizi neza ko abacanshuro bari muri Congo, banagaragaye kuki ari nta muntu uvuga ku bihano kandi dufite amategeko mpuzamahanga abuza gukoresha abacanshuro?'
Hari abacuritse ikibazo
Senateri Kaitesi yavuze ko hari Abanyaburayi bacuritse ikibazo cy'u Rwanda na RDC bitirira u Rwanda ko rushaka kwigarurira ibice byayo.

Ati 'Muri biriya bihugu bamwe bafashe ikibazo baragicurika. Wumvaga bavuga ko u Rwanda noneho rwabaye nk'u Burusiya, Congo ikaba nka Ukraine bityo u Rwanda rurashaka gufata ibice bya Congo rukabyigarurira nk'uko inkuru y'u Burusiya ivugwa hariya mu Burayi.'

'Wari umwanya rero wo kubaganiriza tukababwira tuti dore ibibazo u Rwanda rufite. Hari ibibazo bya Congo, bituma Umunye-Congo uri aharenze za Kivu atunzwe n'Amadorali ya Amerika ari munsi ya 2 ku munsi.'

U Bubiligi bwakwirakwije ikinyoma

Senateri Kaitesi yavuze ko abenshi mu bo baganiriye basanganga bazi ukuri kw'ikibazo ariko hakabamo ibinyoma bakwirakwijwemo n'u Bubiligi.

Ati 'Ibihugu bimwe twasanze u Bubiligi bwarabigezeho cyane kandi bwarabihaye umurongo wabwo, mukaganira akavuga ngo erega birumvikana ariko dufite aho duhagaze nk'Abanyaburayi.'

'Hari hamwe twagize amahirwe umuntu turamubwira tuti bagenzi bawe batubwiye ko bafite umurongo nk'Abanyaburayi aravuga ati 'ariko ni twe Banyaburayi.' Kubera iki tugomba kwemera ibyo abandi batubwira?'

'Byari n'amahirwe yo kubabwira ko amateka u Bubiligi bufitanye n'aka karere cyane cyane u Burundi na Congo bidaha u Bubiligi uburenganzira bwo kubaha ibitekerezo by'uburyo bifata.'

'Abenshi bakavuga bati rero uko u Burayi buteye tuzi ko u Bubiligi ari bwo buzi aka karere muturukamo. Kubera ko ari bwo bubazi cyane, ubundi umurongo bwajyaga butanga ni wo dukunda kugenderaho kuko ni bo bafite n'abakozi benshi bari mu karere.'

Abasenateri bahamije ko kuba barabashije gusobanura iby'iki kibazo bizatuma u Bubiligi buzakomeza kwifata nk'aho ari bwo soko y'amakuru ku Rwanda n'akarere.

Sena y'u Rwanda yemeje ko hakwiye kongerwa uburyo amatsinda atandukanye agirana ubucuti n'ibiganiro bituma gahunda zirebana n'u Rwanda zumvikana mu bihugu bitandukanye.

Senateri Usta Kaitesi yavuze ko u Bubiligi bwakwije ikinyoma mu bihugu by’i Burayi bwitwaje amateka y’igihugu

Inteko Rusange ya Sena yashimye ko Abasenateri bari bahagarariye u Rwanda basobanuye neza ikibazo cy’u Rwanda na RDC

Itangazo ryashyizwe hanze na OGS, Mukuralinda yakoreraga, kuri uyu wa Gatanu tariki 4 Mata, rigira riti 'Tubabajwe no gutangaza urupfu rw'Umuvugizi wa Guverinoma wungirije, Bwana Alain Mukuralinda. Guverinoma y'u Rwanda yihanganishije umuryango we, inshuti ze ndetse n'abagize amahirwe yo gukorana na we.'

ANNOUNCEMENT

We are deeply saddened to announce the passing away of our colleague Alain Mukuralinda, Deputy Government Spokesperson.
—

ITANGAZO

Tubabajwe no gutangaza urupfu rw'Umuvugizi wa Guverinoma wungirije, Bwana Alain Mukuralinda.
—

COMMUNIQUÉ

Nous avons la… pic.twitter.com/mIX9ytYbfc

— Rwanda Government Communications (@RwandaOGS) April 4, 2025

Mukuralinda yapfuye aguye mu bitaro byitiriwe Umwami Faisal.

Mukuralinda wabaye Umushinjacyaha ndetse akaba n'Umuvugizi w'Ubushinjacyaha, yaguye mu bitaro byitiriwe Umwami Faisal. Yari afite imyaka 55 y'amavuko.

Uyu mugabo wakundaga kwicisha bugufi, usibye ibikorwa by'ubutabera na politiki, yari azwi kandi mu bijyanye n'imyidagaduro kuko yabaye umuhanzi w'ikirangirire akoresha izina rya 'Alain Muku'.

Yavutse mu 1970, yiga amashuri abanza mu Rugunga, ayisumbuye ayakomereza i Rwamagana yiga Icungamutungo, aho yavuye ajya muri Kaminuza y'u Rwanda mu 1991 gusa ntiyahamara igihe kinini kuko yahise ajya kwiga mu Bubiligi ibijyanye n'amategeko.

Mu mirimo ye nk'Umushinjacyaha, yaburanye imanza zikomeye mu gihugu zirimo n'iz'abakoze ibyaha bya Jenoside yakorewe Abatutsi.

Ni umuntu wakundaga gusabana no gutera urwenya. Yakundaga umupira cyane ko yari afite n'ikipe y'abato. Ni we wahimbye indirimbo y'Ikipe y'Igihugu Amavubi yitwa 'Tsinda batsinde' ndetse yahimbye n'izindi zakunzwe z'andi makipe.

Alain Mukuralinda yitabye Imana

Mukuralinda yari Umuvugizi wungirije wa Guverinoma y’u Rwanda

Yari umuntu ukundwa na benshi, dore ko ngo nta we ukundwa na bose, yakundirwaga umutima mwiza, kwicisha bugufi no koroherana, kugira ukuri n'ubunyangamugayo, ariko benshi bamukundiraga ko yakundaga no gushyenga kandi ntabe igifura. Aho yirirwaga nta rungu.

Mukuralinda yabonye izuba mu 1970, avukira mu Karere ka Rulindo mu Ntara y'Amajyaruguru, nubwo umuryango we n'umuryango we bahise wimukira i Kigali, ubwo yari afite imyaka ibiri.

Amashuri abanza yayize mu Rugunga, ayisumbuye ayiga i Rwamagana muri Saint Aloys yiga Icungamutungo, aho yarangije mu 1990, yitegura kujya kwiga muri Kaminuza y'u Rwanda, ariko uwo mwaka ntibabasha kujyayo kubera intambara, ibyatumye mu 1991 ajya kwiga mu Bubiligi ibijyanye n'amategeko.

Akiva kwiga mu Bubiligi, yagarutse mu Rwanda atangira akazi k'Ubushinjacyaha, kuva mu 2002 kugeza mu 2015, nyuma umugore we yabonye akazi mu Buholandi ku cyicaro cya Heineken, bituma asaba guhagarika akazi mu gihe kitazwi ajyana n'umugore we kuba mu Buholandi, aho bamaze imyaka ine, nyuma berekeza muri Côte d'Ivoire, mbere y'uko bagaruka gutura mu Rwanda, ubwo umugore we yari abonye akazi muri Bralirwa.

Kuva mu 2002 agera mu Bushinjacyaha yakoreye mu bushinjacyaha bw'Urukiko rw'Ubujurire i Kigali, mu 2004 habayeho ivugururwa ry'ubutabera akomereza mu rukiko rwa Nyamirambo, Gasabo na Rwamagana.

Yaburanye imanza zikomeye zirimo iz'abakoze ibyaha bya Jenoside yakorewe Abatutsi. Ni umwe mu bari bagize itsinda ry'abashinjacyaha bashinjaga Ingabire Victoire mu rukiko rukuru rwa Kigali akaba kandi yari mu itsinda ry'abashinjacyaha bashinja Dr. Leon Mugesera.

Mukuralinda kandi yasohoye n'igitabo yise “Qui manipule qui?” kigaruka ku migendekere y'urubanza rwa Ingabire, aho yagiye agaragaza ibimenyetso bifatika bishimangira uburyo Ingabire Victoire yigaragazaga nk'uharanira demokarasi n'uburenganzira bwa muntu nyamara mu ibanga atera inkunga imitwe yitwaje intwaro.

Mukuralinda kandi yagezeho anaba umuvugizi w'Ubushinjacyaha.

Umunyamuziki ukunda numupira

Mukuralinda yavugaga ko yatangiye umuziki yiga mu mashuri abanza aririmba muri korari z'abana mu kiliziya, nyuma agiye mu yisumbuye akomeza kuba mu miryango y'urubyiruko gatolika, aho bahimbaga indirimbo n'imivugo bitandukanye.

Ubwo yari arangiye ayisumbuye ni bwo yanditse indirimbo ye ya mbere ayijyana no muri studio, aho yafatanyije n'abandi basore bari inshuti ze bashinga Orchestre yitwaga Galaxy Band, nubwo nyuma hagiye hiyongeramo abandi, nyuma we aza gusa n'uyivuyemo ubwo yajyaga kwiga mu Bubiligi mu mpera za 1991.

Ageze mu Bubiligi, yakomeje umuziki ku giti cye abifataya n'amasomo, avuga ko muri icyo gihe cyose, byarangiye akoze album nk'ebyiri ubwo yari ari ku ishuri mu Bubiligi.

Aho agarukiye mu Rwanda avuye kwiga mu Bubiligi, Mukuralinda yakomeje gukora indirimbo zitandukanye, zirimo izo kwamamaza, izo mu kiliziya n'iz'amakipe atandukanye, zirimo n'iy'ikipe y'igihugu yamenyekanye cyane, 'Tsinda Batsinde'.

Nubwo yaririmbye idnrimbo z'amakipe arimo Mukura VS, Rayon Sports na APR FC, Mukuralinda yari umufana ukomeye wa Kiyovu Sports, ikipe na yo yakoreye indirimbo na yo ikundwa n'abatari bake.

Uretse kuba umuhanzi ku giti cye, Mukuralinda yari n'umushoramari mu muziki, aho yagiye afasha abahanzi batandukanye yabonagamo impano barimo Clarisse Karasira, Nsengiyumva François a.k.a Igisupusupu n'abandi, binyuze mu kitwa 'Boss Papa', yagiye ategura amarushanwa atandukanye yo gushaka abanyempano mu muziki, arimo iryitwaga 'Hanga Higa'.

Ubwo yavugaga ku ndirimbo yahimbiye Ikipe y'Igihugu, Mukuralinda mu kiganiro yigeze kugirana na Televiziyo Rwanda, yavuze ko ari indirimbo yakoze ku ntego ndetse atayifata nk'iye kubera ko iza mu za mbere zakorewe Ikipe y'Igihugu.

Ati 'Nkubwije ukuri iriya ndirimbo ntabwo ikiri iyanjye, yabaye iy'Amavubi, iy'Abanyarwanda, ni uko mbifata. Kuyumva ni byiza birashimisha kandi buriya nayikoze ari intego. Imyaka ibaye 20 isohotse abana b'ubu barayikunda ndetse n'iyo babonye ari njye wayikoze baratangara cyane.'

Yakomeje avuga ko iyi ndirimbo ubwo yasohokaga yanifashishijwe mu matora y'Umukuru w'Igihugu mu 2003.

Ati 'Mu matora ya mbere iriya ndirimbo yarakoze, abantu bataratangira gukora izijyanye n'amatora. Buriya nari nayise ishema ry'u Rwanda nyijyanye kuri Radio Rwanda izina bararihindura.'

Mukuralinda yagaragaje ko izi ndirimbo yahangiye amakipe azifiteho urwibutso kuko bazicuranze mu bukwe bwe.

Ati 'Mu bukwe bwanjye twageze hagati, uvanga imiziki ashyiramo iya Kiyovu kuko ari yo mfana maze harashya (harashyuha cyane). Yahise akurikizamo iya Rayon Sports ubundi harakongoka, bariya bantu ntabwo umenya aho bavuye (Aba-Rayon) niyo waba uri muri Australia.'

Uretse guhanga indirimbo z'amakipe no kuba umufano w'umupira, yari yaranawushoyemo agamije kuzamura impano, yashinze irerero (academie) ry'umupira w'amaguru ndetse rifite n'ikipe mu kiciro cya kabiri ryitwa 'Tsinda Batsinde', igitekerezo yavugaga ko cyavuye ku rukundo rw'umupira yakuranye ndetse no kuba yarabonye abana b'Abanyarwanda bafite impano batahabwaga amahirwe.

Ubwo yigaga mu mashuri yisumbuye, Mukuralinda yabaye umukinnyi w'umupira w'amaguru, aba umusifuzi mu marushanwa ya inter-scholaire, rimwe na rimwe akaba umutoza iyo umutoza mukuru yabaga adahari.

Urwo rukundo rw'umupira ndetse no kuba yarabonye hari impano z'abana b'Abanyarwanda zidatezwa imbere, yabishingiyeho ashinga 'Tsinda Batsinde', ariko ashingiye ku buryo yabonye mu Buholandi aho yabaye imyaka itatu, bita ku mpano z'abana bakiri bato, ayituza mu Karere ka Rulindo.

Mukuralinda yari umuntu w'abantu, akagira urugwiro yakira neza bose nta we asubije inyuma, ibyo byahamwa n'abanyamakuru bagiye bamwegera ubwo yari Umuvugizi wungirije wa Guverinoma, ntiyabahungaga ahubwo yabafashaga kubona amakuru bashaka mu buryo bukwiriye, bitari ibyo gusa kuko n'abandi babana mu buzima busanzwe bamubaraga mu nyangamugayo.

Asize umugore n'abana babiri, umungu n'umukobwa.

Mukuralinda yakundwaga na benshi

Mukuralinda yakundaga gusabana, akagira urugwiro ndetse no gutebya

Byagarutsweho ku wa 4 Mata 2025, ubwo Komisiyo y'Imibereho y'Abaturage n'Uburenganzira bwa Muntu muri Sena yagezaga raporo y'ingendo yakoze mu mashuri y'imyuga n'ubumenyingiro mu gihugu.

Gahunda ya Leta iteganya ko nibura muri buri kagari hazaba hari ishuri ryigisha imyuga n'ubumenyingiro by'igihe gito, ni ukuvuga amezi atandatu kugeza ku mwaka bikazagerwaho mu 2029.

Iyi raporo igaragaza ko kugeza mu 2029 hazubakwa amashuri ya VTC 2.044, mu gihe amashuri y'imyuga n'ubumenyingiro y'icyitegererezo azubakwa ari 30.

Ubugenzuzi bw'Urwego rw'Igihugu rushinzwe Ibizamini n'Ubugenzuzi bw'Amashuri, NESA, bwa 2024/2025 bugaragaza ko amashuri ya TVET ari 558, arimo TSS 272 zingana na 59,4% zujuje ibisabwa, mu gihe TSS 186 zingana na 40,6% zitujuje ibisabwa, na ho VTC 66 zingana na 41,8% zari zujuje ibisabwa, mu gihe VTC 92 zingana na 58,2% basanga zitujuje ibisabwa.

Senateri Bideri John Bonds yavuze ko kuva mu 2008, amashuri y'imyuga n'ubumenyingiro atangira guhabwa imbaraga, hashyizwemo imbaraga nyinshi, bityo ko hanarebwa ku buryo amashuri ashingwa mu gace aba abyaza umusaruro ibihaboneka.

Ati 'Icyo twasaba ni uko aya mashuri ya VTC akwiye guhuzwa n'ibikoresho bishobora kuboneka mu karere, dutange urugero nk'ahantu hari amashyamba menshi, ishuri rijyanye no gukora inzugi z'ibiti, ubwubatsi butandukanye byagashyizwe imbere kugira ngo nibura abana basohotse muri ayo mashuri bakoreshe ibikoresho biboneka muri ako gace.'

Perezida wa Komisiyo, Umuhire Adrie, yatangaje ko amashuri ya VTC yigisha abana benshi ku buryo atanga umusaruro aho bikora neza.

Ati 'Aya mashuri arimo n'abafite diplôme za A2, wa wundi ushobora kuvuga ngo njye nkeneye kwiga umwuga wo guteka, akajya kwihugura amezi atandatu cyangwa umwaka cyangwa se akaba yaracikirije amashuri.”

“Twasanzemo abana bavuye mu bigo ngororamuco biga muri aya mashuri, hari abakobwa babyariye iwabo bagacikiriza amashuri bakajya kwiga muri VTC kugira ngo nibura babone umwuga bihuguramo kandi bakabona akazi.'

Gahunda yo gushyiraho amashuri ya VTC mu gihugu igamije gufasha Abanyarwanda kwiga mu gihe gito imyuga yifuza hadashingiwe ku byo yize mbere.

Imibare igaragaza ko abanyeshuri bose biga mu mashuri ya tekinike, imyuga n'ubumenyingiro barenga ibihumbi 115 barimo abakobwa 51.557 bangana na 44,6% mu gihe abahungu ari 63.959 bangana na 55,4%, imibare igaragaza ko abiga muri iki cyiciro bavuye kuri 31% ugera kuri 43% mu myaka itanu ishize.

Abiga amasomo y’igihe gito bahita bajya mu mirimo

Mu gitondo cyo kuri uyu wa 4 Mata 2025 ni bwo Ibiro by'Umuvugizi wa Guverinoma y'u Rwanda byatangaje ko uwahoze ari Umuvugizi wungirije, Alain Mukuralinda wamenyekanye nka “Alain Muku”, yitabiye Imana mu bitaro byitiriwe Umwami Faisal, azize guhagarara k'umutima.

Ibi biro byagize biti “Tubabajwe no gutangaza urupfu rw'Umuvugizi wa Guverinoma wungirije, Bwana Alain Mukuralinda, akaba yitabye Imana aho yari arwariye mu Bitaro bya KFH azize guhagarara k'umutima. Guverinoma y'u Rwanda yihanganishije umuryango we, inshuti ze ndetse n'abagize amahirwe yo gukorana na we.”

Ni inkuru yashenguye benshi kuva ku rubyiruko dore ko yari inshuti yarwo kugeza ku bakuze, ubona ko batiyumvisha uburyo uyu munyamurava wari inzobere mu by'amategeko yabavuyemo.

Mu bashenguwe n'urupfu rwa Mukuralinda w'imyaka 55 y'amavuko, barimo n'Umuvugizi wa Guverinoma y'u Rwanda, Yolande Makolo, wagaragaje ko yari umunyempano kandi n'umuntu ufite urukundo.

Makolo yagize ati “Umunsi w'akababaro kuri twese muri OGS. Urugendo rwiza mugenzi wanjye ukaba n'inshuti yanjye Alain. Tubuze umunyempano, umuntu urangwa n'urukundo, umutima mwiza kandi twishimiye kumumenya. Tuzakumbura umwuka mwiza yazanye mu itsinda ryacu. Ruhukira mu mahoro n'urukundo.”

Ambasaderi w'u Rwanda muri Kenya, Martin Ngoga, yatangaje ko Mukuralinda yakoreye igihugu n'ubwitange, agaragaza ko abagize amahirwe yo gukorana na we ari abahamya b'uko yari umuntu udasanzwe.

Uyu mudipolomate wakoranye na Mukuralinda mu Bushinjacyaha Bukuru, yagize ati “Alain Mukuralinda yari umuntu mwiza wakoreye igihugu cye mu bwitange. Yari umunyamwuga ukora neza, umuhanzi w'umunyempano n'umukozi mwiza ku bagize amahirwe yo gukorana na we. Asize umurage ugaragara. Ruhukira mu mahoro nshuti twakoranye.”

Umunyamakuru akaba n'umuhanzi w'imideli, Dady de Maximo Mwicira-Mitali yatangaje ko Abanyarwanda babuze umugabo wakundaga umurimo, yifuriza Mukuralinda kuruhukira mu mahoro.

Mu butumwa yanyujije ku rubuga nkoranyambaga rwa X, Dady de Maximo yagize ati “Igihugu tubuze umugabo wakundaga umurimo. Naruhukire mu mahoro.”

Umuvugizi w'Umujyi wa Kigali, wanakoranye na Mukuralinda mu biro by'Umuvugizi wa Guverinoma, Emma-Claudine Ntirenganya, yatangaje ko uwakoranye na we ari we washobora kumenya icyuho asize.

Ati “Biragoye kumva agahinda umuryango usigaranye. Ku muryango wa Alain, Imana ibakomeze muri ibi bihe bitoroshye! Uwagize amahirwe yo kumenya Alain no kubana cyangwa gukorana na we, ni we wabasha kumva agace gato cyane k'icyuho abasigiye. Mwihangane cyane kandi nta gushidikanya Uwiteka yabonye imirimo ye myiza yose.”

Umunyapolitiki Dr. Frank Habineza uyobora ishyaka DGPR riharanira demokarasi no kurengera ibidukikije, yihanganishije umuryango, abakoranaga na Mukuralinda, inshuti ze n'Abanyarwanda muri rusange ku bw'iyi nkuru y'akababaro.

Dr. Habineza yagize ati “Dushenguwe n'urupfu rw'Umuvugizi wa Guverinoma yacu wungirije, n'umunyamuryango w'umuryango w'abanyamategeko. Agire iruhuko ridashira. Twihanganishije umuryango we, abo bakoranaga bya hafi muri OGS, inshuti ze n'Abanyarwanda bose.”

Umunyamakuru Jean Pierre Kagabo w'Ikigo cy'Igihugu cy'Itangazamakuru (RBA) ni umuhamya w'ubuhanga n'ubwitange bwa Mukuralinda, yiboneye inshuro nyinshi ubwo bagiranaga ibiganiro.

Kagabo yagize ati “Nshenguwe n'urupfu rw'Umuvugizi wa Guverinoma wungirije, Alain Mukuralinda. Nagize icyubahiro ubwo nagiranaga ibiganiro na we imyaka myinshi, kandi ubuhanga n'ubwitange yagize mu nshingano ze ntibizibagirana. Ndihanganisha mbikuye ku mutima umuryango we n'abo bakoranye.”

Umudepite mu Nteko Ishinga Amategeko y'u Rwanda, Germaine Mukabalisa, yifurije Mukuralinda kuruhukira mu mahoro, asaba Imana gukomeza abo yasize barimo umuryango n'inshuti zose. Ati “Ruhukira mu mahoro Muku. Imana ikomeze umuryango wawe n'inshuti zawe zose.”

Umunyamakuru Jean-Luc Imfurayacu yagaragaje ko Mukuralinda yazamuye impano z'abakinnyi b'umupira w'amaguru, binyuze mu ikipe yashinze yitwa “Tsinda Batsinde”. Yaboneyeho kwihanganisha abagize iyi kipe ku bwo kubura umuntu w'ingenzi.

Ati “Yari umuyobozi w'ikipe ya Tsinda Batsinde, akaba na nyirayo. Imaze kugira uruhare mu kurera abana benshi, bari mu makipe atandukanye hano mu Rwanda. Mwihangane.”

Mu mvugo ya gisizi, umusizi w'icyogere Junior Rumaga yagaragaje ko Mukuralinda atashye mu nkuba, ati “Taha mu nkuba, u Rwanda rwongere kwikuba, ubwa kenshi Rwandarugari, uwabayeho arababwa ntapfa. Utube, tukube A. Mukuralinda.”

Umusore witwa Byukavuba ukoresha urubuga nkoranyambaga X yagaragaje ko Mukuralinda yaharaniye ubutabera, anarwana urugamba rwo kurwanya amakuru y'ibinyoma nk'Umuvugizi wa Guverinoma yungirije, amwifuriza kuruhukira mu mahoro.

Byukavuba uzwi na none nka “Sir Uracyaryamye?” yagize ati “Yaharaniye ubutabera, anarwanya gitwari amakuru y'ibinyoma. Aruhukire mu mahoro.”

Mu gihe cy'amakimbirane y'u Rwanda na Repubulika Iharanira Demokarasi ya Congo, Mukuralinda yagize uruhare rukomeye mu gusobanura impamvu nyakuri yayateye, agaragaza ibinyoma by'ubutegetsi bwa Kinshasa bigamije guharabika u Rwanda. Yanasabye Abanyarwanda kurwana urugamba rwo kugaragaza ukuri.

Alain Mukuralinda yitabye Imana afite imyaka 55 y’amavuko

A sad sad day for all of us at OGS. Go well my dear colleague and friend Alain. We have lost a talented, loving, gentle soul and we are grateful to have known him. We will miss the positive spirit Alain brought to the team. Rest in peace and love. 🙏🏾 https://t.co/nDVcLzxLJJ pic.twitter.com/Zb8zvUdZN3

— Yolande Makolo 🇷🇼 (@YolandeMakolo) April 4, 2025

De cœur avec vous. Mubuze umunyamurava, igihugu tubuze umugabo wakundaga umurimo. Naruhukire mu mahoro .

— Dady de Maximo Mwicira-Mitali 🇷🇼 🏳 (@DadydeMaximo) April 4, 2025

'Urakoze Alain Muku ku rugendo rw'ubuhanzi watangiye ukiri muto, no ku musanzu wawe mu guteza imbere impano nyarwanda. Ubwitange bwawe ni isoko y'ihumure n'ihumure kuri benshi!'

Warakoze cyane waduhaye ibyishimo turi bato Ruhuka iteka..

Muku😢 pic.twitter.com/zQstuSoeQd

— Urinde Wiyemera? (@kemnique) April 4, 2025

Alain MUKURARINDA was a good man who served his nation with dedication. He was a brilliant professional, a talented artist, and a wonderful colleague to those who had an opportunity to work with him. He leaves behind a remarkable legacy. Rest in peace, dear friend and colleague. https://t.co/yku1XofhFF

— Martin K.Ngoga (@martin_ngoga) April 4, 2025

Deeply saddened by the passing of Alain Mukuralinda, Deputy Govt Spokesperson. I had the privilege of conducting numerous interviews with him over the years, and his wisdom and dedication to his role will never be forgotten. My heartfelt condolences to his family and colleagues. pic.twitter.com/80P4ljnRh1

— Jean Pierre KAGABO (@peterkagabo) April 4, 2025

TAHA MU NKUBA, U RWANDA RWONGERE KWIKUBA UBWA KENSHI RWANDARUGARI, UWABAYEHO ARABABWA NTAPFA🤝

UTUBE TUKUBE A. MUKURALINDA pic.twitter.com/2mL3dre7R7

— RUMAGA (@juniorrumaga) April 4, 2025

Biragoye kumva agahinda umuryango usigaranye.
Famille Alain, Imana ibakomeze muri ibi bihe bitoroshye!
Uwagize amahirwe yo kumenya Alain no kubana cyangwa gukorana na we, ni we wabasha kumva agace gato cyane k'icyuho abasigiye.
Mwihangane cyane kandi nta gushidikanya Uwiteka… pic.twitter.com/88ms3F0O6s

— Emma Claudine (@EmmaClaudine) April 4, 2025

We are very saddened by the passing away of our Deputy Gov Spokesperson and member of the legal fraternity. May his soul rest in eternal glory. Our sincere condolences to his family, to his close associates at OGS, his friends and all Rwandans.

— Dr.Frank Habineza (@Drfrankhabineza) April 4, 2025

He stood for justice and bravely fought against misinformation.

May he Rest in Peace. pic.twitter.com/y3kBrG86g8

— Sir. Uracyaryamye (@byukavuba) April 4, 2025

Ruhukira mu mahoro Muku 💔. Imana ikomeze umuryango wawe n’inshuti zawe zose 🤍.

— Germaine Mukabalisa (@gmukabalisa) April 4, 2025

SAD NEWS: Alain MUKURARINDA YITABYE IMANA.

Yari umuyobozi w'ikipe ya TSINDA BATSINDE, Akaba na NYIRAYO.

Imaze kugira uruhare mu kurera abana benshi, bari mu makipe atandukanye hano mu RWANDA.

MWIHANGANE… @bbkigalifm 89.7 FM pic.twitter.com/SG4CCgsvUZ

— IMFURAYACU Jean Luc (@imfuraluc01) April 4, 2025