Blog

Kubantu benshi bafite amasezerano, uruhare bakwiye kugira ngo asohozwe ntirwitabwaho. Ariko burya uruhare rw’Imana yarurangije ikidusezeranye. Yatwemereye ko izabana natwe aho tuzakandagiza ibirenge byacu, iduha n’ibikwiye byose ngo tugere aho ishaka ko tujya. Uruhare rero ruba rusigaye kuri twe ni uko tugomba kugendana n’Imana tugakorana kugira ngo tuzagere aho yatugambiriyeho ko tugera.

Birumvukana ko ugomba kuba ufitanye umubano mwiza n’Imana , hanyuma ugatera izi ntambwe za ngombwa byibura kugira ngo Imana ibone uko igusohoreza amasezerano:

Ntuzigere wemera kuba hasi (Mediocrity)

Amateka yacu atwemerera gukora ku kigero kiri hasi ya standard ikenewe. Ubuzima tubamobutwemerera kubona ibisobanuro iyo tutageze ku ntego twihaye cyangwa tutujuje inshingano. Rimwe na rimwe nta bantu bafite ubushobozi bwo kugenzura ibyo dukora ngo bamenye ko tudakora ibyo twakagombye gukora.

Ese ujya wibuka ko Imana yadusezeranyije ngo 'Uwiteka azaguhindura umutwe ntazaguhindura umurizo, uzaba hejuru gusa ntuzaba hasi?.' Ibyo abandi batashoboye wowe ugomba kumva ko wowe wabishobora, ibyo abo mu gisekuruza cyawe batagezeho wowe wabigeraho.

Gusa bisaba kuba nka Yabesi ukarambirwa imibereho urimo uyu munsi. Gerageza ukoreshe umubiri uburetwa, koresha imbaraga zawe ugeze ahantu wumva unaniwe, komerezaho ugeze ahantu wumva bitakihanganirwa, ntugatuze kugeza igihe uzagera ku ntego wihaye.

Gerageza kwitekerezaho

Nta kintu gitera ubwoba nko gufata umwanya wo kwitekerezaho. Abakristo twitiranya kwitekerezaho no kwiganyira ndetse rimwe na rimwe mu masengesho tubyatura nk’icyaha. Pawulo yandikiye abaroma ngo: 'Ndababwira umuntu wese muri mwe, mbwirijwe n’ubuntu nahawe, mwe kwifata uko mutari, ahubwo mutekereze mwitonze nk’uko Imana yagereye umuntu wese kwizera'.

Akenshi iyo twitekerejeho tukajya kure mu buzima bwacu, twihana ko twagize kwizera guke, ariko sibyo. Gutekereza cyane ni ikimenyetso cyo kwizera, gutekereza cyane ni ikimenyetso cyo gusa n’Imana. Akenshi iyo dutangiye kwitekerezaho tukabona ibintu bitagenda neza mu buzima bwacu, dushaka ahantu duhungira ibyo bitekerezo.

Bamwe tujya mu masengesho, abandi tukajya mu byumba, abandi tukajya mu bitaramo, gusura inshuti, cyangwa tukajya mu byo twita umurimo w’Imana tugashaka imirimo myinshi dukora mu rusengero tukayihugiraho ngo twiyibagize.

Si uko rero ibintu bikora, tugomba gutekereza ikintu cyose twakora ngo tugere ku gihagararo cya Kristo, haba mu buzima bwacu bw’umwuka, mu mibereho, ubukungu, imbanire n’abandi. Dushakashake uko twamenya ibyo Umwami ashima.

Shaka uburyo waba indashyikirwa

Gerageza kwiga ubumenyi butuma ugira itandukaniro n’abanda bantu muri kumwe muri domain imwe (Daniel 1 :1 8-20). Ntugomba gusigira amahirwe umukoresha wawe cyangwa undi muntu ugomba guha serivisi amahirwe yo kuba yahitamo undi muntu utari wowe.

Kora ku buryo umukoresha wawe yakumva ahangayikishijwe n’uko umunsi umwe uzamwandikira urwandiko umusezera. Kora ku buryo n’umwanzi wawe yumva atagutakaza kubera agaciro akubonamo. Kora ku buryo umuntu ukugambanira mu kazi yumva yakwigiraho. Gerageza kuba umuntu wifuzwa!

Gerageza kuba umunyamumaro

Tangira kugira ikintu ukora niyo waba utagihemberwa, kigaragaza ko uri umunyamumaro muri sosiyete. Yozefu yabaye umugaragu wa Potifari ategereje kuba uwa kabiri kuri Farawo, Mose yari umushumba w’Intama za Sebukwe Yetiro ategereje kuba umuyobozi w’Abisirayeri. Dawidi yacurangiraga umwami Sawuli ategereje kuzaba umwami, Morodekayi yari umuzamu ku irembory’ibwami ategereje kuzaba umuntu ukomeye.

Nabonye abazungu baturusha kumva iri hame cyane: Umwana arangiza Havard akemera kuza kuba umukorerabushake, mwamarana imyaka itatu akajya iwabo akamarayo indi myaka 2 akagaruka ari umuyobozi w’ikigo runaka ku rwego rw’igihugu. Umuco wo gukorera ubushake dukwiye kuwigira kuri Yesu kuko yabonye guhwana n’Imana atari ikintu cyo kugundirwa yemera kuza ku isi.

Twese dufite ibintu tugomba gusiga kugira ngo tube abanyamumaro. Gerageza kurangiza ikintu watangiyeImana ikenera consistency mu byo dukora kugirango ikorane natwe. Abanyamahirwe mu buzima si abahanga, si abafite ubushobozi buhambaye.

Abantu bagiye bakora ibintu bikomeye mu buzima ni abantu bahisemo kimwe cy’ingenzi bakagishoramo imbaraga zabo zose. Hari umuntu umwe wasengaga, Imana iramubwira ngo napfukame bamusengere Imana imukureho umwuka wo kugurisha: Yatangiraga inzu yagera hagati agahita ayigurisha, yagura moto agitangira kuyikoresha agahita ayigurisha.

Ikintu cyose atangiye ntareke ngo kibyare umusaruro. Imana ivuma Kayini yaravuze ngo azaba igicamuke n’inzererezi, muyandi magambo nta kintu yashoboraga gukora ngo kirangire. Rero uwo mwuka urwanya abantu benshi, umuntu akiyandikisha mu isomo ntarirangize, ugatangira inzu ntuyirangize, ugatangira amasengesho ntuyarangize, ugatangira kwandika ikigisho ntukirangize, ugapatana ikiraka ahantu ntukirangize.

Ukabona isoko ryo kugemura ahantu nturirangize, ugahimba indirimbo ntuyirangize, ugatangira kwiga muzika ntubirangize. Mbega ugasanga dufite imishinga myinshiyagiye yubakwa inkuta ariko ntisakarwe. Dukwiye kugira Kamere y’Imana muri twe : Ubwo yaremaga isi n’ibiyirimo, mu bumana bwayo yaruhutse ku munsi wa karindwi kuko niho yari yaragije imirimo yayo, ntabwo dukwiye gucika intege.

Gerageza gukoresha uburyo ufite

Ntugategereze ko hari igihe cyiza cyo gukora ibyo ugomba gukora kitari uyu munsi abizera Imana, nta gihe kidakwiriye cyo gukora neza kibaho nk’uko nta gihe cyiza cyo gukora nabikibaho. Icyo usabwa ni ukwigomwa ibintu bito bito ufitiye ubushobozi:

Wenda urasabwa guhagarika kurya saa sita ebyiri mu cyumweru ngo ukorere permit provisoire, wenda urasabwa kuhagarika gutega moto buri munsi, ukajya uzinduka kugira ngo ubone ibihumbi bitanu byo kwizigama. Wenda urasabwa kwigomwa gusangira n’urungano mu mezi atatu ari imberekugira ngo uzakore professional course imwe, wenda urasabwa kwigomwa amasaha abiriumara kuri social media buri munsi mu gihe cy’amezi atandatu kugira ngo uzabe wamaze kwandika igitabo ku buzima bwawe,…

Menya kubiba imbuto ufite mu ntoki zawe : Igihe amafaranga, impano. Nubibira mu mubiri (kurya, kunywa, kwinezeza, ubunebwe, kwikunda) uzasarura kubora. Ariko nubibira mu mwuka uzasarura inshuro icumi. Niba ari Yesu ubivuze, emera ubikore n’ubwo bitumvikana (Luka 5 :5).

Gerageza guha agaciro itangira rito

'N’ubwo itangira ryawe ryari rito, ariko amaherezo yawe yakunguka cyane'. (Yobu 8:7).Akenshi tugira inzozi zo kuzakora ibintu binini by’agatangaza, ariko ugasanga Imana irashaka ko dutangirira ahantu hadashimishije. Ushobora gusanga mu murenge uzabera umunyamabanga nshingwabikora bari kugusaba kuba umuyobozi w’isibo.

Ushobora gusanga akarere uzayobora mu myaka itanu iri imbere ubu uri umukozi wa MINEDUC, ndavuga umwarimu muri primary cyangwa secondary ukaba uhembwa umushahara utari hejuru.

Wasanga ikigo uzayobora rimwe na rimwe ukoramo nk’umunyabiraka. Nkubwije ukuri uko niko Imana iha imyitozo abantu bayo kugira ngo bazabe abantu bakomeye. Ha agaciro aho hantu uri kuko niho hazakubera urufunguzo.

Gerageza kwifatanya n’abandi

Twigire kuri Yesu: Afite imyaka 12 yasigaye i Yerusalemu atangira kuganira n’abnditsi ndetse n’abigishamategeko ndetse batangazwa no kubona umuntu ukiri muto ufite ubumenyi nk’ubwo yari afite. Rero, n’iyo waba uri umuhanga gute, nutajya ahabona nta muntu uzamenya agaciro kawe. Niba ufite abantu bagutesha agaciro, menya ko hari umuntu wifuza kuzabona umuntu umeze nkawe ngo bakorane urugendo rw’iterambere.

Hari umukoresha wifuza umukozi umeze nkawe akaba yaramubuze ngo amuhembe amafaranga yifuza. Hari umuntu wifuza umuntu umeze nkawe ngo amushyire muri business ye itangire igende neza. Hari Kaminuza zifuza abantu bameze nkawe ngo zibahe scholarship.

Muzahurira he? Muzahura ryari? Ni ikibazo cy’igihe gusa, bizaba byanze bikunze. Gerageza kugira ibintu uhindura mu bikuranga (Curriculum vitae) Hari ibigo byinshi biba bishaka abakozi ugasanga kubona akazi biragoranye, iyo CV yawe idashobora kukuvugira aho hantu. Birumvikana Imana iherekeza CVs zacu iyo dushaka akazi, ariko bisaba ko natwe tuzibyibushya, zigakura zikagera ku gihagararo umukoresha aba ashaka.

Kimwe mu bintu nabonye bituma CV ikura ku bantu batabonye amahirwe yo kubona akazi ni ukugira ‘Professional certificates’ wakuye mu bigo bitanga amahugurwa. Abazungu cyane cyane ntibita kuri degree, ahubwo bareba ubushobozi bwawe muri domai kubera ko barabizi ko Kaminuza nyinshi zidatanga ubumenyi buhagije.

Ikindi kandi ni uko certificates zigaraza inyota ufite yo kumenya ibintu byinshi bitandukanye muri domain yawe (Eagerness to learn). Brian Tracy yaravuzengo 'The only skills that will be needed in 21 st century, is the skill to learn new skills, other things will be obsolete.'

Nugerageza kubaka CV yawe neza no mu bushobozi bwawe, ndakubwiza ukuri ko umukoresha ashobora no kwima akazi murumuna we akakaguha. Abantu benshi bashishikajwe no kubona abakozi babafasha kugera ku ntego zabo, cyangwa z’ibigo byabo kurusha guha akazi abantu kubera ikimenyane.

[email protected]

Mu Ugushyingo umwaka ushize, Macron nibwo yatangaje ko ateganya gusura u Rwanda mu 2021 mu ruzinduko rugamije gushimangira umubano mwiza urangwa hagati y'ibihugu byombi.

Mu kiganiro yagiranye na Jeune Afrique icyo gihe yagize ati 'Ndateganya mbere na mbere uruzinduko muri Angola na Afurika y'Epfo aho zari zarasubitswe kubera imbogamizi zishingiye ku buzima. Ndizera ko nzashobora kujyayo mu byumweru bike biri imbere. Hanyuma no mu Rwanda mu 2021.'

Ntabwo amatariki n'ukwezi uru ruzinduko ruzaberaho biremezwa, gusa amakuru avuga ko byose bizaterwa n'uko icyorezo cya COVID-19 gihangayikishije Isi muri iki gihe cyifashe hirya no hino.

Byitezwe ko uruzinduko rwa Macron mu Rwanda rushobora kuba mbere ya tariki 18 Gicurasi kuko nyuma yayo u Bufaransa buteganya kwakira inama ibuhuza na Afurika yiga ku ishoramari aho yatumiwemo abakuru b'ibihugu bya Afurika barenga icumi.

Mu 2019 Macron yari yatumiwe mu Rwanda mu muhango wo Kwibuka ku nshuro ya 25 Jenoside yakorewe Abatutsi, gusa icyo gihe ntiyabashije kwitabira ahubwo yohereje Abadepite bo mu ishyaka rye rya La République En Marche! barimo Umunyarwanda Hervé Berville wavukiye i Nyamirambo.

Gutumira Macron byanakozwe muri Gicurasi 2018, ubwo Perezida Kagame yitabiraga Inama Mpuzamahanga yiga ku Ikoranabuhanga by'umwihariko ku Iterambere ry'Ibigo bito, izwi nka VivaTech; binakorwa mu Ukwakira 2018 nyuma y'inama y'Inteko Rusange y'Umuryango Mpuzamahanga w'Ibihugu bikoresha Igifaransa, OIF.

Icyo gihe Perezida Kagame yabwiye RFI na France 24 ko kuva Macron yatangira kuyobora u Bufaransa muri Gicurasi 2017, yatumiwe kuzasura u Rwanda.

Kuva Perezida Emmanuel Macron yatorerwa kuyobora u Bufaransa mu 2017, habaye impinduka zikomeye mu mubano w'u Rwanda n'igihugu cye, bitandukanye n'ubuyobozi bwabanje bwa François Hollande.

Mu mwaka we wa mbere muri Elysée, Macron yagaragaje ubushake bwo guhindura politiki y'u Bufaransa kuri Afurika, yubaka umubano w'abafatanyabikorwa bitandukanye n'iy'abamubanjirije.

Perezida Kagame aherutse kubwira Jeune Afrique ko intambwe yatewe kuva Macron yatorwa itandukanye ugereranyije n'uko ibihugu byombi byabanaga mbere, kandi ko bidashingiye ku mubano wabo bombi gusa, ahubwo kuri politiki rusange y'ibihugu.

Muri Mata 2019 Macron nyuma yo guhura n'abayobozi ba Ibuka-France, yashyizeho itsinda ry'impuguke umunani riyobowe na Prof. Vincent Duclert rigomba gucukumbura uruhare rw'u Bufaransa muri Jenoside yakorewe Abatutsi.

Mu gihe Macron yasura u Rwanda, yaba abaye Perezida wa Kabiri w'u Bufaransa ukandagiye ku butaka bwarwo nyuma ya Jenoside yakorewe Abatutsi.

Muri Gashyantare 2010, Sarkozy yasuye u Rwanda ndetse anemera ko ntacyo igihugu cye cyakoze ngo Jenoside yakorewe abatutsi ihagarare, ariko ntiyasaba imbabazi ku ruhare rw'u Bufaransa.

Umubano w’u Rwanda n’u Bufaransa warushijeho kuba mwiza kuva Macron yajya ku butegetsi mu 2017 / Ifoto: Village Urugwiro

Iki gitabo kigiye kumurikwa kizayobora abafite imishinga mito n'iciriritse (SMEs), ndetse kinaborohereze mu kumva no gusobanukirwa ibigikubiyemo mu rurimi rwabo kavukire cyane ko cyari gisanzwe kiboneka mu Cyongereza.

Iki gitabo gisanzwe kizwi nka 'SMEs Guide Book' cyanditswe mu rurimi rw'icyongereza n'Ikigo Mpuzamahanga cya Banki y'Isi Giteza Imbere Abikorera (IFC).

Kuva cyakwandikwa, cyashyizwe mu ndimi zitandukanye zirimo Igifaransa, Icyesipanyole, Ikirusiya, ndetse no mu rurimi rwa Amharic ruvugwa muri Ethiopia. Nibwo bwa mbere kigiye kuboneka mu Kinyarwanda aho gifite umutwe ugira uti “Ifashayobora ry'imiyoborere y'ibigo bito n'ibiciriritse”.

Gikubiyemo imbogamizi ba nyiri imishinga mito n'iciriritse ndetse n'abayishoramo imari bahura nazo, amahirwe babona ndetse n'ibyabafasha kubaka no gukora imishinga yabo igihe kirekire kandi mu buryo buteye imbere.

RSE, yavuze ko hatekerejwe gushyira iki gitabo mu Kinyarwanda kugira ngo abantu barusheho gusobanukirwa ibigikubiyemo.

Iti “iki gitabo kirimo ibijyanye n'imiyoborere, kandi usanga mu bantu bakora imishinga mito n'iciriritse harimo ababa batazi imiyoborere neza bafite ibitekerezo byiza ariko nta micungire ihamye, nta bitabo by'ibaruramari n'icungamutungo wenda, kandi ibyo byose ari byo biri muri kiriya gitabo.'

'Cyari kiri mu Cyongereza, kandi Abanyarwanda bose siko bazi Icyongereza. Ntabwo abantu bafite imishinga ariko bose bize, bivuze ngo n'ibyo bintu by'uburyo ubucuruzi n'imicungire yabwo ikorwa ntabwo ari ko bose babizi, n'abantu batazi Icyongereza ntabwo bivuze ko batabikora, niyo mpamvu cyahinduwe mu Kinyarwanda kugira ngo buri Munyarwanda wese, yaba uzi Icyongereza, yaba utakizi bose bibonemo.'

RSE yakomeje ivuga ko gufasha iyi mishinga mu buryo bw'imiyoborere ari iby'ingenzi cyane ku bukungu bw'igihugu, kuko nibura 90% by'imishinga iri mu gihugu ari imito n'iciriritse.

Iki gitabo kizamurikwa kuri uyu wa Kabiri tariki ya 23 Gashyantare 2021, hifashishijwe ikoranabuhanga rya 'Zoom' guhera saa yine kugeza saa tanu n'igice z'amanywa.

Niba wifuza kwitabira iki gikorwa, urashyira uburyo bwa Zoom muri telefone yawe, cyangwa niba usanzwe uyifite ukayifungura, uho bagusaba kwandika 'Meeting ID' uzandikamo 83043515673, naho aho bagusaba umubare w'ibanga 'Pass Code' wandikemo KY5XNU.

Umuhango wo kumurika iki gitabo uzaba hifashishijwe ikoranabuhanga

Uyu musore ukomoka mu Karere ka Musanze, akurikiranyweho kwica Rutayisire George ku itariki ya 11 Gashyantare 2021 akanamwiba.

Ndayambaje Bahati werekanywe kuri uyu wa Mbere, yavuze ko yemera ko ari we wishe nyakwigendera ubwo bahubiraniraga mu rugo agiye kumwiba.

Uyu Ndayambaje Bahati kandi yari yakoreye nyakwigendera Rutayisire George akaza kumwirukana ngo kuko yari yangije igikoresho cye ku buryo yahagarutse hashize icyumweru kimwe ari na bwo yakoze kiriya gikorwa akurikiranyweho.

Avuga ko yagiye kwa Rutayisire George mu masaha y’umugoroba agiye kumwiba atazi ko yageze mu rugo.

Ati 'Mpageze ngira amahirwe macye duhurira mu nzu nzi ko atarataha hari hafunguye n’umukozi ahari. Nabanje kwinjira nihisha ku modoka, umukozi nabonye yinjiye mu gikoni ninjira mu nzu, mpageze mpasanga umugabo witwa George yaje ansatira turarwana na we byamuviriyemo urupfu, ntabwo nari ngambiriye kumwica nari ngambiriye amafaranga.'

Avuga ko amaze kwica Rutayisire George, yanibye ibihumbi 430 Frw ndetse ko ari byo byari byamuzanye atari yazanywe no kwica.

Uyu musore yahise atorokera mu Murenge wa Kimironko mu Karere ka Gasabo akaba ari na ho yafatiwe.

UKWEZI.RW

Urwego rw’Igihugu rw’Ubugenzacyaha, rutangaza ko Idamange Iryamugwiza Yvonne akurikiranyweho ibyaha bitatu ari byo guteza imvururu cyangwa imidugararo muri rubanda, gukubita cyangwa kugirira urugomo abayobozi mu nzego za Leta no kwigomeka ku buyobozi.

Idamange Iryamugwiza amaze icyumweru atawe muri yombi kuko yafashwe ku mugoroba wo ku wa Mbere w’icyumweru gishize tariki 15 Gashyantare 2021.

Ubwo Ubushinjacyaha bwamutaga muri yombi, bwavuze ko akurikiranyweho icyaha cyo guteza imvururu cyangwa imidugararo muri rubanda.

Ubu akurikiranyweho ibyaha bitatu ni ukuvuga ko hiyongreyeho n’ibyo yakoze ubwo inzego zajyaga kumufata ari byo gukubita cyangwa kugirira urugomo abayobozi mu nzego za Leta no kwigomeka ku buyobozi.

Ubwo Idamange yari amaze gutabwa muri yombi, Polisi y’u Rwanda yahise itangaza ko yakubise icupa mu mutwe umupolisi akamukomeretsa.

Uyu mugore wari umaze igihe atanga ibiganiro kuri Youtube birimo amagambo akarishye arimo imvugo zigamije gupfobya Jenoside yakorewe Abatutsi, yatawe muri yombi nyuma y’igihe aburirwa n’abantu banyuranye ndetse byageze n’aho CNLG isohora itangazo ribuza abantu gukoresha imbuga nkoranyambaga bakoresha imvugo zipfobya.

Nyuma yo gutabwa muri yombi, ku mbuga nkoranyambaga hakunze gukwirakwizwa ibyo yavuze mbere gato yo gufungwa ubwo yavugaga ko Hon Bamporiki Edouard yaje kumureba inshuro ebyiri ngo ashaka kumucecekesha.

Hon. Bamporiki na we wagize icyo avuga kuri biriya, yavuze ko kujyayo zari inshingano ze nk’umunyamategeko kandi nk’inshuti y’umuryango yashakaga kumwibutsa ko ibyo yari ariho akora bigize ibyaha bihanwa mu Rwanda.

UKWEZI.RW