Webrwanda Backend

Blog

  • Abagore barasaba kunganirwa mu mirimo ikorerwa mu ngo itishyurwa –

    Kuba abagore bamara umwanya munini muri iyi mirimo, akenshi bituma batabona umwanya uhagije wo gukora indi mirimo yababyarira inyungu cyangwa ikabateza imbere mu bundi buryo, ibi bigatuma basigara inyuma mu iterambere.

    Bashingiye kuri ibi, barasaba inzego zitandukanye kugira icyo zikora mu kuborohereza mu mirimo ikorerwa mu ngo itishyurwa, hakagabanywa umwanya bayitakazamo kugira ngo babone umwanya wo gukora n’indi mirimo itandukanye.

    Koroherezwa bifuza harimo nko kuba abagabo babo bajya babafasha muri iyi mirimo, kwegerezwa amarerero y’abana ku buryo kwirirwana abana bitabagora, kugabanya igiciro cya gaz, kwegerezwa amavomero ndetse n’ibindi bikorwaremezo byabafasha kubona umwanya wo kujya mu bindi bikorwa.

    Bamwe mu bagore baganiriye na IGIHE, bavuze ko kwirirwa mu mirimo yo mu rugo bibatwara igihe kinini.

    Tumukunde Agnes wo muri Gasabo yavuze ko habayeho kunganirwa mu mirimo yo mu rugo, byatuma babona umwanya wo kujya gukora indi mirimo yakwinjiriza umuryango ugatera imbere.

    Yagize ati “Umugore yirirwa mu rugo ava mu bana ajya mu masahani, ajya no guteka bukamwiriraho nta kindi akoze. Ariko Leta yongereye amarerero y’incuke nibura wabona n’umwanya wo gucuruza cyangwa kujya mu bindi.”

    Iki cyifuzo agihuje na Bagwire Valentine, wavuze ko hakwiye ubufatanye bwa Leta n’abaturage mu koroshya iyi mirimo ndetse no guhugura abagabo bakajya bafasha abagore babo.

    Ati “Icya mbere abagabo bakwiye guhugurwa imyumvire yo kutagira icyo bakora ikabavamo, kuko mufatanyije buri wese yabona akanya ko kugira icyo akora cyinjiza mu rugo.”

    “Ikindi Leta ikwiye gushyiramo imbaraga ni ukureba uko batworohereza kubona zimwe muri serivisi zatwunganira mu mirimo dukora mu ngo, nko kuba haboneka amarero, gushyira amavomero hafi ku buryo byatuma tubona wa mwanya wo gukora ibindi.”

    Umukozi muri Minisiteri y’Uburinganire n’Iterambere ry’Umuryango mu Ishami ryo guteza imbere abagore mu bukungu, Mukantaganda Sarah, yavuze ko hakwiye ubufatanye bw’inzego zitandukanye mu gukora ubukangurambaga bugamije guha agaciro no kunganira abagore muri iyi mirimo.

    Ati “Dufatanye twese n’izindi nzego n’abafatanyabikorwa batandukanye mu kumvisha cyane umuryango nyarwanda ko iriya mirimo ifite agaciro, ndetse no kureba neza icyafashwa abagore muri iyi mirimo.”

    Ubushakashatsi bwakozwe n’Umuryango wigenga ushinzwe kurwanya ubukene n’akarengane ActionAid, bugaragaza ko abagore bamara amasaha ane bakora imirimo yo mu rugo itishyurwa, habayeho inyunganizi byagabanya aya masaha bigatuma bakora n’ibindi.

    Kubera kwirirwa mu mirimo yo mu rugo, bidindiza iterambere ry’umugore

  • Gisagara: Hafashwe abakoraga inzoga itemewe yitwa Nyirantare – #rwanda #RwOT

    Ni igikorwa cyabereye mu Murenge wa Mamba, Umurenge wa Gikonko no mu Murenge wa Mukindo, aha hombi hafatiwe litiro 840 z'inzoga yitwa Nyirantare.

    Umuvugizi wa Polisi mu Ntara y'Amajyepfo, SP Theobald Kanamugire yavuze ko biturutse ku makuru yatanzwe n'abaturage Polisi yafatanije n'izindi nzego bakora igikorwa cyo gufata abakora ndetse bakanacuruza ziriya nzoga.

    Yagize ati 'Abaturage baba bazi abantu bakora ziriya nzoga bakaduha amakuru, mu Murenge wa Mamba mu Kagari ka Ramba mu ngo eshanu z'abaturage twahafatiye litiro 430 z'ikinyobwa kitujuje ubuziranenge kizwi ku izina rya Nyirantare. Mu Murenge wa Mukindo mu Kagari ka Nyabisagara abaturage 3 twabafatanye litiro 180 nazo za Nyirantare naho mu Murenge wa Gikonko mu Kagari ka Cyili mu rugo rw'umuturage umwe twahasanze litiro 230 nazo za Nyirantare.'

    SP Kanamugire yakomeje avuga ko muri bariya bantu bafatanwe inzoga zitemewe harimo abazikora bakaziranguza abajya kuzipima mu tubari nyamara utubari tutemewe muri ibi bihe byo kurwanya COVID-19.

    Ati 'Bamwe muri bariya bantu twasanze barimo kuzipima mu tubari twa rwihishwa ndetse hari n'abazicururiza mu bisambu bihishe ubuyobozi. Icyo tubwira abaturage ni uko usibye kuba ziriya nzoga zibangiriza ubuzima zikanabatera gukora ibyaha, muri iki gihe bashobora no kwanduzanya icyorezo cya COVID-19 kuko usanga nta bwiriza baba bafite. Byongeye kandi barimo kwica amabwiriza yo kurwanya COVID-19 kuko utubari turafunze.'

    Muri iyi Ntara y'Amajyepfo hakunze kugaragara cyane inzoga zitemewe (zitujuje ubuziranenge) ariko na none kenshi hakunze no kugaragara ibikorwa bya Polisi byo kurwanya izo nzoga nyuma abaturage bagahabwa ubutumwa bwo kuzirinda bakanasobanurirwa ingaruka zazo.

    Umuvugizi wa Polisi mu Ntara y'Amajyepfo yakomeje ashimira abaturage bakomeje gufasha Polisi mu rugamba rwo kurwanya inzoga zitemewe ariko anababwira ko Polisi y'u Rwanda itazigera icogora mu mukuzirwanya.

    Ati 'Kugira ngo tubashe gufata abakora ziriya nzoga bituruka ku makuru y'abaturage bamaze gusobanukirwa neza ingaruka zazo ku mutekano no kubuzima bwa muntu. Ibi bikorwa byo kurwanya inzoga zitemewe ntabwo bizigera bihagarara bizakomeza.'

    Abafatanwa ziriya nzoga bajyanwa ku murenge bakigishwa nyuma bagacibwa amande ndetse izo nzoga zikamenwa.

    Ingingo ya 5 y'Iteka rya Minisitiri Nº001/MoH/2019 ryo ku wa 04/03/2019 rigena urutonde rw'ibiyobyabwenge n'ibyiciro byabyo rishyira inzoga zikozwe mu buryo budakurikije ibisabwa n'amabwiriza y'ubuziranenge n'andi mategeko mu biyobyabwenge byoroheje.

    Itegeko nº68/2018 ryo ku wa 30/08/2018 riteganya ibyaha n'ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu Gihugu ibiyobyabwenge cyangwa urusobe rw'imiti ikoreshwa nka byo mu buryo bunyuranije n'amategeko, aba akoze icyaha. Iyo abihamijwe n'urukiko ahanishwa igifungo kitari munsi y'imyaka irindwi (7) ariko kitarenze imyaka icumi (10) n'ihazabu y'amafaranga y'u Rwanda atari munsi ya miliyoni eshanu (5.000.000 FRW) ariko atageze kuri miliyoni icumi (10.000.000 FRW) ku byerekeye ibiyobyabwenge byoroheje.

    Source : http://igihe.com/amakuru/u-rwanda/article/gisagara-hafashwe-abakoraga-inzoga-itemewe-yitwa-nyirantare

  • Rwanda&DRC : Inzego z’umutekano zimaze iminsi mu biganiro hari ibyo ziyemeje #rwanda #RwOT

    Mu gutangiza iyi nama y’iminsi itatu yabaye kuva tariki 12-14 Gashyantare 2021, uwari uyoboye itsinda rya DRC, Francois Beya Kansonga akaba asanzwe ari n’umujyanama wa Perezida Felix Tshisekedi, yavuze ko ubusanzwe ibi bihugu byombi ari ibivandimwe.

    Gusa ngo hari ibihugu birimo ibyo mu burengerazuba bw’Isi byagiye byivanga mu mibanire ya RDC n’u Rwanda kugira ngo bitabana mu mahoro.

    Icyo gite yagize ati 'Twaje hano kugira ngo duhinyuze Isi yose by’umwihariko ibihugu by’Iburengazuba bw’Isi bitifuza ko twumvikana cyangwa ngo tubane mu mahoro ndetse batifuza ko twicara ngo tuganire, twaje ngo tubabwire ko turi umwe kandi ko nta makimbirane azongera kuba hagati yacu.'

    Umugaba mukuru w’Ingabo z’u Rwanda, General Jean Bosco Kazura na we ubwo hatangiraga ibi biganiro yavuze ko mu mibanire myiza y’u Rwanda na DRC, bizanira amahirwe abatuye ibi bihugu ndetse ayo mahirwe akaguka akagera ku mugabane wa Africa.

    Mu itangazo ryashyizwe hanze na Minisiteri y’Ingabo mu Rwanda, ivuga ko muri hagendewe ku mirongo yafatiwe muri iyi nama y’ubufatanye bw’ibihugu byombi mu guhashya no kurandura ibibazo by’umutekano bihuriyeho nk’uko byanemejwe n’abakuru b’ibihugu byombi.

    Iri tangazo rivuga ko ibi biganiro byashyizeho imirongo ndetse na gahunda z’ibikorwa byo gushyira mu bikorwa ubu bufatanye.

    Umubano w’u Rwanda na Repubulika Iharanira Demokarasi ya Congo wakunze kuvugwamo agatotsi akenshi bikunze guturuka ku kuba mu mashyamba ya kiriya gihugu cyo mu Burengerazuba y’u Rwanda hari umutwe wa FDLR urimo n’abasize bakoze Jenoside yakorewe Abatutsi.

    Uyu mutwe kandi wakunze guhungabanya umutekano w’u Rwanda mu bitero byoroheje wagiye ugaba mu bice birimo ibyo mu Majyaruguru y’u Rwanda bikanahitana ubuzima bw’abaturage.

    Kuva Perezida Félix Antoine TSHISEKEDI TSHILOMBO yatorerwa kuyobora kiriya gihugu, umubano w’Ibihugu wagiye utera intambwe ndetse ku buyobozi bwe hakomeje kugaragara ibikorwa by’igisirikare cy’Igihugu cye bigamije kurandura iriya mitwe iri mu mashyamba ya kiriya gihugu.

    Mu kiganiro kitwa Battlegrounds giherutse gutambuka ku mbuga nkoranyambaga, Perezida Kagame Paul yavuze ko ibibazo by’umutekano muri Repubulika Iharanira Demokarasi ya Congo byabayeho kuva cyera gusa ko hari igihe bicogora ariko nyuma y’igihe bikongera bikabyuka.

    Perezida Kagame yavuze ko Perezida Félix Antoine TSHISEKEDI akomeje kugaragaza ubushake bwo kurandura biriya bibazo afatanyije n’ibihugu by’ibituranyi.

    UKWEZI.RW

    Source : http://www.ukwezi.rw/mu-rwanda/2/article/Rwanda-DRC-Inzego-z-umutekano-zimaze-iminsi-mu-biganiro-hari-ibyo-ziyemeje

  • Biteye agahinda: Ku munsi w'abakundana, umuhungu yatereye ivi umukobwa bamaranye imyaka 3 bakundana ashaka kumwambika impeta umukobwa arabyanga – YEGOB #rwanda #RwOT

    Mu gihugu cya Uganda mu gace kitwa Mbale umuhungu azwe n'isoni k'umunsi wahariwe abakundana uzwi nka St. Valentin, uyu muhungu uvuga ko amaze imyaka igera kuri 3 akundana niyi nkumi ndetse ko amaze kumushoraho amafaranga arenga Miliyoni 10 z'amashiringi.

    Mu kiganiro uyu muhungu yagiranye na Ugonline d dukesha iyi nkuru, yavuze ko yari amaze igihe atekereza gushyira mumago uyu mukobwa ndetse kuriwe akaba abona atagombaga kurenza uyu mwaka atamushyize mumago, ahamya ko iyi mpeta yari yayitumije mubushinwa yamugezeho ihagaze agaciro ka 1000$.

    Yari yatumiye inshuti ze kugirango zimufashe gutungura uyu mukunzi we nubwo byaje kurangira ariwe utunguwe ndetse agasebera imbere yabo yatumiye.

    Like this:

    Like Loading…

    Source : https://yegob.rw/biteye-agahinda-ku-munsi-wabakundana-umuhungu-yatereye-ivi-umukobwa-bamaranye-imyaka-3-bakundana-ashaka-kumwambika-impeta-umukobwa-arabyanga/

  • Gatsibo: Yatawe muri yombi nyuma yo gukuramo inda y'amezi icyenda, umwana akamuta mu musarane – #rwanda #RwOT

    Byabaye ku wa Gatandatu tariki ya 13 Gashyantare ahagana saa Cyenda z'amanywa mu Mudugudu wa Gashure mu Kagari ka Kibare mu Murenge wa Nyagihanga mu Karere ka Gatsibo.

    Umwe mu baturage bakuye umurambo w'uyu mwana mu musarane yabwiye IGIHE ko uyu mukobwa yari amaze iminsi agaragaza ibimenyetso by'uko atwite ababyeyi be n'abaturanyi babimubaza akabyamaganira kure avuga ko ari umubyibuho usanzwe.

    Yavuze ko ejo ubwo nyina w'uyu mukobwa yari avuye guhinga aribwo yasanzwe uyu mukobwa yakuyemo inda, abona amaraso menshi cyane mu nzu ni ko guhuruza abaturanyi.

    Ati 'Twaraje tumwotsa igitutu atubwira ko yamutaye mu musarane, tujyamo tumukuramo dusanga yapfuye, yari umwana mwiza cyane munini ku buryo twese twamubonye agahinda karatwica.'

    Umunyamabanga Nshingwabikorwa w'Akagari ka Kibare, Nsanzubukire Abel, yabwiye IGIHE ko koko uyu mukobwa yatawe muri yombi ndetse anashyikirizwa RIB kugira ngo akomeze akorerwe dosiye nyuma yo gukuramo inda y'umwana wendaga kuvuka.

    Yagize ati 'Ababyeyi be n'abaturanyi ni bo bamufashe nyuma yo kubona ko inda yari afite isa n'iyavuyemo, basanga umwana yamutaye mu musarani. Ubuyobozi bw'umudugudu n'abaturage bahise bamujyana ku murenge hamwe n'uwo mwana we wari wapfuye, urebye umwana yamukuyemo yenda kuvuka kuko amezi icyenda yari yageze.'

    Gitifu yakomeje avuga ko mu myaka ine amaze muri aka kagari aribwo bwa mbere habereye amahano nk'aya ngo bikaba bibabaje cyane, yavuze ko uyu mukobwa wakuyemo inda yari umuntu uhora acecetse cyane ku buryo utamenyaga icyo atekereje.

    Ati 'Kuri ubu hari gukurikiranwa umuntu ushobora kuba yaramugiriye inama yo gukuramo iyi nda yendaga kuvuka, harakekwa umugabo baturanye usanzwe ufite umugore n'abana, uyu anakekwaho kuba ariwe wamuteye iyi nda.'

    Gitifu Nsanzubukire yavuze ko nyuma yaho habereye aya mahano bagiye kurushaho kwegera abaturage bakabagira inama yo kwegera abana babo b'abakobwa hakabaho kubaganiriza ku bijyanye no kubarinda inda zitateganyijwe ngo n'abo bibayeho hakabaho kubyakira ntibihekure.

    Kuri iki Cyumweru, tariki ya 14 Gashyantare 2021, abaturage ni bwo bashyinguye uyu mwana mu gihe umukobwa wakuyemo inda afungiwe kuri Sitasiyo ya RIB ya Nyagihanga kugira ngo akomeze akurikiranwe.

    Source : http://igihe.com/amakuru/u-rwanda/article/gatsibo-yatawe-muri-yombi-nyuma-yo-gukuramo-inda-y-amezi-icyenda-umwana-akamuta

  • Wa muhanzikazi nyarwanda wasabye ko Sugira Ernest amutera inda yongeye arabishimangira #rwanda #RwOT

    Nk'uko twabibagejejeho mu nkuru zacu zatambutse Noëlla Izere yakije umuriro ku mbuga nkoranyambaga ubwo yatangazaga ko yifuza kubyarana na Rutahizamu Sugira nyuma yo guhesha intsinzi ikipe y'igihugu Amavubi muri CHAN 2020 ubwo yatsindaga igitego cyatumye amavubi agera muri 1/4.

    Uyu mukobwa aganira na ISIMBI TV yabajijwe icyatumye asaba Sugira Ernest kumutera inda avuga ko yagize ibyishimo byinshi bitewe nibyo yaramaze gukora maze na we abona hari igihembo yamuha,Uyu mukobwa yagize isoni zo kubishimangira neza, avuga ko byose biri mu busizi ariko ,impano iruta iyindi waha umuntu ari ukumubyarira.

    Yagize ati:'Hari igihe umuntu wumva ngo yagabiye undi inka cyangwa ikindi kintu gitandukanye,ariko kuba wabyarira umuntu ni ikintu gihebuje cyane.Nafashwe n'amarangamutima numva ntayindi mpano namuha..gusa wenda nzayivunjamo ikindi kintu..nabyo ni ubusizi'.

    Source : http://umuryango.rw/imyidagaduro/article/wa-muhanzikazi-nyarwanda-wasabye-ko-sugira-ernest-amutera-inda-yongeye

  • Ku munsi w'abakundana,The Ben yashyize hanze amashusho ari gusoma Miss Pamella Uwicyeza #rwanda #RwOT

    Ibi rero The Ben akaba yabikoze yifashishije urubuga rwa Instagram, aho yashyize muri Story, video ari gusoma Miss Pamella ku itama iri kumwe n'indirimbo irimo amagambo agira ati :'Nzagukunda akaramata.'

    Iyi ni Screenshot twafashe y'amashusho The Ben yashyize kuri Story ye ya Instagram

    Miss Pamella nawe akaba ku ruhande rwe yashyize kuri Instagram ifoto ya The Ben ndetse anamutura indirimbo y'urukundo yitwa 'Get You the Moon.'Urukundo rwaba bombi rukaba rwaratangiye batabyemera kuko The Ben ubwe ikinyamakuru UMURYANGO twigeze kumubazaho iby'umubano we na Pamella maze adutangariza ko nta bidasanzwe ko amufata nka Mushiki we.

    Nyuma bakomeje kugenda baca amarenga yo kuba bakundana ariko nabwo baterura ku buryo niyo basohokeraga ahantu bagendaga mu ibanga rikomeye,ndetse hari n'igihe buri umwe yagendaga ukwe undi nawe akaza inyuma amukurikiye,ubundi bagahurira aho basezeraniye gusohokera.

    Aha twafa nk'urugero rwo kujya gusohokera muri Tanzania,habanje Pamella hanyuma The Ben nawe aza kumusangayo nyuma baza gutamazwa n'amafoto icyo gihe bashyize ku mbuga nkoranyambaga zabo.

    Source : http://umuryango.rw/imyidagaduro/article/ku-munsi-w-abakundana-the-ben-yashyize-hanze-amashusho-ari-gusoma-miss-pamella

  • Gatsibo: Yatawe muri yombi nyuma yo gukuramo inda y’amezi icyenda, umwana akamuta mu musarane –

    Byabaye ku wa Gatandatu tariki ya 13 Gashyantare ahagana saa Cyenda z’amanywa mu Mudugudu wa Gashure mu Kagari ka Kibare mu Murenge wa Nyagihanga mu Karere ka Gatsibo.

    Umwe mu baturage bakuye umurambo w’uyu mwana mu musarane yabwiye IGIHE ko uyu mukobwa yari amaze iminsi agaragaza ibimenyetso by’uko atwite ababyeyi be n’abaturanyi babimubaza akabyamaganira kure avuga ko ari umubyibuho usanzwe.

    Yavuze ko ejo ubwo nyina w’uyu mukobwa yari avuye guhinga aribwo yasanzwe uyu mukobwa yakuyemo inda, abona amaraso menshi cyane mu nzu ni ko guhuruza abaturanyi.

    Ati “Twaraje tumwotsa igitutu atubwira ko yamutaye mu musarane, tujyamo tumukuramo dusanga yapfuye, yari umwana mwiza cyane munini ku buryo twese twamubonye agahinda karatwica.”

    Umunyamabanga Nshingwabikorwa w’Akagari ka Kibare, Nsanzubukire Abel, yabwiye IGIHE ko koko uyu mukobwa yatawe muri yombi ndetse anashyikirizwa RIB kugira ngo akomeze akorerwe dosiye nyuma yo gukuramo inda y’umwana wendaga kuvuka.

    Yagize ati “Ababyeyi be n’abaturanyi ni bo bamufashe nyuma yo kubona ko inda yari afite isa n’iyavuyemo, basanga umwana yamutaye mu musarani. Ubuyobozi bw’umudugudu n’abaturage bahise bamujyana ku murenge hamwe n’uwo mwana we wari wapfuye, urebye umwana yamukuyemo yenda kuvuka kuko amezi icyenda yari yageze.”

    Gitifu yakomeje avuga ko mu myaka ine amaze muri aka kagari aribwo bwa mbere habereye amahano nk’aya ngo bikaba bibabaje cyane, yavuze ko uyu mukobwa wakuyemo inda yari umuntu uhora acecetse cyane ku buryo utamenyaga icyo atekereje.

    Ati “Kuri ubu hari gukurikiranwa umuntu ushobora kuba yaramugiriye inama yo gukuramo iyi nda yendaga kuvuka, harakekwa umugabo baturanye usanzwe ufite umugore n’abana, uyu anakekwaho kuba ariwe wamuteye iyi nda.”

    Gitifu Nsanzubukire yavuze ko nyuma yaho habereye aya mahano bagiye kurushaho kwegera abaturage bakabagira inama yo kwegera abana babo b’abakobwa hakabaho kubaganiriza ku bijyanye no kubarinda inda zitateganyijwe ngo n’abo bibayeho hakabaho kubyakira ntibihekure.

    Kuri iki Cyumweru, tariki ya 14 Gashyantare 2021, abaturage ni bwo bashyinguye uyu mwana mu gihe umukobwa wakuyemo inda afungiwe kuri Sitasiyo ya RIB ya Nyagihanga kugira ngo akomeze akurikiranwe.

  • Umutoza Eric Nshimiyimana yikomye umuyaga #rwanda #RwOT

    Umutoza wa AS Kigali, Eric Nshimiyimana avuga ko umuyaga n’imisifurire ari kimwe mu byatumye batitwara neza ku mukino wa CS Sfaxien.

    Ku wa Gatandatu w’icyumweru gishize, AS Kigali yari yasuye CS Sfaxien mu mukino ubanza w’ijonjora rya nyuma rya CAF Confederations Cup, ni umukino wabereye kuri Stade Taïeb Mhiri iherereye mu Mujyi wa Sfax.

    Uyu mukino waje kurangira AS Kigali itsinzwe ibitego bine ku gitego kimwe gusa.

    Agaruka kuri uyu mukino, umutoza wa AS Kigali, Eric Nshimiyimana yavuze ko kimwe mu bintu byamugoye n’abakinnyi be harimo umuyaga.

    Ati“Ni irushanwa niko bigenda, twagerageje yaba mu mayeri ndetse n’imbaraga. Abakinnyi umuyaga wabagoraga cyane ariko muri rusange ibyo nari nateguye byabaye usibye umusaruro w’ibitego 4-1 navuga ko bitwiciye gahunda.'

    Yakomeje avuga ko uretse umuyaga, ikindi cyabagoye ari imisifurire, aho avuga ko umusifuzi wasifuye uyu mukino atababaniye(ni umukino kandi Muhadjiri yabonyemo ikarita itukura n’umutoza wungirije Mutarambirwa Djabil ahabwa umuhondo).

    Ati“Nk’uko mubivuze igice cya mbere cyagenze neza gusa uko umukino wakomezaga njye navuga ko umusifuzi yagaragaje ko atari ku rwego rwawo kuko hari ibyemezo yafashe byica umukino.'

    'CS Sfaxien ni ikipe ikomeye, ariko nyuma y’iminota 20 nabonye ko hari icyuho mu bwugarizi no hagati hayo, nagerageje kubibyaza umusaruro ariko umusifuzi uko umukino wakomezaga, navuga ko yakoze ibintu bitari byiza ku ruhande rwacu, bitadushimishije nka AS Kigali, ariko nta kundi.'

    Biteganyijwe ko umukino wo kwishyura uzaba tariki ya 21 Gashyantare i Kigali mu Rwanda, AS Kigali ikaba isabwa gutsinda ku kinyuranyo cy’ibitego 3 kugira ngo igere mu kindi cyiciro.

    Rutahizamu wa AS Kigali, Orotomal Alex

    Hakizimana Muhadjiri yahawe ikarita itukura mu minota ya nyuma y’umukino

    Source : http://isimbi.rw/siporo/article/umutoza-eric-nshimiyimana-yikomye-umuyaga

  • Uko amakipe 16 y’icyiciro cya mbere abayeho nyuma y’ihagarikwa rya shampiyona #rwanda #RwOT

    Amezi abiri arirenze shampiyona y’icyiciro cya mbere mu mu mupira w’amaguru mu Rwanda umwaka w’imikino 2020-2021 ihagaritswe kubera icyorezo cya Coronavirus, ibi byatumye amwe mu makipe afata ingamba zo guhagarika amasezerano y’abakinnyi, andi agabanya imishahara ni mu gihe hari andi yakomeje guhemba uko bisanzwe.

    Ubwo shampiyona yari igeze ku munsi wa 3, Minisiteri ya Siporo tariki ya 11 Ukuboza 2020 yafashe umwanzuro wo guhagarika shampiyona kubera amwe mu makipe atigeze yubahiriza amabwiriza yo kwirinda iki cyorezo.

    Kugeza uyu munsi ntabwo igihe shampiyona izasubukurirwa kiramenyekana, akaba ari na zo mpungenge abayobozi b’amakipe bagize bamwe bahitamo guhagarika umushahara cyangwa se amasezerano y’abakinnyi.

    Ubundi umushahara ni ingurane y’akazi kaba kakozwe, akazi k’abakinnyi ni ugukina, mu gihe shampiyona itarimo kuba abakinnyi bakaba batarimo gukina birumvikana ko n’ikipe yahagaritse amasezerano by’igihe gito ifite ishingiro.

    Muri iyi nkuru ISIMBI yagerageje kunyura mu makipe yose uko ari 16 akina icyiciro cya mbere ngo imenye uko babayeho, muri yo 6 ntabwo yigeze ahagarika amasezerano y’abakinnyi, 4 yagabanyije imishahara ni mu gihe 6 yahagaritse amasezerano y’abakinnyi.

    APR FC

    APR FC ni ikipe y’ingabo z’igihugu, kuba shampiyona yarahagaze kubera icyorezo nta ngaruka byigeze bibagiraho kuko bo bakomeje guhembwa nk’ibisanzwe, ntabwo amasezerano yabo yahagaze cyangwa ngo umushahara ugabanywe.

    AS Kigali

    AS Kigali ikipe ifashwa n’Umujyi wa Kigali, iyi nayo ntabwo abakinnyi bagizweho ingaruka n’ihagarara rya shampiyona cyane ko bo bari mu mukino nyafufika, bakomeje akazi nk’ibisanzwe ndetse n’umushahara wabo ukomeza kuza.

    Kiyovu Sports

    Kiyovu Sports cyangwa Urucaca nk’uko bayitazira, ni imwe mu makipe yahagaritse imishahara y’abakinnyi.

    Muri Mutarama hagati nibwo iyi kipe yafashe umwanzuro wo guhagarika amasezerano y’abakinnyi bitewe n’uko batarimo gukina kandi mu gihe shampiyona itarimo kuba ntaho bakura amafaranga yo guhemba kuko n’abaterankunga ntacyo babafasha.

    Mu minsi ishize baherutse gufasha abakinnyi bayo bagira amafaranga babagenera.

    Rayon Sports

    Ni ikipe 100% itunzwe n’abafana bayo ndetse n’abaterankunga, mu gihe shampiyona itarimo kuba ni imwe mu makipe aba yugarijwe n’ikibazo cy’amikoro kuko amafaranga abafana batanga, binjira ku bibuga n’umusanzu wa buri kwezi biragoye kuyabona kandi aba afatiye runini ikipe.

    Iyi kipe mu mpera za Mutarama 2021, yafashe umwanzuro wo kugabanya umushahara w’abakinnyi aho bazajya bahembwa 30% kugeza basubiye mu kazi.

    Police FC

    Police FC, ikipe y’igipolisi cy’u Rwanda, ntabwo muri ibi bihe yigeze igabanya imishahara cyangwa ngo ihagarike amasezerano y’abakinnyi, bakomeje guhembwa nk’ibisanzwe.

    Gasogi United

    Gasogi United y’umuherwe Kakooza Nkuriza Charles[KNC], ni imwe mu makipe yafashe umwanzuro wo guhagarika amasezerano y’abakinnyi by’igihe gito.

    Shampiyona igihaharikwa yahise abwira abakinnyi be ko amasezerano yabo agiye kuba ahagaze kugeza shampiyona igarutse.

    Gusa n’ubwo yahagaritse amasezerano agerageza gufasha abakozi be uko bishoboka kose muri ibi bihe, hari amafaranga abagenera yo kubafasha.

    Bugesera FC

    Ikipe iri mu biganza by’akarere ka Bugesera, iyi ikaba yarafashe umwanzuro wo kugabanya umushahara w’abakinnyi aho bafata 30%.

    Sunrise FC

    Sunrise FC, ibarizwa Iburasirazuba mu karere ka Nyagatare, iri mu makipe make atarigeze ahagarika amasezerano y’abakinnyi.

    Bashobora gutinda guhembwa ariko ntabwo ubuyobozi bw’iyi kipe bwigeze bugabanya imishahara cyangwa ngo buhagarike amasezerano y’abakinnyi.

    Mukura VS

    Mukura VS ifashwa n’akarere ka Huye, tariki ya 31 Mutarama 2021, abakinnyi babwiwe ko amasezerano abaye ahagaze kugeza shampiyona igarutse.

    AS Muhanga

    Ikipe ya AS Muhanga ifashwa n’akarere ka Muhanga, nayo yafashe umwanzuro wo guhagarika amasezerano y’abakinnyi kugeza shampiyona igarutse.

    Musanze FC

    Musanze FC yo mu karere ka Musanze, imwe mu makipe afite abaterankunga benshi, yagabanyije imishahara y’abakinnyi bakaba bazajya bahembwa 30%.

    Etincelles FC

    Shampiyona igihagarikwa, iyi kipe yo mu karere ka Rubavu, abakinnyi nabo bahise bamenyeshwa ko amasezerano yabo abaye ahagaze by’igihe gito(chamage technique), akazasubukurwa shampiyona isubukuwe.

    Marines FC

    Marines FC nayo ni ikipe ifashwa na Minisiteri y’Ingabo, iyi nayo ubuzima bwakomeje nk’ibisanzwe aho bahembwa bisanzwe.

    Espoir FC

    Espoir FC yo mu karere ka Rusizi ari nako kayifite mu nshingano, abakinnyi bayo gutangirana n’ukwezi kwa Mutarama bahise bahagarikirwa amasezerano yabo, akazasubukurwa shampiyona igarutse.

    Gorilla FC

    Gorilla FC y’umuherwe Mudaheranwa Hadji, ni umwaka wayo wa mbere mu cyiciro cya mbere, ubu abakinnyi bayo bahisemo kubagabanyiriza imishahara bakajya bafata 50%.

    Rutsiro FC

    Rutsiro FC nayo izamutse mu cyiciro cya mbere uyu mwaka, ntabwo yigeze igabanya imishahara y’abakinnyi bakomeje guhembwa nk’ibisanzwe.

    Source : http://isimbi.rw/siporo/uko-amakipe-16-y-icyiciro-cya-mbere-abayeho-nyuma-y-ihagarikwa-rya-shampiyona