Blog

Linda Thomas-Greenfield yagizwe Ambasaderi wa Leta Zunze Ubumwe za Amerika muri Loni mu gihe ku buyobozi bwa Obama yabaye Umunyamabanga wa leta wungirije ushinzwe Afurika hagati y’umwaka wa 2013 na 2017.

Itegeko Nshinga rya Amerika riteganya ko uyu mugore kimwe n’abandi bose bazashyirwaho na Biden uzarahirira kuyobora Amerika muri Mutarama, bazabanza kwemezwa na Sena kugira ngo batangire inshingano zabo.

Linda Thomas yavutse mu 1952 muri leta ya Louisiana muri Amerika, ku babyeyi b’Abirabura. Uyu mugore afite ubunararibonye mu politike kuko yakoze imirimo ikomeye mu gihe kirenga imyaka 35.

Muri Mata 1994, Thomas-Greenfield yaje I Kigali mu Rwanda ubwo Jenoside yakorewe Abatutsi yatangiraga.

Mu buhamya yigeze gutanga mu 2019, yavuze ko yageze mu Rwanda habura iminsi ibiri ngo indege yari itwaye Juvenal Habyarimana ihanurwe, akaba yari mu butumwa bw’akazi.

Yavuze ko 'Abasirikare ba Habyarimana bakoraga Jenoside bafashe imbunda bayintunga ku mutwe, natangiye kubasaba imbabazi ngo ndokore ubuzima, nababwiye ko ntari umunyarwanda ahubwo ndi Umunyamerika, icyo gihe nabonaga abasirikare barimo kwica Abatutsi.'

Linda Thomas avuga ko yaje kurokoka, ndetse nyuma y’iminsi mike aza kwemererwa kuva mu Rwanda.

It has been 25 years since I witnessed the the unfolding of the genocide against the Tutsis. I would wake up to the sound of gunfire and later find myself a target. I lived to tell the story and today I honor those who did not survive. #Kwibuka25 #NeverAgain

— Linda Thomas-Greenfield (@LindaT_G) April 6, 2019

Nk’inararibonye ikomoka ku mugabane wa Afurika, Linda Thomas yahagarariye Amerika nka ambasaderi mu bihugu birimo Liberia, Kenya, Gambia na Nigeria.

Amakuru agaragaza ko Linda Thomas yavukiye mu muryango ukennye muri Amerika muri leta ya Louisiana akaba avuka mu bana umunani, Se ngo yari umunyabiraka, naho nyina yakoraga akazi ko guteka.

Uyu mugore ngo yigiye mu buzima bukomeye, kuko ari umwe mubanyafurika washoboye kwiga muri Kaminuza ya Louisiana mu 1970, icyo gihe hakaba hari irondaruhu rikomeye.

Amakuru avuga ko nubwo yakuriye mu buzima bw’irondaruhu, yakuze avuga ko agomba kuzavamo umuntu ukomeye ukomoka muri iyi leta.

Nyuma yo gutoranywa na Biden, Linda yatangaje ko aje gukora dipolomasi iryoshye.

President Paul Kagame has received the will which spells out pieces of land left by Marianne Nyirangoragoza, a genocide widow in Nyamasheke district who passed on recently. The land is set to be developed for public infrastructure.

Before she died, Nyirangoragoza who lived in Kabuga village, Nyarusange cell in Bushekeri sector in Nyamasheke district left a will bequeathing her piece of land to President Kagame.

Late Nyirangoragoza was born in 1947 in Nyarusange cell, Bushekeri sector in Nyamasheke district, Western Province. All her 10 children were killed during the 1994 Genocide against the Tutsi along with her husband.

Nyirangoragoza fled to the Democratic Republic of Congo (DRC) from where RPF Inkotanyi repatriated her.

Before she passed on, Nyirangoragoza gave testimonies on how President Kagame built a house for her and providing financial support after Genocide.

She said that Kagame is 'wise’ because he took her to the community of her generation and built another decent house for Nyirangoragoza during advanced ages to put her out of loneliness.

'He took care of me on behalf of my children. That is why I must bequeath my possessions to him,' said Nyirangoragoza.

The property left to President Kagame include separate pieces of land of 168 and 776 square meters respectively along with 1259 square meters on which late Nyirangoragoza had houses.

They are located in the middle of pieces of land located in Mubuga village, Nyarusange cell, Bushekeri sector of Nyamashekle district.

The decision was meant to thank Kagame’s support after Genocide taking care, building a house and financial support yet family members had abandoned her.
The notarized will was handed to The Minister in the Office of the Presidency, Judith Uwizeye who represented President Kagame.

Uwizeye explained that the four pieces of land will be developed for infrastructure beneficial to the surrounding community.

'I am glad to be with you to receive the will Nyirangoragoza Marriane left to the President of the Republic. She decided to bequeath her possessions to His Excellency Paul Kagame because of joy for the support she received from the Government. On behalf of President Kagame, I am delighted to let you know that he accepts the will, he is grateful for that and thanks the widow,' she said.

Uwizeye explained that President Kagame accepted the will to keep the memory of Nyirangoragora’s kind heart.

'He decided to develop the land for infrastructure beneficial to the entire community in the sector. Details for the project will be announced after an assessment,' added Uwizeye.

Residents describe Marriane Nyirangoragoza as a kind person with good attributes the community.

Marianne Nyirangoragoza passed on in May 2020. She was living in Impinganzima in in Rusizi District during her advanced age. Impinganzima is one of hostels for elderly Genocide survivors built in different parts of the country by Imbuto Foundation, an initiative launched by First Lady Jeannette Kagame in collaboration with other stakeholders.

IGIHE

Umuhanzikazi Gaby Irene Kamanzi bahimbye ‘Miss Gospel’ na ‘Queen Gospel’ kubera ubuhanga bwe mu miririmbire busemburwa n’ijwi rye ryiza, aho benshi bamushyira ku isonga mu bahanzikazi ba Gospel baririmba neza, kuri ubu yatangije gahunda nshya ‘Vocal Coaching’ yo gutoza ku buntu buri wese ubyifuza uko baririmba neza kandi mu majwi meza.

Ubwo yari afite imyaka 8 y’amavuko ni bwo Gaby Kamanzi yatangiye gukunda cyane umuziki, aho igihe kinini yabaga arimo kureba Televiziyo, indirimbo yose abonyeho agahita ayifata mu mutwe ako kanya, ati “Byari binyoroheye guhita nyisubiramo uko yakabaye”. Yakomeje gukunda umuziki kugeza ubwo atangiye guhimba indirimbo ze bwite. Kugeza ubu amaze gukora indirimbo zinyuranye harimo izamenyekanye by’ikirenga nka ‘Amahoro’ yamukinguriye umuryango wo kumenyekana, ‘Wowe’, ‘Ungirira neza’, ‘Neema ya Goligota’, ‘Arankunda’, n’izindi nyinshi.

REBA HANO ‘ARANKUNDA’ INDIRIMBO YA GABY KAMANZI

Mu muziki amazemo igihe kitari gito, amaze gutwara ibihembo bitandukanye kandi bikomeye birimo Salax Award, Groove Awards, Sifa Reward, n’ibindi. Amaze gutumirwa hirya no hino ku Isi, yaba muri Afrika, i Burayi no muri Leta Zunze Ubumwe za Amerika. Iyo atekereje uburyo Imana yamugiriye neza ikamuha impano yo kuririmba ndetse iyo mpano ikaba imaze guhembura benshi, Gaby Kamanzi abishimira Imana mu buryo bukomeye, ati “Ndashima Imana ko ariyo yampaye iyi mpano. Kandi ikaba yarampamagaye, ikanabana nanjye kuva igihe natangiriye kuririmba, ndayishimira ubuntu bwayo”.

Nkuko tubikesha InyaRwanda.com, Gaby Kamanzi yadusangije uko yinjiye mu muziki n’uko impano yo kuririmba yagiye yaguka muri we anaduhishurira ko kuririmba abikomora ku babyeyi be. Ati “Mfite imyaka 8, 9 gutyo, igihe cyose narebaga indirimbo kuri TV, nahitaga nyifata ako kanya, mu mutwe, byari binyoroheye cyane guhita nyisubiramo uko yakabaye!. Hanyuma, nakuze mbona umubyeyi wanjye Papa utakiriho, aririmbisha muri Chorale mu materaniro, noneho twagera mu rugo, akatwigisha indirimbo zo muri chorale nyine, agakunda no kuzumva mu rugo”.

Yakomeje avuga ko nyina ari umuhanzikazi w’umuhanga mu njyana Gakondo aho kera yakundaga kuririmbira abageni mu bukwe. Ati “Hari umunsi yagarutse (Papa) mu rugo avuye mu rugendo rw’akazi hanze, azanye Synthétiseur (Piano), muri macye, yakundaga kuririmba cyane; ni byinshi namuvugaho namubonyeho byerekana ko yari abizi kandi yarabikundaga,…Maman yakundaga kutwigisha indirimbo nyinshi mu rugo, yakundaga kuririmbisha mu mihango yo Gusaba cyangwa Gutwikurura mu njyana ya Kinyarwanda. Muri macye, impano yanjye nayikuye ku babyeyi banjye”.

Ni irihe banga Gaby Kamanzi akoresha kugira ngo aririmbe neza ?

Gaby Kamanzi yavuze ko nta mahugurwa yigeze yitabira ajyanye no kuririmba ahubwo ko ari impano yiherewe n’Imana, ati “Nta training nigeze mfata z’umuziki”. Yavuze ko kuririmba ari ibintu akunda cyane, ati “Mbere na mbere, ndabikunda cyane, kuririmba kuri njye ni Passion”. Twamubajije ibanga akoresha kugira ngo ahore ari ku isonga mu baririmba neza, ati “Ikindi, imyaka myinshi maze ndirimba, no guhora nibwira ko ngomba kuririmba neza kurushaho, buri munsi, nkagira umwete wo kuririmba neza no gutoza ijwi uko mbishoboye. Ni byinshi navuga, ariko ibyo ni byo by’ingenzi”.

Gaby yanze kwihererana ubuhanga afite mu kuririmba yiyemeza kubusangiza abandi

Aganira na InyaRwanda.com, Gaby Kamanzi yabanje gusobanura igikorwa aherutse gutangiza icyo ari cyo, avuga ko atari ukwigisha abantu kuririmba ahubwo ari ukubatoza no kubahugura, ati “Ntabwo nabyita kwigisha, mbyita Coaching, cyangwa se kuyobora umuntu kugira ngo aririmbe neza kurushaho, kumugira inama y’ukuntu yabikora neza kurushaho, cyangwa se na none, kumukosora,…”

Asobanura uko yagize iki gitekerezo, yagize ati “Nayitekereje, mbere na mbere kubera ko ari Passion yanjye, nkunda Music cyane nkanakunda kuririmba cyane; ikindi, ni uko ari ibintu byari bindimo kuva cyera, aho nsengera Restoration Church/ Kimisagara, nkaba ndirimba muri Shekinah Worship Team, mpora nisanga ndi kugira inama abaririmbyi, nkisanga ndi gukosora amajwi, nkanabasha kumenya icyo buri muririmbyi akeneye gukora kugira ngo aririmbe neza kurushaho”.

Gaby arashimirwa na benshi ku gikorwa yatangije cyo gutoza abantu kuririmba neza

Gaby Kamanzi ufashwa mu muziki we na kompanyi yitwa Moriah Entertainment Group ireberera inyungu ze, yavuze ko atangiye ‘Vocal Coaching’ nyuma yo kubona benshi bamusaba kubahugura no kubatoza mu bijyanye n’imiririmbire, ati “Na none ni uko akenshi, abantu bakunze kunsaba kubibafashamo, ni na kenshi nahuraga n’abantu, nyuma y’ama Concerts bakansaba kubibafashamo…Ntabwo mbifata nk’ibisanzwe, ni ubuntu bw’Imana nagiriwe kugira ngo abantu bumve ko hari ikintu nabafasha.”

Gufasha abantu mu bijyanye n’imiririmbire, uyu muhanzikazi ari kubikora yifashishije urubuga rwa Youtube kuri shene ye yitwa ‘Gaby Kamanzi’. Isomo rya mbere yanyujijeho, ryashyizwe kuri iyi shene kuwa 19/11/2020. Rifite umutwe w’amagambo ugira uti “Vocal Coaching EP1: Wifuza kuririmba neza kurushaho? Uko wabigenza ukaririmba neza?” Birebe hano”. Abantu 110 bamaze kugaragaza ko babyishimiye cyane, naho umuntu umwe gusa ni we wagaragaje ko atabikunze.

Abantu banyuranye barenga 32 bagaragaje ko bishimiye cyane iyi gahunda nshya ya Gaby mu butumwa banyujije kuri Youtube ahatangirwa ibitekerezo. Kayfesi Paci ati “Initiative nziza Gaby, aha ubaye pionnere muri ino domaine, Imana iguhe umugisha”. Shengero Joy we yagize ati “Gaby urakoze cyane nshuti, uradufashije nkanjye rwose ndumva ngiye kubimenya kubera wowe”. Umuhanzikazi Dinah Uwera we yagize ati “Urakoze cyane uru rugendo niturugendanamo neza bizaba byiza kurushaho”. Ninsiima ati “Ni amahirwe kuba tugufite Gaby”.

Gaby yavuze ko buri wa Gatanu ari bwo azajya ashyira Video nshya kuri Youtube, ati

“Ubwo bufasha mu miririmbire cyangwa Vocal Coaching, ubu nyikorera kuri Youtube channel yanjye, niho natangiriye, kandi nzi ko ari uburyo bugezweho muri iki gihe bwo kugeza ku bantu benshi ubwo bufasha, kandi icyarimwe. Maze gukora Video imwe kugeza ubu, ariko gahunda ukuntu iteye, nzajya nshiraho Video imwe kuri youtube channel yanjye buri wa Gatanu w’icyumweru”.

Gaby Kamanzi yatangije ‘Vocal Coaching’ nk’itafari rye mu guteza imbere muzika nyarwanda

Gaby Kamanzi yavuze ko hari abantu basanzwe ari abahanzi bazungukira byinshi muri iyi gahunda ye nshya, ati “Nk’uko nabivuze ruguru, ni ubufasha, kandi ku muntu wumva abikeneye. Hari n’abandi baririmba, batazi ibintu bimwe na bimwe ko ari bibi mu miririmbire yabo, bakaba bazabimenya bakurikiye Videos zanjye kuri Youtube. Bitewe n’ibyo nagiye mbona muri iyi myaka myinshi maze ndirimba, nshobora kubagira inama y’ibyo bakora, n’ibyo bareka kugira ngo baririmbe neza kurushaho, n’ubwo buri muntu aba afite ijwi rye rifite uko riteye bitandukanye n’iry’undi”.

Yabajijwe niba umuntu utazi kuririmba ashobora gukurikira impuguro ze akavamo umuhanzi/umuhanzikazi uri ku rwego rwo hejuru mu miririmbire, asubiza ko ari ibintu bishoboka cyane. Yongeyeho ko ubufasha ari gutanga magingo aya ari ubw’abantu basanzwe ari abaririmbyi, gusa n’abandi ngo arabazirikana cyane. Ati “Yego birashoboka, ariko birasaba gukurikiranwa cyane, uretse ko muri rusange, haba hakenewe impano yo kuririmba; kandi ubu bufasha, ni ubw’abantu basanzwe ari abaririmbyi, bitavuze ko ko n’abatari abaririmbyi tutazabafasha, nabyo bizaza”.

Yavuze ko mu minsi iri imbere ateganya kuzajya ahugura umuririmbyi ku giti cye, ati “Kugeza ubu, biracyari mu myiteguro, kugira ngo nzatangire kujya mfasha umuririmbyi ku giti cye, muzamenyeshwa gahunda neza mu minsi iza. Gusa, ubu ni kuri YouTube gusa”. Yavuze kandi ko iyi gahunda itazamubuza gukomeza gukora umuziki, ahishura ko hari indirimbo nshya ari kwitegura gushyira hanze, ati “Hari indirimbo nshya y’amashusho, ndi gutegura, vuba cyane izabageraho”.

Yatumiye abantu mu kiganiro akorera ku rubuga rwa Instagram buri wa Kane kuri konti ye yitwa @gabykamanzi ati “Ikindi, mfite ikiganiro njya nkora LIVE kuri Instagram buri wa Kane kuva saa tatu z’ijoro, kugira ngo nganirize inshuti zanjye. Ubwo ndabatumiye mwese!” Yavuze ko hari n’indi gahunda agira yo kuramya Imana, ibera kuri shene ye ya Youtube, akaba ari gahunda yise ‘Live worship session’. Nta munsi wihariye ifite, ari naho yahereye asaba abakunzi be guhora biteguye kuko abahishiye byinshi.

Mu gusoza ikiganiro, Gaby Kamanzi yasabye abantu kumukurikira ku mbuga nkoranyambaga kugira ngo bajye bakurikira umunsi ku wundi ibyo abategurira. Yabasabye gushaka shene ya Youtube yitwa Gaby Kamanzi, bagakora ‘Subscribe’ ndetse bagakanda ku kazogera kugira ngo ntihazagire ucikanwa n’ibyiza abategurira.

Gaby Kamanzi yiyemeje gufasha abantu bose bashaka kumenya kuririmba neza

REBA HANO GABY KAMANZI MURI ‘VOCAL COACHING EP1’ MU GUTOZA ABANTU UKO BARIRIMBA NEZA KURUSHAHO

Source: Inyarwanda.com

[email protected]

Yagize ati : “Amerika iragarutse” kandi “yiteguye kuyobora isi, atari ukuyihunga”.

Naramuka yemejwe, Avril Haines azaba abaye umugore wa mbere ushinzwe kuyobora ubutasi bw’Amerika, naho Alejandro Mayorkas abe umulatino wa mbere ushinzwe ibiro by’umutekano w’igihugu by’Amerika.

Donald Trump yemeye ko ibijyanye no guhererekanya ubutegetsi bigomba gutangira ndetse na Bwana Biden ubu azajya agezwaho amakuru y’ubutasi yo ku rwego rwo hejuru.

Ariko, Perezida Trump aracyakomeje kwanga kwemera ko yatsinzwe amatora, agasubiramo ibyo avuga nta gihamya atanga ko amatora yo ku itariki ya 3 y’uku kwezi “yabayemo uburiganya”.

Usibye guhabwa buri munsi amakuru y’ubutasi yo ku rwego rwo hejuru – ku bishobora gushyira mu kaga Amerika byo mu mahanga ndetse n’ibindi birimo kuba – Bwana Biden ubu ashobora guhura n’abategetsi bakomeye muri leta.

Ashobora kandi no guhabwa za miliyoni z’amadolari zo kwifashisha mu gihe yitegura kurahizwa nka Perezida wa 46 w’Amerika ku itariki ya 20 y’ukwezi kwa mbere.

Ejo ku wa kabiri, Guverineri Tom Wolf wa leta ya Pennsylvania yavuze ko yemeje intsinzi ya Bwana Biden muri iyo leta ubusanzwe iba idafite uruhande ruzwi itora (swing state). Leta ya Michigan nayo ku wa mbere yemeje intsinzi ye mu matora.

Biden yavuze iki nyirizina ?

Ari mu mujyi wa Wilmington muri leta ya Delaware, uyu perezida watowe yavuze ko hacyenewe kongera kubakwa amahuriro (alliances) n’ibihugu by’amahanga, ndetse no guhangana na coronavirus n’imihindagurikire y’ikirere.

Yavuze ko abategetsi b’ibihugu by’amahanga “bategereje n’amashyushyu kubona Leta Zunze Ubumwe [z’Amerika] zongera gushimangira inshingano zizwiho mu mateka zo kuba umuyobozi w’isi…”

Aganira na televiziyo NBC, yagize ati : “Uyu perezida, Perezida Trump, yahinduye ibintu. Byahindutse Amerika mbere na mbere, Amerika ya nyamwigendaho. Dusigaye twisanga aho amahuriro yacu arimo gusenyuka”.

Uyu wahoze ari visi perezida ku butegetsi bwa Perezida Barack Obama, yavuze ko ubutegetsi bwe butagiye kuba nkaho ari “manda ya gatatu ya Obama” – cyangwa ubwa Obama bugikomeje – kubera ko “ubu duhanganye n’isi itandukanye cyane no ku butegetsi bwa Obama na Biden”.

Abayobozi bashya yashyizeho ni bantu ki ?

Ejo ku wa kabiri, Bwana Biden yatangaje abategetsi batandatu b’ingenzi :

Antony Blinken, umunyamabanga wa leta y’Amerika. Bwana Blinken yavuze ko vuba aha Amerika “mu kwicisha bugufi no kwigirira icyizere bingana” izasubizaho umubano n’ibindi bihugu ;

John Kerry, intumwa ishinzwe guhangana n’imihindagurikire y’ikirere. Ni umwe mu bantu b’ingenzi bagejeje ku masezerano yiswe ay’i Paris yo guhangana n’imihindagurikire y’ikirere, Perezida Trump yikuyemo. Bwana Kerry yavuze ko isi igomba “kwishyira hamwe igasoza amakuba atewe n’imihindagurikire y’ikirere” ;

Avril Haines, umukuru w’ubutasi bw’Amerika. Bwana Biden yagize ati : “Nahisemo umunyamwuga… uharanira bikomeye kuvugisha ukuri”.

Alejandro Mayorkas, umunyamabanga w’ibiro by’umutekano mu gihugu. Bwana Mayorkas yavuze ko ibi biro bifite “inshingano yubashywe, [yo] gufasha gutuma dukomeza kugira umutekano ndetse no guteza imbere amateka yacu ateye ishema yo kuba igihugu gitanga ikaze” ;

Jake Sullivan, umujyanama mu biro bya White House ushinze umutekano w’igihugu. Bwana Sullivan yashimagije Bwana Biden, avuga ko uyu ugiye kuba umukoresha we yamwigishije byinshi bijyanye n’ubutegetsi, ariko nanone “mu buryo bw’ingenzi cyane, [amwigisha] ibijyanye na kamere muntu” ;

Linda Thomas-Greenfield, ambasaderi w’Amerika mu muryango w’abibumbye (ONU/UN). Yavuze ko aje gukora “dipolomasi iryoshye” no “kuvugurura umubano n’inshuti zacu”.

Hari umwe uteganyijwe ariko utaratangazwa, uwo akaba ari Janet Yellen wahoze ari umukuru wa banki nkuru y’Amerika, ushobora kugirwa umunyamabanga w’ibiro by’imari by’Amerika.

Benshi mu bo yahisemo, uretse Bwana Kerry na Bwana Sullivan, bazacyenera kwemezwa na sena. Kwanga uwatoranyijwe bibaho gacye cyane. Uheruka kwangwa na sena hari mu mwaka wa 1989, gusa hagiye habaho bamwe batoranyijwe bagiye banga inshingano bahawe.