Blog

Minisitiri Dr Biruta uri mu ruzinduko rw'akazi muri Repubulika Iharanira Demokarasi ya Congo, yakiriwe na Perezida Tshisekedi kuri uyu wa Kabiri tariki 19 Mutarama 2021.

Ibiro by'Umukuru w'Igihugu muri RDC byatangaje ku rukuta rwa Twitter ko 'Umuyobozi wa dipolomasi y'u Rwanda yatwaye ubutumwa bwihariye bwa Perezida Paul Kagame yandikiye mugenzi we wa RDC, bujyanye n'imibanire y'ibihugu byombi ndetse n'ibibazo by'Akarere.'

Umubano w'u Rwanda na RDC ushingiye ahanini ku bucuruzi cyane ko kugeza ubu iki gihugu gifatwa nka rimwe mu masoko akomeye y'ibicuruzwa bituruka mu Rwanda, kandi agaciro k'ubuhahirane hagati y'impande zombi kagenda kiyongera umwaka ku wundi.

Nko mu 2012, agaciro k'ibicuruzwa u Rwanda rwoherezaga muri RDC kabarirwaga muri miliyoni 109.3$, mu 2013 karazamutse kagera kuri miliyoni 114.9$, mu 2014 yageze kuri miliyoni 153.6$.

Uyu mubare w'amafaranga u Rwanda rukura mu bicuruzwa rwohereza muri RDC wakomeje wiyongera, kugera aho byageze mu 2018 rwinjiza miliyoni 337.4$, aya mafaranga mu 2019 yarazamutse agera kuri miliyoni 376,71$.

Ku butegetsi bwa Perezida Tshisekedi kandi igihugu cye n'u Rwanda bikomeje kugirana umubano ushingiye ku bufatanye mu gushakira umuti ibibazo byo mu Karere bishingiye ku guhashya imitwe y'iterabwoba ikorera mu mashyamba y'iki gihugu.

Hashize igihe Perezida Tshisekedi hamwe na mugenzi we wa Angola bafashe iya mbere biyemeza kuba abahuza mu bibazo by'u Rwanda na Uganda, byakajije umurego mu 2017 ubwo Abanyarwanda batangiraga gutabwa muri yombi, gukorerwa iyicarubozo, gufungwa no kwamburwa ibyabo.

Umuhate wo gushaka amahoro mu Karere wa Tshisekedi wanagaragajwe n'uburyo akijya ku butegetsi yikije cyane ku guhashya imitwe yitwaje intwaro ibarizwa mu Burasirazuba bw'igihugu cye irimo FDLR n'indi.

Benshi mu bari abarwanyi bayo bakijweho umuriro barafatwa, abandi baricwa ku buryo abasigaye ari mbarwa. Abagiye bazanwa mu Rwanda bavuye muri iyi mitwe bagiye bagaragaza ko kuva Tshisekedi yajya ku butegetsi ibintu byahise bihinduka.

Muri Nyakanga 2021, Urwego rw'Igihugu rushinzwe Ubugenzacyaha, RIB, rweretse itangazamakuru abarwanyi 57 bafatiwe muri ibi bitero by'ingabo za RDC ku mitwe yitwaje intwaro. Muri bo harimo abajenerali batanu, aba-colonel batatu, ba lieutenant Colonel babiri, ba kapiteni n'abandi basirikare bato.

Perezida wa RDC, Félix Tshisekedi yakiriye Minisitiri Biruta mu biro bye

Minisitiri Dr Biruta ari muri Repubulika Iharanira Demokarasi ya Congo aho yagiranye ibiganiro na Perezida w’icyo gihugu nyuma yo kumushyikiriza ubutumwa bwa Perezida Kagame

Minisitiri Dr Biruta yagiranye ikiganiro n’itangazamakuru nyuma yo kwakirwa na Perezida Tshisekedi

Abayobozi ku mpande zombi bafashe ifoto y’urwibutso

Mu bukangurambaga bwo kwimakaza isuku buheruka gukorwa mu Karere ka Nyamagabe, hagaragajwe ko umwanda ari kimwe mu bibangamiye abaturage bagatuye, kuko imibare yerekanye ko abasaga ibihumbi 119 bivuje indwara ziterwa n'umwanda kuva muri Mutarama kugeza mu Ugushyingo 2020.

Umuyobozi w'Akarere ka Nyamagabe, Uwamahoro Bonaventure, yibukije ko ahantu hose hagomba kwimakazwa isuku kugira ngo n'abana bato bakure bazira umwanda.

Ati 'Nta muntu n'umwe ukwiye guteshwa agaciro no kuba afite umwanda kandi uwo mwanda yashoboraga kuwivanaho. Isuku kuri buri muntu, aho twahuriye, mu ngo zacu n'ahandi irashoboka.'

Uwamahoro yavuze ko by'umwihariko mu bigo by'amashuri hamaze gushyirwaho ibikorwa remezo byo kwimakaza isuku, asaba ko bibyazwa umusaruro.

Ati 'Ku mashuri henshi hubatswe ubukarabiro kugira ngo dufashe abana kwiga bafite isuku kandi banirinda icyorezo cya Coronavirus.'

Yasabye ko ibigo by'amashuri bishyiraho uburyo bwo gufata amazi y'imvura nayo agakoreshwa ntapfe ubusa, yibutsa ko abana bagomba gukaraba intoki n'amazi meza n'isabune igihe bagiye kwinjira mu ishuri, mbere yo gutaha ndetse n'igihe cyose umwana asohotse mu ishuri agiye ku bwiherero cyangwa ahandi.

Uwamahoro yavuze ko mu nama aheruka kugirana n'abayobozi b'ibigo by'amashuri, bemeranyije ko abarimu bagomba kugira isuku muri byose kugira ngo batange urugero rwiza ku banyeshuri.

Ati 'Isuku mu banyeshuri tugomba no kubanza kuyibona no mu barimu. Hari aho usanga n'umwarimu ubwe ayoboye ishuri ari imbere y'abana yigisha ariko na we adafite isuku yatuma abana bayibonamo urugero.'

Akomeza agira ati 'Nasabye abayobozi b'amashuri ko umwarimu bazabona aje ku ishuri adafite isuku bazajya bamusubizayo bakamwirukana rwose, kuko nta kindi yaba aje kwigisha abana ataje kubatoza isuku, ataje kubatoza ko ibyo na we yagezeho nka mwarimu n'abo bakwifuza kubigeraho.'

Indwara zituruka ku mwanda zikunze kwibasira abaturage bo mu Karere ka Nyamagabe zirimo inzoka zo mu nda, indwara z'uruhu, amenyo n'impiswi.

Umuyobozi w'Ibitaro bya Kaduha, Dr Kabalisa Tharcisse, yavuze ko izo ndwara zose zishobora kwirindwa abantu bimakaje isuku muri byose bakagira n'ubwiherero bwujuje ibyangombwa.

Abarimu basabwa kugira isuku muri byose kugira ngo abanyeshuri babafatireho urugero

Umuyobozi w’Akarere ka Nyamagabe, Uwamahoro Bonaventure, asura amashuri areba uko imyigire yifashe muri iki gihe cy’icyorezo cya Coronavirus

[email protected]

Minisitiri Siala yifurije Ambasaderi Kalisa kuzagira imirimo myiza ndetse anamwifuriza kuzahirwa muri byose.

Ambasaderi Kalisa na we yashimiye Leta ya Libya mu mugambi wayo wo kugarura amahoro mu gihugu kimaze igihe cyarazahajwe n'intambara. Afite icyicaro mu Misiri, aho azaba areberera inyungu z'u Rwanda muri icyo gihugu, Libya na Algeria.

Ambasaderi Kalisa kandi yashimangiye ubushake bw'u Rwanda mu kubaka umubano ushingiye ku bufatanye bubyara inyungu hagati ya Libya n'u Rwanda.

Iyi nama yahuje Ambasaderi Kalisa na Minisitiri Siala yanitabiriwe na Khalifa Al-Rabibi, usanzwe ari Umuyobozi Mukuru Ushinzwe Ibikorwa bya Afurika muri Minisiteri y'Ububanyi n'Amahanga ya Libya.

Ni umuhango wabaye hitabwa ku mabwiriza yo kwirinda Coronavirus

Ambasaderi Kalisa yabwiye Minisitiri w’Ububanyi n’Amahanga wa Libya ko u Rwanda rurajwe ishinga no kubaka umubano ukomeye hagati y’ibihugu byombi

Ambasaderi Kalisa yatanze kopi z’impapuro zimwemerera guhagararira u Rwanda muri Libya

Kubera ubwiyongere bw’icyorezo cya Coronavirus mu Rwanda, Inama y’Abaminisitiri yateranye kuwa Mbere tariki 18/01/2021 iyobowe na Perezida Paul Kagame yashyizeho ‘Guma mu rugo’ ku baturage bo mu Mujyi wa Kigali mu rwego rwo gukomeza kwirinda no guhashya iki cyorezo cyugarije Isi.

Iki cyemezo cyafashwe nyuma y’ubwiyongere bwinshi bw’ubwandu bwa Covid-19. Reba uko Kigali yiriwe imeze aho hari bamwe mu baturage bari bagiye i Nyabugogo kugira ngo babone uko bagezwa mu ntara kuko bari bari gufashwa uko bagera aho buri umwe ashaka kwerekeza bitewe n’impamvu zinyuranye.

Amafoto yerekana Kigali uko yagaragaye no mu nkengero zayo

 Nyabarongo uva muri Kamonyi uza i Kigali 

Uyu musore yahisemo kuba yisubiriye mu cyaro kugira ngo azagaruke muri Kigali nyuma ya Guma mu rugo 

Muri gare ya Giporoso naho abaturage bari benshi bashaka kujya mu ntara

Mu isoko rya Kimironko abaturage bahashye ku bwinshi

Ni uku byari bimeze muri gare ya Nyabugogo, abaturage bari benshi bashaka kwerekeza mu ntara

Abaturage bari benshi cyane bashaka uko berekeza mu ntara

AMAFOTO: RBA & IGIHE

Esma Khan akaba mushiki w’umuhanzi Diamond Platnumz, avuga ko amagambo nyina yatangaje abantu bayumvise nabi atashakaga kuvuga ko atari umwana we.

Nyuma y’uko atangaje ko Abdul Juma atari we se wa Diamond Platnumz, nyina wa Diamond yongeye gushyira abantu mu rujijo avuga ko Esma Khan ari umwana wa mukuru we.

Yafashe ifoto ayiherekeza amagambo avuga ngo “aho twari Somali (Kariakoo mu mujyi wa Dar) k’umuvandimwe wanjye mama Esma.”

Ibi byazuye impaka ku nyinshi benshi batangira kumubaza niba koko Esma atari umwana.

Abandi bakavuga ko koko ari byo ndetse ari yo mpamvu adasa na Diamond Platnumz umuhanzi w’icyamamare.

Nk’uko Global Publishers yabitangaje, avuga kuri iyi ngingo, Esma yavuze ko abantu babifashe nabi we ari umwana wa Mama Dangote ahubwo ari ho yakuriye abantu benshi bakagira ngo ni umwana we bakamwita Mama Esma.

Ati“noneho babonye ko ntari umwana wa Mama Dangote, bumvise mama avuga Mama Esma ni byo kuko ni mama wanjye mukuru, ni we wandeze, rero abantu bakamwita Mama Esma.”

Atangaje ibi mu gihe Diamond Platnumz nyuma y’uko nyina avuze ko atari umwana wa Juma Abdul yanze kugira ikintu na kimwe abivugaho.

Ifoto Mama Dangote yavugaga ko bari basuye mukuru we

Esma ngo bumvise nabi ibyo nyina yatangaje

Iyi nama yabaye ku gicamunsi cyo kuri uyu wa Kabiri tariki 19 Mutarama 2021, yabaye hifashishijwe ikoranabuhanga ikaba yigaga ku iterambere rya Africa.

Ni inama ibaye mu gihe ibihugu binyuranye biri kuzahura ubuhungu bwabyo bwagiye buzahazwa n’iyaduka ry’icyorezo cya COVID-19 kimaze igihe kirenga umwaka cyadutse ku Isi.

Perezida Kagame watanze ibitekerezo ku bijyanye n’ubuyobozi, muri 2017 yari yatanze ikiganiro muri iriya Kaminuza agaruka ku cyatumye u Rwanda rutera imbere nyuma y’imyaka 23 rwari rumaze ruvuye muri Jenoside yakorewe Abatutsi.

Muri iri somo yatanze ari muri iriya kaminuza yo muri Leta Zunze Ubumwe za America, Perezida Kagame yavuze ko Abanyarwanda babanje kwiyumvamo ko ari bo baziyubakira Igihugu aho gutegereza abanyamahanga.

Perezida Kagame kandi ajya yakira abayobozi bakiri bato bongerera ubumenyi muri iriya kaminuza isanzwe izwiho gutanga ubumenyi buhanitse mu by’ubucuruzi.

UKWEZI.RW