Blog

Uwitwa Jordan M., umunyeshuri w'impuguke mu by'amategeko muri Kaminuza ya Georgetown iherereye i Washington D.C., yisanze mu nkuru idasanzwe — yavuye mu mujyi w'icyubahiro wiga mo, aza gufatirwa mu rugendo rutaramenyekanye neza, aho yagejejwe muri gereza yo mu cyaro mu ntara ya Mississippi, nyuma yo kunyura mu mijyi itanu, mu minsi ine gusa.

Byatangiye byose igihe Jordan yafashe indege ajya gusura inshuti mu mujyi wa Charlotte, muri Leta ya North Carolina. Nyuma y'iminsi mike, yahuye n'ikibazo cy'ubwirinzi bw'amategeko ubwo yashinjwaga nko kuba atitwaye neza mu ruhame — ibintu byari bisanzwe bisa n'akabazo gato, ariko byaje kumugiraho ingaruka zitari ziteganyijwe.

Jordan yakuwe muri Charlotte yoherezwa muri Tennessee, aho yakomeje gufungwa umunsi wose, mbere yo koherezwa mu kindi kigo cya Alabama. Aho naho ntiyahatindiriye. Nyuma yaho, ni bwo yajyanywe mu cyaro cyo muri Mississippi, aho yagejejwe ku biro by'ubuyobozi bw'iyo ntara, agashyirwa muri gereza ifite izina ridasanzwe ry'akajagari n'ubukonje bukabije.

Ibirometero 2,092 ni intera y'urugendo rwe — ibintu bitamenyerewe ku muntu utarigeze ahamwa n'icyaha.

Abasesenguzi b'amategeko bagaragaje impungenge ku buryo Jordan yitwariwe. Hari bake bavuga ko uburyo bwo kohereza umuntu atemerewe kuganira n'umwunganizi we, byerekana icyuho gikomeye mu mikorere y'inzego z'ubutabera, cyane cyane ku bantu batazwi cyangwa badafite abunganizi bahoraho.

Hashize iminsi ine, nyuma yo kugera muri Mississippi, umuryango we hamwe n'umunyamategeko we batangije ubuvugizi bukomeye kuri internet ndetse no mu binyamakuru. Ibyo byagize uruhare runini mu gutuma akurikiranwa byihuse ndetse akarekurwa nta kirego gikomeje.

Uyu mwigisha w'amategeko yanyuze mu rugendo rukomeye, rugaragaza uko imiterere y'ubutabera ishobora guhindura ubuzima bw'umuntu mu kanya gato. Ni isomo rikomeye cyane ku rubyiruko, by'umwihariko ku banyeshuri bifuza kuba intyoza mu mategeko — ko urugendo rw'ubutabera rusaba gukomeza guharanira ukuri, nubwo byaba bigoye.

Wasobanura ute uko umuntu wo mu mugi w'icyubahiro ashobora kwibona mu cyaro kitazwi, atari we ubishaka?

Ibi bituma dukomeza kwibaza uko amategeko y'imipaka y'imijyi n'intara ashyirwa mu bikorwa, n'impamvu z'amakosa yoroheje ashobora kugera kuri uru rwego.

 

Source : https://kasukumedia.com/umunyeshuri-wumuhanga-wakuwe-mu-ishuri-yisanga-igipangu-cya-gereza/

Ubwo butumwa Amb. Karega yabutanze ubwo abayobozi n'abakora mu Kigo cy'Igihugu cy'Imsiroro n'Amahoro (RRA) n'abo mu Biro by'Umugenzuzi Mukuru w'Imari ya Leta (OAG) basuraga Urwibutso rwa Jenoside rwa Kigali ruri ku Gisozi.

Abakora muri RRA basuye urwo rwibutso ku wa 9 Mata 2025. Bashyize indabo ku mva zishyinguyemo inzirakarengane z'Abatutsi zirenga 250.000 ndetse barabunamira.

Amb. Karega yavuze ko ubundi icyitwa amoko nka 'race' mu Cyongereza gishingiye ku mabara y'uruhu atandukanye abatuye mu bice by'Isi bafite kandi koko bigaragara ko badasa.

Andi moko adakunze no guteza ikibazo ni azwi nka 'clan' mu Cyongereza ingero mu Rwanda zikaba ari Abagesera, Abanyiginya, Abazigaba n'andi.

Yavuze ko ubwo Abakoloni b'Ababaligi bazaga mu Rwanda basanze muri ibyo byombi nta na kimwe bakwitwaza ngo bareme amoko nk'ayo basize iwabo kuko Abanyarwanda bari bafite ibara rimwe kandi iby'Abagesera n'Abanyiginya na byo nta cyo byari bibatwaye.

Yagize ati 'Abazungu baduhaye ubwoko mu ndangamuntu bandikamo 'race' ariko twese turabizi ibyo bisobanuye ibara ry'ururuhu ahubwo icyo baduhaye ni 'tribe'. Abazungu b'Ababiligi baraje basanga turirabura twese ariko badushakamo andi mabara y'uruhu.'

Amb. Karega yavuze ko amoko Ababiligi bazaniye Abanyarwanda ntaho yari ahuriye no kuvuga ko batandukanye kuko na bo ubwabo hari ubwo barebaga umuntu bahaye ubwoko bikabayobera bakamusaba kuzana Indangamuntu ye ngo bakareba ibyanditsemo.

Yakomeje ati 'Hari abahakana ko amoko tutayagizwe ariko mu byukuri amahame ajyanye n'imiterere y'umubiri avuga ko umuntu areshya cyangwa agasa n'ibyo akora. Ushobora kubyara abana babiri b'impanga umwe agakora siporo agakomera akaba yumutse ariko undi akarya inyama akanywa inzoga akabyibuha ukabona afite umubiri woroshye kandi bose ari amaraso amwe.'

Yasobanuye ko imibereho umuntu afite ari yo igena uko amera kuko Abanyarwanda bahinduraga ubuzima bagiye babyara abana badateye nka bo.

Ati 'Aborozi b'Abatutsi bakoraga akazi bahagaze bakanywa mata kandi ikiyagize ni 'calcium' bararambukaga. N'ikimenyimenyi hari Abatutsi barebare bameneshejwe bajya mu nkambi z'impunzi bagaburirwa ibigori bagezeyo babyara abana bagufi cyane. […] Bagarutse mu gihugu bongeye kunywa amata ariko abana babyaye icyo gihe bageze ku myaka 11 basumba ba se na ba nyina.'

Yongeyeho ko muri rusange Abanyarwanda nta moko abarimo kuko imiterere y'umubiri w'umuntu iterwa n'imimerere arimo kuko nk'ubu abana bo mu miryango ifite amikoro biga mu mashuri ahenze ugezeyo utabasha gutandukanyamo Umuhutu n'Umututsi kandi bava ahatandukanye.

Umugenzuzi Mukuru w'Imari ya Leta, Kamuhire Alex yavuze ko Jenoside yakorewe Abatutsi yatewe n'imiyoborere mibi yaranze Repubulika ya mbere n'iya kabiri yamize bunguri politiki y'ivangura y'Abakoloni.

Yashimye abayihagaritse ndetse n'uburyo igihugu gifite ubuyobozi bureba kure.

Ati 'Nta watekerezaga ko guhura gutya tukibuka abacu byashoboka kuko abakoze Jenoside bari bafite umugambi wo kurimbura Abatutsi. Ndashimira Perezida Paul Kagame n'Inkotanyi babashije kwitanga bahagarika Jenoside ndetse bamwe bakiri bato.

'Mu myaka 31 ishize Jenoside ihagaritswe, turashima ubuyobozi bw'igihugu cyacu ku kuba bwaragaruye ituze n'umutekano ubu Umunyarwanda akaba agenda atikanga ko bamutema ndetse uyu munsi u Rwanda ruritabazwa mu kugarura amahoro ahandi.'

Kamuhire kandi yaboneyeho gusaba urubyiruko kurushaho gukomereza ku musingi wubatswe mu nzira y'iterambere bahangana n'abahembera ingebiteketezo ya Jenoside n'imvugo z'urwango.

Abakora muri RRA na OAG bashyize indabo ku mva

Aba bakozi basuye ibice bitandukanye by’urwibutso

Abakora muri RRA na OAG bunamiye abishwe muri Jenoside yakorewe Abatutsi

Hacanywe urumuri rw’icyizere

Umuhanzi Musinga Joe yakoze mu nganzo

Munyentwali Alphonse uyobora Umuryango Aegis Trust yahaye ikaze abakora muri RRA na OAG

Kalisa Ingabire Louise ukora muri RRA yatanze ubuhamya bw’uko yarokotse Jenoside yakorewe Abatutsi

Umugenzuzi Mukuru w'Imari ya Leta, Kamuhire Alex yavuze ko Jenoside yakorewe Abatutsi yatewe n'imiyoborere mibi yaranze Repubulika ya mbere n'iya kabiri

Ambasaderi w'u Rwanda wihariye mu Karere k'Ibiyaga Bigari, Amb. Vincent Karega yavuze ko Abanyarwanda bazaniwe amoko, agamije kubatandukanya

Komiseri Mukuru w’Ikigo cy’Igihugu cy’Imisoro n’Amahoro, RRA, Niwenshuti Ronald ni umwe mu bitabiriye uyu muhango wo kwibuka Jenoside yakorewe Abatutsi.

Amafoto: Nezerwa Salomon

---

Source : http://igihe.com/amakuru/u-rwanda/article/ababiligi-basanze-abanyarwanda-duhuje-ibara-ry-uruhu-badushakamo-andi-moko-amb

Ni ubutumwa bwatanzwe mu gihe u Rwanda ruri mu Cyumweru cy'Icyunamo n'iminsi 100 yo kwibuka Jenoside yakorewe Abatutsi, yahitanye ubuzima bw'inzirakarengane zirenga miliyoni mu mezi atatu.

Perezida wa PSP, Nkubana Alphonse, yabwiye abanyamuryango b'iri shyaka ko mu #Kwibuka31 bakwiye gukomeza kuba hafi no gufasha abarokotse Jenoside.

Ati 'Mu gihe cy'iminsi 100 yo kwibuka abacu bazize Jenoside yakorewe Abatutsi barenga miliyoni, ubuyobozi bukuru bw'ishyaka burabasaba kugira uruhare mu gufasha no kuba hafi abarokotse, kwitabira gahunda zose zo kwibuka aho zibera hose mu midugudu mutuyemo.''

Yibukije ko ari inshingano za buri wese guharanira ko Jenoside yabaye mu Rwanda itazongera ukundi binyuze mu kurwanya ingengabitekerezo y'abashaka kuyihembera.

Ati 'Twongere imbaraga mu kwamaganira kure abapfobya n'abagifite ingengabitekerezo ya Jenoside yakorewe Abatutsi ndetse n'abanyamahanga banga u Rwanda baruziza iterambere rumaze kugeraho.'

Nkubana yabwiye IGIHE ko banamagana ibikorwa by'ubwicanyi bukorerwa Abanye-Congo bo mu bwoko bw'Abatutsi bavuga Ikinyarwanda mu Burasirazuba bwa RDC.

Ati 'No mu Rwanda Jenoside yatangiye bayireba baraceceka. Ntibikwiye ko ibibazo biterwa n'ubutegetsi bwa Repubulika Iharanira Demokarasi ya Congo bitwererwa u Rwanda mu gihe ba nyirabyo ntacyo bashaka kubikoraho.''

Mu ijambo yavuze ubwo yatangizaga Icyumweru cy'Icyunamo, ku wa 7 Mata 2025, Perezida Kagame, yavuze ko bibabaje kuba ibihugu bikomeye byitandukanya n'ukuri, bigatera umugongo umuzi w'ikibazo cyo muri RDC bikagihindura icy'u Rwanda.

Yagaragaje ko bitumvikana uburyo Abanye-Congo bameneshwa, bagahunga igihugu cyabo ndetse bamwe muri bo bagera igihe bagahabwa ubuhungiro n'ibihugu byo mu Burengerazuba kandi bikabakira nk'Abanye-Congo, ariko ikibazo kikitirirwa icy'u Rwanda.

Yagize ati 'Imvugo z'urwango, kwica abaturage bazira abo bari bo, kubakura mu ngo zabo, aha dufite ibihumbi by'abaturage baba mu nkambi, bameneshejwe mu byabo muri Congo […] Mbere na mbere babakira babizi ko ari impunzi z'Abanye-Congo, ntabwo babafata nk'Abanyarwanda. Ibisigaye bikaba ikibazo cyanjye.'

Nkubana uyobora PSP asanga urugendo rwo kwiyubaka Abanyarwanda banyuzemo nyuma ya Jenoside yakorewe Abatutsi rukwiye kubaremamo imbaraga zo kwigira no kudatinya abakangisha Igihugu kugifatira ibihano.

Ati 'Amateka yacu tuyakuramo imbaraga zidushoboza kwiyitaho no guhagarara ku cyerekezo cyacu cyo kwigira, kunga ubumwe no guhangana n'abashaka kudusubiza inyuma.''

PSP yasabye urubyiruko kubakira ku butwari bw'Inkotanyi mu rugendo ruganisha u Rwanda aheza hifuzwa.

Ishyaka ry'Ubwisungane bugamije Iterambere, PSP, ryashinzwe mu 2003. Ni rimwe muri 11 yemewe mu Rwanda. Politiki yaryo ishingiye ku kwimakaza ubwisungane, ubutabera n'iterambere rirambye mu kubaka igihugu kidaheza.

Perezida wa PSP, Nkubana Alphonse, yabwiye abanyamuryango b'iri shyaka ko mu #Kwibuka31 bakwiye gukomeza kuba hafi no gufasha abarokotse Jenoside

---

Source : http://igihe.com/amakuru/u-rwanda/article/kwibuka31-ishyaka-psp-ryasabye-abanyarwanda-kutareberera-abapfobya-jenoside

Filime zitandukanye zagiye zikorwa zagaragaje ubuhamya bw'abayirokotse, uburyo yateguwe n'ingaruka yasize, zikorwa hagamije kugira uruhare mu gusigasira amateka no gukomeza urugamba rwo kubaka ubumwe n'ubwiyunge.

Izi filime zifasha urubyiruko n'abandi bantu batandukanye kumenya amateka y'Igihugu, gutanga ubutumwa bw'ubumwe n'ubwiyunge no guharanira ko ibyabaye bitazongera kubaho ukundi. Inyinshi mu zamenyekanye zakozwe n'Abanyarwanda cyangwa zafatanyijwe n'abanyamahanga.

Gasigwa yakoze nyinshi…

Gasigwa Léopold asanzwe ari umwanditsi, umushakashatsi akaba n'utunganya filime. Uyu mugabo amaze gukora filime nyinshi zirimo n'izagiye zihabwa ibihembo bitandukanye.

Zirimo nka filime yise 'Izingiro ry'Amahoro' isobanura uko Jenoside yakorewe Abatutsi yateguwe, uko yashyizwe mu bikorwa n'uko yahagaritswe, ''Urantokoza'' yakoze yifashishije ubuhamya bw'abana barokotse Jenoside yakorewe Abatutsi, ababyeyi bafite abana bayiguyemo n'abahamwe n'ibyaha byo kwica abo bana muri Jenoside.

Indi yitwa 'L'abcès de la vérité' igaragaza uruhare rwa Kiliziya Gatolika mu itegurwa n'ishyirwa mu bikorwa rya Jenoside yakorewe Abatutsi na 'Miracle and The Family' ivuga ku buryo abagore bishwe bakanafatwa ku ngufu muri Jenoside n'izindi.

Minisitiri ushinzwe Minisiteri y'Ubumwe bw'Abanyarwanda n'Uburinganire mu Rwanda (MINUBUMWE), Dr. Jean-Damascène Bizimana, aheruka gushima uruhare rwa Gasigwa mu gusigasira amateka y'u Rwanda cyane cyane ayerekeye Jenoside yakorewe Abatutsi.

Long Coat

Long Coat ni filime ivuga inkuru mpamo kuri Bamporiki Edouard uvuka ku mubyeyi (se) wakoze Jenoside yakorewe Abatutsi mu 1994, aho agerageza gufasha umukobwa umubyeyi we yiciye ariko ababyeyi be (se na nyina) bakabimuhora.

Long Coat ni filime yasohotse mu mwaka wa 2009 ikorwa na Bamporiki Edouard. Yakiniwe mu Ntara y'Iburengerazuba aho akomoka.

Muri iyi filime hagaragaramo bamwe mu bantu bazwi nk'uwahoze ari umukinnyi w'ikipe y'igihugu y'umupira w'amaguru Jimmy Gatete, umuhanzi Mani Martin n'umuhanzikazi Nirere Shanel ukina ari umukinnyi w'imena.

'Long Coat' ni ubuzima bw'impamo Bamporiki Edouard yanyunzemo nyuma ya Jenoside yakorewe Abatutsi mu 1994. Impamvu yatumye iyi filime yitwa Long Coat ni ikote rirerire ryari rihishe mu gisenge cy'inzu y'iwabo wa Bamporiki, rikaba ryarahoze ari irya se wa Shanel (ukina yitwa Claire) wishwe na se wa Bamporiki.

Trees of Peace

Filime 'Trees of Peace' y'Umunyamerika Alanna Brown ivuga kuri Jenoside yakorewe Abatutsi mu 1994, yaguzwe n'Ikigo cya Netflix kizwiho kuba ari kimwe mu bicururizwaho filime zikomeye ku isi.

Trees of Peace ivuga ku bagore bane barokotse Jenoside yakorewe Abatutsi mu 1994. Igaragaza uko babashije kwihisha iminsi 81 mu mwobo bakawuvanamo icyizere, kwiyunga n'imbaraga zidasanzwe zo guhindura Isi.

Iyi filime igaragaramo Umunyarwandakazi Eliane Umuhire igaruka ku nkuru ijyanye na Jenoside yakorewe Abatutsi mu 1994. Mu Ukuboza 2021 iyi filime yegukanye ibihembo mu Iserukiramuco rikomeye ribera muri Amerika rya American Black Film Festival [ABFF].

https://vimeo.com/127945904

100 Days

100 Days ni filime ya mbere yakozwe ivuga ku mahano ya Jenoside yakorewe Abatutsi mu Rwanda mu 1994. Yasohotse mu 2001, iyobowe na Nick Hughes afatanyije na Eric Kabera.

Iyi filime igaragaza ubuzima bwa Josette, umukobwa w'Umututsikazi n'umuryango we, uko bagerageje kurokoka Jenoside bihishe mu rusengero rwakekwagaho kurindwa n'ingabo za Loni. Ariko, umupadiri w'Umunyarwanda arabahinduka, akabashyikiriza abicanyi.

Filime 100 Days yafatiwe ahantu nyir'izina habereye ubwicanyi, harimo n'urusengero rwo ku Kibuye, ahabereye ubwicanyi bukomeye. Iyi filime yerekana ubukana bwa Jenoside n'ingaruka zayo ku miryango y'Abatutsi. Igaragaramo abantu batandukanye barimo Eric Bridges Twahirwa, Cleophas Kabasita, Davis Kagenza, Mazimpaka Kennedy, Davis Kwizera, David Mulwa, Didier Ndengeyintwali, Denis Nsanzamahoro na Justin Rusandazangabo.

Bazigaga

Filime 'Bazigaga' ivuga kuri Zula Karuhimbi warokoye Abatutsi barenga 200 muri Jenoside. Ikomeje kwandika amateka ku ruhando Mpuzamahanga, yegukana ibihembo bitandukanye.

Iyi filime yagiye hanze mu mpera za 2022. 'Bazigaga' igaruka ku nkuru ya Zula Karuhimbi wari umuvuzi gakondo w'imyaka 62 akarokora Abatutsi basaga 200 bahigwaga mu gihe cya Jenoside yakorewe Abatutsi mu 1994.

Mu nkuru y'iyi filime Shaman Bazigaga arokora umupasiteri n'umwana we w'umukobwa bahigwaga bukware mu gihe cya Jenoside yakorewe Abatutsi mu 1994.

Iyi filime yakozwe na Fulldawa Productions, yayobowe inandikwa na Jo Ingabire Moys. Ikinamo Ery Nzaramba ukina ari Pasiteri Karembe, Eliane Umuhire ukina ari Bazigaga, Roger Ineza ukina ari Prof, Aboudou Issam ukina yitwa 'Voyou', n'abandi.

Uyu mubyeyi wakomoweho inkuru y'iyi filime, yagizwe umurinzi w'igihango, bitewe n'ibikorwa by'indashyikirwa yakoze byo kurokora Abatutsi 200 muri Jenoside mu 1994.

Sometimes in April

'Sometimes in April' ni filime yasohotse mu 2005, iyobowe na Raoul Peck, igaragaza amateka ya Jenoside yakorewe Abatutsi mu Rwanda mu 1994.

Iyi filime ivuga ku buzima bwa Augustin Muganza, wari umukapiteni w'ingabo z'u Rwanda w'Umuhutu, utandukanywa n'umuryango we (umugore w'Umututsikazi n'abana babo). Uyu mugabo aza gufungirwa i Arusha.

Filime yerekana uburyo Augustin Muganza yagerageje gukiza umugore we w'Umututsikazi n'abana babo, ndetse n'ingaruka Jenoside yagize ku muryango we. Iyi filime igaragaza kandi uko amahanga yananiwe guhagarika ubwo bwicanyi, n'ingaruka z'icyo cyuho ku baturage b'u Rwanda.

Iyi filime igaragaramo Umwongereza Idris Elba, Oris Erhuero, Carole Karemera, Debra Winger n'abandi.

---

Source : http://igihe.com/amakuru/u-rwanda/article/filime-wareba-zigaruka-kuri-jenoside-yakorewe-abatutsi

Abagabo batatu bakomoka mu bwoko bw'Abanyamulenge, bamaze igihe mu buhungiro muri Uganda, bahisemo gusubira mu gihugu cyabo cya Repubulika Iharanira Demokarasi ya Congo (RDC) bagiye gutabara ababyeyi babo n'abavandimwe bakomeje kwicwa n'imitwe yitwaje intwaro ikorana n'ubutegetsi bwa Kinshasa.

Aba bagabo ni Maj. Gasinzira Bigizi, umusirikare w'umuhanga uzwiho 'kurasa adahusha', Frank Gatabazi, umwe mu batangije umutwe wa Twirwaneho ariko nyuma agahungira muri Uganda, ndetse na Bonifasi Kadahugwa, wari usanzwe akora ibikorwa by'ubutabazi aho yari yarahungiye.

Nk'uko bigaragara ku ifoto imaze gukwirakwira ku mbuga nkoranyambaga, Gatabazi ni we uri imbere, Bigizi ari hagati, naho Bonifasi aheka ibintu byabo.

Mu ntangiriro z'uku kwezi kwa Mata 2025, ni bwo aba bagabo bambutse umupaka basubira muri RDC, baturutse mu buhungiro.

Ubu bari mu gace ka Kamanyola, mu Ntara ya Kivu y'Amajyepfo, agace kafashwe n'umutwe wa M23 ndetse na Twirwaneho mu mpera z'ukwezi kwa Gashyantare 2025.

Aba bagabo batatu bagarutse muri Congo nyuma y'imyaka myinshi babonye ubwicanyi bukorerwa benewabo butagira icyo buhindurwaho. Bivugwa ko baje kwifatanya n'abandi Banyamulenge mu guharanira uburenganzira bwabo no kurinda ubwoko bwabo bukomeje kwibasirwa.

Amateka agaragaza ko Abanyamulenge ndetse n'Abatutsi muri rusange bamaze imyaka myinshi bicwa, batotezwa ndetse bananyagwa n'ubutegetsi bwa RDC.

Byatangiye cyane mu mwaka wa 1964, bitangira kwigaragaza mu buryo bugaragara, bigakomeza kugeza mu 1996 ubwo havukaga umutwe wa AFDL waje no kuvamo RCD, ariko na wo uza guhinduka igikoresho cyo gukomeza kubica aho kubarengera.

Ubwicanyi bwasubiye mu rwego rwo hejuru mu mwaka wa 2017, ubwo hatangiye ibikorwa byo gusenya amazu y'Abanyamulenge, kunyaga inka zabo, no kubica urubozo.

Ibi bikorwa byavugwagaho ko bifitwemo uruhare n'imitwe nka Mai-Mai, FDLR, ndetse n'ingabo za Leta. Urugero ni mu mwaka wa 2020, ubwo abasirikare bo muri brigade ya 12 yari iyobowe na Brig. Gen. Muhima Dieudonné biciye Abanyamulenge benshi mu bice bitandukanye bya Minembwe, barimo abagore bane biciwe i Lulenge, abandi biciwe muri Minembwe Centre na Lundu aho abagore batandatu biciwe.

Ibi byose nibyo byatumye benshi mu Banyamulenge bari mu mahanga batangira gusubira iwabo, barimo abasirikare bahoze mu gisirikare cya Leta ya Congo ariko barimo batandukana nayo.

Bamwe muri bo harimo General Makanika, wari umaze igihe ayoboye Twirwaneho kugeza ubwo yitabaga Imana, na Brigadier General Charles Sematama uzwi ku izina rya Intare-Batinya, ubu uyoboye Twirwaneho.

Kugeza magingo aya, Abanyamulenge baracyakomeje gutabara ubwoko bwabo. Bemeza ko batazatezuka kugeza igihe ubutegetsi bw'i Kinshasa bwahindutse, bukava ku buryo bwabagiraga nk'abanyamahanga ku butaka bwabo.

Maj. Gasinzira Bigizi ni umwe mu basirikare bafite amateka akomeye mu ntambara zabaye muri Congo. Yarwanye mu ntambara zo mu 1996, 1998, 2000 kugeza mu 2013.

Mu 2015, yafashe icyemezo cyo kuva mu gisirikare cya RDC, ahitamo guhunga. Abamuzi bamuvuga nk'umusirikare utajenjeka, bamuziho ubushobozi budasanzwe, ndetse benshi bamufata nk'umwe mu bagabo b'Abanyamulenge batigeze bagira ubwoba.

Gatabazi na Bonifasi bari basanzwe ari abantu bakora ibikorwa by'ubutabazi no gukora mobilisation y'Abanyamulenge bari mu buhungiro.

Gatabazi azwi cyane nk'umwe mu batangije umutwe wa Twirwaneho mu mwaka wa 2008 mu gace ka Bidegu mu Minembwe, n'ubwo nyuma yaje guhunga.

Intambara zishingiye ku moko muri RDC ziracyakomeje, kandi ibikomere ku Banyamulenge ni byinshi. Ariko kandi, igikorwa cy'aba bagabo batatu cyongeye guha icyizere benshi, ko igihe kigeze cyo kwirwanaho, kwigobotora ubutegetsi bubacinyiza no gusubiza icyubahiro ubwoko bwabo.

Source : https://kasukumedia.com/abagabo-batatu-babanyamulenge-bahisemo-kujya-gutabara-bene-wabo-bari-muri-drc/

Umuyobozi wa Comedy Store Uganda, Alex Muhangi, yashimiye ku mugaragaro King Saha ku bw'umutima we wamushyigikiye mu gihe yacurikirwaga na Bebe Cool mu nkiko.

Mu show yo ku mugoroba w'uyu munsi, Muhangi yagaragaje ko nubwo abahanzi benshi babona amafaranga akomeye binyuze mu kwitabira Comedy Store, King Saha ari we wenyine wamufashije mu bihe by'ibibazo by'amategeko ubwo Bebe Cool yamuburanyaga mu rukiko avuga ko yibye ibihangano bye.

Abahanzi benshi basura Comedy Store bagahabwa amafaranga, ariko ubwo Bebe Cool yampororaga mu rukiko, ni King Saha wenyine waje kumpa ubufasha. Ndaza kumuhereza inka ebyiri.

Ibyo umunyarwenya yavuze bije nyuma y'aho King Saha yemeje ko azajya gufata mu maboko ikibazo cya Bebe Cool ku bw'umugambi wa Muhangi — ni igikorwa kigaragaza amakimbirane akomeje hagati ya Saha na Bebe Cool.

Amakimbirane yabo atangiriye ku rutonde rwitwa 'Bebe Cool List,' aho umuyobozi wa Gagamel yahangayikishije Saha ku isuku n'ibiyobyabwenge, nubwo yemera impano ye.

Kuva ubwo, Saha yagiye avuga amagambo menshi kuri Bebe Cool, ariko we akaba yaragumye mu gahinda.

Amaze kubona ubwitange bwa Saha, Muhangi yasabye abakunzi ba Comedy Store gushyigikira uyu muhanzi:

Abakunzi ba Comedy Store, aho hose mwasanga show kandi batazanye Saha ku ishusho y'ikorwa, mwese musabe ku mbuga nkoranyambaga kumusaba. King Saha, ndagushimiye.

 

Source : https://kasukumedia.com/umuyobozi-wa-comedy-store-uganda-ashimira-king-saha-ku-bwubufasha-mu-bihe-byamategeko-na-bebe-cool/

Abanyamakuru ba Televiziyo bo muri Uganda baracyeneye amafaranga, basaba imyenda Sheilah Gashumba atangaza impamvu yaretse gukorana na TV

Sheilah Gashumba yatangaje ko kuba umuyobozi wa Televiziyo muri Uganda atariho byamubayeho mu buryo bw'ubukungu kuko yari ahembwa amafaranga make cyane, bigatuma afata icyemezo cyo kubivamo.

Nigute wabasha kuba uyobora ikiganiro kandi ikintu cyonyine ugira mu myambaro yawe ari agashati ko munsi (knicker)?

Sheilah Gashumba ku buryo abanyamakuru ba Televiziyo bo muri Uganda baracyeneye amafaranga

Sheilah Gashumba yarekeje akazi ke kuri NTV mu 2019, ashingiye ku kuba umushahara we wari muto. Yavuze ko yari ahembwa Ugx 50,000 ku kiganiro kimwe, kandi ko ibyo bitari kumwubakira neza mu buryo bw'ubukungu.

Yaje kwinjira muri NBS TV kugira ngo ajye mu itsinda rya Fantastic 5 muri gahunda ya muzika ya After 5, ariko yaje kuva muri iyo gahunda muri Nzeri 2021 agana kuri NRG Radio Ug.

Mu kiganiro yagiranye na Kauku Live, Gashumba yatangaje ko abanyamakuru ba Televiziyo baracyeneye amafaranga.

Yavuze ko benshi muri bo basaba imyenda bambara ku rubuga kugira ngo bagaragare neza, ariko ku bundi buryo batabona amafaranga ahagije.

'Mu minsi yashize, baguhaga hagati ya Ugx 100k na Ugx 50k ku kiganiro. Ese ibi byaba bifite igitekerezo cy'ubukungu? Sinavuze ibinyoma kuri Ugx 50k. Iyo wasabaga kongerwa umushahara, babikubwiraga nk'aho bakugiriye neza.'

Abanyamakuru ba Televiziyo baracyeneye amafaranga. Basaba imyenda. Nigute waba uyobora ikiganiro kandi ikintu cyonyine ugira mu myambaro yawe ari agashati ko munsi (knicker)? Abantu basaba iyo myenda bategereza kuyisubiza nyuma y'ikiganiro. Ako kanya umaze kurangiza, uyikuramo.

Source : https://kasukumedia.com/ibibazo-byabanyamakuru-ba-televiziyo-bo-muri-uganda-byagaragajwe-sheilah-gashumba-atangaza-ibyukuri-bidasanzwe/

Abanyamerika batatu bari bafungiye i Kinshasa muri Repubulika ya Demokarasi ya Congo (RDC) kubera uruhare bashinjwaga mu kugerageza guhirika ubutegetsi, basubijwe iwabo muri Leta Zunze Ubumwe z'Amerika nyuma y'uko bagabanyirijwe ibihano.

Aba bantu barimo Marcel Malanga Malu, Tyler Tampson, na Benjamin Reuben Zalman-Polun, bari bakatiwe igihano cy'urupfu mu kwezi kwa Nzeri 2024.

Icyo gihano cyemejwe n'urukiko rwa gisirikare tariki ya 27 Mutarama 2025, ariko nyuma ku wa 9 Werurwe 2025, Perezida Felix Tshisekedi yagihinduye igifungo cya burundu.

Itangazo ryasohowe ku wa kabiri n'ibiro bya Perezida Tshisekedi ryemeje ko aba banyamerika bagiye kurangiriza ibihano byabo muri Amerika.

Icyo cyemezo cyaje nyuma y'uruhare rw'inzego zitandukanye zirimo iz'umutekano, iz'ubucamanza, iz'abinjira n'abasohoka ndetse na ambasade y'Amerika i Kinshasa.

Aba bantu barekuwe ku busabe bw'ubushinjacyaha, maze baherekezwa n'inzego z'umutekano kugeza ku kibuga cy'indege mpuzamahanga cya Ndjili, aho bafatiye indege ibasubiza iwabo.

Iyi dosiye yaje gukomera ubwo Massad Boulos, umujyanama mukuru wa Perezida Donald Trump muri Afurika, yasuraga Kinshasa mu cyumweru gishize. Yagiranaga ibiganiro na Perezida Tshisekedi bigaruka ku mikoranire mu bucuruzi bw'amabuye y'agaciro n'ishoramari. Nubwo habayeho gutegura amasezerano, nyuma ubutegetsi bwa Kinshasa bwarayasubitse.

Mu kwezi kwa Nzeri 2024, abantu 37 barimo abo Abanyamerika batatu, Umwongereza, Umubiligi n'Umunyakanada, bakatiwe igihano cy'urupfu nyuma yo guhamwa icyaha cyo kugerageza guhirika ubutegetsi ku itariki ya 19 Gicurasi 2024.

Urukiko rwa gisirikare rwaburanishije abantu 51 muri dosiye imwe, iburanisha ryabo rikaba ryaranyujijwe kuri radiyo na televiziyo y'Igihugu.

Icyo gitero cyagabwe ku ngoro y'umukuru w'Igihugu no ku rugo rwa Vital Kamerhe, Perezida w'Inteko Ishinga Amategeko ya Congo.

Umuyobozi w'icyo gitero, Christian Malanga, ukomoka muri RDC ariko afite ubwenegihugu bwa Amerika, yarishwe muri icyo gikorwa kimwe n'abandi batanu bari kumwe na we.

Marcel Malanga Malu, umuhungu wa Christian Malanga, yavuze mu rukiko ko se yamukangishaga kumwica aramutse atitabiriye icyo gitero.

Tyler Tampson, inshuti ya Marcel, na we yaje kubigiramo uruhare. Bombi bari mu kigero cy'imyaka 20, bakaba barakinanaga umupira w'amaguru muri Leta ya Utah, muri Amerika.

Benjamin Zalman-Polun, uwa gatatu mu Banya-Amerika bari bafunzwe, we yakoranaga ubucuruzi na Christian Malanga.

Ibi byabaye k'ubutegetsi bwa Kinshasa bwari bwarahamije ko butazihanganira ibikorwa byo guhungabanya umutekano w'Igihugu, ndetse bwari bwarashyizeho ingamba zikomeye zo kurwanya udutsiko dushaka kugirira nabi ubutegetsi.

Source : https://kasukumedia.com/drc-yasubije-abanyamerika-iwabo-ubwo-bageragezaga-gukubita-coup-detat-ubutegetsi-buriho/

Lydia Jazmine yatangaje ko ari gukora uko ashoboye ngo muzika ye irenge imbibi z'igihugu, abifashijwemo n'umuhanzi w'inararibonye wo muri Nigeria, Don Jazzy.

 

Mu kiganiro yagiranye na YouTube, Jazmine yavuze ko amaze igihe avugana na Don Jazzy, amusaba inama ndetse n'imikoranire n'abantu bakomeye muri muzika, kugira ngo amufashe gutambutsa impano ye muri Afurika no hanze yayo.

Hari igihe navuganaga na Don Jazzy, ni inshuti yanjye ya hafi, ambwira ko igihe cyose nzaba niteguye kujya muri Nigeria, nazamuhamagara.

Don Jazzy yamusezeranyije ko azamuhuza n'abantu bakomeye muri muzika yo muri Nigeria barimo abatunganya indirimbo, abanditsi b'indirimbo ndetse n'abandi bahanzi bashobora gukorana.

Nubwo intego ari nini kandi ikomeye, Lydia yemeye ko urugendo rugana ku ntsinzi mpuzamahanga rugira imbogamizi zarwo.

'Ubu sinshobora kuvuga ko mfite ubushobozi buhagije kandi si amafaranga gusa. Ariko ni inzozi zanjye zikomeye kurusha izindi: kurenga imbibi.'

'Ugomba kumenya ko ugomba kubanza gushimangira abakunzi bawe bo mu gihugu imbere, kandi narabikoze. Nashakaga gukora igitaramo mbere, kandi naragikoze. Ikindi ni ugushyira hanze album kandi imaze kurangira, igiye gusohoka. Nyuma nzakorera iyo album itangazamakuru hanze ya Uganda.'

Source : https://kasukumedia.com/lydia-jazmine-yerekeje-ku-isi-mpuzamahanga/

Umuhanzi w'Umunyamerikakazi Doja Cat ari mu rujijo rw'urukundo nyuma y'uko umukunzi we Joseph Quinn, uzwi cyane muri Stranger Things, avuzwe ko yagaragaye kuri Raya, application y'abamamare bashaka abakunzi, mu gihe Doja we yari aherutse gusubiza ku byavuzwe ko yaba agiye kurushinga.

Doja Cat, w'imyaka 29, na Joseph Quinn, w'imyaka 31, batangaje ko bari mu rukundo ku mugaragaro muri Kanama 2024 ubwo bafotorwaga barimo guhazanya urukundo i Londres, nyuma yo guhuzwa na Noah Schnapp, umukinnyi wa Stranger Things bakorana. Baherukaga kugaragara bari kumwe tariki 27 Werurwe 2025, ku itangizwa ry'umuryango wa filime Warfare i Los Angeles.

Ariko ubu ikinyamakuru The Sun cyatangaje ko hari uwemeje ko Joseph yongeye gushaka umukunzi binyuze kuri Raya. Uwo muntu yavuze ati:

'Ubwa nyuma babonetse bari kumwe bari bishimye, bari mu birori n'inshuti za Joseph kuri Sunset Tower Hotel.'

Yakomeje agira ati:

'Hashize amezi agera ku munani batangaje urukundo rwabo, ariko ibyo ntibyabujije Joseph kongera kugaragara kuri app z'urukundo.'

'Agarutse kuri Raya kandi biragaragara ko adafunze umutima ku gushaka undi mukunzi—nibyo byumvikana kuko Doja Cat ubwe yigeze kuvuga ko adashyigikiye urukundo rushingiye ku muntu umwe gusa.'

Doja Cat nawe mu kwezi kwa Nzeri 2024 yari yarasubije ku bihuha by'uko yaba yarambitswe impeta, nyuma y'uko afotowe yambaye impeta ku rutoki rujya ku ndangamuntu y'abashyingiwe, ubwo yari mu gitaramo cy'iHeartRadio Music Festival.

Nyuma y'icyo gitaramo, Doja yashyize ubutumwa kuri X (ari bwo bwari Twitter) avuga ati:

'Oya, sinari nambitswe impeta. Ni impeta ya David Yurman nta n'amabuye irimo.'

Gusa yahise asiba ubwo butumwa vuba cyane. Ibyo byakomeje gukurura amarangamutima y'abafana be bari barabonye amafoto ye mu ndirimbo ye Agora Hills, aho yaririmbaga agira ati:

'Rub it in their face, put a rock on her hand' (Bavuge cyane, bamwambike impeta y'agaciro ku kiganza.)

Ibyo byose byabaye nyuma gato y'uko we na Joseph Quinn basohokanye mu buryo butangaje i Londres, aho bagaragaye bafatanye amaboko, baririmbana urukundo rugaragara.

Ibi bibaye kandi hashize imyaka ibiri Doja Cat ashinje Noah Schnapp, wari ufite imyaka 17 icyo gihe, gushyira hanze ubutumwa bwabo bwihariye ku mbuga nkoranyambaga.

Muri ubwo butumwa, Doja yandikiye Noah agira ati:

'Noah, ushobora kumbwira Joseph ngo anyandikire? Yego, afite umukunzi se?'

Noah yasubije amubwira ati:

'LMAO, mwandikire ku DM ze.'

Doja yasubije ati:

'Simenya izina rye kuri IG cyangwa Twitter, nta n'aho nanyura ngo mwandikire.'
Noah yahise amuha konti ya Joseph.

Doja Cat nyuma yavuze mu mashusho ya Instagram Live ko ibyakozwe na Noah byari 'ubugoryi bwo kuri internet' ariko agaragaza ko abato bakora amakosa, ati:

'Si byiza gushyira hanze ibiganiro byihariye. Ariko si ikintu gikomeye. Noah ni umwana. Sinzi imyaka afite neza ariko ntabwo arengeje 21.'

Noah nawe yaje gushyira ubutumwa kuri TikTok avuga ati:

'Twabivuganye, nasabye imbabazi. Ndamukunda kandi nstill nkurikira. Nta rwango ruri hagati yacu.'

Mu gihe Joseph atarahitamo kugira icyo avuga kuri aya makuru, inkuru ikomeje gukwirakwira ku mbuga nkoranyambaga, n'abakurikiranira hafi imyidagaduro bakomeje kwibaza niba koko urukundo rwabo rwarangiye, cyangwa niba ari ibihuha.

Source : https://kasukumedia.com/urukundo-rwa-doja-cat-na-joseph-quinn-mu-rujijo-ese-byarangiye/