Byabereye mu Murenge wa Manihira, Akagari ka Muyira ho mu Mudugudu wa Muyira, mu gitondo cyo kuri uyu wa Mbere, tariki 5 Werurwe 2025.
Amakuru agera kuri IGIHE ni uko iyi mpanuka yabereye mu isambu y'uwitwa Ntibakunze Abizeyimana w'imyaka 52 umaze iminsi yarajyanywe mu kigo kinyuzwamo abantu by'igihe gito cya Murunda (Transit Center) kubera ko isanzwe ikorerwamo ubucukuzi bw'amabuye y'agaciro mu buryo butemewe.
Umunyamabanga nshingwabikorwa w'agateganyo w'Umurenge wa Manihira, Nzaramba Kayigamba Felix yabwiye IGIHE, ko ubu bucukuzi bwarimo abantu bane, babiri ntibabashe kumenyekana, umwe agakomereka undi agapfa.
Ati 'Bakoraga ubu bucukuzi butemewe ndetse butari no mu mbago z'ahakorerwa ubucukuzi bwemewe. Abagwiriwe n'igisimu bari bane, barimo Nsanzimpfura François w'imyaka 42 waje gupfa, naho Nshimiyimana Patrice w'imyaka 25 avanwamo yagize ikibazo ku kaboko, mu gihe abandi babiri bavuyemo ari bazima ntibamenyekane imyirondoro.'
Bijyanye n'Amateka ya buri hantu, Ubuyobozi n'Abaturage mu Murenge wa Musambira kuri uyu wa 04 Gicurasi 2025 bibutse ku nshuro ya 31 Jenoside yakorewe Abatutsi mu 1994. By'umwihariko bibukiye i Bitsibo mu kagari ka Rukambura ahiciwe Abatutsi basaga 390. Umuyobozi w'Akarere ka Kamonyi wungirije ushinzwe iterambere ry'Ubukungu, Uzziel Niyongira yabwiye abaje kwibuka ati' Twahisemo kuba umwe, kureba kure ndetse no gufatanya kuko aribyo bikwiye kuyobora imigirire yacu ya buri munsi'.
Visi Meya Niyongira wari umushyitsi mukuru, yasabye buri wese ko mu rwego rwo gushyigikira ibyiza Abanyarwanda bamaze kugeraho nyuma y'imyaka 31 Jenoside yakorewe Abatutsi mu Rwanda ibaye, bikwiye ko buri wese aharanira Kwigira, kurinda ibyagezweho, kubungabunga Umutekano no kugira uruhare mu iterambere ry'Igihugu, byose byubakiye ku miyoborere myiza irangajwe imbere na Perezida wa Repubulika y'u Rwanda, Paul Kagame we wahagaritse Jenoside hamwe n'Inkotanyi yari ayoboye.
Akomeza ati' Ikintu cyakorwa ni Ubufasha ku bintu bijyanye no kuzisana uretse ko hari n'izo ubona gusana bigoye, bisaba ko zakongera kubakwa kuko ubona ko byapfiriye muri fondasiyo. Inyinshi ni nako zimeze, izindi zitari izo zaraguye izindi nti zikibamo abantu'.
Avuga kandi ko mu bindi bibazo bigaragara basangiye nk'Abarokotse Jenoside ari ibishingiye ahanini ku; Intege nkeya, Ihungabana abenshi bahorana, hakazamo guceceka no kwigunga bizanira benshi uburwayi kandi ngo abenshi nti babivuge.
Nkunduwimye Alexandre, Perezida wa Ibuka mu Murenge wa Musambira avuga ko Abarokotse Jenoside yakorewe Abatutsi by'Umwihariko abatishoboye bo muri uyu Murenge bafite ibibazo byinshi bigendanye n'iby'Ubuzima nk'Uburwayi n'ibindi basigiwe n'ingaruka za Jenoside.
Avuga ko nyuma y'uko Jenoside ihagaritswe hari ibikorwa byinshi abayirokotse batishoboye bagiye bafashwamo cyane cyane nko kubabonera amacumbi mu buryo bwo kubabonera aho bikinga.
Avuga ko izo nzu zubatswe muri iyo myaka ubu ari ibibazo. Ati' Ayo macumbi barayubakiwe ariko kugeza uyu munsi wa none igihe yubakiwe, yubatswe huti huti yubakwa mu buryo bwo kugira ngo babone aho bikinga. Uyu munsi wa none amenshi yarashaje ku buryo hari ayo babamo abavira. Ni inzu zubatswe nta n'ibikoresho bifatika byari biriho, nta micanga na sima bihagije ku buryo izo nzu zari zikomeye. Uburyo bwo gusanwa, inyinshi ni izangiritse ku buryo uburyo bufatika ari ubwo gusenya bagasa nk'aho batangira'. Ahamya ko inzu babaruye zisaga magana atanu.
Umurenge wa Musambira uri mu gace k'iyahoze ari Komine Musambira yahanaga imbibi na Komine Kayenzi, Komine Rutobwe ndetse na Nyamabuye byari mu zigize Perefegitura ya Gitarama.
Aha i Bitsibo, Imibiri isaga 390 y'Abatutsi bahiciwe yarahavanywe ijya gushyingurwa mu cyubahiro mu Rwibutso rw'Akarere rwo Mukibuza. Abarokotse, bijejwe ko ikimenyetso cy'Amateka bamaze igihe basaba kigiye kuhashyirwa.
Abatutsi biciwe i Bitsibo ni abari batuye muri Komine Musambira ndetse n'abandi bavaga mu makomini byahanaga imbibi n'ahandi, aho bagendaga bashaka ubuhungiro, bahigwa n'Interahamwe n'abandi bicanyi.
Uretse aha i Bitsibo, ahandi haguye Abatutsi batari bake muri uyu Murenge ni hafi n'iteme rya Kayumbu aho ingabo zarindaga Perezida Habyarimana Juvenal zifatanije n'Interahamwe zishe zirashe Abatutsi basaga 1500. Hari kandi abiciwe ku Kiliziya i Musambira n'ahandi mu bice bitandukanye bya Musambira.
Ishyirahamwe ry'Umupira w'Amaguru mu Rwanda (FERWAFA) rigiye gukora impinduka zikomeye mu miyoborere yarwo, aho komisiyo enye zirimo ishinzwe Iterambere ry'Umupira w'Abagore zigiye kuvaho, maze Perezida w'iri shyirahamwe abe ari we uzajya yihitiramo abo bakorana muri Komite Nyobozi.
Izi mpinduka ziteganyijwe kwemezwa mu Nteko Rusange Idasanzwe izabera kuri Serena Hotel i Kigali ku wa 3 Gicurasi 2025. Muri iyi Nteko, hazemezwa Amategeko Shingiro mashya ya FERWAFA ya 2025, azagena uburyo bushya bwo gushyiraho Komite Nyobozi.
Ati “Kabone nubwo twavuye kuri 52% tukagera kuri 38%, abantu 38 ku 100 babayeho nabi biraduhangayikishije”.
Avuga ko imvano y'ubu bukene ari uko abaturage benshi ba Karongi batunzwe n'ubuhinzi nabwo budakorwa kinyamwuga kuko ibihingwa byinjiza amafaranga mu Karere ka Karongi ari icyayi na Kawa nabyo bikaba bidahingwa mu mirenge yose ndetse no mu mirenge bihingwamo bidahingwa mu tugari twose n'imidugudu yose.
Ati “Hari ikibazo cy'umusaruro muke mu karere, haba mu kubona ibiribwa no kwinjiza amafaranga mu mifuka y'abaturage. Umusaruro uri hasi cyane ku buryo iki gipimo ibyo kigaragaza ni ukuri. Ingamba dufite ni ukuvugurura ubuhinzi n'ubukerarugendo”.
Mu kuvugurura ubuhinzi, Akarere ka Karongi karateganya gushyira umurima w'icyitegererezo muri buri kagari bitewe n'igihingwa kihera cyane urutoki, ibirayi, imboga n'imbuto, ndetse gateganya no kongera ubuso buhinzeho kawa n'icyayi.
Mu bworozi aka karere karateganya kuzana abashoramari bashyira inzuri ku misozi kugira ngo haboneke amata ahagije.
Kugeza ubu, mu nka inka 55.000 aka karere gafite, izirenga 32.000 ni inyarwanda, icyakora karateganya kongera umubare w'inka za kijyambere zikaba 100% zivuye kuri 52%.
Meya Muzungu avuga ko ibyahoze ari ibihingwa ngandurarugo ubu nabyo byabaye ngengabukungu.
Ati “Mu Burasirazuba mubona imodoka zipakiye ibitoki, buriya umuturage asigarana amafaranga kandi yasigaranye n'ibyo kurya, mubona izipakiye ibigori, mubona iziva mu Majyaruguru zipakiye imboga n'ibirayi, burya abahinzi baba basigaranye amafaranga.'
Ni ingingo yagarutsweho na Minisitiri w'Ububanyi n'Amahanga w'u Rwanda, Amb. Olivier Nduhungirehe, mu ijoro ryo ku Cyumweru tariki 4 Gicurasi 2025.
Minisitiri Nduhungirehe yagaragaje ko ibiganiro by'i Washington na Doha bitanga icyizere ku kurangiza ikibazo cy'umwuka utari mwiza umaze igihe hagati y'u Rwanda na RDC ndetse n'icy'umutekano muke wayogoje u Burasirazuba bwa RDC.
Yavuze ko ibi biganiro bishya byatangijwe bitagamije gukuraho ibya Luanda, ko ahubwo byose byuzuzanya.
Ati 'Twe uko twabivuze na mbere hakiri ibiganiro bya Luanda na Nairobi, twavugaga ko icyangombwa atari ibiganiro kuko hari igihe twabonaga bamwe bashyira ingufu cyane mu biganiro mu kuvuga bati ni ukurengera ibiganiro, twebwe ikibazo ntabwo ari ibiganiro amazina yose babiha, icyangombwa ni icyo ibyo biganiro bigamije.'
Minisitiri Nduhungirehe yakomeje avuga ko 'ibyo biganiro bigamije kugarura amahoro mu Burasirazuba bwa Congo rero n'iyo habamo ibiganiro bitandukanye, abahuza batandukanye ariko bagahuriza hamwe, bose bagamije amahoro arambye mu burasirazuba bwa RDC, twe nta kibazo biduteye.'
Byitezwe ko muri Kamena 2025 U Rwanda na RDC bizashyira umukono ku masezerano y'amahoro azasinywa, mu muhango uzabera muri White House imbere ya Perezida Donald Trump.
Uretse Perezida Paul Kagame na mugenzi we wa RDC, Félix Antoine Tshisekedi bazasinya amasezerano, byitezwe ko uyu muhango uzitabirwa n'abakuru b'ibihugu byagize uruhare mu buhuza mu bihe bitandukanye.
Nubwo hari intambwe imaze guterwa mu bijyanye n'ibiganiro, Minisitiri Nduhungirehe yagaragaje ko u Rwanda rufite impungenge ku bushake buke RDC yagiye igaragaza mu kubahiriza ibyaganiriweho.
Ati 'Uko byagenda kose, ibyo twakora byose ntabwo bigomba kuzarangizwa no gushyira umukono kuri aya masezerano, kubera ko byagaragaye ku masezerano ashize ko hari ikibazo cy'ubushake buke bwa Guverinoma ya Congo bwo gushyira mu bikorwa ibiba byashyizweho umukono.'
Yakomeje avuga ko u Rwanda rufite ibimenyetso ko RDC igishaka intambara.
Ati 'N'ubu tuvugana turi mu biganiro tuzi neza ko Guverinoma ya Congo igifite ubwo bushake bwo gukomeza intambara, amakuru tugenda tubona hirya no hino yemeza ko bagifite ubwo bushake bwo gukomeza intambara.'
Uretse gushyira umukono ku masezerano, Minisitiri Nduhungirehe yasabye ko ibihugu biri kugira uruhare muri ubu buhuza byazashyira n'imbaraga mu kugenzura ko RDC yubahiriza ibyaganiriweho.
Ati 'Ibyo twakora byose ntibizagarukire gusinya ahubwo n'ibyo bihugu bigomba gukoresha ijambo ryabyo kuri Congo kugira ngo biyumvishe ko ibyo kumva ko bazarangiza ikibazo mu buryo bwa gisirikare ko bitigeze bitanga umusaruro kandi bitazashoboka.'
Mbere y'uko amasezerano asinywa, Amerika isobanura ko impande zombi hari ibyo zigomba kuzabanza kumvikanaho. Birimo ko RDC igomba gukemura burundu ibibazo by'umutekano birimo n'ikibazo cya FDLR.
RDC kandi igomba kuzabanza kurangiza amavugurura y'imbere mu gihugu ajyanye n'imiyoborere n'uburyo bwo gusaranganya inyungu ku turere.
Ibihugu byombi bigomba kandi kuzemera ko buri kimwe hari amasezerano kigomba kugirana na Amerika ajyanye n'ubukungu.
Minisitiri Nduhungirehe yavuze ko u Rwanda rufite ibimenyetso ko Congo igishaka intambara nubwo hatangiye ibiganiro bya Washington
Byabereye mu Mudugudu wa Nyabiheke, Akagari ka Kayenzi, Umurenge wa Bwishyura ku wa 4 Gicurasi 2025.
Saa Kumi zirenga z'umugoroba nibwo bamwe mu basore basanzwe bakora ubucukuzi bw'amabuye y'agaciro mu Murenge wa Gitesi bagiranye amakimbirane mu kabari k'uwitwa Hakizimana Bonaventure.
Mu gihe abantu bari bakiri mu kavuyo, umukecuru witwa Ntivuguruzwa Christine wari usanzwe arwara umuvuduko w'amaraso yabonye umurambo agwa igihumure, ubuyobozi buhamagara imbangukiragutabara ihageze isanga yamaze gushiramo umwuka.
Umuvugizi wa Polisi y'u Rwanda mu Ntara y'Iburengerazuba, SP Bonaventure Twizere yabwiye IGIHE ko Polisi yahise itabara ku bufatanye n'izindi nzego z'umutekano ita muri yombi abantu batatu kugira ngo hakorwe iperereza ku byabaye.
Ati “Tuboneyeho kwibutsa abaturage ko gukemura amakimbirane binyuze mu bugizi bwa nabi bishobora guteza ingaruka zikomeye zirimo no kubura ubuzima bw'abantu. Turakangurira buri wese kujya atanga amakuru ku gihe kugira ngo haburizwemo icyaga no kwirinda ikintu cyose cyahungabanya umutekano w'abandi.'
Umunyamabanga Nshingwabikorwa w'Umurenge wa Bwishyura, Gashanana Saïba yabwiye IGIHE ko bakoranyije abaturage babaha ubutumwa bw'ihumure, banasaba kugira umuco wo gutabarana, gutangira amakuru ku gihe, kwirinda guha inzoga umuntu wamaze gusinda no kwirinda kwinjirana mu kabari ibikoresho bikomeretsa.
Abatawe muri yombi bafungiye ku sitasiyo ya Bwishyura, imirambo ya ba nyakwigendera yajyanywe ku bitaro bya Kibuye gukorerwa isuzuma mbere y'uko ishyingurwa.
Umunyamakuru w'inararibonye mu by'imikino, David Ornstein, yemeje ko myugariro w'Umwongereza Trent Alexander-Arnold yamaze gufata icyemezo cyo gusezera burundu mu ikipe ya Liverpool nyuma y'imyaka myinshi ayikinira.
Ibi bibaye nyuma y'uko afashije iyi kipe kwegukana igikombe cya shampiyona ya Premier League, ari nacyo cya nyuma yari ahesheje iyi kipe mu gihe amasezerano ye agomba kurangira muri Kamena uyu mwaka.
Trent Alexander-Arnold, w'imyaka 26, amaze imyaka irenga icumi muri Liverpool kuva akiri muto mu ishuri ryayo ry'abato, akaba yaranabaye umwe mu bakinnyi b'ingenzi cyane b'ikipe nkuru.
Uyu musore yagize uruhare rukomeye mu bihe by'intsinzi byaranze iyi kipe birimo kwegukana Champions League, igikombe cya Premier League, UEFA Super Cup ndetse na FA Cup.
Uko imyaka yagiye ihita, yagiye yigaragaza nk'umukinnyi ushoboye cyane mu kibuga, by'umwihariko ku mwanya wo ku ruhande rw'iburyo mu bwugarizi.
Nk'uko David Ornstein yabigaragaje mu itangazo rye, Trent yamaze kumvikana n'ikipe ya Real Madrid yo muri Espagne, aho biteganyijwe ko azerekeza nyuma y'irangira ry'amasezerano ye muri Kamena 2025.
Azasinyira iyi kipe amasezerano y'imyaka itandatu, bikaba bivuze ko azakinira iyi kipe y'igihangange kugeza mu 2031.
Real Madrid ikomeje kwiyubaka no gushaka abakinnyi bashoboye bazayifasha kurushaho kwigarurira ibikombe bikomeye ku mugabane w'u Burayi.
Trent Alexander-Arnold azaba agiye gufatanya na bagenzi be b'abahanga barimo Jude Bellingham, Vinicius Jr, Eduardo Camavinga n'abandi, mu rugamba rwo gukomeza kuyobora ruhago y'i Burayi.
Kuri ubu, abafana ba Liverpool bakomeje kugaragaza agahinda n'ishimwe icyarimwe, kuko n'ubwo bababajwe n'isezera rye, bishimira uruhare yagize mu gusiga amateka akomeye muri iyi kipe.
Abatoza, abakinnyi ndetse n'ubuyobozi bwa Liverpool bashimangiye ko Trent azahora ari intwari kuri Anfield, kandi ko azakira ikaze igihe cyose azagaruka nk'umushyitsi.
Iki ni kimwe mu bimenyetso bikomeye byerekana ko Liverpool ishobora guhindura byinshi mu bakinnyi bayo mu mpeshyi, aho abakinnyi batarimo no kongerwaho amasezerano bashobora kugenda, mu gihe n'abatoza bashya bazaba bagiye gutangira urugendo rushya.
 Umunyamakuru w'inararibonye mu by'imikino, David Ornstein, yemeje ko myugariro w'Umwongereza Trent Alexander-Arnold yamaze gufata icyemezo cyo gusezera burundu mu ikipe ya Liverpool nyuma y'imyaka myinshi ayikiniraKuri ubu, abafana ba Liverpool bakomeje kugaragaza agahinda n'ishimwe icyarimwe, kuko n'ubwo bababajwe n'isezera rye, bishimira uruhare yagize mu gusiga amateka akomeye muri iyi kipeTrent Alexander-Arnold yasezeye Liverpool, yitegura kwerekeza muri Real Madrid
Myugariro w'uruhande rw'ibumoso wa FC Barcelona, Alejandro Balde, ntabwo ari mu bakinnyi 23 bahamagawe n'umutoza Xavi Hernández berekeza mu Butaliyani, aho bazahura na Inter Milan kuri uyu wa Kabiri tariki 6 Gicurasi 2025, mu mukino wo kwishyura wa ½ cy'irushanwa rya UEFA Champions League.
Uyu mukino urabera ku kibuga cy'i Milan, Giuseppe Meazza (San Siro), ukaba utegerejwe n'abafana benshi cyane bitewe n'uko ariwo uzagena ikipe izabasha kugera ku mukino wa nyuma.
Mu mukino ubanza wabereye i Barcelona, amakipe yombi yanganyije ibitego 3-3, bituma ibintu birushaho gukomera.
Balde, wari umaze iminsi agaragaza urwego rwo hejuru, ntiyajyanye n'abandi kubera ikibazo cy'imvune yagize mu mukino wa shampiyona uheruka bakinamo na Girona.
Abaganga ba FC Barcelona batangaje ko bafashe icyemezo cyo kumuruhura kugira ngo azabashe kugaruka ari muzima mu mukino ukomeye wa El Clásico uzahuza FC Barcelona na Real Madrid ku Cyumweru.
Mu gihe Balde yasibye uru rugendo, FC Barcelona yabonye inkuru nziza y'uko rutahizamu wabo w'Umunya-Pologne, Robert Lewandowski, yagarutse mu myitozo nyuma y'iminsi yari amaze hanze kubera imvune y'itako.
Lewandowski nawe ari mu bakinnyi bagiye i Milan, hari amahirwe menshi ko azinjira mu gice cya kabiri, agasimbura umwe mu bakinnyi b'imbere, bitewe n'uko umukino uzaba uhagaze.
Umutoza Xavi yavuze ko uyu mukino ari ingenzi cyane kandi ko bafite icyizere cyo gukomeza:
'Twizeye ko tuzabona intsinzi. Nubwo dufite abakinnyi bamwe bavunitse, abandi biteguye neza, kandi turi ikipe ifite intego yo kugera ku mukino wa nyuma.'
Abafana ba FC Barcelona bitezweho gutera inkunga ikipe yabo ku bwinshi, nubwo umukino uzabera hanze. Ku mbuga nkoranyambaga, benshi batangiye kugaragaza icyizere cyo kubona intsinzi no kwihorera kuri Inter Milan yabatsinze mu mwaka ushize muri iri rushanwa.
FC Barcelona izakirwa na Real Madrid ku wa Cyumweru tariki 11 Gicurasi mu mukino ushobora kugira uruhare rukomeye mu kwegukana igikombe cya La Liga, dore ko amakipe yombi ari guhatanira ku mwanya wa mbere.
Alejandro Balde yasibye urugendo rwerekeza i Milan, FC Barcelona yizeye intsinzi idafite myugariro wayo w'ibumoso
Ibi yabigarutseho ku wa 03 Gicurasi 2025, mu gikorwa cyo Kwibuka ku nshuro ya 31 Jenoside yakorewe Abatutsi mu Karere ka Nyamagabe, mu Murenge wa Cyanika, ahibukwaga Abatutsi biciwe kui Paruwasi Gatolika ya Cyanika.
Yagaragaje ko mbere y'uko baza kubica babanje guca amatiyo yazanaga amazi kuri Paruwasi, ibyatumye babura ubuzima maze bamwe mu bana bagatangira kwicwa n'inyota kugeza ku wa 21 Mata 1994, ubwo Interahamwe n'abandi bicanyi bagiye kubica bavuye no kwica i Murambi.
Minisitiri w'Ubumwe bw'Abanyarwanda n'Inshingano Mboneragihugu, Dr. Bizimana Jean Damascène, yagaragaje ko n'ubwo iyi Paruwasi Gatolika ya Cyanika yashinzwe mu 1935, ariko nta mbuto z'urukundo zigeze zihaboneka kuko aka gace kabaye igicumbi cya Jenoside kuko yahatangiye kuva kera mu cyiswe Noheli y'amaraso mu bwicanyi bwahabaye mu mwaka wa 1963.
Yagaragaje uko inama yo kwica Abatutsi kuri Noheli yo mu 1963, uwa Perefe wa Gikongoro, Nkeramugaba Andreé, yaje gukoreshereza mu Cyanika ku wa 23 Ukuboza muri uwo mwaka.
Perezida wa Sena, Dr. Kalinda François Xavier, yavuze ko kwibuka ari umwanya uboneye wo gusesengura amateka y'u Rwanda hagamijwe gukumira ko Jenoside yazongera kubaho ukundi, kuko imbaraga zo kuyikumira zihari.
Yagize ati 'Iyi myaka 31 ishize, igaragaza ko ibyagezweho byubakiye ku bumwe bw'Abanyarwanda, bikaduha ikigereranyo hagati y'ubuyobozi bubi n'ubwiza. Ni yo mpamvu, abarota kongera guhembera amacakuru n'ingengabitekerezo ya Jenoside, imbaraga zo kubatsinda zihari kandi na bo barabizi.'
Iyi gahunda yo Kwibuka mu Cyanika, yanahuriranye no gushyingura imibiri 53 mu cyubahiro irimo 51 yabonetse hirya no hino mu murenge ndetse n'indi ibiri yimuwe, aho ije isanga indi isaga ibihumbi 40, iruhukiye mu Rwibutso rwa Cyanika.
Umurenge wa Cyanika uhuje amateka n'ibindi bice byinshi, aho umunsi wo ku wa 21 Mata 1994 wishweho Abatutsi benshi mu gihugu barenga ibihumbi 250 mu bice nka Cyanika, Murambi na Kaduha mu Karere ka Nyamagabe, Karama, Cyarwa, Tumba na Kinazi muri Huye, Nyanza, i Gishubi muri Gisagara, Muhanga, Ruhango, Kamonyi n'ahandi.
Perezida wa Sena, Dr. Kalinda François Xavier, yavuze ko abahembera ingengabitekerezo ya Jenoside ntacyo bazageraho kuko u Rwanda rufite imbaraga zo kubarwanya
Minisitiri Dr. Bizimana yagaragaje mu Cyanika habaye indiri ya Jenoside guhera mbere ya 1994
Abatuye mu Cyanika basabwe kubaka ubumuntu muri bagenzi babo
Abagize inzego z’ubuyobozi bw’Akarere ka Nyamagabe n’iz’umutekano bashyira ururabo aharuhukiye Abatutsi biciwe kuri Paruwasi ya Cyanika
Minisitiri Dr. Bizimana, Perezida wa Sena, Dr. Kalinda na Guverinei w’Intara y’Amajyepfo, Kayitesi Alice, muri iki gikorwa cyo Kwibuka Jenoside yakorewe Abatutsi mu Cyanika
Paruwasi Gatolika ya Cyanika yashinzwe mu 1935 ariko mu 1994 hicirwa Abatutsi benshi
Ibiganiro bigamije gushakira umuti ikibazo cy'umwuka mubi uri hagati y'u Rwanda na RDC, hashize iminsi mike bitangiye gushyirwamo imbaraga cyane ndetse byinjiyemo ibihugu birimo Leta Zunze Ubumwe za Amerika, Qatar, u Bufaransa n'ibindi.
Mu gihe ibi biganiro biri kuba, u Bubiligi buherutse kugaragaza ko bwifuzaga kubigiramo uruhare, ariko hari imbogamizi bw'uko u Rwanda rwaciye umubano nabwo.
Ubwo Minisitiri w'Ububanyi n'Amahanga w'u Bubiligi, Maxime Prévot, yagiriraga uruzinduko muri RDC, yasobanuye ko kugira ngo igihugu kibe umuhuza, biba bisaba ko cyemerwa n'impande zose zifitanye amakimbirane, ariko ngo si ko biri ku Bubiligi.
Yagaragaje ko icyemezo u Rwanda rwafashe muri Werurwe 2025 cyo guhagarika umubano warwo n'u Bubiligi, ubwo rwabushinjaga kubogamira kuri RDC bugamije kwenyegeza aya makimbirane, ari cyo cyabaye imbogamizi.
Mu kiganiro na RBA, Minisitiri w'Ububanyi n'Amahanga w'u Rwanda, Amb. Olivier Nduhungirehe, yagaragaje ko u Bubiligi budakwiriye guhirahira bwinjira muri ibi biganiro kubera imyitwarire yabwo.
Ati 'Kuba Minisitiri w'Ububanyi n'Amahanga w'u Bubiligi aza mu karere mu bindi bihugu ni uburenganzira bwe, ariko ibyo yakorana nabo byose ntabwo bireba u Rwanda, kandi nta nubwo binareba n'ibi biganiro turimo kuko numvise ko bashaka kugira uruhare muri ibi biganiro, nta ruhare bagomba kugira muri ibi biganiro turimo kubera ko bagaragaje ko badashobora kwizerwa mu kutagira uruhande babogamiyemo, kuko bagaragaje ko babogamiye ku ruhande rwa Kinshasa.'
Minisitiri Nduhungirehe yakomeje avuga ko abibwira ko u Bubiligi ari igihugu gifite ijambo mu karere kandi gikwiriye kugira uruhare mu bihakorerwa bibeshya.
Ati 'U Bubiligi nta jambo bugifite mu karere kuko u Bubiligi ni igihugu cyakolonije ibihugu bitatu byo muri aka karere, RDC, u Rwanda n'u Burundi ngira ngo no muri Minisiteri yabo y'ububanyi n'amahanga bari bafite ishami rinini rishinzwe aka karere kurusha ibindi bihugu by'i Burayi.'
Yavuze ko aho kugira ngo u Buligi bukoreshe neza umwanya bwari bufite mu karere, bwawangije.
Ati 'Aho kugira ngo bakoreshe uwo mwanya neza mu kureba ukuntu hagaragara amahoro muri aka karere, bakoresheje uwo mwanya wabo nabi mu gushyigikira Leta ya Congo, mu gushaka gukangurira amahanga yose ngo afatire u Rwanda ibihano, nibyo byatumye duhagarika umubano n'u Bubiligi, hanyuma bikaba byumvikana ko Leta y'u Bubiligi nta jambo igifite mu karere, ntabwo ushobora kugira ijambo mu karere waracanye umubano na kimwe mu bihugu byo muri aka karere aricyo u Rwanda, ibyo birumvikana.'
Muri Werurwe 2025 nibwo u Rwanda rwafashe icyemezo cyo gucana umubano n'u Bubiligi, runategeka abadipolomate b'iki gihugu kuva ku butaka bwarwo.
Impamvu y'icyo cyemezo ni uko hari hashize igihe kinini u Bubiligi busaba amahanga n'imiryango mpuzamahanga kurufatira ibihano, burushinja gufasha umutwe witwaje intwaro wa M23 ukorera muri RDC.
U Rwanda rwarabihakanye, rwamagana iyo myitwarire y'u Bubiligi, igihugu cyagize uruhare rukomeye mu mateka mabi yabaye mu Karere ka Afurika y'Ibiyaga Bigari, kuva mu bihe bwarukolonizaga hamwe na RDC ndetse n'u Burundi.
Minisitiri w'Ububanyi n'Amahanga, Amb. Olivier Nduhungirehe, yavuze ko kugeza ubu nta biganiro bihari bigamije kuzahura umubano hagati y'u Rwanda n'u Bubiligi, ndetse ashimangira ko icyo gihe kitaragera.
Minisitiri w'Ububanyi n'Amahanga w'u Bubiligi, Maxime Prévot, aherutse kugirira uruzinduko i Kinshasa ahura na Perezida Félix Antoine Tshisekedi
