Blog

Uyu musore yagiye kwiga mu ishuri rya Polimoda riri mu mashuri akomeye mu Butaliyani. Umwe mu bantu ba hafi be yabwiye IGIHE ko yatangiye amasomo mu mpera z'umwaka ushize.

Ati 'Yatangiye kwiga umwaka ushize ntabwo yigeze yifuza ko biba ibintu abantu bose bazi, yagiye bucece.'

Turahirwa amaze iminsi asakaza amafoto atandukanye amugaragaza yambaye imyambaro yanditseho Polimoda, ishuri yagiye kwigamo ibijyanye n'imideli mu minsi ishize.

Moses Turahirwa ashinga Moshions yatangiranye n'umudozi umwe, ariko mu 2018 yari ageze kuri 13 bahoraho, barimo umunani bashinzwe kudoda n'abandi bashinzwe gushaka amasoko no kumenyekanisha ibikorwa banyuze ku mbuga nkoranyambaga.

Imyambaro ya Moshions iri mu yatoranyirijwe kugurishirizwa ku rubuga rwa Beyoncé. Mu gihe gishize, Moses Turahirwa aherutse kugaragara mu bantu baturutse mu bice bitandukanye by'Isi, bifashishijwe n'ikipe ya Paris St Germain mu kwamamaza umwenda wayo mushya wakozwe na Jordan.

Mu 2019, Moshions yahembwe nk'ikigo cyateje imbere ibikorerwa mu Rwanda, mu bihembo bizwi nka RDB Business Excellence Awards, bishimira abashoramari babaye indashyikirwa mu mwaka.

Polimoda ni ishuri ryigenga riherereye muri Florence muri Tuscany mu Butaliyani. Iri shuri ryashinzwe mu 1986. Ryigisha guhanga imideli ndetse no kubyaza umusaruro ibijyanye n'imideli.

Turahirwa washinze Moshions yagiye kwiga iby'imideli mu Butaliyani

Umunyezamu w’ikipe y’igihugu Amavubi na AS Kigali, Ndayishimiye Eric Bakame ni we munyarwanda wenyine umaze kwitabira iri rushanwa inshuro zose Amavubi yarikinnye, yiteze ko CHAN 2020 azayikuramo urwibutso ruzaba rutandukanye n’izindi yakinnye.

Amavubi amaze kwitabira shampiyona y’Afurika y’abakinnyi bakina imbere mu bihugu byabo ‘CHAN’ inshuro enye, izo nshuro zose akaba yari kumwe na Bakame, akaba ari munyarwanda wenyine wisangije ako gahigo.

Avuga ko CHAN 3 zatambutse ntacyo azazibukiraho cyane n’ubwo muri 2016 bageze muri 1/2, urwibutso yiteze kurukura muyirimo kubera muri Cemeroun aho yizeye ko bazagera ku mukino wa nyuma.

Ati“kugeza aka kanya navuga ko nta rwibutso, aho nagiye nkina numvaga ko aho nzakura urwibutso rugaragara cyane ni hano kuko urwibutso nshaka ni ukugera ku mukino wa nyuma, izindi zose nagiye ngarukira nu majonjora, 1/4, ubu ni ukugera ku mukino wa nyuma bikaba ari rwo rwibutso.”

Bwa mbere u Rwanda rwitabiriye CHAN yabereye muri Sudani 2011 ubwo rwaviriyemo mu matsinda, 2016 yabereye mu Rwanda ruviramo1/4, 2018 yabereye muri Maroc ruviramo mu matsinda na 2020 irimo kubera muri Cameroun aho bageze muri 1/4 bakazakina Guinea ku Cyumweru.

Bakame(Hagati) yizeye ko CHAN y’uyu mwaka izamuha urwibutso yifuza

Yayoboye bagenzi be mu gushaka itike ya CHAN 2018 kugeza bayibonye

Muri iki gihe usanga urubyiruko rufite impungenge zo gushaka bitewe n’impamvu zitandukanye, nk’ubutane hagati y’abashakanye bukomeje kwiyongera, ikiguzi cy’ubuzima kiri hejuru n’ibindi. Ariko n’ubwo bimeze bityo gushaka ni ngombwa nk’uko tugiye kubirebera hamwe ndetse na Bibiliya irabishimangira.

Abasore n’abakobwa icyo basabwa ni ugutegura imitima yabo no kuba bubatse neza mu mwuka, mu marangamutima no mu mubiri kandi bakwiye kugira intego ihamye mbere yo kwinjira mu rushako. Reka turebere hamwe ibyiza 10 biboneka mu rushako.

1.Umuntu aba yuzuye

Mubyukuri iyo umuntu atarashaka ntaba yuzuye. Iyo usomye Bibiliya mu gitabo cy’Itangiriro ubona ko ari cyo kintu Imana yahereyeho, Imana ntabwo yaremye umugabo ngo ireme n’umugore. Imana imaze kurema umugabo yabonye ko adakwiye kuba wenyine hanyuma imuzanira umugore kugira ngo bombi babe umubiri umwe kandi babane akaramata ndetse babe buzuye.Mubyukuri ibintu Imana yabonye ko atari byiza ko umuntu aba wenyine nta mpamvu yo kubyita byiza.

2. Umuntu aba abonye uwo basangira amarangamutima

Ukuntu Imana yaturemye, ibintu by’ibanze umuntu akenera ni ugukundwa kandi urukundo ababyeyi n’abavandimwe bakunda umuntu bitandukanye n’urukundo umugabo akunda umugore we cyangwa umugore akunda umugabo we.

N’aho imiryango yagukunda ku rwego rwo hejuru ariko uba ubura urukundo rubonerwa mu rushako ari yo mpamvu gushaka ari ngombwa kugira ngo musangire amarangamutima n’uwo mwashakanye. Mubyukuri umugabo yiyumva neza iyo afite umugore iruhande rwe n’umugore yiyumva neza iyo afite umugabo umukunda.

3. Urashibuka, umuryango ukaguka

Iyo hari urugo rushya rutangiye, haba hatangiye ikindi gisekuru mu isi y’umwuka ariyo mpamvu mbere yo kubaka urugo biba bikwiye kubanza gutegurwa neza. Iyo umuntu ashatse ntahite abona umwana ni umubabaro ukomeye kuko urukundo rw’umugore n’umugabo rugaragarira cyane mu mwana, bishatse kuvuga ko umwana ari imbuto iva hagati y’umugabo n’umugore kandi ni ishusho ibahuza bombi.

4. Kugira ubwigenge (independence)

Iyo umuntu akiri ingaragu akigengwa n’amategeko n’amabwiriza y’iwabo cyangwa aho bamucumbikiye, usanga rimwe na rimwe ibintu byose atabifiteho uburenganzira, ugasanga ibintu byose wigengesera ngo utagira ibyo uhutaza kuko haba atari iwawe.

Icyo dukwiye kumeny ni uko kwigenga bidasimbura kuganduka. Bibiliya iravuga ngo mugandukirane ku bwo kubaha Imana. Kuba ugiye kwigenga ntibihindura ko urugo ruba rufite ubuyobozi, kandi kwigenga ntibitanga uburenganzira bwo kuba ikigenge.

5. Ugira icyerekezo cyawe ukubaka ubuzima bwawe uko ubwumva

Iyo uri iwawe ukora ibintu byose nk’uko ubishaka ariko wamaze kubyumvikanaho n’uwo mwashakanye. Ariko kandi bisaba ko abasore n’abakobwa babanza kwiyubaka bakagira icyerekezo no kugira imitekerereze ihamye mbere yo gushaka. Ikindi urubyiruko rukwiye kurangwa n’imyambarire igaragaza kwiyubaha.

6. Wubaka amateka mashya

Umunsi wavuze ngo ndemeye bigahamywa n’Imana n’imiryango ntuzongera kuba umukobwa cyangwa umusore ubuzima bwawe bwose. Nubwo watandukana uzitwa umugore cyangwa umugabo wananiwe n’urugo. Aha rero uba wubatse amateka ashobora kuba meza cyangwa mabi, bivuze ngo uko witwara uri umusore ni byo bizubakirwaho amateka yandi yo kubaka urugo.

7. Imigisha iriyongera

Iyo abantu bashakanye bahuza amaboko, hari imigisha rero yiyongera ibyinjira bikagwira kuko mufatanyije ariyo mpamvu abasore n’abakobwa bagomba kwitoza gukora. Ntibikwiye ko umuntu yumva azinjira mu rushako ategereje guhabwa, ahubwo nawe akwiye kwitegura gutanga kuko ari bwo imigisha yiyongera, kadi Bibiliya ivuga ko ababiri baruta umwe.

8. Ugira icyubahiro iwawe no mu muryango mugari ugahabwa ijambo

Iyo umuntu akiri ingaragu usanga hari aho ahezwa ugasanga hari akantu k’icyubahiro kabura. Ariko iyo ushatse ugira icyubahiro, uhabwa ijambo mu muryango.Iyo umugabo cyangwa umugore batashye, icyubahiro bakiranwa mu rugo ntabwo bakibona bakiri ingaragu kandi no mu muryango mugari barubahwa ndetse hari n’imirimo umuntu atemerewe gukora akiri ingaragu.

9. Bikurinda kujya mu byaha no kuba inzererezi

Iyo ufite urugo hari ibintu udakora ukigengesera uti 'Umugabo cyangwa umugore wanjye niyumva nakoze amahano aragira ngwiki?” Ako kantu karakurinda kandi birakwiye kwitoza gukira ibyaha mbere no kwitoza kwiyubaha no kubaha uwo muzabana mbere yo gushaka.

10. Umenya gufata inshingano kandi ugakura mu bitekerezo

Ubuzima bwo mu rugo ni bwo bugusunika bukagutoza gufata inshingano z’ibikwiye gukorwa. Urugo rugutoza gusohoza inshingano runaka bityo bigatuma n’iyo ugeze hanze bashobora kukugirira icyizere bakagira ibyo bagushinga kuko bazi ko uri mukuru kandi ushoboye kubihagararira.

Muri macye urubyiruko rukwiye gutinyuka rugafata iya mbere mu gushaka, burya nubwo hari ingo nyinshi zisenyuka, izikomeye na zo ni nyinshi kurutaho bityo nta mpamvu yo gutinya kwinjira mu rushako.

Source: agakiza tv

[email protected]

Nemeye Platini [P], umuhanzi nyarwanda ukunzwe muri iyi minsi wahoze mu itsinda rya Dream Boys, avuga ko ajya guhitamo abakobwa bagize ikipe ye yise 'Helena’ yagendeye ku bwiza bwabo kandi hari mu rwego rwo kwamamaza iyi ndirimbo yendaga gusohora kugira ngo imenyekane itaranasohoka.

Helena ni indirimbo nshya ya Platini yokorewe muri Kina Music amashusho yayo afatirwa Dubai, ikaba yaragaragayemo umwamikazi wa Instagram, Shaddyboo.

Mbere y’uko isohoka izina Helena ryari rimaze iminsi rizwi mu mitwe y’abanyarwanda benshi bitewe n’uburyo Platini yaryamamajemo.

Mbere y’uko isohoka abinyujije ku rukuta rwe rwa Instagram, Platini yashyizemo amafoto y’abakobwa 11 yashyize mu ikipe ye ya 'Helena’ aho buri umwe afite igice cy’umubiri kimukurura, aho benshi muri abo ari ibyamamare.

Yagize ati' Aba bari rero mubona ni inshuti zanjye ariko buri wese afite igice ku mubiri kinkurura cyaneee ni ahawe ho kuvumbura. Ikipe yanjye ya 11 yitwa #Helena.'

Bamwe mu bakobwa yifashishije barimo Shaddyboo, Butera Knowless, Bagwire Keza Joannah, Uwase Raissa Vanessa, Uwase Ghislaine Samantha, Isimbi Alliance n’abandi.

Aganira n’ikinyamakuru ISIMBI, yavuze ko yari agamije kugaragaza ubwiza bwa bakobwa b’u Rwanda ariko yifashishije indirmbo ye Helena ndetse byari no mu rwego rwo kuyimenyekanisha.

Ati' Naringamije kugira ngo nerekane ubwiza bwa bashiki bacu ariko bigamije kwerekana indirimbo yanjye ko itaka ubwiza bw’umukobwa uncanganyikisha. Ni indirimbo itaka ubwiza bw’umukobwa budasanzwe rero ngerageza gushyiraho abakobwa bake beza n’ubwo ari benshi ariko sinabavamo.'

Aba bakobwa yirinze gutangaza bose buri umwe igice akunda kuri we, ariko kuri bamwe nka Shaddyboo yavuze ko akunda amaso ye.

Ati'Shaddyboo nkunda amaso ye, afite amaso meza. Uwase Samantha nkunda inseko. Uwase Vanessa ukuntu ateye.'

Avuga ku mpamvu yahisemo gukoresha Shaddyboo mu ndirimbo yagize ati'narabanje ndamuririmba mu ndirimbo nti ufite umubiri umeze nk’uwa Shaddyboo. Ndamwemera, ndamukunda, ni umusitari.'

Ku mafaranga yaba yarishyuye uyu mukobwa yavuze ko bumvikanye ko byaguma hagati yabo ntibijye mu itangazamkuru.

Ati'Shaddyboo namuhaye ibintu byinshi cyane, uretse ko njye na we twumvikanye ko byaguma mu kazi ntibijye mu itangazamakuru, ariko Shaddyboo ntabwo ari agafu k’imvugwarimwe.'

Helena ni indirimbo yaririmbye mu ndimi zitandukanye, Igifaransa(igice cyayo kinini), Icyongereza, Ikinyarwanda n’Iringala.

Yumvikana asaba umukobwa kumugirira impuhwe ntakomeze kumugerageza kuko abizi neza ko iyo amubonye ahita acika intege bitewe na bimwe mu bice by’umubiri we bimukurura.

Amaso ya Shaddyboo ni kimwe mu bimukurura kuri we

Imiterere ya Uwase Vanessa Raissa ni cyo amukundira

Samantha akunda inseko ye

Polisi y’u Rwanda ivuze ibi mu gihe mu Rwanda by’umwihariko mu Mujyi wa Kigali harimo gukorwa igikorwa cyo gusuzuma abantu basanzwe bakora serivisi z’ibanze nk’ubucuruzi cyangwa abandi bashobora kugirwaho ingaruka cyane n’iki cyorezo nk’abakuze n’abafite indwara za karane.

Polisi ivuga ko umuntu basanze afite ubwandu bw’iki cyorezo ntakurikize amabwiriza yo kwitwararika ku buryo ashobora kuyanduza abandi, azakurikiranwa.

Yagize iti 'Tuributsa abaturarwanda ko umuntu wese bapimye bagasanga arwaye Koronavirusi ariko agahitamo gukomeza gukwirakwiza ubwo bwandu ku bushake azakurikiranwa ndetse abe yanashyikirizwa ubutabera nk’uko amategeko abiteganya.'

Polisi y’u Rwanda ikomeza itanga inama igira iti 'Mu gihe usanze waranduye Koronavirusi, urwariye mu rugo cyangwa kwa muganga ugomba kubahiriza amabwiriza yose uhabwa n’inzego z’ubuzima kugira ngo udakwirakwiza iyo ndwara. Dukomeje kwibutsa abaturarwanda kubahiriza amabwiriza yose yo kwirinda Koronavirusi.'

Mu iminsi ine y’iki cyumweru gusa hamaze kugaragara abantu bashya 1 554 banduye COVID-19 barimo 363 bagaragaye kuri uyu wa 28 Mutarama 2021. Muri iyi minsi ine kandi, iki cyorezo cyahitanye abantu 12.

UKWEZI.RW

Ni icyemezo cy’Urukiko rwisumbuye rwa Nyarugenge rwategetse ubuyobozi bwa City Radio kwishyura abanyamakuru bayikoreye amafaranga y’u Rwanda asaga miliyoni 16 by’ibirarane n’indishyi iyo Radio ibagomba.

Mu batsinze City Radio harimo Umunyamakuru Oswald Mutuyeyezu uzwi cyane nka Oswakim ukorera TV10 na Radio 10, n’abandi banyamakuru barimo Ndahiro Valens Papy, Rurangwa Gaston 'Skizzy’ na Juventine Muragijemariya.

Nyuma y’igihe kinini urubanza rutarangira, rwashyize rugera ku musozo maze urukiko rutegeka ko Oswakim yishyurwa 8,500,000 rwf, Skizzy 2,400,000, Juventine 1,680,000 rwf, Bonaventure 1,440,000 rwf naho Ndahiro Valens Papy we akazishyurwa 1,105,000 frw.

City Radio kandi yategetswe kwishyura igihembo cya Avoka kingana na Miliyoni y’amafaranga y’u Rwanda, ndetse n’andi mafaranga ibihumbi 100 yatanzwe nk’ingwate y’igarama.
Urukiko kandi rwategetse City Radio kwishyura imisanzu yose ya RSSB aba banyamakuru bagombaga gutangirwa mu gihe cyose bamaze bahakora.

Isomwa ry’urubanza ryakozwe mu buryo bw’ikoranabuhanga, aho abarega bari muri Guma mu Rugo, ariko babasha kumva incamake y’urubanza.

UKWEZI.RW