Blog

Ibi Umuyobozi w'Akarere ka Rubavu, Mulindwa Prosper yabigarutseho ku wa 9 Mata 2025, ubwo hibukwaga ku nshuro ya 31 Abatutsi biciwe ku Nyundo.

Yagize ati 'Mu bibazo bicyugarije abarokotse Jenoside yakorewe Abatutsi muri aka karere, harimo kuba imiryango 585 amazu yubakiwe muri 2006-2008 mu buryo bw'imiganda ashaje, indi miryango 65 nta bibanza ifite gusa ibi byose turi kugenda tubishakira ibisubizo mu gukomeza kuba hafi abarokotse Jenoside yakorewe Abatutsi.'

Meya Mulindwa yakomeje avuga ko mu gushakira umuti iki kibazo bamaze kuzuza inzu 17 ndetse bagiye kubaka izindi 105 ku buryo uyu mwaka w'ingengo y'imari 2024/2025 izarangira zuzuye.

Perezida wa Ibuka mu Karere ka Rubavu, Mbarushimana Gerard mu kiganiro na IGIHE na we yemeje ko bagifite ibibazo by'amacumbi ashaje.

Ati 'Leta mu bushobozi bwayo iradufasha, gusa mu karere ka Rubavu abarokotse baracyafite ibibazo birimo iby'amazu ashaje akeneye kuvugururwa, n'abandi barokotse ari bato bamaze gukura ariko bakaba badafite aho kuba.'

Akomeza ashimira Leta y'ubumwe bw'Abanyarwanda yakomeje kubaba hafi mu gihe cy'imyaka 31 ishize, ikabatuza, ikabavuza, ikabasubiza ubumuntu bari barambuwe.

Meya Mulindwa yavuze ko bari gushakira umuti ikibazo cy’amacumbi y’abarokotse Jenoside yakorewe Abatutsi

Perezida wa Ibuka mu Karere ka Rubavu, Mbarushimana Gerard mu kiganiro na IGIHE na we yemeje ko bagifite ibibazo by'amacumbi ashaje

Iki gikorwa ngarukamwaka kizaba ku wa 13 Mata 2025, kibere i Bruxelles mu Bubiligi, kikazaba ku nshuro ya kane.

Iri rushanwa ry'intambwe miliyoni (One Million Steps) , ryatangiye ku wa 07 Mata 2025 , rikazasozwa ku wa 04 Nyakanga 2025.

Mu 2024 ryitabiriwe n'abarenga 120 muri bo abarenze umunani babashia kugera ku ntambwe miliyoni zuzuye.

Mu kiganiro IGIHE yagiranye n'Umuyobozi wa Marche de la Vie, Norbert Nsabimana uri mu bategura icyo gikorwa, yavuze ko izo ntambwe ari nk'ibilometero 750 abantu bakora mu gihe cyo kwibuka Jenoside yakorewe Abatutsi.

Ati 'Bidufasha kuba hamwe, ntiduheranwe [n'agahinda], kuko ibi bihe biba bitoroshye ku bijyanye n'amarangamutima.'

Nsabimana yavuze ko kandi iyo umuntu akoze urugendo nk'urwo rugakorerwa mu biti, 'hari ukuntu ugira undi mwuka, ukaruhura ubwonko, ukanagira ibindi bitekerezo.'

Yavuze ko uyu mwaka iri rushanwa rizitabirwa n'abo mu Rwanda mu Bubiligi, muri Leta Zunze Ubumwe za Amerika, n'ahandi.

Yavuze ko Marche-ADPES ari gahunda y'ingendo izwi mu Bubiligi, itangirwa uburenganzira ndetse n'ishyirahamwe ryabo rikaba ryarahawe uruhushya.

Yavuze ko bifuza ko urwo rugendo rwazitabirwa n'abana, n'ababyeyi benshi, kuko buri wese azaba ashobora gukora urugendo rujyanye n'aho ashoboye.

Ati 'Turizera ko hazaboneka nk'abantu bagera ku 1000, kandi n'igikorwa kizitabirwa n'Abanyarwanda cyangwa abandi bose babyifuza.'

Nsabimana yavuze ko ADPES, ari gahunda ishinzwe ibijyanye no kugira ubuzima bwiza muri siporo y'ibigo bikora siporo mu Bubiligi.

Ati 'Bikorwa mu gice kivuga Igifaransa cyose, Wallonie no mu Mujyi wa Bruxelles. Twemerewe muri urwo rugaga kuko twujuje ibisabwa byose.'

Asobanura impamvu y'intambwe miliyoni, Nsabimana yavuze ko zibutsa Abatutsi barenga miliyoni bishwe muri Jenoside yakorewe Abatutsi mu Rwanda, bigakorwa kugira ngo abantu bumve icyo miliyoni bivuze.

Ati 'Gukora ibilometero 750 amezi atatu, umubiri wawe urahinduka, ni bwo umenya ko abishwe bari benshi cyane bikaguha kumva ugomba kubaho ubahesha agaciro bambuwe. Unabikora agirira neza umubiri wawe uwushakira ubuzima bwiza.'

Mu 2021 ni bwo Nsabimana Norbert utuye mu Bubiligi yatangije urugendo rw'amaguru yise 'urugendo rw'ubuzima' (Walk of Life/ Marche de la vie).

Uru rugendo rukorwa mu gikorwa cyo kwibuka Jenoside yakorewe Abatutsi muri Mata 1994.

Ni mu gihe Marche de la vie Asbl yo yatangijwe n'abantu batandatu bashatse kugaragaza imbaraga z'ubufatanye , bikaba n'uburyo bwo guha agaciro abishwe muri Jenoside yakorewe Abatutsi.

Umuyobozi wa Marche de la Vie, Norbert Nsabimana yavuze ko bateguye urugendo mu buryo bwo guha agaciro abishwe muri Jenoside yakorewe Abatutsi

Urugendo rwiswe Marche-ADPES ruzitabirwa n’abingeri zitandukanye

Irushanwa ngarukamwaka rizwi nka “One Million Steps” ryitabirwa n’abantu batandukanye baturutse mu Bubiligi n’ahandi

Mu irushanwa ngarukamwaka rizwi nka “One Million Steps” abantu bakora intambwe miliyoni mu bice bitandukanye byo mu Bubiligi

Hodari Marie Rose wari ufite imyaka 18 ubwo Jenoside yakorerwaga Abatutsi, yavukiye i Shyorongi muri Rulindo.

Mu buhamya bwe yavuze ko mu 1991 ari bwo iwabo babasenyeye bahungira mu Gatenga ndetse ni ho Jenoside yabaye batuye.

Gusa Se wari umwarimu yishwe rugikubita kuko mu gitondo indege ya Habyarimana imaze guhanurwa, abarinzi be bagiye mu rugo rwabo barabasaka ndetse birangira bamurashe.

Aho bari batuye bagize amahirwe yo guhishwa n'umuntu ariko wari ufite abana babiri bazinduka bajya kwica abantu, ababwira ko yakiriye Yesu nk'Umwami n'Umukiza we bityo adashaka kuzabazwa amaraso yabo.

Ku wa 10 Mata 1994 yarabaherekeje abageza muri ETO Kicukiro kuko ari ho n'abandi Batutsi benshi bari bahungiye, hari n'ingabo za MINUAR. Basanze amashuri yaruzuye kubera ubwinshi bw'abahahungiye, baguma mu kibuga.

Yavuze ko nka saa Kumi n'Imwe za mugitondo ku wa 11 Mata, habyutse hari urusaku mu mashuri ubona ko ibintu bitameneze neza, ariko uko bwagendaga bucya ababyeyi barimo batangira kurira bati 'twabahungiyeho none muradusize?'

Ati 'Ababiligi wabonaga bafashe gahunda ntakuka, bagapakira ibintu byabo, kuko njye nari mu kibuga inyuma natwe tukarira ababyeyi bagasenga ngo mwatubabariye, mudusize mu menyo y'urupfu koko?'

Bamaze kubona nta yandi mahitamo basigaranye umwe mu bagabo bari aho yababwiye ko bashaka uburyo bahungira kuri sitade Amahoro nubwo bamwe batari bazi n'aho iherereye.

Batangiye gukiza amagara yabo, bamanuka biruka, bakanyura mu nzira no mu bisambu ariko abantu bari hirya bakabakwena ngo 'dore ba Batutsi MINUAR irabataye.'

Bageze ahazwi nka Sonatubes bagwa mu gico cy'abasirikare ba FAR, barababwira ngo 'mugiye guherekeza Habyarimana?' babategeka kwicara hasi ngo bashake aho babashyira.

Ati 'Baravuga ngo imyanda igomba kujya mu yindi, ngo n'ubundi Habyarimana bagomba kumworosa.'

Bahise babazamukana babasubiza i Nyanza ya Kicukiro baherekejwe na y'imodoka ya gisirikare, ushatse kuvamo ngo yiruke bakamurasa. Bageze Kicukiro Centre bahamagara abakarani bari aho ngo bajye kwica Abatutsi.

Muri urwo rugendo abagiye kwica bagendaga bazinze akaguru k'ibumoso k'ipantalo, bakazingura ak'iburyo kandi bakagira ikintu bafata mu ntoki nk'ikimenyetso cyerekana abatagomba kwicwa.

Bazamutse babatoteza, babatuka ariko bageze i Nyanza ya Kicukiro barababwira ngo bahagarare bageze aho bagomba kubahisha.

Hodari wigaga mu mwaka wa Gatatu muri APACOPE, yari afite inote ya 100 Frw n'isaha mu mufuka, yumva yabitanga kugira ngo yicishwe isasu kuko yabonye igihe Se araswa atagaraguritse.

Abicanyi babajije ushaka gupfa byihuse Hodari aba azamuye akaboko mu ba mbere, baba baramurashe, isaru rinyura muri murumuna we nyina yari yamuhaye ngo amufate akaboko, nibapfa bapfane. Abandi babateyemo grenade amaraso amwuzuraho n'ibice by'imibiri y'abantu bimwuzura ku mugongo.

Umwana w'umukobwa umwe yavuze ko Se ari Umuhutu nyina akaba Umututsikazi ariko abicanyi bararitsira ngo 'ubwo mwese byaza kurangira mubaye Abahutu.'

Bigeze nka Saa Kumi n'Ebyiri na 45' amasasu abashiranye, na grenade zababanye nkeya bavuze ko batashye ariko mu gitondo bagaruka guhorahoza abaraba bagihumeka.

Ku wa 12 Mata abicanyi basubiyeyo bajya mu mirambo umwe amukozeho yumva akiri muzima, amukuramo aterera ku ruhande, ndetse amukubita ubuhiri mu mutwe ku buryo aho hantu hatongeye kumera umusatsi. Nyuma ya Jenoside yakorewe Abatutsi byatumye ajya ava imyuna mu buryo budasobanutse.

Yari asigaye atabaza umuhisi ngo amwice

Uko Hodari yari aryamye aho mu mirambo harimo n'undi mukobwa ukiri muzima bakajya kurigata urume mu rutoki rw'umukecuru hanyuma bakagaruka ahari imirambo y'ababo.

Ni na ko amasasu yacicikanaga hejuru yabo, hagera abantu bambaye impuzankano, Hodari azunguza akaboko ngo abereke ko hari abantu batapfuye ariko ari no kubasaba ngo bamwicishe isasu kuko n'ubundi yumvaga adateze gukira.

Ati 'Baratwegera baravuga ngo twebwe ntabwo twica, turi Inkotanyi, ngo niba mutari mwapfa muzabaho.'

Kugira ngo Abasirikare b'Inkotanyi babashe kubakura aho mu mirambo bakuraga inzugi, bagahambiraho ibiti barangiza bagashyiraho abagihumeka, babageza ku musozi wa Rebero.

Ku rundi ruhande ariko Hodari yafashe murumuna we (Cadette wari bucura) wari wishwe amushyira mu gihuru kugira ngo nyuma azabashe kubona umubiri we.

Nyuma yo kurokorwa kandi yahawe ubuvuzi, aza kubonana n'abavandimwe be babajya gushakisha imibiri y'ababyeyi n'abavandimwe babo haboneka uwa Se, Cadette na Beninka Cecille.

Ati 'Twabanye n'imibiri itatu igihe kirekire tugira amahirwe ko twandikiye ubuyobozi icyo gihe dubasa uburenganzira ngo tuyijyane hamwe badusenyeye mu 1991.'

Ubusabe bwabo bwaremewe, bahamagara abavandimwe n'abantu bagiye baziranye bajya kubashyingura ku ivuko, ndetse uba umunsi w'ibyishimo ko bashyinguye abantu babo.

Nyuma baje kuvanwa aho iwabo bashyingura mu cyubahiro ku Rwibutso rwa Jenoside rwa Kigali ruri ku Gisozi, mu gihe mama we na musaza we witwa Baraka Benjamin bashyinguye mu Rwibutso rwa Nyanza ya Kicukiro.

Ababiligi mubabwire ko nkiriho

Abasilikare b'Ababiligi zari muri ETO Kicukiro bari 97, bayobowe na Col Luc Marchall wari wungirije Gen Romeo Dallaire.

Aba basirikare bahamagajwe n'igihugu cyabo ngo bazinge utwangushye batahe nyuma y'uko bagenzi babo barindaga Minisitiri w'Intebe Agathe Uwiringiyimana bishwe, na we bagahita bamwica.

ETO Kicukiro yari yarahungiyemo Abatutsi barenga 4000, ndetse ku ruzitiro rwayo hahoraga Interahamwe zishaka kubica ariko zigakomwa mu nkokora n'ingabo za Loni zari zigihari.

Hodari yavuze ko yifuza kubwira Ababiligi ko nubwo babasize mu menyo y'urupfu, hari abarokotse bakiriho.

Ati 'Ababiligi badutaye mu menyo y'urupfu mubambwirire ngo Hodari Marie Rose aracyariho, ubu ntabwo afite imyaka 53 y'amavuko ahubwo afite 31 yo kuzuka, afite abana babiri bafite ingufu, ni abanyeshuri, ni abahanga, ni umubyeyi, ibikomere byaravuwe kandi yarabungabunzwe. Uretse kubabarira gusa ariko badutaye mu kangaratete.'

Urubyiruko rurenga 8600 rwitabiriye kwibuka i Nyanza ya Kicukiro

Uyu musozi wiciweho Abatutsi benshi batereranwe n’Ingabo z’u Bubiligi

Ni umuhango wabaye kuri uyu wa 10 Mata 2025, mu Karere ka Rulindo mu Ntara y'Amajyaruguru. Misa yo kumusabira yabereye muri Paruwasi Gatolika ya Rulindo.

Iyo Misa yitabiriwe na bamwe mu bayobozi bakuru mu gihugu barimo, abaminisitiri banyuranye Umushinjacyaha Mukuru wa Repubulika y'u Rwanda, Habyarimana Angelique, Umuvugizi wa Guverinoma y'u Rwanda, Yolande Makolo, Umuvugizi wa Polisi y'lgihugu, ACP Boniface Rutikanga, Umuyobozi Mukuru w'Urwego rw'lgihugu rw'Itangazamakuru (RBA), Barore Cleophas n'abandi.

Bijyanye n'uko Alain Mukuralinda yari inshuti y'abahanzi kumuherekeza byitabiriwe n'abahanzi n'ibyamamare muri sinema nyarwanda, barimo Clapton Kibonke, Ndimbati, Dj Bisoso, Dj Ira, Mico The Best, n'abandi, dore ko banamukoreye indirimbo nka bumwe mu buryo bwo kumushimira uko yavuganiye abahanzi.

Mu mugoroba wo kuzirikana ubuzima bwe, Muyoboke Alex yashimye uruhare rwa Mukuralinda mu guteza imbere ubuhanzi, asaba ko intambwe yari amaze gutera itasubira inyuma.

Muri siporo witabiriwe n'abakinnyi n'abatoza b'ikipe nyakwigendera yari yarashinze yitwa Tsinda Batsinde, n'abandi batandukanye.

Ni igikorwa cyabanjirijwe na Misa yo kumusabira yayobowe na Antoinne Cardinal Kambanda muri Paruwasi Gatolika ya Rulindo.

Arkiyepiskopi wa Kigali, Cardinal Kambanda yagaragaje ko nubwo urupfu rubabaza iyo rutwaye umuntu w'ingenzi nka Alain Mukuralinda, ubuzima butagarukira ku rupfu gusa.

Ati “Urupfu ruratubabaza iyo rudutwaye umuntu nk'uyu uri mu kigero nk'iki, wari ufatiye runini umuryango, wari witezweho byinshi, ariko nubwo bitubabaza ntabwo ubuzima burangirira ku rupfu.”

Cardinal Kambanda yavuze ko Mukuralinda yari umuntu ukunda abantu kandi agakunda Imana, ibyamufashaga kwakira abamugana mu mbaraga ze zose atizigamye.

Ati “Yari umuntu witegereza akareba abana bafite impano cyane cyane abana b'abakene badafite ababatera inkunga, ngo izo mpano zabo zibagirire akamaro n'imiryango yabo. Uwo ni umurage ukomeye adusigiye.”

Sina Gerard uri mu bagize umuryango we, yagaragaje ko Alain Mukuralinda yaranzwe no guca bugufi kandi ko yakundishije abana umurimo n'umuziki muri rusange.

Yavuze ko yabanye na Mukuralinda imyaka itandatu akiva kwiga mu Bubiligi kugeza yubatse urwe rugo ariko ko nta kibazo na kimwe bigeze bagirana.

Yavuze ko mu kazi ke kagoye ka buri munsi bitamubuzaga kubonera umwanya umuryango we kuko yawukundaga cyane.

Sina yashimangiye ko urukundo rukwiye kuba impano ikomeye abantu bamuvomaho.

Umugore wa Mukuralinda wari ufite ikiniga n'agahinda yashimiye imiryango n'inshuti zabafashe mu mugongo, yemeza ko umugabo we agiye yari agikenewe n'umuryango.

Yavuze ko banyuranye muri byinshi, kandi ko yakundaga uko yamukebuzaga igitsure kivanze n'urukundo.

Mukuralinda yavukiye mu Karere ka Rulindo mu 1970, gusa umuryango we wahise wimukira i Kigali, ubwo yari afite imyaka ibiri.

Uyu mugabo wabaye Umushinjacyaha ndetse akaba n'Umuvugizi w'Ubushinjacyaha, yari uzwiho gusabana na bose.

Usibye ibikorwa by'ubutabera na politiki, yari azwi mu bijyanye n'imyidagaduro, aho yabaye umuhanzi w'ikirangirire akoresha izina rya 'Alain Muku' akanagira sosiyete ifasha abahanzi izwi nka Boss Papa.

Yakundaga kandi umupira w'amaguru cyane ko yari afite n'ikipe y'abato.

Ni we wahimbye indirimbo y'Ikipe y'Igihugu Amavubi yitwa 'Tsinda batsinde' ndetse yahimbye n'izindi zakunzwe z'andi makipe.

Imiryango n’inshuti bitabiriye umuhango wo gusezera bwa nyuma Mukuralinda

Misa yo kumusezeraho yasomewe muri Paruwasi ya Rulindo

Yari umukirisitu ukunda abantu bose

Umuyobozi wa RMC, Mutesi Scovia, ari mu bitabiriye uyu muhango

Umuvugizi wa Polisi y’u Rwanda, ACP Boniface Rutikanga

Pierre Damien Habumuremyi wabaye Minisitiri w’Intebe na we yari ahari

Byabereye mu Mudugudu wa Sanganiro, Akagari ka Gakoni Umurenge wa Muganza ku wa 8 Mata 2025.

Tariki 7 Mata, Saa Mbili za mu gitondo Umuyobozi w'Umudugudu wa Sanganiro yamenyesheje ubuyobozi bumukuriye, ko hari abantu bateye amabuye atanu ku rugo rwa Mujyambere Boniface usanzwe ari Perezida wa Ibuka mu Murenge wa Muganza.

Umunyamabanga Nshingwabikorwa w'Umurenge wa Muganza, Ndamyimana Daniel, yabwiye IGIHE ko icyo gihe inzego z'umutekano n'inzego z'ibanze zagiyeyo zifata umwanzuro wo kuhapanga irondo, harara irondo ry'abantu umunani.

Ati 'Byageze Saa Munani z'ijoro, abo bantu bibeshya ko irondo ryatashye baragaruka bongera gutera amabuye irondo rihita ribafata'.

Mujyambere Boniface avuga ko mu myaka itatu ishize byari byarigeze kubaho, ko ku rugo rwe haza abantu bakarara batera amabuye ku nzu ye.

Abafashwe ni Nteziryayo Claude w'imyaka 38 na Minani Abdoul Karim w'imyaka 33, ubu bakaba bafungiye kuri RIB sitasiyo ya Muganza mu gihe bategereje gukorerwa dosiye ngo ishyikirizwe ubushinjacyaha.

Umuyobozi w'Akarere ka Rusizi, Sindayiheba Phanuel mu butumwa yageneye abaturage ba Rusizi mu gikorwa cyo gutangiza icyunamo n'iminsi 100 yo kwibuka, yabasabye kwirinda ingengabitekerezo ya Jenoside.

Ingengabitekerezo ya Jenoside ni igikorwa umuntu akora byaba mu magambo, mu nyandiko, mu mashusho cyangwa ku bundi buryo, igikorwa kigaragaza imitekerereze yimakaza cyangwa ishyigikira kurimbura abantu bose cyangwa bamwe muri bo, bahuriye ku bwenegihugu, ubwoko, ibara ry'uruhu cyangwa ku idini aba akoze icyaha.

Iyo abihamijwe n'urukiko, ahanishwa igifungo kitari munsi y'imyaka itanu ariko kitarenze imyaka irindwi n'ihazabu y'amafaranga atari munsi y'ibihumbi magana atanu (500,000Frw) ariko atarenze miliyoni imwe (1,000,000Frw).

Abagabo babiri bo mu karere ka Rusizi bakurikiranyweho gutera amabuye ku nzu y’uwarokotse Jenoside