Blog

Yabigarutseho kuri uyu wa 12 Mata 2025, ubwo hibukwaga Abanyamakuru bishwe muri Jenoside yakorewe Abatutsi mu 1994.

Mutesi Scovia yagaragaje ko aterwa ipfunwe no kuba hari abanyamakuru bagize uruhare mu gushishikariza abantu kwitabira gushyira mu bikorwa Jenoside, asaba ko umutimanama ukwiye kuruta amashuri abanyamakuru bize mu rwego rwo gukora umwuga wabo kinyamwuga no kuwunoza kurushaho.

Ati 'Umutimanama ukwiye kuruta impamyabumenyi mubitse, ukwiye kuruta amashuri mwiza, uko bababwiye. Ukaruta uko ababyeyi banyu bababwiye ko ibi bitavugwa ibi bivugwa. Umutimanama ukwiye gufata iya mbere mu gutuma abapfobya Jenoside, abayihakana bakoresheje itangazamakuru… iyi nzira dufite y'umurongo uranguruye, uvugira ahirengeye mu byiciro byose, dutuma Abanyarwanda bumva neza ubukana Jenoside yakoranywe.'

Yagaragaje ko bimwe mu binyamakuru mpuzamahanga bikomeje kugira uruhare mu guhakana no gupfobya Jenoside yakorewe Abatutsi, asaba ko abanyamakuru bo mu Rwanda kugira uruhare mu kubirwanya.

Ati 'Mureke twange kwemera ko kuba umuntu yarabaye igihangange mu kinyamakuru cye, bimuha ubuhangange bwo kuvuga ukuri kw'igihugu cyacu. Nemera ko umunyamakuru adakwiye kubeshya kandi adakwiye gukoreshwa n'indonke.'

Mutesi Scovia yatangaje ko kuri ubu hari abanyamakuru babirinduwe n'indonke, inda igasumba umurage w'igihugu cyabo barimo n'abashobora kuba bavuka mu miryango yarokotse Jenoside yakorewe Abatutsi ariko bakayipfobya.

Umuyobozi Mukuru w'Urwego rw'Igihugu rw'Itangazamakuru (RBA), Barore Cléophas, yagaragaje ko itangazamukuru mu gihe cya Jenoside yakorewe Abatutsi naryo ryakozwe mu nda.

Ati 'Itangazamukuru ryakozwe mu nda kuko ryabuze abagabo n'abagore, bazizwa ko ari Abatutsi, ntibahowe ko ibyo batangazaga byari byishe amahame y'umwuga kandi n'iyo biza kuba ari byo bakoze, uwishe amahame y'umwuga ntiyicwa arakeburwa, yananirana agahanwa n'amategeko atarimo igihano cy'urupfu.'

Minisitiri muri Perezidansi, Uwizeye Judith, yagaragaje ko ingengabitekerezo ya Jenoside n'ipfobya ryayo ryafashe indi ntera, bigashimangira ko nta somo abagize umuryango mpuzamahanga basigiwe na Jenoside yakorewe Abatutsi mu Rwanda mu 1994.

Yasabye abanyamakuru ko mu gihe ingengabitekerezo ya Jenoside ikomeje gukwira mu Karere u Rwanda ruherereyemo by'umwihariko muri Repubulika Iharanira Demokarasi ya Congo, rikwiye kugira uruhare mu kugaragaza ukuri.

Ati 'Kubera icyizere itangazamakuru rigirirwa ni ngombwa ko abanyamakuru mwumva ko mufite inshingano yo guhora ku ruhembe rwo gutanga amakuru nyayo, no kugaragaza ukuri ku mpamvu zitera umutekano muke muri RDC. Ari uko Abanye-Congo baharanira uburenganzira bwabo burimo ubwo kubaho, bahora bitwa Abanyarwanda, bicwa bunyamaswa biturutse ku mvugo z'urwango z'abanyapolitiki barimo n'abo mu nzego nkuru zacyo, ibikorwa bitandukanye birimo kwangiza imitungo yabo ndetse n'ibindi bikorwa bibi byinshi bakorerwa.'

Yagaragaje ko bibabaje kubona bamwe mu banyamakuru b'Abanyarwanda batinyuka guhakana no gupfobya Jenoside yakorewe Abatutsi kandi bazi uburemere bw'ingaruka zayo.

Yabasabye kandi kugira uruhare mu bikorwa byo kwimakaza ubumwe n'ubudaheranwa bw'Abanyarwanda.

Minisitiri Uwizeye yavuze ko Guverinoma y'u Rwanda izakomeza gushyigikira iterambere ry'itangazamakuru.

Visi Perezida wa IBUKA, Christine Muhongayire, yasabye abanyamakuru kugira uruhare mu kurwanya ingengabitekerezo ya Jenoside ikomeje gukwirakwira no mu Karere u Rwanda ruherereyemo.

Umuyobozi Mukuru w'Urwego rw'Abanyamakuru Bigenzura mu Rwanda (RMC), Mutesi Scovia, yagaragaje ko abanyamakuru bakwiye gushyira imbere umutimanama

Umuyobozi Mukuru w'Urwego rw’Igihugu rw’Itangazamakuru (RBA), Barore Cléophas, yagaragaje ko itangazamukuru mu gihe cya Jenoside yakorewe Abatutsi naryo ryakozwe abanyamakuru bishwe bazizwa ko ari Abatutsi

Uhagarariye imiryango y’ababuze ababo bari abanyamakuru, Karangwa Francois yashimye iki gikorwa cyo kubibuka, asaba abato kugira uruhare mu gukumira ingengabitekerezo ya Jenoside n’imvugo z’urwango

Minisitiri Uwizeye Judith yasabye abanyamakuru kuba ku ruhembe mu kugaragaza ukuri

Visi Perezida wa IBUKA, Christine Muhongayire, yasabye abanyamakuru kugira uruhare mu kurwanya ingengabitekerezo ya Jenoside

Umuhanzi Bonhomme yafashije abanyamakuru kuzirikana abazize Jenoside yakorewe Abatutsi binyuze mu ndirimbo

Senateri Emmanuel Havugimana yagaragaje ko itangazamakuru ryagize uruhare muri Jenoside yakorewe Abatutsi binyuze mu kubiba urwango mu baturage

Mbungiramihigo Peacemaker wakoze itangazamakuru mbere ya Jenoside yagaragaje uko batotezwaga na bagenzi babo babita ibyitso by’Inkotanyi

Umunyamabanga Nshingwabikorwa wa ARJ, Habumuremyi Emmanuel akurikiye ubuhamya

Abayobozi muri RBA barimo Paul Rutikanga, Munyarukumbuzi Emmanuel, Nzabandora Leon na Jean Pierre Kagabo

Abanyamakuru batandukanye bitabiriye iki gikorwa

Hacanwe urumuri rw’icyizere cyo kubaho

Umuvugizi wa RIB, Dr. Murangira B. Thierry, mu bitabiriye igikorwa cyo kwibuka abanyamakuru bishwe muri Jenoside yakorewe Abatutsi mu 1994

Abanyamakuru batandukanye n’abayobozi bitabiriye

Ingabire Egidie Bibio wayoboye iki gikorwa

Amafoto: Kwizera Hervé

Abafashwe ni Niyoyandika Elyse na Usabyimbabazi Pierre, bombi bafite imyaka 18.

Bafashwe nyuma y'iperereza ryakozwe ku cyaha bakekwaho cyo kwinjira mu nzu ya Nyiramugwera Evodie w'imyaka 64, tariki ya 2 Mata 2025 ahagana Saa Tanu za mu gitondo (11:00), bakoresheje icyuma kizwi nka fer à béton bicishije urugi rw'inzu.

Ibikoresho byibwe harimo televiziyo ya Samsung, dekoderi, antenne, telekomande, na telefone nto ya Itel.

Nyuma y'ifatwa ry'aba bakekwa, hamenyekanye ko ibyo bikoresho byagurishijwe kwa Kubwimana Dominique ku bihumbi 40 Frw. Polisi yasanganye Kubwimana televiziyo hamwe na dekoderi, nawe yemera ko yabiguze kuri aba basore.

Bombi bafungiwe kuri sitasiyo ya Polisi ya Rubengera kugira ngo bakurikiranwe n'amategeko.

Umuvugizi wa Polisi y'u Rwanda, mu Ntara y'Iburengerazuba, SP Karekezi Twizere Bonaventure, mu kiganiro na IGIHE yibukije abaturage ko ubujura buciye icyuho ari icyaha gihanwa n'amategeko, ashimira abaturage uburyo bakomeje kugira uruhare mu gukumira ibyaha binyuze mu gutanga amakuru ku gihe.

Ati “Turabakangurira kandi kwirinda kugura ibintu batazi inkomoko yabyo kuko bishobora kubaviramo gufatwa nk'abafatanyacyaha. Tuboneyeho umwanya wo gukangurira urubyiruko kwirinda ibishuko bishobora kubajyana mu byaha, tubibutsa ko ubujura atari wo muti w'ubukene”.

Abasore babiri bo mu Karere ka Karongi batawe muri yombi, bakekwaho kwiba ibikoresho by’ikoranabuhanga

Ibi yabigarutseho mu mugoroba wo kuri iki Cyumweru tariki ya 12 Mata 2025 mu gikorwa cyo kwibuka ku nshuro ya 31 abanyamakuru bishwe muri Jenoside yakorewe Abatutsi, cyabereye ku Cyicaro Gikuru cy’Urwego rw’Igihugu rw’Itangazamakuru, RBA.

‎‎Mutesi Scovia yavuze ko abanyamakuru bibuka abanyamakuru bazize Jenoside yakorewe Abatutsi, ariko batanibagirwa n’abayigizemo uruhare kugira ngo ikoranwe ubukana.

‎ Ati: “Uyu munsi urwego rw'itangazamakuru ryigenzura kimwe n'abandi banyamakuru iyo turimo twibuka abanyamakuru bazize Jenoside ndetse ntabwo twibagirwa abagize uruhare rwumvikana kugira ngo Jenoside ikoranwe ubukana nku’bwo yakoranywe kuko uyu munsi dufite amazina azwi yari arimo abahanga bize”. 

‎‎Yavuze ko abanyamakuru bambaye ishusho ikomeye kuko ntawe ushidikanya ku cyo bavuze gusa ko atewe ipfunwe nuko uwo abaturage bizeraga ari we wahamagarariye abantu kwica.

‎‎Ati: “Abanyamakuru twambaye ishusho ikomeye uyu munsi ntawe ushidikanya ku cyo abanyamakuru bavuze rimwe na rimwe icyatambutse kuri Televizyo n'ahandi usanga n’iyo abantu bajya impaka bavuga ngo ni ukuri nacyumvanye abanyamakuru. 

‎‎Njyewe ubwanjye sinatinya kuvuga ko ntewe ipfunwe no kumva ko uwo abaturage bizeraga ko ari umunyamakuru ari buvuge ibyabaye kandi bikwiye ariwe wahamagariye abantu kwica abandi”. 

‎‎Yavuze ko aba banyamakuru bishwe muri Jenoside yakorewe Abatutsi mu 1994 bari bafite ibyago birenze iby’abandi bitewe nuko babaga bazwi 

‎‎Ati: “Aba banyamakuru twibuka uyu munsi bagize ibyago biruta iby'abandi, mu by’ukuri njye Scovia nshiye mu mujyi, mu isoko, mu giturage cyangwa ahandi habaye ubukwe benshi baranzi. Rimwe na rimwe hari n'abashaka kumenya ngo ndi mwene nde bagateranya ibyo byose. Mu banyamakuru rero twibuka, bagize ibyago biruta iby'abandi kuko aho yacaga hose kwihisha byabaga bigoye”.

‎‎Mutesi Scovia yavuze ko abanyamakuru bakwiye kurutisha umutimanama wabo amashuri bize ndetse n’ibyo babwiwe n’ababyeyi. ‎‎Ati: “Ndavuga ngo abanyamakuru twiga itangazamakuru, dukoresha ibikoresho by'ikoranabuhanga uyu munsi turi noneho ku mbuga nkoranyambaga turakoresha ikoranabuhanga mu buryo bushoboka ubwo ari bwo bwose ndetse umunyamakuru wihuta muri ibyo ni we twita umuhanga. 

‎‎Ndimo ndavuga ngo dukwiye kuvuga ko umutimanama ukwiye kuruta diplome mubitse iwanyu, umutimanama ukwiye kuruta amashuri mwize, uko bababwiye, ukwiye kuruta ababyeyi banyu babawiye ko ibi bitavugwa, ibi bivugwa, umutimanama ukwiye kuba iya mbere mu guhangana n’abapfobya Jenoside, abayihakana bakoresheje itangazamakuru.” 

Mutesi Scovia‎ y‎avuze ko itangazamukuru rikwiye kurwanya abakomeza gupfobya Jenoside yakorewe Abatutsi. ‎‎Yavuze ko umunyamakuru adakwiye gukoreshwa n’indonke ubundi akemera kubeshya.

‎‎Ati: “Nemera ko umunyamakuru adakwiye kubeshya, nemera ko umunyamakuru adakwiye gukoreshwa n'indonke. Ningera ku ndonke mu by’ukuri dufite abanyamakuru bagenzi bacu twiganye, twakoranye, twakuranye, twareranywe, indonke zababirinduye inda zigasumba umurage w'igihugu cyabo, uyu munsi agahagarara ku maguru abiri ashobora no kuba yaravutse mu muryango warokotse Jenoside, ubundi agapfobya. Mureke amajwi yacu aganze ikibi, arwanye ingebitekerezo gupfobya n'ibindi bikorwa bitandukanye”.

‎

Mutesi Scovia yavuze ko abanyamakuru bakwiye kurutisha umutimanama wabo amashuri bize ndetse n’ibyo babwiwe n’ababyeyi

Aba bahanzi barimo Emmy Nsengiyumva [Emmy], Patient Bizimana, Mujyanama Claude [TMC], Lionel Sentore na Shaffy uzwi mu ndirimbo 'Akabanga', batandukanye mu buryo bahanga ariko bahuriye ku guha agaciro amateka n'uruhare rwabo mu gusigasira umuco w'amahoro binyuze mu bihangano no mu butumwa batanga. 

Emmy: Kongera kubaho ni bwo butwari

Emmy, uri mu bahanzi nyarwanda bakorera umuziki hanze y'igihugu, yavuze ko kwibuka Jenoside ari umwanya wo guhamya ubudaheranwa bw'Abanyarwanda. 

Yagize ati 'Icyo nabwira Abanyarwanda ni ukubaho tugakomera, tukubaka u Rwanda ruzira Jenoside, ruzira kuvogerwa. Uwacitse ku icumu nakomeze abeho, kongera kubaho ni bwo butwari.'

Uyu muhanzi yongeyeho ko ubuhanzi ari ijwi rigera kure, kandi bufite ubushobozi bwo guhumuriza, gufasha mu gusigasira amateka n'ukuri kw'ibyabaye mu 1994:

Yagize ati 'Ubuhanzi n'ijwi regera kure, bwaba inzira nziza yo guhumuriza ndetse no gusigasira amateka yacu.'

Patient Bizimana: Yahumurije abarokotse Jenoside yifashishije amagambo yo muri Zaburi

Mu kiganiro yagiranye na InyaRwanda TV, umuhanzi w'indirimbo zo kuramya no guhimbaza Imana, Patient Bizimana yavuze ko uko imyaka ishira ari nako yumva akeneye kurushaho guharanira ubuzima bwubaka, butanga icyizere.

Avuga ko iyo igihe cyo kwibuka kigeze, agenda ahinduka imbere mu bitekerezo n'imibabaro. Yavuze ko mu gihe nk'iki yifatanyije n'Abanyarwanda bose, kandi ahumuriza abarokotse Jenoside yakorewe Abatutsi.

Ati 'Muri ibi bihe twibuka ku nshuro ya 31 Jenoside yakorewe Abatutsi mu 1994, ijambo ry'Imana riboneka muri Zaburi 62-6 riratubwira ngo 'ivuga ko 'Imana ni yo yonyine niringira, reka nyisunge mbone ihumure'. Iryo humure ry'Imana ni ryo nifurije Abanyarwanda, ariko by'umwihariko abarokotse Jenoside, kandi nk'umuhanzi inshingano zacu ni ugusigasira ibyagezweho.'

Patient ari mu bahanzi batanze umusanzu ukomeye mu ndirimbo zo kwibuka, n'izindi zirimo nka Ubwo buntu, Menye Neza, n'izindi. Avuga ko igihe cyo kwibuka kimwongerera imbaraga zo gukomeza gutanga ubutumwa burimo gukira, imbabazi n'icyizere.

Shaffy: 'Nahumure, ntibizongera'

Umuhanzi Shaffy, umwe mu batanga ubutumwa bwimbitse mu bihangano byo kwibuka, yavuze ko iki ari igihe cyo kongera kuzirikana ingaruka z'ingengabitekerezo mbi zasenye u Rwanda n'imiryango myinshi.

Ati 'Iki ni igihe cyo kwibuka ingaruka z’ingengabitekerezo bibi zatumye abana babura ababyeyi, ababyeyi babura abana, u Rwanda rurasenywa. Mpumurije umunyarwanda wese iki gihe kigora bitewe n'ibyo yabonye cyangwa yakorewe, nahumure ntibizongera.'

Yakomeje asaba urubyiruko rw'u Rwanda guharanira ukuri, kurwanya ikibi n'ingengabitekerezo ya Jenoside. Ati 'Ndasaba Abanyarwanda cyane cyane urubyiruko kurwanya no kwirinda abapfobya Jenoside yakorewe Abatutsi.'

Lionel Sentore: 'Dukomere, dukomeze twiyubakire igihugu cyacu'

Lionel Sentore, uzwi mu ndirimbo ziranga umuco nyarwanda n'ubutumwa bwimbitse, yatanze ubutumwa bwuje amarangamutima, agaragaza uburyo Jenoside yasize ubumuntu burimo igikomere gikomeye.

Mu magambo ye, yagize ati 'Ndirire nde Mana? Ndirire nde Data? Ko abo nakaririye ari imirambo, abandi inkongoro zishiha?'.

Sentore yashimiye Inkotanyi zarokoye Abatutsi, avuga ko batagomba kwibagirana mu mateka y'u Rwanda. Ati 'Igihe batemaga batongora, twumvise Inkotanyi ku Nkiko ziradutabara, zirokora utwari dusigaye. Mwarakoze Inkotanyi.'

Yashishikarije urubyiruko gukomeza umurongo wo kubaka igihugu, nk'abasigaye bafite inshingano z'ahazaza. Ati 'Dukomere, kandi dukomeze twiyubakire igihugu cyacu. Twe nk'urubyiruko duharanire ko bitazongera ukundi.'

TMC: Twibuke, twiyubaka

Umuhanzi TMC wahoze muri Dream Boys yagaragaje ubutumwa bwuje uburemere n'ubutumwa bw'ubuzima bushya bukwiye kubakira ku mateka igihugu cyaciyemo.

Mu kiganiro na InyaRwanda, yagize ati: 'Kurokoka Jenoside yakorewe Abatutsi mu Rwanda mu 1994, ni ikimenyetso simusiga ko ugomba kubaho ndetse ukabaho wubahisha abacu batuvuyemo. Ni inshingano ya buri wese yo gukumira icyadusubiza mu bihe by'icuraburindi. Twibuke twiyubaka.'

Aya magambo ye agaragaza ko kubaho nyuma y'ibihe bikomeye nk'ibi bitari ukwibera ho gusa, ahubwo ari uguharanira ubuzima bufite intego, bugendera ku mahame y'ubwubahane, ubumuntu n'icyizere cy'ejo hazaza.

TMC, umaze igihe kinini agaragaza uruhare rwe mu rugendo rwo gukomeza kubaka sosiyete ibumbatiye amahoro n'iterambere, yibukije ko Kwibuka atari igikorwa cy'abantu bamwe, ahubwo ari inshingano rusange y'Abanyarwanda bose.

Ubutumwa bwe bwashimangiye ko indangagaciro zo kwiyubaka, kubaha abazize Jenoside yakorewe Abatutsi no guharanira ko amateka mabi atazongera, ari inkingi ya mwamba y'ubuzima bw'ubu n'ubw'ejo.

Ubutumwa bw'aba bahanzi ni kimwe mu bigize igikorwa cya #Kwibuka31, aho abantu batandukanye hirya no hino mu gihugu n'ahandi ku isi bibuka, batanga icyizere, bakomeza abarokotse Jenoside yakorewe Abatutsi, banaharanira ko urubyiruko ruzagira ubumenyi n'ubushake bwo gusigasira amateka no kurwanya amacakubiri.

Ni urugendo rushya rukomeje gufata intera uko imyaka ihita, rugaragaza ko u Rwanda ari igihugu cy'abadacika intege—u Rwanda rwiza n'ubudaheranwa.

Ubutumwa bwa TMC bwubakiye ku nsanganyamatsiko yo ‘Kwibuka, twiyubaka’

Lionel yasabye buri wese kugira uruhare mu gukomeza kubaka u Rwanda rwifuzwa
  Shaffy yahumurije abarokotse Jenoside yakorewe Abatutsi mu 1994

Patient Bizimana yatanze ihumure ku barokotse Jenoside yifashishije amagambo yo muri Bibiliya

Emmy ukorera umuziki muri Leta Zunze Ubumwe za Amerika, yabwiye abarokotse gukomeza gutwaza gitwari

KANDA HANO WUMVE UBUTUMWA BW’UMUHANZI PATIENT BIZIMANA

Ni igikorwa bakoze kuri uyu wa Gatandatu tariki 12 Mata 2025, mu rwego rwo kwibuka ku nshuro ya 31 Jenoside yakorewe Abatutsi mu 1994. 

Bruce Melodie yari kumwe na Kenny Sol, Ross Kana ndetse na Producer Kompressor babarizwa muri 1:55AM, bari kumwe n'Umuyobozi wa Sosiyete ya 1:55 AM Ltd, Kenny Mugarura. 

Aba bahanzi bavuze ko bahisemo gusura urwibutso rwa Jenoside yakorewe Abatutsi rw'Akarere ka Nyanza mu rwego rwo kwiga amateka yaranze aka gace mu bihe bya Jenoside yakorewe Abatutsi mu 1994.

Nyuma yo gusobanurirwa amateka bunamiye inzirakarengane zirenga 31,644 zishyinguye muri uru rwibutso. 

Mu rwego rwo guhumuriza no gukomeza abarokotse Jenoside yakorewe Abatutsi, iri tsinda ryasuye, riganira ndetse rigenera impano ababyeyi 10 b'Intwaza barokotse Jenoside yakorewe Abatutsi mu 1994 batuye mu Murenge wa Busasamana ho mu Karere ka Nyanza. 

Abarimo Bruce Melodie, Ross Kana, Kenny Sol na Kompressor ubwo bari ku rwibutso rwa Jenoside rw’Akarere ka Nyanza basobanurirwa amateka yagejeje kuri Jenoside yakorewe Abatutsi

Bruce Melodie yasuye Urwibutso rwa Jenoside rw’Akarere Nyanza ari kumwe n’abagize ikipe ya UGB yashoyemo imari ndetse na Kenny Mugarura uyobora 1:55 AM

Bruce Melodie ari kumwe na Kenny Mugarura uyobora Label ya 1:55 AM

Ross Kana na Bruce Melodie bafashe umwanya wo kunamira inzirakarengane zishyinguye mu rwibutso rwa Jenoside rw’Akarere ka Nyanza 

Kenny Sol aramukanya na bamwe mu baturage bo mu Karere ka Nyanza mu Majyepfo y’u Rwanda 

Abagize 1:55 AM na UGB batanze impano ku babyeyi b’intwaza bo mu Karere ka Nyanza

Kuri uyu wa Gatandatu tariki 12 Mata 2025 humvikanye inkuru ibabaje cyane aho muzehe Karega Cosima Se wa Pastor Kayitanga yitabye Imana. Ni inkuru yababaje cyane umuryango n’inshuti za nyakwigendera wari utuye mu Karere ka Nyagatare mu Ntara y’Iburasirazuba.

Pastor Kayiranga Innocent yabwiye inyaRwanda ko yashavujwe n’urupfu rwa Se witabye Imana mu buryo butunguranye. Ati: “Ntabwo yari arwaye, yaryamye ari muzima ariyorosa arasinzira ntiyakanguka”. Nyakwigendera Karega asize abana batanu; abahungu bane n’umukobwa umwe.

Pastor Kayiranga Innocent ni umushumba mu Itorero Ebenezer Open Bible Church akaba n’umuhanzi ukomeye mu muziki wa Gospel ndetse afatwa nka nimero ya mbere mu Ntara y’Iburasirazuba. Yashakanye na Pastor Nkwihoreze Grace bafitanye abana 5. Bucura bwabo ni umuhungu bise Ntwari Gad Israel wabonye izuba kuwa 25/9/2020.

Yamamaye mu ndirimbo 'Ngarutse imbere yawe’ wanditse mu mwaka wa 2012. Iyi ndirimbo yamubereye umugisha ukomeye kuko ituma atumirwa hirya no hino mu Rwanda cyane cyane mu bukwe ndetse no mu bihugu by’abaturanyi nka Uganda, Tanzania n’u Burundi. 

Se wa Pastor Kayiranga yitabye Imana

Pastor Kayiranga Innocent ari mu baramyi b’ibyamamare mu Rwanda

Ku mugoroba wo kuri iki Cyumweru tariki ya 12 Mata 2025 ku Cyicaro Gikuru cy’Urwego rw’Igihugu rw’Itangazamakuru, RBA, habereye igikorwa cyo kwibuka ku nshuro ya 31 abanyamakuru barenga 50 bishwe muri Jenoside yakorewe Abatutsi mu 1994.

‎Umuyobozi ushinzwe politiki y’itangazamakuru muri RGB, Peacemaker Mbungiramihigo watanze Ubuhamya yavuze uko yageze kuri Radiyo Rwanda. ‎‎Ati: “Mu kwezi k’Ukuboza muri 1992 ni bwo nageze kuri Radiyo Rwanda na bagenzi banjye twari tumaze guhamagarwa nyuma y'ibizamini twakoze tuhamara ukwezi twimenyereza umwuga;

Noneho mu kwezi kwa Mbere mu 1993 mu kwezi aba ari bwo baduha amasezerano nyirizina yo gutangira umurimo mushya. ‎‎Uyu mwuga nawinjiyemo bisa n’aho bintunguye kuko nawutangiye nkiri muto kuko nawutangiye mfite imyaka 23.” 

‎‎Yavuze ko akiri umwana yari afite inzozi zo kuzaba umunyamategeko kugira ngo ajye aharanira kurenganura Abanyarwanda kubera akarengane yabonaga bakorerwa, ariko birangira abujijwe uburengazira bwo kwiga Kaminuza.

‎‎Yavuze ko ubwo abari batsinze ikizamini cy’akazi bahamagarwaga bagiye guhura n’ubuyobozi bwa Radiyo Rwanda, uwari ushinzwe kwakira abantu yiyamiriye avuga ko “ntabwo bisanzwe noneho batuzaniye inyenzi”.

‎‎Ati: “Ubwo twahamagarwaga kwitabira ubuyobozi bwari budutumyeho tumaze gukora ikizamini nari ndi kumwe n'abanyamakuru bari batsinze ikizamini cyo gukora mu rurimi rw'ikinyarwanda, ishami ry'igiswahili ndetse n'igifaransa, tugeze ku irembo ry’aho Radiyo Rwanda yakoreraga uwari ushinzwe kwakira abantu ariyamira agira ati: 'Ntabwo bisanzwe noneho batuzaniye inyenzi”.

“‎Ikintu nibajije naravuze nti ntabwo byoroshye ko umumtu agiye gutangira akazi ngo yakirwe atya nuko ibihe bitameze neza. Birumvikana twatangiranye igishyika ubwoba twibaza aho dutangiriye akazi uko bizagenda”. 

‎‎Peacemaker Mbungiramihigo yavuze ukuntu yigeze kuzanirwa itangazo ryuzuyemo amacakubiri ngo arisome ariko akabyanga. Ati: “Bamwanga Jean Baptiste wari umwanditsi mukuru yazanye itangazo kuko ari njye wari ushinzwe kuyobora amakuru ya saa sita na mirongo ine n'itanu. Ryari rivuye mu basirikare bakuru ba Habyarimana aravuga ngo ni ndinyuzeho uko riri, ndarisoma mbere yuko amakuru atangira. 

‎‎Itangazo uko ryari ryateguwe ryarimo amagambo ashingiye ku macakubiri aho bavuga ngo Inkotanyi ni inyenzi, zitwikiriye ijoro, zongeye gukora amabara n'andi magambo mabi cyane atandukanya Abanyarwanda ndetse uko icyo gihe byari bimeze atashoboraga guhumuriza umuntu. 

‎‎Icyabaye ni uko namubwiye ko hari amagambo yagakwiye kuba asimbuzwa, aya magambo ntabwo mbona ko ari cyo cyerekezo turimo cyo kubaka u Rwanda ruharanira amahoro cyane cyane ko turi mu mishyikirano igamije amahoro, arambwira ngo urarihitisha uko riri nanjye ndamubwira ngo njyewe ntabwo binkundira”. 

‎‎Yavuze ko iryo tangazo bahise bariha undi munyamakuru aba ariwe urikora ndetse ko uwo ariwo mwuka babayemo igihe kinini.

‎‎Mbungiramihigo yavuze ko ubwo Habyarimana yapfaga yari kuri Radiyo amaze gusoma amakuru ubundi nyuma bakaza gutaha aho bari mu modoka y'akazi bagendaga bahura n'interahamwe zibahagarika gusa birangira ageze mu rugo.

‎‎Yavuze ko tariki ya 8 Mata abasirikare baje kumukura aho yabaga akumva ko ibye birangiye. ‎‎Ati: “Ku itariki ya 8 Mata ahagana nka saa cyenda mbona imodoka ya Land Cruiser iraje icyo gihe nabireberaga mu madirishya y'icumbi nabagamo, ihagarara ku irembo ivamo abantu bambaye gisirikare ariko nza kumenya ibyabo tumaze kuganira;

Kuko bahise bakomanga uwo twabanaga mu gipangu arasohoka ababaza uwo bifuza bati turashaka Peacemaker. Birumvikana numvise ko birangiye noneho ndasohoka ndababaza ngo muranshakira iki bati icyo tugushakira uraza kukimenya mukanya gira vuba wihuta kandi nta kintu dushaka kukubaza”.

‎‎Yavuze ko yababwiye ko ari kumwe na murumuna we n'undi wari waje kubasura bamubwira ko nabo ababwira bakaza vuba. ‎‎Abo basirakare babwiye Peacemaker ko murumuna we ukora muri Hotel des mille Collines amubatumyeho ubundi yitsa umutima yumva ko baje kubahungisha.  

‎‎Yavuze ko ageze kuri Hotel des mille Collines yahasanze abandi Banyarwanda ubundi amenya ko mukuru we yishyuye abo basirakare kugira ngo bajye kumutwara. 

‎‎Yavuze ko ari uko yarakotse Jenoside yakorewe Abatutsi, nyuma aza kujyanwa i Kabuga ahari harafashwe n'Inkotanyi. Nyuma yaje kujya kuri Radiyo ya Muhabura we n'abandi banyamakuru kugira ngo bafatanye n'abandi mu rugamba rwo kubohora igihugu.

‎‎Peacemaker Mbungiramihigo yavuze ko nyuma y'urugamba rwo Kubohora igihugu baje gushyira Radiyo Rwanda ku murongo bitewe nuko ibikoresho byayo byose byari byaratwawe. Yashimiye Leta y'Ubumwe kuko yamufashije kuminuza mu bijyanye n'Itangazamakuru.

‎

Peacemaker Mbungiramihigo yatanze ubuhamya bw’uko yigeze kwanga gusoma itangazo kuri Radiyo Rwanda bitewe n’uko ryari ryuzuyemo amacakubiri

Abantu bo mu ngeri zitandukanye bitabiriye igikorwa cyo Kwibuka abanyamakuru bazize Jenoside yakorewe Abatutsi mu 1994

Ni igikorwa cyabaye ku gicamunsi cyo ku wa 11 Mata 2025, aho abayobozi n'abakozi bacyitabiriye babanje gusobanurirwa amateka yagejeje kuri Jenoside yakorewe Abatutsi, mbere yo gusura ibice bitandukanye bigize Urwibutso rwa Ntarama.

Umukozi w'Urwibutso yasobanuye mu buryo buvunaguye uko Jenoside yakorewe Abatutsi yateguwe kugeza ibaye ndetse ko mu Bugesera ari hamwe mu hagaragaza neza itegurwa ryayo. Yagaragaje ingaruka zayo n'imbaraga u Rwanda rwakoresheje mu kwiyubaka.

Mu itegurwa rya Jenoside, benshi mu Batutsi bajyanywe mu Bugesera mu Nkambi bisa no kubaha akato mu yari politiki y'Ababiligi, Parmehutu na Kiliziya Gatolika. Bakimara kugezwayo, batangiye kwicwa n'isazi ya Tse-Tse mbere y'uko mu 1963 batangira kwicwa bitwa ibyitso.

Gutuzwa mu Bugesera byatumye haba hamwe mu hantu hatuwe n'Abatutsi benshi ku buryo batagerwagaho n'iterambere ndetse no mu 1994 byorohera Interahamwe kubicira hamwe.

Tariki ya 15 Mata 1994, ni bwo Abatutsi bose bari bahungiye kuri kiliziya ya Ntarama bishwe mu gihe ari ho bari biteze ubuhungiro ndetse Interahamwe zikomereza mu nkengero zaho kuko benshi bari bihishe mu rufunzo ruri hafi yaho.

Kwicirwa hamwe byatumye ubwo Inkotanyi zageraga muri aka gace tariki ya 14 Gicurasi 1994, zisanga benshi bamaze kubura ubuzima, gusa zitabara mbarwa nubwo intego y'abicanyi yari ukubamara.

Nyuma yo kumva uburyo Abatutsi bari batuye mu Bugesera bishwe, abakozi ba Spiro Rwanda n'abayobozi babo bashyize indabo ku mva, bunamira Abatutsi barenga 6000 baguye muri kiliziya ya Santarali ya Ntarama no mu bice biyikikije.

Umuyobozi Mukuru wa Spiro Rwanda, Arunkumar Bhandari, yavuze ko abantu benshi bahakana Jenoside yakorewe Abatutsi usanga biganjemo abananiwe kwiyumvisha uko Abanyarwanda bashoboye kwambuka ibi bihe.

Ati 'Abahakana Jenoside yakorewe Abatutsi bari mu bihe byo kwihakana ubwabo kandi impamvu ni uko batiyumvisha uburyo abantu babivuyemo bakababarirana, ubu bakaba bakomeje kwiteza imbere.'

Yakomeje asaba abagishidikanya kuri Jenoside yakorewe Abatutsi, ko baza bakumva ubuhamya bw'ibihe Abanyarwanda banyuzemo.

Rubanda Félix ushinzwe ibikorwa byo gushyira umuriro muri moto za Spiro Rwanda, yavuze ko bize ibintu byinshi kubera ko bagaragarijwe ko Jenoside yateguwe igihe kinini bigizwemo uruhare n'ubuyobozi bubi bwari buhari.

Ati 'Ibyo twabonye ni uko Jenoside ntabwo ari ikintu cyahise kiba, ahubwo yateguwe igihe kinini bigizwemo uruhare n'ubuyobozi bubi.'

Yakomeje avuga ko nubwo byagenze uko, ariko bashimira ubuyobozi buriho kubera ko bwahagaritse Jenoside ndetse uyu munsi bwatumye hongera kubaho ubumwe bw'Abanyarwanda.

Ati 'Ubuyobozi buriho bwatumye hongera kubaho ubumwe bw'Abanyarwanda, bongera kubana nta macakubiri kandi u Rwanda rwisangamo n'abantu bose.'

Nyuma yo gusura Urwibutso rwa Ntarama, Spiro Rwanda yasuye Tumuhorane Gentille warokotse Jenoside yakorewe Abatutsi mu 1994, utuye muri uyu Murenge wa Ntarama.

Abakozi bose bafashe umunota wo kwibuka inzirakarengane zishwe Jenoside yakorewe Abatutsi

Abakozi ba Spiro Rwanda babona ko kwbuka ari ukuzirikana abishwe no kwirinda ko byazongera kubaho

Umuyobozi Mukuru wa Spiro Rwanda, Arunkumar Bhandari n’abakozi b’uru ruganda, bashyira indabo ahashyinguwe imibiri irenga 6000 y’Abatutsi biciwe mu Karere ka Bugesera

Umuyobozi Mukuru wa Spiro Rwanda, Arunkumar Bhandari, yasabye ko abagishidikanya kuri Jenoside yakorewe Abatutsi kuza kumva no kwirebera ubuhamya bw’ibihe Abanyarwanda banyuzemo

Umuyobozi Mukuru wa Spiro Rwanda, Arunkumar Bhandari, yanditse ubutumwa bw’ihumure mu gitabo cy’Urwibutso rwa Ntarama

Abakozi ba Spiro Rwanda baremeye Gentille Tumuhorane warokotse Jenoside yakorewe Abatutsi i Ntarama

Yabivuze ubwo abayobozi n'abakozi ba BK Group bifatanyaga b'Abanyarwanda kwibuka ku nshuro ya 31 Jenoside yakorewe Abatutsi mu 1994.

Ni igikorwa cyabereye ku Rwibutso rwa Jenoside yakorewe Abatutsi rwa Kigali ruri ku Gisozi, ku mugoroba wa tariki 11 Mata 2025.

Cyatangiriye ku gushyira indabo ku rwibutso rw'abagera kuri 15 bakoreraga Banki ya Kigali bishwe muri Jenoside, ruri ku cyicaro cy'iyi banki.

Nyuma abakora muri BK Group bakomereje ku Rwibutso rwa Jenoside rwa Kigali bunamira inzirakarengane zisaga 250.000 zihashyinguye ndetse bashyira indabo ku mva mu rwego rwo kubasubiza icyubahiro.

Umuyobozi Mukuru wa BK Group, Dr. Ndagijimana Uzziel, yanenze abari barize bajijutse mu Rwanda ariko bakamira bunguri ingengabitekerezo y'amacakubiri yazanywe n'Abakoloni kugeza ku rwego ubutegetsi bwariho butegura bukanashyira mu bikorwa Jenoside yakorewe Abatutsi.

Yanenze kandi n'umuryango mpuzamahanga utaragize icyo ukora, mu gihe yashimiye Inkotanyi zahagaritse Jenoside.

Yavuze ko imyaka 31 ishize Jenoside irangiye itanga icyizere cyo kudatezuka mu iterambere, asaba buri wese gutanga umusanzu we uko ashoboye mu gukomeza muri uwo mujyo.

Ati 'Muri iyi myaka 31 ishize, u Rwanda rwarahindutse kandi rwahindutse burundu bidasubirwamo. Ntawe uzadusubiza aho twavuye kuko dufite ubuyobozi bwiza bufite icyerekezo cyiza n'abaturage basobanukiwe aho twavuye habi n'aho tugeze heza ndetse n'aho twifuza kugera kandi twese dufatanyije nk'Abanyarwanda.'

Nubwo bimeze gutyo, Dr. Ndagijimana yibukije ko ibyo bikwiye kujyana no gukora cyane by'umwihariko mu batanga serivisi z'imari.

Ati 'Muri uru rugendo rwo kubaka igihugu dufitemo uruhare runini nk'Abanyarwanda muri rusange ariko by'umwihariko abakora mu rwego rw'imari. Turusheho gutanga serivisi nziza, dusobanurire abaturage ibyo dukora byabafasha mu bikorwa byabo byo kwiteza imbere kandi tugere no ku bafite amikoro make, dufashe Leta kugera kuri gahunda yo kugeza serivisi z'imari kuri bose.'

Rugirabaganwa Gaspard uri mu bakozi ba BK barokotse Jenoside yakorewe Abatutsi, mu buhamya bwe yavuze ko nta musaraba yabonye uruta uburyo yarokotsemo ariko kandi ko hari isomo rikomeye ry'ubuzima bitanga.

Ati 'Twari twamaze kwakira urupfu ariko uyu munsi iyo twibutse ko hari amahoro kandi nta habi hashoboka tutageze bidutera imbaraga. Turarwanira kubaho no gukora ibishoboka ngo Jenoside itazongera ukundi kandi nta cyo dutinya kuko twamaze kubona ko ubuzima umuntu ari we ubuharanira.'

Komiseri ushinzwe amategeko mu Ishami ry'Umuryango w'Abibumbye ryita ku Mpunzi mu Rwanda (UNHCR), Ndabirora Kalinda Jean Damascène, yavuze ko biteye agahinda kuba uyu munsi igihugu kigihanganye no gusobanura ko icyabaye mu Rwanda ari Jenoside yakorewe Abatutsi.

Yatanze urugero kuri Leta zunze Ubumwe za Amerika n'u Bwongereza byinangiye bigakomeza gukoresha inyito ya Jenoside yo mu Rwanda ariko ko hazabaho gukomeza gusobanura ukuri.

Ati 'Abakomeza gukoresha iyo mvugo bagamije kwanga kwemera abakorewe Jenoside bitwaje ko hari Abahutu n'Abatwa bapfuye. Ariko igihe kirageze ngo dukomeze guhangana n'abakoresha ibyo binyoma kuko twe dufite ukuri.'

BK Group ni ikigo kibarizwamo Banki ya Kigali (BK), Ikigo cy'Ubwishingizi cya BK (BKGI), Umuryango BK Foundation, BK Capital na BK TecHouse.

Igikorwa cyo kwibuka ku bakoze ba BK cyatangiriye ku Rwibutso rwa Jenoside rwayo

Abagize BK Group bashyize indabo ku rwibutso rw’abari abakozi ba BK bishwe muri Jenoside yakorewe Abatutsi

Ubwo abakozi ba BK Group bashyiraga indabo ku mva zishyinguyemo Abatutsi bishwe muri Jenoside mu 1994

Nyuma yo gushyira indabo ku mva, hakurikiyeho umwanya w’ibiganiro

Ubwo hafatwaga umunota kwo kwibuka Abatutsi bishwe muri Jenoside

Abantu 15 bakoreraga BK bishwe muri Jenoside yakorewe Abatutsi

Munyantwali Alphonse uhagarariye Aegis Trust mu Rwanda, ari mu bitabiriye iki gikorwa cyo kwibuka

Ndabirora Kalinda Jean Damascène yavuze ko biteye agahinda kuba uyu munsi igihugu kigihanganye no gusobanura ko icyabaye mu Rwanda ari Jenoside yakorewe Abatutsi

Rugirabaganwa Gaspard uri mu bakozi ba BK barokotse Jenoside yakorewe Abatutsi, mu buhamya bwe yavuze ko nta musaraba yabonye uruta uburyo yarokotsemo

Abitabiriye iki gikorwa cyo kwibuka bacanye urumuri rw’icyizere

Abana bo muri Sherie Silver Foundation babinyujije mu mukino, bagaragaje ko u Rwanda rwavuye habi ariko ubu hari icyizere

Umuyobozi Mukuru wa BK Group, Dr. Ndagijimana Uzziel, yavuze ko ibihe bya Jenoside yakorewe Abatutsi mu 1994, u Rwanda rwanyuzemo, nta muntu uwo ari we wese uzabirusubizamo

Amafoto: Kwizera Remy Moses