Abo barwayi bashya 43 babonetse mu bipimo 2,759 bakaba barimo uwabonetse i Kigali:1, Kirehe:1, Muhanga:36 (abapimwe muri Gereza ya Muhanga), Nyamagabe:2, Rubavu:2, Rwamagana:1
Kugeza kuri uyu wa Gatanu mu Rwanda abamaze kwandura icyo cyorezo ni 5,362 muri bo abamaze gukira ni 4,993 naho abakivurwa ni 328.
Abamaze kwicwa na COVID-19 mu Rwanda bose hamwe ni 42. Umuntu wa 42 wishwe na COVID-19 ni umugabo w’imyaka 72 y’amavuko witabye Imana ari i Rwamagana.
A total of 56 Burundians are stranded at Port of Kabonga in Nyanza-lac commune in Makamba province.
Reports indicate that they include; 49 men, 3 women and 4 children, they were dumped at the fishing port village on Monday but are currently living in very bad conditions according to local media.
According to sources quoted by Iwacuburundi, before deporting these Burundians from neighbouring DRC, the Congolese authorities accused them of being irregulars without required documents. These returnees say they travelled to the DRC in search of work.
For the moment these suppressed returnees are in an untenable situation, they have no food, they sleep outside as they continue waiting for their documents to be processed. But before that, the police will have to identify them before allowing them to return to their original villages in mainland Burundi.
Health officials in Nyanza-Lac mobilized to organize samples in order to test for covid-19 on these returnees.
Source : https://taarifa.rw/56-burundians-deported-from-drc/
President Felix Tshisekedi has been urged to completely disarm his predecessor Joseph Kabila as a means of clipping his feathers and cutting down the influence he wields.
With the ongoing consultations, National Député Coco Mulongo said on Friday that President Tshisekedi met with the H. Katanga, Lualaba and Tanganyika parliamentary caucuses.
'I told him of my concern, that of demilitarizing the senator for life [Joseph Kabila], so that he would not be accused of having a militia. Message received and taken seriously,' said National Député Coco Mulongo.
The ongoing consultations initiated by President Felix Tshisekedi, the Common Front for Congo (FCC) political movement led by former President Joseph Kabila had rejected to participate in these consultations.
However, on Friday, the Common Front for Congo (FCC) said it has authorized its Governors, within the framework of the Governors' Conference, to meet President Felix Tshisekedi.
'The FCC remains respectful of inter-institutional consultations. It is within this framework that, as with the Conference of Governors, the party authorized its senior Provincial Governors to meet with the Head of State,'said Prof Nehemie Mwilanya via twitter.
The FCC platform of the former President Kabila had said, at the end of the 2nd retreat held last weekend at Safari Beach that it would not participate in the consultations of Félix Tshisekedi, but that it was ready to discuss within the framework of the coalition agreement that the old and the new head of state had signed.
DRC President Félix-Antoine Tshisekedi Tshilombo met with the Governors of the Provinces, on the eleventh day of the Presidential Consultations.
Despite this boycott stance, certain personalities and FCC deputies still present themselves to President Tshisekedi's consultations under various hats, they include; Â Pius Muabilu, Henri Thomas Lokondo, Lambert Mende, Ngoy Kasanji, Denis Kambayi, etc.
Meanwhile, Prof Nehemie Mwilanya has come under fire and is being criticized for considering some governors as property of the FCC contrary to the provisions of the constitution.
'Can Prof Nehemie Mwilanya, a doctor of law in his state, repeat these remarks in front of his own law students? It is truly to despair of the civic education of our elite of tomorrow! Governors are first and foremost governors of the Republic,' queried Franck Kayembe, Member of Ontario College of Teachers -Organizational Development Advisor.
Source : https://taarifa.rw/disarm-joseph-kabila-congolese-legislator-challenges-president-tshisekedi/
Ni amarushanwa yiswe Innovation Accelerator(iaccelerator) abaye ku nshuro ya gatatu kuva mu mwaka wa 2016, aho imishinga itatu ya mbere ihabwa amafaranga angana n’amadolari ya Amerika ibihumbi 10 (akabakaba amanyarwanda miliyoni 10).
Nk’urugero, Dr Muzungu Hirwa ukora ku bitaro byo ku Munini mu Karere ka Nyaruguru avuga ko muri 2016 ubwo yigaga muri Kaminuza, we na bagenzi be basuye inkambi y’impunzi i Mahama basanga abana b’imyaka 12 bahetse abandi, bagira ngo ni barumuna babo ariko baje kumenya ko ari abo bibyariye.
Bagarutse batewe impungenge n’abana b’Abanyarwanda bashobora guhura n’icyo kibazo, ni ko gushyiraho urukuta rwa Facebook bakajya bashyiraho amakuru ajyanye n’ubuzima bw’imyororokere.
Nyuma yaho muri 2017 batanze uyu mushinga mu marushanwa ya iaccelerator, uza mu ya mbere ihabwa amafaranga awufasha gukora ikoranabuhanga(app) muri telefone, ndetse no gushinga urubuga rwa murandasi rwitwa tantine.rw
Dr Hirwa ati “Kuva icyo gihe amakuru yacu amaze kugera ku rubyiruko rungana na miliyoni imwe, muri abo bose abangana na 40% ni ababa bifuza kumenya imiterere n’imikorere y’umubiri wabo, abandi 30% bakaba ari ababa bashaka kumenya uko bakwirinda gutwita”.
Dr Hirwa akomeza avuga ko icyo bishimira ari uko bakuyeho urujijo n’amakuru ayobya abana, akabashora mu busambanyi no kutirinda gutwita imburagihe.
Ibi ariko ntibivuze ko ikibazo cy’inda mu bangavu cyarangiye nk’uko byasobanuwe na Minisitiri w’Ubuzima, Dr Daniel Ngamije uvuga ko imibare yo muri 2015 yagaragazaga ko abangavu batewe inda ari 7.3% by’ababyeyi bose mu gihugu batwise icyo gihe.
Dr Hirwa we akavuga ko aba batwita bashobora kuba batarasuye urubuga rwe, kuko abenshi mu baturarwanda bataragira mudasobwa na telefone zigezweho zabaha amakuru ku buzima bw’imyororokere.
Na none muri iaccelerator y’uyu mwaka impamvu Imbuto Foundation yongereyemo n’abafite ibisubizo ku buzima bwo mu mutwe, ni umubare munini w’abantu bagana ibitaro kubera ubwo burwayi.
Impuguke mu bijyanye n’ubuzima bwo mu mutwe, Dr Emmanuel Musoni avuga ko kugeza ubu Abaturarwanda bangana na 12% bafite agahinda gakabije kavamo uburwayi bwo mu mutwe, byagera ku barokotse Jenoside bakarenga 50% muri bo.
Umuyobozi Mukuru wa Imbuto Foundation, Umutoni Sandrine, avuga ko ibi bihe bya Covid-19, urubyiruko rusabwa kongera imbaraga mu kwirinda no kurinda bagenzi babo inda zidateguwe n’ibibazo byo mu mutwe.
Ati “Ibi bihe bya Covid-19 bishobora kuba icyanzu cy’uko ibibazo by’inda ziterwa abangavu ndetse n’ibijyanye n’ubuzima bwo mutwe bishobora kwiyongera hatagize igikorwa”.
Minisitiri w’Urubyiruko, Rosemary Mbabazi agira inama urubyiruko ko ushoboye kureba kure akamenya uko ibihe bizamugendekera mu gihe kizaza, adashobora kwemera gushukwa ngo bamutere inda cyangwa kwiha ibiyobyabwenge.
Imbuto Foundation ivuga ko kuva gahunda ya iaccelerator yatangira muri 2016 imaze gufasha imishinga irindwi y’urubyiruko guteza imbere ibizubizo ku buzima bw’imyororokere.
Uwifuza kwitabira amarushanwa ajya ku rubuga www.imbutofoundation.org/iaccelerator , akareba ahanditse ‘apply here’, akajya yuzuza imbonerahamwe buri gihe uko abonye umwanya bitarenze tariki 13 Ukuboza 2020.
Mu bizagenderwaho harimo kuba umuntu cyangwa itsinda ry’urubyiruko rurushanwa bafite imyaka y’ubukure hagati ya 18-30, bakazaba bashobora kugaragaza uburyo bakwigisha cyangwa bafasha abantu benshi bashoboka kwirinda inda ziterwa abangavu n’uburwayi bwo mu mutwe.
Gutegura aya marushanwa ya iaccelerator, Imbuto Foundation ibifatanyijemo na Minisiteri y’Urubyiruko, Ishami ry’Umuryango w’Abibumbye rishinzwe Abaturage(UNFPA) hamwe n’Ikigo gishinzwe ubutwererane mpuzamahanga cya Koreya y’Epfo(KOICA).
Amvubi y’u Rwanda yaraye anganyije na Cape Verde na 0-0 mu mukino w’umunsi wa 3 mu itsinda F mu gushaka itike y’igikombe cy’Afurika cya 2022, n’ubwo nta gitego cyabonetsemo ariko umuntu wese warebye uyu mukino aracyatekereza ku munyezamu Kwizera Olivier.
Ni umukino wabereye kuri Estadio Nacional Cabo Verde muri Cape Verde ku mugoroba w’ejo hashize aho amakipe yombi yanganyije 0-0.
Amavubi yinjiye muri uyu mukino abizi neza ko asabwa kuwutsinda ku kabi na keza ari nayo mpamvu abasore bayo bagerageje kwitanga bagakora ibishoboka byose n’ubwo ibitego byabuze.
Muri rusange Cape Verde yarushije Amavubi ndetse yabonye n’amahirwe menshi aba yavuyemo ibitego ariko umunyezamu Kwizera Olivier yabaye maso iminota 90 yose.
ISIMBI yifashishije bamwe mu banyamakuru bakurikiranye uyu mukino ndetse n’abatoza, batanze amanota ku bakinnyi b’u Rwanda bakinnye uyu mukino uko ari 11 babanje mu kibuga na 2 bagiyemo basimbura.
Umunyezamu Kwizera Olivier 9 pts
Ni umunyezamu wari umaze i imyaka 2 adakandagira mu izamu ry’u Rwanda, yaherukagamo ku wa 9 Nzeri 2018 ubwo Amavubi yatsindwaga na Cote d’Ivoire 2-1 nabwo hari mu gushaka itike y’igikombe cy’Afurika cya 2019, yaje gukora ikosa ryavuyemo igitego bituma atakaza umwanya we.
Uyu munyezamu ku mugoroba w’ejo ni we wari wagarutse mu izamu, yakoze akazi gakomeye aho yahanganye n’abasore ba Cape Verde akuramo imipira yabo yakabaye yavuyemo ibitego irenga 6, ni umusore wagaragaje ko ari mu mukino kuva ku munota wa mbere kugeza ku wa nyuma.
Abakinnyi 4 bakinnye mu bwugarizi
Mu bwugarizi bw’u Rwanda, nyuma y’uko Nirisarike Salomon ataje kubera icyorezo cya Coronavirus yanduye, mu mutima w’ubwugarizi hakinnye Rwatubyaye Abdul na Manzi Thierry. Ni Abasore bagaragaje gutuza cyane ndetse birinda gukora amakosa menshi atari ngombwa.
Wabonaga ko birinda cyane ko binjiranwa mu rubuga rw’amahina n’inshuro byabaye cyane ko basatirwaga cyane birinze kuba bakora amakosa yavamo penaliti.
Bagaragaje guhuza ariko Rwatubyaye yagaragaje gukinisha imbaraga n’ubwenge yambura imipira ba rutahizamu ba Cape Verde kuri tackles ze azwiho, ejo byari byamuhiriye. Abudul yahawe amanota 8.5, Manzi Thierry ahabwa 8.
Abugarira ku mpande Imanishimwe Emmanuel na Omborenga Fitina, ni bamwe mu basore bahuye n’akazi gakomeye, byatumye Amavubi adasatira cyane nk’uko bisanzwe bizwi ko aba basore babafasha gusatira bahindura impira imbere y’izamu, ntabwo byaraye biboroheye cyane bitewe n’uko Amavubi nayo yasatirwaga.
Mu gice cya mbere Mangwende ntabwo yagaragaye cyane kuko yasaga n’uwugarira cyane bituma adatanga ibimipira myinshi, Omborenga na we mu gice cya mbere yahinduye imipira n’ubwo itari myinshi, mu gice cya kabiri aba basore batinyutse nabo batangira kuzamuka batanga akazi kuri Cape Verde. Omborenga yahawe amanota 6.5 Mangwende ahabwa 6.
3 bakinnye hagati
Hagati h’u Rwanda hakinnye Yannick Mukuzi, Ally Niyonzima imbere yabo gato hari Djihad Bizimana.
Ni abasore bagaragaje guhuza cyane nk’ibisanzwe Yannick ku mikino minini aba yiteguye kandi nta makossa akora, ni umwe mu basore batatumye hagati ha Cape Verde hadahumeka kuko yabashyiragaho igitutu, yambura imipira myinshi, Ally Niyonzima nawe ari hafi ye amufasha kwaka imipira bahita bayitanga kwa Djihad wagaburiraga ubusatirizi, yari yasabwe n’umutoza ko mu gihe umupira watakaye agaruka hagati gufasha ba Yannick, ibintu yakoze neza cyane. Yannick yahawe amanota 8, Ally 7.5 Djihad 7.
3 basatiraga
Ubusatirizi bw’u Rwanda bwarimo Jacques wanyuraga ku ruhanderw’iburyo, Haruna wacaga ku ruhande rw’ibumoso na Kagere wari rutahizamu.
Ntabwo wari umunsi mwiza kuri Jacques Tuyisenge wagiye gukina uyu mukino bivugwa ko aifte imvune, ni umusore mu gice cya mbere cy’umukino wabona asa n’uwibuze mu mukino imipira afashe imwe n’imwe agahita ayamburwa, ibintu byatumye asimburwa ku munota wa 70 na Muhire Kevin.
Haruna Niyonzima akaba na kapiteni w’Amavubi, ni umwe mu bakinnyi bari mu mukino cyane, yagerageje gufasha abakinnyi bo hagati, akagira uruhare mu kwambura imipira ndetse agakinisha bagenzi be, ni umwe mu bakinnyi batunguranye bitewe n’uko abantu bamukegaga. Meddie Kagere n’ubwo nta mahirwe menshi yabonye imbere y’izamu, yagerageje guha akazi ubwugarizi bwa Cape Verde n’ubwo nta mipira myinshi yabonye. Haruna yahawe amanota8, Jacques Tuyisenge6, Meddie Kagere7.
Abasimbura
Amavubi yakoze impinduka 2 gusa. Muhire Kevin yinjiyemo ku munota 70 asimbuye Jacques Tuyisenge, ni umukinnyi wagiyemo mu minota mike yakinnye yafashije u Rwanda mu buryo bwo kugumana umupira bigatuma bagenzi be bafata umwanya, bituma igitutu Cape Verde yashyiraga ku Mavubi kigabanuka. Yahawe amanota 6.
Iyabivuze Ose yinjiye mu kibuga ku munota wa 80 asimbuye Haruna Niyonzima yahawe amanota5.5.
Rutahizamu wahoze akinira Rayon Sports ubu akaba ari umutoza wunguriije wa Etincelles, Said Abed Makasi avuga ko umwaka umwe yakiniye Rayon Sports afite ibintu bibiri atazigera yibagirwa kubera yo.
Ibi uyu mutoza wanakiye ikipe y’igihugu yabitangarije mu kiganiro yagiranye n’ikinyamakuru ISIMBI aho avuga ko kuri we umukino bakinnye na APR FC ndetse n’urukundo rw’abafana b’iyi kipe byamukoze ku mutima.
Avuga ko umukino banganyijemo na APR 2-2 wabaye ku wa 23 Ukwakira 2011 atazigera awibagirwa kuko uwo mukino ari abakinnyi ndetse n’abafana bose batashye bishimye.
Ati'urwibutso rwa mbere ni umukino wa APR FC nakinnye, icyo gihe hari ihangana riteye ubwoba, Stade Amahoro yuzuye abafana. Twarakinnye dukina umupira mwiza ushimishije, warangiye ari 2-2 abafana bose bataha bishimye, na nyuma y’umukino nahuye na Karekezi turaganira ubona ko nta n’umwe ubabaye twese twari twishimiye ko nta muntu utsinze undi, uwo mukino sinzawibagirwa.'
Ikindi avuga ko kimuhora ku mutima ni urukundo rw’abafana ba Rayon Sports, ngo si urwa vuba ahubwo ni ukuva kera.
Ati'urundi rwibutso ni urukundo rw’abafana ba Rayon Sports, njyewe nabakuriye ingofero, bafite ibanga niyo ibintu bimeze nabi ntibatererana umukinnyi, babanye natwe mu bibazo twari dufite by’amafaranga, ni abantu b’abagabo.'
Sadi Abed yakiniye Rayon Sports umwaka umwe w’imikino wa 2011-2012. Mu Rwanda kandi indi kipe yakiniye ni Espoir FC yaje no kuyibera umutoza.
Source : http://isimbi.rw/siporo/article/nkikinira-rayon-sports-urwibutso-rwa-rutahizamu-said-abed-makasi
Kuri uyu wa Gatanu tariki ya 13 Ugushyungo 2020, ahagana saa kumi n'imwe z'igitondo , mu Mujyi wa Kigali ahazwi nko mu Gakinjiro ka Gisozi ko mu murenge wa Gisozi mu karere ka Gasabo inyubako ikorerwamo ubucuruzi yibasiwe n'inkongi ikomeye ibintu byarimo byose birashya birakongoka.
Iyi nkongi yibasiye inzu ziri mu Gakinjiro ka Gisozi ahazwi nka Duhahirane. Zisanzwe zikorerwamo ubucuruzi ndetse hari n'amatsinda y'abadozi b'imyenda yakoreragamo umunsi ku munsi.
Nyuma y'iminota mike ikirere cyakwiriye umwotsi n'umuriro utangiye kototera izindi nyubako, Ishami rya Polisi rishinzwe kuzimya inkongi y'umuriro ryahise rihagera ritabarana ingoga.
Abafite ibikorwa muri iyo nyubako batuye hafi bari basazwe n'agahinda, aho umwe ku wundi yahamagaraga mugenzi we amubwira ibyabaye, bamwe bakabaduka mu buriri biruka bajya kureba ko hari icyo baramira. Gusa umuriro wari mwinshi ku buryo nta hantu na hamwe bashoboraga kunyura ngo nk'abafite ibikorwa mu nyubako zo hasi babikuremo.
Gusa ntabwo icyateye iyo nkongi y'umuriro kiramenyekana.
Ubu impaka ziri mu gihugu cy'Ubufaransa, zishingiye ku mugore witwa Julie d'Andurain washyizwe muri Komisiyo yo gusesengura uruhare Leta y' Ubufaransa yagize mu gushyigikira ubutegetsi bw'uRwanda bwateguye bukanashyira mu bikorwa Jenoside yakorewe Abatutsi, kandi uwo Mufaransakazi azwi cyane nk' isandi yirirwa ipfobya ikanahakana iyo jenoside. Ubundi iryo tsinda ry' 'impuguke' ryiswe ' Commission Duclert', ryashyizweho na Perezida w'Ubufaransa, Emmanuel Macron ubwe, ariha inshingano yo kugaragaza ukuri kose ku myitwarire y'iki gihugu mbere ya Jenoside yakorewe Abatutsi, mu gihe yakorwaga na nyuma yayo.
Icyo ababikurikiranira hafi bibaza rero, ni ukuntu iyo komisiyo yashyirwamo umuntu nka Julie d'Andurain wamaze kugaragaza ko abogamiye cyane ku bajenosideri, inshuti z'akadasohoka z'ubutegetsi bwa Mitterand wari ku butegetsi mu gihe Jenoside mu Rwanda yategurwaga, no mu gihe yashyirwaga mu bikorwa. Uyu mugore ubundi yiyita umushakashatsi n'impuguke mu by'amateka, nyamara inyandiko ze zigaragaza amarangamutima adafite aho ahuriye n'ubushakashatsi, nk'aho yemeza ko ibyabaye mu Rwanda atari jenoside, ahubwo ari 'ugusubiranamo hagati y'Abahutu n'Abatutsi', yirengagije ko isi yose yamaze kwanzura ko ibyabaye mu Rwanda ari'Jenoside yakorewe Abatutsi'. Ibinyoma n'urwango biranga Julie d'Andurain, bisa neza neza n'ibya Hubert Vedrine wari ushinzwe ibiro bya Perezida w'Ubufaransa mu gihe Jenoside yari irimbanyije mu Rwanda, nawe uhakana akanapfobya bikoye Jeoside yakorewe Abatutsi.
Julie d'Andurain ni umwe na ba Pierrre Péan, Judi Rever n'abandi babaye imizindaro y' abajenosideri barimo n' abahoze mu butegetsi mu Bufaransa, bakora uko bashoboye ngo basibanganye ubugome ndengakamere bakoreye Abanyarwanda. Abakurikiranira hafi iby'iyi komisiyo twaganiriye, bagize bati:' Wakwizera ute ko Komisiyo ya Duclert izashyira ahagaragara ukuri se, kandi bamwe mu bayigize barahagurukiye kwamamaza ibinyoma? Niba umuntu nka Julie d'Andurain atinyuka akavuga ko operation Turquoise' yatabaye Abatutsi bahigwaga, kandi bizwi ko yaje gukingira ikibaba abajenosideri, ngo bice abatutsi ntacyo bikanga, yarangiza ikanabaherekeza kugeza bahungiye muri Kongo'., wamutekerezaho ukuhe kuri? Ibi ni nko gushakira amata ku kimasa.'
Magingo aya n' Abafaransa ubwabo bari mu mpaka ku cyizere umuntu yagirira iyi komisiyo. Uwitwa Guillaume Ancel, umusirikari wari muri 'Opération Turquoise', yanenze bikomeye ishyirwa rya Julie d'Andurain muri komisiyo itegerejweho kugaragaza ukuri, abihereye ku binyoma by' uyu mugore wemeza ko Turquoise yari igambiriye gutabara abicwaga, kandi ahubwo yarazanywe no gufasha abicaga.
Ibi rero birasa neza n'ibibera mu Bubiligi, aho bafashe uwitwa Laure Uwase bakamutereka mu itsinda risesengura amateka y'ubukoloni bw'Ababiligi mu Rwanda, n'ingaruka mbi bwagize , kandi uwo Laure Uwase ahakana ku mugaragaro ukuri kuzwi na buri wese ushyira mu gaciro, ko Jenoside yakorewe Abatutsi ari ingaruka z'amacakubiri abakoloni b'Ababiligi babibye mu Banyarwanda.
Biteganyijwe ko ' Commission Duclert' izashyira ahabona imyanzuro yayo mu gihembwe cya mbere cy'umwaka utaha wa 2021, ariko abareba kure batangiye gukemanga ibizatangwa n' umunyamahano Julie d'Andurain.
The post Gushyira Julie d'Andurain, umugore wahagurukiye gupfobya no guhakana Jenoside yakorewe Abatutsi muri Komisiyo isesengura uruhare rw'Ubufaransa muri iyo jenoside, si ugushakira amata ku kimasa? appeared first on RUSHYASHYA.
Akanama gashinzwe amatora muri USA karemeza ko nta bimenyetso bihari bigaragaza ko mu matora ya Perezida habayemo kuburizamo amajwi, guhindura imibare y’amajwi cyangwa se ko hari ibindi bibazo byabayemo.
Ibi abashinzwe amatora babivugiye ku mugaragaro nyuma y’uko Trump atanze ikirego kidafite gihamya avuga ko hari amajwi miliyoni ebyiri n’ibihumbi magana arindwi (2,700,000) barigishije kandi ari ay’abari bamutoye.
Kugeza magingo aya Donald Trump ntaremera ko Joe Biden yamutsinze. Ibyavuye mu matora yo ku itariki 03 Ugushyingo 2020 byashyizwe ku mugaragaro kuri za televiziyo zikomeye muri USA mu mpera z’icyumweru gishize, ariko Abanyamerika n’isi yose muri rusange baracyategereje ibizatangazwa mu buryo bwa burundu.
Nyuma yo kwegukana amajwi menshi muri Arizona, Joe Biden yagize amajwi yose muri rusange 290 mu gihe Trump afite 217.
Iyi nkuru ya BBC iravuga ko Leta ya Arizona yaherukaga gutora uwo mu ishyaka ry’aba Democrates mu 1996.
Icyumweru kirashize amatora arangiye, ariko kugeza ubu Donald Trump aremeza ko gutsindwa kwe nta yindi mpamvu yabiteye atari ukwibwa amajwi cyangwa se kurigiswa bifashishije uburyo bwakoreshejwe mu kuyabara, amwe agatambuka atabazwe.
Hagati aho nyuma y’iminsi yari ishize u Bushinwa bucecetse, bwoherereje Biden ubutumwa bw’ishimwe na mugenzi we bafatanyije kwiyamamaza Kamala Harris.
Umuvugizi wa Ministeri y’Ububanyi n’Amahanga y’u Bushinwa yagize ati: “Twubaha amahitamo y’Abaturage ba Amerika”.
U Burusiya bwo bwavuze ko buzategereza ibizatangazwa mu buryo bwa burundu.
Adil Erradi Mohammed umutoza mukuru w’ikipe ya APR FC, avuga ko Gor Mahia nk’ikipe bazahura muri CAF Champions League bayizi nk’ikipe y’amateka dore ko bamwe mu bakinnyi bakomeye b’u Rwanda rwagize bayinyuzemo, gusa ngo nta makuru menshi ubu bayifiteho ari byo bizatuma bazakina bayubaha.
Traiki ya 9 Ugushyingo 2020 ni bwo habaye tombora y’uko amakipe azahura mu ijonjora ry’ibanze ry’imikino nyafurika ya CAF Champions League, APR FC izahagararira u Rwanda itombora Gor Mahia yo muri Kenya.
Ku munsi w’ejo amaze gutsinda Sunrise FC ibitego 2-1, mu mukino wa gishuti, umutoza Adil Erradi Mohammed wa APR FC, yavuze ko Gor Mahia bayizi nk’ikipe ikomeye muri aka karere ndetse yanyuzemo abakinnyi b’abanyarwanda.
Ati' Yego, Gor Mahia turayizi ni ikipe nkuru mu karere ka Afurika y’Iburasirazuba ndetse bamwe mu bakinnyi beza mu Rwanda bazamukiye muri iyi kipe. Ni ikipe yagiye yitwara neza ku ruhando Nyafurika, ni ikipe ifite ubunararibonye ariko aka kanya nta makuru menshi tuyifiteho kuko na bo bari mu gihe kitabemerera gukina.'
Yakomeje avuga ko byaka kanya amakuru bayifiteho adahagije ari make ari byo bituma bazakina nayo bayubashye kuko nta byinshi bayiziho.
Ati'amakuru make dufite ntabwo afatika neza gusa tuzagerageza gukina twubaha uwo duhanganye kandi tuzagerageza kubyaza umusaruro amahirwe yacu 100%. Ni umukino uzitwara neza azatsinda agakomeza. Ni ibyo.'
Gor Mahia izakina na APR FC mu myaka yatambutse yanyuzemo abakinnyi b’abanyarwanda nka Meddie Kagere, Jacques Tuyisenge(ubu ari muri APR FC), Abouba Sibomana na Mugiraneza Jean Baptiste Migi.
Umukino ubanza wa APR FC na Gor Mahia uzaba hagati ya tariki 27 na 29 Ugushyingo i Kigali, ni mu gihe uwo kwishyura uzabera Kenya uzaba hagati ya tariki 4 na 6 Ukuboza 2020.
